21/08/2025
ମୂରବୀ ବିହୀନ ସମ୍ୱଲପୁର ଜିଲ୍ଲା ସମବାୟ କେନ୍ଦ୍ର ବ୍ୟାଙ୍କ ତଥା ଜନାଗ୍ରହ୍ ଏବଂ ବିଜେପି ର ଭୂମିକା!
ମତେ ଯେତେ ମାଠିବୁ ମାଠ ମୁଁ ସେହି ଦରପୁଡ଼ା କାଠ, ଏହି କଥା ଟି ସମ୍ୱଲପୁର ଜିଲ୍ଲା ସମବାୟ କେନ୍ଦ୍ର ବ୍ୟାଙ୍କ ରେ ଠିକ୍ ଦେଖାଦେଉଛି କହିବା ଭୁଲ ହେବ ନାହିଁ!
କାରଣ, ବ୍ୟାପାରିକ ଦୃଷ୍ଟିରୁ ବର୍ତ୍ତମାନ ର ସମୟ ହେଉଛି ବ୍ୟାଙ୍କ କ୍ଷେତ୍ରରେ ବୀମା ଏବଂ ଫାଏନନ୍ସ ସହ ଅନ୍ୟ ସମସ୍ତ ଗୁରୁତ୍ବପୂର୍ଣ୍ଣ କାର୍ଯ୍ୟଗୁଡ଼ିକୁ ସମ୍ପାଦନ କରି ବ୍ୟାଙ୍କକୁ ଏକ ଲଭାନ୍ଵିତ ସଂସ୍ଥା ଭାବରେ ଆଗେଇ ନେବା ତଥା ଚାଷୀ ଏବଂ ସରକାରୀ କଳ କୁ ଲାଭ ପହଞ୍ଚାଇ ଅନ୍ୟ ସଂସ୍ଥା ସହ ପ୍ରତିଯୋଗିତା ର, କିନ୍ତୁ କିଛି ଦିନ ହେବ ପଶ୍ଚିମ ଓଡ଼ିଶାର ଅବିଭାଜିତ ସମ୍ବଲପୁର ଜିଲ୍ଲା ର ୧୧ ଗୋଟି ବିଧାନସଭା କ୍ଷେତ୍ରରେ ଚାଲୁଥିବା ସମ୍ୱଲପୁର ଜିଲ୍ଲା ସମବାୟ କେନ୍ଦ୍ର ବ୍ୟାଙ୍କ ଯାହାକି ଏକ ବ୍ୟାପାରିକ ଭିତ୍ତିକ ସଂସ୍ଥା ତା'ର ର ବ୍ୟାପାର ଚାଲୁଛି ମୂରବୀ [ସି.ଇ.ଓ.] ଭକ୍ତେଶ୍ଵର୍ ମଲ୍ଲିକଙ୍କ ଅନୁପସ୍ଥିତିରେ!
ଏହି ଗୁରୁତ୍ୱପୂର୍ଣ୍ଣ ସମୟରେ ସି.ଇ.ଓ. ଭକ୍ତେଶ୍ଵର୍ ମଲ୍ଲିକଙ୍କ ଅନୁପସ୍ଥିତି ର କାରଣ ସୁତ୍ରରୁ ଯାହା ଜଣାପଡିଛି ଯେ ଅନେକ ଦିନ ବା ମାସ କହିବା ମଧ୍ୟ ଭୁଲ ହେବ ନାହିଁ ସେ ଲମ୍ବା ମେଡିକାଲ ଲିଭ୍ ରେ ଅଛନ୍ତି ତଥା ଆଶ୍ଚର୍ଯ୍ୟର କଥା ସି.ଇ.ଓ. ଭକ୍ତେଶ୍ଵର୍ ମଲ୍ଲିକ ଛୁଟିରୁ କେବେ ଆସିବେ ତାହା ବିଭାଗୀୟ କର୍ମଚାରୀ ତଥା ମ୍ୟାନେଜମେଣ୍ଟ ମଧ୍ୟ ଜାଣି ପାରୁ ନାହିଁ!
