PRIME TV

22/06/2025

ഭാര്യയെ കുത്തി കൊലപ്പെടുത്തിയതിനു ശേഷം ഒളിവിൽ കഴിയുന്ന പ്രതിയാണ് സുനക്കുട്ടൻ, ഇയാളെ കണ്ടു കിട്ടുന്നത് വരെ ഷെയർ ചെയ്യുക.

15/06/2025

അവൾ മുങ്ങിത്താഴുകയായിരുന്നു.
ആരും അതറിഞ്ഞില്ല...
ഒരാളല്ലാതെ മറ്റാരും!
അത് 2022 ജൂൺ മാസമായിരുന്നു, ബുഡാപെസ്റ്റിൽ നടന്ന ലോക ചാമ്പ്യൻഷിപ്പിൽ.
മെക്സിക്കൻ വേരുകളുള്ള അമേരിക്കൻ ആർട്ടിസ്റ്റിക് നീന്തൽ താരം, അനിത അൽവാരസ്, ഒരു കുറ്റമറ്റ പ്രകടനം കാഴ്ചവെക്കുകയായിരുന്നു.

എന്നാൽ അവളുടെ പ്രകടനം അവസാനിച്ചപ്പോൾ... അവൾ ശ്വാസമെടുക്കാൻ മുകളിലേക്ക് വന്നില്ല.
അവൾക്ക് ബോധം നഷ്ടപ്പെട്ടിരുന്നു.
അവളുടെ ശരീരം ഏതാനും നിമിഷങ്ങൾ പൊങ്ങിക്കിടന്നു, എന്നിട്ട് താഴ്ന്നു തുടങ്ങി.

പതുക്കെ. കുളത്തിന്റെ അടിയിലേക്ക്.
കാണികൾ ശ്രദ്ധിച്ചില്ല. ജഡ്ജിമാരും ശ്രദ്ധിച്ചില്ല.

എല്ലാവരും കൈയടിക്കുകയായിരുന്നു.
എന്നാൽ അവളുടെ പരിശീലകയായ ആൻഡ്രിയ ഫ്യൂന്റസ് ശ്രദ്ധിച്ചു.

അവർക്ക് അനിതയെ നന്നായി അറിയാമായിരുന്നു—അവൾക്ക് വെള്ളത്തിൽ നിന്ന് മുകളിലേക്ക് വരാൻ എത്ര സമയമെടുക്കുമെന്ന് കൃത്യമായി അറിയാമായിരുന്നു.
എന്തോ കുഴപ്പമുണ്ടെന്ന് അവർക്ക് തോന്നി.
രണ്ടാമതൊന്ന് ആലോചിക്കാതെ, അവർ വെള്ളത്തിലേക്ക് എടുത്തുചാടി.
വസ്ത്രങ്ങൾ മാറാതെ. ചെരിപ്പുകളോടെ.
അവർ നേരെ താഴേക്ക് നീന്തി, അനിതയെ അരക്കെട്ടിൽ പിടിച്ച്,
മുകളിലേക്ക് കൊണ്ടുവന്നു.
അവർ അവളുടെ ജീവൻ രക്ഷിച്ചു.

ഈ സംഭവം നമ്മെ ചിന്തിപ്പിക്കേണ്ടിയിരിക്കുന്നു ...
നമ്മൾ ചിരിക്കുമ്പോൾ പോലും, നമ്മൾക്ക് സുഖമില്ലെന്ന് തിരിച്ചറിയാൻ മാത്രം ആഴത്തിൽ നമ്മെ അറിയുന്നവർ ആരാണ്?
നമ്മൾക്ക് ശ്വാസമെടുക്കാൻ ശക്തിയില്ലാത്തപ്പോൾ, ഒരു മടിയും കൂടാതെ നമ്മൾക്ക് വേണ്ടി വെള്ളത്തിലേക്ക് എടുത്തുചാടുന്നവർ ആരാണ്?
ഏറ്റവും പ്രധാനമായി...
നമ്മൾ മറ്റൊരാൾക്ക് അങ്ങനെ ഒരാളാകുമോ?
നമ്മുടെ പ്രിയപ്പെട്ടവർ മുങ്ങിത്താഴാൻ തുടങ്ങുന്ന നിമിഷം തിരിച്ചറിയാൻ തക്കവണ്ണം നമ്മൾ അവരുടെ ജീവിതത്തിൽ സന്നിഹിതരാണോ ?
അതോ, അവർ ഉള്ളിൽ മങ്ങിക്കൊണ്ടിരിക്കുകയാണെന്ന് മനസ്സിലാക്കാതെ, നമ്മൾ വെറും കാഴ്ചക്കാരായി കയ്യടിച്ചുകൊണ്ടിരിക്കുകയാണോ?
ഈ ജീവിതത്തിൽ, നമ്മൾക്കെല്ലാവർക്കും നമ്മളെ വെറുതെ കാണുന്ന ഒരാളെ മാത്രമല്ല വേണ്ടത്—
ശരിക്കും ശ്രദ്ധിക്കുന്ന ഒരാളെയാണ്.
നമ്മുടെ ഉള്ള് വിങ്ങുന്നത് അറിയുന്ന ഒരാളെ,
എടുത്തുചാടി നമ്മളെ രക്ഷിക്കാൻ ധൈര്യമുള്ള ഒരാളെ...

