27/01/2026
*यूनाइटेड फोरम ऑफ बँक युनियन्सचा देशव्यापी संप*
*बार्शी:-
पाच दिवसांचा आठवडा या करारा नुसार मान्य केलेल्या मागणीची त्वरित अंमलबजावणी करण्यात यावी या दीर्घकालीन प्रलंबित मागणीसाठी आज बँकिंग क्षेत्रातील UFBU या शिखर संघटने अंतर्गत नऊ संघटनानी आज देशव्यापी संप पुकारला होता .
बार्शी येथे कार्यरत असलेल्या बँक कर्मचारी समन्वय समिती ने तालुका स्तरावर निदर्शने करण्याचे आयोजन केले होते . त्याला प्रतिसाद म्हणून बार्शी शहर व बार्शी तालुक्यातील सर्व बँकेतील अधिकारी व कर्मचारी बँक ऑफ इंडिया, *शाखा, बार्शी* येथे आपला निषेध व्यक्त करण्यासाठी जमले होते . त्याठिकाणी आपल्या पाच दिवसांचा आठवडा या प्रलंबित मागणी साठी जोरदार घोषणा आणि निदर्शने करण्यात आली , आणि आपली मागणी लवकरात लवकर मान्य करावी नाहीतर हा लढा यापुढे अजून तीव्र करण्यात असे ठणकावून सांगितले..
बार्शी समन्वय समिती तर्फे समन्वयक कॉ. सरिता कुलकर्णी , अध्यक्ष कॉ. राहुल मांजरे यांनी मार्गदर्शन केले . तर विविध बँकेतून सुरज गोडगे युनियन बँक , विक्रम निचळ सेंट्रल बँक , अंकित केडिया महाराष्ट्र बँक , अमित काळदाते , सुदर्शन अग्निहोत्री , विशाल तांबडे , यांनी आपली मते व्यक्त केली . कॅनरा बँक नितीन , शैलजा गुप्ता स्टेट बँक ,प्रमोद गलांडे बँक ऑफ इंडिया,बँक ऑफ बडोदा इत्यादींचे प्रतिनिधी उपस्थित होते .
डिजिटल बँकिंगचे इतके ढोल वाजवले जात असताना , रिझर्व बँक , एल आय सी , नाबार्ड , आय टी क्षेत्र या सर्वप्रमाणे बँक कर्मचाऱ्याची मान्य केलेला पाच दिवसांचा आठवडा त्वरित अंमलात आणला पाहिजे ही सर्वांची आग्रही मागणी होती .
