Anchal Media

19/05/2026

അഞ്ചലിൽ ഇലക്ട്രിക് പൊതുശ്മശാനം വേണമെന്ന ആവശ്യം ശക്തമാകുന്നു...
ലക്ഷക്കണക്കിന് ജനങ്ങൾ താമസിക്കുന്ന അഞ്ചൽ മേഖലയിൽ ഒരു പൊതു ശ്മശാനം ഇല്ലാത്തത് ജനങ്ങൾക്ക് വലിയ ബുദ്ധിമുട്ടായി മാറുകയാണ്. കൊല്ലം ജില്ലയിലെ കിഴക്കൻ മേഖലയിലെ ജനസാന്ദ്രതയേറിയ പ്രദേശമായ അഞ്ചലിൽ, നഗരപ്രദേശങ്ങളിൽ ചെറിയ സ്ഥലങ്ങളിൽ താമസിക്കുന്നവരും വാടകവീടുകളിൽ കഴിയുന്നവരും സാമ്പത്തികമായി പിന്നാക്ക വിഭാഗങ്ങളിലുള്ളവരും ഏറെ പ്രയാസങ്ങൾ നേരിടുന്നു.
അഞ്ചൽ, അലയമൺ, ഇടമുളയ്ക്കൽ, ഏരൂർ, ഇട്ടിവ, കരവാളൂർ തുടങ്ങിയ പഞ്ചായത്തുകളിലായി ലക്ഷക്കണക്കിന് ജനങ്ങൾ താമസിക്കുന്ന സാഹചര്യത്തിൽ ആധുനിക സംവിധാനങ്ങളുള്ള ഇലക്ട്രിക് ക്രീമേട്ടോറിയത്തിന്റെ അഭാവം വലിയ കുറവാണ്.
നിലവിൽ പല കുടുംബങ്ങൾക്കും ശവസംസ്കാരത്തിനായി തിരുവനന്തപുരത്തെയോ കൊല്ലത്തെയോ ആശ്രയിക്കേണ്ട അവസ്ഥയാണ്. ഇത് സാമ്പത്തിക ബാധ്യതയും സമയനഷ്ടവും മാനസിക ബുദ്ധിമുട്ടുകളും വർധിപ്പിക്കുന്നു.
പരിസ്ഥിതി സൗഹൃദവും ശുചിത്വപരവും കാര്യക്ഷമവുമായ ഇലക്ട്രിക് ക്രീമേട്ടോറിയം ആധുനിക നഗര വികസനത്തിന്റെ പ്രധാന ഘടകമാണ്. ജനങ്ങൾക്ക് മാന്യവും സൗകര്യപ്രദവുമായ സേവനം ഉറപ്പാക്കുന്നതിനായി അഞ്ചൽ മേഖലയിലും ഇത്തരം സംവിധാനം അടിയന്തരമായി സ്ഥാപിക്കണമെന്ന ആവശ്യം ശക്തമാകുന്നു.
അഞ്ചലിന്റെ വികസനത്തിനൊപ്പം പൊതുസൗകര്യങ്ങളും ഉയരേണ്ട സമയമാണിത്. ബന്ധപ്പെട്ട അധികാരികൾ അടിയന്തര നടപടി സ്വീകരിക്കണം.
Adv Sabari P Koikkal