କିନ୍ତୁ, ପ୍ରଶ୍ନ ଉଠୁଛି ମୁଖ୍ୟ କାର୍ଯ ନିର୍ବାହୀ ଅଧିକାରୀ ଭକ୍ତେଶ୍ୱର୍ ମଲ୍ଲିକ ପାଇଁ ଛୁଟି ଦିନ କୁ ଦିନ ବଢ଼ି ଚାଲିଛି ତଥା ମୁଖ୍ୟତଃ ସତରେ କ'ଣ ସେ ନିଜେ ମେଡିକାଲ ଲିଭ୍ ଅଛନ୍ତି ନା ତାଙ୍କୁ ଛୁଟି ରେ ପଠାଯାଇଛି, ଯଦି ସେ ଅସୁସ୍ଥ ତେବେ ଆଶା କରାଯାଉ ସେ ଅତିଶିଘ୍ର ସୁସ୍ଥ ହୋଇ ନିଜ ଚାକିରି ତଥା କର୍ତ୍ତବ୍ୟକୁ ପୁଣି ନିର୍ବାହ କରନ୍ତୁ, କିନ୍ତୁ ଯଦି ଏହା ବ୍ୟତୀତ ଅନ୍ୟ କଥା ବାହାରୁଛି ଯଥା ଜାଣିବୁଝି ତାଙ୍କୁ ବାଧ୍ୟ କରି ଛୁଟୀରେ ପଠାଯାଇଛି ତେବେ ଏହି ଚର୍ଚ୍ଚା ଟି ଅତି ସାଙ୍ଘାତିକ ଯଦ୍ୱାରା ପୁଣି ଅନ୍ୟ ଏକ ପ୍ରଶ୍ନବାଚୀ ପ୍ରସଙ୍ଗ ଯେ କେଉଁ କାରଣରୁ ଭକ୍ତେଶ୍ୱର୍ ମଲ୍ଲିକଙ୍କୁ ତାଙ୍କ କର୍ତ୍ତବ୍ୟ ଠାରୁ ଦୂରେଇ କରିଦିଆଯାଇଛି ତଥା ଏହି ଷଡ଼ଯନ୍ତ୍ର କାହା ଇଙ୍ଗିତ ରେ ହୋଇଛି!
ଏହି ସବୁ ଗୁଜବ ଏବଂ ଦ୍ଵନ୍ଦ ଠୁଁ ବଢ଼ି ଅନ୍ୟ ଏକ ଗମ୍ଭୀର ବିଷୟ ସାମ୍ନାକୁ ଆସୁଛି ଯେ ସି.ଇ.ଓ. ଭକ୍ତେଶ୍ଵର ମଲ୍ଲିକଙ୍କ ଅନୁପସ୍ଥିତିରେ ବ୍ୟାଙ୍କ ଦ୍ଵାରା ତାଙ୍କ ନାମରେ ଟେଣ୍ଡର ମଧ୍ୟ ଡକାଯାଉଛି, କର୍ମଚାରୀଙ୍କୁ ବଦଳି ତଥା ସସ୍ପେଣ୍ଡ ମଧ୍ୟ କରାଯାଉଛି, ବିଭାଗୀୟ ସୂତ୍ର ଅନୁଯାୟୀ ଯେଉଁ ଅଧିକାରୀଙ୍କୁ ସି.ଇ.ଓ. ଭକ୍ତେଶ୍ୱର୍ ମଲ୍ଲିକଙ୍କ ଅନୁପସ୍ଥିତିରେ [ଇନ୍ଚାର୍ଜ ସି.ଇ.ଓ] କରାଯାଇଛି ସେ ମଧ୍ୟ ୧୧.୮.୨୦୨୫ ରୁ ୨୪.୮.୨୦୨୫ ପର୍ଯ୍ୟନ୍ତ ଛୁଟିରେ [ମେଡିକାଲ ଲିଭ୍] ଥିବାର ଶୁଣାଯାଉଛି, ତେବେ ଯେଉଁ ଟ୍ରାନ୍ସଫର୍ ଅର୍ଡର୍, ସୁସ୍ପେନ୍ସନ୍ ଅର୍ଡର୍, ଟେଣ୍ଡର, ତଥା ଅନ୍ୟ କାଗଜପତ୍ରରେ ଦସ୍ତଖତ ହେଉଛି ତାହା [ଇନ୍ଚାର୍ଜ ସି.ଇ.ଓ] କରୁଛନ୍ତି କିପରି!
