Jass virk

31/10/2023

ਅੱਜ ਦਾ ਵਿਚਾਰ (31ਅਕਤੂਬਰ) ਇਨਕਲਾਬੀ ਮਰ ਜਾਂਦਾ ਹੈ,ਪਰ ਉਹ ਕਦੇ ਬੁੱਢਾ ਨਹੀ ਹੁੰਦਾ।(ਬਾਬਾ ਸੋਹਣ ਸਿੰਘ ਭਕਨਾ)।
ਅੱਜ ਦੇ ਦਿਨ : 31-10-1795 ਪ੍ਰਸਿੱਧ ਅੰਗਰੇਜ਼ੀ ਕਵੀ ਜੌਹਨ ਕੀਟਸ ਦਾ ਜਨਮ।1875 ਦੇਸ਼ ਦੇ ਪਹਿਲੇ ਗ੍ਰਹਿ ਤੇ ਉਪ ਪ੍ਰਧਾਨ ਮੰਤਰੀ ਸਰਦਾਰ ਵੱਲਭ ਭਾਈ ਪਟੇਲ ਦਾ ਜਨਮ ਤੇ 2018ਵਿੱਚ ਕੇਂਦਰ ਸਰਕਾਰ ਨੇ ਗੁਜਰਾਤ ਵਿੱਚ 597.11 ਫੁੱਟ (182 ਮੀਟਰ)ਉੱਚਾ ਬੁੱਤ ਲਗਭਗ 2990 ਕਰੋੜ ਦੀ ਲਾਗਤ ਵਾਲਾ ਬਣਾਉਣ ਲਈ ਨੀਂਹ ਰੱਖੀ ਸੀ ਜਿਸ ਦਾ ਉਦਘਾਟਨ ਅੱਜ ਦੇ ਦਿਨ ਕੀਤਾ ਗਿਆ ।1880 ਗਣਿਤ ਵਿਗਿਆਨੀ ਡਾਕਟਰ ਪ੍ਰੋਫੈਸਰ ਰਾਮਾ ਚੰਦਰ ਦਾ ਦਿਹਾਂਤ।1926 ਫਿਜਿਕਸ ਖੇਤਰ ਦੇ ਫਾਈਬਰ ਉਪਟਿਕਸ ਪਿਤਾਮਾ ਵਿਗਿਆਨੀ ਡਾਕਟਰ ਨਰਿੰਦਰ ਸਿੰਘ ਕਪਾਨੀ ਦਾ ਮੋਗਾ ਵਿਖੇ ਜਨਮ।1952 ਅਮਰੀਕਾ ਨੇ ਪਹਿਲਾ ਹਾਈਡਰੋਜਨ ਬੰਬ ਚਲਾਇਆ।1984 ਦੇਸ਼ ਦੀ ਪਹਿਲੀ ਔਰਤ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦਾ ਉਸ ਦੇ ਅੰਗ ਰੱਖਿਅਕਾਂ ਵੱਲੋਂ ਕਤਲ।1987 ਵਿਗਿਆਨੀ ਡਾਕਟਰ ਆਰ ਸੀ ਬੋਸ ਦਾ ਦਿਹਾਂਤ।2005 ਪ੍ਰਸਿੱਧ ਕਵਿਤਰੀ ਲੇਖਿਕਾ ਅੰਮਿ੍ਤਾ ਪ੍ਰੀਤਮ ਦਾ ਦਿਹਾਂਤ।
*ਹੈਲੋਵਿਨ ਡੇ* : ਹਰ ਸਾਲ ਦੁਨੀਆਂ ਵਿੱਚ 31 ਅਕਤੂਬਰ ਅਤੇ ਪੱਛਮੀ ਦੇਸ਼ਾਂ ਵਿੱਚ 31 ਅਕਤੂਬਰ ਤੋਂ ਪੰਜ ਨਵੰਬਰ ਤੱਕ ਮਨਾਇਆ ਜਾਂਦਾ ਹੈ।ਇਹ ਤਿਉਹਾਰ ਦੀਵਾਲੀ ਤੇ ਲੋਹੜੀ ਵਰਗਾ ਤਿਉਹਾਰ ਹੁੰਦਾ ਹੈ।ਇਸ ਦੀ ਝਲਕ ਲੋਹੜੀ ਵਰਗੀ ਹੁੰਦੀ ਹੈ ਕਿਉਕਿ ਰਿਉੜੀਆਂ, ਕਣਕ ਤੇ ਰੁਪਏ ਵੰਡੇ ਜਾਂਦੇ ਹਨ।ਛੋਟੇ ਬੱਚਿਆਂ ਨੂੰ ਕੈਂਡੀਆਂ ਤੇ ਚਾਕਲੇਟ ਵੰਡੇ ਜਾਂਦੇ ਹਨ। ਵੱਖ ਵੱਖ ਸ਼ਹਿਰਾਂ ਵਿੱਚ ਬੱਚਿਆਂ ਦੀ ਹਿਫਾਜਤ ਤੇ ਕਿਸੇ ਕਿਸਮ ਦੀ ਮਾੜੀ ਘਟਨਾ ਨੂੰ ਰੋਕਣ ਲਈ ਪੁਲਿਸ ਦੀਆਂ ਗੱਡੀਆਂ ਤਿਆਰ ਰੱਖੀਆਂ ਜਾਂਦੀਆਂ ਹਨ।ਪੰਜਾਬੀ ਵੀ ਹੁਣ ਇਸ ਵਿੱਚ ਸ਼ਾਮਲ ਹੋ ਰਹੇ ਹਨ ਤੇ ਉਹ ਘਰਾਂ ਅੱਗੇ ਕੈਂਡੀ ਵਾਲੀ ਟੋਕਰੀ ਲੈ ਕੇ ਬੈਠ ਜਾਂਦੇ ਹਨ ਤੇ ਲੋਹੜੀ ਵਰਗੀ ਖੁਸ਼ੀ ਮਹਿਸੂਸ ਕਰਦੇ ਹਨ।ਇਸ ਦਿਨ ਭੂਤ (ਡਰਾਵਨੀ ਸ਼ਕਲ) ਦੇ ਕਿਰਦਾਰ ਵਿੱਚ ਲੋਕ ਮੂੰਹ ਤੇ ਮਾਸਕ ਅਤੇ ਵਿਸ਼ੇਸ ਡਰੈੱਸ ਪਾ ਕੇ ਦੂਜਿਆਂ ਦਾ ਮੰਨੋਰੰਜਨ ਕਰਦੇ ਹਨ।ਹੈਰੀਪਾਟਰ ਵਾਂਗ ਹਾਰਰ ਫਿਲਮਾਂ, ਭੂਤਾਂ ਦੇ ਕਾਮਿਕਸ,ਭੂਤ ਕਰੈਕਟਰ ਦੀਆਂ ਹਰਕਤਾਂ ਨਾਲ ਲੋਕ ਥਰਿਲ ਨਾਲ ਡਰ ਜਾਂਦੇ ਤੇ ਡਰ ਕੇ ਕੰਬ ਜਾਂਦੇ ਹਨ। ਬੈਟਮੇਨ,ਕਾਲੀ ਬਿੱਲੀ,ਮੱਕੜੀਆਂ ਚਮਗਿੱਦੜ ਤੇ ਕੰਕਾਲ ਦੇ ਡਰੈੱਸ ਪਾਏ ਹੁੰਦੇ ਹਨ।ਇਸ ਦਿਨ ਸੰਤਰੀ ਰੰਗ ਦੇ ਵੱਡੇ ਅਕਾਰ ਦੇ ਕੱਦੂ ਨੂੰ ਲਾਲਟੈਨ ਦਾ ਰੂਪ ਦਿੱਤਾ ਜਾਂਦਾ ਹੈ।
*ਕਿੱਕਰ* (ਵਿਗਿਆਨਕ ਨਾਂ Acacia nilotica, ਅਰਬੀ ਗੋਂਦ ਦਾ ਰੁੱਖ,ਬਬੂਲ,ਮਿਸਰੀ ਕੰਡਾ, ਜਾਂ ਕੰਡਿਆਲੀ ਕਿੱਕਰ,ਨੂੰ ਆਸਟਰੇਲੀਆ ਵਿੱਚ ਥਾਰਨ ਮਿਮੋਸਾ, ਦੱਖਣ ਅਫਰੀਕਾ ਵਿੱਚ ਲੇੱਕੇਰੁਇਕਪਿਉਲ ਅਤੇ ਭਾਰਤ ਵਿੱਚ ਬਬੂਲ ਜਾਂ ਕਿੱਕਰ ਕਹਿੰਦੇ ਹਨ) ਇੱਕ ਅਕੇਸੀਆ ਪ੍ਰਜਾਤੀ ਦਾ ਰੁੱਖ ਹੈ। ਇਹ ਅਫਰੀਕਾ ਮਹਾਂਦੀਪ ਅਤੇ ਭਾਰਤੀ ਉਪ ਮਹਾਂਦੀਪ ਦਾ ਮੂਲ ਰੁੱਖ ਹੈ। ਇਸ ਦਾ ਗੈਨ੍ਰਿਕ ਨਾਮ ਯੂਨਾਨੀ ακακία (ਅਕੇਕੀਆ) ਤੋਂ ਹੈ, ਜੋ ਪ੍ਰਾਚੀਨ ਯੂਨਾਨੀ ਵੈਦ -ਵਿਗਿਆਨੀ ਪੇਦਾਨੀਅਸ ਡਾਇਓਸਕੋਰੀਦੇਸ (40–90 ਆਮ ਈ) ਉਸ ਦੀ ਕਿਤਾਬ ਮਟੀਰੀਆ ਮੈਡੀਕਾ ਵਿੱਚ ਇਸ ਔਸ਼ਧੀ ਪੌਦੇ ਲਈ ਮਿਲਦਾ ਹੈ। ਇਹ ਨਾਮ ਇਸ ਦੇ ਕੰਡਿਆਂ ਲਈ ਯੂਨਾਨੀ ਸ਼ਬਦ, ακις (ਏਕਿਸ, ਕੰਡਾ) ਤੋਂ ਰੱਖਿਆ ਗਿਆ ਹੈ।
ਉੱਤਰੀ ਭਾਰਤ ਵਿੱਚ ਕਿੱਕਰ ਦੀਆਂ ਹਰੀਆਂ ਪਤਲੀਆਂ ਟਾਹਣੀਆਂ ਦਾਤਣ ਦੇ ਕੰਮ ਆਉਂਦੀਆਂ ਹਨ। ਇਸ ਦੀ ਦਾਤਣ ਦੰਦਾਂ ਨੂੰ ਸਾਫ਼ ਅਤੇ ਤੰਦੁਰੁਸਤ ਰੱਖਦੀ ਹੈ। ਕਿੱਕਰ ਦੀ ਲੱਕੜੀ ਦਾ ਕੋਲਾ ਵੀ ਚੰਗਾ ਹੁੰਦਾ ਹੈ। ਸਾਡੇ ਇੱਥੇ ਦੋ ਤਰ੍ਹਾਂ ਦੀ ਕਿੱਕਰ ਜ਼ਿਆਦਾਤਰ ਪਾਈ ਅਤੇ ਉਗਾਈ ਜਾਂਦੀ ਹੈ। ਕਿੱਕਰ ਦੀ ਲੱਕੜ ਤੋਂ ਮੰਜੇ ਦੀਆਂ ਬਾਹੀਆਂ, ਸੇਰਵੇ, ਦਰਵਾਜ਼ੇ, ਅਲਮਾਰੀਆਂ, ਤਖ਼ਤਪੋਸ਼, ਸੰਦੂਕ, ਪੇਟੀਆਂ, ਖੇਤਾਂ ਵਿੱਚ ਕੰਮ ਕਰਨ ਲਈ ਸੁਹਾਗਾ ਹਲ, ਗੱਡੇ ਦਾ ਲਾਰੀਆ, ਠੋਡ, ਨਾਭ, ਗੱਡੇ ਦੇ ਪਹੀਏ ਆਦਿ ਬਣਦੇ ਰਹੇ ਹਨ।
ਕਿੱਕਰਾਂ ਲਗਾ ਕੇ ਪਾਣੀ ਦੇ ਕਟਾਅ ਨੂੰ ਰੋਕਿਆ ਜਾ ਸਕਦਾ ਹੈ। ਜਦੋਂ ਰੇਗਿਸਤਾਨ ਫੈਲਣ ਲੱਗਦਾ ਹੈ ਤਦ ਕਿੱਕਰਾਂ ਦੇ ਜੰਗਲ ਲੱਗਾ ਕੇ ਰੇਗਿਸਤਾਨ ਦੇ ਇਸ ਹਮਲੇ ਨੂੰ ਰੋਕਿਆ ਜਾ ਸਕਦਾ ਹੈ। ਇਸ ਤਰ੍ਹਾਂ ਵਾਤਾਵਰਣ ਨੂੰ ਸੁਧਾਰਣ ਵਿੱਚ ਕਿੱਕਰ ਦੀ ਵਧੀਆ ਵਰਤੋਂ ਹੋ ਸਕਦੀ ਹੈ। ਇਸ ਦੀ ਲੱਕੜੀ ਬਹੁਤ ਮਜ਼ਬੂਤ ਹੁੰਦੀ ਹੈ ਜਿਸ ਨੂੰ ਘੁਣ ਨਹੀਂ ਲੱਗਦਾ। ਇਹ ਮੋਟੇ ਪੋਰੇ ਵਾਲਾ ਮਜ਼ਬੂਤ, ਵੱਡਾ, ਗੂੜ੍ਹੀ ਛਾਂ ਵਾਲਾ ਰੁੱਖ ਹੈ।
Jass virk

