Pratilipi Telugu - ప్రతిలిపి తెలుగు, Nasadiya Technologies Private Limited, Sona Towers, 4th Floor, No. 2, 26, 27 and 3, Krishna Nagar Industrial Area, Hosur Main Road, Bangalore (2025)

20/09/2025

“పద్మజమ్మి ఇంకా రాలేదా? ఏంది ఈ యాల దాకా?” సావిత్రమ్మ గొంతులో నిప్పులు. వంటి మీద గుడ్డ సగం జారి యాప చెట్టు కింద దొర్లాడుతున్న రంగయ్యను చూసి ఆమె చేతులు పిడికిళ్ళు బిగించాయి. “ఒరే తాగుమోతోడా పద్దేకలా తాగటమేనా? ఒక్కగానొక్క కూతురు బళ్ళోకి పోయి ఇంటికి వచ్చిందా లేదా చూసుకో పన్లేదా? ఏ జన్మలో పాపం చేసానో నీ పాలిట పడ్డా! ఆ బిడ్డని చూసి బతికుండా లేకపోతే ఏ నుయ్యో గొయ్యో చూసుకుందును!” రంగయ్య కళ్ళు సగం తెరిచి “ఎందుకె అట్టా తిడతావ్? యాడికి బోద్ది? చిన్న పిల్లనా? పదిహేనేళ్ళు వచ్చిళ్లా దారి తెలీదా? నా బిడ్డ మా చురుకుది. నీలా మొద్దు మొహం ది కాదులే! అయినా ఏందే నా బతుకు ఇట్టా అయిపొయింది? దొరల బిడ్డని దొరల ఉండేటోడిని… నీ చేత రోజూ శాపనార్ధాల బతుకయ్యింది కదే!” అతని మాటల్లో పంకజం పేరు రాగానే సావిత్రమ్మ ముఖం మరింత కందిపోయింది. “సిగ్గులేదా దొంగ ముఖపోడా? అది బతికున్నప్పుడేగా సేతిలో వున్న భూమి దాని ఎదాన పెట్టావ్? ఇప్పుడు బికారోడివి అయ్యాక కూడా దానికోసమే ఏడుస్తుంటివి? డబ్బుకోసం పడుకొనే దాని కోసం దేవదాసులా తాగి దొర్లే ఓడిని నిన్నే చూస్తున్నా… తూ!” అంతలో పద్మజ ఇంటి గుమ్మంలో అడుగుపెట్టింది. ఆమె రాకతో ఆ క్షణానికి యుద్ధం ఆగినట్టయింది. “అవునమ్మా… నా ఫ్రెండ్ సరోజ ఇంటికి పోయి వస్తున్నా. నువ్వు గాబరా పడతావని బేగి వచ్చేసా” అంది తల్లి దగ్గర చేరి. సావిత్రమ్మ కళ్ళల్లోని కోపం కాస్త తగ్గి “పో… పోయి కాళ్ళు చేతులు కడుక్కో. అమ్మగారు నీ కోసం లడ్డూ కారంపూస ఇచ్చింది” అంది. పద్మజ సంతోషంగా దొడ్లోకి పరిగెత్తింది. ఆ రాత్రి మాలకొండ విహారయాత్ర గురించి పద్మజ అడగ్గానే సావిత్రమ్మ ముఖం మళ్ళీ గంభీరంగా మారింది. “కొత్త కొత్త కోరికలు పుడతాండాయే! ఎప్పుడన్నా యాడ కన్నా పంపినానే నిన్ను? మూసుకొని కూచోయే!” “సరోజ కూడా వస్తా వుంది… ఇంకేంది నీ భయం?” పద్మజ అడిగింది. “భయంగానే ఉంటది! మిమ్మల్ని ఇంట్లోను కట్టేయలేం చదివించకుండా ఉండలేం… ఒక ఇంటికి పంపేదాకా భయమేనే!” సావిత్రమ్మ కళ్ళల్లో ఆందోళన. కానీ రంగయ్య అనూహ్యంగా “పోనియ్యవే దాన్ని! నేస్తురాలు ఉందిగా! ఎపుడు కొంప స్కూలు అంటే దానికి ఊపిరాడాలా?” అన్నాడు. ఆ మాటతో సావిత్రమ్మ మనసు కాస్త మెత్తబడి “సర్లే… ఈ సారికి పో. దేవుడికి బాగా దణ్ణం పెట్టుకో. సరోజ తోనే వుండు ఒక్కత్తివి అటూ ఇటూ తిరగమాకా” అంది. పద్మజ ఆ రాత్రి నిద్ర పట్టక అటూ ఇటూ దొర్లింది. పుట్టి బుద్దెరిగాక ఈ ఇల్లు ఊరు గాక బయట ప్రపంచాన్ని చూడబోతుంది! ఆదివారం ఉదయం పది రూపాయల నోటు చేతిలో పెట్టి సావిత్రమ్మ పద్మజను బస్సు ఎక్కించింది. బస్సు పిల్లల కేరింతలతో సందడిగా ఉంది. ఒక మూల సీట్లో కూర్చున్న పద్మజ తేనె బొట్టుకు లంగా వోణి కట్టినట్టు మెరిసిపోతోంది. ఆమె నిశ్శబ్ద సౌందర్యం మగపిల్లల చూపులను ఆకర్షిస్తోంది. టీచర్లకు అభిమాన విద్యార్థిని క్లాస్ ఫస్ట్ పద్మజ. బస్సు మాలకొండ చేరింది. ఈ బంగారు ఛాయలో మెరుస్తున్న మిన్నాగు లాంటి ప్రపంచం పద్మజకు నిచ్చెన అవుతుందా లేక పాములా కాటేస్తుందా? ఆమె తల్లి భయాలు నిజమవుతాయా?
లింక్ పై క్లిక్ చేసి పూర్తి కథను చదవండి.