19/05/2026

🚌 അഞ്ചലിൽ KSRTC ഡിപ്പോ വേണമെന്ന് ആവശ്യം ശക്തമാകുന്നു!
📍 ആർ.ഒ ജംഗ്ഷനിൽ പ്രവർത്തിച്ചിരുന്ന അഞ്ചലിലെ KSRTC സ്റ്റേഷൻ മാസ്റ്റർ ഓഫീസ് എവിടെ പോയി?
ഒരുകാലത്ത് യാത്രക്കാരുടെയും ബസ് സേവനങ്ങളുടെയും പ്രധാന കേന്ദ്രമായിരുന്ന ഈ ഓഫീസ് ഇന്ന് ഓർമ്മകളിൽ മാത്രം ബാക്കിയാകുകയാണോ? അഞ്ചൽ പോലൊരു വലിയ മേഖലയിലുണ്ടായിരുന്ന ഈ സംവിധാനം എന്തുകൊണ്ട് ഇല്ലാതായി? മറ്റൊരിടത്തേക്ക് മാറ്റിയോ? ലയിപ്പിച്ചോ? അതോ നിശ്ശബ്ദമായി അവസാനിപ്പിച്ചോ?
ഇതിനിടയിൽ മറ്റൊരു പ്രധാന ചോദ്യം കൂടി ഉയരുന്നു 1990 കളിൽ അഞ്ചലിൽ പ്രഖ്യാപിച്ച കെഎസ്ആർടിസി ഡിപ്പോ എവിടെ?

കൊല്ലം ജില്ലയിലെ മധ്യഭാഗത്ത് സ്ഥിതി ചെയ്യുന്നതും ലക്ഷക്കണക്കിന് ജനങ്ങൾ വസിക്കുന്നതുമായ അഞ്ചലിൽ നിന്ന് ദിവസേന ആയിരക്കണക്കിന് ആളുകൾ വിവിധ ആവശ്യങ്ങൾക്കായി യാത്ര ചെയ്യുന്നു. നിരവധി ഗ്രാമങ്ങളുടെ കേന്ദ്രമായ അഞ്ചലിൽ ഒരു KSRTC ഡിപ്പോ നിലവിൽ വന്നാൽ പൊതുഗതാഗത രംഗത്ത് വലിയ മാറ്റങ്ങൾ സൃഷ്ടിക്കാനാകും.
✅ കൂടുതൽ സർവീസുകൾ
✅ മികച്ച കണക്റ്റിവിറ്റി
✅ യാത്രക്കാർക്ക് കൂടുതൽ സൗകര്യങ്ങൾ
✅ തൊഴിൽ–വികസന സാധ്യതകൾ
✅ പ്രദേശത്തിന്റെ സമഗ്ര വികസനം
അഞ്ചലിന്റെ വളർച്ചയ്ക്ക് അനിവാര്യമായ പൊതുഗതാഗത സംവിധാനമാണ് ഇന്ന് ആവശ്യം..

19/05/2026

ഒരു സമയത്ത് സംസ്ഥാനത്തിന് തന്നെ മാതൃകയായി പൊതു ശുചിമുറികൾ സ്ഥാപിച്ച അഞ്ചൽ ഇന്ന് പൊതുശുചി മുറികൾ ഇല്ലാതെ ജനങ്ങളെ വലയ്ക്കുന്ന സ്ഥലമായി മാറിയിരിക്കുന്നു