30/10/2023

ਐਮ.ਐਸੀ. ਪਾਸ ਬੀ.ਐਡ ਕਰ ਰਹੇ ਦੋ ਨੌਜਵਾਨਾਂ ਦੇ ਪੰਜਾਬੀ ਮਾਸਟਰ ਨਾਲ਼ ਸਵਾਲ-ਜਵਾਬ...

ਐਮ. ਐਸੀ. ; ਜੀਵ ਕਿਵੇਂ ਬਣੇ,ਮਨੁੱਖ ਕਿੱਥੋਂ ਆਇਆ ਅੱਖਾਂ,ਨੱਕ ਕਿਵੇਂ ਬਣੇ?

ਪੰਜਾਬੀ : ਕੀ ਤੁਸੀਂ ਡਾਰਵਿਨ ਨੂੰ ਨਹੀਂ ਪੜ੍ਹਿਆ? ਕੀ ਤੁਸੀਂ ਵਿਕਾਸ ਦੇ ਸਿਧਾਂਤ ਨੂੰ ਨਹੀਂ ਜਾਣਦੇ? ਕੀ ਤੁਸੀਂ ਜੀਨਾਂ/ਗੁਣ ਸੂਤਰਾਂ ਬਾਰੇ ਨਹੀਂ ਜਾਣਦੇ? ਇਹ ਤਾਂ ਤੁਹਾਡਾ ਮੇਨ ਵਿਸ਼ਾ ਹੈ!
ਬੇਰੀ ਦੇ ਬੇਰ ਵਿਚ ਉਹ ਸਾਰੇ ਗੁਣ ਹੁੰਦੇ ਹਨ ਜੋ ਤੁਹਾਨੂੰ ਉਸ ਬੇਰ ਵਾਲ਼ੀ ਬੇਰੀ ਦਿਖ ਰਹੀ ਹੁੰਦੀ ਹੈ..ਬੇਰ ਨੇ ਪੌਦਾ ਬਣਕੇ ਉਸ ਜਿਹੀ ਹੀ ਬੇਰੀ ਬਣਨਾ ਹੁੰਦਾ ਹੈ।

ਐਮ.ਐਸੀ. ; ਇਸ ਸੰਸਾਰ ਨੂੰ ਕੋਈ ਸ਼ਕਤੀ ਚਲਾ ਰਹੀ ਹੈ,ਧਰਤੀ ਚੰਦ ਸੂਰਜ ਨੂੰ..!!

ਪੰਜਾਬੀ ; ਕੀ ਤੁਸੀਂ ਗੁਰੂਤਵ ਬੱਲ ਬਾਰੇ ਨਹੀਂ ਜਾਣਦੇ? ਕੋਈ ਅਜਿਹੀ ਚੇਤੰਨ ਦੈਵੀ ਸ਼ਕਤੀ ਨਹੀਂ ਜਿਸਦੀ ਪੂਜਾ,ਅਰਾਧਨਾ ਕਰਕੇ ਉਸ ਉਪਰ ਕੋਈ ਅਸਰ ਜਾਂ ਫ਼ਰਕ ਪੈਂਦਾ ਹੋਵੇ!ਇਹ ਸਭ ਨਿਜਮਾਂ ਤਹਿਤ ਦਿਨ-ਰਾਤ,ਗਰਮੀ-ਸਰਦੀ,ਮੀਂਹ-ਹਨੇਰੀ,ਗ੍ਰਹਿਣ ਆਦਿ ਵਰਤਾਰੇ ਵਾਪਰ ਰਹੇ ਹਨ।

ਐਮ.ਐਸੀ.; ਕੀ ਮੇਰੇ ਸ਼ਰੀਰ ਦੀ ਕਾਪੀ ਕੀਤੀ ਜਾ ਸਕਦੀ ਹੈ?

ਪੰਜਾਬੀ; ਹਾਂ ਕਿਉਂ ਨਹੀਂ ਡਾਲੀ ਭੇਡ ਜੋ ਨਿਰਜੀਵ ਤੋਂ ਸੰਜੀਵ ਪੈਦਾ ਕਰਕੇ ਦੁਨੀਆਂ ਨੂੰ ਵਿਖਾਈ ਉਹ 7-8 ਵੀਂ ਦੀਆਂ ਸਾਇੰਸ ਦੀਆਂ ਪੁਸਤਕਾਂ ਚ ਹੈ ਨਹੀਂ ਪੜ੍ਹਿਆ?

ਐਮ.ਐਸੀ. ; ਪੁਰਾਣੇ ਸਮੇਂ ਚ ਵਿਗਿਆਨ ਵਿਕਸਿਤ ਸੀ, ਮੱਥੇ ਤੇ ਤਿਲਕ ਲਾਉਣ ਦਾ ਵੀ ਵਿਗਿਆਨਿਕ ਕਾਰਣ ਸੀ,ਇਸਨੂੰ ਇਕਾਗਰ,ਧਿਆਨ ਲਾਕੇ ਬਹੁਤ ਅਨੁਭਵ ਕੀਤਾ ਜਾ ਸਕਦਾ ਹੈ, ਸਰਜਰੀ,ਉੱਡਣ ਖਟੋਲੇ ਵੀ ਸੀ..!

ਪੰਜਾਬੀ ; ਇਹ ਮਨੋਵਿਗਿਆਨ ਹੈ ਸਭ ਸਮਮੋਹਣ ਨੀਂਦ ਚ ਕਲਪਨਾਵਾਂ ਰਾਹੀਂ ਅਹਿਸਾਸ ਕਰਵਾਉਣਾ ਇੱਕ ਸਾਧਾਰਣ ਕਿਰਿਆ ਤੋਂ ਵੱਧ ਕੁੱਝ ਵੀ ਨਹੀਂ ਇਹ ਕੋਈ ਅਲੋਕਾਰੀ ਨਹੀਂ,ਸਾਧਾਰਣ ਸਰਜ਼ਰੀ ਜਖ਼ਮਾਂ ਨੂੰ ਸਿਉਣਾ, ਟੁੱਟੀਆਂ ਹੱਡੀਆਂ ਨੂੰ ਬੰਨ੍ਹਣਾ ਦੁਨੀਆਂ ਦੀਆਂ ਹਰ ਸਭਿਅਤਾਵਾਂ ਵਿੱਚ ਸਮੇਂ ਦੇ ਹਿਸਾਬ ਨਾਲ਼ ਪ੍ਰਚਲਤ ਸੀ,ਉੱਡਣ ਖਟੋਲੇ ਦਾ ਕੋਈ ਤੱਥ ਨਹੀਂ ਮਿਲਦੇ ਸਿਰਫ ਅਤਿਕਥਨੀ ਕਾਵਿਕ ਅਲੰਕਾਰਾਂ ਤੋਂ ਸਿਵਾਏ

ਐਮ.ਐਸੀ. ; ਆਤਮਾ ਹੁੰਦੀ ਹੈ ਅਮਰੀਕਾ'ਚ ਆਤਮਾ ਦਾ ਪ੍ਰਯੋਗ ਹੋਇਆ ਜਿਸ ਵਿਚ ਮਰ ਰਹੇ ਬੰਦੇ ਨੂੰ ਇੱਕ ਦੰਮ ਬੰਦ ਸ਼ੀਸ਼ੇ ਵਿਚ ਪਾਇਆ ਗਿਆ,ਜਦੋਂ ਉਸਦੀ ਮੌਤ ਹੋਈ ਸ਼ੀਸ਼ੇ'ਚ ਤਰੇੜ ਆ ਗਈ ਕਿਉਂਕਿ ਉਸ ਵਿਚੋਂ ਆਤਮਾ ਬਾਹਰ ਨਿਕਲੀ ਸੀ..!

ਪੰਜਾਬੀ ; ਕੀ ਤੁਸੀਂ ਕਿਸੇ ਸਾਇੰਸ ਦੀ ਕਿਤਾਬ ਵਿਚ ਕਿਤੇ ਆਤਮਾ ਬਾਰੇ ਪੜ੍ਹਿਆ ਹੈ? ਨਹੀਂ ਨਾ! ਫੇਰ ਸਾਇੰਸ ਦੀ ਭਾਸ਼ਾ ਵਿਚ ਆਤਮਾ ਨਹੀਂ ਹੁੰਦੀ,ਚੇਤਨਾ ਹੁੰਦੀ ਹੈ।ਅਮਰੀਕਾ ਵਿਚ ਅਜਿਹਾ ਕੋਈ ਟੈਸਟ ਨਹੀਂ ਹੋਇਆ ਇਹ ਸਿਰਫ਼ ਧਾਰਮਿਕ ਪ੍ਰਚਾਰਕਾਂ ਦਾ ਪਰੋਪੋਕੰਡਾ ਝੂਠਾ ਪ੍ਰਚਾਰ ਮਾਤਰ ਹੈ ਇਸ ਬਾਰੇ ਕੋਈ ਪ੍ਰਮਾਣਕਿਤਾ ਨਹੀਂ ਜੇ ਇਸ ਗੱਲ ਨੂੰ ਤੁਸੀਂ ਸਿੱਧ ਕਰ ਦੇਵੋ ਅਸੀਂ ਲੱਖਾਂ ਰੁਪਏ ਇਨਾਮ ਦਵਾ ਸਕਦੇ ਹਾਂ..

