14/08/2026
ଡେରଜାଙ୍ଗ ଇକୋ-ଟୁରିଜମରେ ହର ଘର ତିରଙ୍ଗା
ନୌକାରେ ତ୍ରିରଙ୍ଗା ଧରି ଦେଶପ୍ରେମର ବାର୍ତ୍ତା ଦେଲା ଅନୁଗୋଳ ବନଖଣ୍ଡ
ଅନୁଗୋଳ: ଡେରଜାଙ୍ଗ ଇକୋ-ଟୁରିଜମର ମନୋରମ ପ୍ରାକୃତିକ ପରିବେଶ ମଧ୍ୟରେ ଅନୁଗୋଳ ବନଖଣ୍ଡ ପକ୍ଷରୁ ‘ହର ଘର ତିରଙ୍ଗା’ ଅଭିଯାନ ପାଳିତ ହୋଇଛି। ଏହି ଅବସରରେ ବନ ବିଭାଗର କର୍ମଚାରୀମାନେ ଜଳରାଶି ମଧ୍ୟରେ ନୌକାରେ ଗର୍ବର ସହ ଜାତୀୟ ପତାକା ତ୍ରିରଙ୍ଗା ଧରି ଦେଶପ୍ରେମର ବାର୍ତ୍ତା ପ୍ରଚାର କରିଥିଲେ।ପ୍ରାକୃତିକ ସୌନ୍ଦର୍ଯ୍ୟରେ ଭରପୂର ଡେରଜାଙ୍ଗ ଜଳଭଣ୍ଡାର ମଧ୍ୟରେ ନୌକାରେ ତ୍ରିରଙ୍ଗା ପ୍ରଦର୍ଶନ କରି ଜାତୀୟ ଏକତା, ଦେଶପ୍ରେମ ଓ ଦାୟିତ୍ୱବୋଧର ସନ୍ଦେଶ ଦିଆଯାଇଥିଲା। ଏହି ଅଭିଯାନ ମାଧ୍ୟମରେ ଦେଶର ଗୌରବ ଓ ଜାତୀୟ ପତାକା ପ୍ରତି ସମ୍ମାନ ଜଣାଇବା ସହ ନାଗରିକମାନଙ୍କ ମନରେ ଦେଶପ୍ରେମର ଭାବନାକୁ ଆହୁରି ମଜବୁତ କରିବାର ପ୍ରୟାସ କରାଯାଇଥିଲା।ଡେରଜାଙ୍ଗ ଇକୋ-ଟୁରିଜମର ସୁନ୍ଦର ପରିବେଶ ମଧ୍ୟରେ ଆୟୋଜିତ ଏହି ଅଭିନବ ପଦକ୍ଷେପ ଦେଶ ପ୍ରତି ଗର୍ବ, ଏକତା ଓ ଦାୟିତ୍ୱଶୀଳ ନାଗରିକତାର ବାର୍ତ୍ତାକୁ ଆହୁରି ଦୃଢ଼ କରିଛି।