പൊതുശുചിമുറി ഇല്ലാതെ ദുരിതത്തിൽ അഞ്ചൽ പട്ടണം
അഞ്ചലിൽ അടിയന്തരമായി കംഫർട്ട് സ്റ്റേഷനുകൾ സ്ഥാപിക്കുക!
അഞ്ചൽ പോലെയുള്ള ഒരു വലിയ പട്ടണത്തിൽ ഇന്നും പൊതുശുചിമുറിയുടെ അഭാവം ജനങ്ങൾക്ക് വലിയ ബുദ്ധിമുട്ടായി മാറിയിരിക്കുകയാണ്. ദിവസേന ആയിരക്കണക്കിന് ആളുകൾ എത്തിച്ചേരുന്ന പട്ടണത്തിൽ സ്ത്രീകൾക്കും മുതിർന്നവർക്കും കുട്ടികൾക്കും യാത്രക്കാരനും അടിയന്തര സാഹചര്യങ്ങളിൽ ഏറെ പ്രയാസമാണ് അനുഭവിക്കേണ്ടി വരുന്നത്.
സ്കൂളുകൾ കോളേജുകൾ ആയിരക്കണക്കിന് വിദ്യാർത്ഥികൾ വന്നു പോകുന്ന മറ്റു വിദ്യാഭ്യാസ സ്ഥാപനങ്ങൾ കച്ചവട സ്ഥാപനങ്ങൾ തിയേറ്ററുകൾ ബസ് സ്റ്റാൻഡ്, മാർക്കറ്റ്, ബാങ്കുകൾ, സർക്കാർ ഓഫീസുകൾ, ആശുപത്രികൾ എന്നിവയ്ക്കായി ആളുകൾ എത്തുന്ന അഞ്ചലിൽ ശുചിത്വപരമായ ഒരു പൊതുശുചിമുറി പോലും ഇല്ലാത്തത് വലിയ വീഴ്ചയാണ്. പലരും നിർബന്ധിതരായി അനാരോഗ്യകരമായ സാഹചര്യങ്ങൾ നേരിടുകയാണ്. പ്രത്യേകിച്ച് സ്ത്രീകൾക്കും രോഗികൾക്കും ഇത് ഏറെ ബുദ്ധിമുട്ടുണ്ടാക്കുന്നു.
“ശുചിത്വ കേരളം” എന്ന് പറയുമ്പോൾ അടിസ്ഥാന സൗകര്യമായ പൊതുശുചിമുറി പോലും ഇല്ലാത്തത് നമ്മുടെ നാട്ടിന്റെ അവസ്ഥയെ ചോദ്യം ചെയ്യുന്നതാണ്. നാട്ടുകാരും വ്യാപാരികളും യാത്രക്കാരും ഒരുപോലെ ഏറെ നാളായി ആവശ്യപ്പെടുന്ന വിഷയമാണിത്.
അഞ്ചൽ പഞ്ചായത്തും ബന്ധപ്പെട്ട അധികാരികളും ഉടൻ ഇടപെട്ട് ശുചിത്വവും സുരക്ഷയും ഉറപ്പുള്ള പൊതുശുചിമുറി നിർമ്മിക്കാൻ നടപടി സ്വീകരിക്കണം. ജനങ്ങളുടെ അടിസ്ഥാന ആവശ്യങ്ങൾ പരിഗണിക്കുന്ന ഒരു വികസനമാണ് യഥാർത്ഥ വികസനം.
അഞ്ചലിൽ അടിയന്തരമായി കംഫർട്ട് സ്റ്റേഷനുകൾ സ്ഥാപിക്കുക!
കാൽനടയാത്രക്കാരും സ്ത്രീകളും ഉൾപ്പെടെയുള്ള പൊതുജനങ്ങൾ നേരിടുന്ന ദുരിതത്തിന് അറുതി വരുത്തുക.
താഴെ പറയുന്ന പ്രധാന കേന്ദ്രങ്ങളിൽ ഉടൻ കംഫർട്ട് സ്റ്റേഷനുകൾ അനുവദിക്കുക:
1.ആർ. ഒ ജംഗ്ഷൻ (R.O Junction)
2.മാർക്കറ്റ് ജംഗ്ഷൻ (Market Junction)
3.അഞ്ചൽ ബൈപ്പാസ് (Anchal Bypass) Take a Brake
4.അഗസ്ത്യക്കോട് അമ്പലമുക്ക്
📢 “അഞ്ചലിന് അടിയന്തരമായി പൊതുശുചിമുറി വേണം”
ഈ ആവശ്യത്തിന് എല്ലാവരും ഒരുമിച്ച് ശബ്ദമുയർത്താം.

19/05/2026

13/05/2026

ഒരു ദിവസത്തെ വാഗമൺ യാത്ര.
കുളത്തുപ്പുഴയിൽ നിന്നും ആരംഭിക്കുന്നു (അഞ്ചൽ, പുനലൂർ എന്നിവിടങ്ങളിൽ പിക്കിങ് പോയിന്റ് ).

12/05/2026

അഞ്ചലിൽ പബ്ലിക് പാർക്ക്‌ വേണമെന്ന ആവശ്യം ശക്തമാകുന്നു...

