https://www.facebook.com/103588471834152/

ALL ASSAM News 30, Barpeta (2025)

17/09/2025

🔴তিনিচুকীয়া চহৰত ইৰাণী গেঙৰ তৎপৰতা বৃদ্ধি।

এক নিৰ্ভৰযোগ্য সূত্ৰ অনুসৰি উজনি অসমৰ তিনিচুকীয়া জিলাত বিশেষকৈ তিনিচুকীয়া চহৰত ইৰাণী গেঙৰ কাৰ্য্যকলাপ বৃদ্ধি পাবলৈ ধৰিছে।অতি শেহতীয়াকৈ দুটা বিশেষ কাণ্ডৰ খবৰ পোৱা গৈছে।

খজুৱতিৰ ডাইভাৰচন:
দুজন ব্যক্তিয়ে এজন ব্যক্তিক অনুসৰণ কৰে আৰু তেওঁলোকৰ শৰীৰত খজুৱতি কৰা পদাৰ্থ প্ৰয়োগ কৰে। যেতিয়া ভুক্তভোগীয়ে অন্যমনস্ক হৈ শৰীৰত আঁচোৰ মাৰিবলৈ আৰম্ভ কৰে তেতিয়া চোৰে বেগটো লৈ পলাই যায়।

মণি ড্ৰপ ডাইভাৰচন:
এই কৌশলে প্ৰায়ে এগৰাকী অকলশৰীয়া মহিলা চালকক লক্ষ্য কৰি লোৱা পৰিলক্ষিত হয়। ড্ৰাইভাৰজন যাবলৈ ওলোৱাৰ সময়তে এজন ব্যক্তিয়ে গাড়ীৰ কাষ চাপি আহি তাইক কয় যে তাইৰ পাৰ্চৰ পৰা কিছু টকা তলত পৰিছে।তাই অন্যমনস্ক হৈ থকা সময়তে এজন সহযোগীয়ে গাড়ীৰ পৰা টকাৰ বেগ লৈ নিমিষতে পলায়ন কৰে।

বিনন্দ কোঁৱৰ,ডিগবৈ।

17/09/2025

🔴তিনিচুকীয়া অসামৰিক চিকিৎসালয় আৰু ৰেলৱে হস্পিটালত ৰক্তদান শিবিৰ সম্পন্ন।

✍️প্ৰধানমন্ত্ৰী নৰেন্দ্ৰ মোডীৰ ৭৫ সংখ্যক জন্মদিন উপলক্ষে দেশজুৰি পালন কৰা সেৱা সপ্তাহৰ অংশ হিচাপে আজি জিলা স্বাস্থ্য সমিতি আৰু ৰেলৱে বিভাগৰ যৌথ উদ্যোগত তিনিচুকীয়া চহৰৰ গোপীনাথ বৰদলৈ অসামৰিক চিকিৎসালয় আৰু ৰেলৱে হস্পিটালত ৰক্তদান শিবিৰ অনুষ্ঠিত হয়। পুৱাৰে পৰা অনুষ্ঠিত হোৱা এই ৰক্তদান শিবিৰ আনুষ্ঠানিকভাৱে উদ্ধোধন কৰে তিনিচুকীয়াৰ বিধায়ক সঞ্জয় কিশানে।তেওঁ চমু ভাষণত কয় যে,প্ৰধান মন্ত্ৰী নৰেন্দ্ৰ মোদীৰ সেৱাৰ আদৰ্শৰ সৈতে সঙ্গতি ৰাখি আয়োজিত এই ৰক্তদান কাৰ্যসূচীৰ জৰিয়তে জনসাধাৰণৰ মাজত সেৱা আৰু সমৰ্পনৰ ভাব জাগ্ৰত কৰাৰ লগতে বহু ৰোগীৰ জীৱন ৰক্ষা কৰিব পৰা যাব। চিকিৎসালয়খনৰ ব্লাড বেংকৰ নোডেল বিষয়া ডা: এছ দহোতীয়াই কয় যে, এজন দাতাই প্ৰয়োজনত তিনিজন ৰোগীৰ জীৱন ৰক্ষা কৰিব পাৰে। এনে দানে চিকিৎসা সেৱাত প্ৰভূত সহায় কৰিব বুলি তেওঁ উল্লেখ কৰে। এই কাৰ্যসূচীত কেন্দ্ৰীয় সংৰক্ষিত আৰক্ষী বাহিনীৰ বহু সংখ্যক জোৱানৰ উপৰিও অসামৰিক লোকেও স্বেচ্ছাই ৰক্তদান কৰে। ৰক্তদাতাসকলক এখন প্ৰমাণপত্ৰ আৰু উপহাৰৰ টোপোলাৰে বিধায়কগৰাকীয়ে সন্মানিত কৰে। ইয়াৰ সমান্তৰালভাৱে উত্তৰ পূব সীমান্ত ৰেলৱেৰ উদ্যোগত আৰু জিলা স্বাস্থ্য সমিতিৰ সহযোগত তিনিচুকীয়াৰ ৰেলৱে হস্পিটালত আন এক ৰক্তদান শিবিৰ অনুষ্ঠিত হয়। এই শিবিৰতো বহু সংখ্যক আৰক্ষী জোৱান,স্কাউট আৰু এন চি চিৰ কেডেট আদিয়ে ৰক্তদান কৰে।উভয় চিকিৎসালয়ৰ কাৰ্যসূচীত জনসাধাৰণৰ সুৰক্ষাৰ সৈতে জড়িত লোকসকলৰ স্বেচ্ছামূলক অংশগ্ৰহণ আছিল মন কৰিবলগীয়া।