29/10/2023

27/10/2023

ਅੱਜ ਦਾ ਵਿਚਾਰ (27 ਅਕਤੂਬਰ) ਸੂਰਬੀਰ ਯੋਧੇ ਨਵਾਂ ਇਤਿਹਾਸ ਸਿਰਜਣ ਲਈ ਕਦੇ ਕੁਰਬਾਨੀਆਂ ਦੇਣ ਤੋਂ ਨਹੀਂ ਡਰਦੇ।
ਅੱਜ ਦੇ ਦਿਨ : 27-10-1670 ਬਾਬਾ ਬੰਦਾ ਸਿੰਘ ਬਹਾਦਰ ਦਾ ਜਨਮ।1904 ਕ੍ਰਾਂਤੀਕਾਰੀ ਜਤਿਨ ਦਾਸ ਦਾ ਜਨਮ।1936 ਪਾਕਿਸਤਾਨ ਦੇ ਕਵੀ ਨਜ਼ਮ ਹੁਸੈਨ ਦਾ ਜਨਮ।1969 ਦਰਸ਼ਨ ਸਿੰਘ ਫੈਰੋਮਾਨ (ਤਰਨ ਤਾਰਨ) ਦਾ ਭੁੱਖ ਹੜਤਾਲ ਦੇ 74 ਵੇਂ ਦਿਨ ਦਿਹਾਂਤ।1974 ਭਾਰਤੀ ਗਣਿਤ ਵਿਗਿਆਨੀ ਸੀ ਪੀ ਰਾਮਾਨੁਜਮ ਦਾ ਦਿਹਾਂਤ।
*ਬਾਬਾ ਬੰਦਾ ਸਿੰਘ ਬਹਾਦਰ* ਦਾ ਸੰਸਾਰ ਦੇ ਇਤਿਹਾਸ ਵਿੱਚ ਇਕ ਨਿਵੇਕਲਾ ਸਥਾਨ ਹੈ।ਉਨਾਂ ਸੰਸਾਰ ਦਾ ਪਹਿਲਾ ਸਫਲ ਕਿਸਾਨੀ ਇਨਕਲਾਬ ਲਿਆਂਦਾ।ਜਾਗੀਰਦਾਰੀ ਪ੍ਰਣਾਲੀ ਖਤਮ ਕਰਕੇ ਜਮੀਨਾਂ ਦੇ ਹੱਕ ਦੁਨੀਆਂ ਤੱਕ ਪਹਿਲੀਵਾਰ ਕਾਸ਼ਤਕਾਰਾਂ ਨੂੰ ਦਿੱਤੇ ਭਾਵ ਵਾਹੀਕਾਰਾਂ ਨੂੰ ਜਮੀਨਾਂ ਦੇ ਹੱਕ ਸੌਂਪਣ ਦਾ ਇਨਕਲਾਬੀ ਕਦਮ ਚੁੱਕਿਆ।ਉਨਾਂ ਨੇ ਭੌਂ ਸੁਧਾਰ ਕੀਤੇ,ਜਾਤੀ ਪ੍ਰਥਾ ਨੂੰ ਖਤਮ ਕੀਤਾ ਤੇ ਜਾਤ-ਪਾਤ,ਧਰਮ,ਨਸਲ ਦੇ ਬੰਧਨਾਂ ਨੂੰ ਤੋੜਿਆ,ਅਖੌਤੀ ਨੀਚ ਜਾਤਾਂ ਨੂੰ ਉਚ ਪਦਵੀਆਂ ਦਿੱਤੀਆਂ।ਇਕ ਦਲਿਤ ਨੂੰ ਸਰਹੰਦ ਦਾ ਪਹਿਲਾ ਗਵਰਨਰ ਬਣਾਇਆ ਤੇ ਕਈ ਪਿੰਡਾਂ ਦੇ ਚੌਧਰੀ ਦਲਿਤ ਵਰਗ ਨਾਲ ਸਬੰਧਤ ਬਣਾਏ।ਸਮਾਜਿਕ ਬਰਾਬਰੀ ਲਈ ਵਿਸ਼ੇਸ ਪ੍ਰਬੰਧ ਕੀਤੇ।ਉਸ ਦੇ ਪ੍ਰਬੰਧ 'ਚ ਸਿੱਖ,ਮੁਸਲਮਾਨ ਤੇ ਹਿੰਦੂ ਸਭ ਨੂੰ ਬਰਾਬਰ ਦਾ ਸਤਿਕਾਰ ਪ੍ਰਾਪਤ ਸੀ ਮੁਸਲਮਾਨ ਸਿਪਾਹੀਆਂ ਨੂੰ ਸਮੇਂ ਸਿਰ ਨਮਾਜ ਪੜਨ ਦੀ ਇਜਾਜ਼ਤ ਸੀ।15 ਹਜਾਰ ਮੁਸਲਮਾਨ ਉਸ ਦੀ ਫੌਜ ਵਿੱਚ ਸਨ।ਉਸ ਦੀ ਲੜਾਈ ਜਾਬਰ ਹਾਕਮਾਂ ਦੇ ਜੁਲਮਾਂ ਵਿਰੁੱਧ ਸੀ ਨਾ ਕਿ ਮੁਸਲਮਾਨਾਂ ਜਾਂ ਕਿਸੇ ਖਾਸ ਵਰਗ ਖਿਲਾਫ।ਉਸ ਨੇ ਰਾਜ ਸਥਾਪਤ ਕਰਕੇ ਆਪਣੇ ਨਾਂ ਦਾ ਸਿੱਕਾ ਨਹੀਂ ਚਲਾਇਆ, ਸਗੋਂ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਤੇ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਨਾਂ ਤੇ ਸਿੱਕੇ ਚਲਾਏ।ਬੰਦਾ ਬਹਾਦਰ ਦਾ ਜਨਮ ਜੰਮੂ ਦੇ ਪੁਣਛ ਖੇਤਰ ਦੇ ਇਕ ਪਿੰਡ ਵਿੱਚ ਰਾਮਦੇਵ ਰਾਜਪੂਤ ਦੇ ਘਰ 27 ਅਕਤੂਬਰ 1670 ਈ: ਨੂੰ ਹੋਇਆ(ਕੁਝ ਇਤਿਹਾਸਕਾਰਾਂ ਨੇ 16 ਅਕਤੂਬਰ ਲਿਖਿਆ ਹੈ)।ਉਨਾਂ ਦਾ ਮੁੱਢਲਾ ਨਾਮ ਲਛਮਣ ਦੇਵ ਸੀ ਪਰ ਲਛਮਣ ਦਾਸ ਤੇ ਮਾਧੋਦਾਸ ਦਾ ਨਾਂ ਨਾਲ ਜਾਣਿਆਂ ਜਾਂਦਾ ਰਿਹਾ।15 ਸਾਲ ਦੀ ਉਮਰ ਵਿੱਚ ਵੈਰਾਗੀ ਬਣ ਕੇ ਨਾਦੇਂੜ ਵਿਖੇ ਗੋਦਾਵਰੀ ਨਦੀ ਦੇ ਕੰਢੇ ਤੇ 18 ਸਾਲ ਆਸ਼ਰਮ ਬਣਾ ਕੇ ਰਹੇ।ਇਥੇ ਹੀ 1708 ਵਿੱਚ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨਾਲ ਭੇਟ ਹੋਈ,ਜਿੰਨਾਂ ਦੀ ਸ਼ਖਸੀਅਤ ਤੋਂ ਬਹੁਤ ਪ੍ਰਭਾਵਿਤ ਹੋਇਆ।ਗੁਰੂ ਜੀ ਦੇ ਪੁੱਛਣ ਤੇ ਉਸਨੇ ਕਿਹਾ ਮੈਂ ਤੁਹਾਡਾ ਬੰਦਾ ਹਾਂ, ਤੁਸੀਂ ਸੇਵਾ ਬਖਸ਼ੋ।ਗੁਰੂ ਜੀ ਨੇ ਉਸ ਨੂੰ ਬਾਬਾ ਬੰਦਾ ਸਿੰਘ ਬਹਾਦਰ ਦਾ ਨਾਂ ਦੇ ਕੇ ਪੰਜਾਬ ਵਿੱਚ ਹੋ ਰਹੇ ਜੁਲਮਾਂ ਤੇ ਆਪਣੇ ਪਰਿਵਾਰ ਨਾਲ ਹੋਏ ਅਨਿਆਂ ਤੋਂ ਜਾਣੂ ਕਰਾਇਆ।ਉਸਨੂੰ ਫੌਜ ਤਿਆਰ ਕਰਕੇ ਸਰਹੰਦ ਤੇ ਬਾਈਧਾਰ ਰਾਜਿਆਂ ਤੇ ਪੰਜਾਬ ਦੇ ਦੋਖੀਆਂ ਨੂੰ ਸੋਧਣ ਲਈ ਉਨਾਂ ਨੂੰ ਪੰਜ ਤੀਰ ਦਿਤੇ ਤੇ ਪੰਜ ਸਿੰਘਾਂ ਭਾਈ ਵਿਨੋਦ ਸਿੰਘ,ਭਗਵੰਤ ਸਿੰਘ,ਕਾਹਨ ਸਿੰਘ,ਬਾਜ ਸਿੰਘ ਤੇ ਰਾਮ ਸਿੰਘ ਨੂੰ ਨਾਲ ਭੇਜਿਆ।ਪੰਜਾਬ ਪਹੁੰਚਦਿਆਂ ਉਸ ਦੀ ਫੌਜ ਵਿੱਚ ਹਿੰਦੂ,ਸਿੱਖ, ਮੁਸਲਮਾਨ ਤੇ ਉਦਾਸੀ ਸ਼ਾਮਲ ਹੋ ਗਏ।ਸਭ ਤੋਂ ਪਹਿਲਾਂ ਸਰਹੰਦ ਨੂੰ ਫਤਿਹ ਕਰਕੇ ਫਤਿਹ ਦਿਵਸ ਮਨਾਇਆ।ਫਿਰ ਸੋਨੀਪਤ, ਸਮਾਣਾ, ਘੁਮਾਣ, ਸ਼ਾਹਬਾਦ,ਕਪੂਰੀ ਤੇ ਸਢੌਰੇ ਤੇ ਜਿੱਤਾਂ ਪ੍ਰਾਪਤ ਕੀਤੀਆਂ।1710 ਨੂੰ ਚੱਪੜਚਿੜੀ ਦੇ ਮੈਦਾਨ ਵਿੱਚ ਸਰਹੰਦ ਦਾ ਸੂਬੇਦਾਰ ਵਜ਼ੀਰ ਖਾਨ ਮਾਰਿਆ ਗਿਆ।ਸ਼ਿਵਾਲਿਕ ਪਹਾੜੀਆਂ ਵਿੱਚ ਪੰਥਕ ਦੀ ਰਾਜਧਾਨੀ ਲੋਹਗੜ੍ਹ ਨੂੰ ਬਣਾਇਆ।ਮਈ ਤੋਂ ਦਸੰਬਰ 1710 ਤੱਕ ਬੰਦਾ ਸਿੰਘ ਬਹਾਦਰ ਨੇ ਜਿਸ ਫੁਰਤੀ ਨਾਲ ਉਤਰੀ ਭਾਰਤ ਤੇ ਜਿੱਤਾਂ ਪ੍ਰਾਪਤ ਕੀਤੀਆਂ,ਉਸ ਨਾਲ ਦੇਸ਼ ਵਿੱਚ ਤਰਥੱਲੀ ਮੱਚ ਗਈ।4 ਦਸੰਬਰ ਨੂੰ ਲੋਹਗੜ੍ਹ ਪੰਜ ਹਜ਼ਾਰ ਸਿੱਖਾਂ ਨਾਲ 60 ਹਜਾਰ ਦੀ ਫੌਜ ਨਾਲ ਮੁਕਾਬਲਾ ਕਰਦੇ ਹੋਏ ਉੱਥੋਂ ਬਚ ਕੇ ਨਿਕਲ ਗਏ।10 ਦਸੰਬਰ 1710 ਨੂੰ ਬਹਾਦਰ ਸ਼ਾਹ ਨੇ ਹੁਕਮ ਜਾਰੀ ਕੀਤਾ ਕਿ ਜਿੱਥੇ ਵੀ ਸਿੱਖ ਮਿਲੇ ਕਤਲ ਕਰ ਦਿੱਤਾ ਜਾਵੇ।ਇੱਥੋਂ ਨਿਕਲ ਕੇ ਪਹਾੜਾਂ ਵੱਲ ਰੁੱਖ ਕੀਤਾ।ਸਾਢੇ ਚਾਰ ਸਾਲ ਉਥੇ ਲੁੱਕ ਛਿਪ ਕੇ ਰਹੇ।ਉਥੇ ਉਨਾਂ ਦਾ ਵਿਆਹ ਬੀਬੀ ਸ਼ੁਸ਼ੀਲ ਕੌਰ ਨਾਲ ਹੋਇਆ।ਇਕ ਪੁੱਤਰ ਅਜੈ ਸਿੰਘ ਨੇ ਜਨਮ ਲਿਆ।ਫੌਜਾਂ ਵੱਲੋਂ ਪਿੱਛਾ ਕੀਤਾ ਗਿਆ ਤੇ ਆਖਰ ਗੁਰਦਾਸ ਨੰਗਲ ਦੀ ਗੜੀ ਵਿੱਚ ਅੱਠ ਮਹੀਨੇ ਦੀ ਲੜਾਈ ਪਿੱਛੋਂ 7-12-1715 ਨੂੰ 741 ਸਿੰਘਾਂ ਨਾਲ ਗਿਰਫਤਾਰ ਕਰਕੇ ਇਨਾਂ ਨੂੰ ਬੇੜੀਆਂ ਲਾ ਕੇ ਤੇ ਪਿੰਜਰੇ ਵਿੱਚ ਪਾ ਕੇ ਦਿੱਲੀ ਲਿਜਾਇਆ ਗਿਆ।ਤਸੀਹੇ ਦੇਣ ਉਪਰੰਤ 9 ਜੂਨ 1716 ਨੂੰ ਸ਼ਹੀਦ ਕਰ ਦਿੱਤਾ ਗਿਆ।ਸ਼ਹੀਦ ਕਰਨ ਤੋ ਪਹਿਲਾਂ ਉਨਾਂ ਦੇ ਪੁੱਤਰ ਅਜੈ ਸਿੰਘ ਨੂੰ ਕਤਲ ਕਰਕੇ ਉਸਦਾ ਧੱੜਕਦਾ ਦਿਲ ਬਾਬਾ ਜੀ ਦੇ ਮੂੰਹ ਵਿੱਚ ਧੱਕਣ ਦੀ ਕੌਸ਼ਿਸ ਕੀਤੀ।ਬੰਦਾ ਸਿੰਘ ਬਹਾਦਰ ਦੀ ਦੂਜੀ ਪਤਨੀ ਸਾਹਿਬ ਕੌਰ ਸੀ ਜਿਸ ਦੀ ਕੁਖੋਂ ਰਣਜੀਤ ਸਿੰਘ ਨੇ 1715 ਵਿੱਚ ਜਨਮ ਲਿਆ ਸੀ।ਇਸ ਬਾਰੇ ਮੁਗਲ ਹਾਕਮਾਂ ਨੂੰ ਪਤਾ ਨਹੀ ਸੀ।ਉਸਦਾ ਇਹ ਪਰਿਵਾਰ ਅੱਗੇ ਵਧਦਾ ਰਿਹਾ।ਬੀਬੀ ਸ਼ੁਸੀਲ ਕੌਰ ਵੀ ਲੜਾਈ ਵਿੱਚ ਇਕ ਮੁਗਲ ਸਿਪਾਹੀ ਹਥੋਂ ਸ਼ਹੀਦ ਹੋ ਗਈ।
*ਕ੍ਰਾਂਤੀਕਾਰੀ ਜਤਿੰਦਰ ਨਾਥ* ਕਰਾਂਤੀਕਾਰੀ ਜਤਿੰਦਰ ਨਾਥ ਨੂੰ ਜਤਿਨ ਦਾਸ ਵੀ ਕਿਹਾ ਜਾਂਦਾ ਸੀ।ਉਸਦਾ ਜਨਮ ਕਲਕੱਤਾ ਵਿਖੇ 27/10/1904 ਨੂੰ ਹੋਇਆ।ਕ੍ਰਾਂਤੀਕਾਰੀ ਵਿਚਾਰਾਂ ਦੇ ਹੋਣ ਕਰਕੇ ਉਸਨੇ ਪਹਿਲਾਂ ਮਹਾਤਮਾ ਗਾਂਧੀ ਵੱਲੋਂ ਚਲਾਏ ਸਤਿਆਗਰਿਹ ਵਿੱਚ ਭਾਗ ਲਿਆ।1925 ਵਿੱਚ ਰਾਜਨੀਤਿਕ ਸਰਗਰਮੀਆਂ ਕਰਕੇ ਉਨਾਂ ਨੂੰ ਗਿਰਫਤਾਰ ਕਰਕੇ ਮੈਮਨ ਸਿੰਘ ਜੇਲ ਵਿੱਚ ਰੱਖਿਆ ਗਿਆ।ਉਥੇ ਉਨਾਂ ਨੂੰ 20 ਦਿਨ ਦੀ ਭੁਖ ਹੜਤਾਲ ਪਿੱਛੋਂ ਰਿਹਾ ਕਰ ਦਿਤਾ।14 ਜੂਨ 1929 ਨੂੰ ਗਿਰਫਤਾਰ ਕਰਕੇ ਲਾਹੌਰ ਜੇਲ ਭੇਜਿਆ ਗਿਆ।13 ਜੁਲਾਈ ਨੂੰ ਉਨਾਂ ਜੇਲ ਦੇ ਅਧਿਕਾਰੀਆਂ ਦੀਆਂ ਕੈਦੀਆਂ ਨਾਲ ਹੋ ਰਹੀਆਂ ਵਧੀਕੀਆਂ ਤੇ ਵਤੀਰੇ ਖਿਲਾਫ ਭੁੱਖ ਹੜਤਾਲ ਸ਼ੁਰੂ ਕਰ ਦਿਤੀ।ਅਧਿਕਾਰੀਆਂ ਵਲੋਂ ਉਸਦੀ ਭੁੱਖ ਹੜਤਾਲ ਨੂੰ ਤੋੜਨ ਲਈ ਜਬਰੀ ਖਾਣਾ ਖੁਆਉਣ ਦੇ ਯਤਨ ਵੀ ਕੀਤੇ ਗਏ।ਪਰ 63 ਦਿਨ ਦੀ ਭੁੱਖ ਹੜਤਾਲ ਉਪਰੰਤ ਮਹਾਨ ਕ੍ਰਾਂਤੀਕਾਰੀ ਜਤਿੰਦਰ ਨਾਥ ਦਾਸ 13 ਸਤੰਬਰ 1929 ਨੂੰ ਸਦਾ ਦੀ ਨੀਂਦ ਸੌਂ ਗਿਆ।

