https://www.facebook.com/100123472103056/

Punjab tv news, Bathinda Cantonment Area (2025)

13/09/2025

12 ਸਾਲ ਇਨਸਾਫ ਲੈਣ ਲਈ ਲੜਾਈ ਲੜੀ।
- ਆਹ ਹੈ ਉਹ ਕੁੜੀ ਜੀਹਨੇ 12 ਸਾਲ ਸੰਘਰਸ਼ ਕਰਕੇ ਟੈਕਸੀ ਡਰਾਈਵਰ ਤੋਂ ਵਿਧਾਇਕ ਬਣੇ ਆਮ ਆਦਮੀ ਪਾਰਟੀ ਦੇ ਹੀਰੇ ਮਨਜਿੰਦਰ ਲਾਲਪੁਰਾ ਸਮੇਤ 11 ਵਿਆਕਤੀਆਂ ਨੂੰ ਸਜ਼ਾ ਕਰਾਈ I

07/09/2025

ਹੜ੍ਹ ਨਾਲ ਪ੍ਰਭਾਵਿਤ ਇਲਾਕਿਆ ਚ ਲੋਕਾਂ ਦੀ ਮਦਦ ਕਰਨ ਦੇ ਲਈ ਪੰਜਾਬ ਦੇ ਲੋਕ ਟਰੱਕ, ਟਰਾਲੀਆ ਭਰ ਭਰਕੇ ਹਰ ਇੱਕ ਲੋੜੀਂਦੀ ਚੀਜ ਲੈਕੇ ਜਾ ਰਹੇ ਹਨ ਮਦਦ ਲੈਕੇ ਜਾਣ ਵਾਲੇ ਸੇਵਾਦਾਰਾਂ ਨੂੰ ਉੱਥੋਂ ਦੇ ਏਰੀਏ ਬਾਰੇ ਘੱਟ ਪਤਾ ਹੁੰਦਾ ਵੀ ਕਿੱਥੇ ਕਿੱਥੇ ਜਾਣਾ ਚਾਹੀਦਾ ,ਪਰ ਸੇਵਾ ਕਰਨ ਗਏ ਸੇਵਦਾਰ ਤਾਂ ਉੱਥੋਂ ਦੇ ਲੋਕਾਂ ਦੀ ਮਦਦ ਕਰਨ ਲਈ ਜਾ ਰਹੇ ਹਨ।
ਪਰ ਕੁਝ ਕੁ ਮਰੀ ਜ਼ਮੀਰ ਵਾਲੇ,ਬੇ ਗੈਰਤ,ਬੇ ਸਰਮ ਅਤੇ ਘਟੀਆ,ਨੀਚ ਲੋਕ ਆਪਣੀਆ ਨੀਚ ਹਰਕਤਾਂ ਤੇ ਉੱਤਰੇ ਹੋਏ ਹਨ,ਸੇਵਾ ਕਰਨ ਜਾ ਰਹੇ ਸੇਵਾਦਾਰਾਂ ਦੀਆਂ ਟਰਾਲੀਆ,ਟਰੱਕ ਰਸਤੇ ਵਿੱਚ ਰੋਕ ਕੇ ਉਹਨਾਂ ਨਾਲ ਦੁਰਵਿਵਹਾਰ ਕਰ ਰਹੇ ਹਨ ਅਤੇ ਉਹਨਾਂ ਤੋਂ ਧੱਕੇ ਨਾਲ ਸਮਾਨ ਖੋਹਣ ਦੀ ਵੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ,ਅਤੇ ਘਟੀਆ ਕਿਸਮ ਦੇ ਲੋਕ ਇਹ ਸਮਾਨ ਲੈਕੇ ਇਕੱਠਾ ਕਰਕੇ ਵੇਚ ਰਹੇ ਹਨ,ਅਤੇ ਜਿੰਨ੍ਹਾ ਲੋਕਾਂ ਨੂੰ ਸੱਚੀ ਮਦਦ ਦੀ ਲੋੜ ਆ ਉਹਨਾਂ ਤੱਕ ਸਮਾਨ ਨਹੀ ਪਹੁੰਚਣ ਦਿੱਤਾ ਜਾ ਰਿਹਾ,ਬਹੁਤ ਸਾਰੇ ਸੇਵਾਦਾਰਾਂ ਨਾਲ ਧੱਕਾ ਮੁੱਕੀ ਵੀ ਕੀਤੀ ਗਈ ਆ,ਰੋੜੇ ਮਾਰੇ ਜਾ ਰਹੇ ਹਨ,ਅਤੇ ਜਬਰਦਸਤੀ ਸਮਾਨ ਖੋਹਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਆ,ਇਸ ਧੱਕਾ ਮੁੱਕੀ ਚ ਬਹੁਤ ਸਾਰੇ ਸੇਵਾਦਾਰ ਜਖਮੀ ਵੀ ਹੋ ਰਹੇ ਹਨ,ਲੋਕਾਂ ਵੱਲੋਂ ਕੀਤੀ ਜਾ ਰਹੀ ਜਬਰਦਸਤੀ ,ਧੱਕਾ ਮੁੱਕੀ ਅਤੇ ਸੇਵਾਦਾਰਾਂ ਨਾਲ ਲੜਾਈ ਝਗੜਾ ਕਰਨ ਦੀਆਂ ਬਹੁਤ ਸਾਰੀਆ ਵੀਡੀਓ ਵੀ ਸੋਸਲ ਮੀਡੀਆਤੇ ਵਾਇਰਲ ਹੋ ਗਈਆ ਹਨ।
ਹੁਣੇ ਸੋਸਲ ਮੀਡੀਆ ਤੇ ਇੱਕ ਵੀਡੀਓ ਦੇਖੀ ਜਿਸ ਵਿੱਚ ਕੁਝ ਨੌਜਵਾਨ ਕਿਸੇ ਪਿੰਡ ਵਿੱਚ ਰਾਸਨ ਵੰਡਣ ਲਈ ਗਏ, ਤਾਂ ਉੱਥੇ ਉਹਨਾਂ ਨਾਲ ਉੱਥੇ ਦੇ ਲੋਕਾਂ ਵੱਲੋਂ ਦੁਰਵਿਵਹਾਰ ਕੀਤਾ ਗਿਆ, ਅਤੇ ਉਥੇ ਕੁਝ ਸੇਵਾਦਾਰ ਜਖਮੀ ਵੀ ਹੋਏ।
ਇਸ ਤਸਵੀਰ ਵਾਲੇ ਵੀਰ ਨਾਲ ਵੀ ਲੋਕਾਂ ਨੇ ਜਬਰਦਸਤੀ ,ਧੱਕਾਮੁੱਕੀ ਕੀਤੀ ਅਤੇ ਇਸ ਨੂੰ ਜਖ.ਮੀ ਵੀ ਕੀਤਾ।
ਓ ਭਰਾਵੋ ਤੁਸੀ ਇਸ ਤਰਾਂ ਨਾ ਕਰੋ ਇਹ ਸਮਾਨ ਵੇਚਕੇ ਤੁਹਾਡੀ ਜਿੰਦਗੀ ਨਹੀ ਲੰਘਣ ਲੱਗੀ ਤੁਹਾਡੀ ਇਸ ਘਟੀਆ ਕਰਤੂਤ ਕਰਕੇ ਹੋਰ ਲੋਕ ਦਾ ਅੱਗਾ ਮਾਰਿਆ ਜਾ ਰਿਹਾ,ਪੰਜਾਬ ਅਤੇ ਪੰਜਾਬੀਆ ਨੂੰ ਬਦਨਾਮ ਨਾ ਕਰੋ,ਫਿਰ ਜੈਸਾ ਕਰੋਗੇ,ਵੈਸਾ ਭਰੋਗੇ।
"ਜੈਸੀ ਕਰਨੀ,ਵੈਸੀ ਬਰਨੀ"

