10/07/2025
🚨অগপ'ৰ কেন্দ্ৰীয় সমিতিৰ সাধাৰণ সম্পাদক ধৰ্মেশ্বৰ ৰয়ৰ পিতৃৰ দেহাৱসানঃ সাংসদ,মন্ত্ৰীৰ শোক প্ৰকাশ
👉মৃত্যুও এটা শিল্প জীৱনৰ কঠিন শিলত কটা নিৰ্লোভ ভাস্কৰ্য৷ একালৰ ছাত্ৰনেতা তথা বৰ্তমান অসম গন পৰিষদ দলৰ কেন্দ্ৰীয় সমিতিৰ সাধাৰণ সম্পাদক ধৰ্মেশ্বৰ ৰয়ৰ পিতৃ আৰু নাই৷ প্ৰতিপল সমাজখনৰ হকে যোগাত্মক চিন্তাৰে কিবা এটা কৰাৰ সপোন আছিল তেওঁৰ৷
👉সময়ৰ তাগিদাত ঘুৰি নহা বাটেৰে গুছি গলগৈ তেওঁ৷ নাম—মদন চন্দ্ৰ ৰয়৷ বুধবাৰে দুপৰীয়া ১২:৩০ বজাত বৰপেটা ফকৰুদ্দিন আলী আহমেদ মেডিকেল হাস্পাতালত শেষ নিশ্বাস ত্যাগ কৰে তেওঁ৷ নৱগঠিত বজালী জিলাৰ পূৱবৰলা গাওঁৰ এজন সমাজ সংস্কাৰক মনোভাবাপন্ন তথা ভক্তপ্ৰান ব্যক্তি আছিল তেওঁ৷ ১৯৫১ চনত জন্মলাভ কৰা মদন চন্দ্ৰ ৰয় সমাজৰ বিভিন্ন অনুষ্ঠান-প্ৰতিষ্ঠানৰ লগত জড়িত আছিল ওত:প্ৰোতভাৱে৷
👉গাঁৱলীয়া পৰিৱেশত সৰল সহজ মনোভাৱেৰে সৰু বৰ সকলোৰে লগত অতি বিনয়ভাৱেৰে নিজকে মিলাই চলিব পৰা ব্যক্তিত্বৰ অধিকাৰী আছিল তেওঁ৷ গোপীনাথ আঞ্চলিক ছাত্ৰ সন্থাৰ আজীৱন শুভাকাংক্ষীৰ পৰিচয় দিয়া মদন চন্দ্ৰ ৰয় জড়িত আছিল পূৱবৰলা অশোকাষ্টমী উদযাপন সমিতি, পূৱবৰলা চিলাৰায় ক্লাৱ আদিকে ধৰি বিভিন্ন অনুষ্ঠান প্ৰতিষ্ঠানৰ সতে৷ তেখেতৰ মৃত্যুত সমাজখনে হেৰুৱালে যেন এজন অভিভাৱকক৷ মহান ব্যক্তিজনৰ মৃত্যুত অঞ্চলজুৰি বৈছে শোকৰ বন্যা৷
👉তেখেতৰ নশ্বৰ দেহত শেষ শ্ৰদ্ধা জ্ঞাপন কৰে গোপীনাথ আঞ্চলিক ছাত্ৰ সন্থা, পূৱবৰলা অশোকাষ্টমী উদযাপন সমিতি, বৰপেটা বিধানসভা সমষ্টিৰ প্ৰাক্তন বিধায়ক গুনীন্দ্ৰ নাথ দাস, অসম গন পৰিষদ দলৰ বজালী জিলা সমিতি সভাপতি জিন্টু চৌধুৰী, সম্পাদকদ্বয় ক্ৰমে বুবুল আহমেদ, ৰাতুল ৰয় বালাপাৰা আঞ্চলিক সমিতি, কোচ ৰাজবংশী বজালী জিলা সমিতি, বালাপাৰা সাৰ্বজনীন ৰঙালী বিহু সন্মিলনী, কাৱৈমাৰী ৰঙালী বিহু সন্মিলনী, বালাপাৰা আৰক্ষী চকীৰ ভাৰপ্ৰাপ্ত আৰক্ষী বিষয়া কমল কলিতা, গোপীনাথ সমবায় সমিতিৰ সভাপতি গনেশ ৰয়কে আদি কৰি স্থানীয় গুনমুগ্ধসকলে৷
👉শোকাকুল পৰিৱেশত সকলোৱে মৃতকৰ বিদেহী আত্মাৰ সদগতি কামনা কৰাৰ লগতে শোকসন্তপ্ত 👉পৰিয়ালবৰ্গলৈ জনালে সমবেদনা৷
👉তেখেতৰ মৃত্যুত শোক প্ৰকাশ কৰে অগপ দলৰ সভাপতি তথা মন্ত্ৰী অতুল বৰা, কাৰ্যকৰী সভাপতি তথা মন্ত্ৰী কেশৱ মহন্ত, অসম চৰকাৰৰ জ্যেষ্ঠ মন্ত্ৰী ৰঞ্জিত কুমাৰ দাস, অসম লোকসেৱা আয়োগৰ অধ্যক্ষ দেৱৰাজ উপাধ্যায়, বৰপেটা লোকসভাৰ সাংসদ ফনীভূষন চৌধুৰী, ৰাজ্য সভাৰ সাংসদ বীৰেন্দ্ৰ প্ৰসাদ বৈশ্য,অগপৰ উপ সভাপতি ডা:তাৰাপ্ৰসাদ দাস,অসম সৌৰভ বঁটা প্ৰাপক কৃষ্ণ ৰয়,সাংবাদিক প্ৰদীপ কুমাৰ সৰকাৰ,বজালী জিলা ছাত্ৰ সন্থাৰ লগতে বিভিন্ন দল সংগঠনৰ নেতৃবৃন্দই৷ তেখেতৰ মৃত্যু বৃহত্তৰ অঞ্চলত শোকৰ ছাঁ পৰিছে।
