Gujarat News Malayalam

01/01/2026

Wishing everyone a happy and prosperous new year

31/12/2025

ഗുജറാത്ത് മലയാളിയുടെ വെബ് സീരീസ് റിലീസ് നാളെ

വാപ്പി : ലാസ്യ പ്രൊഡക്ഷൻസിന്റെ ബാനറിൽ ബിനു നായർ നിർമ്മിച്ചു സ്മിത ബിനു കഥയും തിരക്കഥയും സംഭാഷണവും എഴുതി പ്രശാന്ത് മണിമല സംവിധാനവും എഡിറ്റിങ്ങും നിർവഹിച്ച ടെക്കി ഗേൾസ് എന്ന വെബ് സീരീസ് സീസൺ 1 ന്റെ ആദ്യ എപ്പിസോഡ് ജനുവരി 1 ന്യൂ ഇയർ ദിനത്തിൽ ലാസ്യ പ്രൊഡക്ഷൻസിന്റെ യൂട്യൂബ് ചാനലിൽ കൂടി റിലീസ് ചെയ്യുന്നു.

മൂന്ന് എപ്പിസോഡ് ആയിട്ടാണ് സീസൺ 1 എത്തുന്നത്. ഗുജറാത്ത്‌ വാപ്പിയിലും കേരളത്തിലുമായി ചിത്രീകരിച്ച ഈ സീരീസ് ന്റെ മ്യൂസിക് അർജുൻ വി അക്ഷയയും, ക്യാമറ രാഹുൽ പൊൻകുന്നവും നിതിൻ തടിയൻസും, മേക്കപ്പ് ബിബിൻ വാഴൂരും, ആർട്ട്‌ മൈക്കിൾ ജോസഫും, സൗണ്ട് മിക്സിങ് സരോഷ് പി എ യും, പോസ്റ്റർ ഡിസൈനിങ് പ്രശാന്ത് മണിമലയും ആണ് നിർവഹിച്ചിരിക്കുന്നത്. വാപ്പി ലാസ്യയിലെ അഭിനേതാക്കൾക് ഒപ്പം കേരളത്തിൽ നിന്നുള്ളവരും ഇതിൽ അഭിനയിച്ചിരിക്കുന്നു.

2024 ൽ മലയാളത്തിലും ഹിന്ദിയിലും ഇറങ്ങിയ ലേക്‌ വ്യൂ എന്ന ഷോർട് ഫിലിം ആണ് ആദ്യമായി ലാസ്യ പ്രോഡക്ഷൻസ് നിർമ്മിച്ചത്. ഇന്നത്തെ സമൂഹത്തിനു നൽകുന്ന വലിയൊരു സന്ദേശം കൂടിയായിരുന്നു ഒറ്റപെട്ടു പോയ ഒരമ്മയുടെ നിസ്സഹായത വിവരിച്ച ആ ഹ്രിസ്വ ചിത്രം. വാപ്പിയും ദമണും ആയിരുന്നു ചിത്രത്തിന്റെ ലൊക്കേഷൻ. പ്രശസ്ത സിനി -സീരിയൽ അഭിനേത്രിയായ ശ്രീകല ആയിരുന്നു അതിൽ പ്രധാന വേഷം ചെയ്തിരുന്നത്. അതിൽ നിന്നും തികച്ചും വ്യത്യസ്തമായ ഇന്നത്തെ തലമുറയുടെ കഥയുമായി ആണ് ഈ ത്രില്ലർ വെബ് സീരീസ് എത്തുന്നത്.

ലാസ്യ കുടുംബത്തിന് ജിഎൻഎം ൻറെ എല്ലാ ഭാവുകങ്ങളും.

ലാസ്യ പ്രൊഡക്ഷൻസിന്റെ യുട്യൂബ് ചാനൽ ലിങ്ക് ആദ്യ കംമെന്റ്റിൽ

Team Gujarat News Malayalam

29/12/2025

ബറോഡ കേരള സമാജം ഫത്തേഗഞ്ച് മേഖല ക്രിസ്മസ്-പുതുവത്സര ആഘോഷം വർണാഭമായി

https://youtu.be/N1Qg7Kyd6_o?si=E96zFIEN4LMlj5k9

Team GNM

ബറോഡ കേരള സമാജം ഫത്തേഗഞ്ച് മേഖലയുടെ ഈ വർഷത്തെ ക്രിസ്മസ്-പുതുവത്സര ആഘോഷങ്ങൾ വർണാഭമായി നടന്നു. സാന്താക്ലോസിന്റ.....