06/09/2025

ਸੂਬੇ ਚ ਹੜ੍ਹ ਦੇ ਪਾਣੀ ਨਾਲ ਭਾਰਤ ਤਬਾਹੀ ਹੋ ਰਹੀ ਆ,ਹੜ੍ਹ ਪ੍ਰਭਾਵਿਤ ਇਲਾਕਿਆ ਚ ਪੰਜਾਬ ਦੇ ਪਿੰਡਾਂ ਦੇ ਲੋਕ,ਸਮਾਜਸੇਵੀ ਸੰਸਥਾਵਾਂ,ਗਾਇਕ,ਸੇਲੀਬ੍ਰਿਟੀ ਅਤੇ ਰਾਜਨੀਤਿਕ ਪਾਰਟੀਆ ਦੇ ਲੋਕ ਲਗਾਤਾਰ ਸੇਵਾ ਕਰ ਰਹੇ ਹਨ।
ਮੈ ਸਾਰਿਆ ਨੂੰ ਨਹੁ ਕਹਿ ਰਿਹਾ ਪਰ ਕੁਝ ਕੁ ਲੋਕ ਉੱਥੇ ਸੇਵਾ ਘੱਟ ਅਤੇ ਖਿਲਾਰਾ ਵੱਧ ਪਾ ਰਹੇ ਹਨ, ਜੇਕਰ ਕੋਈ ਰਾਜਨੀਤਿਕ ਲੀਡਰ,ਗਾਇਕ ਜਾ ਕੋਈ ਵੀ ਸੇਲੀਬ੍ਰਿਟੀ ਮਦਦ ਕਰਨ ਦੈ ਲਈ ਜਾਦਾ ਤਾਂ ਉਸਦੇ ਨਾਲ ਉਸਦਾ ਸਕਿਉਰਟੀ ਅਮਲਾ ਅਤੇ ਹੋਰ ਵਰਕਰ, ਸੋਸਲ ਮੀਡੀਆ ਟੀਮ ਅਤੇ ਹੋਰ ਆਮ ਸੋਸਲ ਮੀਡੀਆ ਤੇ ਵੀਡੀਓ ਬਣਾਕੇ ਪਾਉਣ ਵਾਲੇ ਨਾਲ ਹੁੰਦੇ ਹਨ,ਜਦ ਇਹ ਜਾਦੇ ਹਨ, ਤਾਂ ਉੱਥੇ ਚੱਲ ਰਹੇ ਕੰਮ ਅਤੇ ਸੇਵਾ ਦੇ ਵਿੱਚ ਵਿਘਨ ਪੈਦਾ ਹੈ,ਕਿਸਤੀਆ ਦੀ ਤਾਂ ਪਹਿਲਾ ਹੀ ਘਾਟ ਚੱਲ ਰਹੀ ਆ,ਉੱਪਰੋਂ ਇਹ ਲੋਕ ਜਾਕੇ ਇੱਕ ਜਾ ਦੋ ਕਿਸਤੀਆ ਰੋਕ ਲੈਦੇ ਆ ਅਤੇ ਫਿਰ ਪਾਣੀ ਚ ਜਾਕੇ ਫੋਟੋ ਕਰਵਾਉਦੇ ਵੀਡੀਓ ਬਣਾਉਣ ਲੱਗ ਜਾਦੇ ਆ,ਅਤੇ ਪਹਿਲਾ ਤੋਂ ਸੇਵਾ ਕਰ ਰਹੇ ਸੇਵਾਦਾਰਾਂ ਦੇ ਕੰਮ ਚ ਰੁਕਾਵਟ ਪੈ ਜਾਦੀ ਆ।
ਹੱਥ ਬੰਨ੍ਹ ਕੇ ਬੇਨਤੀ ਆ ਵੀ ਆਹ ਕੰਮ ਤੁਸੀ ਬਾਅਦ ਚ ਕਰ ਲਿਉ ਪਹਿਲਾ ਉੱਥੇ ਸੇਵਾ ਕਰ ਰਹੇ ਸੇਵਾਦਾਰਾਂ ਤੋਂ ਕਿਸਤੀਆਂ ਲੈਕੇ ਅਜਿਹਾ ਕੰਮ ਨਾ ਕਰੋ ਯਰ ਉਹ ਪਹਿਲਾ ਤੋਂ ਉੱਥੇ ਕੰਮ ਕਰ ਰਹੇ ਆ ਉਹਨਾਂ ਨੂੰ ਉੱਥੇ ਦੇ ਉਸ ਏਰੀਏ ਬਾਰੇ ਪਤਾ ਵੀ ਲੋਕ ਕਿੱਥੇ ਕਿੱਥੇ ਫਸੇ ਹੋਏ ਆ ਜਾ ਕਿੱਥੇ ਕਿੱਥੇ ਰਾਸ਼ਨ ਅਜੇ ਤੱਕ ਨਹੀ ਪਹੁੰਚ ਸਕਿਆ ਜਾ ਕੋਈ ਮਦਦ ਨਹੀ ਪਹੁੰਚ ਸਕੀ,ਕਿਰਪਾ ਕਰਕੇ ਕਰ ਲੈਣ ਦਿਉ ਕੰਮ ਠੀਕ ਆ ਤੁਸੀ ਸੇਵਾ ਕਰਨ ਗਏ ਓ,ਤਾਂ ਉੱਥੇ ਦੇ ਪਿੰਡਾਂ ਦੇ ਲੋਕਾਂ ਨੂੰ ਨਾਲ ਲੈਕੇ ਚੱਲੋ।

