31/12/2025
-malayalam
"" കല്യാണ ചെക്കൻ അവന്റെ കാമുകിയുമായി ഒളിച്ചോടി പോയെന്ന് ""
ഈ വാക്കുകൾ മാത്രം അവളുടെ ചുറ്റിനും കേട്ട് കൊണ്ടേ ഇരിക്കുന്നു.... മുഹൂർത്ത സമയം ആകുമ്പോൾ കല്യാണ ചെക്കൻ വന്നിരിക്കും എന്ന് ഉറപ്പ് പറഞ്ഞ് കൊണ്ട് അവളെ മണ്ഡപത്തിലേക്ക് കയറ്റി ഇരുത്തിയിരുന്നു... അപ്പോഴാണ് ഞെട്ടിച് കൊണ്ട് ഈ വാർത്ത പരക്കുന്നത് ...
കണ്ണുകൾ നിറഞ്ഞു കാഴ്ചകൾ മങ്ങി... അവളുടെ അടുത്തേക്ക് പോകാൻ കഴിയാതെ പാവം ആ അച്ഛനും അമ്മയും തന്റെ മകളുടെ അവസ്ഥ ഓർത്ത് വിങ്ങി പൊട്ടി....
ഇനിയും ഇവിടെ ഇരിക്കേണ്ട ആവശ്യമില്ലല്ലോ എന്ന ചിന്തയിൽ മണ്ഡപത്തിൽ നിന്നും എഴുന്നേക്കാൻ തുടങ്ങിയപ്പോൾ അവളുടെ കഴുത്തിന് ചുറ്റും രണ്ട് കൈകൾ.... കഴുത്തിൽ എന്തോ ഇഴയുന്ന പോലെ...
കണ്ണുകൾ അടച്ചു തുറന്നപ്പോൾ അവളുടെ കണ്ണ് നീർ തുള്ളികൾ അവന്റെ വെളുത്ത ഉറച്ച കയ്യുകളിൽ പതിച്ചു....
അവൾ ഞെട്ടലോടെ ആ മുഖത്തേക്ക് നോക്കി... താനുമായി കല്യാണം ഉറപ്പിച്ച ആളല്ല... തനിക്ക് അറിയാത്ത ഏതോ ഒരാൾ... അയാളോട്ടും തന്നെ നോക്കുന്നു കൂടിയില്ല... ഗൗരവം നിറഞ്ഞ മുഖം... കട്ടി മീശയും താടിയും.... നീണ്ട മുടികൾ... ഇളം ചുവപ്പ് അധരങ്ങൾ... വെളുത്ത നിറം ...
ചിന്തകൾക്ക് വിരാമം ഇട്ട് കൊണ്ടായിരുന്നു അവന്റെ താറിന്റെ ഹോൺ മുഴങ്ങിയത്... അവൾ ഞെട്ടി ചുറ്റിനും നോക്കി...
അതെ .. താനിപ്പോൾ അവന്റെ താറിൽ ആണ്... താറിന്റെ ഫ്രണ്ടിൽ തമ്പുരാൻ എന്നെഴുതിയിട്ടുണ്ട് ... വന്ന് നിൽക്കുന്ന വീടിന്റെ മുന്നിൽ മതിലിൽ സ്വർണ നിറത്തിൽ വലുപ്പത്തോടെ തമ്പുരാൻ എന്ന് കൊതിയിരിക്കുന്നു...
അവന്റെ ദേഷ്യം മുഴുവനും ഹോൺ അടിച് തീർത്ത് കൊണ്ടേ ഇരുന്നു...
" നീ ഇങ്ങനെ കിടന്ന് അതടിച് പൊട്ടിച്ചാൽ ആരേലും വന്ന് തുറന്ന് തെരുവോ കണ്ണാ.... ഞാൻ അറിഞ്ഞില്ലല്ലോ എന്റെ മോൻ ഗേറ്റ് തുറക്കാൻ വേണ്ടി സെക്യൂരിറ്റിയെ നിർത്തിയ കാര്യങ്... "
അമ്മയുടെ സംസാരം കേട്ട് അവൻ തിരിഞ്ഞ് അമ്മയെ തരപ്പിച്ചൊന്ന് നോക്കി.. അറിയാതെ പോലും അവന്റെ സൈഡിൽ ഇരിക്കുന്ന അവളുടെ മേൽ നോട്ടം വീണില്ല..
