Fresh News24

20/09/2025

20/09/2025

সাংবাদিক পৰাগমণি আদিত্যৰ জুবিন গাৰ্গ মৃত্যু সন্দৰ্ভত বিস্ফোৰণ ফেচবুক পোষ্ট ,,,

মিছা কথাৰ মায়াজাল ৰচনা কৰি লাভ নাই

আমাৰ অতি মৰমৰ শিল্পী জুবিন গাৰ্গৰ মৃত্যুৰ খবৰ অতি কমেও ৮-৯ ঘণ্টা লুকুৱাই ৰখা হৈছিল।

ছিংগাপুৰ জেনেৰেল হাস্পতালত জুবিনৰ নিথৰ দেহ পৰি থকাৰ সময়ত নৰ্থ ইষ্ট ফেষ্টিভেলৰ আয়োজক শ্যামকানু মহন্তই বিজনেজ ছামিট অনুষ্ঠিত কৰি আছিল।

অসমৰ সংবাদ মাধ্যমত খবৰ প্ৰকাশ পোৱাৰ পিছলৈকে চলি আছিল বিজনেছ ছামিট।

নৰ্থ ইষ্ট ফেষ্টিভেলৰ মূল আয়োজকে কমেও ৮ ঘণ্টালৈ নিচেই ওচৰতে থকা হাস্পতাললৈ যোৱাটো দায়িত্ব বুলি নাভাবিলে।

অসমৰ সংবাদ মাধ্যমক বিয়লি প্ৰায় ৩ বজালৈ "বিশেষ একো হোৱা নাই" ধৰণৰ ধাৰণা এটা দি বিভ্ৰান্ত কৰি ৰাখিবলৈ চেষ্টা কৰিলে।

জুবিনৰ মেনেজাৰ সিদ্ধাৰ্থ শৰ্মাই ঘটনাৰ বিষয়ে গুৱাহাটীৰ দুই-এজনক অৱগত কৰিছিল যদিও সকলোকে মুখ বন্ধ কৰি ৰাখিবলৈ কৈ থৈছিল।

ছিংগাপুৰ অসম এছচিয়েচনেও প্ৰকৃত সত্য শুকুৰবাৰে বিয়লি ৩ বজালৈ লুকুৱাই ৰখাই নহয়, সকলোকে বিভ্ৰান্ত কৰিছিল।

য়টত প্ৰমোদ ভ্ৰমণৰ কাৰ্যসূচী জুবিনৰ মেনেজাৰ সিদ্ধাৰ্থ শৰ্মাৰ সৈতে উপমন্যু তালুকদাৰে চূড়ান্ত কৰিছিল।

বৃহস্পতিবাৰে নিশা হোটেলত বহু দেৰিলৈকে এক সংগীত অনুষ্ঠান আৰু পাৰ্টীত অংশগ্ৰহণ কৰাৰ পিছত পুৱতি নিশা জুবিনক য়টলৈ উলিয়াই নিছিল।

য়টৰ এই ভ্ৰমণসূচী কোনো সামাজিক দায়বদ্ধতা থকা অনুষ্ঠানৰ পৰিৱৰ্তে কেইজনমান প্ৰবাসী অসমীয়াৰ প্ৰাইভেট বিচ্চ পাৰ্টীহে আছিল। ব্যক্তিগত প্ৰমোদৰ বাবে ছিংগাপুৰ অসম এছচিয়েচনৰ নাম ব্যৱহাৰ কৰিছিল।

এছচিয়েচনৰ প্ৰতিজন সদস্যই প্ৰথম CPR ব্যৰ্থ হোৱাৰ পিছৰ পৰা সঠিকভাৱে অনুধাৱন কৰিছিল যদিও দীঘলীয়া সময় বিভ্ৰান্তমূলক প্ৰচাৰ চলাই প্ৰকাৰন্তে ঘটনাক অন্য ৰূপ দিবলৈ চেষ্টা কৰিছিল।