ଯେହେତୁ ଇଞ୍ଚାର୍ଜ ସି.ଇ.ଓ. ମଧ୍ୟ ଛୁଟିରେ ଅଛନ୍ତି ତେବେ ସେ ବ୍ୟାଙ୍କକୁ ମଧ୍ୟ ଆସୁ ନଥିବେ ତେବେ ସମସ୍ତ କାଗଜପତ୍ର ରେ ତାଙ୍କ ଦସ୍ତଖତ ହେଉଛି କେମିତି, କ'ଣ ସେ ଆବଶ୍ୟକ ସ୍ଥଳେ ବ୍ୟାଙ୍କକୁ ଆସୁଛନ୍ତି ନା ବ୍ୟାଙ୍କ ରୁ କୌଣସି କର୍ମଚାରୀ କିମ୍ବା ପିଅନ ତାଙ୍କ ପାଖକୁ ଯାଇ ତାଙ୍କ ଦସ୍ତଖତ ନେଇ ଆସୁଛନ୍ତି, ଯଦିଓ ସେ ଛୁଟିରେ ଥାଇ ବ୍ୟାଙ୍କ କୁ ଆସି କିମ୍ବା ଫାଇଲଗୁଡ଼ିକୁ ନିଜ ପାଖକୁ ମଗେଇ ବ୍ୟାଙ୍କ କାମ କରୁଛନ୍ତି ତେବେ କ'ଣ ଏହା ବ୍ୟାଙ୍କ ନିୟମାନୁଯାୟୀ ବୈଧ କି, ଏବଂ ଯଦି ବୈଧ ନୁହେଁ ତେବେ ଏହି ଅବୈଧ କାମ କାହା ଇଙ୍ଗିତ ତଥା ସ୍ୱର୍ଥରୁ ହେଉଛି, ତଥା କଣ ଇଞ୍ଚାର୍ଜ ସି.ଇ.ଓ. ବରଗଡ଼ ସହରରେ ଚିକିତ୍ସାରତ ନା ବାହାରେ, ଯଦି ବାହାରେ ତେବେ ଏହି ସବୁ କାର୍ଯ୍ୟ କିପରି ସମ୍ପାଦିତ ହେଉଛି ଏହିପରି ଆନେକାଧିକ ପ୍ରଶ୍ନମାନ ବିଭାଗ ତଥା ସାଧାରଣ ଜାଣତରେ ଚିତ୍କାର କରୁଛି!
ସମସ୍ତ ପ୍ରଶ୍ନ ଏବଂ ଗୁଜବ ଉପରେ ଏହା ମଧ୍ୟ ଜାଣିବା ଆବଶ୍ୟକ ଯେ ସମବାୟ ବ୍ୟାଙ୍କ୍ ର ବାଏ ଲ ମୁତାବକ ସି.ଇ.ଓ. ପଦବୀ ର ସମସ୍ତ ପାୱାର ଇଞ୍ଚାର୍ଜ ସି.ଇ.ଓ. ଙ୍କୁ ଡେଳିଗେଶନ ହୋଇଛି କି ଯଥା ଟେଣ୍ଡର କରିବା, ଫାଏନାନ୍ସିଆଲ୍ ଟ୍ରାନଜେକ୍ସନ୍ କରିବା, ଟ୍ରଂସ୍ଫାର ଏବଂ ସସ୍ପେଣ୍ଡ କରିବା ସହ ଉକ୍ତ କାର୍ଯ୍ୟଗୁଡ଼ିକୁ ମ୍ୟାନେଜମେଣ୍ଟ ଦ୍ଵାରା ଫାଇଲ ପୁଟ ଅପ୍ କରିବା ପରେ ହିଁ କରା ଯାଉଛି ତ?
