BaiManus

BaiManus बाईमाणूस
आपली माती आणि माणसांशी इमान राखणारी स्वतंत्र पत्रकारिता. कोणतेही वैचारिक, आर्थिक, राजकीय जोखड नसलेल्या स्वतंत्र पत्रकारितेचा हा एक प्रयत्न आहे.

baimanus.in या वेबसाईटचा उद्देश आपली माती आणि माणसांशी इमान राखणारी पत्रकारिता करण्याचा आहे. सामान्य माणूस केंद्रित पत्रकारिता करण्यावर भर देणारा आहे. 'बाईमाणूस'चा अजेंडा लोकानुनय करणारा नाही पण लोकांचे प्रश्न, मुद्दे आणि हित याला प्राधान्य देणाऱ्या लोकाभिमुखी पत्रकारितेचा आहे. माहितीचा महापूर सतत या ना त्या माध्यमातून आपल्यासमोर येतो आहे. त्यामुळे अनेकदा आपली अवस्था भर कोलाहलाच्या मधोमध उभी असल्यासारखी होते. त्यामुळे या सर्वांकडे कसे पाहावे, त्यातून काय घ्यावे आणि काय नाही, याचा दृष्टिकोन देण्याचे काम 'बाईमाणूस' करत आहे.

कोलकाता उच्च न्यायालयाने हिंदू विवाह कायदा, १९५५ च्या कलम १२(१)(अ) चा संदर्भ देत एका हिंदू विवाहाची रद्दबातलतेची कारवाई ...
05/09/2026

कोलकाता उच्च न्यायालयाने हिंदू विवाह कायदा, १९५५ च्या कलम १२(१)(अ) चा संदर्भ देत एका हिंदू विवाहाची रद्दबातलतेची कारवाई कायम ठेवली. न्यायालयाने स्पष्ट केले की, योनीमार्ग नसणे, ज्यामुळे सामान्य शारीरिक संबंध प्रस्थापित करणे अशक्य होते, हे यातील तरतुदीनुसार नपुंसकत्व मानले जाते.

न्यायमूर्ती अरिजित बॅनर्जी आणि न्यायमूर्ती चैताली चटर्जी यांच्या खंडपीठाने ट्रायल कोर्टाने दिलेला विवाह रद्द करण्याचा निर्णय कायम ठेवत पत्नीचे अपील फेटाळून लावले.

हे प्रकरण हैमंती कर्जी आणि सौगता कर्जी यांच्या विवाहाशी संबंधित आहे, ज्यांचा विवाह ८ फेब्रुवारी २०१२ रोजी हिंदू रितीरिवाजांनुसार पार पडला होता. नंतर पतीने हिंदू विवाह कायद्याच्या कलम १२ अंतर्गत, पत्नीच्या नपुंसकत्वामुळे विवाह पूर्णत्वास गेला नसल्याचा आरोप करत न्यायालयात धाव घेतली होती.

#

दिल्लीतील साकेत भागात दोन महिला पत्रकारांना पोलिसांनी केलेल्या कथित मारहाणीचा पत्रकार संघटनांनी तीव्र निषेध केला असून, द...
05/09/2026

दिल्लीतील साकेत भागात दोन महिला पत्रकारांना पोलिसांनी केलेल्या कथित मारहाणीचा पत्रकार संघटनांनी तीव्र निषेध केला असून, दोषींवर कठोर कारवाईची मागणी केली आहे.

३ सप्टेंबर २०२६ रोजी साकेतमध्ये केंद्रीय गृहमंत्री आणि दिल्लीच्या मुख्यमंत्र्यांच्या कार्यक्रमाचे वार्तांकन करताना शाहीन खान आणि नफिसा खान यांना पोलिसांनी ताब्यात घेतले. साकेत पोलीस ठाण्यातील एका बंद खोलीत या पत्रकारांना काठ्यांनी मारहाण करण्यात आली. त्यांची मुस्लिम ओळख समजल्यावर पोलिसांनी जातीयवादी शिवीगाळ करत अधिक क्रूरतेने मारहाण केल्याचा गंभीर आरोप या दोघींनी केला आहे.

दिल्ली पोलिसांनी मात्र मारहाणीचे सर्व आरोप फेटाळून लावले आहेत. व्हीव्हीआयपी सुरक्षा मार्गात अडथळा आणल्याने आणि चुकीच्या पद्धतीने वाहन पार्क केल्यामुळे त्यांना कार्यक्रमस्थळावरून हटवण्यात आल्याचा दावा पोलिसांकडून करण्यात आला आहे.

