28/03/2026
рмЪрнИрмдрнНрм░ рмкрм░рнНрмм рмУ рмкрм▓рнНрм▓рм┐рм╢рнНрм░рнА рморнЗрм│рм╛ - рнирнжрнирнм
рморм╣рм╛рм╢рнЯрм╛/ рморм╣рм╛рм╢рнЯ,
рморм╣рнБрм░рнАрм░ рм╕рнБрмормзрнБрм░ рморнБрм░рнНрмЪрнНрмЪрмирм╛, рмврнЛрм▓рм░ рмЧрморнНрмнрнАрм░ рмжрнБрмирнНрмжрнБрмнрм┐, рмирм┐рм╢рм╛рми-рмдрм╛рм╕рм╛рм░ рмЙрмжрнНрмжрм╛рмо рмдрм╛рм│ рмПрммрмВ рмЫрмЙрмирнГрмдрнНрнЯ рмЭрмЩрнНрмХрм╛рм░рм░рнЗ рморнЯрнВрм░рмнрмЮрнНрмЬрм░ рммрнАрм░ рморм╛рмЯрм┐ рмЖрмЬрм┐ рмЙрмдрнНрм╕рммрморнБрмЦрм░ред рморнЯрнБрм░рмнрмЮрнНрмЬ рморм╛рмЯрм┐рм░ рмЫрмЙ рмирнГрмдрнНрнЯ рмУ рмжрнЗрм╢рм░ рммрм┐рмнрм┐рмирнНрми рмкрнНрм░рм╛рмирнНрмдрм░ рм▓рнЛрмХрмХрм│рм╛рм░ рм╕рнНрмкрмирнНрмжрми рмПрмХрм╛рмарм┐ рм╣рнЛрмЗ рмЖрморнЗ рмкрм╛рм│рми рмХрм░рм┐рммрнБ рмЕрмирмирнНрнЯ тАЬрмЪрнИрмдрнНрм░ рмкрм░рнНрммтАЭред рморнЯрнВрм░рмнрмЮрнНрмЬрм░ рм╕рморнГрмжрнНрмз рмРрмдрм┐рм╣рнНрнЯ, рмХрм│рм╛, рм╕рм╛рм╣рм┐рмдрнНрнЯ, рм╕рмВрм╕рнНрмХрнГрмдрм┐ рмУ рмкрм░рморнНрмкрм░рм╛рмХрнБ рмЖрмЧрм╛рморнА рмкрм┐рмврм╝рм┐рм░ рм╣рнГрмжрнЯрм░рнЗ рмЙрмЬрнНрмЬрнАрммрм┐рмд рм░рмЦрм┐рммрм╛ рмЙрмжрнНрмжрнЗрм╢рнНрнЯрм░рнЗ, рмЬрм┐рм▓рнНрм▓рм╛ рм╕рмВрм╕рнНрмХрнГрмдрм┐ рмкрм░рм┐рм╖рмж рмЖрмирнБрмХрнВрм▓рнНрнЯрм░рнЗ рмЖрм╕рмирнНрмдрм╛ рмдрм╛ рнзрнз.рнжрнк.рнирнжрнирнм (рм╢рмирм┐рммрм╛рм░) рмарм╛рм░рнБ рнзрнл.рнжрнк.рнирнжрнирнм (рммрнБрмзрммрм╛рм░) рмкрм░рнНрмпрнНрнЯрмирнНрмд рм╕рнНрмерм╛рмирнАрнЯ рмЫрмЙ рмкрмбрм╝рм┐рмЖ, рммрм╛рм░рм┐рмкрмжрм╛ рмарм╛рм░рнЗ рмЬрм┐рм▓рнНрм▓рм╛рм╕рнНрмдрм░рнАрнЯ тАЬрмЪрнИрмдрнНрм░ рмкрм░рнНрмм-рнирнжрнирнмтАЭ рморм╣рм╛рм╕рморм╛рм░рнЛрм╣рм░рнЗ рмЕрмирнБрм╖рнНрмарм┐рмд рм╣рнЗрммред
рм░рм╛рмЬрнНрнЯ рмдрмерм╛ рмжрнЗрм╢рм░ рммрм┐рмнрм┐рмирнНрми рмкрнНрм░рм╛рмирнНрмдрм░рнБ рмЖрм╕рм┐рмерм┐рммрм╛ рмЦрнНрнЯрм╛рмдрмирм╛рморм╛ рм╕рм╛рмВрм╕рнНрмХрнГрмдрм┐рмХ рмЕрмирнБрм╖рнНрмарм╛рмирм░ рм╕рнБрмирм╛рмормзрмирнНрнЯ рмХрм│рм╛рмХрм╛рм░рморм╛рмирмЩрнНрмХ рмжрнНрн▒рм╛рм░рм╛ рмкрм░рм┐рммрнЗрм╖рм┐рмд рмПрм╣рм┐ рмкрм╛рмЮрнНрмЪрмжрм┐рмирм┐рмЖ рм╕рм╛рмВрм╕рнНрмХрнГрмдрм┐рмХ рморм╣рм╛рмХрнБрморнНрмнрм░рнЗ рмЖрмкрмгрмЩрнНрмХ рм╕рмжрнЯ рмЙрмкрм╕рнНрмерм┐рмдрм┐ рмУ рм╕рм╣рмнрм╛рмЧрм┐рмдрм╛ рмЖрмо рмЙрмдрнНрм╕рммрмХрнБ рмЕрмзрм┐рмХ рмЧрнМрм░рммрморнЯ рмХрм░рм┐рмм рммрнЛрм▓рм┐ рморнЛрм░ рммрм┐рм╢рнНрн▒рм╛рм╕ред рмПрмгрнБ рмЖрмкрмгрмЩрнНрмХ рм╕рмжрнЯ рмЙрмкрм╕рнНрмерм┐рмдрм┐ рмирм┐рмормирнНрмдрнЗ рм╕рм╛рмжрм░ рмирм┐рмормирнНрмдрнНрм░рмгред
рм╢рнНрм░рнА рм╣рнЗрмормХрм╛рмирнНрмд рм╕рнЯ (рмнрм╛.рмкрнНрм░.рм╕рнЗ.)
рмЬрм┐рм▓рнНрм▓рм╛рмкрм╛рм│ рмдрмерм╛ рмЕрмзрнНрнЯрмХрнНрм╖,
рмЬрм┐рм▓рнНрм▓рм╛ рм╕рмВрм╕рнНрмХрнГрмдрм┐ рмкрм░рм┐рм╖рмж, рморнЯрнВрм░рмнрмЮрнНрмЬ