http://youtube.com/shauryagatha

Shaurya Gatha News, Barsi (2025)

19/04/2025

बार्शी:- वाईन शॉप चालका वरती प्राणघातक हल्ला.

19/04/2025

बार्शीत #ड्रग्सची मोठी #कारवाई:
१३ लाखांचा एम.डी.,गावठी #पिस्तूल व आल्टिस कारसह तिघांना अटक
बार्शी पोलिसांची दमदार कामगिरी; पहिल्याच झटक्यात ड्रग्स बाळगणाऱ्यांवर कडक कारवाई

बार्शी : परांडा रोडवरील स्वराज हॉटेल समोर बुधवार १७ एप्रिल रोजी रात्री ११:३० च्या सुमारास बार्शी शहर पोलिसांनी मोठी कारवाई करत १३ लाख ८८ हजार रुपयांचा मुद्देमाल हस्तगत केला आहे. यामध्ये अंमली पदार्थ (एम.डी.), गावठी बनावटीचे पिस्तूल, २ जिवंत काडतुसे, मोबाईल आणि आल्टिस कारचा समावेश आहे.

या प्रकरणी बार्शी शहर पोलीस ठाण्यात गुन्हा दाखल करण्यात आला असून पोलिसांनी तिघा आरोपींना अटक केली आहे. आरोपींमध्ये असद हसन देहलुज (वय ३७, रा. पल्ला गल्ली, परांडा), मेहफुज महंमद शेख (वय १९, रा. बावची, परांडा) आणि सरफराज उर्फ गोल्डी अस्लम शेख (वय ३२, रा. काझी गल्ली, बार्शी) यांचा समावेश आहे.

या तिघांकडून एकूण १३ लाख ८८ हजार ५०० रुपयांचा मुद्देमाल जप्त करण्यात आला आहे. यामध्ये मॅफेड्रॉन (एम.डी.) १२ लाख, गावठी पिस्तूल ५० हजार, २ जिवंत काडतुसे ५ हजार, तीन मोबाईल २५ हजार आणि आल्टिस कार १ लाख ८ हजार ५०० रुपयांचा समावेश आहे.

ही कारवाई माननीय पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर, उपविभागीय पोलीस अधिकारी जालिंदर नाकुल व पोलीस निरीक्षक बालाजी कुकडे यांच्या मार्गदर्शनाखाली पोलीस उपनिरीक्षक उमाकांत कुंजीर व त्यांच्या पथकाने केली. या प्रकरणी एन.डी.पी.एस. अ‍ॅक्ट, शस्त्र कायदा आणि महाराष्ट्र पोलीस कायद्यानुसार गुन्हा दाखल करण्यात आला आहे. पुढील तपास बार्शी शहर पोलीस करत आहेत.

21/03/2025

*लातूर हायवे रोड टच असलेली 3500 स्के. फूट जागा भाड्याने देणे आहे अधिक माहिती साठी संपर्क.*

*संपर्क :-7276747425*

18/03/2025

बार्शी:-
*बार्शी सराफ बाजारात मोठी खळबळ 38.40 लाख रुपयांची अफरातफर*

बार्शी शहरातील प्रसिद्ध सराफा व्यवसायिक संजय महादान्य यांना त्यांच्या दुकानातील कामगाराने तब्बल 425 ग्रॅम सोनं आणि रोख रक्कम मिळून 38.40 लाख रुपयांचा आर्थिक फटका बसवला आहे. या प्रकरणी संबंधित सुवर्णकार कामगार शुभम शरद वेदपाठक (रा. मंगळवार पेठ, बार्शी) याच्या विरोधात बार्शी पोलिस ठाण्यात तक्रार दाखल करण्यात आली आहे.

काय आहे संपूर्ण प्रकरण?