అవును.. జీవితం పాము నిచ్చెనల ఆట.. రక్త మాంసాల తోలు బొమ్మలాట.. తప్పుడు ఆలోచనల పాములు.. మధురమైన ఊహల నిచ్చెనలతో ఒక ఆట.. అ...

20/09/2025

ప్రియ గుండె ఆగినంత పనయ్యింది. సాగర్ తాగిన మత్తులో తన చేయి పట్టుకుని “నన్ను వదిలి వెళ్ళకు ప్లీజ్…” అంటూ గట్టిగా తన మీదకి లాక్కున్నాడు. అతని కౌగిలిలో తన్మయత్వంతో నలిగిపోతున్న ప్రియ ఫోన్ మోగగానే ఉలిక్కిపడింది. రవళి ఫోన్ కట్ చేయగానే ప్రియ చేతులు కూడా నెమ్మదిగా సాగర్‌ను కౌగిలించుకుంటూ ఉండగా అతను మళ్ళీ కలవరించాడు. “అమృత ప్లీజ్ వెళ్ళకు… నన్ను ఒంటరి వాడిని చెయ్యకు.” ఆ మాట వినగానే ప్రియ నెమ్మదిగా సాగర్ కౌగిలిని విడిపించుకుంది. ‘ఈ అమృత ఎవరు? కొంపతీసి లవర్ కాదు కదా! పోనీ మాజీ లవరా!’ అని ఆలోచిస్తూ అక్కడే నిద్రలోకి జారుకుంది. అదే సమయంలో అమృత ఇంట్లో పార్వతమ్మ జ్వరంతో కలవరిస్తోంది. “సాగర్… సాగర్…” ఆ పేరు వినగానే అమృతకు మతి పోయినట్టుంది. మూడేళ్ల తర్వాత అమ్మ సాగర్ పేరు ఎందుకు కలవరిస్తున్నట్టు? తనకేమీ అర్థం కావడం లేదు. రెండు రోజుల తర్వాత పార్వతమ్మ కళ్ళు తెరిచింది. “అమ్మగారు మీరు అదేదో పేరు… ఆఆ… సాగర్ సాగర్ అని ఒకటే కలవరిస్తూ ఉన్నారు. అసలు ఈ సాగర్ ఎవరమ్మా!” అని సీతాలు అడిగింది. పార్వతమ్మ మౌనంగా ఉంది. సీతాలు కళ్ళల్లోకి చూసి ఆమె గొంతులోంచి మాటలు రాలేదు. “మీకు చెప్పడం ఇష్టం లేకపోతే చెప్పొద్దమ్మా… లోకంలో నాకంటూ ఒకరు లేని దాన్ని. అన్నీ మీరే అనుకున్నాను. అందుకే అడిగాను. తప్పైతే క్షమించండమ్మా!” సీతాలు మాటలకు పార్వతమ్మకు పట్టలేని కోపం వచ్చింది. “నోరు ముయ్యవే!” అంటూ చేయి పైకి ఎత్తింది కొట్టడానికి. కానీ ఆగిపోయింది. “ఏ రోజు నిన్ను అది కానీ నేను కానీ పని మనిషిలా చూసాము? ఎందుకు అలా మాటలతో చంపుతూ ఉన్నావు?” పార్వతమ్మ సీతాలును గట్టిగా కౌగలించుకుని “ఆ సాగర్ ఎవరో కాదే! ఆ రోజు మనకి కార్ లో లిఫ్ట్ ఇచ్చాడే అతనే. స్వయానా అమృత భర్త. మన పాప తండ్రి.” మూడేళ్ల క్రితం ఏం జరిగింది? అమృత సాగర్ ఎందుకు విడిపోయారు? ప్రియ ప్రేమకు భవిష్యత్తు ఉందా?
లింక్ పై క్లిక్ చేసి పూర్తి కథను చదవండి.

ఉదయాన సరిగా ఆరింటికి అలారం ‌ఆగకుండా మోగసాగింది. అలవాటు ప్రకారం నిద్ర లేవగానే కళ్ళు తెరిచి, పక్కనే ఆదమరిచి నిద్.....

