08/05/2025
ആരാണ് "കേണൽ സോഫിയ ഖുറേഷി"?: ആൾ ചില്ലറക്കാരിയല്ല, അറിയാം
ഇന്ത്യൻ ആർമിയുടെ കോർപ്സ് ഓഫ് സിഗ്നൽസിൽ നിന്നുള്ള വളരെ ആദരണീയയായ ഓഫീസറാണ് കേണൽ സോഫിയ ഖുറേഷി.
കേണൽ ഖുറേഷി ഗുജറാത്തിൽ നിന്നുള്ള വ്യക്തിയാണ് . ബയോകെമിസ്ട്രിയിൽ ബിരുദാനന്തര ബിരുദം നേടിയിട്ടുണ്ട്. 1999 ൽ ചെന്നൈയിലെ ഓഫീസേഴ്‌സ് ട്രെയിനിംഗ് അക്കാദമിയിൽ നിന്ന് ലെഫ്റ്റനന്റായി അവർ കമ്മീഷൻ ചെയ്‌തു.
സൈനിക വേരുകളുള്ള ഒരു കുടുംബത്തിൽ നിന്നാണ് അവർ വരുന്നത് - അവരുടെ മുത്തച്ഛൻ ഇന്ത്യൻ ആർമിയിൽ സേവനമനുഷ്ഠിച്ചിട്ടുണ്ട്.
മെക്കാനൈസ്ഡ് ഇൻഫൻട്രിയിലെ ഒരു ഉദ്യോഗസ്ഥനാണ് കേണൽ സോഫിയ ഖുറേഷിയുടെ ഭർത്താവ് .
2006 ൽ കോംഗോയിൽ ഐക്യരാഷ്ട്രസഭയുടെ സമാധാന സംരക്ഷണ ദൗത്യത്തിലും ഖുറേഷി സേവനമനുഷ്ഠിച്ചിട്ടുണ്ട്.
2016 ൽ ഒരു ബഹുരാഷ്ട്ര സൈനികാഭ്യാസത്തിൽ ഇന്ത്യൻ ആർമി സംഘത്തെ നയിക്കുന്ന ആദ്യ വനിതാ ഓഫീസറായി അവർ ചരിത്രം സൃഷ്ടിച്ചിട്ടുണ്ട് .
അക്കാലത്ത് ഇന്ത്യ ആതിഥേയത്വം വഹിച്ച ഏറ്റവും വലിയ വിദേശ സൈനികാഭ്യാസത്തിൽ അവർ ഇന്ത്യയുടെ ടീമിനെ നയിച്ചു. പങ്കെടുത്ത 18 രാജ്യങ്ങളിൽ, അവർ ഏക വനിതാ കമാൻഡറായിരുന്നു.