29/12/2025

രാജസ്ഥാനിലെ അനധികൃത മയക്കുമരുന്ന് നിർമ്മാണ കേന്ദ്രം ഗുജറാത്ത് എ.ടി.എസ് തകർത്തു; മൂന്ന് പേർ പിടിയിൽ.

അഹമ്മദാബാദ്: രാജസ്ഥാനിലെ ഭിവാഡിയിൽ ഗുജറാത്ത് ഭീകരവിരുദ്ധ സ്ക്വാഡ് (എടിഎസ്) നടത്തിയ മെഗാ ഓപ്പറേഷനിൽ നിയമവിരുദ്ധമായി നിർമ്മിച്ച 22 കിലോ സൈക്കോട്രോപിക് വസ്തുക്കളും ആൽപ്രാസോലം രാസ വസ്തുക്കളും പിടിച്ചെടുത്തു. കേസുമായി ബന്ധപ്പെട്ട് ഉത്തർപ്രദേശ് നിവാസികളായ മൂന്ന് പ്രതികളെ എടിഎസ് അറസ്റ്റ് ചെയ്തു.
അൻഷുൽ ശാസ്ത്രി, അഖിലേഷ് മൗര്യ, കൃഷ്ണ യാദവ് എന്നിവരാണ് പിടിയിലായത്.
വിതരണ ശൃംഖലയും അന്തർ സംസ്ഥാന ബന്ധങ്ങളും കണ്ടെത്തുന്നതിന് കൂടുതൽ അന്വേഷണം നടക്കുകയാണ്.
പിടിച്ചെടുത്ത വസ്തുക്കൾ ഫോറൻസിക് പരിശോധനയ്ക്കായി അയച്ചിട്ടുണ്ട്

28/12/2025

സൂററ്റ് മലങ്കര ദേവാലയത്തിൽ ഈ വർഷത്തേക്രിസ്തുമസ് ആഘോഷം നടത്തപ്പെട്ടു 24-ാം തീയതി രാത്രി 7 മണിയോടു കൂടി നമസ്ക്കാരവും തിയുഴിയൽ ശിശ്രൂഷയും വി.കുർബാനയും അർപ്പിച്ചു.

Team Gujarat News Malayalam

28/12/2025

ഡിസംബർ 28 ന് അഹമ്മദാബാദ് സന്ദർശന വേളയിൽ അമിത് ഷാ 330 കോടി രൂപയുടെ പദ്ധതികൾക്ക് തുടക്കം കുറിക്കും.

അഹമ്മദാബാദ്: ഡിസംബർ 28 ന് ഗുജറാത്ത്‌ സന്ദർശിക്കുന്ന കേന്ദ്ര ആഭ്യന്തര-സഹകരണ മന്ത്രിയും ഗാന്ധിനഗർ ലോക്‌സഭാ എംപിയുമായ അമിത് ഷാ അഹമ്മദാബാദിൽ നടക്കുന്ന പൊതു, ഔദ്യോഗിക പരിപാടികളിൽ
പങ്കെടുക്കും.
അംദാവാദ് മുനിസിപ്പൽ കോർപ്പറേഷൻ (എഎംസി) നടത്തുന്ന ഏകദേശം 330 കോടി രൂപയുടെ വികസന പദ്ധതികളുടെ ഉദ്ഘാടനം ഇതിൽ ഉൾപ്പെടുന്നു.
രാവിലെ 10:15 ന് ഷേലയിലെ ക്ലബ് 07 ൽ ഇന്ത്യൻ മെഡിക്കൽ അസോസിയേഷൻ സംഘടിപ്പിക്കുന്ന ഐഎംഎ നെറ്റ്കോൺ 2025 ൽ പങ്കെടുക്കുന്ന അമിത് ഷാ
രാവിലെ 11:30 ന് ഷേലയിലെ എസ്പി റിംഗ് റോഡിലെ ഗോപാൽ ഫാമിന് സമീപം എഎംസി നിർമ്മിച്ച വെസ്റ്റേൺ ട്രങ്ക് സീവർ ലൈൻ (ഡ്രെയിനേജ് പൈപ്പ്‌ലൈൻ) പദ്ധതിയുടെ ഉദ്ഘാടനം നിർവഹിച്ചതിന് ശേഷം
ഉച്ചയ്ക്ക് 12:00 മണിയോടെ, വെള്ളപ്പൊക്കത്തെത്തുടർന്ന് പുനരധിവസിപ്പിക്കപ്പെട്ട താമസക്കാർക്ക് നവ വഞ്ചർ ഗ്രാമത്തിലെ 308 വീടുകൾക്ക് കൈമാറും .
തുടർന്ന്, ഉച്ചക്ക് 1 മണിയോടെ ബോഡക്ദേവിലെ പക്വാൻ സർക്കിളിനടുത്തുള്ള ഐക്കണിക് എസ്‌ജി ഹൈവേ ഇടനാഴിയുടെ ഒന്നാം ഘട്ട പൈലറ്റ് പദ്ധതി ഉദ്ഘാടനം ചെയ്ത് ഗണപതി പ്രതിമ അനാച്ഛാദനം ചെയ്യും.
ഉച്ചകഴിഞ്ഞ് 3:45 ന്, ജസ്പൂരിലെ വിശ്വ ഉമിയ ധാമിൽ വിശ്വ ഉമിയ ഫൗണ്ടേഷൻ സംഘടിപ്പിക്കുന്ന യൂത്ത് ബിസിനസ് മഹാസമ്മേളനം 2025 ഷാ ഉദ്ഘാടനം ചെയ്യും.
തുടർന്ന് വൈകുന്നേരം 5:45 ന് ഗോധാവിയിലെ സൻസ്‌കർധാമിൽ നടക്കുന്ന പ്രധാനമന്ത്രി നരേന്ദ്ര മോദിയുടെ ജീവിതത്തെ ആസ്പദമാക്കിയുള്ള 'നമോത്സവ്' എന്ന നാടക പരിപാടിയിൽ ഷാ പങ്കെടുക്കും