കടപ്പാട്

15/06/2025

നീറ്റ് പരീക്ഷക്കായി ലക്ഷങ്ങൾ പൊടിച്ചവരെയൊക്കെ ഞെട്ടിച്ചുകൊണ്ട് സർക്കാർ സ്കൂളിൽ പഠിച്ച ദീപ്നിയ കേരളത്തിൽ ഒന്നാം സ്ഥാനത്തെത്തി യിരിക്കുന്നു. ഓൾ ഇന്ത്യ ലെവലിലുള്ള നീറ്റ് പരീക്ഷയിൽ പാസാകുവാൻ പഴയകാല ചോദ്യക്കടലാസുകളൊക്കെ അരച്ചുകലക്കി കുടിക്കുക, എല്ലാം പറ്റുന്നിടത്തോളം കാണാ പാഠം പഠിക്കുക എന്നതൊന്നുമല്ല ആവശ്യം എന്ന് ദീപ്നിയ തെളിയിച്ചിരിക്കുന്നു.
വെറും സാദാ സർക്കാർ സ്കൂളിൽ പഠിച്ചാണ് ദീപ്നിയ ഈ വൻ വിജയൻ നേടിയെടുത്തത്.

98-99 ശതമാനം മാർക്ക് മേടിക്കുന്ന കുട്ടികൾക്ക് മാത്രം അഡ്മിഷൻ കൊടുക്കുന്ന സ്കൂളുകളും അതിനായി വാങ്ങുന്ന വൻ ഫീസും അല്ല കാര്യം. ഞങ്ങളെക്കൊണ്ടാവില്ല നിങ്ങൾ ഞങ്ങളുടെ മക്കളെ എങ്ങനെയേലും പഠിപ്പിച്ചെടുക്കു എന്ന് പറഞ്ഞ് ട്യൂട്ടോറിയൽ രാജാക്കന്മാർക്ക് സ്കൂളുകൾ തീറെഴുതുന്ന സ്കൂളുകളും മനസിലാക്കണം പഠിക്കാനുള്ള വിഷയങ്ങൾ ശേരിക്ക് പഠിക്കുന്നതാണ് വൻ വിജയത്തിനുള്ള നല്ല വഴി എന്നു.

ഹൃദയപൂർവമായ ആശംസകൾ. പഠനത്തിനുള്ള വഴി വിഷയങ്ങൾ ശേരിക്ക് പഠിച്ചെടുക്കുകയാണ് നല്ല വഴി എന്നു തെളിയിച്ചതിനു നന്ദി. അതിനു ലക്ഷങ്ങൾ ഫീസായി പൊടിക്കേണ്ട എന്നു കാണിച്ചു തന്നതിന് നന്ദി.
#ഫാ_സിറിയക്ക്_തുണ്ടിയിൽ

15/06/2025

ഡെയിൽ സ്‌റ്റെയ്‌ൻ എന്ന അതികായൻ പന്തെ
റിയുവാൻ ഉണ്ടായിട്ടു പോലും അവസാന രണ്ട് ബോളിൽ പത്ത് റൺസ് പ്രതിരോധിക്കാനാകാതെ കീവിസിനോട് ലോകകപ്പിന്റെ സെമിയിൽ തോൽക്കേണ്ടി വന്ന...... (2015)

