24/04/2026
ക്യാൻസർ ചികിത്സ പണമില്ലാത്തതിന്റെ പേരിൽ ആർക്കും നിഷേധിക്കപ്പെടരുത് എന്ന ലക്ഷ്യത്തോടെയാണ് ഡോ. ജയ ശുക്ല ഈ തദ്ദേശീയ ചികിത്സാരീതി വികസിപ്പിച്ചത്. 'ട്രാൻസ് ആർട്ടീരിയൽ റേഡിയോന്യൂക്ലൈഡ് തെറാപ്പി' (Transarterial Radionuclide Therapy) എന്ന് വിളിക്കപ്പെടുന്ന ഈ രീതിയിൽ 'റീനിയം-188' (Rhenium-188) മൈക്രോസ്ഫിയറുകൾ ഉപയോഗിച്ചാണ് ട്യൂമറുകളെ നശിപ്പിക്കുന്നത്.
നിലവിൽ ആഗോളതലത്തിൽ ലഭ്യമായ ചികിത്സയ്ക്ക് 10 ലക്ഷം രൂപയോളം ചിലവ് വരുമ്പോൾ, ഡോ. ജയയുടെ ചികിത്സാ കിറ്റിന് കേവലം 5,000 രൂപ മാത്രമേ ചിലവാകൂ. ശസ്ത്രക്രിയ നടത്താൻ കഴിയാത്ത കരൾ ക്യാൻസർ രോഗികളിൽ ഈ പരീക്ഷണം വിജയകരമായി നടത്തിയിട്ടുണ്ട്. ഐ.സി.എം.ആർ (ICMR) പിന്തുണയോടെ രാജ്യത്തെ പ്രമുഖ ആശുപത്രികളിൽ ഇതിന്റെ ട്രയലുകൾ നടക്കുകയാണ്. ട്രയൽ കാലയളവിൽ അർഹരായ രോഗികൾക്ക് ചികിത്സ സൗജന്യമായി ലഭിക്കും. സാധാരണക്കാർക്ക് താങ്ങാവുന്ന വിലയിൽ മികച്ച ചികിത്സ ഉറപ്പാക്കുന്ന ഈ കണ്ടെത്തൽ ഇന്ത്യൻ മെഡിക്കൽ രംഗത്ത് വലിയൊരു നാഴികക്കല്ലാണ്.