प्रेस क्लब ऑफ इंडिया (पीसीआय) आणि इतर प्रमुख पत्रकार संघटनांनी या प्रकरणाची स्वतंत्र आणि निष्पक्ष चौकशी करण्याची मागणी केली आहे. यासोबतच सीसीटीव्ही फुटेज सुरक्षित ठेवण्याची आणि दोषी पोलीस अधिकाऱ्यांवर तत्काळ एफआयआर नोंदवण्याची मागणी करत साकेत पोलीस ठाण्याबाहेर निषेध आंदोलन करण्यात आले.

‘पाकीजा’ हा चित्रपट फक्त जुन्या काळातील एक गाजलेला चित्रपट नाही. मीना कुमारीच्या अभिनयापासून ते कमाल अमरोही यांच्या दिग्...
05/09/2026

‘पाकीजा’ हा चित्रपट फक्त जुन्या काळातील एक गाजलेला चित्रपट नाही. मीना कुमारीच्या अभिनयापासून ते कमाल अमरोही यांच्या दिग्दर्शनापर्यंत आणि त्यातील संगीत, गाणी, वेशभूषा आणि दृश्यांपर्यंत अनेक गोष्टींनी भारतीय चित्रपटसृष्टीच्या इतिहासात त्याचे वेगळे स्थान निर्माण केले आहे. मात्र, काळाच्या ओघात या चित्रपटाची मूळ फिल्म सामग्रीही झिजत गेली. कधी काळी पडद्यावर ज्या प्रतिमा प्रेक्षकांनी पाहिल्या, त्याच प्रतिमा पुढच्या पिढीलाही दिसाव्यात यासाठी आता एका वेगळ्याच प्रकारचे काम सुरू झाले आहे.

‘पाकीजा’ पुन्हा पडद्यावर आणण्यासाठी त्याचे 4K मध्ये पुनर्स्थापन करण्यात आले आहे. मात्र, हे काम एखाद्या जुन्या चित्रपटाची डिजिटल प्रत अधिक स्पष्ट करण्याइतके सोपे नव्हते. मूळ निगेटिव्हची अवस्था अत्यंत खराब झाली होती.

त्यामुळे उपलब्ध असलेल्या वेगवेगळ्या फिल्म प्रिंट्स, निगेटिव्ह, छायाचित्रे आणि चित्रपटाशी संबंधित व्यक्तींच्या आठवणी यांच्या मदतीने या अजरामर चित्रपटाला पुन्हा एकदा जिवंत करण्याचे काम Film Heritage Foundationच्या टीमने केले. आता हा नवसंजीवनी मिळालेला चित्रपट फ्रान्समधील प्रसिद्ध 'फेस्टिवल लुमिएर' मध्ये जगभरातील प्रेक्षकांसमोर पुन्हा एकदा सादर केला जाणार आहे.

या पुनर्स्थापनेच्या प्रक्रियेत नेमके काय सापडले, खराब झालेल्या फिल्ममधून चित्रपट पुन्हा कसा उभा करण्यात आला आणि जवळपास साडेपाच दशकांपूर्वीच्या ‘पाकीजा’चा रंग, पोत आणि आवाज पुन्हा पडद्यावर आणताना कोणती आव्हाने आली, हीदेखील तितकीच रंजक कथा आहे.

आदिवासी वसतिगृह आणि आश्रमशाळांमधील असुविधांवरून राज्यात आंदोलनांची तीव्रता वाढलेली असतानाच शुक्रवारी नाशिक जिल्ह्यात एक...
05/09/2026

आदिवासी वसतिगृह आणि आश्रमशाळांमधील असुविधांवरून राज्यात आंदोलनांची तीव्रता वाढलेली असतानाच शुक्रवारी नाशिक जिल्ह्यात एकाच दिवशी दोन विद्यार्थिनींचा मृत्यू झाला. पहिली घटना कळवण तालुक्यातील विसापूर येथील आश्रमशाळेत घडली जिथे दुसरीत शिकणाऱ्या विद्यार्थिनीचा संशयास्पद मृत्यू झाला, तर आणखी एका घटनेत त्र्यंबकेश्वर तालुक्यात आश्रमशाळेतील विद्यार्थिनीने गळफास घेऊन जीवन संपवलं. एकाच दिवशी दोन आदिवासी मुलींचा मृत्यू झाल्याने राज्यभरात प्रचंड संताप व्यक्त केला जात आहे.