04/09/2025

ਹਰ ਸਾਲ ਬਰਸਾਤ ਦੇ ਮੌਸਮ ਤੋਂ ਪਹਿਲਾ ਪੰਜਾਬ ਸਰਕਾਰ ਵੱਲੋਂ ਸੰਬੰਧਤ ਵਿਭਾਗਾਂ ਨੂੰ ਡਰੇਨਾਂ,ਨਾਲਿਆਂ ,ਚੋਆ ਦੀ ਸਫਾਈ ਅਤੇ ਡਰੇਨਾਂ ਵਿੱਚੋਂ ਬੂਟੀ ਕੱਢਣ ਅਤੇ ਵਿੱਚੋਂ ਘਾਹ ਫੂਸ ਸਾਫ ਕਰਨ ਅਤੇ ਮੁਰੰਮਤ ਕਰਨ ਲਈ ਕਿਹਾ ਜਾਦਾ ਅਤੇ ਪੈਸਾ ਵੀ ਦਿੱਤਾ ਜਾਂਦਾ, ਤਾਂ ਬਰਸਾਤ ਦੇ ਮੌਕੇ ਬਰਸਾਤ ਦਾ ਪਾਣੀ ਅੱਗੇ ਜਾ ਸਕੇ,ਅਤੇ ਕੋਈ ਨੁਕਸਾਨ ਨਾ ਹੋਵੇ,ਪਰ ਇਸ ਵਾਰ ਜੋ ਖਬਰਾਂ ਆਈਆ ਅਤੇ ਸੋਸਲ ਮੀਡੀਆ ਜਰੀਏ ਦੇਖਿਆ ਕਿ ਬਾਰਿਸ਼ ਦਾ ਪਾਣੀ ਜਿਆਦਾ ਆ ਰਿਹਾ ਸੀ ,ਅਤੇ ਜਦ ਡਰੇਨਾਂ ਵਿੱਚ ਪਾਣੀ ਦਾ ਪੱਧਰ ਵੱਧਣ ਲੱਗਿਆ ਤਾਂ ਫਿਰ ਸਥਾਨਕ ਲੋਕ ਰੌਲਾ ਪਾਉਣ ਲੱਗੇ ਤਾਂ ਜਾਕੇ ਪ੍ਰਸਾਸਨ ਅਤੇ ਸੰਬੰਧਤ ਅਧਿਕਾਰੀਆ ਦੀ ਕੁੰਭਕਰਨੀ ਨੀਂਦ ਖੁੱਲੀ ਅਤੇ ਜਦ ਪਾਣੀ ਪੁਲਾਂ ਦੇ ਉੱਪਰ ਦੀ ਲੰਘਣ ਲੱਗਿਆ ਫੇਰ ਕਿਤੇ ਜਾਕੇ ਪੋਪਲੇਨ ਕਰੇਨਾਂ ਆਈਆ ਅਤੇ ਮੌਕੇ ਤੇ ਡਰੇਨਾਂ ਚੋ ਫਸੀ ਬੂਟੀ ਬਾਹਰ ਕੱਢਣ ਲੱਗੇ।
ਹੁਣ ਇੱਥੇ ਸਵਾਲ ਇਹ ਉੱਠਦਾ ਕਿ ਜੇਕਰ ਪਹਿਲਾ ਸਫਾਈ ਕੀਤੀ ਗਈ ਸੀ,ਤਾਂ ਬੂਟੀ ਕਿੱਥੋ ਆਈ,ਜੇ ਸਫਾਈ ਨਹੀ ਕੀਤੀ ਗਈ ਸੀ,ਤਾਂ ਕਿਉ ਨੀ ਕੀਤੀ ਗਈ ਸੀ ?
ਇਸ ਸੰਬੰਧੀ ਜਿਹਨਾਂ ਸੰਬੰਧਤ ਅਧਿਕਾਰੀਆ ਦੀ ਡਿਊਟੀ ਬਣਦੀ ਸੀ ,ਉਹਨਾਂ ਨੂੰ ਤਲਬ ਕਰਕੇ ਉਹਨਾਂ ਉੱਪਰ ਬਣਦੀ ਸਖਤ ਤੋਂ ਸਖਤ ਕਾਰਵਾਈ ਕੀਤੀ ਜਾਵੇ,ਅਤੇ ਮੋਟੀ ਰਕਮ ਦੇ ਰੂਪ ਵਿੱਚ ਜੁਰਮਾਨਾ ਕੀਤਾ ਜਾਵੇ। ਕਿਉਕਿ ਉਹਨਾਂ ਸੰਬੰਧਤ ਅਧਿਕਾਰੀਆ ਦੀ ਅਣਗਹਿਲੀ ਕਾਰਨ ਪੰਜਾਬ ਦੇ ਪਿੰਡਾਂ ਦੇ ਲੋਕਾਂ ਦਾ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋਇਆ

03/09/2025

ਹੜ੍ਹ ਦੀ ਤੁਰੰਤ ਚੇਤਾਵਨੀ ਅਤੇ ਲੋਕਾਂ ਨੂੰ ਸੁਰੱਖਿਅਤ ਥਾਂਵਾਂ ‘ਤੇ ਜਾਣ ਦੀ ਅਪੀਲ
- ਘੱਗਰ ਦਰਿਆ - ਤਹਿਸੀਲ ਰਾਜਪੁਰਾ (ਘਨੌਰ) ਦੇ ਘੱਗਰ ਨੇੜੇ ਲੱਗਦੇ ਪਿੰਡਾਂ ਵਿੱਚ ਘੱਗਰ ਵਿੱਚ ਕਿਸੇ ਵੀ ਸਮੇਂ ਪਾੜ ਪੈ ਸਕਦਾ ਹੈ, ਇਸ ਲਈ ਹੇਠ ਲਿਖੇ ਪਿੰਡਾਂ ਦੇ ਲੋਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਤੁਰੰਤ ਸੁਰੱਖਿਅਤ ਥਾਂਵਾਂ ‘ਤੇ ਪਹੁੰਚਣ।
ਤੇਪਲਾ, ਰਾਜਗੜ੍ਹ, ਮਹਿਮੂਦਪੁਰ, ਦੜਵਾ, ਸੰਜਰਪੁਰ, ਨਨਹੇੜੀ, ਰਾਏਪੁਰ, ਸ਼ਮਸਪੁਰ, ਊਂਟਸਰ, ਜੰਡ ਮੰਗੋਲੀ, ਹਰਪਾਲਾਂ, ਕਾਮੀ ਖੁਰਦ, ਰਾਮਪੁਰ, ਸੌਂਟਾ, ਚਮਾਰੂ, ਕਪੂਰੀ, ਕਮਾਲਪੁਰ, ਲਾਛੜੂ ਖੁਰਦ, ਸਰਾਲਾ ਕਲਾਂ, ਮਹਿਦੂਦਾ, ਸਰਾਲਾ ਖੁਰਦ।
ਇਨ੍ਹਾਂ ਪਿੰਡਾਂ ਦੇ ਵਸਨੀਕਾਂ ਨੂੰ ਤੁਰੰਤ ਆਪਣੇ ਘਰ ਖਾਲੀ ਕਰਕੇ ਸੁਰੱਖਿਅਤ ਥਾਵਾਂ 'ਤੇ ਜਾਣ ਦੀ ਬੇਨਤੀ ਕੀਤੀ ਜਾਂਦੀ ਹੈ।
ਜ਼ਿਲ੍ਹਾ ਪ੍ਰਸ਼ਾਸਨ ਦੀਆਂ ਟੀਮਾਂ ਸਹਾਇਤਾ ਪ੍ਰਦਾਨ ਕਰਨ ਲਈ ਹਾਜ਼ਰ ਹਨ। ਕਿਰਪਾ ਕਰਕੇ ਸਹਿਯੋਗ ਕਰੋ ਅਤੇ ਆਪਣੀ ਸੁਰੱਖਿਆ ਨੂੰ ਤਰਜੀਹ ਦਿਓ। ਸਿਰਫ਼ ਅਧਿਕਾਰਤ ਚੇਤਾਵਨੀਆਂ ਦੀ ਪਾਲਣਾ ਕਰੋ। ਪ੍ਰਸ਼ਾਸਨ ਵੱਲੋਂ ਰਾਹਤ ਕੇਂਦਰਾਂ ਦੀ ਵੀ ਸਥਾਪਨਾ ਕੀਤੀ ਗਈ ਹੈ, ਜਿਨ੍ਹਾਂ ਵਿੱਚ ਵੀ ਮਦਦ ਲਈ ਜਾ ਸਕਦੀ ਹੈ।
ਕਿਸੇ ਵੀ ਸੂਚਨਾ ਜਾਂ ਮਦਦ ਲਈ ਤੁਰੰਤ ਰਾਜਪੁਰਾ ਦੇ ਫਲੱਡ ਕੰਟਰੋਲ ਰੂਮ ਦੇ ਨੰਬਰ 01762-224132 ਅਤੇ ਪਟਿਆਲਾ ਜ਼ਿਲ੍ਹਾ ਦੇ ਕੰਟਰੋਲ ਰੂਮ ਨੰਬਰ 0175-2350550 ਤੇ 2358550 ‘ਤੇ ਸੰਪਰਕ ਕੀਤਾ ਜਾਵੇ।