শুকুৰবাৰে বিয়লি প্ৰায় ৩ বজালৈ নৰ্থ ইষ্ট ফেষ্টিভেললৈ যোৱা অসমৰ বেছিভাগ অতিথিকে জুবিনৰ বিষয়ে মিছা তথ্য দিয়া হৈছিল।

এই অভিযোগসমূহ যিহেতু অতি স্পৰ্শকাতৰ, সেয়েহে ইয়াৰ পূৰ্ণ পৰ্যায়ৰ তদন্ত হোৱাৰ লগতে তিনিটা পক্ষক- নৰ্থ ইষ্ট ফেষ্টিভেলৰ আয়োজক, অসম এছচিয়েচন ছিংগাপুৰৰ নিৰ্দ্দিষ্ট লোককেইজন আৰু জুবিনৰ মেনেজাৰ সিদ্ধাৰ্থ শৰ্মাকে ধৰি সংগীকেইজনক অধিক বিভ্ৰান্ত সৃষ্টি কৰিব নোৱৰাকে বিচাৰৰ আওতালৈ অনাৰ প্ৰয়োজনীয়তা আছে বুলি অনুভৱ কৰিছোঁ।

বিষয়টো এনেকৈ এৰি দিব নোৱাৰি।

নৰ্থ ইষ্ট ফেষ্টিভেলৰ আয়োজক শ্যামকানু মহন্ত, জুবিনৰ মেনেজাৰ সিদ্ধাৰ্থ শৰ্মা আৰু অসম এছচিয়েচন ছিংগাপুৰৰ অভিমন্যু তালুকদাৰ সহিতে কেইবাজনো এই ঘটনাৰ বাবে আন একো নহ'লেও দায়িত্বহীন আচৰণ কৰাৰ দোষতেই দোষী।

অসমীয়া মানুহৰ স্পন্দনস্বৰূপ জুবিনক নিদ্ৰা, জিৰণি, সুৰক্ষামূলক উপকৰণ-সময় নিদি এনে পৰিস্থিতিলৈ থেলি দিলে যেন লাগিছে। গুৱাহাটীৰ সংবাদ মাধ্যমে প্ৰথম খবৰ পাওতেই নেতিবাচক বুলিয়ে শুনিছিল। আনৰ দৰে ময়ো আয়োজক আৰু আন কেইবাজনলৈও ফোন কৰিছিলোঁ। অন্তিমবাৰ ফোন কৰাৰ আগেয়ে এই শোকাৱহ মৃত্যুৰ খবৰ নিশ্চিত হৈছিল যদিও আমাক মহন্ত আৰু অন্যান্য কেইবাজনেও "জুবিন ঠিকেই আছে" বুলিহে বুজাব চেষ্টা কৰিছিল।

19/09/2025

জুবিন গাৰ্গ ( ইংৰাজী : Zubeen Garg ; জন্ম: ১৯৭২ চনৰ ১৮ নৱেম্বৰত মেঘালয়ৰ তুৰাত জুবিন বৰঠাকুৰ) এজন প্ৰখ্যাত ভাৰতীয় গায়ক, সুৰকাৰ, গীতিকাৰ, সংগীত পৰিচালক, অভিনেতা, চলচ্চিত্ৰ পৰিচালক, আৰু দানশীল, অসমৰ অন্যতম প্ৰভাৱশালী সংগীত আইকন হিচাপে স্বীকৃতিপ্ৰাপ্ত। ২০২৫ চনৰ ১৯ ছেপ্টেম্বৰত ছিংগাপুৰত ৫২ বছৰ বয়সত সংঘটিত হোৱা এক মৰ্মান্তিক স্কুবা ডাইভিং দুৰ্ঘটনাৰ পিছত তেওঁৰ মৃত্যু হয়।