26/10/2023

ਅੱਜ ਕੱਲ੍ਹ ਇਹ ਸਮੱਸਿਆ ਬਹੁਤ ਚਰਚਾ ਵਿਚ ਹੈ ਕਿ ਮਜਦੂਰਾਂ ਦੀ ਦਿਹਾੜੀ/ਕੰਮ ਦਾ ਸਮਾਂ 8 ਘੰਟੇ ਤੋਂ ਵਧਾ ਕੇ ਪੰਜਾਬ ਸਰਕਾਰ ਨੇ 12 ਘੰਟੇ ਦਾ ਕਰ ਦਿੱਤਾ ਹੈ।
ਹੁਣ ਮਜਦੂਰ ਸੰਗਠਨ ਪੰਜਾਬ ਵਿੱਚ ਇਸ ਵਾਧੇ ਨੂੰ ਰੋਕਣ ਲਈ ਸੰਘਰਸ਼ ਕਰ ਰਹੇ ਹਨ।ਚੰਗੀ ਗੱਲ ਹੈ ਸੰਘਰਸ਼ ਕਰਨਾ।
ਕਿਉਂ ਕਿ ਸੰਘਰਸ਼ ਹੀ ਮਸਲੇ ਦਾ ਹੱਲ ਕਢਦਾ ਹੈ।
ਸਾਲ 2020 ਵਿੱਚ ਜਦੋ ਕੇਂਦਰ ਦੀ ਬੀ ਜੇਪੀ ਮੋਦੀ ਸਰਕਾਰ ਨੇ 3 ਖੇਤੀ (ਵਿਰੋਧੀ)ਕਾਨੂੰਨ ਲਿਆਂਦੇ ਇਕ ਬਿਜਲੀ ਐਕਟ ਲਿਆਂਦਾ ਉਸ ਦੇ ਨਾਲ ਹੀ ਇਹਨਾਂ ਕਾਨੂੰਨਾਂ ਤੋਂ ਬਾਅਦ ਸੈਂਟਰ ਸਰਕਾਰ ਨੇ ਇਕ ਨਵਾਂ ਲੇਬਰ ਕੋਡ ਮਜਦੂਰਾਂ ਨਾਲ ਸਬੰਧਿਤ ਕਾਨੂੰਨ ਵੀ ਲਿਆਂਦਾ ਸੀ ਜਿਸ ਅਧੀਨ ਹੀ ਇਹ ਕੰਮ ਦੇ ਘੰਟੇ 8 ਤੋਂ ਵਧਾਕੇ 12 ਕੀਤੇ ਗਏ।
ਜਿਹੜੇ ਸਨਅਤੀ ਮਜਦੂਰਾਂ ਕਾਰਖਾਨੇ/ਫੈਕਟਰੀਆਂ (ਤੇ ਹੋਰ ਸਨਅਤਾਂ )ਦੇ ਮਜਦੂਰਾਂ ਨੂੰ ਪਹਿਲਾਂ ਵਾਲੇ ਲੇਬਰ ਕਾਨੂੰਨ ਵਿੱਚ ਬਹੁਤ ਸਾਰੀਆਂ ਸਹੂਲਤਾਂ ਅਤੇ ਸੁਵਿਧਾਵਾਂ ਸਨ ਆਰਥਿਕ ਲਾਭ ਉਜਰਤ ਸਬੰਧੀ ਘੱਟੋ-ਘੱਟ ਆਮਦਨ ਅਤੇ ਮਾਲਕਾਂ ਵਲੋਂ ਮਜਦੂਰਾਂ ਦੀਆਂ ਮੰਗਾਂ ਨਾ ਮੰਨੇ ਜਾਣ ਜਾ ਹੋਰ ਮਸਲਿਆਂ ਤੇ ਸੰਗਠਿਤ ਹੋਕੇ ਮਜਦੂਰ ਹੜਤਾਲ ਤੇ ਜਾ ਸਕਦੇ ਸਨ।
ਉਹ ਸਭ ਕੁੱਝ ਬਦਲ ਕੇ ਮਜਦੂਰ ਵਿਰੋਧੀ ਕਰ ਦਿੱਤਾ ਗਿਆ।(ਮਜਦੂਰੀ ਦੇ ਸਧਾਰ ਕੋਡ ਰਾਂਹੀ)
ਉਸ ਸਮੇਂ ਜਦੋ ਖੇਤੀ ਕਾਨੂੰਨ ਵਾਪਸ ਕਰਵਾਉਣ ਲਈ ਦਿੱਲੀ ਕਿਸਾਨ ਅੰਦੋਲਨ ਚੱਲਿਆ ਸੀ, ਜੇਕਰ ਭਾਰਤ ਭਰ ਦੇ ਕਰੋੜਾਂ ਦੀ ਗਿਣਤੀ ਮਜਦੂਰ ਵਰਗ ਆਪਣੀ ਇਸ ਨਵੇਂ ਕਾਨੂੰਨ ਲੇਬਰ ਕੋਡ ਨੂੰ ਵੀ ਖਤਮ ਕਰਨ/ਵਾਪਸ ਲੈਣ ਦੀ ਮੰਗ ਇਸ ਮੋਰਚੇ ਦੀਆਂ ਮੰਗਾਂ ਦੇ ਨਾਲ ਰੱਖਕੇ ਅੰਦੋਲਨ ਦਾ ਸਰਗਰਮ ਭਾਗੀਦਾਰ ਬਣਦਾ ਤਾਂ ਇਹ ਅੰਦੋਲਨ ਹੋਰ ਤਿੱਖਾ ਹੋਕੇ ਸਮੇਤ ਮਜਦੂਰ ਮੰਗਾਂ ਦੇ ਬਹੁਤ ਛੇਤੀ ਸਾਰੀਆਂ ਮੰਗਾਂ ਮਨਵਾ ਕੇ ਸਮਾਪਤ ਹੁੰਦਾ ਅਤੇ ਕਿਸਾਨ ਅੰਦੋਲਨ ਦਾ ਨਾਹਰਾ ਕਿਸਾਨ ਮਜਦੂਰ ਏਕਤਾ ਸਹੀ ਅਰਥਾਂ ਵਿੱਚ ਸਾਕਾਰ ਹੋ ਜਾਂਦਾ।
ਤਾਨਾਸ਼ਾਹ ਭਾਰਤ ਸਰਕਾਰ ਨੂੰ ਵੀ ਕਦੇ ਨਾ ਭੁੱਲਣ ਵਾਲੀ ਨਸੀਹਤ ਹੋ ਜਾਂਦੀ ਅਤੇ ਮੰਗਾਂ ਮੰਨਣ ਦੇ ਬਾਵਜੂਦ ਜੋ ਅਜੇ ਵੀ ਮੰਗਾਂ ਸਰਕਾਰ ਲਟਕਾ ਰਹੀ ਹੈ ਇਹ ਨਾ ਹੁੰਦਾ।ਨਾਲ ਹੀ ਨਵਾ ਲਿਆਂਦਾ ਮਜਦੂਰ ਵਿਰੋਧੀ ਇਹ ਲੇਬਰ ਕੋਡ ਖੇਤੀ ਕਾਨੂੰਨਾਂ ਦੇ ਨਾਲ ਹੀ ਖਤਮ ਹੋਇਆ ਹੁੰਦਾ।
ਹੁਣ 12 ਘੰਟੇ ਕੰਮ ਵਾਲਾ ਸੁਆਲ ਪੈਦਾ ਨਾ ਹੁੰਦਾ।ਇਹ ਤਾਂ ਸ਼ੁਰੂਆਤ ਹੈ ਅਜੇ ਤਾਂ ਕੇਂਦਰ ਦੁਆਰਾ ਲਿਆਂਦਾ ਉਹ ਨਵਾਂ ਲੇਬਰ ਕੋਡ ਲਾਗੂ ਹੋਣ ਨਾਲ ਮਜਦੂਰ ਜਮਾਤ ਦਾ ਹੋਰ ਬਹੁਤ ਆਰਥਿਕ ਅਤੇ ਸੁਰੱਖਿਆ ਵਾਲਾ ਨੁਕਸਾਨ ਹੋਵੇਗਾ।
ਹੁਣ ਮਜਦੂਰ ਵਰਗ ਨੂੰ ਇਕੱਲਿਆਂ ਆਪਣੇ ਮਸਲਿਆਂ ਤੇ ਲੜਨਾ ਪੈ ਰਿਹਾ ਹੈ।
ਉਸ ਸਮੇਂ ਇਸੇ ਕਰਕੇ ਇਹ ਨਾਹਰਾ ਲਾਇਆ ਜਾ ਰਿਹਾ ਸੀ:
ਕੱਲੇ ਕੱਲੇ ਮਾਰ ਨਾ ਖਾਓ।
ਇਕੱਠੇ ਹੋ ਕੇ ਅੱਗੇ ਆਓ।
ਆਸ ਕਰਦੇ ਹਾਂ ਕਿ ਸਮੁਚੀ ਮਜਦੂਰ ਕਲਾਸ ਆਪਣੇ ਹੱਕਾਂ ਲਈ ਇਕੱਠੀ ਹੋਕੇ ਮਜਦੂਰ ਵਿਰੋਧੀ ਲਏ ਗਏ ਗਲਤ ਫੈਸਲਿਆਂ ਨੂੰ ਦਰੁਸਤ ਕਰਵਾਉਣ ਲਈ ਸਮੂਹਿਕ ਤੌਰ ਤੇ ਜਨਤਕ ਸੰਘਰਸ਼ ਕਰਨ ਲਈ ਮੈਦਾਨ ਵਿੱਚ ਨਿਤਰੇਗੀ।
ਮਜਦੂਰ ਪੱਖੀ ਜਨਤਕ ਜਮਹੂਰੀ ਜਥੇਬੰਦੀਆਂ ਵੀ ਸੰਘਰਸ਼ ਵਿੱਚ ਸਹਿਯੋਗ ਕਰ ਸਕਦੀਆਂ ਹਨ।
Jassvirk

26/10/2023

https://www.facebook.com/gkmmediatv/videos/896890772044873/?mibextid=rS40aB7S9Ucbxw6v