विसापूर (ता. कळवण) आश्रमशाळेत इयत्ता दुसरीतील सृष्टी (श्रुती) ओंकार सूर्यवंशी या विद्यार्थिनीला गुरुवारी रात्री वसतिगृहातच ताप येऊन उलट्या झाल्याने रुग्णालयात नेत असताना, रस्त्यातच तिचा मृत्यू झाला. सृष्टीच्या संशयास्पद मृत्यूची घटना समोर येताच आदिवासी आंदोलकांनी जिल्हा रुग्णालयात धाव घेत दोषींवर कारवाईची आक्रमक मागणी केली. येथे पोलिसांनी मोठा फौजफाटा तैनात करत आंदोलकांशी चर्चा केली. त्यामुळे जिल्हा रुग्णालयाला छावणीचे स्वरूप प्राप्त झाले.

दोषींवर कारवाई केली नाही, तर मृत सृष्टीचा मृतदेह थेट आदिवासी आयुक्तालयात नेण्याचा इशारा आंदोलकांनी दिला. त्यानंतर संबंधित आश्रमशाळेतील अधीक्षिकांसह शिक्षण विस्तार अधिकारी आणि मुख्याध्यापक यांना निलंबित करण्यात आले. तसेच पीडित कुटुंबाला पाच लाख रुपयांची मदत जाहीर करण्यात आली. या प्रकरणी आदिवासी विकास आयुक्त लीना बनसोड यांनी चौकशीचे आदेश दिले आहेत.

सकाळची वेळ. कोल्हापूर जिल्ह्यातील गगनबावडा तालुक्यात मुसळधार पाऊस सुरू आहे. जंगलाच्या प्रवेशद्वारापाशी एक मोटारसायकल थां...
05/09/2026

सकाळची वेळ. कोल्हापूर जिल्ह्यातील गगनबावडा तालुक्यात मुसळधार पाऊस सुरू आहे. जंगलाच्या प्रवेशद्वारापाशी एक मोटारसायकल थांबते. अंगावर डबल रेनकोट, डोक्यावर हेल्मेट आणि हातात शाळेची बॅग घेऊन जीवन मिठारी पुढच्या प्रवासाला सुरुवात करतात.

मोटारसायकलने पुढे जाण्याचा रस्ता नाही. त्यामुळे आता जवळपास तीन किलोमीटरची खडी, निसरडी आणि घनदाट जंगलातून जाणारी पायवाट तुडवत त्यांना शाळेपर्यंत पोहोचायचे आहे. वाटेत जळवा आहेत, चिखल आहे, घसरण्याचा धोका आहे आणि त्याहूनही मोठे म्हणजे गवे, रानकुत्री, बिबटे, रानडुक्कर आणि अस्वलांचा वावर आहे.

कोल्हापूर जिल्हा शिक्षक बँकेचे माजी अध्यक्ष असलेले जीवन मीठारी यांचा हा जीवघेणा प्रवास एक-दोन दिवसांचा नाही तर गेल्या बारा-तेरा वर्षांपासून सातत्याने ते याच वाटेने शाळेत जात आहेत. फरक एवढाच की त्यांच्या शाळेत विद्यार्थ्यांची गर्दी नाही, घंटा वाजल्यानंतर वर्गात बसणारे शेकडो विद्यार्थी नाहीत. या शाळेत आहेत फक्त दोन चिमुकल्या बहिणी…

परंतू वर्गात अवघे दोनच विद्यार्थी असले, तरी त्या दोघांच्या शिक्षणाची जबाबदारीही तितकीच महत्त्वाची आहे, या भावनेतून मिठारी गेली अनेक वर्षे ही वाट तुडवत आहेत. इतर शिक्षक या शाळेत जाण्यास तयार नसताना, विद्यार्थिनींचे शिक्षण मध्येच थांबू नये, यासाठी जिल्हा परिषद शिक्षक जीवन मिठारी यांनी कावलटेक धनगरवाड्यातील शाळेत शिकवण्याची जबाबदारी स्वीकारली.