ആറു വിക്കറ്റ് കയ്യിലിരിക്കെ അഞ്ചു ഓവറിൽ വെറും 30 റൺസ് മാത്രം എന്ന നിലയിൽ നിന്ന ശേഷം ഇന്ത്യയോട് 7 റൺസിന്റെ പരാജയം ട്വീന്റീ 20 ഫൈനലിൽ ചോദിച്ചു വാങ്ങിയ...... ( 2024 ഫൈനൽ )

സ്കോർ തുല്യതയിൽ നിൽക്കേ എതിരാളികൾക്കു
അവസാന വിക്കറ്റ് ദാനം നൽകി ലോകകപ്പ് മോഹങ്ങളുടെ ആയുസ് സെമിയിൽ ഓസ്‌ട്രേലിയക്ക് മുന്നിൽ അടിയറവ് വച്ച....... ( 99 ലോകകപ്പ് )..

തുടങ്ങി നിർണായക മത്സരങ്ങളിൽ അടി പതറുന്നസൗത്ത് ആഫ്രികയുടെ പൂർവകാല ചരിത്രം ആയിരുന്നു,
ലോർഡ്സിൽ സെക്കന്റ് ഇനിങ്സിൽ ആഫ്രിക്കക്ക് മുന്നിൽ 282 റൺസിന്റെ വിജയ ലക്‌ഷ്യം മുന്നോട്ടു വക്കുമ്പോൾ ഓസിസിന്റെ തുറുപ്പ് ചീട്ട്......

കൂടാതെ ലോർഡ്സിൽ അന്നെ വരെ രണ്ടേ രണ്ട് ടീമേ 280 പ്ലസ് ചേയ്സ് ചെയ്തിട്ടുള്ളു എന്ന പ്രത്യാശകരമായ റെക്കോർഡും......

എന്നാൽ ആഫ്രിക്കകാരുടെ മനസ്സിൽ മറ്റൊന്നായിരുന്നു......

ഫൈനൽ ഇനിങ്സിനു മുൻപ് അവരുടെ ക്യാപ്റ്റൻ ബാവുമാ ഡ്രസിങ് റൂമിൽ വച്ചു പറഞ്ഞ വാക്കുകൾ....

" നമ്മൾ ഈ പറഞ്ഞ ഓസ്‌ട്രേലിയയെ അവരുടെ മണ്ണിൽ വച്ചു നാലാം ഇനിങ്സിൽ 110 ഓവറിൽ 414 റൺസ് എടുത്ത് തോൽപ്പിച്ചിട്ടുണ്ട്!

ഇവന്മാരുടെയൊക്കെ വല്യേട്ടന്മാരായ ബ്രറ്റ് ലീയും, ബ്രാക്കനും, സ്റ്റുവർട് ക്ലാർക്കും ഉള്ള ടീമിനെതിരെ 50 ഓവറിൽ 438 അടിച്ചെടുത്തത് നമ്മളല്ലേ?

ആ നമ്മളിന്ന് , ഒരിക്കൽ കൂടി വിജയങ്ങളുടെ ചരിത്രം ആവർത്തിക്കാൻ പോകുകയാണ്........ "

നിറത്തിന്റെ പേരിൽ, ഉയരക്കുറവിന്റെ പേരിൽ, ജാതിയുടെ പേരിൽ ജീവിതത്തിൽ ഒരായിരം വട്ടം പരാജയപ്പെട്ടവരുടെ കൂട്ടത്തിൽ നിൽക്കേണ്ടി വന്ന ആ മനുഷ്യന്റെ വാക്കുകൾക്ക് വില കൊടുത്ത് കൊണ്ടു ഒരു ടീം ഒറ്റ കെട്ടായി തങ്ങളുടെ ക്യാപ്റ്റന്റെ പിറകിൽ അണി നിരന്നപ്പോൾ പതിനൊന്നു കംഗാരുക്കൾ കറുത്ത ഭൂഖണ്ഡത്തിൽ ദുരൂഹമായി അപ്രത്യക്ഷ്യമാകുകയായിരുന്നു.......

അഭിനന്ദനങ്ങൾ സൗത്ത് ആഫ്രിക.... ❤️

മാർക്രം ❤️

ബാവുമ ❤️

©Sanal Kumar Padmanabhan

08/05/2025

08/05/2025

KSFE പ്രവാസി ചിട്ടിയുടെ സേവനങ്ങളെ കുറിച്ച് അറിയുവാൻ UAE പ്രവാസികൾക്ക് സുവർണാവസരം.