26/10/2023

26/10/2023

🟠 *ਤੁਸੀਂ ਜੋ ਡੈਮੋਕ੍ਰੇਸੀ ਨੂੰ*
ਡਾਂਗ ਡਕੈਤੀ ਮੰਨਣ ਤੋਂ
ਇਨਕਾਰੀ ਹੋ

ਤਾਂ ਦੁਰਫਿਟੇ ਮੂੰਹ ਥੋਡੇ
ਜਦੋਂ ਤੁਸੀਂ
ਕੈਂਡਲ ਮਾਰਚ ਦੀ
ਖਚਰੀ ਤੋਰ ਤੁਰਦੇ ਹੋ

ਜੇ ਤੁਸੀਂ ਲੋਕਤੰਤਰ ਦੇ
ਜਾਦੂਗਰਾਂ ਦੀ ਡੁੱਗਡੁੱਗੀ ਸੁਣ
ਇੱਜੜ ਬਣ ਜਾਂਦੇ ਹੋ

ਜੇ ਤੁਸੀਂ
ਰਾਜਨੀਤਕ ਗੁੰਡਿਆਂ ਦੇ ਸਿਰਾਂ ਦੀ
ਸਲਾਮਤੀ ਮੰਗਦੇ ਹੋ

ਜੇ ਮਜਬੂਰੀ ਦੀ ਭਾਸ਼ਾ
ਤੁਸੀਂ ਪੜ ਨਹੀਂ ਸਕਦੇ
ਸਮਝ ਨਹੀਂ ਸਕਦੇ

ਜੇ ਬੇਬਸ ਅੱਖਾਂ ਨੇ
ਤੁਹਾਡੇ ਮਸਤਕ
ਵੈਣ ਨਹੀਂ ਪਾਏ

ਤਾਂ ਲੱਖ ਲਾਹਨਤ
ਓਸ ਗਰਾਂ ਤੇ
ਨਗਰ ਤੇ
ਜਿੱਥੇ ਤੁਸੀਂ ਵਾਸ ਕਰਦੇ ਹੋ

ਜੇ ਹਨੇਰੇ ਖੂੰਜਿਆਂ ਤੋਂ
ਪੈਦਾ ਹੁੰਦੇ ਹਟਕੋਰੇ
ਸੁਣਨ ਤੋਂ
ਤੁਹਾਡੇ ਕੰਨ ਇਨਕਾਰੀ ਨੇ

ਤਾਂ ਜ਼ਰੂਰ ਤੁਸੀਂ
ਭਾਰਤ ਦੇਸ਼ ਦੇ
ਵੋਟਰ ਹੋਵੋਗੇ

26/10/2023

ਅੱਜ ਦਾ ਵਿਚਾਰ (26 ਅਕਤੂਬਰ) ਜਦੋਂ ਤੱਕ ਔਰਤਾਂ ਦੀ ਸਥਿਤੀ ਵਿੱਚ ਸੁਧਾਰ ਨਹੀਂ ਹੁੰਦਾ,ਉਦੋਂ ਤੱਕ ਸੰਸਾਰ ਦਾ ਭਲਾ ਨਹੀ ਹੋ ਸਕਦਾ। (ਸਵਾਮੀ ਵਿਵੇਕਾਨੰਦ)।
ਅੱਜ ਦੇ ਦਿਨ : 26-10-1863 ਰੈੱਡ ਕਰਾਸ ਫੱਟੜ ਸੈਨਿਕਾਂ ਦੀ ਮੱਦਦ ਲਈ ਕੌਮਾਂਤਰੀ ਕਮੇਟੀ ਦੀ ਸਥਾਪਨਾ।1884 ਗਦਰੀ ਬਾਬਾ ਹਰਨਾਮ ਸਿੰਘ ਟੁੰਡੀਲਾਟ ਦਾ ਪਿੰਡ ਕੋਟਲੀ ਨੌਧ ਸਿੰਘ ਹੁਸ਼ਿਆਰਪੁਰ ਵਿੱਚ ਜਨਮ।1977 ਚੇਚਕ ਰੋਗ ਦਾ ਆਖਰੀ ਕੇਸ ਰਿਪੋਰਟ ਹੋਇਆ।1890 ਅਜ਼ਾਦੀ ਦੇ ਸਰਗਰਮ ਕ੍ਰਾਂਤੀਕਾਰੀ ਗਣੇਸ਼ ਚੰਦਰ ਵਿਦਿਆਰਥੀ ਦਾ ਇਲਾਹਾਬਾਦ 'ਚ ਜਨਮ।1934 ਬੰਗਾਲੀ ਕ੍ਰਾਂਤੀਕਾਰੀ ਨਿਰਮਲ ਘੋਸ਼ ਨੂੰ ਫਾਂਸੀ।1947 ਡੋਗਰਾ ਹਰੀ ਸਿੰਘ ਨੇ ਕਸ਼ਮੀਰ ਨੂੰ ਭਾਰਤ ਵਿੱਚ ਸ਼ਾਮਲ ਕਰਨ ਦਾ ਐਲਾਨ ਕੀਤਾ।1999 ਸੁਪਰੀਮ ਕੋਰਟ ਨੇ ਉਮਰ ਕੈਦ ਸ਼ਜਾ 14 ਸਾਲ ਤੈਅ ਕੀਤੀ।2006 ਵਿੱਚ ਘਰੇਲੂ ਹਿੰਸਾ ਕਾਨੂੰਨ 2005 ਲਾਗੂ ਹੋਇਆ।2008 ਪ੍ਰਸਿੱਧ ਪੰਜਾਬੀ ਲੇਖਕ ਪ੍ਰੋਫੈਸਰ ਪ੍ਰੀਤਮ ਸਿੰਘ ਦਾ ਦਿਹਾਂਤ।
*ਘਰੇਲੂ ਹਿੰਸਾ ਕਾਨੂੰਨ* ਇਸ ਕਾਨੂੰਨ ਦੇ ਤਹਿਤ ਘਰੇਲੂ ਹਿੰਸਾ ਨੂੰ ਗੈਰ ਕਾਨੂੰਨੀ ਕਰਾਰ ਦਿੱਤਾ ਹੈ ਪਰ ਘਰੇਲੂ ਹਿੰਸਾ ਅਕਸਰ ਘਰੇਲੂ ਮੁੱਦਾ ਬਣਾ ਦਿੱਤਾ ਜਾਂਦਾ ਹੈ।ਜੇ ਔਰਤ ਇਸ ਦੇ ਖਿਲਾਫ ਅਵਾਜ਼ ਉਠਾਉਦੀ ਹੈ ਤਾਂ ਉਸਦੇ ਕਿਰਦਾਰ,ਸ਼ਹਿਣਸੀਲਤਾ ਤੇ ਕੁਸ਼ਲਤਾ ਉਪਰ ਪ੍ਰਸ਼ਨ ਚਿੰਨ ਲਾ ਦਿੱਤੇ ਜਾਂਦੇ ਹਨ।ਸੁਪਰੀਮ ਕੋਰਟ ਨੇ ਇਤਿਹਾਸਕ ਫੈਸਲੇ ਰਾਂਹੀ ਬਾਲਗ ਪੁਰਸ਼ ਨੂੰ ਹਟਾ ਕੇ ਘਰੇਲੂ ਹਿੰਸਾ ਕਾਨੂੰਨ ਦਾ ਘੇਰਾ ਵਿਸ਼ਾਲ ਕਰ ਦਿੱਤਾ ਹੈ ਜਿਸ ਨਾਲ ਕਿਸੇ ਔਰਤ ਖਿਲਾਫ ਹਿੰਸਾ ਜਾਂ ਸ਼ੋਸਣ ਦੇ ਮਾਮਲੇ ਵਿੱਚ ਔਰਤਾਂ ਤੇ ਨਬਾਲਗਾਂ ਖਿਲਾਫ ਮੁਕਦਮਾ ਚਲਾਉਣ ਦਾ ਰਾਹ ਪੱਧਰਾ ਕਰ ਦਿਤਾ।ਸੰਸਾਰ ਵਿੱਚ ਹੁਣ ਤੱਕ 10-15 ਕਰੋੜ ਲੜਕੀਆਂ ਤੇ ਔਰਤਾਂ ਨਾਲ ਧਾਰਮਿਕ ਝਗੜਿਆਂ ਕਾਰਨ ਬਦਲਾ ਲਉ ਕਾਰਵਾਈ ਤਹਿਤ ਮਿੱਥ ਕੇ ਬਲਾਤਕਾਰ ਕੀਤਾ ਗਿਆ।1994 ਵਿੱਚ ਗੁਆਂਢ ਦੇਸ਼ ਵਿੱਚ ਢਾਈ ਤੋਂ ਪੰਜ ਲੱਖ ਔਰਤਾਂ ਨਾਲ ਵਿਭਚਾਰ ਕੀਤਾ ਗਿਆ।ਇਸ ਕਾਨੂੰਨ ਤਹਿਤ ਰਾਜ ਸਰਕਾਰ ਤੇ ਕੇਂਦਰ ਸਰਕਾਰ ਨੂੰ ਜੁਆਬਦੇਹ ਤੇ ਜਿੰਮੇਵਾਰ ਠਹਿਰਾਇਆ ਗਿਆ ਹੈ।ਇਸ ਦਾ ਫੈਸਲਾ 60 ਦਿਨਾਂ ਅੰਦਰ ਕਰਨ ਲਈ ਕਿਹਾ ਗਿਆ।ਪਿਛੇ ਜਿਹੇ ਯੂ ਐਨ ਵਿਸ਼ਵ ਜਨ ਸੰਖਿਆ ਫੰਡ ਅਤੇ ਇੰਟਰਨੈਸ਼ਨਲ ਸੈਂਟਰ ਫਾਰ ਰੀਸਰਚ ਆਨ ਵੂਮੈਨ ਵੱਲੋਂ ਭਾਰਤ ਦੇ ਸੱਤ ਰਾਜਾਂ ਦੇ ਸਰਵੇ ਮੁਤਾਬਿਕ ਦਸ ਵਿਚੋਂ ਛੇ ਮਰਦ ਆਪਣੀ ਪਤਨੀ ਨਾਲ ਹਿੰਸਕ ਵਿਵਹਾਰ ਕਰਦੇ ਹਨ।ਇਸ ਰਿਪੋਰਟ ਤਹਿਤ 60% ਮਰਦ ਇਹ ਮੰਨਦੇ ਹਨ ਕਿ ਉਹ ਪਤਨੀ ਨਾਲ ਹਿੰਸਕ ਵਰਤਾਉ ਕਰਦੇ ਹਨ।ਇਸ ਹਿੰਸਾ ਵਿੱਚ ਚਾਰ ਸ਼੍ਰੇਣੀਆਂ ਮਾਨਸਿਕ, ਸਰੀਰਕ ਹਿੰਸਾ,ਜਿਨਸੀ ਤੇ ਆਰਥਿਕ ਪ੍ਰੇਸ਼ਾਨੀਆਂ ਰੱਖੀਆਂ ਗਈਆਂ ਹਨ।