संजय महादान्य हे गेल्या 30 वर्षांपासून बार्शी शहरात ‘मोहित अलंकार’ या नावाने सराफा व्यवसाय करतात. त्यांच्याकडे अनेक ग्राहक दागिन्यांची निर्मिती आणि दुरुस्ती करण्यासाठी येतात. त्यांच्या दुकानात शुभम वेदपाठक हा 7-8 वर्षांपासून सुवर्णकार म्हणून काम करत होता. विश्वासाने संजय महादान्य आणि त्यांच्या कुटुंबीयांनी त्याच्याकडे ग्राहकांचे सोने दागिने बनवण्यासाठी दिले होते.

विश्वासघाताची बाब कशी उघड झाली?

12 मार्च रोजी संजय महादान्य यांनी शुभमला मागील काही महिन्यांत दिलेल्या सोन्याच्या हिशोबाची विचारणा केली असता त्याने उडवाउडवीची उत्तरे दिली. संशय आल्याने त्यांनी दुकानातील ड्रॉवर तपासला, परंतु तिथे दागिने किंवा सोने सापडले नाही.

यावेळी संजय महादान्य आणि त्यांच्या पत्नीने शुभमला विश्वासात घेत विचारले असता त्याने संपूर्ण सोने मोडून पैसे जुगारात उडवले असल्याची कबुली दिली.

सोन्याची संपूर्ण यादी:

दुकानातून गायब झालेल्या सोन्याची किंमत ₹38,40,352/- असून, त्यात खालीलप्रमाणे हिशोब आहे:

दुकानातील सोन्याची लगड: 282 ग्रॅम 300 मिली (₹24,84,240/-)

ग्राहकाच्या सोन्याचे पाटल्या: 50 ग्रॅम (₹4,40,000/-)

दुरुस्तीसाठी आलेले गंठन, अंगठी, झुबे: 31 ग्रॅम (₹2,72,800/-)

कारागिरास दिलेले सोने: 09 ग्रॅम 440 मिली (₹83,072/-)

ग्राहकाचे झुबे-टॉप्स: 05 ग्रॅम (₹44,000/-)

ग्राहकाचे सोन्याचे कानातील टॉप्स: 07 ग्रॅम (₹61,600/-)

ग्राहकाचे झुबे-टॉप्स: 04 ग्रॅम 500 मिली (₹39,600/-)

ग्राहकाचे झुबे-टॉप्स: 03 ग्रॅम 500 मिली (₹30,800/-)

ग्राहकाचे गंठन: 32 ग्रॅम 300 मिली (₹2,84,240/-)

दुकानातील रोख रक्कम: ₹1,00,000/-

धमकी आणि पोलिस तक्रार

शुभम वेदपाठक याने चोरी कबूल करत "मी काही दिवसांत सोने परत करतो" असे सांगून वेळ मागितली. मात्र, संजय महादान्य यांनी वेळ देण्यास नकार दिल्यावर त्याला पोलिसात तक्रार करू नका, नाहीतर पाहून घेईन अशी धमकी दिली. तसेच, शुभमच्या कुटुंबीयांनी संजय महादान्य यांच्याकडे सोने परत करण्यासाठी काही वेळ मागितला, पण ग्राहकांच्या दागिन्यांची जबाबदारी असल्याने त्यांनी थेट पोलिसांकडे धाव घेतली.

पोलिस तपास सुरू

बार्शी पोलिस ठाण्यात शुभम वेदपाठक याच्या विरोधात विश्वासघात, फसवणूक आणि चोरीचा गुन्हा दाखल करण्यात आला आहे. बार्शी पोलीस अधिक तपास करत आहेत,अशी माहिती पोलिसांनी दिली.

28/02/2025

*बार्शी (प्रतिनिधी) :- येथील कर्मवीर सार्वजनिक ग्रंथालयात ज्ञानपीठ पुरस्कार विजेते कविश्रेष्ठ कुसुमाग्रज तथा पद्मभूषण वि.वा.उर्फ तात्यासाहेब शिरवाडकर यांच्या जयंती दिनाचे औचित्याने "मराठी राजभाषा गौरव दिन" म्हणून मोठ्या उत्साहात साजरा करण्यात आला.*.