09/04/2025

എന്റെ പെങ്ങൾ ജീസാമോൾ കൊലചെയ്യപ്പെട്ടിട്ട് 19 വർഷം പൂർത്തിയായി (ഡിസംബർ 5, 2005)…
ഇന്ന് ഡിസംബർ 5,2024…!!!

കേരളത്തിൽ തൃശ്ശൂർ ജില്ലയിലെ (പാവറട്ടി പള്ളി, സാൻ ജോസ് ഹോസ്പിറ്റൽ) ക്രിസ്ത്യൻ സഭയിലെ കന്യാസ്ത്രീകൾ നടത്തുന്ന പാവറട്ടി സാൻജോസ് പാരിഷ് ഹോസ്പിറ്റലിലെ മൂന്നുവർഷ നഴ്സിംഗ് കോഴ്സിലെ അവസാന വർഷ വിദ്യാർത്ഥിനിയായിരുന്നു എന്റെ പെങ്ങൾ ജീസമോൾ.

സംഭവം നടന്ന ഉടനെ അവിടെയെത്തിയ പോലീസ് ഉദ്യോഗസ്ഥൻ കൊലപാതകത്തിലേക്ക് നയിക്കുന്ന തെളിവുകൾ എല്ലാം, അയാളെകൊണ്ടാവുന്ന രീതിയിൽ, നശിപ്പിക്കാൻ ശ്രമിച്ചു, എങ്കിലും പോസ്റ്റുമോർട്ടം റിപ്പോർട്ടും ലാബ് ടെസ്റ്റും നശിപ്പിക്കാൻ അവർക്കു കഴിഞ്ഞില്ല.

കന്യാസ്ത്രീകളും പോലീസുകാരും കൂടിച്ചേർന്ന് ഉണ്ടാക്കിയ കെട്ടുകഥ ഇന്നും കെട്ടുകഥയായി തന്നെ അവശേഷിക്കുന്നു.

പരീക്ഷയിൽ കോപ്പിയടിച്ച് പിടിക്കപ്പെട്ടതിന്റെ മനോവിഷമത്താൽ എന്റെ പെങ്ങൾ ആത്മഹത്യ ചെയ്തു എന്നാണ് അവർ മെനഞ്ഞെടുത്ത കെട്ടുകഥ.

പക്ഷേ എന്റെ പെങ്ങളുടെ, തൊണ്ടിമുതലായ, ആൻസർ ഷീറ്റ് കോടതിയിൽ ഹാജരാക്കാൻ പോലീസിന് കഴിഞ്ഞില്ല. കൂടാതെ ലാബ് ടെസ്റ്റിൽ കണ്ടെത്തിയ B പോസിറ്റീവ് ബ്ലഡ് ഗ്രൂപ്പ്‌, പുരുഷ ബീജം മുതലായവ ആരുടെയാണെന്ന് കണ്ടെത്താൻ ഒരു അന്വേഷണ ഉദ്യോഗസ്ഥരും ശ്രമിച്ചില്ല (Including CBI). പകരം അത് ലാബ് കാരുടെ പിഴവാണെന്ന് വരുത്തി തീർക്കുകയാണ് ഉണ്ടായത്.

ഇതിനെല്ലാം കാരണം കത്തോലിക്കാ സഭയുടെ ശക്തമായ ഇടപെടലുകൾ ആണെന്ന് ഞാൻ ഉറച്ചു വിശ്വസിക്കുന്നു. നമ്മുടെ മുമ്പിലുള്ള അഭയ കേസ് തന്നെ അതിനുദാഹരണം.

വേദനയും നഷ്ടങ്ങളും സ്വന്തം കുടുബത്തിലുള്ളവർക്കു മാത്രമാണ് (അത് അനുഭവിച്ചവർക്ക് മാത്രമെ അറിയൂ). ജീവിതത്തിൽ സന്തോഷമില്ല.
നേഴ്സ് ആയി ജോലി ചെയ്തു, കുടുംബത്തിന് ഒരു താങ്ങായി ജീവിക്കാൻ ആഗ്രഹിച്ച ഞങ്ങളുടെ ജീസാമോളെക്കുറിച്ചുള്ള വേദനയാണ് എപ്പോഴും മനസ്സിൽ.