20/09/2025

“అమ్మా! మీ మంచంలోనా? నాకు భయం!” మంగ గొంతులో వణుకు. ఆమె కళ్ళు గది మూలగా వేసిన తన చిన్న మంచం వైపు పరుగెత్తాయి. రమేశ్ నవ్వి ఆమె భుజంపై చేయి వేయబోయాడు. “భయమెందుకు తాయారూ? పెళ్లంటేనే ఇలా పడుకోవడం. నువ్వు పెళ్లి చేసుకున్నావు కదా!” ఆ మాటలకు మంగ గుండె వేగంగా కొట్టుకుంది. పెళ్లి అంటే ఇదేనా? ఆమెకు అర్థం కాలేదు. “ఈ రోజుకిలా పడుకో! రేపటి నుండి తప్పించుకోలేవు” రమేశ్ గొంతులో క్రూరమైన నవ్వు. ఆమె అలివేలు సత్య మంగ తాయారు. అందాల రాశి. సంగీతంలో ఓ కోకిల. కానీ ఇప్పుడు అత్తగారింట్లో అడుగుపెట్టిన మొదటి రాత్రే ఆమె జీవితం ఓ చీకటి గదిలో చిక్కుకుపోయింది. పెళ్లి సందడి లేదు ఆదరించే ఆడదిక్కు లేదు. కేవలం మామ పరంధామయ్య భర్త రమేశ్. పెళ్లికి ముందు తనను చూసి మురిసిపోయిన రమేశ్ ఇప్పుడు తనను ఒంటరిగా వదిలేయడానికి నిరాకరిస్తున్నాడు. వారం గడిచింది. మంగ ప్రతి రాత్రి నరకం చూసింది. ఒకరోజు రమేశ్ తాగి వచ్చాడు. “తాయారూ... రావే!” అతని గొంతులో మత్తు కళ్ళలో క్రూరత్వం. మంగ ప్రాణం గాల్లో కలిసిపోయినట్లైంది. ఆమె లొంగిపోక తప్పలేదు. “అతను నచ్చకపోయినా అతనితోనే బ్రతకాలా?” ఆమె మనసులో ప్రశ్నలు. మామ పరంధామయ్యకు అన్నీ తెలిసినా ఏమీ పట్టనట్టు ఉన్నాడు. మంగ తల్లి అనసూయ తండ్రి అప్పారావు ఆమెను పండగకు తీసుకెళ్లడానికి వచ్చారు. “అదేంటి బావగారూ! పండగకు మీ ఇంటికి ఎలా వస్తారు? నేనిక్కడ ఒంటరిగా ఉంటానా?” పరంధామయ్య మొండిగా అన్నాడు. “మా సాంప్రదాయం మొదటి పండగకి అత్తారింటికి అల్లుడు రావాలి కదా!” అప్పారావు బ్రతిమాలినా రమేశ్ రాలేనని కచ్చితంగా చెప్పాడు. చివరికి మంగ ఒక్కతే తల్లిదండ్రులతో బయలుదేరింది. తల్లి ఒడిలో తలపెట్టి మంగ తన నరకయాతనను కన్నీళ్లతో వివరించింది. అనసూయ గుండె పగిలిపోయింది. “అయ్యో చిట్టితల్లికి అన్నీ కష్టాలే!” ఆమె కళ్ళలో కోపం. “అతను వస్తాడో రాడో మనం మంగను పంపవద్దు!” అనసూయ నిర్ణయించింది. మంగ ఊపిరి పీల్చుకుంది. కానీ విధి మరో ఆట ఆడింది. మంగ గర్భం దాల్చింది. “నాకీ కడుపు వద్దు అమ్మా! అబార్షన్ చేయించు!” మంగ ఏడుస్తూ వేడుకుంది. అనసూయ నిరాకరించింది. “అది మహా పాపం తల్లీ! నీ బిడ్డతో నువ్వు బ్రతకవచ్చు.” మంగ ఆవేశంగా “నిజంగా పోను మరి! అలా ఐతేనే పిల్లాడిని కంటా!” అంది. నెలలు నిండాయి. మగబిడ్డ పుట్టాడు. కానీ మంగకు ఆ బిడ్డపై ప్రేమ కలగలేదు. హిస్టీరియా వచ్చిన దానిలా ప్రవర్తించింది. ఆరు నెలల తర్వాత రమేశ్ కొడుకును చూడడానికి వచ్చాడు. “నాకీ పిల్లాడు వద్దు!” అంటూ మంగ ఆ బిడ్డను అతని చేతికి ఇచ్చేసింది. రమేశ్ పిచ్చివాడిలా ఆ బిడ్డను తీసుకుని పారిపోయాడు. అసలేం జరుగుతోందో ఎవరికీ అర్థం కాలేదు. తన కన్నబిడ్డను వద్దనుకున్న మంగ జీవితం ఏ మలుపు తిరుగుతుంది? ఆ పసికందు భవిష్యత్తు ఏంటి?
లింక్ పై క్లిక్ చేసి పూర్తి కథను చదవండి.

సంగ్రహం.. ఒక పూసిన పువ్వులాంటి జీవితం రాలిపోయిందని వాడి పోయిందని ఎంతో కుమిలి పోయి జీవఛ్చవంలా మారిన యువతి జీవిత.....

20/09/2025

విశ్వజిత్ ఒక ప్రఖ్యాత ఆర్టిస్ట్..అతని కుంచే నుండి జాలువారనీ అందమే ఉండదని ప్రతీతి..

అతనితో తన చిత్రం గీయించుకోవాలని తహతహ లాడని హీరోయిన్ ఉండదు ఆ మేహామన్ సిటీ లోనే లేదు..

