ନଜର - NAJAR

15/09/2025

ଦବିଗଲା ବିଜୁଏକ୍ସପ୍ରେସ ୱେ ।ସୋହେଲା-ପଦ୍ମପୁର ରାସ୍ତା ଘେଁସ ବଡ଼ଯୋର ନିକଟରେ ରାସ୍ତା ଦବିଯିବାରୁ ମାଲ ବୋଝେଇ ଯାଉଥିବା ଏକ ଟ୍ରକଗାଡ଼ି ଘଣ୍ଟଘଣ୍ଟା ଧରି ରାସ୍ତା ଉପରେ ଫସି ରହିଥିଲା । ପରେ ଅନ୍ୟ ଏକ ଟ୍ରକଗାଡ଼ିର ସହାୟତାରେ ଫସି ରହିଥିବା ଗାଡ଼ିଟିକୁ ଉଦ୍ଧାର କରାଯାଇଥିଲା ।

14/09/2025

ଘେଁସ ହାଇସ୍କୁଲ ପଡ଼ିଆ ଠାରେ ଲାଲଯୋଗେନ୍ଦ୍ରନାଥ ସିଂ ସ୍ମାରକୀ ଏକଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ।

12/09/2025

ଜିଲ୍ଲା ଅବକାରୀ ବିଭାଗ ତରଫରୁ ଦେଶୀ ମଦଭାଟି ବ୍ରାଞ୍ଚ ଖୋଲିବାକୁ ବିରୋଧ କରି ଶହଶହ ମହିଳା ପୁରୁଷ ଜିଲ୍ଲାପାଳ ଅଫିସ କୁ ଆସି ଭାଟି ବନ୍ଦ କରିବାକୁ ଆଜି ଦାବିପତ୍ର ଦେଇଛନ୍ତି । ଭେଡେନ ବ୍ଲକ ରେଶମ ପଞ୍ଚାୟତର ଇଛାପଦର ଓ ନନ୍ଦିନୀପୁର ଗ୍ରାମରେ ନୂତନ ଭାବେ ଦେଶୀ ମଦଭାଟି ର ବ୍ରାଞ୍ଚ ନିର୍ମାଣ ହେଉଅଛି । ଯେଉଁ ସ୍ଥାନରେ ମଦଭାଟି ଖୋଲା ହେଉଅଛି ପାଖରେ ସରକାରୀ ସ୍କୁଲ ଅଛି, ମନ୍ଦିର ଅଛି ଏବଂ ମୁଖ୍ୟ ରାସ୍ତା ହୋଇଥିବାରୁ ଶହଶହ ଛାତ୍ରଛାତ୍ରୀ ମାନେ ଏବଂ ସର୍ବ ସାଧାରଣ ଲୋକ ଯାତାୟାତ କରିଥାନ୍ତି । ଯଦି ମଦଭାଟି ଖୋଲାଯାଏ ତାହାହେଲେ ମଦ ପିଇ ବିଭିନ୍ନ ପ୍ରକାର ଅସାମାଜିକ କାର୍ଯ୍ୟ କରିବେ ଯାହାକି ଆଖପାଖ ଗ୍ରାମର ସ୍ୱାସ୍ଥ୍ୟ, ଶିକ୍ଷା ତଥା ଅର୍ଥନୀତି ପ୍ରଭାବିତ ହେବ। ଏଣୁ ଏହି ପ୍ରଶାସନ କାହିଁକି ମଦ ଭାଟି ଏବଂ କାହା ସ୍ୱାର୍ଥ ପାଇଁ ଖୋଲିଛି ବୋଲି ପ୍ରଭାବିତ ହେବାକୁ ଥିବା ମହିଳା ମାନେ ପ୍ରଶ୍ନ କରିଛନ୍ତି । ନିଶାଦ୍ରବ୍ୟ ବନ୍ଦ କରିବା ପାଇଁ ସରକାର ସ୍କୁଲ କଲେଜ ଏବଂ ଗ୍ରାମଗ୍ରାମ ରେ ସଚେତନ କରୁଛନ୍ତି ହେଲେ ଆମକୁ କଣ ବର୍ବାଦ କରାଯିବ ପାଇଁ ମଦ ଭାଟି ଖୋଲାଯାଇଛି କି ବୋଲି ଯୁକ୍ତି କରିଛନ୍ତି ଏବଂ ତୁରନ୍ତ ଏହା ବନ୍ଦ ନ କରାଗଲେ ଆମ ସେହି ତିଆରି ହେଉଥିବା ମଦ ଭାଟି ଭାଙ୍ଗିବା ପାଇଁ ବାଧ୍ୟ ହେବୁ ବୋଲି ଲିଖିତ ଭାବେ ଜିଲ୍ଲାପାଳ ଙ୍କ ଅନୁପସ୍ଥିତ ରେ ଡେପୁଟି କଲେକ୍ଟର ଉତ୍ତମ ବାଗ ଏବଂ ଅବକାରୀ ସୁପରିଷ୍ଟେଣ୍ଡ ସୁବର୍ଣ୍ଣ ନାୟକ, ତହସିଲଦାର ଭେଡେନ କୁ ଦାବିପତ୍ର ରେ ଉଲ୍ଲେଖ କରି ଚେତାବନୀ ଦେଇଛନ୍ତି। ଏହି କାର୍ଯ୍ୟକ୍ରମ ରେ ଗ୍ରାମର ମହିଳା ମାନେ ଲଳିତା ପଧାନ, ସୁରେନ୍ଦ୍ରୀ ପଧାନ, ଲଳିତା ଭୋଇ, ଏବଂ ସୁନୀଲ ବାରିକ, ଅର୍ଜୁନ ଭୁଏ, ସୀତାରାମ ପଧାନ, ଝସକେତନ ପଧାନ କୃଷକ ସଂଗଠନ ର ସୁଦାମ ପାତ୍ର, ବିକାଶ ମାଝୀ, ସୁରେଶ ନିକେଣ୍ଟି, ରମେଶ ମହାପାତ୍ର ନେତୃତ୍ୱ ନେଇଥିବା ବେଳେ ଶହଶହ ମହିଳା ପୁରୁଷ ମାନେ ସାହାଯ୍ୟ କରିଥିଲେ।

10/09/2025

10/09/2025

ଡ୍ୟାମ ରହିଛି, ହେଲେ ଚାଷୀଙ୍କ ଜମିକୁ ମାଡୁନି ପାଣି । ଡ୍ୟାମ ନବୀକରଣ କାର୍ଯ୍ୟ ପାଇଁ ବିଭାଗୀୟ କର୍ତ୍ତୃପକ୍ଷ ଙ୍କୁ ଜଣାଉଥିଲେ ବି କରାଯାଉନଥିବାରୁ ଏଭଳି ସମସ୍ୟା ଉପୁଜିଥିବା ଅଭିଯୋଗ ଆଣିଛନ୍ତି ବରଗଡ଼ ଜିଲ୍ଲା ଝର ପଞ୍ଚାୟତର ଚାଷୀମାନେ । ଏମ୍.ଆଇ.ପି. ବିଭାଗ ପକ୍ଷରୁ ମୂଳବନ୍ଧନ ଡ୍ୟାମ୍ ନିର୍ମାଣରେ ଝର, ତବଡ଼ା, ପେଟୁପାଲି ଓ ଛୁରିଆପାଲି ଗ୍ରାମପଞ୍ଚାୟତ ଏପରି ଚାରିଗୋଟି ଗ୍ରାମପଞ୍ଚାୟତର ଚାଷଜମିକୁ ଖରିଫ ଓ ରବି ସିଜନରେ ପାଣି ସେଚିତ ହେବା ଆଶାରେ ଖୁସିରେ ଝୁମି ଉଠିଥିଲେ ଶହଶହ ଚାଷୀ । କିନ୍ତୁ ଚାରିଗୋଟି ଗ୍ରାମପଞ୍ଚାୟତ ତ ଦୂରରକଥା ଝର ଗ୍ରାମପଞ୍ଚାୟତ ଅନ୍ତର୍ଗତ ଚାରିଗୋଟି ଗ୍ରାମର ଚାଷଜମିକୁ ପାଣି ସେଚିତ ହେଉନଥିବା ପ୍ରକାଶ କରିଛନ୍ତି ଝର ଗ୍ରାମର ଚାଷୀ । ଡ୍ୟାମ୍ ରେ ପାଣି ରହୁନଥିବାବେଳେ ସେନେଇ ଡ୍ୟାମ ର ନବୀକରଣ କାର୍ଯ୍ୟ କରାନଯାଇ କେବଳ କେନାଲ ମରାମତି କାର୍ଯ୍ଯ କାହାସ୍ବାର୍ଥରେ କରାଯାଉଥିବା ଏଇଠି ପ୍ରଶ୍ନ ଉଠାଇଛନ୍ତି ଚାଷୀ । ପ୍ରକୃତ ସଠିକ ନକ୍ସାରେ ଡ୍ୟାମ୍ ଟି ର ନବୀକରଣ କରାଯିବାକୁ ସ୍ଥାନୀୟ ଚାଷୀମାନେ ବାରମ୍ବାର ବିଭାଗୀୟ ଅଧିକାରୀମାନଙ୍କୁ ଜଣାଉଥିଲେ ବି ନବୀକରଣ କରାଯାଉନଥିବା ଅଭିଯୋଗ ଆଣିଛନ୍ତି ଚାଷୀ । ତେବେ ସଠିକ୍ ନକ୍ସାରେ ଡ୍ୟାମ୍ ଟି ର ନବୀକରଣ କରାଯିବାକୁ ଚାଷୀମାନଙ୍କ ଦାବୀ ହେଇଛି ।

09/09/2025

ସୋସିଆଲ ମିଡ଼ିଆ ରେ ଘୁରିବୁଲିଲା ରେଢ଼ାଖୋଲ ଅଞ୍ଚଳର , ଆହତଙ୍କୁ ଖଟିଆ ରେ ବୋହି ନେଉଥିବା ଚିତ୍ର

06/09/2025

ଲେଖାପଥର ଛକରେ ସାର ନେଇଯାଉଥିବା ଟ୍ରକ କୁ ଅଟକ ରଖିଲେ ଚାଷୀ । ୟୁରିଆ ସାର ମିଳୁନଥିବା ଯୋଗୁଁ ଗାଡ଼ି ଅଟକ ରଖିଥିବା କହିଲେ ଚାଷୀ ।

03/09/2025

ସୋହେଲା ବ୍ଲକରେ ମିଳୁନି ୟୁରିଆ ସାର, ଚିନ୍ତାରେ ଚାଷୀ । ଚାଲିଛି କଳାବଜାରୀ ।