प्रमुख मान्यवरांचे शुभहस्ते प्रतिमेचे पुष्पहार अर्पण करुन पूजन करण्यात आले.कार्यक्रमाचे अध्यक्षपदी कर्मवीर ग्रंथालयाचे उपाध्यक्ष मा.धैयशील देशमुख होते तर प्रमुख पाहुणे म्हणून वृक्षमित्र सुनिल फल्ले हे होते.मराठी राजभाषा गौरव दिनाच्या अनुषंगाने मराठी भाषेचे महत्व आपल्या मनोगतात प्रमुख मान्यवरांनी विषद केले.यावेळी जेष्ठ सभासद अनिल धाट,सुरेश शिंदे,प्रेम अग्रवाल,राहुल लोंढे यांचेसह बालवाचक आर्यन पोकळे,मंथन घावटे,अक्षय पोकळे,शौनक अग्रवाल यांचेसह वाचक व सभासद उपस्थित होते, कार्यक्रमाचे प्रास्ताविक व सूत्रसंचालन ग्रंथपाल विनोद गायकवाड यांनी केले.

28/02/2025

बार्शी:-
श्री वर्धमान जैन सार्वजनिक तालुका वाचनालय,बार्शी येथे कविवर्य वि.वा.शिरवाडकर (कुसुमाग्रज) यांच्या जन्मदिना निमित्त मराठी राजभाषा गौरव दिन मोठ्या उत्साहात साजरा

श्री वर्धमान जैन सार्वजनिक तालुका वाचनालय,बार्शी येथे आज दिनांक २७/०२/२०२५ गुरुवार रोजी सकाळी ठिक ११-०० वाजता कवीवर्य वि.वा.शिरवाडकर (कुसुमाग्रज) यांच्या जन्मदिना निमित्त मराठी राज्यभाषा गौरव दिन साजरा करण्यात आला.
प्रथमतः वि.वा.शिरवाडकर यांच्या फोटोचे पुजन वाचनालयाचे अध्यक्ष किशोर श्रीश्रीमाळ,संचालक धिरज कुंकूलोळ,रूपेश कांकरिया,प्रमोद भंडारी यांच्या शुभ हस्ते करण्यात आले. व त्यांना विनम्र अभिवादन करण्यात आले. या वेळी वाचनालयाचे वाचक वर्ग व सभासद नितीन पोपळघाट,विश्वास पाटील,आझर शेख,युनुस बागवान,अनिल मुसळे, वाचनालयाचे ग्रंथपाल सुरेश यादव,सहा.ग्रंथपाल पल्लवी तौर,क्लार्क विरज पतंगे हे उपस्थित होते अनिल मुसळे सर यांनी वि.वा.शिरवाडकर यांच्या जीवनावर आपले मनोगत व्यक्त केले.सुत्रसंचालन व आभार वाचनालयाचे संचालक धिरज कुंकूलोळ यांनी केले.

16/02/2025

*शिवकालीन शस्त्रांच्या माहितीचा खजिना शिवसृष्टी बार्शी* या ठिकाणी पाहावयास मिळणार आहे. *शिवप्रेमीं व लहान मुला मुलींनी* याचा लाभ घ्यावा हे प्रदर्शन दि. १७ व १८ फेब्रुवारीपर्यंत सर्वांसाठी खुले आहे.
वेळ:- स.१० ते साय. १०पर्यंत