కానీ అతని ప్రేమ పెళ్లి రిలేషన్ షిప్ లాంటి పదాలకి ఆమడ దూరంలో ఉంటాడు...

ముక్కుసూటితనానికి మారుపేరు.. తల్లి తండ్రులు చిన్న తనం లోనే పోయినా సరే వాళ్ళు నేర్పిన సంస్కారం అతని నరనరముల లోనూ నిండి ఉండి వారి జ్ఞాపకాలలో కాలం వెళ్లదీస్తూ ఉంటాడు..

తన జీవితం అంతా తనకి జన్మ నిచ్చిన మాతాపితరులకి ట్రిబ్యూట్ ఇస్తూ అంకితం చేద్దామని అనుకుంటాడు.

అతని జీవితం ఒక సరళ రేఖ . ఎత్తు పల్లాలు ఉన్నా అవి అతనికి వచ్చిన చిన్న చిన్న కష్టాలు మాత్రమే...!!

అయితే ఓకే రాత్రి అతను జీవితం లో చేసిన ఓకే తప్పు అతని జీవితాన్ని ప్రభావితం చేసింది...

అతని జీవితం లోకి తుఫాను లాగా దూసుకు వచ్చిన శరణ్య అతని జీవితాన్ని ఎలా మలుపు తిప్పింది...

ఇంతకీ మోనాలిసా ఎవరు..!?? ఆ నెలల వయసున్న పసి దానికి విశ్వజీత్ కి ఉన్న సంబంధం ఏమిటి ..!?
లింక్ పై క్లిక్ చేసి పూర్తి కథను చదవండి.

సంగ్రహం: విశ్వజిత్ ఒక ప్రఖ్యాత ఆర్టిస్ట్..అతని కుంచే నుండి జాలువారనీ అందమే ఉండదని ప్రతీతి.. అతనితో తన చిత్రం గీయ.....

20/09/2025

ఓ ఇంటి ముందు ఒక కార్ వచ్చి ఆగింది

కార్ లో నుంచి దిగిన వాళ్ళని ఆ ఇంట్లో వుండే వాళ్ళు చాలా మర్యాదగా లోపలికి తీసుకెల్లి హాల్ లో కూర్చోపెట్టి తినడానికి అని తెచ్చినవి వాళ్ళకి ఇచ్చారు

చూస్తుంటే అక్కడ పెళ్లి చూపులు జరుగుతనట్టున్నాయి.

అక్కడ వున్న వాళ్ళు అందరూ అబ్బాయి ని చూసి ఆలా చూస్తూ ఉండిపోయారు మరి అంతా అందం గా వున్నాడు అండ్ అతనే మ స్టోరీ లో హీరో పేరు జై జై చూడడానికి 25 ఇయర్స్ మన్మధుడు లా అమ్మాయిల కలల రాకుమారుడు లా చాలా హ్యాండ్సమ్ గా ముట్టు కుంటే మాసిపోయేంత తెల్లగా ఉంటాడు .

ఆలా పెద్ద వాళ్ళు కొంచం సేపు మాట్లాడుకున్నాక అమ్మయి నాన్న అమ్మాయిని తీసుకురండి అని చెప్పడం తో అమ్మాయిని తీస్కోచి జై ముందు కూర్చోపెట్టారు.

పక్కనే వున్న జై అమ్మ కావేరి జై తో కన్న అమ్మాయి ని చూడు అని చెప్పడం తో అమ్మాయి ని చూస్తాడు.

ఆ అమ్మాయి కూడా జై ని చూసి సిగ్గుతో తల దించుకుంటుంది

అమ్మాయి నాన్న : అన్ని చెప్పారు గాని ఇంతకీ అబ్బాయి ఎం చేస్తూ ఉంటాడో చెప్పలేదు.

ఆ మాట కి జై అమ్మ కావేరి నాన్న రఘరం ఎదో చెప్పేంతలో నవీన జై వదిన అదేంటి మ మరిది ఎం చేస్తాడో తెలియకుండానే పెళ్లి చూపులు పెట్టేస్కున్నారా

అమ్మాయి నాన్న : అది సంబంధం మంచిది రేపు మంచి రోజు పెళ్లి చూపులు పెట్టుకుందాం అని మ బావ చెప్పేసరికి తనకి న్ని తెలుసు కదా అని ఒకే అన్నం ఇంతకీ అబ్బయి ఎం చదువుకున్నాడు ఎం చేస్తున్నాడు.

జై : ఆ మాట తో గట్టిగా ఊపిరి పీల్చుకొని ఆయన వయిపు చూసి నేను 10 వరకె చదివాను అండి ఇంకా నేను మ ఊర్లో వ్యవసాయం చేస్తాను.
లింక్ పై క్లిక్ చేసి పూర్తి కథను చదవండి.

ప్రోమో లొకేషన్ : హైదరాబాద్ ఓ ఇంటి ముందు ఒక కార్ వచ్చి ఆగింది కార్ లో నుంచి దిగిన వాళ్ళని ఆ ఇంట్లో వుండే వాళ్ళు చాల...