ਭਾਰਤ ਵਿੱਚ ਪੰਜ ਕਰੋੜ ਔਰਤਾਂ ਨੂੰ ਆਪਣੇ ਘਰ ਵਿੱਚ ਹੀ ਹਿੰਸਾ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।ਇਨਾਂ ਵਿੱਚੋਂ ਸਿਰਫ 0.1ਫੀਸਦੀ ਔਰਤਾਂ ਅਜਿਹੀ ਹਿੰਸਾ ਖਿਲਾਫ ਮਾਮਲਾ ਦਰਜ ਕਰਾਉਦੀਆਂ ਹਨ।ਆਪਣੇ ਵਿਆਹੁਤਾ ਜੀਵਨ ਨੂੰ ਬਚਾਈ ਰੱਖਣਾ ਤੇ ਪਤੀ ਵਲੋਂ ਇਸੇ ਮਜਬੂਰੀ ਦਾ ਫਾਇਦਾ ਉਠਾਇਆ ਜਾਂਦਾ ਹੈ।ਪੁਲੀਸ ਪੈਸੇ ਲੈ ਕੇ ਪਤੀ ਦੇ ਹੱਕ ਵਿੱਚ ਰਿਪੋਰਟ ਲਿਖ ਦਿੰਦੀ ਹੈ।ਪੰਚਾਇਤਾਂ ਪਰਿਵਾਰ ਨੂੰ ਬਚਾਉਣ ਦਾ ਵਾਸਤਾ ਦੇ ਕੇ ਪਤੀ ਦੇ ਹੱਕ ਵਿੱਚ ਭੁਗਤਦੀਆਂ ਹਨ।ਅਦਾਲਤਾਂ ਦੀਆਂ ਲੰਮੀਆਂ ਤਾਰੀਕਾਂ,ਸਮਾਜ ਦੇ ਤਿੱਖੇ ਮਹਿਣੇ ਔਰਤ ਦੇ ਵਿਰੋਧ ਵਿੱਚ ਭੁਗਤਦੇ ਹਨ।ਮਰਦ ਪ੍ਰਧਾਨ ਸਮਾਜ ਵਿੱਚ ਜਾਪਦਾ ਹੈ ਔਰਤਾਂ ਦੀ ਸੁਰੱਖਿਆ ਦੇ ਜਿੰਮਾ ਕਿਸੇ ਦਾ ਵੀ ਨਹੀਂ।ਨਾ ਪ੍ਰਸ਼ਾਸਨ ਸੁੱਰਖਿਆ ਦੇ ਰਿਹਾ ਤੇ ਨਾ ਹੀ ਪਰਿਵਾਰ ਦੀ ਗਾਰੰਟੀ।2013 ਦੇ ਅੰਕੜੇ ਅਨੁਸਾਰ ਭਾਰਤ ਵਿਚ ਹਰ ਪੰਜ ਮਿੰਟ ਵਿੱਚ ਘਰੇਲੂ ਹਿੰਸਾ ਦਾ ਮਾਮਲਾ ਦਰਜ ਹੁੰਦਾ ਸੀ।ਔਰਤਾਂ ਦੇ ਅਧਿਕਾਰਾਂ ਨਾਲ ਸਬੰਧਿਤ 40 ਤੋਂ ਵੱਧ ਕਾਨੂੰਨ ਬਣਾਏ ਜਾ ਚੁਕੇ ਹਨ। 2008 ਵਿੱਚ ਇਸ ਹਿੰਸਾ ਖਿਲਾਫ ਭਾਰਤ 'ਚ ਘੰਟੀ ਵਜਾਉ ਮੁਹਿੰਮ ਸ਼ੁਰੂ ਕੀਤੀ ਗਈ ਸੀ।ਜਿੰਨਾ ਚਿਰ ਔਰਤ ਨੂੰ ਸਮਾਜਿਕ, ਪਰਿਵਾਰਕ ਤੇ ਪ੍ਰਸ਼ਾਸਨਿਕ ਸੁਰੱਖਿਆ ਨਹੀਂ ਮਿਲਦੀ, ਦੋਸ਼ੀਆਂ ਨੂੰ ਤੁਰੰਤ ਸਜ਼ਾ ਨਹੀ ਦਿਤੀ ਜਾਂਦੀ ਤੇ ਸਮੁੱਚਾ ਸਮਾਜ ਔਰਤ ਪ੍ਰਤੀ ਆਪਣਾ ਨਜ਼ਰੀਆ ਨਹੀ ਬਦਲਦਾ ਉਨਾ ਚਿਰ ਤਕ ਔਰਤ ਅਜ਼ਾਦੀ ਦਾ ਆਨੰਦ ਨਹੀ ਮਾਣ ਸਕਦੀ।ਫਿਰ ਵੀ ਅੱਜ ਦੁਨੀਆਂ ਦੇ 13 ਦੇਸ਼ਾਂ ਦੀਆਂ ਔਰਤਾਂ ਸ਼ਾਸਕ ਹਨ।
*ਕ੍ਰਾਂਤੀਕਾਰੀ ਗਣੇਸ਼ ਸ਼ੰਕਰ ਵਿਦਿਆਰਥੀ* ਇਲਾਹਬਾਦ ਨੇ ਆਰਥਿਕ ਮੁਸ਼ਕਲਾਂ ਦੇ ਬਾਵਜੂਦ ਫ਼ਾਰਸੀ,ਹਿੰਦੀ ਤੇ ਉਰਦੂ ਵਿੱਚ ਪੜਾਈ ਕੀਤੀ ।ਉਨਾਂ ਨੇ ਆਪਣੇ ਸੰਪਾਦਕ ਜੀਵਨ ਦੀ ਸ਼ੁਰੂਆਤ ਕਰਮਯੋਗੀ ਨਾਮ ਦੇ ਰਸਾਲੇ ਨਾਲ ਕੀਤੀ।ਸਮੇਂ ਸਮੇਂ ਤੇ ਉਨਾਂ ਸੁਵਰਾਜ ਅਭਿਆਸ ਹਿਤਵਾਰਤਾ ਆਦਿ ਚ ਲੇਖ ਟਿੱਪਣੀਆਂ ਕੀਤੀਆਂ।ਮੁਖ ਤੌਰ ਤੇ ਪ੍ਰਤਾਪ ਨਾਮ ਪਰਚੇ ਦੇ ਸੰਪਾਦਨ ਦਾ ਕੰਮ ਕੀਤਾ। ਲੋਕ ਪੱਖੀ ਕਿਰਦਾਰ ਅਤੇ ਜੁਝਾਰੂਪਨ ਦੇ ਦਮ ਤੇ ਉਨਾਂ ਪ੍ਰਤਾਪ ਸਮਾਜ ਦੇ ਪ੍ਰਗਟਾਵੇ ਦਾ ਕੇਂਦਰ ਬਣਾ ਦਿਤਾ।ਇਸਦਾ ਵਿਸ਼ਾ ਵਸਤੂ, ਭੂਮਿਕਾ ਅਤੇ ਵਿਸ਼ਾਲ ਪ੍ਰਸਾਰ ਦੀ ਗਿਣਤੀ ਨੂੰ ਵੇਖਦੇ ਹੋਏ ਉਸਨੂੰ ਹਿੰਦੀ ਦਾ ਪਹਿਲਾ ਕੌਮੀ ਰਸਾਲਾ ਕਹਿਆ ਜਾ ਸਕਦਾ ਹੈ।ਇਸ ਵਿਚਲੇ ਲੇਖਾਂ ਨੇ ਕੌਮੀ ਜਾਗ ਦੇ ਸੁਨੇਹੇ ਨੂੰ ਲੋਕਾਂ ਤਕ ਪਹੁੰਚਾਣ ਵਿੱਚ ਮਹੱਤਵਪੂਰਨ ਰੋਲ ਅਦਾ ਕੀਤਾ। ਵਿਦਿਆਰਥੀ ਜੀ ਨਿਡਰ ਲੇਖ ਲਿਖਣ ਦੇ ਨਾਲ ਨਾਲ ਮਜਦੂਰਾਂ ਤੇ ਕਿਸਾਨ ਲਹਿਰਾਂ ਵਿੱਚ ਹਿਸਾ ਲੈਣ ਕਾਰਨ ਕਈ ਵਾਰ ਜੇਲ ਗਏ।ਹਿੰਦੂ ਕੌਮਵਾਦ,ਜਾਤ ਦੇ ਸਵਾਲ ਤੇ ਹਥਿਆਰਬੰਦ ਇਨਕਲਾਬ ਦੇ ਸਵਾਲਾਂ ਤੇ ਸਮੇ ਸਮੇ ਆਪਣੀ ਸਮਝ ਰਖਦੇ ਰਹੇ।ਫਿਰਕਾਪਰਸਤੀ ਦੇ ਮਸਲੇ ਉਤੇ ਉਨਾਂ ਨੇ ਜਿਨਾਹ,ਲਾਜਪਤ ਰਾਏ, ਸਾਵਰਕਾਰ ਤੇ ਭਾਈ ਪਰਮਾਨੰਦ ਦੀ ਅਲੋਚਨਾ ਕੀਤੀ।ਕਈ ਸਵਾਲਾਂ ਤੇ ਕਾਂਗਰਸ ਦਾ ਵਿਰੋਧ ਕੀਤਾ।ਉਨਾਂ ਹਥਿਆਰਬੰਦ ਇਨਕਲਾਬ ਦੇ ਮਸਲੇ ਤੇ ਮਤਭੇਦ ਹੋਣ ਦੇ ਬਾਵਜੂਦ ਸ਼ਹੀਦ ਭਗਤ ਸਿੰਘ, ਚੰਦਰ ਸ਼ੇਖਰ ਅਜਾਦ ਤੇ ਹੋਰ ਕਰਾਂਤੀਕਾਰੀਆਂ ਦਾ ਸਾਥ ਦਿੱਤਾ ਤੇ ਪੱਤਰਕਾ ਰਸਾਲੇ ਵਿਚ ਉਨਾਂ ਤੇ ਖਾਸ ਕਰਕੇ ਸ਼ਹੀਦ ਭਗਤ ਸਿੰਘ ਦੇ ਲੇਖਾਂ ਨੂੰ ਅਹਿਮ ਸਥਾਨ ਦਿਤਾ।ਉਨਾਂ 1925 ਵਿਚ ਕਾਨਪੁਰ ਦੇ ਪੰਜੀ ਹਜ਼ਾਰ ਮਜਦੂਰਾਂ ਦੀ ਮਜਦੂਰੀ ਦੇ ਸੁਆਲ ਤੇ ਹੜਤਾਲ ਦੀ ਅਗਵਾਈ ਕੀਤੀ। ਮਾਰਕਸਵਾਦੀ ਨਾ ਹੋਣ ਦੇ ਬਾਵਜੂਦ ਉਨਾਂ ਰੂਸੀ ਇਨਕਲਾਬ ਦਾ ਸੁਆਗਤ ਕੀਤਾ।