2005ഡിസംബർ 5 ന് മകൾ നഷ്ടപ്പെട്ട വേദനയിൽ ഇരിക്കുന്ന അമ്മയോടും അപ്പനോടും ധ്യാനം കൂടാൻ പോകാനാണ് അന്നത്തെ എല്ലാം അറിയുന്ന ഞങ്ങളുടെ വികാരിയച്ചൻ Fr.Thankanchan പറഞ്ഞത്. അച്ചൻ ധ്യാനത്തിന് ബുക്ക്‌ ചെയ്തു എന്നും പറഞ്ഞു.
ഞങ്ങൾ ധ്യാനത്തിന് പോകില്ല എന്നും അനാഥശാലയിൽ നിന്നെടുത്തതല്ല ഞങ്ങളുടെ ജീസമോളെ എന്നും ഞങ്ങൾ പറഞ്ഞു.

നീതിക്കായി ഇന്നും കോടതി കയറി ഇറങ്ങുന്നു…😢😢😢

©️ Jobin P Devasia

09/03/2025

ചാമ്പ്യൻസ് ട്രോഫി സ്വന്തമാക്കി ഇന്ത്യ 😊

08/03/2025

ഏകദിന ക്രിക്കറ്റിൽ ഏറ്റവും വേഗത്തിൽ 1000 റൺസ് അടിച്ചെടുത്ത ഓപ്പണിങ്ങ് ജോഡിയുണ്ടെങ്കിൽ അത് സച്ചിൻ ടെണ്ടുൽക്കർ - അജയ് ജഡേജ ഓപ്പണിങ്ങ് ജോഡിയാണ്.
ഈയൊരു റെക്കോർഡ് ഇപ്പോഴും ഇരുവരുടേയും പേരിൽ തുടരുകയും ചെയ്യുന്നു .....

75 ശരാശരിയോടെ വെറും 15 മത്സരങ്ങളിൽ നിന്നാണ് ഇരുവരും കൂടി ഈ നേട്ടം കൈവരിച്ചിട്ടുള്ളത്.
1994ൽ ഇന്ത്യയുടെ ന്യൂസിലാൻ്റ് പര്യടനത്തിലെ odi സീരീസിലൂടെ സച്ചിൻ ആദ്യമായി ഓപ്പൺ ചെയ്ത മത്സരത്തിലൂടെയാണ് ഇരുവരും ഇന്ത്യയുടെ ഓപ്പണർമാരായി ഒന്നിക്കുന്നത്. പിന്നീട് തുടർച്ചയായ മത്സരങ്ങളിലൊന്നും ഇരുവരും ഓപ്പണിങ്ങ് ജോഡിയായില്ലെങ്കിലും, 1996ൽ കാനഡയിലെ ടൊറൻ്റോയിൽ വെച്ച് നടന്ന ഇന്ത്യ-പാക്ക് സഹാറ ഫ്രണ്ട്ഷിപ്പ് കപ്പ് വരെ ഇരുവരും കൂടി ഇന്ത്യൻ ഓപ്പണിങ്ങ് സംഖ്യം പങ്കിട്ടു.

ഇരുവരും ഓപ്പൺ ചെയ്ത ആദ്യ 5 മത്സര സ്കോറുകൾ 61,105,61,49,62 എന്നിങ്ങനെയായിരുന്നു ....
5 തവണ വീതം 100+ കൂട്ട്കെട്ടും ഇരുവരും കൂടി ഉണ്ടാക്കി. ഇയൊരു നിലക്ക് ഏറ്റവും വേഗത്തിൽ വെറും 15 മത്സരങ്ങളിൽ നിന്നായി 1000 റൺസ് നേടിയ ഓപ്പണിങ്ങ് ജോഡിയായിക്കൊണ്ട് ഇരുവരും കൂടി ഈ റെക്കോർഡ് തങ്ങളുടെ പേരിൽ കുറിക്കുകയും ചെയ്തു.
1996 വേൾഡ് കപ്പ് ടൂർണമെൻ്റിൽ ഇന്ത്യയുടെ കെനിയയുമായുളള ആദ്യ മത്സരത്തിലെ മികച്ച ഇന്നിങ്സിന് ശേഷം വെസ്റ്റ് ഇൻഡീസുമായും, അത് കഴിഞ്ഞ് ഓസ്ട്രേലിയയുമായുള്ള ഗ്രൂപ്പ് മത്സരങ്ങളിൽ അജയ് ജഡേജ വെറും 1റൺസ് വീതമാണ് എടുത്തത്. അതോടെ ജഡേജയുടെ ഓപ്പണിങ്ങ് സ്ഥാനവും പോയി.
ആ വേൾഡ് കപ്പിന് ശേഷം ചില ടൂർണമെൻ്റുകളിൽ കൂടി ഇരുവരും ഓപ്പണർമാരായെങ്കിലും അത്ര ക്ലിക്ക് ആയതും ഇല്ല. ഒടുക്കം സൗരവ് ഗാംഗൂലിയുടെ വരവോട് കൂടി സച്ചിൻ - ജഡേജ ഓപ്പണിങ്ങ് സംഖ്യം പിന്നീടൊരിക്കലും പരീക്ഷിക്കപ്പെട്ടതുമില്ല.