20/09/2025

అది ఒక రాజమహల్ ఒక 25 ఎకరాల స్థలం లో ఉంది. కానీ చూసేవారికి అది 10 ఎకరాల స్థలం లో మాత్రమే ఉన్నట్టు ఉంటుంది(ఎందుకో ముందు వచ్చే విభాగాలలో చెబుతాను).ఇంటి గేట్ కి రెండువైపులా సింహలు స్వాగతం చెబుతున్నట్టు ఉంటుంది.

ఇంకా లోపలికి వెళ్లే దారిలో దారికి రెండు వైపులా రకరకాల పూల చెట్లు సుగంధాలు వెదజల్లుతున్నట్టు చుడటానికి చాలా అందంగా ఉంటాయి. ఇంకా కాస్త ముందుకు వెళితే రాధాకృష్ణుల విగ్రహం చుట్టూ వాటర్ పౌండ్ అందులో తామరపువ్వులు దాని చుట్టూ అందంగా అమర్చబడినట్టుగా ఉంటాయి.

ఆ భవనం ఒక రాజమహల్ అది చాల పురాతనమైన భవనం ఐన కూడా ఇప్పటికి చెక్కు చెదరకుండా ఉంది. రాజావారి సంస్థానం అక్కడ ఉన్న చుట్టుపక్కల ప్రాంతం అంతా అంటే దాదాపు కొన్ని వేల ఎకరాలు ఉన్నప్పటికీ ప్రజల కోసం ఆ సంస్థాన వారసులు దానం చేసేసారు ప్రజల కొరకు ఉచిత హాస్పిటల్స్, స్కూలు, కాలేజీలు, ఇంకా వారి జీవనోపాధికి పొలం దానం చేసేసారు ఆయనే శ్రీ విక్రమసింహులు గారు.

విక్రమసింహులు గారు మకుటం లేని మహారాజు ఆయన సంస్థానం లో ప్రజలు చాల సంతోషంగా జీవించేవారు. విక్రమసింహుల వారి భార్య శకుంతల దేవి గారు వీరికీ ఇద్దరు కుమారులు పెద్ద కుమారుని పేరు ప్రతాప్ వర్మగారు , ప్రతాప్ వర్మ గారి భార్య పేరు శారద దేవి గారు, వీరికి ముగ్గురు మగ పిల్లలు మొదట ఇద్దరు కవలలు పృథ్వి మరియు పార్థ్ , ఇంకా మూడవ కుమారుని పేరు రుద్ర్ , ఇప్పుడు శారదా దేవి గారు గర్భవతి... 5వ నెల జరుగుతోంది. ప్రతాప్ దంపతులిద్దరూ అన్యోన్నతకు మారుపేరు... అలాగే పెద్దల పట్ల అమితమైన గౌరవం కలిగినవారు.
లింక్ పై క్లిక్ చేసి పూర్తి కథను చదవండి.

(Note : ఈ కథను ఎవరైనా ఏ ఇతర మధ్యమాలలో అయినా కాపీ చేస్తే వారిపై లీగల్ గా యాక్షన్ తీసుకోబడుతుంది.. ఈ కథపై కాపీరైట్స్ పూర...

20/09/2025

"పెళ్లిళ్లు స్వర్గంలో నిర్ణయించబడతాయి అంటే ఏంటో అనుకున్నాను, ఇప్పటికి అర్ధం తెలిసింది" అన్నాడు రఘురాం గుమ్మం దగ్గర నిలబడి నిశ్చితార్ధానికి వస్తున్న బంధు జనాన్ని పలకరిస్తూ.

"మరి బ్రహ్మ రాతని మార్చడానికి మనమెవ్వరం. అది చేత్తో చేరిపేస్తే పోయేదా?" అంది సావిత్రి భర్త వైపు చూసి నవ్వుతూ.

అప్పటివరకు పెళ్లంటే ఇష్టంలేదని వచ్చిన సంబంధాలన్నింటిని కాదంటూ వచ్చిన కొడుక్కి ఇన్నాళ్లకు పెళ్లి జరగబోతుందన్న ఆనందం వాళ్ళిద్దరి కళ్ళల్లో ప్రస్ఫుటంగా కనిపిస్తుంది.
లింక్ పై క్లిక్ చేసి పూర్తి కథను చదవండి.

ఏ దారెటువైపో 1 "పెళ్లిళ్లు స్వర్గంలో నిర్ణయించబడతాయి అంటే ఏంటో అనుకున్నాను, ఇప్పటికి అర్ధం తెలిసింది" అన్నాడు ర....

20/09/2025

ఒక త్రీ ఫ్లోర్స్ బిల్డింగ్ లో ఫుల్ గా మ్యూజిక్ సౌండ్ తో మారు మోగిపోతుంది.

ఫస్ట్ ప్లోర్ బాల్కని లో అందంగా అరేంజ్ చేస్కున్న గార్డెన్ విత్ పూల మొక్కల మధ్యలో ఆండ్రియా యోగా చేస్తుంది.

ఆ మ్యూజిక్ వల్ల ఆండ్రియాకి చాలా డిస్టబేన్స్ గా అనిపించి లేచి కోపంగా " దీన్ని ఇవాళ కొట్టకుండా ఉండను " అనుకుంటు సెంకండ్ ఫ్లోర్ లోకి వచ్చి అక్కడున్న రూమ్ డోర్ ఒపేన్ చేసి చూసింది.