16/02/2025

माहेर ग्रुप च्या वतीने सौ हि. ने. न.शाह कन्या प्रशाले मध्ये काल दिनांक 13 फेब्रुवारी रोजी स्नेहबंध मेळावा साजरा करण्यात आला . साठ वर्षांनी या सर्व माजी विद्यार्थीनी श्री गोडबोले सर यांच्या नेतृत्वाखाली एकत्र आल्या. व त्यांनी प्रशालेस एक लाखाची रोख रक्कम देणगी स्वरूपात
दिली संस्था सचिव चिन्मय वालवडकर यांनी केले अनेक माजी विद्यार्थिनींनी आपल्या शाळेतील स्मृतींना उजाळा दिला . आशा जोशी छाया गंगावणे शोभा घोरपडे सुषमा नारकर विजया जहागीरदार लीला डागळे , मालती पवार चंदा पवार यांनी मनोगत व्यक्त केले तर शुभांगी काळे सुमन पानगावकर मृणाल कुलकर्णी शोभा रणशूर विजया देशपांडे यांनी स्वरचित कविता केल्या. मीरा हातोळकर यांच्या भारुडाने व लावणीने कार्यक्रमाला रंगत आली.अनेक जणांनी शाळेविषयीची कृतज्ञता व्यक्त केली.
या कार्यक्रमास संस्थेच्या संचालिका सौ.हेमा भाभी देसाई क्री शा देसाई मुख्याध्यापिका जोशी मॅडम माहेर ग्रुपचे प्रणेते गोडबोले सर काटकर वैशाली टिळक राजेंद्र शेटेअनंत कुलकर्णी इत्यादी गुरुवर्य उपस्थित होते.
हा कार्यक्रम यशस्वी करण्याकरता मंदाताई वैद्य मंगल ताई काळे आशा जोशी उज्वला जोशी मृणाल कुलकर्णी जयश्री काळे व गोडबोले सरांनी अथक परिश्रम घेतली.शाळेचे शिक्षक शिक्षिका शिक्षकेतर कर्मचारी उपस्थित होते. या कार्यक्रमाचे सूत्रसंचालन श्री आयुब शेख ऋजुता हातोळकर यांनी केले. तर आभार उज्वला जोशी यांनी मांडले...

04/02/2025

बार्शी (प्रतिनिधी):- कर्मवीर डॉ. मामासाहेब जगदाळे यांची १२२ वी जयंती उत्साहात साजरी
छत्रपती शिवाजी महाराज,कर्मवीर भाऊराव पाटील,क्रांतीसिंह नाना पाटील यांच्या कार्याची प्रेरणा घेवून बार्शी सारख्या ग्रामीण भागात आपल्या काही निवडक सहकाऱ्यांना सोबत घेवून कर्मवीर डॉ.मामासाहेब जगदाळे यांनी शैक्षणिक क्षेत्रात फार मोठी क्रांती निर्माण केली,मामांच्या असीम त्यागामुळेच शैक्षणिक क्षेत्रात बार्शीचे नाव महाराष्ट्राच्या नकाशावर सोनेरी अक्षराने कोरले गेलेले आहे,असे विचार वृक्षमित्र सुनिल फल्ले यांनी व्यक्त केले.*. *येथील कर्मवीर सार्वजनिक ग्रंथालयामध्ये बार्शी तालुक्यात शिक्षणाची गंगा घरोघरी पोहचविणारे थोर शिक्षणमहर्षी कर्मवीर डॉ.मामासाहेब जगदाळे यांची १२२ वी जयंती उत्साहात साजरी करण्यात आली त्यावेळी ते प्रमुख पाहुणे म्हणून बोलत होते.कार्यक्रमाचे अध्यक्षपदी ग्रंथालयाचे कार्यवाह मधुकांत ठोकळ हे होते.यावेळी ग्रंथालयाचे उपाध्यक्ष मा.धैर्यशील देशमुख समाजसेवक मा.सुहास सुतार,मा.चंद्रकांत वडेकर,मा.सतीश पाचकुडवे आदी मान्यवर व्यासपीठावर उपस्थित होते.प्रथमता प्रमुख मान्यवरांचे हस्ते कर्मवीर मामासाहेब यांच्या प्रतिमेचे पुष्पहार अर्पण करुन पूजन करण्यात आले.पुढे बोलताना फल्ले म्हणाले,कर्मवीर मामासाहेब यांनी बहुजन समाजातील मुलांची शैक्षणिक हालत पाहिली,ही अवस्था बदलण्यासाठी त्यांनी आपल्या नगरपालिकेतील नोकरीचा त्याग केला,शिवाजी बोर्डीगची स्थापना केली,त्यातूनच पुढे अनेक शाखा चालू केल्या,कर्मवीर मामांच्या त्यागामुळेच एका छोट्याशा रोपट्याचे पुढे वटवृक्षात रुपांतर झालेले आहे.यावेळी प्रमुख मान्यवरांनी यथोचित मनोगत व्यक्त केले.सदर कार्यक्रमास छंदोप्रेमी उदय पोतदार,प्रेम अग्रवाल,राहुल लोंढे,केतन चवरे यांचेसह सभासद व वाचक उपस्थित होते.ग्रंथपाल विनोद गायकवाड यांनी कार्यक्रमाचे सुत्रसंचालन व आभार व्यक्त केले.*