1994 ഏപ്രിൽ മാസത്തിൽ പുറത്തിറങ്ങിയ SPORTSTAR മാസികയിലെ ഒരു ചിത്രമാണ് പോസ്റ്റിൽ.

✍️ shameel salah

07/03/2025

താജ്മഹലിനു ചുറ്റും ശയനപ്രദക്ഷിണം നടത്തുന്ന ടൈം...

അല്പം കനത്തിൽ എന്തേലും കഴിച്ചേ പറ്റൂ...

അപ്പോഴാണ് കൂട്ടത്തിലെ ഷൈലോക്ക് പറയുന്നത

"നമ്മക്ക് ഷീറോസിൽ പോവാം...
അവിടെ ബില്ല് ഇല്ലെന്നാ പറയുന്നേ...
എന്തു വേണേലും കഴിച്ചിട്ട്...
നമ്മൾക്ക് തോന്നുന്ന പൈസ കൊടുത്താൽ മതി...
കുറച്ച് പെണ്ണുങ്ങൾ ചേർന്ന് നടത്തുന്ന റെസ്റ്റൊറന്റ് ആണ്"അഹങ്കാരമല്ലേ അത്... ഞങ്ങളെ പോലുള്ളവർക്കുള്ള പരസ്യമായ വെല്ലുവിളി...

"വണ്ടിയെടുക്ക്... പോവാം...
തിന്നു മുടിപ്പിക്കണം...
ഏതായാലും കുറച്ച് ദിവസം കൊണ്ട് തന്നെ ഇത് പൂട്ടിപ്പോവും നമ്മളെ പോലെ മിനിമം ഏഴു പേര് വേറേം കാണുമെന്നാണല്ലോ... അപ്പൊ തന്നെ ഏഴ് മൂന്ന് ഇരുപത്തിയൊന്ന് പേർ...
അത്രേം പേർ തിന്ന് മുടിപ്പിച്ചാൽ തീരുന്ന അഹങ്കാരേ അവർക്ക് ഇപ്പൊ കാണൂ..."

ആഗ്രാ നഗരത്തിന്റെ ഹൃദയ ഭാഗത്തുള്ള ഷീറോസിലേക്ക് ഞങ്ങൾ കുതിച്ചു... ഞങ്ങൾ മനസ്സിൽ പറഞ്ഞൂ...

"ഷീറോസ്സേ നീ തീർന്നെഡാ"

മനോഹരമായ ചായക്കൂട്ടുകൾ കൊണ്ട് മനോഹരമാക്കിയ ചുവരുകളോട് കൂടിയ ഒരു ഇരുനില ബിൽഡിംഗ്...

"ബ്രോ നോക്ക്യേ... ഫ്രീ വൈഫൈയും.. ഇവർക്ക് പ്രാന്താണാ?"

താഴത്തെ നിലയിൽ കുറേ ഫോറിനേഴ്സ് മാത്രം... വെളിയിൽ തന്നെയുള്ള സ്റ്റെയർ കേസിലൂടെ ഞങ്ങൾ നേരെ മുകളിലേക്ക് കയറി...

മുകളിൽ ഒരു ടേബിളിന് ചുറ്റും ഞങ്ങളിരുന്നു... മെനു കാർഡിലൊന്നും റേറ്റ് കൊടു ത്തി ട്ടില്ല... ഞങ്ങൾ പരസ്പരം നോക്കി ചിരിച്ചു...

"സർ വാട്ട് വുഡ് യൂ ലൈക് ടു ഹേവ് "
കിളിമൊഴി കേട്ട് തിരിഞ്ഞു നോക്കിയപ്പോൾ ഞാൻ ഞെട്ടിപ്പോയി...

ഉരുകിയ കവിളും ചുണ്ടുകളും കഴുത്തുമൊക്കെയായി ഒരു പെൺകുട്ടി...

