15/04/2026
#ଆମ୍ବେଦକର_ଯୁବସଂଘ_ପକ୍ଷରୁ_ଆମ୍ବେଦକରଙ୍କ_୧୩୫ତମ_ଜୟନ୍ତୀ_ପାଳିତ
ବାଲେଶ୍ଵର ଚାନ୍ଦିପୁର ନୂଆନଈ ଛକ ନିକଟ ଶ୍ରୀକୋଣାରେ ଆମ୍ବେଦକରଙ୍କ ୧୩୫ତମ ଜୟନ୍ତୀ ସମାରୋହ ପାଳିତ ହୋଇଯାଇଛି। ସ୍ଥାନୀୟ ଆମ୍ବେଦକର ଯୁବ ସଂଘ ପକ୍ଷରୁ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଓଡିଆ ନବବର୍ଷ ମଧ୍ୟ ପାଳନ କରାଯାଇଥିଲା। ଏନେଇ ମଙ୍ଗଳବାର ଦିନବ୍ୟାପୀ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଦ୍ବିପହରରେ ସ୍ଥାନୀୟ ଅଞ୍ଚଳରେ ପ୍ରାୟ ୫ ଶହରୁ ଉର୍ଦ୍ଧ୍ବ ଲୋକଙ୍କୁ ପ୍ରସାଦ ବଣ୍ଟନ କରାଯାଇଥିଲା। ସଂଧ୍ୟାରେ ସଂଘ ସଭାପତି ତପନ କୁମାର ସିଟଙ୍କ ସଭାପତିତ୍ବରେ ମୁଖ୍ୟ ଅତିଥିଭାବେ ଶ୍ରମିକ ନେତା ଜୟନ୍ତ ଦାସ, ମୁଖ୍ୟ ବକ୍ତାଭାବେ ଅବସର ପ୍ରାପ୍ତ ଅଧ୍ୟକ୍ଷ ଶତୃଘ୍ନ ମଲ୍ଲିକ ଯୋଗଦେଇଥିଲେ। ଅନ୍ୟତମ ଅତିଥିଭାବେ ଜିଲ୍ଲା ବାର ଆସୋସିଏସନ ସଭାପତି ମନୋଜ ନାୟକ, ଶ୍ରମିକ ନେତା ଗୌରାଙ୍ଗ ପାଣିଗ୍ରାହି, ଅରୁଣ ଜେନା, ଆଇନଜୀବୀ ମହମ୍ମଦ ଇସଲାମ ଯୋଗଦେଇ ଆମ୍ବେଦକରଙ୍କ ଜୀବନବ୍ୟାପୀ ସଂଘର୍ଷ ଓ ବିଚାର ସମ୍ପର୍କରେ ମତବ୍ୟକ୍ତ କରିଥିଲେ। ଅନ୍ୟମାନଙ୍କ ମଧ୍ୟରେ ସ୍ଥାନୀୟ ସରପଞ୍ଚ କମଲ କୁମାର ସାହୁ, ସମିତିସଭ୍ୟ ଅରୁଣ ମଣ୍ଡଳ, ସଂଗ୍ରାମ କିଶୋର ମାଝି, ରାଜ କିଶୋର ଟୁଡୁ, ସଂଘ ସମ୍ପାଦକ ବିଜୟ ମୁର୍ମୁ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଆଦିବାସୀଙ୍କ ପାରମ୍ପରିକ ନାଚ ଗୀତ ପରିବେଷିତ ହୋଇଥିଲା। ସଂଘର ସମସ୍ତ କାର୍ଯ୍ୟକର୍ତ୍ତା କାର୍ଯ୍ୟକ୍ରମ ପରିଚାଳରେ ସହଯୋଗ କରିଥିଲେ।
#