27/01/2025

बार्शी:-
बार्शी तालुका येथील उबरगे येथे दिनांक 26 जानेवारी रोजी जिल्हा परिषद प्राथमिक शाळा उंबरगे येथे 76 वा प्रजासत्ताक दिन मोठ्या उत्साहात साजरा करण्यात आला.

💫कार्यक्रमाच्या अध्यक्षस्थानी शाळा व्यवस्थापन समितीचे अध्यक्ष श्री. दादासाहेब विधाते होते तर कार्यक्रमाच्या प्रमुख पाहुणे गावच्या प्रथम नागरिक सौ. प्रांजलीताई सचिन विधाते होत्या.
कार्यक्रमासाठी शाळेच्या आग्रहास्तव विशेष उपस्थिती म्हणून राज्यस्तरीय आदर्श शिक्षक श्री. शिवाजीराव हावळे सर उपस्थित होते.
तसेच सोबत गावचे पोलीस पाटील श्री .राहुल पाटील, ग्रामपंचायत सदस्य ,गावातील प्रतिष्ठित नागरिक,IDBI बँकेचे मॅनेजर श्री.मृत्युंजय कुमार साहेब श्री. अडसूळ साहेब व ग्रामस्थ मोठ्या संख्येने उपस्थित होते
कार्यक्रमाच्या सुरुवातीला श्री. हावळे सर यांच्या हस्ते ध्वजाचे पूजन व व्यवस्थापन समितीचे अध्यक्ष श्री. दादासाहेब विधाते यांच्या हस्ते ध्वजारोहण करण्यात आले.
कार्यक्रमाच्या प्रस्ताविकामध्ये शाळेतील ज्येष्ठ शिक्षक श्री. कुरेशी सरांनी मागील एक वर्षातील शाळेतील व शाळेच्या विकासाबाबत व प्रगती बाबत संपूर्ण आलेख गावासमोर मांडला.
शाळेला देणगी स्वरूपात मदत करणाऱ्या सर्वदात्यांचे व ग्रामपंचायत उंबरगे यांचे शाळेला केलेल्या मदतीबद्दल विशेष आभार मानले. यानंतर सालाबादप्रमाणे कै. रुक्मिणी बाबुराव कुलकर्णी, कै. राजश्री रमेश कुलकर्णी व कै.प्रकाश बाबुराव कुलकर्णी यांचे स्मरणार्थ श्री.रमेश बाबुराव कुलकर्णी ,श्री.मल्हारी रमेश कुलकर्णी व डॉक्टर श्रीम.अंजली रमेश कुलकर्णी यांचे हस्ते इयत्ता पहिली ते सहावी मधील प्रथम द्वितीय व तृतीय आलेल्या विद्यार्थ्यांना शालेय साहित्याचे सॅक ,टिफिन बॉक्स व कंपास यांचे वाटप करण्यात आले.
यासोबत इयत्ता सातवीतील प्रथम ,द्वितीय व तृतीय आलेल्या विद्यार्थ्याला रोख स्वरूपात प्रथम क्रमांकाच्या विद्यार्थ्याला 5001/-, द्वितीय क्रमांकाच्या विद्यार्थ्याला 3001/-
तृतीय क्रमांकाच्या विद्यार्थ्याला 1501/- रुपये रकमेचे रोख बक्षीस व सन्मानपत्र देण्यात आले .या बक्षीस वितरणाच्या कार्यक्रमासाठी श्री. किरण रामचंद्र नान्नजकर संपादक/पत्रकार ,बार्शी व श्री. राहुल नान्नजकर सेंट्रल बँक ऑफ इंडिया शाखा- वैराग व त्याच्या मातोश्री सौ. कमल रामचंद्र नान्नजकर या उपस्थित होत्या.