ഞങ്ങളുടെ മുഖത്തെ ഭാവവ്യത്യാസം അവളുടെ മുഖത്ത് ഒരു മാറ്റവും വരുത്തിയില്ല... പൊള്ളിപ്പോയ അവളുടെ മുഖത്ത് ഭാവങ്ങളൊന്നും വ്യക്തമല്ലെങ്കിലും അവൾ പുഞ്ചിരിച്ചാണ് നിൽകുന്നതെന്ന് ഞങ്ങൾക്കുറപ്പാണ്...

ഞങ്ങൾ ഒന്നും മിണ്ടിയില്ല... അവൾ അകത്തേക്ക് പോയി... ഞങ്ങൾ റെസ്റ്റോറെന്റിന്റെ പേരിനു താഴെയുള്ള ടാഗ് ലൈൻ വായിച്ചു..

"The cafe run by acid attack survivers"

വിശപ്പും ദാഹവുമെല്ലാ അപ്പോഴേക്ക് പോയിരുന്നു.. ഞങ്ങൾ മൂന്ന് കോൾഡ് കോഫിയും പക്കോഡയും മാത്രം ഒാഡർ ചെയ്തു..

ഇവർ ഇരകളല്ല ഫൈറ്റേർസ് ആണ് ...
ആരുടേയോ ക്രൂര വിനോദം ഇവരുടെ സ്വപ്നങ്ങൾക്ക് മേലെ ആസിഡ് തെറിപ്പിച്ചപ്പോൾ, ആസിഡിനേക്കാൾ വീര്യമുള്ള മനസ്സുമായി, പൊള്ളിപ്പോയ മുഖത്തേക്കാൾ ചുട്ടു പൊള്ളുന്ന ഹൃദയവുമായി ജീവിതത്തോട് പടപൊരുതുന്നവർ...

കോഫി കുടിച്ച് ഞങ്ങൾ റെസ്റ്റോറെന്റിന്റെ താഴെ നിലയിൽ കയറി... അഞ്ചോളം ആസിഡ് ആക്രമണത്തിനിരയായ പെൺ കുട്ടികൾ അവിടെ ജോലിയിൽ വ്യപൃതരായിരിക്കുന്നുണ്ട്...

താഴത്തെ നിലയിൽ ഒരു ചുവരിൽ ആത്മ വിശ്വാസം തുളുമ്പുന്ന ദുപ്പട്ടകൊണ്ട് മറക്കാത്ത അവരുടെ ഒരോരുത്തരുടേയും ചിത്രങ്ങൾ... മറുവശത്ത് ഷെൽഫിൽ മുഴുവൻ പുസ്തകങ്ങൾ... കൂടുതലും ഫെമിനിസ്റ്റ് ആശയങ്ങളുൾക്കൊള്ളുന്നവ...

ഒരു ടൂറിസ്റ്റ് ഗൈഡ് അവിടെ നിറകണ്ണുകളുമായി നിശ്ശബ്ദരായി കൂടിയിരിക്കുന്ന ഫോറിനേർസിനോടായി അവരുടെ ജീവിത കഥകൾ വിവരിക്കുന്നു... പതിനാലാം വയസ്സിൽ രണ്ടാനമ്മയിൽ നിന്ന് ആസിഡാക്രമണം നേരിട്ട രൂപ...

അഞ്ചുമക്കളിൽ ഇളയവളായ റിതുവിന് സ്വത്തുതർക്കത്തിനിടെ സഹോദരങ്ങളിൽ നിന്നാണ് ആക്രമണമുണ്ടായത്...

രണ്ടാമതും പെൺകുഞ്ഞിന് ജന്മം നൽകിയതിന്റെ പേരിൽ ഭർത്താവ് ആസിഡുകൊണ്ട് ആക്രമിച്ചപ്പോൾ സ്വന്തം കുഞ്ഞും കൈയ്യിൽ കിടന്ന് ആസിഡിൽ പൊള്ളി മരിച്ചത് ഇന്നും വിശ്വസിക്കാനാകാതെ ഗീത...

പ്രണായാഭ്യർത്ഥന നിഷേധിച്ചതിന് ആക്രമിക്കപ്പെട്ടവർ...

കഥകൾ അങ്ങനെ തുടരുകയാണ്...

ഞങ്ങൾ വെളിയിലിറങ്ങി...