05/09/2026

नेपाळमधील दार्चुला जिल्ह्यात मुसळधार पावसामुळे दरड कोसळली आहे! दरड कोसळल्यामुळे चमेलिया नदीचा प्रवाह रोखला गेला असून त्या भागात मोठ्या महापुराचा धोका निर्माण झाला आहे. प्रशासनाने सतर्कता दाखवत तातडीने १५ कुटुंबांना सुरक्षित स्थळी हलवले आहे.

पुण्यामध्ये डीजेला विरोध होत असताना दुसरीकडे पिंपरी-चिंचवडमध्ये याच डीजेने एका महिलेचा बळी घेतला आहे. डीजे अंगावर पडून 4...
05/09/2026

पुण्यामध्ये डीजेला विरोध होत असताना दुसरीकडे पिंपरी-चिंचवडमध्ये याच डीजेने एका महिलेचा बळी घेतला आहे. डीजे अंगावर पडून 45 वर्षीय महिलेचा मृत्यू झाला. पिंपरी-चिंचवडच्या जुनी सांगवी परिसरात ही घटना घडली. या महिलेचा मृतदेह शवविच्छेदनासाठी रुग्णालयात पाठवण्यात आला आहे. या घटनेमुळे पिंपरी-चिंचवडमध्ये खळबळ उडाली आहे. ऐन उत्सवात महिलेचा मृत्यू झाल्याने हळहळ व्यक्त केली जात आहे.

मिळालेल्या माहितीनुसार, पिंपरी- चिंचवडच्या जुनी सांगवी परिसरात दहीहंडीच्या कार्यक्रमासाठी डीजेचा रॅक उभारण्यात येत होता. हा रॅक अचानक कोसळला. यामधील डीजे एका महिलेच्या अंगावर पडला. डीजे अंगावर पडल्याने महिला गंभीर जखमी झाली. तिला तात्काळ उपचारासाठी औंध जिल्हा रुग्णालयात दाखल करण्यात आले. पण उपचारादरम्यान तिचा मृत्यू झाला. या घटनेमुळे परिसरात सध्या तणावाचे वातावरण आहे.

२०२३ मध्ये सादर केलेल्या वादग्रस्त अहवालाच्या आधारे बेकायदेशीर नफा कमावणाऱ्या हिंडेनबर्ग रिसर्च आणि त्यांच्याशी संबंधित ...
05/09/2026

२०२३ मध्ये सादर केलेल्या वादग्रस्त अहवालाच्या आधारे बेकायदेशीर नफा कमावणाऱ्या हिंडेनबर्ग रिसर्च आणि त्यांच्याशी संबंधित परदेशी संस्थांविरोधात भारतीय भांडवल बाजार नियामक सेबीने कठोर कारवाईचे पाऊल उचलले आहे. अहवाल प्रसिद्ध होण्यापूर्वीच अप्रकाशित माहितीच्या आधारे शेअर बाजारात शॉर्ट सेलिंग करून कमावलेला गैरव्यवहाराचा नफा वसूल करण्यासाठी सेबीने सुनावणीची प्रक्रिया सुरू केली आहे.

कॅपिटल मॅनेजमेंट या संस्थेने कोटक इंटरनॅशनलशी संबंधित मॉरिशस स्थित फंडाच्या माध्यमातून अदानींच्या शेअर्समध्ये शॉर्ट पोझिशन घेतली होती. हिंडेनबर्ग आणि किंग्डमन यांच्यात नफा वाटून घेण्याचा करार झाला होता आणि यातून ६ संस्थांनी तब्बल २.२२ कोटी डॉलरचा नफा कमावला होता.

04/09/2026

एसटीच्या NCMC कार्डचा गडचिरोलीत फज्जा..! २०० रुपये देऊनही महिलांना पूर्ण तिकीट?
महाराष्ट्रात एसटी महामंडळाने महिलांसाठी ५० टक्के सवलतीच्या योजनेचा लाभ घेण्यासाठी आता NCMC (National Common Mobility Card) स्मार्ट कार्ड आणले आहे. मात्र, गडचिरोली जिल्ह्यात या कार्डच्या अंमलबजावणीचा मोठा फज्जा उडाल्याचे समोर आले आहे.

२०० रुपये मोजून NCMC कार्ड काढल्यानंतरही बसमधील मशिन्समध्ये तांत्रिक अडचणी येत असल्याने वाहकांकडून पूर्ण तिकीट आकारले जात असल्याच्या तक्रारी महिलांनी केल्या आहेत.

तुमचा NCMC कार्डचा अनुभव कसा आहे? तुम्हालाही एसटी प्रवासात अशी अडचण आली आहे का? कमेंट करून नक्की सांगा.