25/10/2023

ਉਨ੍ਹਾਂ ਕਿਹਾ ਸੀ:

1️⃣ ਨੈਤਿਕਤਾ ਦੇ ਕਿਹੜੇ ਮਾਪਦੰਡ ਰਾਹੀਂ ਇੱਕ ਗੁਲਾਮ ਦੁਆਰਾ ਆਪਣੀਆਂ ਬੇੜੀਆਂ ਨੂੰ ਤੋੜਣ ਲਈ ਕੀਤੀ ਗਈ ਹਿੰਸਾ ਨੂੰ ਇੱਕ ਗੁਲਾਮ-ਮਾਲਕ ਦੀ ਹਿੰਸਾ ਦੇ ਬਰਾਬਰ ਸਮਝਿਆ ਜਾ ਸਕਦਾ ਹੈ।

- ਵਾਲਟਰ ਰੋਡਨੀ (23 ਮਾਰਚ, 1942 -13 ਜੂਨ, 1980)

➖➖➖➖➖➖➖➖

2️⃣ ਮਜ਼ਦੂਰ ਦਾ ਹੱਕ:
ਜਦੋਂ ਕੋਈ ਵੀ ਸਖ਼ਤ ਮਿਹਨਤ ਨਾਲ਼ ਕੋਈ ਚੀਜ਼ ਪੈਦਾ ਕਰਦਾ ਹੈ ਤਾਂ ਉਸ ਨੂੰ ਇਹ ਦੱਸਣ ਲਈ ਕਿਸੇ ਰੱਬੀ ਪੈਗ਼ਾਮ ਦੀ ਲੋੜ ਨਹੀਂ ਹੁੰਦੀ ਕਿ ਪੈਦਾ ਕੀਤੀ ਗਈ ਚੀਜ਼ 'ਤੇ ਉਸੇ ਦਾ ਹੱਕ ਹੈ।
- ਰਾਬਰਟ ਜੀ. ਇੰਗਰਸੋਲ (11 ਅਗਸਤ, 1833 - 21 ਜੁਲਾਈ, 1899)

➖➖➖➖➖➖➖➖

3️⃣ ਲੋਕਾਂ ਦੇ ਸਿਰ ਕਲਮ ਕਰ ਦਿੱਤੇ ਜਾਣ ਨੂੰ ਤਾਂ ਅਸੀਂ ਭਿਆਨਕ ਮੰਨਦੇ ਹਾਂ, ਪਰ ਸਾਨੂੰ ਜੀਵਨ ਭਰ ਬਰਕਰਾਰ ਰਹਿਣ ਵਾਲ਼ੀ ਮੌਤ ਦੀ ਉਸ ਭਿਆਨਕਤਾ ਨੂੰ ਦੇਖਣਾ ਨਹੀਂ ਸਿਖਾਇਆ ਗਿਆ ਹੈ ਜਿਹੜੀ ਗ਼ਰੀਬੀ ਅਤੇ ਜ਼ੁਲਮ ਰਾਹੀਂ ਵਿਆਪਕ ਅਬਾਦੀ 'ਤੇ ਥੋਪ ਦਿੱਤੀ ਗਈ ਹੈ।
- ਮਾਰਕ ਟਵੇਨ (30 ਨਵੰਬਰ 1835- 21 ਅਪ੍ਰੈਲ, 1910)

➖➖➖➖➖➖➖➖

4️⃣ ਜੇਕਰ ਤੁਸੀਂ ਸੁਚੇਤ ਨਹੀਂ ਰਹੋਂਗੇ ਤਾਂ ਅਖ਼ਬਾਰ ਤੁਹਾਨੂੰ ਉਹਨਾਂ ਲੋਕਾਂ ਨਾਲ਼ ਨਫ਼ਰਤ ਕਰਨੀ ਸਿਖਾ ਦੇਣਗੇ ਜਿਨ੍ਹਾਂ ਦਾ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ ਅਤੇ ਉਹਨਾਂ ਲੋਕਾਂ ਨਾਲ਼ ਪਿਆਰ ਕਰਨਾ ਸਿਖਾ ਦੇਣਗੇ ਜਿਹੜੇ ਸ਼ੋਸ਼ਣ ਕਰ ਰਹੇ ਹਨ।
-ਮੈਲਕਮ ਐਕਸ (19 ਮਈ, 1925 - 21 ਫ਼ਰਵਰੀ, 1965)

https://m.facebook.com/story.php?story_fbid=361054322932104&id=100070826175344&sfnsn=wiwspmo&mibextid=6aamW6
➖➖➖➖➖➖➖➖

📬 *ਅਦਾਰਾ ਦਖ਼ਲ ਤਰਕਸ਼ ਮੈਗਜ਼ੀਨ* 📬

*ਵਟਸਐਪ ਗਰੁੱਪ ਅਤੇ ਫੇਸਬੁੱਕ ਪੇਜ਼*

👉ਹਰ ਰੋਜ਼ ਅਗਾਂਹਵਧੂ ਸਾਹਿਤ ਦੇ ਰੂਪ ਵਿੱਚ ਕਵਿਤਾ, ਕਹਾਣੀ , ਵਿਅੰਗ ਅਤੇ ਸਿਆਸੀ-ਸਮਾਜਿਕ-ਆਰਥਕ ਮੁੱਦਿਆਂ-ਮਸਲਿਆਂ 'ਤੇ ਲੇਖ ਆਦਿ ਪ੍ਰਾਪਤ ਕਰਨ ਲਈ ਜੁੜੋ ਸਾਡੇ ਵਟਸਐਪ ਗਰੁੱਪ ਨਾਲ਼ ਜਿਸਦਾ ਲਿੰਕ ਹੇਠਾਂ ਦਿੱਤਾ ਹੈ:

https://chat.whatsapp.com/Hk3aPB9JePc4ASS5PhdjUL

💾 ਫੇਸਬੁੱਕ ਪੇਜ:

https://www.facebook.com/tarkash.mag?mibextid=ZbWKwL

https://www.facebook.com/DakhalEkInqalabiPahal?mibextid=ZbWKwL

🖥️ ਪੇਸ਼ਕਸ਼: ਤਰਕਸ਼ ਮੈਗਜ਼ੀਨ

▪️ਤੁਹਾਨੂੰ ਅਪੀਲ ਹੈ ਕਿ ਇਨ੍ਹਾਂ ਦੋਵਾਂ ਮਾਧਿਅਮਾਂ ਰਾਹੀਂ ਸਾਡੇ ਨਾਲ਼ ਜ਼ਰੂਰ ਜੁੜੋ।

👉ਜੇਕਰ ਕੋਈ ਮੁਸ਼ਕਿਲ ਆਉਂਦੀ ਹੈ ਤਾਂ ਤੁਸੀਂ ਹੇਠ ਲਿਖੇ ਨੰਬਰਾਂ 'ਤੇ ਆਪਣਾ ਨਾਂ ਅਤੇ ਜ਼ਿਲ੍ਹਾ ਲਿਖ ਕੇ ਭੇਜ ਸਕਦੇ ਹੋ

9888080820

8699630308

ਉਨ੍ਹਾਂ ਕਿਹਾ ਸੀ:

1️⃣ ਨੈਤਿਕਤਾ ਦੇ ਕਿਹੜੇ ਮਾਪਦੰਡ ਰਾਹੀਂ ਇੱਕ ਗੁਲਾਮ ਦੁਆਰਾ ਆਪਣੀਆਂ ਬੇੜੀਆਂ ਨੂੰ ਤੋੜਣ ਲਈ ਕੀਤੀ ਗਈ ਹਿੰਸਾ ਨੂੰ ਇੱਕ ਗੁਲਾਮ-ਮਾਲਕ ਦੀ ਹਿੰਸਾ ਦੇ ਬਰਾਬਰ ਸਮਝਿਆ ਜਾ ਸਕਦਾ ਹੈ।