മനസ്സിലെന്തോ അസ്വസ്ഥത... തൊണ്ട വരണ്ടിരിക്കുന്നു...
നെഞ്ചിലെന്തോ ഭാരം പോലെ...
ഡോറിനു വെളിയിൽ ഒരു പെൺകുട്ടി ഇരുന്നിട്ടുണ്ട്...

പതറിയ ശബ്ദത്തിൽ ഞാൻ അവളോട് ചോദിച്ചു

"കിതനാ?"

ഉടനെ മറുപടി കിട്ടി.. "ജേസാ ആപ് ചാഹേ"...

ഞങ്ങൾ മൂവരും പേഴ്സിൽ ബാക്കിയുണ്ടായിരുന്ന നൂറു രൂപാ നോട്ടുകൾ അവൾക്ക് കൊടുത്തു...

തിരിച്ചുള്ള വഴിയിൽ ഞങ്ങൾ നിശ്ശബ്ദരായിരുന്നു...

മനസ്സിൽ മുഴുവൻ അവരായി രുന്നു...

വിധി തങ്ങളെ തോൽപിക്കാനിറങ്ങിയപ്പോൾ വിധിയെ തോൽപിക്കാനിറങ്ങിയവർ...

ബാഹ്യസൗന്ദര്യം നിമിഷ നേരത്തേക്ക് മാത്രമെന്ന് വിളിച്ച് പറയുന്നവർ..

Sheroes Hangout, Agra.

01/03/2025

സച്ചിൻ ടെണ്ടുൽക്കർ എന്ന ബൗളർ...

സച്ചിൻ എന്ന ലോക ക്രിക്കറ്റിലെ ഏറ്റവും മികച്ച ബാറ്ററെ നമ്മൾ പരിചയപെടുമ്പോൾ ലോകത്തെ ഒന്നാം നമ്പർ ബാറ്റർ ഇന്ത്യ കണ്ട ഏറ്റവും മികച്ച ബൗളർ കൂടിയാണ് ലെഗ് സ്പിൻ, ഓഫ്‌ സ്പിൻ, മീഡിയം പേസ് തുടങ്ങി എന്താണോ ആവശ്യം അതെല്ലാം ആ മനുഷ്യന്റെ കൈയ്യിലുണ്ട്. ടെസ്റ്റ്‌ ഏകദിനത്തിൽ കൂടി 200 വിക്കറ്റ് ആണ് സച്ചിൻ നേടിയിരിക്കുന്നത് അതിൽ ഏകദിനത്തിൽ രണ്ടു അഞ്ചു വിക്കറ്റ് നേട്ടം കൂടിയുണ്ട് 1998 ഏപ്രിൽ 1 ന് കൊച്ചിയിൽ ഓസ്ട്രേലിയയെ തകർത്ത 32 റൺസിന് 5 വിക്കറ്റ് നേട്ടവും, അന്ന് സച്ചിൻ വീഴുതിയത് മൈക്കിൾ ബെവൻ, സ്റ്റീവോ, ഡാരൻ ലെഹ്മാൻ, ടോം മൂഡി, ഡാമിയൻ മാർട്ടിൻ എന്നിവരെ ആയിരിന്നു അന്ന് ഇന്ത്യ 41 റൺസിനു ഓസ്ട്രേലിയയെ തോൽപ്പിച്ചിരുന്നു. ഇതുപോലെ 2000 ത്തിൽ പാകിസ്ഥാനെതിരെ 50 റൺസിനു 5 വിക്കറ്റ് സച്ചിൻ നേടിയിരിന്നു അന്നും പാകിസ്താന്റെ ഏറ്റവും മികച്ച കളികാരെയാണ് സച്ചിൻ പുറത്താക്കിയത് അന്ന് ഇന്ത്യ 81 റൺസിന് ജയിച്ചിരുന്നു അന്ന് കളി കണ്ടവർ മറക്കാൻ കഴിയാത്ത ഏകദിന ചരിത്രത്തിലെ ഏറ്റവും മികച്ച രണ്ടു അഞ്ചു വിക്കറ്റ് നേട്ടമായിരുന്നു. പിന്നെ ടീമിന് ഇപ്പോൾ വിക്കെറ്റ് ആവശ്യമുണ്ടോ സച്ചിൻ എടുത്തിരുന്നു അതായിരുന്നു സച്ചിൻ എന്ന ബൗളർ...

01/03/2025

I got 21,000 reactions and comments on my posts last week! Thanks everyone for your support! 🎉