বিনন্দ কোঁৱৰ,ডিগবৈ।

16/09/2025

ডিগবৈ মহাবিদ্যালয়ৰ ছাত্ৰ একতা সভাৰ নিৰ্বাচনত গৰিষ্ঠ সংখ্যক আছুৰ সমৰ্থিত প্ৰাৰ্থী নিৰ্বাচিত

15/09/2025

সমষ্টি পুনৰুদ্ধাৰৰ বাবে অগপ দলৰ তৎপৰতা*

*বিলাসীপাৰা সমষ্টিত অগপ দলৰ ভেটি মজবুত কৰাত নামি পৰিছে দলীয় নেতৃত্ব*

14/09/2025

গোদী মিডিয়াৰ অলপো লাজ,আত্ম সন্মান নাই। আছে নেকি আপুনি মোক কওকচোন। এছিয়া কাপত ভাৰত আৰু পাকিস্তানৰ মাজত এখন খেল অনুষ্ঠিত হ'বলৈ গৈ আছে আজি । পেহেলগাম আক্ৰমণৰ বাবে দায়ী পাকিস্তানৰ সৈতে এছিয়া কাপত এখন মেচ অনুষ্ঠিত হোৱাত দেশবাসী ক্ষুব্ধ হৈ পৰিছে। আৰু কাক দোষাৰোপ কৰা হৈ আছে? শচীন তেণ্ডুলকাৰ, ৰাহুল দ্ৰাবিড়, সৌৰভ গাংগুলী, বি চি চি আই, আই চি চিৰ সভাপতি অমিত শ্বাহৰ পুত্ৰ জয় শ্বাহক প্ৰশ্ন কৰাৰ সাহস গোডী মিডিয়াৰ কোনো এজনৰো নাই।

14/09/2025

👉গুজৰাটত অনুষ্ঠিত চি বি এছ ই নেশ্যনেল খো খো টুৰ্ণামেণ্টত বৰগোলাই বিবেকানন্দ কেন্দ্ৰ বিদ্যালয়ৰ খো খো দলৰ সাফল্য।

👉তৃতীয় স্থান লাভ কৰি বৰগোলাই বিবেকানন্দ কেন্দ্ৰ বিদ্যালয়ৰ খো খো দলে উন্নত খেল প্ৰদৰ্শন কৰি গৌৰৱ কঢ়িয়াই আনিলে অসমৰ লগতে মাৰ্ঘেৰিটালৈ।গুজৰাটৰ গান্ধী নগৰস্থিত পি পি স্কুলত ছেপ্টেম্বৰ মাহৰ পহিলা সপ্তাহত অনুষ্ঠিত হৈছিল এই ৰাষ্ট্ৰীয় প্ৰতিযোগিতা।