ସୂଚନା ଅନୁଯାୟୀ ଆଜି ୨୧ ଅଗଷ୍ଟ ୨୦୨୫ ଦିନ ଭୁବନେଶ୍ୱରରୁ ଓଡ଼ିଶା ସରକାରଙ୍କ ସମବାୟ ସମିତି ର ନିବନ୍ଧକ ବରଗଡ଼ କୁ ଆସିଥିଲେ ଏଣୁ ଆଶା କରାଯାଉଛି ଯେ ବ୍ୟାଙ୍କ ରେ ହେଉଥିବା ଦୁର୍ନୀତି, ଅନିୟମିତତା, ଅପରାଧ ର ଯାହା ମଧ୍ୟ ଚର୍ଚ୍ଚା ଏବଂ ଅଭିଯୋଗ ହୋଇଛି ସେ ସବୁ ଆଭ୍ୟନ୍ତରୀଣ ବିଷୟ ଗୁଡ଼ିକୁ ସେ ନିଶ୍ଚିତ ବୁଝିବା ପାଇଁ ଚେଷ୍ଟା କରିଥିବା ଯେ ବ୍ୟାଙ୍କ କେଉଁ ଦିଗକୁ ଗତି କରୁଛି ତଥା ଏହି ସବୁ ଅନିୟମିତତା ଏବଂ ଦୁର୍ନୀତି ପଛରେ ନିଶ୍ଚିତ କେହି ଜଣେ କିମ୍ବା କିଛି ବ୍ୟକ୍ତିବିଶେଷ ଅଥବା କେହି ଅଧିକାରୀ ନହେଲେ ନେତା ପର୍ଦ୍ଦା ପଛର ଖଳନାୟକ ଯିଏ ନିଜ ସ୍ବାର୍ଥ ପାଇଁ ଏହି ସଂସ୍ଥାକୁ ନିଜ କବଳ ରେ ରଖି ବ୍ୟାଙ୍କ ର ପ୍ରକୃତ ଲକ୍ଷ ତଥା ଅଷ୍ଟିତ୍ୱକୁ ସମାପ୍ତ କରୁଛି!
ବିଭାଗୀୟ ଅନେକ ନିଷ୍ଠାବାନ କର୍ମଚାରୀଙ୍କ ଦ୍ଵାରା ଏହା ମଧ୍ୟ ଆଶା କରାଯାଉଛି ରେଜିଷ୍ଟର, ଓଡ଼ିଶା ଙ୍କ ଠାରୁ ଆସୁଥିବା କେତେ ଚିଠିପତ୍ର କୁ ବରଗଡ଼ ମୁଖ୍ୟ ବ୍ୟାଙ୍କ ରେ ଚପେଇ ଦିଆଯାଉଛି ତଥା ତାଙ୍କ ଚିଠି ର କୌଣସି ଉତ୍ତର ମଧ୍ୟ ଦେଉନାହିଁ ବ୍ୟାଙ୍କ୍ ଅଧିକାରୀମାନେ ବାବଦକୁ ସେ ନିଶ୍ଚିତ ତର୍ଜମା କରିଥିବେ।
ଅନ୍ୟ ଏକ ଆଶ୍ଚର୍ଯ୍ୟ ର କଥା ସାମ୍ନାକୁ ଆସିଛି ଯେ ସମବାୟ ସମିତି ର ନିବନ୍ଧକ ସମ୍ୱଲପୁର ଜିଲ୍ଲା ସମବାୟ କେନ୍ଦ୍ର ବ୍ୟାଙ୍କ ମୁଖ୍ୟ ଶାଖା ବରଗଡ଼ ଗସ୍ତ ଏକ ସରପ୍ରାଇଜ ଗସ୍ତ ଥିଲା କିନ୍ତୁ, ତାଙ୍କ ସରପ୍ରାଇଜ ଗସ୍ତ ସରପ୍ରାଇଜ ମଧ୍ୟ ରହିଲା