Sofi Songs

17/04/2025

🌹🌹⁦♥️⁩⁦♥️⁩کلامِ صمد میر علیہ رحمہ⁦♥️⁩⁦♥️⁩🌹🌹

کُن گٔنزرُن چُھۓ نو احسان
نۆن دراو در جِلدِ انسان
کُنُۓ اوس در گنجِ وآران
نۆن دراو در جِلدِ انسان

بر شوق آو ذاتِ پروَر
پیدا کۆرُن نورِ سرور ﷺ
ما سوری تا دورِ دورِ دوران
نۆن دراو در جِلدِ انسان

آدم لۆدُن بود ما اوس
ملکن دۆپنۓ سجدہ کٔرۍتوس
گُمراہ سپُد تتِہ شیطان
نۆن دراو در جِلدِ انسان

کُن زانُن کُن چُھۓ بے شکھ
وۆن دِتو تور کۆت واتَکھ
گۆڈہ رٹھ تو پیرس دامان
نۆن دراو در جِلدِ انسان

حق چُھم سُۓ یمۍ حق ھووُم
یمۍ سیٖرے مولا بووُم
شکھ چُھۓ ژٕہ نکھ چُھکھ موُران
نۆن دراو در جِلدِ انسان

کھوژیا ہُما پانژالس
فرق چھےُ شیرس تہ شالس
خر زانِہ کیاہ قدرِ زاعفران
نۆن دراو در جِلدِ انسان

پژھ بٔرمۓ پژھ وارٕہ تھآوٕم
پژِھہ پنٕہ نے وتھ مےٚ ھآوٕم
اۆن کیاہ زانِہ پژھ چھےُ نوٗران
نۆن دراو در جِلدِ انسان

پژھ کٔرتھم کاکدس تہ میٖلے
یتھ آبِ ظآہر چھیٖلے
علمِ لُدنی چُھ مغزِ قران
نۆن دراو در جِلدِ انسان

پژِھہ پنٕہ نے بۆ گوس کعبس
وژِھہ وآنجِہ سجدہ کۆرمس
بے پژھ گژِھہ کور بے زان
نۆن دراو در جِلدِ انسان

پژِھہ سیتۍ وۆن صمد میرن
پژِھہ سیتی بووُس پیرن
بے پژھ گو بے ھوٗدہ وآران
نۆن دراو در جِلدِ انسان

⁦♥️⁩🌹1893ء نرورہ ـــــ نمبلہار 1959ء🌹⁦♥️⁩

09/04/2025

02/04/2025

🌹نعتیہ کلامِ درویش احمد ثروَتؒ رحمہ🌹

جو دربارِ خیر البشر ﷺ دیکھ آئے
وہ فردوس میں اپنا گھر دیکھ آئے

بچھانا پڑیں ان کے رستے میں آنکھیں
جو سرکار ﷺ کی رہ گذر دیکھ آئے

وہی جلوۂِ لیلةُ القدر دیکھیں
جو یثرب کی شام و سحر دیکھ آئے

جو مانگی گئیں سوزِ ہجرِ نبی ﷺ میں
دعاؤں کا اپنی اثر دیکھ آئے

وہ دیکھیں گے کب جلوہ شام وسحر کا
مدینے کی جو دوپہر دیکھ آئے

کرو ان کی آنکھوں پہ آنکھیں تصدق
جو نورِ شہِہ بحر و بر دیکھ آئے

تمنائے جنت نہیں ان کو ثروتؔ
جو دربارِ رحمتِ اثر دیکھ آئے

🌹1918ء ــ رامپور اترپردیش ــ 1984ء🌹

01/04/2025

🌹کلامِ احمد بٹواری رحمتہ اللہ علیہ🌹

شبِ قدرے مُدرے مسَۓ
چِھوٕہ رآونس بال
ھوشِہ پننے نوش کۆرمسۓ
چِھوٕہ رآونس بال

حۓ حیات گوم معراجسۓ
روزِہ کوتاہ کال
دۆپ صدیقن ژھؠن کتِہ چُھسَۓ
چِھوٕہ رآونس بال

شبِ معراج تاج دیۄت ہَسۓ
عِزَتُک اقبال
آسۍ أنبیاء انتظارسۓ
چِھوٕہ رآونس بال

سجدہ میون طاق محرابسۓ
سجدہ در ؤجد و حال
روۓِ رہنما کعبہ میون چُھسۓ
چِھوٕہ رآونس بال

ھا طآلبو وات معنِہ یَسۓ
روزتو نآلی نال
ننِہ کَتٕھہ نو بازرارسۓ
چِھوٕہ رآونس بال

یی از چشم چُھم فقیرسۓ
تی چُھ بے خد و خال
ستِہ دریاوٕہ کتِہ لآجنسۓ
چِھوٕہ رآونس بال

گُلِ انور پھۆلُم چینسۓ
نازنین سیاہ خال
چُھم سیاہ خال نورِ ذاتسۓ
چِھوٕہ رآونس بال

ستٕہ رؠشن پتٕہ لارسۓ
بُتِھہ چُھم کوتوال
کتِہ وآجنس کۆت لآجنسۓ
چِھوٕہ رآونس بال

در کدام جامہ ڈینٹھۍ مسۓ
جام مالا مال
شامہ سۆندر دامٕہ چآونسۓ
چِھوٕہ رآونس بال

درایِہ زلیخاہ شاہِ یوسفسۓ
ؤچھنے سُۓ جمال
شاہِ یوسفُن گاہ مِصرسۓ
چِھوٕہ رآونس بال

مجنوننۍ وِہۍ کٔرۍ مَسۓ
گرہ میون نجدٕہ بال
عظمتچی لآل ژھآرمسۓ
چِھوٕہ رآونس بال

کُنترہمِہ شآدۍ بٔرمسۓ
کر ڈیشن ھِلال
صد مبارک عید کٔرمسۓ
چِھوٕہ رآونس بال

چنگِ داووٗد ینہ بوٗزمسۓ
تنہ گۆو کوٗت کال
زیر و بم نغمہ منصورسۓ
چِھوٕہ رآونس بال

سیرِ خدا عارفِ صادقسۓ
سیتی چُھس ھِلال
بادٕہ فروش بآگران خزانسۓ
چِھوٕہ رآونس بال

گنج نیرِتھ یُس ووت ذاتسۓ
تورہ یُن اشکال
مٔرِتھ زندگی چِھ سلطانسۓ
چِھوٕہ رآونس بال

باغِ عرفان یِندرازسۓ
سیتۍ چُھس گوٗپال
رامٕہ شامن گوم بآلکَسۓ
چِھوٕہ رآونس بال

لآلِہ زلفس خال بۆمبرَسۓ
برونہہ برونہہ بلال
احمد بٹوارۍ شب کۆرمَسۓ
چِھوٕہ رآونس بال

🌹1838ء بٹوارہ ـــــ احمدنگر 1918ء🌹

11/02/2025

نید سے بیدار ہونے کی دعاء

27/01/2025

Kalaami Wahab Khar Rehmtullahi Alihi

26/12/2024

Al-Quraan

03/09/2024

خوبصورت کلمات

21/08/2024

Kalaami Rahim Saeb Sopori