വലിയ പട്ടണമായി വളരുന്ന അഞ്ചലിൽ കുടുംബങ്ങൾക്കും കുട്ടികൾക്കും മുതിർന്നവർക്കും സമയം ചെലവഴിക്കാനായി നിലവാരമുള്ള ഒരു പബ്ലിക് പാർക്ക് ഇന്നും ഇല്ലെന്നത് വലിയ കുറവാണ്.അഞ്ചൽ, അലയമൺ, ഇടമുളയ്ക്കൽ, ഏരൂർ,ഇട്ടിവ മുതലായ പഞ്ചായത്തുകളായി അഞ്ചൽ മേഖലയിൽ താമസിക്കുന്നത് ലക്ഷകണക്കിന് ജനങ്ങളാണ് ഒരു പബ്ലിക് പാർക്ക് വളരെ ആവശ്യമാണ്.

കളിസ്ഥലം, വാക്കിംഗ് ട്രാക്ക്, കുട്ടികൾക്കായുള്ള പ്ലേ ഏരിയ, ഇരിപ്പിടങ്ങൾ, ഹരിതാഭമായ അന്തരീക്ഷം എന്നിവ ഉൾപ്പെടുത്തി ഒരു പൊതുപാർക്ക് സ്ഥാപിക്കണമെന്ന ആവശ്യം നാട്ടുകാർ ശക്തമായി ഉയർത്തുന്നു.

ജനാരോഗ്യത്തിനും മാനസിക ആശ്വാസത്തിനും വിനോദത്തിനും ഇത്തരം പൊതുസൗകര്യങ്ങൾ അനിവാര്യമാണ്. അഞ്ചലിന്റെ വികസനത്തിനൊപ്പം ജനങ്ങൾക്ക് വിശ്രമിക്കാനും കുടുംബത്തോടൊപ്പം സമയം ചെലവഴിക്കാനും അനുയോജ്യമായ ഒരു പബ്ലിക് സ്പേസ് ഒരുക്കാൻ ബന്ധപ്പെട്ട അധികാരികൾ അടിയന്തര നടപടി സ്വീകരിക്കണം.

അഞ്ചൽ പോലീസ് സ്റ്റേഷന് സമീപമുള്ള കാളചന്ത സ്ഥലമോ ആർ ഓ ജംഗ്ഷനിൽ റേഞ്ച് ഓഫീസിനോട് ചേർന്നോ അഞ്ചൽ ബൈപാസ്സിന് സമീപത്തോ വട്ടമൺ, കോളറ പാലത്തിന് സമീപമോ മാർക്കറ്റ് ജംഗ്ഷനിൽ പഴയ പോലീസ് സ്റ്റേഷൻ സ്ഥിതി ചെയ്ത സ്ഥലത്തോ പബ്ലിക് പാർക്ക്‌ നിർമ്മിക്കാവുന്നതാണ്.

03/05/2026

ഈ നിയമസഭ ഇലക്ഷന് പുനലൂരിൽ വിജയിക്കുന്ന സ്ഥാനാർത്ഥി എത്ര ഭൂരിപക്ഷത്തിൽ വിജയിക്കും?

29/04/2026

വേറെ ഏത് സ്ഥലത്ത് ഇങ്ങനെ ഒര ദൈവ ദാസനായ ഡോക്ടറുണ്ട്? അഞ്ചലിന്റെ സ്വന്തം Dr. Devadas❤️
(വർഷങ്ങൾക്ക് മുമ്പ് എടുത്ത് വീഡിയോ )

25/04/2026

പ്രണാമം 🌹
*ഗുരു മുനി നാരായണ പ്രസാദ്* വെളുപ്പിന് 3 . 55 ന് ( 25 / 04 / 26 ) സമാധിയായി .

13/07/2024

അഞ്ചലിൽ പബ്ലിക് പാർക്ക്‌ വേണമെന്ന് ആവശ്യം ശക്‌തം