ନାହିଁ, କାରଣ ତାଙ୍କ ଆସିବା କଥା ବ୍ୟାଙ୍କ୍ ୱାଟ୍ସଏପ୍ ଗ୍ରୁପ ରେ ସମସ୍ତଙ୍କୁ ଜଣେଇ ନିର୍ଦ୍ଦେଶ ଦିଆଯାଇଥିଲା ଯେ ସମସ୍ତେ ସତର୍କ ରହନ୍ତୁ RCS ଆସୁଛନ୍ତି, ତେବେ ନିବନ୍ଧକଙ୍କ ଗସ୍ତ ସରପ୍ରାଇଯ ଗସ୍ତ ହେଲା କିପରି!
ସତର୍କ ଶବ୍ଦ ଟି ନିଜେ ଏକ ପ୍ରଶ୍ନବାଚୀ, ସତର୍କ କେଉଁ କାରଣ ରୁ ତଥା କାହିଁକି, ଏହା ମାନେ ବ୍ୟାଙ୍କ୍ ରେ ନିଶ୍ଚିତ କିଛି ନା କିଛି ବଡ ଷଡଯନ୍ତ୍ର ଚାଲୁଛି!
ଏତଦବ୍ୟତୀତ ଯଦି ପୁରୁଣା କଥା ଉଠା ଯାଉଛି ତେବେ "ଜାଲ ସାର୍ଟଫିକେଟ" ମାମଲା ମଧ୍ୟ ସାମ୍ନା କୁ ଆସିଥିବାର ଆଶା କରାଯାଉଛି, କାରଣ ଗତ ୧୦ ଏପ୍ରିଲ ୨୦୨୫ ଦିନ ସମବାୟ ମନ୍ତ୍ରୀ ପ୍ରଦୀପ ବଳସାମନ୍ତ ବରଗଡ଼ ଗସ୍ତରେ ଆସିଥିଲେ, ସେତେବେଳେ ଜନାଗ୍ରହ୍ ପବ୍ଲିକ ଗଭର୍ନାନନ୍ସ ଚାର୍ଟର ର ଲିଗାଲ ଟିମ୍ ରୁ ଏଡଭୋକେଟ ଅମୂଲ୍ୟ ତାଣ୍ଡି ଙ୍କ "ଜାଲ ସାର୍ଟଫିକେଟ" ପ୍ରସଙ୍ଗରେ ଚର୍ଚ୍ଚା ପରେ ଲିଖିତ ଅଭିଯୋଗ କରାଯାଇଥିଲା ଯାହା ଯୋଗୁଁ ମନ୍ତ୍ରୀ ଜନାଗ୍ରହ୍ ର ଅଭିଯୋଗ କୁ ଗମ୍ଭୀର ଭାବରେ ନେଇ ଶୀଘ୍ର ପଦକ୍ଷେପ ନେବାର ପ୍ରତିଶ୍ରୁତି ଦେଇଥିଲେ ତଥା ସମ୍ବଲପୁର ସମବାୟ କେନ୍ଦ୍ର ବ୍ୟାଙ୍କ କୁ ଏହି ବାବଦରେ ଶୀଘ୍ର ପଦକ୍ଷେପ ନେବାପାଇଁ ନିର୍ଦ୍ଦେଶ ମଧ୍ୟ ଦେଇଥିଲେ, ମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ବ୍ୟାଙ୍କ ଏକ କମିଟି ଗଠନ କରି ଜାଲ ସାର୍ଟିଫିକେଟ କୁ ଚେକ୍ କରିବା ପାଇଁ ଅନେକ ବିଶ୍ଵବିଦ୍ୟାଳୟକୁ ସେହି କମିଟି ପଠେଇଥିବାର