ST Mahamandal NCMC card, Gadchiroli ST bus issue, Mahila Samman Yojana Maharashtra, ST bus half ticket for women, NCMC card smart card ST problem, Maharashtra ST bus update, गडचिरोली बातम्या, एसटी महामंडळ स्मार्ट कार्ड, NCMC कार्डचे तोटे, महिला एसटी तिकीट सवलत, MSRTC latest news, Gadchiroli ground report, rural Maharashtra news, ST bus ticket conductor issue.

“गेल्या १५ दिवसापासून कुठलंच काम नाही हाताला, कसे बसे २००-२५० रुपये रोज भेटायचे तेही आता भेटतं नाही. पोराला बसच्या पाससा...
04/09/2026

“गेल्या १५ दिवसापासून कुठलंच काम नाही हाताला, कसे बसे २००-२५० रुपये रोज भेटायचे तेही आता भेटतं नाही. पोराला बसच्या पाससाठी द्यायलाही पैसे नव्हते यावेळेस, मग त्याला म्हटलं, यावेळेस माग तुझ्या वडिलांना पुढल्या महिन्याचे मीच देईल” असं पुष्पा देशमुख बाईमाणूसशी बोलतांना सांगत होत्या.

त्या अमरावतीच्या मोर्शी तालुक्यातील आसोणा गावात राहतात. मोलमजुरी करून आपल्या पतीला आर्थिक हातभार लावणाऱ्या पुष्पा सध्या मात्र एका वेगळ्या संकटात सापडल्या आहे. पावसाच्या लहरीपणामुळे शेतीतील कामे ठप्प असल्याने आता त्यांच्या हाताला काम नाही, ज्याचा परिणाम आता त्यांच्या रोजच्या जगण्यावर होतोय.

शेतातली ही कामं बंद झाल्यामुळे रोजच्या दैनंदिनीवर परिणाम झाल्याचं वरुड तालुक्यातील आलोडा येथील ४३ वर्षीय रजीनी वानखडे यांचं म्हणणं आहे.

त्या म्हणतात, आता तर मला काहीच समजत नाहीये, पुढं काय करावं हाच मोठा प्रश्न पडलाय. मी मागं थोडं कर्ज काढलं होतं आणि त्याचे हप्ते मी माझ्या मजुरीच्या पैशातून दर आठवड्याला भरायचे. मला दिवसाची दोनशे रुपये रोजंदारी मिळायची. आठवड्याला कसेबसे पंधराशे रुपये हातात यायचे, त्यातले हजार रुपये तर मी सरळ कर्जाच्या हप्त्यात भरायचे. पण आता मजुरीच बंद पडल्याने हा हप्ता कसा फेडावा, याची मोठी चिंता लागलीय.

महाराष्ट्रातील काही भागांत गेल्या महिनाभरापासून पाऊस पडलेलाच नाही, विशेषतः अमरावती जिल्ह्यातील वरुड आणि मोर्शी तालुक्यात ऑगस्टमध्ये महिनाभर फक्त ढगाळ वातावरण राहिलं. पावसात पडलेल्या या खंडांमुळे शेतीची कामे, जसं की निंदण, खुरपणी आणि पिकांना खत टाकणं पूर्णपणे ठप्प झालेत. ज्याचा फटका आता या भागातील महिलांना बसतोय हाताला काम आणि पर्यायी रोजगार उपलब्ध नसल्यामुळे त्यांची मजुरी बुडत आहे, ज्यामुळे त्यांच्यावर मोठा आर्थिक ताण आलाय. कुटुंबाचा गाडा कसा ओढायचा, हा मोठा प्रश्न त्यांच्यासमोर आहे.

(संपूर्ण रिपोर्ट वाचण्यासाठी कंमेंटमध्ये दिलेल्या लिंकवर क्लिक करा)
#अमरावती #मोर्शी #वरुड #विदर्भ #महाराष्ट्र #शेतमजूर #महिलाशेतमजूर #पावसाचाखंड #दुष्काळ #शेतीप्रश्न #आर्थिकसंकट #रोजगार #मजुरी #ग्रामीणभारत #बाईमाणूस

Address

N-6, CIDCO
Aurangabad
431001

Telephone

+919307309270

Website

Alerts

Be the first to know and let us send you an email when BaiManus posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BaiManus:

Shortcuts

Share

Category