రూమ్ అంతా ఎక్కడ వస్తువులు అక్కడ పడి ఉన్నాయి.

బెడ్ పై ఒక కుక్కపిల్ల పడుకుని ఉంది. దాని పేరు వెస్లీ. బెడ్ పక్కన కింద ఆ కుక్కపిల్ల పడుకునే ప్లేస్ లో ఒక అందమైన ఆడపిల్ల హాయిగా నిద్ర పోతుంది.

విండోలో నుండి ఆ అమ్మాయి కోసమని తొంగి తొంగి చూస్తున్న సూర్యకి తన మొహం చూపించకుండా పిల్లో తీస్కుని మొహం మీద పెట్టుకుంది.

సూర్య అంటే ఎవరో పక్కింటి అబ్బాయో ఎదురింటి అబ్బాయో కాదు ఆకాశం లో ఉంటాడే ఆయన.. ?

ఆండ్రియా కోపంగా చూసి " జ్యూలి.. " అని అరిచింది.

వెస్లీ అదే కుక్కపిల్ల ఉలిక్కిపడి లేచి అక్కడ ఉన్న అమ్మాయి దగ్గర కి వచ్చి దాక్కుంది.

హాయిగా ఇళయరాజా మెలోడీ సాంగ్స్ వింటూ పడుకుని ఉన్న ఆ అమ్మాయి చేవిలో ఉన్న హెడ్ సెట్ తీసేసి చేవిలో వేలు పెట్టుకుని ఊపుతు " అబ్బా.. ఎందుకలా అరుస్తున్నావు చేవులు పోతాయి ఇక్కడ " అంది.
లింక్ పై క్లిక్ చేసి పూర్తి కథను చదవండి.

ఒక త్రీ ఫ్లోర్స్ బిల్డింగ్ లో ఫుల్ గా మ్యూజిక్ సౌండ్ తో మారు మోగిపోతుంది ఫస్ట్ ప్లోర్ బాల్కని లో అందంగా అరేంజ్ చ...

20/09/2025

నిద్ర పట్టక అటూ ఇటూ కదులుతూ మంచం మొత్తం చుట్టేస్తున్నాడు ఒక వ్యక్తి...

ఎంతకీ నిద్ర పట్టక టివి చూద్దాం అనుకోని టివి ఆన్ చేసాడు...

కొన్ని చానల్స్ లో లవ్ స్టోరీ మూవీస్ వస్తున్నాయి... ఇంకా మార్చి చూసాడు... ప్రోగ్రామ్స్ వస్తున్నాయి...
ఇప్పుడు అన్నింటికంటే న్యూస్ బెటర్ అని అనుకొని న్యూస్ ఛానెల్ పెట్టుకున్నాడు...

మంచు ఎక్కువగా పడుతున్న కారణంగా ఎవరూ బయటకు రాకూడదు అని గవర్నమెంట్ ఆజ్ఞలు జారీ చేసింది... అందరూ ఎవరి స్వస్థలాలలో వారు జాగ్రతగా ఉండండి... బయటకు వచ్చిన వారిని అదుపులోకి తీసుకునేందుకు పోలీస్ లు కూడా ఎవరూ ఉండరు... అందరూ బాధ్యత వహించి బయటకు రాకుండా జాగ్రత్త పడండి... అని ఇంగ్లీష్ లో చెప్తుంది న్యూస్ రిపోర్టర్...

టివి చూడటం కూడా బోర్ గా అనిపించి టివి ఆఫ్ చేసి విండో ఓపెన్ చేసి బయటకు చూసాడు...

అప్పటి వరకూ రూం హీటర్స్ వల్ల వెచ్చగా ఉన్న రూం...విండో ఓపెన్ చేసే సరికి చలకి ముడుచుకుపోయాడు అతడు...

తన చుట్టూ చేతులు వేసుకుని అలాగే బయటకి చూస్తూ ఉన్నాడు...

దృష్టి ని ఏ వైపుకి తిప్పినా అన్నీ తన ఆలోచనలే... కనీసం బయట విషయాల గురించి రెండు నిమిషాలు కూడా ఆలోచించలేకపోతున్నాను... అని తనలో తానే అనుకుంటూ... ఈ ఒంటరి తనాన్ని బరించేకంటే ఈ లోకాన్ని విడిచి వెళ్లిపోవడం మంచిది అని అనుకోని బాధపడ్డాడు.
లింక్ పై క్లిక్ చేసి పూర్తి కథను చదవండి.

కెనడా లో టొరంటో... సమయం రాత్రి పదకొండు గంటలు... నిద్ర పట్టక అటూ ఇటూ కదులుతూ మంచం మొత్తం చుట్టేస్తున్నాడు ఒక వ్యక్త.....

20/09/2025

టైమ్ నైట్ 11అవుతుంది...