" ഓ ഞാൻ പോയി തുറക്കാം... ഇനി അതും പറഞ്ഞ് രണ്ടും കൂടി അടി ആവണ്ട.. "
താറിൽ നിന്നും ഒരു പെൺ കുട്ടി ഇറങ്ങി പോയി ഗേറ്റ് തുറന്നു... അവന്റെ താർ ഗേറ്റും കടന്ന് അകത്തേക്ക് കയറി... കാർ പോർച്ചിൽ നിർത്തി... അത്യാവശ്യം വലിപ്പം ഉള്ള ഇരു നില വീടായിരുന്നു... വീടിന്റെ മുമ്പിൽ തന്നെ ചെറിയൊരു ഗാർഡൻ പോലെ തിരിച്ചിട്ടുണ്ട്... പല നിരത്തിലെ പല തരം ചെടികളും പൂക്കളും...
" ഇറങ്ങി വാ മോളെ "
അവൾക്ക് ഇറങ്ങാൻ വേണ്ടി ഡോറും തുറന്ന് ഒരു സുന്ദരി ആയ അമ്മ... ചുവന്ന നിറത്തിൽ സ്വർണ കര വന്നിട്ടുള്ള സാരി ആയിരുന്നു വേഷം ... അവൾ ആകേ പേടിച് എന്ത് ചെയ്യണമെന്നറിയാതെ അവളുടെ വലുത് വശത്തേക്ക് നോക്കി... അവിടെ ആരുമില്ലായിരുന്നു...
" അവൻ ഇറങ്ങി മോളെ... മോൾ വാ "
അവൾക്കെന്തോ കരച്ചിലൊക്കെ വന്നു... ആ അമ്മയെ നോക്കിയൊന്ന് പുഞ്ചിരിച് കൊണ്ട് അവൾ ഇറങ്ങി... അവളെയും കാത്ത് അക്ഷമനായി വീടിന് മുന്നിൽ നിൽക്കുന്ന അവനെ കണ്ട് അമ്മക്ക് ചിരി വന്നു എങ്കിലും സമർത്ഥമായി അവർ ആ ചിരിയെ ഒതുക്കി...
അപ്പോഴേക്കും നിലവിളക്കുമായി നേരത്തെ ഗേറ്റ് തുറന്ന പെൺകുട്ടി വന്നു... കൂടെ അവളെക്കാൾ ഇളയതെന്ന് തോന്നിക്കുന്ന ഒരു പയ്യനും കൂടെ ഉണ്ടായിരുന്നു ...
അമ്മ അവന്റെ അരികിൽ അവളെ നിർത്തി കൊണ്ട് മറ്റെ പെൺ കുട്ടിയുടെ കയ്യിൽ നിന്നും താലം വാങി സിന്തൂരം ഇട്ട് കൊടുത്തു...
നിലവിളക്ക് വാങ്ങി അവളുടെ കയ്യിലേക്ക് കൊടുത്തു... ചെറിയൊരു പുഞ്ചിരിയോടെ അവൾ നിലവിളക്ക് വാങ്ങി വലത് കാൽ വെച് വീട്ടിലേക്ക് കയറി...
ചടങ്ങ് കഴിഞ്ഞല്ലോ എന്ന ആശ്വാസത്തിൽ അവൻ ദേഷ്യത്തോടെ തിരിഞ്ഞ് നടന്ന് അവന്റെ താറിൽ കയറി ഗേറ്റും കടന്ന് പോകുന്നത് അവൾ അറിഞ്ഞിരുന്നു...