03/09/2025

ਸਰਕਾਰੀ ਸਕੂਲਾਂ,ਕਾਲਜਾ ਵਿੱਚ 07 ਸਤੰਬਰ 2025 ਤੱਕ ਹੋਈਆ ਛੁੱਟੀਆ

03/09/2025

ਹੜ੍ਹ ਆਉਣ ਕਾਰਨ ਆਲਣਿਆਂ (ਘਰਾਂ) ਚ ਪਾਣੀ ਵੜ ਗਿਆ, ਫਸਲਾਂ ਤਬਾਹ ਹੋ ਗਈਆ,ਪਸੂ ਪਾਣੀ ਚ ਰੁੜ੍ਹ ਗਏ ਬਹੁਤ ਪਸੂ ਮ,ਰ ਵੀ ਗਏ, ਲੋਕ ਘਰੋਂ ਬੇਘਰ ਹੋ ਗਏ, ਅਜੇ ਵੀ ਇੰਨਾ ਪਾਣੀ ਆ,ਪਰ ਸਾਡੇ ਲੋਕਾਂ ਦਾ ਜਿਗਰਾਂ ਬਹੁਤ ਵੱਡੇ ਐਡੇ,ਐਡੇ ਦਿਲ ਆ ਇਹਨਾ ਲੋਕਾਂ ਦੇ ਜਦ ਕੋਈ ਮਦਦ ਲਈ ਜਾਦਾ,ਤਾਂ ਸਭ ਤੋਂ ਪਹਿਲਾਂ ਪੁੱਛਦੇ ਆ ਬਾਬਾ ਜੀ ,ਬਾਈ ਜੀ ਕੀ ਹਾਲ ਆ ,ਤਾਂ ਅੱਗਿਓ ਕਹਿੰਦੇ ਆ ਚੜ੍ਹਦੀ ਕਲਾ,ਸੁਕਰ ਆ ਪ੍ਰਮਾਤਮਾ ਦਾ ਇਹ ਸਬਦ ਸੁਨਣ ਨੂੰ ਮਿਲਦੇ ਆ ਅਤੇ ਹਰ ਇਨਸਾਨ ਜੋ ਸੇਵਾ ਕਰਨ ਦੇ ਲਈ ਜਾਦਾ ਤਾਂ ਇਹ ਸਬਦ ਸੁਣਦੇ ਹੀ ਮਨ ਭਰ ਜਾਂਦਾ ਅਤੇ ਅੱਖਾ ਨਮ ਹੋ ਜਾਦੀਆ।
ਵਾਹਿਗੁਰੂ ਮੇਹਰ ਕਰੇ

