15/04/2026
એક નિર્દોષ દીકરીના સપનાઓને સમજી, તેની આંખોમાં છુપાયેલા ભવિષ્યને ઓળખી અને તેની પરિસ્થિતિને પોતાની દીકરી સમજી મદદ માટે આગળ આવવું આ કોઈ સામાન્ય વાત નથી. આ તો દિલની વિશાળતા અને માનવતાની ઊંચાઈ બતાવે છે. પરિવારની નબળી આર્થિક સ્થિતિ વચ્ચે, દીકરીનું નર્સિંગનું સ્વપ્ન અધૂરું ન રહી જાય તે માટે એક લાખ રૂપિયાની સહાય કરી, તેની ફી ભરી — આ કાર્ય ખરેખર શબ્દોથી પણ પર છે.
શ્રી અશોકસિંહ વાઘેલા (ઉપાધ્યક્ષ મહાકાલ સેના ગુજરાત પ્રદેશ) ભડથને વાત કરતા તેમણે તથા મહાકાલ સેના ભડથ ના દરેક યુવાનો એ સમાજ અને પોતાની દીકરી માની જે હૃદયસ્પર્શી સંવેદના બતાવી છે, તે દરેક માટે પ્રેરણારૂપ છે. આજના સમયમાં ઘણા લોકો દાન કરે છે, પણ સાથે દેખાવ પણ કરે છે; અહીં તો કોઈ ફોટો નહીં, કોઈ પ્રસિદ્ધિ નહીં માત્ર નિઃસ્વાર્થ ભાવે સેવા, માત્ર માનવતા. આ જ સાચી સેવા છે, આ જ સાચી મહાનતા છે.
આ કાર્ય એક દીકરીના જીવનમાં માત્ર પ્રકાશજ લાવતું નથી, પરંતુ સમગ્ર સમાજને સંદેશ આપે છે કે “શિક્ષણ એ સૌથી મોટું દાન છે.” જ્યારે કોઈ એક દીકરી શિક્ષિત બને છે, ત્યારે આખું સમાજ આગળ વધે છે. આ સમજ સાથે કરાયેલું આ કાર્ય ખરેખર વંદનીય છે.
ખુબજ સમાજ ઉપયોગી કાર્ય કરવા બદલ મહાકાલ સેના ભડથ તથા ભાઈ શ્રી અશોકસિંહ વાઘેલા ને ખુબ ખુબ અભિનંદન સહ શુભેચ્છાઓ 💐
