20/07/2026
♦️ #ସୋର_ରେ_ଆନ୍ତଃ_ଜିଲ୍ଲା_ଛିନ୍ତାଇ_ଗ୍ୟାଙ୍ଗର_୩_ସଦସ୍ୟଙ୍କ_ସମେତ_୪_ଗିରଫ_ସୁନା_ଅଳଙ୍କାର_ନଗଦ_୧_ଲକ୍ଷ_ଟଙ୍କା_ଜବତ
ସୋର ପୋଲିସ କୁ ମିଳିଛି ଏକ ବଡ଼ ସଫଳତା । ଆନ୍ତଃ ଜିଲ୍ଲା ଛିନ୍ତାଇ ଗ୍ୟାଙ୍ଗର ୩ ଜଣ ସଦସ୍ୟଙ୍କୁ ଗିରଫ କରିଛି। ସେମାନଙ୍କଠାରୁ ଛିନ୍ତାଇ ହୋଇଥିବା ସୁନା ଅଳଙ୍କାର ଓ ଚୋରି ସୁନା ଅଳଙ୍କାର କିଣିଥିବା ଅଭିଯୋଗରେ ଜଣେ ସୁନା ବ୍ୟବସାୟୀଙ୍କୁ ମଧ୍ୟ ଗିରଫ କରିଛି।ଆଜି ସୋର ଥାନାରେ ଆୟୋଜିତ ସାମ୍ବାଦିକ ସମ୍ମିଳନୀରେ ପୋଲିସ ଲୁଟେରାଙ୍କ ସଂପର୍କରେ ସୂଚନା ଦେଇଛି।ଗିରଫ ଲୁଟେରାମାନଙ୍କ ନାମରେ ସୋର, ବାଲେଶ୍ୱର ସଦର, ବାଲେଶ୍ୱର ଟାଉନ ଏବଂ ମୟୂରଭଞ୍ଜ ଜିଲ୍ଲାର ବିଭିନ୍ନ ଥାନାରେ ପ୍ରାୟ ୧୫ ରୁ ଅଧିକ ଛିନ୍ତାଇ ଓ ଲୁଟ୍ ମାମଲା ରହିଛି।ସେମାନଙ୍କ ନିକଟରୁ ନଗଦ ୧ ଲକ୍ଷ ୪ ହଜାର ୫୦୦ ଟଙ୍କା, ପ୍ରାୟ ୧୫ ଗ୍ରାମ ସୁନା ଅଳଙ୍କାର, ୧ କିଲୋଗ୍ରାମ ରୂପା, ଗୋଟିଏ ସ୍କୁଟି ଓ ଗୋଟିଏ ପଲ୍ସର ମୋଟରସାଇକେଲ ଜବତ କରାଯାଇଛି।
ସମସ୍ତ ଅଭିଯୁକ୍ତଙ୍କୁ ସୋମବାର ଅପରାହ୍ନ ୩ ଟାରେ କୋର୍ଟ ଚାଲାଣ କରିଛି ସୋର ପୋଲିସ।ସୋର ଥାନା କେସ୍ ନଂ-୫୭୯/୧୮.୦୭.୨୦୨୬ରେ ରୁଜୁ ହୋଇଥିବା ଲୁଟ ମାମଲାରେ ପୋଲିସ ଏହି ୪ ଜଣ ଅଭିଯୁକ୍ତଙ୍କୁ ଗିରଫ କରି
କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ଚନ୍ଦନ (ଟୁଟୁନ) ବେହେରା (୨୧), ମନୋରଞ୍ଜନ (ପାପୁ) ମଲ୍ଲିକ (୨୮), ରବିନାରାୟଣ (ଟେରୁ) ବେହେରା (୨୮) ଓ ଶ୍ରୀତମ (ସିଲୁ) ରଣା (୨୪)। ପ୍ରଥମ ୩ ଜଣଙ୍କ ବିରୋଧରେ ଭାରତୀୟ ନ୍ୟାୟ ସଂହିତା (ବିଏନଏସ )ର ଧାରା ୩୦୪(୨), ୧୧୧(୧) ଓ ୩(୫) ଏବଂ ଶ୍ରୀତମ ରଣାଙ୍କ ବିରୋଧରେ ଧାରା ୩୧୭(୪) ଅନୁଯାୟୀ ମାମଲା ରୁଜୁ ହୋଇଛି। ଘଟଣାର ତଦନ୍ତ ସୋର ପୋଲିସ ଜାରି ରଖିଛି।