প্ৰাথমিক জীৱন আৰু শিক্ষা

জুবিনৰ জন্ম হৈছিল মোহিনী বৰঠাকুৰ—এগৰাকী প্ৰখ্যাত কবি আৰু গীতিকাৰ (কপিল ঠাকুৰ)—আৰু ইলি বৰঠাকুৰ, এগৰাকী নৃত্যশিল্পী, অভিনেত্ৰী আৰু গায়িকা। কণ্ডাক্টৰ জুবিন মেহতাৰ নামেৰে নামাকৰণ কৰা তেখেতে পিতৃৰ চৰকাৰী চাকৰিৰ বাবেই অসমৰ বিভিন্ন ঠাইত শৈশৱ কটায়। জুবিনে তামুলপুৰ উচ্চতৰ মাধ্যমিক বিদ্যালয়ত পঢ়িছিল, পিছলৈ গুৱাহাটীৰ বি বৰুৱা কলেজত নামভৰ্তি কৰিছিল, কিন্তু সংগীতৰ শিক্ষা গ্ৰহণ কৰিবলৈ বাদ দিছিল।

সংগীত যাত্ৰা আৰু কৃতিত্ব

জুবিনে ১৯৯২ চনত ১৯ বছৰ বয়সত প্ৰথম অসমীয়া এলবাম "অনামিকা" মুকলি কৰে।তেওঁ অসমীয়া, বাংলা, আৰু হিন্দী এলবামৰ ধাৰাবাহিক প্ৰযোজনা কৰে, আৰু পিছলৈ বলীউডত প্ৰৱেশ কৰি "গেংষ্টাৰ" (২০০৬) ছবিৰ "য়া আলী" গীতটোৰে ৰাষ্ট্ৰীয় খ্যাতি অৰ্জন কৰে। তেওঁ অসমৰ সৰ্বাধিক দৰমহা পোৱা গায়ক আছিল আৰু বহুমুখীতাৰ বাবে পৰিচিত আছিল, ৪০টাতকৈও অধিক ভাষা আৰু উপভাষাত গাইছিল আৰু ঢোল, তবলা, হাৰমনিয়াম, গীটাৰ, ড্ৰাম আদি ১২টা বাদ্যযন্ত্ৰ বজাইছিল। গোটেই কেৰিয়াৰত তেওঁ ৩২ হাজাৰৰো অধিক গীত ৰেকৰ্ডিং কৰা বুলি জানিব পৰা গৈছে।

ব্যক্তিগত জীৱন আৰু পৰিয়াল

২০০২ চনত জুবিনে ফেশ্বন ডিজাইনাৰ গৰিমা শইকীয়াক বিয়া কৰাইছিল আৰু তেওঁলোকৰ শুভি গাৰ্গ নামৰ এগৰাকী কন্যা সন্তান আছে। ২০০২ চনত তেওঁৰ কনিষ্ঠ ভগ্নী জংকি বৰঠাকুৰক—যিও এগৰাকী গায়িকা আৰু অভিনেত্ৰী আছিল—ক গাড়ী দুৰ্ঘটনাত হেৰুৱাইছিল, তাৰ পিছত তেওঁ "Xixhu" এলবামটো তেওঁৰ স্মৃতিত উৎসৰ্গা কৰিছিল।

বঁটা আৰু স্বীকৃতি

"কিছমত" ছবিৰ "দিলৰুবা" গীতৰ বাবে শ্ৰেষ্ঠ পুৰুষ প্লেবেক গায়কৰ ৰাষ্ট্ৰীয় চলচ্চিত্ৰ বঁটা (২০০৯) আৰু অসম আৰু পশ্চিম বংগত কেইবাটাও ৰাজ্যিক পৰ্যায়ৰ বঁটা লাভ কৰে। ২০২৪ চনৰ মে’ মাহত তেওঁক সন্মানীয় ডি.লিট বঁটাৰে সন্মানিত কৰা হয়। ডিগ্ৰী লাভ কৰে মেঘালয়ৰ বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ পৰা।