02/09/2025

ਪੰਜਾਬ ਚ ਹੜ੍ਹ ਆਉਣ ਕਾਰਨ ਬਹੁਤ ਨੁਕਸਾਨ ਹੋ ਚੁੱਕਿਆ ਹੈ,ਪਰ ਰਾਜਨੀਤਕ ਪਾਰਟੀਆ ਦੇ ਲੀਡਰ ਸਿਆਸਤ ਕਰਨ ਲੱਗੇ ਹੋਏ ਆ ਵੱਡੇ ਵੱਡੇ ਬਿਆਨ ਦੇ ਰਹੇ ਆ ਕਦੇ ਬਿਆਨ ਆਉਦਾ ਵੀ ਜਲਦ ਪੰਜਾਬ ਦਾ ਦੌਰਾ ਕਰਨਗੇ ਮੰਤਰੀ ਸਾਹਿਬ ਕਦੇ ਕੁਛ ਅਤੇ ਕਦੇ ਕੁਛ ਕਿਰਪਾ ਕਰਕੇ ਬੇਨਤੀ ਆ ਵੀ ਰਾਜਨੀਤੀ ਬਾਅਦ ਚ ਕਰ ਲਿਉ ਆਪਣੀਆ ਸਿਆਸੀ ਰੋਟੀਆਂ ਬਾਅਦ ਚ ਸੇਕ ਲਿਓ,ਪੰਜਾਬ ਦੇ ਲੋਕ ਇੱਕ ਦੂਜੇ ਨਾਲ ਖੜ੍ਹੇ ਮਦਦ ਕਰ ਰਹੇ ਆ ਇਹਨਾਂ ਨੂੰ ਆਪਣਾ ਕੰਮ ਕਰ ਲੈਣ ਦਿਉ ਤੁਹਾਡੇ ਦੌਰੇ ਕਰਨ ਨਾਲ ਇਕੱਠ ਤਾਂ ਵੱਧ ਜਾਦਾ ਅਤੇ ਕੰਮ ਕਰਨ ਚ ਵਿਘਨ ਜਿਆਦਾ ਪੈਦਾ,ਕਿਰਪਾ ਕਰਕੇ ਦੌਰੇ ਬਾਅਦ ਚ ਕਰ ਲੈਣਾ ਪਹਿਲਾ ਲੋਕਾਂ ਨੂੰ ਮੁਸੀਬਤ ਚੋ ਬਾਹਰ ਨਿਕਲ ਜਾਣ ਦਿਉ।
ਜਦ ਕੋਈ ਵੀ ਲੀਡਰ ਦੌਰਾ ਕਰਨ ਜਾਦਾ ਤਾਂ ਉਸ ਨਾਲ ਉਹਨਾ ਦਾ ਅਮਲਾ ਅਤੇ ਫੋਟੋਆਂ ਕਰਨ ਵਾਲੇ ਲੋਕ ਜਿਆਦਾ ਹੁੰਦੇ ਹਨ, ਅਤੇ ਉੱਥੇ ਮਦਦ ਕਰ ਰਹੇ ਨੋਜਵਾਨਾਂ ਨੂੰ ਕੁਝ ਸਮੇ ਲਈ ਕੰਮ ਕਰਨ ਤੋਂ ਰੁਕਣਾ ਪੈਦਾ,ਕੰਮ ਰੁਕਣ ਦੇ ਨਾਲ ਸਮਾ ਬਰਾਮਦ ਹੁੰਦਾ,ਇਨੇ ਸਮੇ ਚ ਕੁਝ ਦਾ ਕੁਝ ਹੋ ਜਾਦਾ ।

31/08/2025

03 ਸਤੰਬਰ ਤੱਕ ਸਕੂਲਾਂ ਚ ਹੋਈਆ ਛੁੱਟੀਆ
ਹੜ੍ਹ ਆਉਣ ਕਾਰਨ ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਦੇ ਸਕੂਲਾ ਵਿੱਚ 31 ਅਗਸਤ ਤੱਕ ਛੁੱਟੀਆਂ ਕੀਤੀਆ ਗਈਆ ਸਨ, ਪਰ ਲਗਾਤਾਰ ਬਾਰਿਸ਼ ਹੋਣ ਕਾਰਨ ਪੰਜਾਬ ਸਰਕਾਰ ਵੱਲੋਂ ਸਕੂਲਾ ਵਿੱਚ ਛੁੱਟੀਆ ਚ ਵਾਧਾ ਕਰਦਿਆ 03 ਸਤੰਬਰ 2025 ਤੱਕ ਛੁੱਟੀਆ ਵਧਾ ਦਿੱਤੀਆ ਗਈਆ ਹਨ।
ਇਸ ਸੰਬੰਧੀ ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਵੱਲੋਂ ਆਪਣੇ ਐਕਸ ਖਾਤੇ ਤੇ ਜਾਣਕਾਰੀ ਸਾਂਝੀ ਕੀਤੀ ਗਈ।

31/08/2025

- ਬੀਤੇ ਦਿਨਾਂ ਤੋਂ ਹੋ ਰਹੀ ਲਗਾਤਾਰ ਬਾਰਿਸ਼ ਕਾਰਨ ਪੰਜਾਬ ਚ ਆਏ ਹੜ੍ਹ ਦੇ ਕਾਰਨ ਸੂਬੇ ਦਾ ਭਾਰੀ ਨੁਕਸਾਨ ਹੋ ਰਿਹਾ ਇਸ ਔਖੇ ਵੇਲੇ ਚ ਬਹੁਤ ਸਾਰੇ ਅਦਾਕਾਰ,ਗਾਇਕ ਪੰਜਾਬ ਦੇ ਲੋਕਾਂ ਦੀ ਹਰ ਸੰਭਵ ਮਦਦ ਕਰ ਰਹੇ ਹਨ, ਇਸ ਦੌਰਾਨ ਵੱਡੇ ਪਰਦੇ ਦੇ ਫਿਲਮੀ ਅਦਾਕਾਰ ਸੱਜੇ ਦੱਤ ਨੇ ਕਿਹਾ ਕਿ ' ਪੰਜਾਬ ਚ ਹੜ੍ਹਾਂ ਕਾਰਨ ਹੋਈ ਤਬਾਹੀ ਸੱਚਮੁੱਚ ਦਿਲ ਨੂੰ ਝੰਜੋੜਨ ਵਾਲੀ ਆ" ਇਸ ਮੌਕੇ ਉਹਨਾ ਕਿਹਾ ਕਿ ਮੈ ਪੰਜਾਬ ਦੇ ਲੋਕਾਂ ਦੀ ਹਰ ਸੰਭਵ ਮਦਦ ਕਰਾਂਗਾ ਅਤੇ ਮੈਂ ਹੜ੍ਹ ਪ੍ਰਭਾਵਿਤ ਲੋਕਾਂ ਲਈ ਅਰਦਾਸ ਕਰਦਾ ਹਾਂ- ਸੰਜੇ ਦੱਤ