26/12/2025

അങ്കലേശ്വറിൽ ‘നൃത്യാഞ്ജലി – 2025’ ഭരതനാട്യം അരങ്ങേറ്റം വിജയകരമായി

അങ്കലേശ്വർ : അങ്കലേശ്വർ മലയാളീ വെൽഫെയർ അസോസിയേഷന്റെ ആഭിമുഖ്യത്തിൽ സംഘടിപ്പിച്ച “നൃത്യാഞ്ജലി – 2025” ഭരതനാട്യം അരങ്ങേറ്റം കലാപ്രേമികളുടെ സാന്നിധ്യത്തിൽ ഭംഗിയോടെയും ഗംഭീരമായും നടന്നു. ശ്രീ. അയ്യപ്പ സ്വാമി ക്ഷേത്രത്തിൽ വച്ച് നടന്ന പരിപാടി ശാസ്ത്രീയ നൃത്തത്തിന്റെ സൗന്ദര്യവും ശുദ്ധിയും മനോഹരമായി അവതരിപ്പിച്ചു.

കുമാരി ആര്യ അജയ്, ബിന്ധ്യ ബിനു, അർച്ചന നാരായണൻ, പവിത്ര നായർ, അഞ്ജിത പണിക്കർ, മാസ്റ്റർ അഭിഷേക് നായർ എന്നിവർ അവതരിപ്പിച്ച നൃത്തം കാണികളുടെ മനസ്സുകൾ കീഴടക്കി. ഗുരു ശ്രീമതി ശാന്തി ശിവൻ മാഡത്തിന്റെ നേതൃത്വത്തിലുള്ള പരിശീലനം പരിപാടിയുടെ നിലവാരം ഉയർത്തി.

AMMA, MWA ഭാരവാഹികൾ, MWA യുടെ മുൻഭാരവാഹികൾ, അഭ്യുദയകാംക്ഷികൾ എന്നിവർ പരിപാടിയിൽ പങ്കെടുത്തു. സംഘാടക സമിതിയുടെയും സഹകരിച്ച എല്ലാവരുടെയും പിന്തുണയാണ് ഈ കലാസന്ധ്യയുടെ വിജയത്തിന് പിന്നിലെന്ന് ഭാരവാഹികൾ അറിയിച്ചു. ഭരതനാട്യത്തിന്റെ മഹത്തായ പാരമ്പര്യം പുതുതലമുറയ്ക്ക് കൈമാറുന്ന ഒരു ഉജ്ജ്വല ശ്രമമായി ‘നൃത്യാഞ്ജലി – 2025’ മാറിയെന്ന് സംഘാടകർ വ്യക്തമാക്കി.