সামাজিক কাম আৰু বিতৰ্ক

জুবিন নিজৰ স্পষ্টবাদী মতামতৰ বাবে পৰিচিত আছিল আৰু সামাজিক আৰু ধৰ্মীয় বিষয়ত দিয়া বক্তব্যৰ বাবে বিভিন্ন বিতৰ্কত জড়িত হৈ পৰিছিল। তেওঁ এজন নিষ্ঠাবান দানবীৰ, অসমৰ শিক্ষা আৰু সমাজ কল্যাণৰ সৈতে জড়িত কামবোৰকো সমৰ্থন কৰিছিল।

উত্তৰাধিকাৰ

বিশেষকৈ অসমীয়া সংগীতৰ প্ৰতি তেওঁৰ অতুলনীয় অৱদান আৰু ভাষিক আৰু ভৌগোলিক সীমা অতিক্ৰম কৰা কৰ্মৰাজিৰ বাবে ভাৰতীয় সংগীতৰ সাংস্কৃতিক সেতু হিচাপে জুবিন গাৰ্গক স্মৰণ কৰা হয়। তেওঁৰ সংগীত আৰু আত্মাক সমগ্ৰ অসম আৰু ইয়াৰ বাহিৰত গভীৰভাৱে উদযাপন কৰা হৈছে।

19/09/2025

একাধিক সাম্প্ৰতিক সংবাদ অনুসাৰে জনপ্ৰিয় অসমীয়া গায়ক জুবীন গাৰ্গে ১৯ ছেপ্টেম্বৰ, ২০২৫ তাৰিখে ছিংগাপুৰত স্কুবা ডাইভিঙৰ এটা দুৰ্ঘটনাত মৃত্যুবৰণ কৰে।

প্ৰতিবেদন কৰা দুৰ্ঘটনাটোৰ বিৱৰণ:

গাৰ্গ ছিংগাপুৰলৈ গৈছিল উত্তৰ পূব উৎসৱৰ বাবে, য’ত তেওঁৰ সংগীত অনুষ্ঠান থকাবোৰ নিৰ্ধাৰিত আছিল।

সংবাদ অনুসাৰে, তেওঁ এটা স্কুবা ডাইভিঙৰ দুৰ্ঘটনাত পৰিছিল, য’ত তেওঁ জ্ঞানহীন হৈ পৰিছিল।

আৰক্ষীয়ে উদ্ধাৰ কৰি ততালিকে তেওঁক হস্পিটেললৈ লৈ গৈ আইচিইউত ভৰ্তি কৰা হৈছিল।

যদিও সকলো চেষ্টা কৰা হৈছিল, তেওঁ সুস্থ নহ’ল আৰু হস্পিটেলৰ পৰা তেওঁৰ মৃত্যুৰ কথা নিশ্চিত কৰা হৈছে।

19/09/2025

আমাৰ মাজত জনপ্ৰিয় শিল্পী জুবিন গাৰ্গ আৰু নাই।

18/09/2025

16/09/2025

“নেপালৰ দৰে আন্দোলন হ'লে অসমৰ মানুহে প্ৰথমে অখিল গগৈৰ ঘৰটোকে উৰুৱাই দিব”।

“অসমৰ মানুহে অখিল গগৈৰ বিৰুদ্ধে গুজৰি-গুমৰি আছে”।

“মোৰতো একো সমস্যা নাই, সকলোৱে মোক মামা বুলিয়েই মাতে”।
-হিমন্ত বিশ্ব শর্মা

15/09/2025

ভাৰত-পাকিস্তান ক্রিকেট মেচ: ক্রিয়া-প্রতিক্রিয়া

অৰবিন্দ কেজৰিৱাল - ক্লাৱ, পাৱ আৰু ৰেষ্টুৰেন্টে নেদেখুৱাব আজিৰ মেচ। অন্যথা আমি প্রতিবাদ কৰিম। এয়া দেশৰ সৈতে প্ৰতাৰণা।

আছাদুদ্দিন ওৱেছি - মেচৰ পৰা পাবলগীয়া টকা মূল্য আমাৰ ২৬জন নাগৰিকৰ জীৱনতকৈও বেছি নেকি?

