20/07/2025
অব্যাহত আছে বিজেপি চৰকাৰৰ স্বচ্ছ নিযুক্তি প্ৰক্ৰিয়া...
কংগ্রেছ চৰকাৰৰ শাসনকালত সংঘটিত চৰকাৰী নিযুক্তিকেন্দ্রিক অবাধ দুৰ্নীতি, কেলেংকাৰীৰ ওৰ পেলাই বিজেপি চৰকাৰে যোগ্য,মেধাৱী যুৱক-যুৱতীসকলৰ বাবে স্বচ্ছ আৰু নিকা প্ৰক্ৰিয়াৰে এটা চৰকাৰী চাকৰি লাভৰ সপোন বাস্তৱ কৰিলে।
অসমৰ মাননীয় মুখ্যমন্ত্রী ড° হিমন্ত বিশ্ব শৰ্মা ডাঙৰীয়াৰ নেতৃত্বত বিগত ৪বছৰত স্বচ্ছ আৰু দুৰ্নীতিমুক্ত নিযুক্তিৰ এক "মিছন" আৰম্ভ হৈছে। নিৰ্বাচনী প্ৰতিশ্ৰুতি আখৰে আখৰে পালন কৰি মাননীয় মুখ্যমন্ত্রী ড° হিমন্ত বিশ্ব শৰ্মা ডাঙৰীয়াৰ নেতৃত্বত বিজেপি চৰকাৰে বিগত ৪বছৰত সম্পূর্ণ স্বচ্ছতাৰে প্ৰদান কৰিছে ১.২ লাখৰো অধিক চৰকাৰী চাকৰি । কালি মাননীয় মুখ্যমন্ত্রী মহোদয়ৰ উপস্থিতিত নতুনকৈ ৩৪২ গৰাকী বাছনিভুক্ত মেধাৱী যুৱক - যুৱতীক নিযুক্তি পত্ৰ প্ৰদান কৰা হয়। ইয়াৰ জৰিয়তে বিগত ৪ বছৰত অসমত চৰকাৰী নিযুক্তিৰ সংখ্যা ১,২১,১৮২ লৈ বৃদ্ধি পালে।
মাননীয় মুখ্যমন্ত্ৰী ড০ হিমন্ত বিশ্ব শৰ্মা ডাঙৰীয়াৰ নেতৃত্বত চৰকাৰী নিযুক্তিৰ এই নিৰৱধি যাত্ৰাই অসমৰ হেজাৰ হেজাৰ যোগ্য, মেধাৱী যুৱক-যুৱতীৰ বাবে কঢ়িয়াই আনিছে এক ইতিবাচক পৰিৱেশ।