ସୂଚନା ମିଳିଛି କିନ୍ତୁ, ୪ ମାସ ହେବ ଜନାଗ୍ରହ୍ ର ଅଭିଯୋଗ ଉପରେ କେତେ କାମ ହୋଇଛି କିମ୍ବା ହୋଇ ନାହିଁ ତାହା ଅଜଣା, କାରଣ ବ୍ୟାଙ୍କ୍ ଦ୍ଵାରା ଆଜି ପର୍ଯ୍ୟନ୍ତ ଜାଲ ସାର୍ଟିଫିକେଟ ବାବଦରେ କୌଣସି ପ୍ରେସ ବିଜ୍ଞପ୍ତି କିମ୍ବା ବିଭାଗୀୟ ପତ୍ରାଚାର ବିଷୟ ରେ କୌଣସି ଖବର ପ୍ରକାଶିତ ହୋଇ ନାହିଁ!
ଏଣୁ ସମସ୍ତ ପ୍ରଶ୍ନ ଏବଂ ଅଭିଯୋଗ ରୁ ଏକ ବୃହତ୍ ପ୍ରଶ୍ନ ହେଲା ଯେ ଓଡ଼ିଶାରେ ଶାସନ ପରିବର୍ତ୍ତନ ପରେ ନିଜକୁ ନିଜେ ହିଁ ଲୋକଙ୍କ ସରକାର ବୋଲାଉଥିବା ଡବଲ ଇଞ୍ଜିନ ବିଜେପି ସରକାର କ'ଣ ପ୍ରକୃତରେ ଜନାଗ୍ରହ୍ ଟିମ୍ ଦ୍ଵାରା ବ୍ୟାଙ୍କ ରେ ହେଉଥିବା ଦୁର୍ନୀତି, ଅନିୟମିତତା, ତଥା ଅପରାଧ ଗୁଡ଼ିକୁ ଲୋକଲୋଚନକୁ ଆଣିବା ସହ, ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କୁ ତଥା ମନ୍ତ୍ରୀଙ୍କୁ ଜଣେଇବା ଯୋଗୁ ତାହା ସାବ୍ୟସ୍ତ କରି ଆଇନଗତ ପଦକ୍ଷେପ ନେବ ବିଜେପି ତଥା ଦୋଷୀଙ୍କୁ ଦଣ୍ଡ ଦେବାରେ ନିଜ ସମର୍ଥ୍ୟାତା ସାବ୍ୟସ୍ତ କରିପାରିବ ନା ପୂର୍ବ ସରକାର ଭଳି ଜନାଗ୍ରହ୍ ଦ୍ଵାରା ଆରମ୍ଭ କରାଯାଇଥିବା ସମସ୍ତ ଅଭିଯାନ ଯଥା ଜାଲ ସେର୍ତିଫିକେଟ ମାମଲା, ବିନା ଟେଣ୍ଡର ରେ ଲକ୍ଷ୍ୟ ଲକ୍ଷ୍ୟ ଟଙ୍କାର କାମ ମାମଲା, ଚାକିରି ନାମରେ ଟଙ୍କା ଅସୁଲି ମାମଲା, ବେଆଇନ ଭାବେ କର୍ମଚାରୀ ସଂଘ କୁ ପୂର୍ବତନ କର୍ମଚାରୀଙ୍କ ଏରିଅର ରୁ କିଛି ପର୍ସେଣ୍ଟେଜ୍ ନେବା, ଇତ୍ୟାଦି ସମସ୍ତ ମାମଲାକୁ ଦବାଇ ଦିଆଯିବ!
JANAGRAH JANAGRAH
