https://www.facebook.com/191663224023455/

सुलुं खौरां, manas, Barpeta Road, Barpeta Road (2025)

11/07/2025

सालबारि जिल्ला बर' थुनलाइ आफादनि गाहाइ मावख' नमानि गाहाइ खुन्थाखौ बि टि आरनि गाहाइ मावफुं सोद्रोमा मुस्रि प्रमद बर' गेदेमा बिथाङा गायसननानै होबाय।

सुलुंनिफ्राय माथिनाय बायदिब्ला सालबारि जिल्ला बर' थुनलाइ आफादनि मावख' नमाया 50 लाख रांनि लुफुंजागोन।

17/06/2025

बड'लेण्ड चि.इ.एम. काप नि जागाइजेन्नाय जोलुर बादायलायनायाव 21नं सालबारि बियाब सालबारि भि सि दि सिआवबो जागायबाय। बे गेलेनाय बादायलायनाय हाबाफारिया दिनैनि दिनाव लायमोनफोरनि गेजेराव मोनसे जावरिखांनाय लाबोदों। लाइमोनफोरा गावसोरनि सावस्रिजों लोगोसे जिउनि राहा लामाबो दानो हानायनि मोनसे मोजां राहा लामा । बे हाबाफारिखौ बेखेवनानै होयो 21 नं सालबारि बियाबनि टि सि एल सि मासिगिरि मानगोनां बिनद मोसाहारि गेदेमा बिथाङा।

16/06/2025

फुंखा थुनलाइयारि गौथुमनि 7थि गायसननाय सान फालिथाइ लोगोसे 86थि फुंखा थुनलाइयारि जखन्थाइया दिनै बाक्सा जिल्लानि सिङाव थानाय लोखिबाजाराव फैला जे बरगयारिनि बानजायनायाव सानसेनि मेहेर गोनां हाबाफारिजों खुफुजायो।

29/04/2025

सालबारियाव रंजालि बैसागु

मैया 28 एप्रिल 2025 इं खालाराव सालबारि फरायसालिमानि गेलेग्रा फोथाराव सानसेनि मेहेर गोनां हाबाफारिजों रंजालि बैसागु फोरबो फालिथाइ आफादा 30थि रंजालि बैसागु फोरबो फालिथाइ खुफुङो। सुलुंनिफ्राय मिथिनाय बादिब्ला बे हाबाफारियाव बुलुर बादायलायनाय , सावगारि बोनाय बादायलायनाय , देमसि मोसानाय बादायलायनाय बायदि मेहेर गोनां हाबाफारिजों खुफुजायो। गेवलां मेलनि गाहाइ आलासि महरै 41नं भवानिफुर बियाबनि एम एल ए फनिधर तालुकदार बिथाङा बाहागो लायो। सालबारि ओनसोलनिफ्राय 2025 इं मायथाइनि मेट्रिक आनजादाव सेथि मासियाव उथ्रिसार जानो हानाय सा 80 फरायसाफोरखौ गांफा गांफा आरनाइजों बरायनाय हाबाफारिबो लायो। बे हाबाफारियाव आलासि महरै बाहागो लायो सालबारि जिल्ला बर' थुनलाइ आफादनि आफादगिरि दुमबरुधर बसुमतारी बिथाङा।हारिमु मोनाबिलियाव बर'नि मुंदांखा मेथाइ रोजाबगिरि इलिसा बर' आरो सुदेम सना रामसियारि बाहागो लायो । हारिमु बेखेवगिरि आलासि महरै बाहागो लायो लिला मोसाहारि । रायजो राजानि लोब लोब नुजाथिनायाव गेलेग्रा फोथारा लोमसावो।

01/04/2025

दौरि सावराय मेल

सालबारि जिला दुलाराय बाथौ गौथुमनि सिङाव थानाय सालबारि बियाब दुलाराय बाथौ गौथुमनि बानजायनायाव कर्णाचारा गामि आफादनि लाइब्रेरीयाव दौरि सावराय मेल खुंफुङो। सुलुंनिफ्राय मिथिनाय बादिब्ला बे हाबाफारियाव सालबारि बियाब दुलाराय बाथौ गौथुमनि सिङाव थानाय गासै गामिनि दौरि दौसि लोगोसे गोरिमारि, भालागुरि आरो कर्णाचारा गामिनि राज्यो-राजाफोरखौ लानानै दौरि सावराय मेलखौ सिरिबाङै खुंफुंलाङो। बे हाबाफारियावनो जामुं दान होगिरि महरै 21नं सालबारि बियाबनि एम सि एल ए जय मोसाहारिखौ मिथिनो मोननाय जायो।

24/03/2025

बिजाब मेला

सुलुंनिफ्राय मिथिनाय बादिब्ला सालबारि फरायसालिमानि IQAC नि बानजायनायाव 24 मार्सनिफ्राय 28 मार्स 2025इं अक्ट'सिम सालबारि फरायसालिमायाव सानबानि मेहेर गोनां हाबाफारि लानानै बिजाब मेला खुंफुंनाय जादों, बेनिखायनो लाइमोन लिरगिरि, गोजाम गोदान गागि लिरगिरि लोगोसे गासै बिबुंगोरा, फोरोंगिरि,फरायसाफोर लोगोसे राव थुनलाइ अनफावरि रायजो राजा नोंथांमोनखौ बिजाब बायफैनो खावलाय हरो। बिजाब फरायनाय हुदाखौ बारायनायाव हेफाजाब होगोननि मिजिंजों।।