31/08/2025

ਵਾਹਿਗੁਰੂ ਮੇਹਰ ਕਰੇ
ਅੱਜ 31-08-25 ਸਾਮ 6:30 ਵਜੇ ਤੋਂ ਫੇਰ ਬਾਰਿਸ਼ ਹੋ ਰਹੀ ਆ ਆਓ ਉਸ ਅਕਾਲ ਪੁਰਖ ਪ੍ਰਮਾਤਮਾ ਅੱਗੇ ਸਰਬੱਤ ਦੇ ਭਲੇ ਦੀ ਅਰਦਾਸ ਕਰੀਏ।

31/08/2025

" ਜੇਕਰ ਕਿਸੇ ਦਾ ਚੰਗਾ ਨੀ ਕਰ ਸਕਦੇ ,ਤਾਂ ਮਾੜਾ ਵੀ ਨਾ ਕਰੋ "

- ਬੀਤੇ ਦਿਨਾਂ ਤੋਂ ਹੋ ਰਹੀ ਲਗਾਤਾਰ ਤੇਜ ਬਾਰਿਸ਼ ਕਾਰਨ ਸੂਬੇ ਚ ਹੜ੍ਹ ਆਉਣ ਕਰਕੇ ਪੰਜਾਬ ਦਾ ਬਹੁਤ ਵੱਡਾ ਨੁਕਸਾਨ ਹੋ ਰਿਹਾ ਹੈ,ਦੁਨੀਆਂ ਭਰ ਚ ਕਿਤੇ ਵੀ ਕੋਈ ਔਖਾ ਵੇਲਾ ਆਉਦਾ ਕੋਈ ਮੁਸੀਬਤ ਆਉਦੀ ਆ ਤਾਂ ਪੰਜਾਬੀ ਹਰ ਥਾਂ ਹਿੱਕ ਡਾਹ ਕੇ ਖੜ੍ਹ ਜਾਂਦੇ ਹਨ,ਅਤੇ ਹੁਣ ਪੰਜਾਬ ਚ ਹੜ੍ਹ ਆਏ ਹੋਏ ਹਨ, ਤਾਂ ਪੰਜਾਬ ਦੇ ਲੋਕਾਂ ਹੀ ਆਪਣਿਆ ਨਾਲ ਖੜ੍ਹ ਗਏ ਹਨ, ਅਤੇ ਮੁਸੀਬਤ ਦਾ ਹੱਸਦੇ ਹੋਏ ਸਾਹਮਣਾ ਕਰ ਹਰੇ ਹਨ,ਕਿੰਨਾ ਵੱਡਾ ਜਿਗਰਾ ਉਸ ਅਕਾਲ ਪੁਰਖ ਨੇ ਬਖਸ਼ਿਆ ।
ਪਰ ਹਰ ਕਿਤੇ ਜਿੱਥੇ ਚੰਗੇ ਲੋਕ ਹਨ, ਉੱਥੇ ਮਾੜੇ ਲੋਕ ਵੀ ਬਹੁਤ ਹਨ,ਇਹ ਹਮੇਸ਼ਾ ਹੀ ਰਿਹਾ ਕਿ ਚੰਗਾਈ ਦੇ ਨਾਲ ਬੁਰਾਈ ਵੀ ਹੁੰਦੀ ਹੈ,ਅੱਜ ਮੈ ਸੋਸਲ ਮੀਡੀਆ ਤੇ ਇੱਕ ਵੀਡੀਓ ਦੇਖ ਰਿਹਾ ਸੀ,ਕਿ ਪ੍ਰਸਾਸਨ ਦੀ ਇੱਕ ਹਾਈਟੈਕ ਗੱਡੀ ਜੋ ਕਿ ਲੋਕਾਂ ਨੂੰ ਰੈਸਕਿਊ ਕਰਨ ਲਈ ਜਾ ਉਹਨਾਂ ਨੂੰ ਹਰ ਮਦਦ ਦੇਣ ਲਈ ਦਿੱਤੀਆ ਗਈਆ ਹਨ, ਉਸ ਵਿੱਚ ਡੀ ਸੀ ਮੈਡਮ ਤੇ ਉਹਨਾਂ ਦੀ ਰੈਸਕਿਊ ਟੀਮ ਉਹਨਾਂ ਨਾਲ ਪਾਣੀ ਚ ਕਿਸੇ ਪਿੰਡ ਗਏ ਸਨ,ਉੱਥੇ ਪਾਣੀ ਚ ਫਸੇ ਲੋਕਾਂ ਨੂੰ ਬਚਾਉਣ ਦੇ ਲਈ ਤਾਂ ਉੱਥੇ ਅੱਗੇ ਪਾਣੀ ਚ ਖੜ੍ਹਾ ਉਹਨਾਂ ਨੂੰ ਇੱਕ ਬਜੁਰਗ ਮਿਲ ਗਿਆ, ਅਤੇ ਉਸ ਬਜੁਰਗ ਨੇ ਡੀ ਸੀ ਮੈਡਮ ਦੇ ਕੰਮ ਦੀ ਬਹੁਤ ਪ੍ਰਸੰਸਾ ਕੀਤੀ ਅਤੇ ਡੀ ਸੀ ਮੈਡਮ ਨੇ ਉਹਨਾਂ ਨੂੰ ਕਿਹਾ ਕਿ ਬਾਪੂ ਜੀ ਅਸੀਂ ਤੁਹਾਨੂੰ ਪਾਣੀ ਚੋ ਬਾਹਰ ਕੱਢਕੇ ਬਾਹਰ ਸੁਰੱਖਿਅਤ ਜਗ੍ਹ ਤੇ ਲਿਜਾਣ ਲਈ ਆਏ ਹਾਂ ਤੁਸੀ ਸਾਡੇ ਨਾਲ ਚੱਲੋ ਮੈਡਮ ਨੇ ਉਸ ਬਜੁਰਗ ਨੂੰ ਬਹੁਤ ਸਮਝਾਇਆ ਪਰ ਅੱਗੇ ਬਜੁਰਗ ਬਾਪੂ ਮੈਡਮ ਦੇ ਕੰਮ ਦੀ ਪ੍ਰਸੰਸਾ ਕਰ ਰਿਹਾ ਸੀ,ਤਾਂ ਮੈਡਮ ਨੇ ਫਿਰ ਕਿਹਾ ਵੀ ਤੁਸੀਂ ਸਾਡੇ ਨਾਲ ਗੱਡੀ ਚ ਸੁਰੱਖਿਅਤ ਥਾਂ ਤੇ ਚੱਲੋ ਤਾਂ ਅੱਗੋਂ ਬਜੁਰਗ ਨੇ ਕਿਹਾ ਕਿ ਤੁਹਾਡਾ ਬਹੁਤ ਧੰਨਵਾਦ ਪਰ ਬੇਨਤੀ ਆ ਕਿ ਅਸੀਂ ਆਪਣੇ ਘਰਾਂ ਚ ਇੱਕ-ਇੱਕ ਜਾ ਦੋ-ਦੋ ਮੈਬਰਾ ਰੁਕੇ ਹੋਏ ਹਾਂ,ਪਰ ਮੈਡਮ ਕਹਿੰਦੇ ਵੀ ਤੁਸੀ ਵੀ ਸਾਡੇ ਨਾਲ ਚੱਲੋ ਬਜੁਰਗ ਬਾਪੂ ਕਹਿੰਦਾ ਅਸੀਂ ਮਜਬੂਰ ਆ ਘਰ ਨੀ ਛੱਡ ਸਕਦੇ ਇਹਨਾਂ ਹਲਾਤਾਂ ਚ ਵੀ ਚੋਰ ਬਹੁਤ ਹਨ ਘਰਾਂ ਚ ਚੋਰੀਆ ਕਰ ਰਹੇ ਹਨ, ਸਾਡੀ ਬੇਨਤੀ ਆ ਵੀ ਘਰ ਅਤੇ ਘਰਾਂ ਦਾ ਕੀਮਤੀ ਸਮਾਨ ਬਣਾਉਣਾ ਬਹੁਤ ਔਖਾ।
ਹੁਣ ਇੱਥੇ ਇਹ ਗੱਲ ਕਰਨ ਦਾ ਮਕਸਦ ਇਹ ਆ ਕਿ ਪੰਜਾਬ ਦੇ ਲੋਕ ਇੱਕ ਜਿੱਥੇ ਇਹਨੀ ਵੱਡੀ ਮੁਸੀਬਤ ਚ ਇੱਕ ਦੂਜੇ ਨਾਲ ਹਿੱਕ ਡਾਹ ਕੇ ਖੜ੍ਹੇ ਹਨ, ਉੱਥੇ ਹੀ ਕੁਝ ਕੁ ਘਟੀਆ ਲੋਕ ਅਜਿਹੀਆ ਸ਼ਰਮਨਾਕ ਹਰਕਤਾਂ ਕਰ ਰਹੇ ਹਨ।
" ਜੇਕਰ ਕਿਸੇ ਦਾ ਚੰਗਾ ਨੀ ਕਰ ਸਕਦੇ ,ਤਾਂ ਮਾੜਾ ਵੀ ਨਾ ਕਰੋ "

Punjab tv news

13/09/2025

07/09/2025

06/09/2025

04/09/2025

03/09/2025

03/09/2025

03/09/2025

02/09/2025

31/08/2025

31/08/2025

31/08/2025

31/08/2025

Address

Telephone

Website

Alerts

Contact The Business

Shortcuts

Share

Category