✍️বিনন্দ কোঁৱৰ

14/09/2025

যোৰহাট বাঁহবাৰিৰ বাসিন্দা শ্ৰীযুত নাৰায়ন সাহা আৰু সবিতা সাহাৰ একমাত্ৰ ছোৱালী শ্ৰীমতী দীক্ষা সাহা অহা ১৪ আৰু ১৫ তাৰিখত হবলগীয়া এছিয়ান ছামুৰাই প্ৰতিযোগিতাত অসম তথা ভাৰতৰ হৈ প্ৰতিনিধিত্ব কৰিবলৈ গৈ আছে। তাই মধ্যবিত্ত পৰিয়ালৰ এজনী ছোৱালী।তাই বহুত কষ্টৰ ফলত আজি ইমান ডাঙৰ এখন প্ৰতিযোগিতাত বাছনি হৈছে। সেয়ে আশা কৰোঁ সকলো যোৰহাটৰ ৰাইজ আগুৱাই আহি তাইক উৎসাহ,উদ্দীপনা,আৰু আশীৰ্বাদ প্ৰেৰণ কৰক।

12/09/2025

🔴ডিগবৈ শোধনাগাৰৰ উদ্যোগত সুধাকণ্ঠ ড° ভূপেন হাজৰিকাৰ জন্ম শতবাৰ্ষিকী উদযাপনৰ এক অংশ চিত্ৰাঙ্কণ প্ৰতিযোগিতা।

ডিগবৈ শোধনাগাৰৰ উদ্যোগত স্থানীয় বিদ্যালয়ৰ ছাত্ৰ ছাত্ৰীৰ মাজত ২নং গোলাই প্ৰাথমিক বিদ্যালয়ত কালি চিত্ৰাঙ্কণ প্ৰতিযোগিতা অনুষ্ঠিত হয়। ব্ৰহ্মপুত্ৰ বাৰ্ডৰ সৈতে জড়িত বিভিন্ন বাদ্যযন্ত্ৰৰ চিত্ৰ অংকন কৰি নিজৰ কলাত্মক প্ৰতিভা প্ৰদৰ্শন কৰে। ভাৰতীয় সংগীত আৰু সংস্কৃতিলৈ আগবঢ়োৱা অনবদ্য অৱদানৰ বাবে বিখ্যাত ড° ভূপেন হাজৰিকাই নিজৰ ৰচনাত পৰম্পৰাগত অসমীয়া আৰু জাতীয় বাদ্যযন্ত্ৰ সন্নিৱিষ্ট কৰি এই এই বিষয়বস্তু চিত্ৰাঙ্কণ প্ৰতিযোগিতাৰ বাবে উপযোগী কৰি তুলিছিল। ছাত্ৰ-ছাত্ৰীসকলে ড° ভূপেন হাজৰিকাৰ আত্মাক আলোড়িত কৰ ৰচনাৰ অবিচ্ছেদ্য ঢোল,পেপা,গগণা,টোকাৰী,ভায়লিন আদি বাদ্যযন্ত্ৰৰ ৰঙীন চিত্ৰাঙ্কণ সৃষ্টি কৰিছিল। অনুষ্ঠানটোৱে সংগীতৰ মাষ্টাৰ কলাত্মক যাত্ৰা আৰু অসমৰ লোক পৰম্পৰাৰ সৈতে গভীৰ সংযোগ সম্পৰ্কে সজাগতা বৃদ্ধি কৰাৰ সমান্তৰালকৈ সৃষ্টিশীল প্ৰকাশৰ মঞ্চ প্ৰদান কৰা। প্ৰতিযোগিতাৰ সামৰণিত ডিগবৈ শোধনাগাৰৰ বিষয়াসকল উপস্থিত থাকি ছাত্ৰ-ছাত্ৰীসকলক তেওঁলোকৰ প্ৰচেষ্টা আৰু সৃষ্টিশীলতাক স্বীকৃতি দি অংশগ্ৰহণৰ উপহাৰ প্ৰদান কৰে।বিশ্ব বিচ্যুত ড° ভূপেন হাজৰিকাক সন্মান জনাই ডিগবৈ শোধনাগাৰে ২০২৫-২০২৬ বৰ্ষত পৰিকল্পনা কৰা একাধিক পদক্ষেপৰ ভিতৰত অন্যতম চিত্ৰাঙ্কণ প্ৰতিযোগিতা।