উদ্ধৱ থাকৰে - এই মেচৰ বিৰোধিতাৰে আমাৰ মহিলাসকলে সেন্দুৰ গোটাব আৰু প্ৰধানমন্ত্ৰীলৈ পঠাই দিব।

ঐশ্বন্যা দ্বিবেদী (পহলগামৰ শ্বহীদ শুভম

দ্বিবেদীৰ পত্নী) - পাকিস্তানৰ সৈতে মোৰ দেশে ক্রিকেট খেলিব নালাগিছিল!

শ্বামা মহম্মদ, কংগ্ৰেছ নেত্ৰী মোৰ টিভিট কেনেবাকৈ -

ভাৰত-পাকিস্তানৰ খেল ওলালে শিলগুটি দলিয়াম।

14/09/2025

বৰপেটাৰ টাটা কেঞ্চাৰ হস্পিটালত কেঞ্চাৰ প্ৰতিৰোধী ভেকচিন প্ৰদান প্ৰক্ৰিয়া আৰম্ভ হয়।

বৰপেটাৰ টাটা কেঞ্চাৰ হস্পিটালত কিশোৰ কিশোৰী সকলৰ বাবে কেঞ্চাৰ প্ৰতিৰোধী ভেকচিন প্ৰদান প্ৰক্ৰিয়া আৰম্ভ হয়। বৰপেটাৰ টাটা কেঞ্চাৰ হস্পিটালৰ জ্যেষ্ঠ ৰেডিঅ'লেচন অংক'লজিষ্ট থামিজহোলী চিলভা ৰাজুৱে সাংবাদিকক জনোনামতে পুনেৰ চিৰাম ইনষ্টিটিউটত কেঞ্চাৰ ৰোগ প্ৰতিৰোধী ভেকচিন প্ৰস্তুত কৰা হৈছে। শনিবাৰে টাটা কেঞ্চাৰ হস্পিটালত ৯ বছৰৰ পৰা ১৪ বছৰ বয়সীয়া কিশোৰ কিশোৰী সকলৰ বাবে কেঞ্চাৰ প্ৰতিৰোধী ভেকচিন প্ৰদান প্ৰক্ৰিয়া আৰম্ভ হৈছে। কেঞ্চাৰ প্ৰতিৰোধৰ বাবে ৯ বছৰৰ পৰা ১৪ বছৰ বয়সীয়া কিশোৰ কিশোৰী সকলক ছমাহত দুটা ভেকচিন প্ৰদান কৰা হব।

14/09/2025

'পাঠ্যক্ৰমত অন্তৰ্ভূক্ত কৰা হ'ব ফুটবল খেল'

'অহা বছৰৰ পৰা পাঠ্যক্ৰমত ঐচ্ছিক বিষয় হিচাপে অন্তর্ভুক্ত হ'ব ফুটবল'।

এই ঘোষণা শিক্ষামন্ত্ৰী ৰণোজ পেগুৰ।
#অসমীয়ানিউজ

13/09/2025

মাননীয় প্ৰধানমন্ত্ৰী শ্ৰীযুত নৰেন্দ্ৰ মোদী ডাঙৰীয়াৰ সদিচ্ছাৰ বাবেই ধলা-শদিয়াত নিৰ্মাণ হ'ল ভাৰতৰ দীৰ্ঘতম দলং 'ভূপেন হাজৰিকা সেতু' । প্ৰায় ১০০০ কোটি টকা ব্যয়েৰে নিৰ্মিত ৯.১৫ কিঃমিঃ দৈৰ্ঘৰ এই সেতুখন মাননীয় মোদী ডাঙৰীয়াই ২০১৭ চনৰ ২৬ মে'ত ৰাইজৰ বাবে উৎসৰ্গা কৰিছিল ।