यानंतर इयत्ता पहिली ते सातवी मधील विद्यार्थ्यांची मनोगतपर भाषणे झाली .तसेच पाचवी सहावी सातवी मधील विद्यार्थ्यांनी सांस्कृतिक गाण्यांचे सादरीकरण केले.
यापुढे मान्यवरांच्या भाषणामध्ये प्रथमतः गावचे सुपुत्र राज्यस्तरीय आदर्श शिक्षक पुरस्कार प्राप्त श्री. शिवाजीराव हावळे सर यांनी आपल्या भाषणामध्ये गावची शाळा टिकली पाहिजे, वाढली पाहिजे व गावच्या शाळेत गुणवत्ता पूर्ण शिक्षण मिळाले पाहिजे याविषयी विचार व्यक्त केले. स्पर्धेच्या काळात पालकाकडे आर्थिक सुबत्ता आहे त्यामुळे पालक त्याला पाहिजे त्या शाळेत जाऊन आपल्या मुलाला शिकवू शकतो परंतु त्या पालकाला विश्वासात घेऊन त्याच्या सर्व अपेक्षा आपण जिल्हा परिषद शाळेमार्फत पूर्ण करू शकतो व त्याच्या मुलाला मुलीला चांगले गुणवत्ता पूर्ण शिक्षण देऊ शकतो. आपल्या नोकरीच्या कार्यकाळातील बरेच अनुभव सांगून सरांनी गुणवत्ता पूर्ण शिक्षणाचे महत्व पटवून दिले. या कामी भविष्यात शाळेला मार्गदर्शन व आर्थिक मदत करण्याचे श्री .हावळे सरांनी जाहीर केले व चालू कार्यक्रमानिमित्त शाळेला सहा खुर्च्याची मदत वस्तू स्वरूपात दिली .
भविष्यात शाळेमध्ये पट कसा वाढवायचा?
पालकाला विश्वासात कसे घ्यावे?

एखादा पालक सेमी साठी किंवा सेमीचे शिक्षणा साठी आपल्या गावातून दुसरीकडे चालला तर त्याला व्यवस्थित मार्गदर्शन करून त्याला कसे थांबवायचे?

त्याच्या मुलाला जिल्हा परिषद शाळेत ठेवून त्याच्या अपेक्षा पूर्ण कशा करायच्या ?

याविषयी सविस्तर मार्गदर्शन केले .
सोबतच प्रजासत्ताक दिनानिमित्त उपस्थित ग्रामस्थांना माहिती वजा मार्गदर्शन केले .

पुढील मान्यवर डॉक्टर अंजली कुलकर्णी यांनी मनोगत व्यक्त करताना विद्यार्थ्यांनी केलेल्या भाषणाचे विशेष कौतुक केले. इयत्ता सातवी मधील विद्यार्थी राजरत्न युवराज कदम याने इंग्रजी भाषेमधून उंबरगे गावचे व परिसराचा केलेले वर्णन व त्या वर्णनाबद्दल दिलेली माहिती ही खूपच गौरवास्पद बाब आहे. याची जाणीव मॅडमनी ग्रामस्थांना करून दिली. तसेच त्यांनी त्यांच्या भाषणामध्ये माणसाने कितीही मोठे झाला तरी आपल्या जन्मस्थानाला म्हणजेच मूळ गावाला विसरायचे नाही याचीही जाणीव करून दिली.

गावांमध्ये महिला डॉक्टर म्हणून पदवी मिळवण्याचा मान मिळाल्याबद्दल गावाने केलेल्या सत्काराचा त्यांनी पुनश्च उल्लेख केला. तसेच येथून पुढे विद्यार्थ्यांसाठी व शाळेसाठी कोणत्याही प्रकारची आर्थिक मदत करण्याचे जाहीर केले.