বিনন্দ কোঁৱৰ,ডিগবৈ।

12/09/2025

ডিগবৈত শোধনাগাৰৰ ঠিকা শ্ৰমিকৰ উত্তাল প্ৰতিবাদ।

12/09/2025

দেশজুৰি হঠাৎ E-20 ইন্ধন rollout কৰিলে মোদী চৰকাৰে। এই fuel ত 80% পেট্ৰল আৰু 20% ইথানল mix কৰা হৈছে। কিন্তু আচৰিত কথাটো হ’ল মানুহক কোনো option দিয়া হোৱা নাই। আপুনি ভাল পাওক বা নাপাওক, এইটো আপোনাৰ গাড়ী বা দুচকীয়া বাহনত ভৰাবই লাগিব। তাতোকৈ আচৰিত কথাটো হ’ল এই সকলোবোৰৰ পৰা কোনে বেছি লাভৱান হৈছে? চৰকাৰত বহি থকা এজন Powerful union minister. যাৰ দুজন পুত্ৰ ইথানল নিৰ্মাণ কৰা Sugar Plant ৰ মালিক ।

11/09/2025

১২ ঘন্টীয়া ধুবুৰী জিলা বন্ধ আক্ৰাছুৰ প্ৰভাৱ চাপৰতো।

11/09/2025

'যক্ষ্মামুক্ত ভাৰত' কাৰ্যসূচীলৈ সঁহাৰি।ডিগবৈ শোধনাগাৰক প্ৰশংসাপত্ৰ প্ৰদান তিনিচুকীয়া জিলা প্ৰশাসনৰ।

ডিগবৈ:কেন্দ্ৰীয় চৰকাৰৰ 'যক্ষ্মামুক্ত ভাৰত' শীৰ্ষক কাৰ্যসূচীলৈ সঁহাৰি আগবঢ়োৱা ডিগবৈ শোধনাগাৰক প্ৰশংসাপত্ৰ প্ৰদান কৰে তিনিচুকীয়া জিলা প্ৰশাসনে। উল্লেখ্য যে ডিগবৈ শোধনাগাৰ ২০২৪-২০২৫ বিত্তীয় বৰ্ষত ডিগবৈ আই অ' চি এলৰ চি এছ আৰ পদক্ষেপৰ জৰিয়তে ২৯৩৭ গৰাকী যক্ষ্মা ৰোগীক পুষ্টিকৰ খাদ্যৰ লগতে অন্যান্য সামগ্ৰী প্ৰদান কৰাত জনস্বাস্থ্যৰ এক দৃঢ় দায়বদ্ধতাক প্ৰতিফলিত কৰে।যাৰ ফলত স্বাস্থ্যসেৱা সেৱা সমূহক শক্তিশালী কৰি ৰাখিবলৈ আৰু টিবিমুক্ত কৰাৰ ক্ষেত্ৰত তিনিচুকীয়া জিলা প্ৰশাসন সফল হৈছে। ডিগবৈ শোধনাগাৰৰ কাৰ্যবাহী সঞ্চালক তথা মূৰব্বী ৰাহুল প্ৰশান্তক তিনিচুকীয়া জিলা আয়ুক্ত স্বপ্নীল পালে প্ৰশংসা পত্ৰ প্ৰদান কৰে।

বিনন্দ কোঁৱৰ,ডিগবৈ।

ALL ASSAM News 30

17/09/2025

17/09/2025

16/09/2025

15/09/2025

14/09/2025

14/09/2025

14/09/2025

12/09/2025

12/09/2025

12/09/2025

11/09/2025

11/09/2025

Address

Telephone

Website

Alerts

Contact The Business

Shortcuts

Share

Category