" മോൾ വാ... ഇവിടെ ഇരിക്ക് വേറെ കുറച്ചു ചടങ്ങ് കൂടി ഉണ്ടായിരുന്നു... അതിനി കല്യാണ ചെക്കൻ ഇല്ലാതെ എങ്ങനെ നടത്താനാ... "
ആ അമ്മ പുഞ്ചിരിയോട് കൂടി അവളുടെ മുടിയിൽ തഴുകി കൊണ്ട് പറഞ്ഞു...
" ചടങ്ങിലൊന്നും കാര്യമില്ല അമ്മേ... ഇപ്പോ തന്ന എന്റെ ഏട്ടത്തി പേടിച്ചിരിക്കുവാ... നമ്മളെയൊന്നും പരിചയമില്ലല്ലോ... "
" ശെരിയാ അമ്മേ... ആദ്യം നമ്മളെയൊക്കെ പരിചയപ്പെടുത്ത്. .. എന്നിട്ടല്ലേ ബാക്കി കാര്യങ്ങൾ "
അവരുടെ രണ്ട് മക്കളും പറയുന്നത് ശെരിയാണെന്ന് സമ്മതിച് കൊണ്ട് അവളുടെ അരികിൽ ഇരുന്നു...
" ഇതാണ് തമ്പുരാൻ... ഇവിടെ ഞാനും എന്റെ ഒരു പാവം ഭർത്താവും... ദേഷ്യം എന്താണെന്ന് കണ്ട് പിടിച്ച ഒരു മോനും കുരുത്തംകെട്ട വേറെ രണ്ട് മക്കളും മാത്രേ ഉള്ളൂ... "
അവരുടെ സംസാരം കേട്ട് അവൾക്ക് ചിരി വന്നു...
" എന്റെ പേര്
ശ്രീദേവി
മഹീന്ദ്രൻ
...
വീട്ടമ്മയാണ്... എന്റെ ഭർത്താവ്
മഹീന്ദ്രൻ
സ്കൂൾ ഹെഡ് മാഷാണ് .... എനിക്ക് മൂന്ന് മക്കൾ... മൂത്തത് അതായത് മോളുടെ ഭർത്താവ്
അഗ്നിദേവ്
മഹീദ്രൻ
... ഞങ്ങൾ കണ്ണൻ എന്നാ വിളിക്കുന്നെ... രണ്ടാമത്തെ മോളാണിത്
അഖിലേന്തു
മഹീന്ദ്രൻ
..
അമ്മു എന്ന് വിളിക്കും .. ഏറ്റവും ഇളയ ആളാണിത്
അധർവ്
മഹീന്ദ്രൻ
... അച്ചു എന്ന് വിളിക്കും ... "
കണ്ണും മിഴിച് എല്ലാം കേട്ട് കൊണ്ടിരിക്കുന്ന അവളെ നോക്കി മൂന്ന് പേരും ചിരിച്ചു...
" എന്ത് പറ്റി മോളെ... മനസ്സിലായില്ലേ.. അതോ ഇപ്പഴും പേടിയാണോ ... "
അവൾ അതിനും പുഞ്ചിരിച്ചതെ ഉള്ളൂ..
" ഏട്ടത്തി എന്താ ഒന്നും മിണ്ടാതെ ... ഇനി ഏട്ടത്തിയെ ഞങ്ങൾക്ക് പരിചയപ്പെടുത്തി താ.. "
അമ്മു ഉത്സാഹത്തോടെ അവളുടെ കയ്യിൽ പിടിച് പറഞ്ഞു...
" ഞ്യാൻ നൈനിക കേശവൻ ... ല്ലാരും നൈനു ന്നാ വിളിക്ക്യാ... വീട്ടിൽ അച്ഛനും അമ്മയും ഞ്യാനും... അച്ഛൻ ഒരു പച്ചക്കറി കടയിൽ നിക്ക്യാണേ. .. അമ്മ വീട്ടമ്മയാ... ഷോഹ് പേര് പറഞ്ഞില്ല്യാല്ല്യേ... അച്ഛൻ കേശവൻ... അമ്മ ശാലിനി... "
അവളുടെ കുട്ടിത്തം നിറഞ്ഞ പ്രതേകം ഈണത്തിലും താളത്തിലുമുള്ള സംസാരം കേട്ട് അവർക്ക് മൂന്ന് പേർക്കും നൈനുവിനോട് ഒത്തിരി ഇഷ്ട്ടം തോന്നി...
