20/09/2025
#ବାଲେଶ୍ବରେ_ଜମୁଛି_ବିଶ୍ବକର୍ମା_ପୂଜା
ବାଲେଶ୍ବର ସର୍କିଟ ହାଉସ ଛକରେ ଜମୁଛି ବିଶ୍ୱକର୍ମାଙ୍କ ପୂଜାର୍ଚ୍ଚନା। ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗ ପକ୍ଷରୁ ଏହି ପୂଜା ଆୟୋଜନ କରାଯାଇଛି। ବୁଧବାରଠାରୁ ପୂଜାର୍ଚ୍ଚନା ଆରମ୍ଭ ହୋଇଥିବାବେଳେ ଆଜି ଦ୍ବିତୀୟ ଦିନ। ସଂଧ୍ୟା ସମୟରେ ବିଶ୍ବକର୍ମାଙ୍କ ଦର୍ଶନ ପାଇଁ ପ୍ରାୟ ୪୦ ହଜାରରୁ ଅଧିକ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା। ଭକ୍ତମାନେ କିଭଳି ଶାନ୍ତି ଶୃଙ୍ଖଳାର ସହିତ ଭଗବାନ ବିଶ୍ଵକର୍ମାଙ୍କ ଦର୍ଶନ କରିବେ ଏନେଇ ଆୟୋଜକଙ୍କ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଥିଲା। ମେଳା ବୁଲିବା ସହିତ ସୁସଜ୍ଜିତ ଆଲୋକମାଳା ଓ ଚଟପଟା ଖାଦ୍ୟର ମଜାଇ ଉଠାଇଥିଲେ ଦର୍ଶକ। ଏହି ପୂଜା ଆସନ୍ତା ଶନିବାର ପର୍ଯ୍ୟନ୍ତ ଚାଲିବ।
