26/09/2025
ସଂକଳ୍ପ ପରିବାର ର ସଭାପତି ତଥା ସମାଜସେବୀ ବିକାଶ ଅଗ୍ରୱାଲ ଙ୍କ ଉପରେ ହୋଇଥିବା ଆକ୍ରମଣ କୁ ଦୃଢ ନିନ୍ଦା କରୁଛି ହେପି ବରଗଡ଼ ।
ସମାଜର ଉନ୍ନତି ପାଇଁ ନିଜ ସ୍ୱାର୍ଥକୁ ପଛେଇ, ଦିନରାତି ନିଜକୁ ସମାଜସେବାରେ ନିୟୋଜିତ କରୁଥିବା ସାମାଜିକ ଅନୁଷ୍ଠାନ ସଂକଳ୍ପ ପରିବାର ର ସଭାପତି ତଥା ସମାଜସେବୀ ବିକାଶ ଅଗ୍ରୱାଲ ଙ୍କୁ ଅତର୍କିତ ଆକ୍ରମଣ କରାଯାଇଥିବା ଘଟଣା ଅତ୍ୟନ୍ତ ନିନ୍ଦନୀୟ। ସମାଜସେବୀ ଙ୍କ ଧର୍ମ ହେଉଛି ଦୁର୍ବଳ, ଅସହାୟ ଓ ଆବଶ୍ୟକତାଗ୍ରସ୍ତଙ୍କ ପାଇଁ ସ୍ୱର ଉତ୍ତୋଳନ କରିବା , ସମାଜରେ ନ୍ୟାୟ, ସମାନତା ଓ ସୁରକ୍ଷାର ସୃଷ୍ଟି କରିବାରେ ଯୋଗଦାନ କରିବା ।ଏଭଳି ପରିସ୍ଥିତିରେ ଉଦେଶ୍ୟ ମୂଳକ ଭାବେ ଆକ୍ରମଣ କରାଯିବା ମାନେ କେବଳ ବ୍ୟକ୍ତିଗତ ଉପରେ ଆକ୍ରମଣ ନୁହେଁ, ସମଗ୍ର ସମାଜରେ ନ୍ୟାୟ ଓ ସତ୍ୟର ସ୍ୱର ଶକ୍ତିକୁ ଦବାଇବା ରେ ଏହା ଏକ ଅପଚେଷ୍ଟା ଅଟେ । ଏଭଳି କୁକର୍ମର ତୀବ୍ର ନିନ୍ଦା କରିବା ସହ ସମସ୍ତ ଅନୁଷ୍ଠାନ, ବୁଦ୍ଧିଜିବୀ, ସଚେତନ ନାଗରିକ ଓ ଜନସାଧାରଣ ଙ୍କୁ ଅନୁରୋଧ ଯେଉଁମାନେ ସମାଜ ପାଇଁ କାମ କରୁଛନ୍ତି, ସେମାନଙ୍କୁ ସୁରକ୍ଷା ଓ ସମ୍ମାନ ଦେବା ସମସ୍ତଙ୍କ ସାମୁହିକ ଦାୟିତ୍ୱ। ସେଥିପାଇଁ ନ୍ୟାୟ, ସୁରକ୍ଷା ଓ ସମ୍ମାନ ଦୃଷ୍ଟି ରୁ ପୋଲିସ ପ୍ରଶାସନ ଦୋଷୀମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରୁ ଯାହା ଫଳରେ ଭବିଷ୍ୟତରେ ଏପରି କୁକର୍ମ କେହି କରିବାକୁ ସାହସ ନ କରନ୍ତୁ।
ଏହି ଅନ୍ୟାୟ ବିରୁଦ୍ଧରେ ସମସ୍ତଙ୍କ ସ୍ୱର ଶାଣିତ ହେଉ l ଆକ୍ରମଣକାରୀଙ୍କୁ ଯଦି ଶୀଘ୍ର ଗିରଫ କରାନଯାଉଛି ତେବେ ଆନ୍ଦୋଳନ ପାଇଁ ବାଧ୍ୟ ହେବୁ l