26/12/2025

ജി.എസ്.ആർ.ടി.സി 'ബസ്സിൽ ഭക്ഷണം' നൽകും; പൈലറ്റ് പദ്ധതി അഹമ്മദാബാദിൽ നിന്ന് തുടങ്ങുന്നു..

അഹമ്മദാബാദ്: വിമാനങ്ങളിലും ട്രെയിനുകളിലും ലഭ്യമാകുന്ന സേവനങ്ങൾക്ക് സമാനമായി, .ജി എസ്.ആർ.ടി.സി 'ബസ്സിൽ യാത്രക്കാർക്ക് പായ്ക്ക് ചെയ്ത ഭക്ഷണം നൽകുമെന്ന്
ഗുജറാത്ത് സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ (ജിഎസ്ആർടിസി) അറിയിച്ചു.
യാത്രക്കാർക്ക് നേരിട്ട് അവരുടെ സീറ്റുകളിൽ ഭക്ഷണം എത്തിക്കുക എന്നതാണ് "ഓൺ-ഡിമാൻഡ് പാക്ക്ഡ് ഫുഡ് എന്ന് പേരായ സംരംഭത്തിന്റെ ലക്ഷ്യം.
അഹമ്മദാബാദിലെ പാൽഡി, സിടിഎം, കൃഷ്ണനഗർ, നരോദ പാട്യ, നെഹ്‌റുനഗർ, റാണിപ്, നരോൽ ക്രോസ് റോഡ്, സർഖേജ്, ഓധവ് ക്രോസ് റോഡ്, അദലാജ്, ജഷോദനഗർ പോയിന്റ്, പിക്കപ്പ് സ്റ്റാൻഡ് എന്നിവയുൾപ്പെടെയുള്ള പ്രധാന സ്റ്റോപ്പുകൾ ഉൾക്കൊള്ളുന്ന എക്സ്പ്രസ് ബസ് റൂട്ടുകളിലാണ് പരീക്ഷണാടിസ്ഥാനത്തിൽ ഈ സംരംഭം ആദ്യം ആരംഭിക്കുക.
GSRTC യുടെ ഓൺലൈൻ പാസഞ്ചർ റിസർവേഷൻ സിസ്റ്റം (OPRS) വഴി യാത്രക്കാർക്ക് അവരുടെ ബസ് ടിക്കറ്റുകൾക്കൊപ്പം ഓൺലൈനായി ഭക്ഷണം മുൻകൂട്ടി ബുക്ക് ചെയ്യാൻ കഴിയും. ഭക്ഷണം എത്തിക്കേണ്ട സ്റ്റോപ്പിൽ എത്തുന്നതിന് കുറഞ്ഞത് മൂന്ന് മണിക്കൂർ മുമ്പെങ്കിലും ഓർഡറുകൾ നൽകണം. യാത്രയ്ക്കിടെ യാത്രക്കാർക്ക് ഓർഡറുകൾ നൽകാനും കഴിയും.
നിയുക്ത ഏജൻസി ബസിൽ പുകയില, ബീഡി, ഗുട്ട്ക, നോൺ-വെജിറ്റേറിയൻ ഇനങ്ങൾ, അല്ലെങ്കിൽ മറ്റ് നിരോധിത ഉൽപ്പന്നങ്ങൾ എന്നിവ വിളമ്പുന്നത് നിരോധിക്കും. സർവീസിലെ ഏതെങ്കിലും ക്രമക്കേടുകൾക്കോ ​​ഭക്ഷണ വിതരണത്തിലെ കാലതാമസത്തിനോ കോർപ്പറേഷന്റെ മാർഗ്ഗനിർദ്ദേശങ്ങൾ അനുസരിച്ച് 5,000 രൂപ മുതൽ 10,000 രൂപ വരെ പിഴ ഈടാക്കുന്നതാണ്.

26/12/2025

രാജ്‌കോട്ടിലെ നാഗൽപറിൽ 336 ഏക്കർ വിസ്തൃതിയിൽ മെഡിക്കൽ ഉപകരണ പാർക്ക് സ്ഥാപിക്കാൻ ഒരുങ്ങി ജിഐഡിസി.