స్టెప్స్ దిగుతూ చేతిలో కార్ కీస్ తో కిందకి వస్తున్న మనవరాలిని చూసి ఈ టైమ్ లో ఎక్కడికి అని అడుగుతుంది అంభికా దేవి

తెలిసే ఈ మాట అడుగుతున్నావా గ్రాని అని సీరియస్ గా వినిపిస్తుంది ఆ అమ్మాయి గొంతు

నువ్వే వెళ్ళాలా... ఇంట్లో పనివాళ్లు ఉన్నారుగా

అక్కడుంది ఎవరో తెలిసే నువ్విలా మాట్లాడుతున్నావా..

రోజూ నీకు ఇది ఒక డ్యూటీ అయిపొయింది.. అవసరమా ఆరోహి అని గది బయట నుంచి వినిపిస్తుంది ఆమె తల్లి పార్వతి గొంతు

తల తిప్పి ఆమె వైపు చూస్తూ ఇది డ్యూటీ కాదు మమ్మి బాధ్యత అని విరక్తి గా నవ్వి అక్కడి నుంచి బయటికి వెళ్లి కార్ లో ఒక చోటుకి బయలుదేరుతుంది ఆరోహి

నిర్మానుష్యమైన రోడ్డు మీద కార్ స్పీడ్ గా వెళ్తుంటుంది.. నీకు ఇదంతా అవసరమా ఇంకెన్ని రోజులు భరిస్తావు ఇలాగే వెళ్తూ ఎదురుగా వచ్చే ఏదైనా వెహికిల్ కి కార్ ని గుద్దేస్తే నీకు నీ మనసుకి శాశ్వతం గా రెస్ట్ దొరుకుతుంది కదా అని ఆమె అంతరాత్మ చెప్తుంది.

ఒక్క నిమిషం ఆ మాటలు వినాలి అనుకుంటుంది కాని నువ్వు కూడా లెకపోతే అతని పరిస్థితి ఏంటి?? అని మనసు ప్రశ్నించడం తో బ్రేక్ వేస్తుంది కంటి నుండి జారుతున్న కన్నీళ్ళకి కాసేపు స్వేచ్ఛ ని ఇచ్చి అక్కడే ఒక అయిదు నిముషాలు ఆగి కాస్త రిలీఫ్ అయ్యేంత వరకూ ఉండి... నో నేనిలా వీక్ అవ్వకూడదు అస్సలు వీక్ అవ్వకూడదు అనుకుంటూ

వెంటనే కార్ స్టార్ట్ చేసి స్పీడ్ గా డ్రైవ్ చేస్తూ సిటీ లోని ఓ పెద్ద రెస్టారెంట్ &బార్ ముందు కార్ ఆపి దిగుతుంది

అప్పటికే ఒక్కొక్కరిగా అందరూ వెళ్ళిపోతు ఉంటారు.. కొంతమంది ఆ అమ్మాయి అందం చూసి ఆశ పడుతుంటే మరికొందరు జాలి పడుతుంటారు

లోపలికి వెళ్లి నేరుగా తను రోజూ వెళ్లే టేబుల్ దగ్గరికి వెళ్లి అక్కడ ఫుల్ గా తాగి పడిపోయిన వ్యక్తి ని బాధగా చూసి బేరర్ తో బిల్ ఎంతో అడిగి పే చేసి అతన్ని తీసుకెళ్లాడానికి కార్ వరకూ హెల్ప్ చెయ్యమని అడుగుతుంది. గత ఆరు నెలలు గా ఇలాగే జరుగుతుంది ఆమె జీవితం లో అది ఆమెకు అక్కడ ఉన్న స్టాఫ్ కి కూడా అలవాటు అయిపొయింది.

మాడెం ఇవాళ సార్ తో ఒకరు గొడవ పడ్డారు ఆ గొడవ లో సార్ చేతికి దెబ్బ తగిలింది అని చెప్తాడు అక్కడ పని చేసేవ్యక్తి .

వాట్ గొడవ జరిగిందా ఎందుకు? అని అప్పటి వరకు నార్మల్ గా ఉన్న ఆమె మొహం ఒక్కసారి గా కోపం తో ఎరుపేక్కుతుంది.

సార్ తప్పు లేదు అతనే కావాలని గొడవ పెట్టుకున్నాడు.. మీరు రోజూ ఇక్కడికి వచ్చి తీసుకెళ్తున్నారు అని సార్ కి ఇన్కమ్ ఆఫ్ సోర్స్ ఏం లేదని మీ మీద ఆధారపడి..

ఇంక చాలు అన్నట్టు చెయ్యి చూపించి అతన్ని ఆపి ఇప్ప్పుడు అతను ఇక్కడ ఉన్నాడా అని సీరియస్ గా అడుగుతుంది ఆరోహి.

అదిగోండి మాడెం అక్కడ ఉన్నాడు అని దూరంగా ఉన్న ఆ వ్యక్తి వైపు వేలు ఉంచి చూపిస్తాడు.
లింక్ పై క్లిక్ చేసి పూర్తి కథను చదవండి.

❤️రెండు గుండెల చప్పుడు ఒక్కటే ❤️ మరీ ఆ చప్పుడు ఆరోహి ❤️అయాన్ అవుతారా లేదంటే ఆరాధ్య ❤️అయాన్ అవుతారా మిత్ర 'స్ మ్య...