" ഞാൻ ആരാണെന്ന് മോൾക്ക് അറിയ്യോ... "
" ഇല്ല്യാ.. "
" ഞാൻ മോളുടെ അമ്മയുടെ കൂട്ടുകാരിയാണ്.... "
" ഹാ ദേവീമ്മാ അല്ല്യേ. ... ആ കൂട്ടുകാരിയെ പറ്റി അറിയാല്ല്യോ.... അമ്മ പ്പഴും പറയും ഈ ദേവീമ്മയെ പറ്റിയെ... "
" അവളെന്റെ ഏറ്റവും അടുത്ത കൂട്ടുകാരിയാ. .. മോളുടെ അച്ഛന്റെയും അമ്മയുടെയും പ്രണയ വിവാഹം ആയിരുന്നല്ലോ... ഇവിടെ നിന്നൊക്കെ അവരുടെ ഒളിച്ചോട്ടം അവസാനിച്ചത് പാലക്കാടായിരുന്നു.... പിന്നെ ഫോൺ വഴിയാണ് കുറച്ച് നാളുകൾക്ക് ശേഷം വീണ്ടും ഞങ്ങളുടെ സൗഹൃദം തുടങ്ങിയത്.."
നൈനു നല്ലോരു കേൾവിക്കാരിയെ പോലെ ദേവി പറഞ്ഞതൊക്കെ കേട്ടിരുന്നു... അപ്പോഴാണ് വീടിന് മുന്നിൽ ഒരു കാർ വന്ന് നിന്നത്... അതിൽ നിന്നും ഇറങ്ങി വരുന്ന ആളിനെ കണ്ടതും നൈനു എഴുന്നേറ്റ് നിന്നു... ഒപ്പം ദേവിയും....
" എന്താടോ ഭാര്യെ.... എന്റെ മരുമോളെ വന്ന കോലത്തിൽ തന്ന നിർത്തിയേക്കുന്നെ.."
ചിരിച് കൊണ്ടുള്ള മഹീന്ദ്രന്റെ ചോദ്യം കേട്ട് നൈനു ദേവിയെ നോക്കി.... നൈനുവിന്റെ നിൽപ്പ് കണ്ട് മഹീന്ദ്രൻ അവളെ പിടിച് അടുത്തിരുത്തി.... അനുസരണ ഉള്ള ഒരു കുട്ടിയെ പോലെ അവൾ ഇരുന്നു...
" എന്താ മോൾടെ പേര്...."
" നൈനിക.... "
" ആഹാ... നല്ല പേരാണല്ലോ... "
" നൈനു ന്നാ ല്ലാരും വിളിക്ക്യാ.."
" ആഹാ... അതും കൊള്ളാല്ലോ... ആരൊക്കെയാണ് നൈനു എന്ന് വിളിക്കുന്നെ "
" ന്നേ ഇഷ്ടമുള്ളോർ .... നല്ല പരിചയക്കാരൊക്കെ നൈനു എന്നാണെ വിളിക്കാറ്.... അതാ ഞ്യാൻ ങ്ങനെ പറഞ്ഞേ..."
" അപ്പോ ഞാനും നൈനു എന്ന് വിളിക്കാം... "
മഹീന്ദ്രൻ പറഞ്ഞതും നൈനുവിന്റെ അധരങ്ങൾ പുഞ്ചിരിച്ചു...
" ഞാൻ ആരാണെന്ന് മനസ്സിലായോ നൈനു മോൾക്ക്..."
" അത് ദേവിമ്മാടെ ഭർത്താവ് അല്ല്യെ...."
നൈനുവിന്റെ മറുപടി കേട്ട് എല്ലാവരും ചിരിച്ചു.....