രാജ്കോട്ട്: രാജ്‌കോട്ടിലെ നാഗൽപറിൽ 336 ഏക്കർ വിസ്തൃതിയിൽ മെഡിക്കൽ ഉപകരണ പാർക്ക് സ്ഥാപിക്കുമെന്ന് ഗുജറാത്ത് ഇൻഡസ്ട്രിയൽ ഡെവലപ്‌മെന്റ് കോർപ്പറേഷൻ (ജിഐഡിസി) അറിയിച്ചു.
മെഡിക്കൽ ഉപകരണ വ്യവസായത്തിനായി സമഗ്രമായ ഒരു ആവാസവ്യവസ്ഥ സൃഷ്ടിക്കുക, ഉൽപ്പാദനം, ഗവേഷണം, ആഗോള കയറ്റുമതി എന്നിവയെ പിന്തുണയ്ക്കുക എന്നതാണ് ഈ സംരംഭത്തിന്റെ ലക്ഷ്യം.
അഹമ്മദാബാദ്, ജയ്പൂർ, ഡൽഹി എന്നിവയുൾപ്പെടെ ഇന്ത്യയിലുടനീളമുള്ള നഗരങ്ങളെ ബന്ധിപ്പിക്കുന്ന പ്രധാന ദേശീയ പാതയായ NH27 ൽ നിന്ന് 9 കിലോമീറ്റർ അകലെയാണ് പാർക്ക്.
പ്രതിദിനം 3.5 ദശലക്ഷം ലിറ്റർ ശേഷിയുള്ള വിശ്വസനീയമായ ജലവിതരണ സംവിധാനം (MLD), സമർപ്പിത ഖരമാലിന്യ സംസ്കരണത്തിനുള്ള വ്യവസ്ഥ, സുസ്ഥിര പ്രവർത്തനങ്ങൾ ഉറപ്പാക്കാൻ ഒരു മലിനജല സംസ്കരണ പ്ലാന്റ് (STP) എന്നിവ സൗകര്യങ്ങളിൽ ഉൾപ്പെടും.
മാത്രമല്ല തടസ്സമില്ലാത്ത വൈദ്യുതി വിതരണം നൽകുന്നതിനായി നിർദ്ദിഷ്ട 66 കെവി സബ്സ്റ്റേഷനായി സ്ഥലം നീക്കിവച്ചിട്ടുണ്ട്. കൂടാതെ ലോജിസ്റ്റിക്സിനെ പിന്തുണയ്ക്കുന്നതിനായി, ഒരു കോമൺ വെയർഹൗസും ലോജിസ്റ്റിക്സ് സെന്ററും ആസൂത്രണം ചെയ്തിട്ടുണ്ട്.

26/12/2025

വഡോദരയിൽ 957 കോടി രൂപയുടെ വികസന പദ്ധതികൾക്ക് മുഖ്യമന്ത്രി ഭൂപേന്ദ്ര പട്ടേൽ തുടക്കം കുറിക്കും.

വഡോദര: മുഖ്യമന്ത്രി ഭൂപേന്ദ്ര പട്ടേൽ ഇന്ന് വഡോദര സന്ദർശിച്ച് 957 കോടി രൂപ വിലമതിക്കുന്ന 99 വികസന പദ്ധതികളുടെ ഉദ്ഘാടനവും, തറക്കല്ലിടലും നടത്തും.
255.6 കോടി വിലമതിക്കുന്ന പതിനേഴു ജലവിതരണ പദ്ധതികളും, 231.93 കോടി വിലമതിക്കുന്ന അഞ്ച് ഡ്രെയിനേജ് പദ്ധതികളും ഇതിൽ ഉൾപ്പെടുന്നു.
2023 ഓഗസ്റ്റിൽ അന്നത്തെ സംസ്ഥാന വ്യവസായ മന്ത്രി പ്രഖ്യാപിച്ചതും നടപ്പുവർഷത്തെ ബജറ്റിലൂടെ ധനസഹായം നൽകുന്നതുമായ അർബൻ ഹാറ്റിന്റെ പണിയും ഇന്ന് ഔപചാരികമായി ആരംഭിക്കും. കരകൗശല വിദഗ്ധർക്കായി പ്രദർശനത്തിനും വിൽപ്പനയ്ക്കും പ്രത്യേക ഇടം, ആംഫി തിയേറ്റർ, ഡൈനിംഗ്, റെസിഡൻഷ്യൽ സൗകര്യങ്ങൾ, സന്ദർശകർക്കായി ഒരു ഫുഡ് കോർട്ട്, തുറന്ന വിനോദ മേഖലകൾ എന്നിവ ഈ സൗകര്യത്തിൽ ലഭ്യമാകും. ഡാൻഡിയ ബസാർ ക്രോസ്‌റോഡിലെ മുൻ ഗവൺമെന്റ് ടെക്‌നിക്കൽ ഇൻസ്റ്റിറ്റ്യൂട്ട് പരിസരത്താണ് പദ്ധതി വരുന്നത്.