20/09/2025

అబ్బాబ్బా..చూస్తే దొరుకుతాయి.ఎందుకు ఆ నోరు వేసుకొని అరుస్తున్నావ్ అంటూ వచ్చి ..తనకి కావలసినవి ఇచ్చి వెళ్తారు...ఆమని గారు..

అమ్మ నీకు ఎప్పుడు నేను అంటే చులకన..ఆమని గారు వెళ్లేవారు కాస్త ఆగి వెనక్కి వచ్చి ఏమన్నా వే ఏమన్నావ్ .. నువ్వంటే నాకు చులకన అంటూ చెవి మెలి వేస్తారు...

ప్లీజ్ అమ్మా వదిలేయవ..నొప్పిగా ఉంది.. వదిలేయాలా ఎలా వదిలేస్తాను నోటికి ఎంత వస్తే అంత వాగడమేనా..

ఈ లోపు అక్కడికి హరీష్ గారు రావడంతో నాన్నా అంటూ పరుగున వెళ్లి ఆయనను హగ్ చేసుకొని చూడండి నాన్న అమ్మా నన్ను ఎలా బెదిరిస్తున్నదో అంటూ వా పోతుంది...

హరీష్ గారు ప్రేమగా కూతురు తల మీద చేయి వేసి తను అలాగే అంటుంది లే కానీ ఇంతకీ కాలేజీకి వెళ్తున్నావా లేదా..

వెళ్తున్న నాన్న అంటూ తన బ్యాగ్ తీసుకొని కిందికి వస్తుంది ..

హరీష్ గారికి.. తనకి టిఫిన్ పెట్టేసి కిచెన్ లోకి వెళ్లి పోతారు ఆమని గారు... టిఫిన్ తినేసి ఆమని గారికి బాయ్ చెప్పేసి తన రాయల్ ఎన్ఫీల్డ్ బైక్ తీసుకొని దానిపై వెళ్ళిపోతుంది.
లింక్ పై క్లిక్ చేసి పూర్తి కథను చదవండి.

అమ్మా....అమ్మా.... నా షూస్ ఎక్కడ... నా బాగ్ ఎక్కడ.... నా లంచ్ బాక్స్ ఎక్కడ... అంటూ...వస్తుంది... అబ్బాబ్బా..చూస్తే దొరుకుతాయి......

20/09/2025

రామాపురం......

ఒక మారుమూల పల్లెటూరు.....

ఆ ఊరి పెద్ద రఘురామయ్య గారి ఇంట్లో......

రఘురామయ్య గారి గదిలో చేతిలో ఉన్న కూతురి ఫోటో చూస్తూ గతం తాలూకు జ్ఞాపకాలు వెంటాడుతుంటే ప్రత్యేకంగా ప్రతీ సంవత్సరం ఈ రోజు ఇంట్లో జరిగే హడావిడి, అల్లరి, సరదా సంబరాలు అన్ని గుర్తొస్తుంటే బాధతో కన్నీళ్లు పెట్టుకుంటు ఆ ఫోటో లో ఉన్న తన కూతురిని చేత్తో తడుముతూ ఉన్నారు రఘురామయ్య గారి భార్య జానకి దేవి గారు...

అదే ఇంట్లో రఘురామయ్య గారి కొడుకు గదిలో అల్మారా లో బట్టలు సర్థుతున్న రఘురామయ్య గారి కోడలు కస్తూరి గారు "యావండి ఉదయం నుండి అత్తయ్య పచ్చి మంచినీళ్ళు కూడా ముట్టుకోలేదండి....... ఎంత బ్రతిమలాడినా నా మాట వినట్లేదు......" అని చెప్పారు అక్కడే కూర్చుని అకౌంట్స్ చూస్తున్న తన భర్త ప్రభాకర్ గారితో...

ఆ మాటకు ఆయన అకౌంట్ బుక్ నుండి చూపు తిప్పకుండానే చిన్నగా నవ్వుతూ "సీతు ఎక్కడ???" అని అడిగారు తమ కూతురు గురించి ఎందుకంటే అంత బాధలో ఉన్న తన తల్లి చేత ఎంగిలి పడేలా చేయగలిగేది ఆ అమ్మాయి మాత్రమే కావడంతో...... భర్త ప్రశ్నకు ఆవిడ నిట్టూరుస్తూ ఆవిడ పని ఆవిడ చేసుకుంటూనే "ఆడపిల్లైనా అన్ని విద్యలు ఉండాలి అని ఆ రాక్షసిని మగరాయుడిలా పెంచారు..... ఇంత పొద్దున్నే ఏం చేస్తుంది దానిలాగే మరి కొంత మందిని రౌడీల్లా తయారు చేయడానికి బయట పిల్లలకి కర్రసాము నేర్పిస్తుంది......" అని చెప్పారు.
లింక్ పై క్లిక్ చేసి పూర్తి కథను చదవండి.

రామాపురం...... ఒక మారుమూల పల్లెటూరు..... ఆ ఊరి పెద్ద రఘురామయ్య గారి ఇంట్లో...... రఘురామయ్య గారి గదిలో చేతిలో ఉన్న కూతురి ఫ...

Pratilipi Telugu - ప్రతిలిపి తెలుగు

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

Address

Website

Alerts

Contact The Business

Shortcuts

Share

Category

The largest Indian language storytelling platform