मान्यवरांच्या भाषणानंतर शाळेचे मुख्याध्यापक श्री सांगळे सरांनी शाळेमध्ये चालू असलेले विशेष उपक्रम व शाळेची गुणवत्ता ग्रामस्थांसमोर व उपस्थितांसमोर मांडली. तसेच मान्यवरांनी दिलेल्या सूचनाचे तंतोतंत पालन केले जाईल असे आश्वासन दिले.याबरोबर ग्रामपंचायत उंबरगे यांच्याकडून शाळेमध्ये फरशी बदलणे,छतावरील कोबा,पञे वरवंडीचे काम व शाळेला पिण्यासाठी व स्वच्छतागृहासाठी नियमित पाण्याचा पुरवठा आणि स्वच्छतागृह नळ फिटींग टाकी बसवून देणे ही सर्व कामे करून दिल्याबद्दल सरपंच व ग्रामपंचायत उंबरगे यांचे आभार मानले.
याप्रसंगी शाळेची गुणवत्ता पाहून IDBI Bank आगळगाव यांच्याकडून पिण्याच्या पाण्यासाठी Blue star कंपनीचा 60,000/-चा वाॅटर फिल्टर शाळेला प्राप्त झाला.

कार्यक्रमाच्या शेवटी अध्यक्षांच्या परवानगीने श्री. कुरेशी सरांनी आभार मानून कार्यक्रम संपविण्यात आला .
या कार्यक्रमासाठी शाळेतील शिक्षक श्री. सोनार सर ,श्री. मिरगणे सर, श्री. जाधव सर, श्री. पाठक सर ,श्री .गुंड सर व श्रीमती भोसले मॅडम यांचे सहकार्य मिळाले.
जि.प.प्रा.शाळा उंबरगे.

25/01/2025

शिवसेना बार्शी शहर व तालुका व शिवसेना वैद्यकीय मदत कक्षाच्या वतीने हिंदुहृदयसम्राट शिवसेनाप्रमुख स्व श्री बाळासाहेब ठाकरे व नेताजी सुभाषचंद्र बोस यांना जयंती निमित्त अभिवादन करण्यात आले.
हिंदुहृदयसम्राट शिवसेनाप्रमुख वंदनीय स्व श्री बाळासाहेब ठाकरे व नेताजी सुभाषचंद्र बोस यांच्या जयंतीनिमित्त सालाबाद प्रमाणे पांडे चौक बार्शी येथे मान्यवरांच्या हस्ते प्रतिमा पूजन करून अभिवादन करण्यात आले.यावेळी.मा नगरसेवक श्री विजय (नाना )राऊत, डॉ श्री प्रशांत मांजरे ,श्री उमेश काळे, श्री सचिन मांजरे-पाटील,जय शिवराय प्रतिष्ठानचे अध्यक्ष श्री विजय राऊत श्री किरण कोकाटे,शिवसेना शहरप्रमुख श्री विजय माने,श्री महेश देशमुख, धन्यकुमार पटवा,काका परिट, युवराज ढगे, श्री विशाल गाढवे,उमेश रजपूत,श्री दिलीप देशपांडे, दिपक ढगे, श्री प्रशांत कानडे, श्री आनंद ठोकडे, श्री सुनील फल्ले,श्री कुमार मोरे , प्रथमेश पवार,आदी शिवसैनिक उपस्थित होते.

20/01/2025

भारताच्या ७६ व्या प्रजासत्ताकदिन निमित्त २६ जानेवारी २०२५ रोजी ध्वजारोहणाचा मुख्य शासकीय समारंभ राज्यभर एकाच वेळी सकाळी ९.१५ वाजता आयोजित करण्यात येणार आहे. जिल्हानिहाय ध्वजारोहण करणाऱ्या मंत्र्यांची यादी जाहीर करण्यात आली आहे.

Shaurya Gatha News

19/04/2025

19/04/2025

21/03/2025

18/03/2025

28/02/2025

28/02/2025

16/02/2025

16/02/2025

04/02/2025

27/01/2025

25/01/2025

20/01/2025

Address

Telephone

Website

Alerts

Shortcuts

Share

Category