26/12/2025

സാമൂഹ്യ പ്രവർത്തകൻ ജയേഷ് മേനോൻ അന്തരിച്ചു; അഹമ്മദാബാദിലെ മലയാളി പ്രസ്ഥാനങ്ങളുടെ അമരക്കാരൻ വിടവാങ്ങി

അഹമ്മദാബാദ്: പ്രമുഖ സാമൂഹ്യ പ്രവർത്തകനും ഗുജറാത്തിലെ മലയാളി സംഘടനാ രംഗത്തെ മുതിർന്ന നേതാവുമായ ജയേഷ് മേനോൻ (55) അന്തരിച്ചു. അസുഖങ്ങളെ തുടർന്ന് അഹമ്മദാബാദിലായിരുന്നു അന്ത്യം.

ഗുജറാത്തിലെ മലയാളി സംഘടനകളുടെ മാതൃസംഘടന ആയ ഫെഗ്മയുടെ (FEGMA) ജനറൽ സെക്രട്ടറിയുമായിരുന്നു അദ്ദേഹം. അഹമ്മദാബാദിലെ സാമൂഹ്യ-സാംസ്കാരിക രംഗത്ത് സജീവ സാന്നിധ്യമായിരുന്ന അദ്ദേഹം, അഹമ്മദാബാദ് കേരള സമാജം ആർട്സ് സെക്രെട്ടറിയായും ജോയിൻ്റ് സെക്രെട്ടറിയായും സേവനമനുഷ്ഠിച്ചിട്ടുണ്ട്.

നായർ സമുദായ സംഘടനകളുടെ വളർച്ചയിലും നിർണ്ണായക പങ്കുവഹിച്ച വ്യക്തിത്വമായിരുന്നു ജയേഷ് മേനോൻ. ഓൾ ഗുജറാത്ത് നായർ അസോസിയേഷൻ ഫോർ സർവീസസ് (AGNAS), അഹമ്മദാബാദ് നായർ വെൽഫെയർ അസോസിയേഷൻ എന്നിവയുടെ സ്ഥാപക പ്രസിഡന്റ് കൂടിയായിരുന്നു അദ്ദേഹം.

ഗുജറാത്തിലെ പ്രവാസി മലയാളി സമൂഹത്തിന് കനത്ത നഷ്ടമാണ് അദ്ദേഹത്തിന്റെ വിയോഗം.

Team Gujarat News Malayalam

26/12/2025

അഹ്‌മദാബാദ് കേരള സമാജത്തിന് പുതിയ സാരഥികൾ

AKSന്റെ 21.12.2025ൽ നടന്ന പൊതുയോഗത്തിൽ താഴെ പറയുന്ന വ്യക്തികളെ അടുത്ത മൂന്ന് വർഷത്തേക്ക് ഉള്ള എക്സിക്യൂട്ടീവ് കമ്മിറ്റി യിലേക്ക് ഐക കണ്ഠേന തിരഞ്ഞെടുത്തു...

പ്രസിഡന്റ്‌.ജേക്കബ് മാത്യൂസ്,
ജനറൽ സെക്രട്ടറി.രവീന്ദ്ര ക്കുറുപ്പ്,
ട്രഷറർ ഹരികൃഷ്ണ പിള്ള.
വൈസ് പ്രസിഡന്റ്‌ മാർ.
അലക്സ്‌ ലുക്കോസ്,
രവി അങ്ങാടി പുറം..
ഷീല വാസു..
ജോയിന്റ് സെക്രട്ടറിമാർ.
N.S.നായർ, മുരളി പൈ, നികേഷ് നായർ.
ജോയിന്റ് ട്രഷറർ മായസ്വാമി നാഥൻ,
ആർട്സ് സെക്രട്ടറി VM.രാജ് കുമാർ,
ജോയിന്റ് ആർട്സ് സെക്രട്ടറി പദ്മ നായർ,
രാജേഷ് നമ്പ്യാർ,
സ്പോർട്സ് സെക്രട്ടറി.
ജോൺ,
ജോയിന്റ് സ്പോർട്സ് സെക്രട്ടറി.
സഞ്ജയ്‌ ദർശൻ,.രഞ്ജിത്ത് നായർ,
PRS. ജോസ് മാത്യു.
Jt.PRS.രഞ്ജിഷ് രവീന്ദ്രൻ