22/03/2025

सालबारि फरायसालिमायाव लाइमोन फोरबो फालिथाइ

खालार: 22-03-2025इं

साननैनि मेहेर गोनां हाबाफारिजों बाक्सा जिल्लानि सिङाव थानाय सालबारि महखुमानि सालबारि फरायसालिमायाव 2024-2025इं नि लाइमोन फोरबो फालिथाइ फालिदों।
सुलुंनिफ्राय मिथिनाय बादिब्ला बे हाबाफारियाव हारिमु दिन्थिफुं हानजा सुरनाय हाबाफारि सिरिबाङै जोबलाङो।बे हाबाफारिनि गेवला मेलाव बाहागो लायो गाहाइ आलासि महरै बागसा जिल्ला दुलाराय बर' फरायसा आफादनि आफादगिरि नन्देस्वर दैमारि, बे हाबाफारियावनो बेखेवगिरि आलासि महरै बाहागो लायो सालबारि टि सि एल सि सिनि मासिगिरि बिनद मसाहारि बिथाङा। बे हाबाफारिखौ सालबारि फरायसालिमानि गोरायुं ड० जगत चन्द्र बसुमतारि बिथाङा सिरिबाङै सामलायलाङो। मखनो गोनांदि बे हाबाफारिजों लोब्बा लाखिनानै गेलेमु, थुनलाइ आरो हारिमु बादायलायनायबो खुंफुङो।

18/03/2025

सालबारि बियाब दुलाराय बाथौ गौथुमनि बानजायनायाव सालबारि बियाब दुलाराय बाथौ गौथुमनि नब्लाङाव सालबारि बियाब दुलाराय बाथौ गौथुमनि सिङाव थानाय गासै दौरि दौसि लोगोसे गामिनि आफादगिरि नेहाथारि लोगोसे माइनाव, लोइमो आफाद बाहागो लायो।
सुलुंनिफ्राय मिथिनाय बादिब्ला बे हाबाफारिखौ सालबारि बियाब दुलाराय बाथौ गौथुमनि बानजायनायाव सालबारि जिला दुलाराय बाथौ गौथुमनि आफादगिरि मनतुमनि रामसियारिनि आफाद दैदेननायाव दौरि सावराय मेलाखौ सिरिबाङै खुंफुंलाङो। बे हाबाफारियावनो दुलाराय बाथौ गौथुमनि गायसनगिबि आफादगिरि रुपनाथ बसुमतारि बिथांनि रुंसारि जालांनायाव दुखु फोरमायनानै गौथुमनि फिरफिलाखौ आद्रा बिर होयो।

10/03/2025

बारलाम्फा नार्जारिनो आसाम गौरब बान्था 2024

सुलुंनिफ्राय मिथिनाय बादिब्ला देग्लाय बड'लेन्ड हारिमुवारि मिरुनि सामलायगिरि कक्राझार जिला राम्फलबिल, लोखोनाबारि गामिनि थागिबि बारलाम्फा नार्जारिखौ आसाम गौरब बान्था 2024 नि थाखाय सायखयो।

08/03/2025

सालबारियाव मुलुगनां आइजो सान फालिथाइ

ADRA INDIA NGO नि बानजायनायाव सालबारि बियाब दुलाराय बाथौ गौथुमनि नब्लाङाव मुलुगनां आइजो सान फालिथाइ खुफुङो सुलुंनिफ्राय मिथिनाय बादिब्ला बे हाबाफारियाव बाहागो लायो प्रजेक्ट डाइरेक्टर रुपम दास, सालबारि गोजौसिन फरायसालिनि गोरायुं कृष्णन बसुमतारी , सालबारि जिला ABWB नि नेहाथारि बानाति बसुमतारि लोगोसे बे हाबाफारियाव गावखौ बाउसोमना हौवाफोरजों समानै खामानि मावनानै दिन्थिनाय आइजोनो मान बाउनाय नुनो मोनो। मान बाउजानायाव दंमोन फारियै अनिमा बर' , सामेलि बर', ऐचंगलापि गगय आरो लक्ष्मी घस।

08/03/2025

रावस्लायनाय आयदायाव साहित्य अकाडेमी मोननो हादों

देग्लाइनि रावस्लायनाय आयदायाव मुंदांखा असमीया थुनलाइगिरि मुस्रिमा अनुराधा शर्मा पुजारीनि "कान्चन" सल'माखौ बर'आव रावस्लायनानै रावस्लाय साहित्य अकादेमि 2025 बान्थाखौ गागि लिरगिरि थुनलाइगिरि मुस्रिमा उत्तरा बैसोमुथियारिया आवथायनो हयो। सुलुंनिफ्राय मिथिनाय बादिब्ला बिथांजोआ बर’ आइजो लिरगिरि गौथुमनि गायसनगिबि आफादगिरि ।

सुलुं खौरां

11/07/2025

17/06/2025

16/06/2025

29/04/2025

01/04/2025

24/03/2025

22/03/2025

18/03/2025

10/03/2025

08/03/2025

08/03/2025

Address

Website

Alerts

Contact The Business

Shortcuts

Share