" എന്റെ കുഞ്ഞിനെ ചോദ്യം ചെയ്യാതെ ഒന്ന് പോ മാഹിയേട്ടാ... "
" അച്ഛന്റെ ചോദ്യം ചെയ്യലൊക്കെ സ്കൂളിൽ... ഇവിടെ ഞങ്ങൾക്ക് ലോലൻ അച്ഛനെ മതി .... "
അമ്മു പറയുന്നെ കേട്ട് നൈനു അയാളെ നോക്കി...
" ഹാ ഞാൻ ലോലൻ ആയോണ്ടാ നീ രണ്ടും കുരുത്തംകെട്ടത് ആയത്.. പിന്ന മൂത്ത സന്തതിയെ ഇങ്ങോട്ട് വാ എന്ന് പറഞ്ഞാൽ അങ്ങോട്ട് പോകുന്ന ഐറ്റം.. "
അച്ഛന്റെ ആ ഡയലോഗിൽ നൈനു അയാളെ തന്ന നോക്കി ഇരിന്നു... അയാൾ അവളെ നോക്കി ചിരിച് കൊണ്ട് തോളിൽ കൈ ചേർത്ത് പിടിച്ചു...
" എന്ത് പറ്റി നൈനു മോൾക്ക് പേടിയാകുന്നോ.... മോൾടെ ഭർത്താവിനെ പറ്റി കേട്ടിട്ട്... "
അവൾ ഒന്നും മിണ്ടിയില്ല.... തല കുനിച്ചു.....
" മോൾ പേടിക്കേണ്ട കാര്യമൊന്നുമില്ല... ആളിച്ചിരി ദേഷ്യക്കാരനാ... അതൊക്കെ മോൾക്ക് മെരുക്കി എടുക്കാൻ പറ്റും... "
" ഞ്യാനോ. .. "
അവൾ കണ്ണും മിഴിച് അയാളെ അതെ നോട്ടം തുടർന്നു....
" അതെ മോൾ തന്നെ... അവൻ പ്രതീക്ഷിക്കാതെ നടന്ന കല്യാണമല്ലേ... അതിന്റെ ചെറിയൊരു നീരസം കാണിക്കും... എന്നാലും മോൾ വിട്ട് കൊടുക്കരുത്... ഉടുമ്പ് പിടിച്ച പോലെ പിടിച്ചോണം... "
" തെങ്ങനെയാ അച്ചാ അങ്ങനെ പിടിക്കണേ ...എനിക്കറിയില്യാല്ലോ... "
" എന്റെ മോളെ ഈ മാഹിയേട്ടൻ ഇങ്ങനെ പലതും പറയും... അവൻ പാവമാ മോളെ "
" അതെ അതെ... വളരെ പാവമാണ്... "
മഹിയുടെ വക അടുത്ത കൗണ്ടർ വന്നപ്പോൾ അമ്മുവും അച്ചുവും അതെ എന്ന പോലെ തല കുലുക്കി... നൈനു ഒന്നും മനസ്സിലാകാതെ അവരെ നാല് പേരെയും മാറി മാറി നോക്കിയിരുന്നു... തന്റെ ജീവിതത്തിൽ ഇനി എന്തൊക്കെയാ നടക്കാൻ പോകുന്നെ... തന്റെ കഴുത്തിൽ താലി ചാർത്തിയ മനുഷ്യൻ പാവമാണോ ദുഷ്ട്ടനാണോ... എന്നൊക്കെയുള്ള പല ചിന്തകിൽ അവൾ നിഷ്ക്കളങ്കമായി അവരെയും നോക്കി ഇരുന്നു...
അവന്റെ മനസ്സിലെ ചിന്തകൾ എന്താണെന്ന് അറിയാതെ ആ കുടുംബം വന്ന് കേറിയ അവരുടെ പുതിയ അതിഥിയോട് അവനെ പറ്റി പറഞ്ഞ് തുടങ്ങി....
"" കല്യാണ ചെക്കൻ അവന്റെ കാമുകിയുമായി ഒളിച്ചോടി പോയെന്ന് "" ഈ വാക്കുകൾ മാത്രം അവളുടെ ചുറ്റിനും കേട്ട് കൊണ്ടേ ഇരിക.....