- ਵਾਲਟਰ ਰੋਡਨੀ (23 ਮਾਰਚ, 1942 -13 ਜੂਨ, 1980)

➖➖➖➖➖➖➖➖

2️⃣ ਮਜ਼ਦੂਰ ਦਾ ਹੱਕ:
ਜਦੋਂ ਕੋਈ ਵੀ ਸਖ਼ਤ ਮਿਹਨਤ ਨਾਲ਼ ਕੋਈ ਚੀਜ਼ ਪੈਦਾ ਕਰਦਾ ਹੈ ਤਾਂ ਉਸ ਨੂੰ ਇਹ ਦੱਸਣ ਲਈ ਕਿਸੇ ਰੱਬੀ ਪੈਗ਼ਾਮ ਦੀ ਲੋੜ ਨਹੀਂ ਹੁੰਦੀ ਕਿ ਪੈਦਾ ਕੀਤੀ ਗਈ ਚੀਜ਼ 'ਤੇ ਉਸੇ ਦਾ ਹੱਕ ਹੈ।
- ਰਾਬਰਟ ਜੀ. ਇੰਗਰਸੋਲ (11 ਅਗਸਤ, 1833 - 21 ਜੁਲਾਈ, 1899)

➖➖➖➖➖➖➖➖

3️⃣ ਲੋਕਾਂ ਦੇ ਸਿਰ ਕਲਮ ਕਰ ਦਿੱਤੇ ਜਾਣ ਨੂੰ ਤਾਂ ਅਸੀਂ ਭਿਆਨਕ ਮੰਨਦੇ ਹਾਂ, ਪਰ ਸਾਨੂੰ ਜੀਵਨ ਭਰ ਬਰਕਰਾਰ ਰਹਿਣ ਵਾਲ਼ੀ ਮੌਤ ਦੀ ਉਸ ਭਿਆਨਕਤਾ ਨੂੰ ਦੇਖਣਾ ਨਹੀਂ ਸਿਖਾਇਆ ਗਿਆ ਹੈ ਜਿਹੜੀ ਗ਼ਰੀਬੀ ਅਤੇ ਜ਼ੁਲਮ ਰਾਹੀਂ ਵਿਆਪਕ ਅਬਾਦੀ 'ਤੇ ਥੋਪ ਦਿੱਤੀ ਗਈ ਹੈ।
- ਮਾਰਕ ਟਵੇਨ (30 ਨਵੰਬਰ 1835- 21 ਅਪ੍ਰੈਲ, 1910)

➖➖➖➖➖➖➖➖

4️⃣ ਜੇਕਰ ਤੁਸੀਂ ਸੁਚੇਤ ਨਹੀਂ ਰਹੋਂਗੇ ਤਾਂ ਅਖ਼ਬਾਰਾਂ ਤੁਹਾਨੂੰ ਉਹਨਾਂ ਲੋਕਾਂ ਨਾਲ਼ ਨਫ਼ਰਤ ਕਰਨੀ ਸਿਖਾ ਦੇਣਗੀਆਂ ਜਿਨ੍ਹਾਂ ਦਾ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ ਅਤੇ ਉਹਨਾਂ ਲੋਕਾਂ ਨਾਲ਼ ਪਿਆਰ ਕਰਨਾ ਸਿਖਾ ਦੇਣਗੀਆਂ ਜਿਹੜੇ ਸ਼ੋਸ਼ਣ ਕਰ ਰਹੇ ਹਨ।
-ਮੈਲਕਮ ਐਕਸ (19 ਮਈ, 1925 - 21 ਫ਼ਰਵਰੀ, 1965)

➖➖➖➖➖➖➖➖

📬 *ਅਦਾਰਾ ਦਖ਼ਲ ਤਰਕਸ਼ ਮੈਗਜ਼ੀਨ* 📬

*ਵਟਸਐਪ ਗਰੁੱਪ ਅਤੇ ਫੇਸਬੁੱਕ ਪੇਜ਼*

👉ਹਰ ਰੋਜ਼ ਅਗਾਂਹਵਧੂ ਸਾਹਿਤ ਦੇ ਰੂਪ ਵਿੱਚ ਕਵਿਤਾ, ਕਹਾਣੀ , ਵਿਅੰਗ ਅਤੇ ਸਿਆਸੀ-ਸਮਾਜਿਕ-ਆਰਥਕ ਮੁੱਦਿਆਂ-ਮਸਲਿਆਂ 'ਤੇ ਲੇਖ ਆਦਿ ਪ੍ਰਾਪਤ ਕਰਨ ਲਈ ਜੁੜੋ ਸਾਡੇ ਵਟਸਐਪ ਗਰੁੱਪ ਨਾਲ਼ ਜਿਸਦਾ ਲਿੰਕ ਹੇਠਾਂ ਦਿੱਤਾ ਹੈ:

https://chat.whatsapp.com/Hk3aPB9JePc4ASS5PhdjUL

💾 ਫੇਸਬੁੱਕ ਪੇਜ:

https://www.facebook.com/tarkash.mag?mibextid=ZbWKwL

https://www.facebook.com/DakhalEkInqalabiPahal?mibextid=ZbWKwL

🖥️ ਪੇਸ਼ਕਸ਼: ਤਰਕਸ਼ ਮੈਗਜ਼ੀਨ

▪️ਤੁਹਾਨੂੰ ਅਪੀਲ ਹੈ ਕਿ ਇਨ੍ਹਾਂ ਦੋਵਾਂ ਮਾਧਿਅਮਾਂ ਰਾਹੀਂ ਸਾਡੇ ਨਾਲ਼ ਜ਼ਰੂਰ ਜੁੜੋ।

👉ਜੇਕਰ ਕੋਈ ਮੁਸ਼ਕਿਲ ਆਉਂਦੀ ਹੈ ਤਾਂ ਤੁਸੀਂ ਹੇਠ ਲਿਖੇ ਨੰਬਰਾਂ 'ਤੇ ਆਪਣਾ ਨਾਂ ਅਤੇ ਜ਼ਿਲ੍ਹਾ ਲਿਖ ਕੇ ਭੇਜ ਸਕਦੇ ਹੋ

9888080820

8699630308

25/10/2023

ਨਿਠਾਰੀ ਕਾਂਡ :ਹਾਈਕੋਰਟ ਦਾ ਸ਼ਰਮਨਾਕ ਫੈਸਲਾ; ਮਨਿੰਦਰ ਪੰਧੇਰ ਅਤੇ ਸੁਰਿੰਦਰ ਕੋਲੀ ਰਿਹਾਅ

ਪਿਛਲੇ ਦਿਨੀਂ ਇਲਾਹਾਬਾਦ ਹਾਈਕੋਰਟ ਨੇ 2006 ਵਿੱਚ ਵਾਪਰੇ ਬੱਚਿਆਂ ਦੇ ਲੜੀਵਾਰ ਕਤਲ-ਕਾਂਡ ਦੇ ਮੁੱਖ ਦੋਸ਼ੀ ਮਨਿੰਦਰ ਪੰਧੇਰ ਅਤੇ ਉਸ ਦੇ ਨੌਕਰ ਸੁਰਿੰਦਰ ਕੋਲੀ ਨੂੰ ਇਹ ਕਹਿ ਕੇ ਬਰੀ ਕਰ ਦਿੱਤਾ ਕਿ ਇਸਤਗਾਸਾ ਪੱਖ ਇਹਨਾਂ ਦੇ ਦੋਸ਼ ਸਾਬਿਤ ਕਰਨ ‘ਚ ਸਫ਼ਲ ਨਹੀਂ ਹੋ ਸਕਿਆ ਅਤੇ ਜਾਂਚ ਵਿੱਚ ਖ਼ਾਮੀਆਂ ਹਨ। ਅੱਜ 17 ਸਾਲਾਂ ਬਾਅਦ ਵੀ ਉਹਨਾਂ ਕਿਰਤੀ ਮਾਪਿਆਂ ਦੇ ਦਿਲੋ-ਦਿਮਾਗ਼ ‘ਤੇ ਕੀ ਬੀਤੀ ਹੋਵੇਗੀ, ਜਿਨ੍ਹਾਂ ਦੇ ਬੱਚਿਆਂ ਨੂੰ ਅਗਵਾ ਕਰਕੇ ਨੋਇਡਾ ਦੇ ਸੈਕਟਰ 31 ਦੀ ਕੋਠੀ ਨੰਬਰ 5 ਵਿੱਚ ਪਹਿਲਾਂ ਕੋਹ-ਕੋਹ ਕੇ ਮਾਰਿਆ ਜਾਂਦਾ ਰਿਹਾ, ਫਿਰ ਉਹਨਾਂ ਦੇ ਅੰਗ ਕੱਟ ਕੇ ਵੇਚੇ ਜਾਂਦੇ ਰਹੇ ਤੇ ਫੇਰ ਬਾਕੀ ਬਚੇ ਅੰਗਾਂ ਦੀ ਬਦਬੂ ਖ਼ਤਮ ਕਰਨ ਲਈ ਪਾਣੀ ਵਿੱਚ ਉਬਾਲੇ ਜਾਣ ਦਾ ਅਤਿ-ਘਿਨਾਉਣਾ, ਅਤਿ ਸ਼ਰਮਨਾਕ ਕਾਰਾ ਸ਼ਰੇਆਮ ਵਾਪਰਦਾ ਰਿਹਾ। ਅਜਿਹੇ ਪਤਿਤ ਅਪਰਾਧੀਆਂ ਨੂੰ ਬਰੀ ਕਰਕੇ ਪੂੰਜੀਵਾਦੀ ਨਿਆਂ-ਪ੍ਰਬੰਧ ਦੇ ਘਿਨਾਉਣੇ ਚਿਹਰੇ ਤੋਂ ਰਹਿੰਦਾ-ਖੂੰਹਦਾ ਪਰਦਾ ਵੀ ਲੱਥ ਗਿਆ ਹੈ। ਇਹ ਪੂੰਜੀਵਾਦੀ ਸੱਭਿਅਤਾ ਦੀ ਪਤਨਸ਼ੀਲਤਾ ਦਾ ਸਿਖ਼ਰ ਹੈ। ਦੇਸ਼ ਵਿੱਚੋਂ ਹਰ ਸਾਲ ਹਜ਼ਾਰਾਂ ਬੱਚੇ ਗੁੰਮ ਹੁੰਦੇ ਹਨ , ਜਿਨ੍ਹਾਂ ਦੀ ਕੋਈ ਉੱਘ-ਸੁੱਘ ਨਹੀਂ ਨਿਕਲਦੀ। ਦਰਅਸਲ ਇਹ ਗੁੰਡੇ ਅਪਰਾਧੀਆਂ, ਸਿਆਸਤਦਾਨਾਂ ਅਤੇ ਡਾਕਟਰੀ ਪੇਸ਼ੇ ਨਾਲ਼ ਜੁੜੇ ਪਤਿਤ ਅਨਸਰਾਂ ਦਾ ਅਜਿਹਾ ਗਠਜੋੜ ਹੈ ਜੋ ਬੱਚਿਆਂ ਨੂੰ ਅਗਵਾ ਕਰਕੇ ਉਹਨਾਂ ਨਾਲ਼ ਪਾਸ਼ਵਿਕ ਦੁਰਾਚਾਰ ਤੋਂ ਲੈ ਕੇ ਉਹਨਾਂ ਦੇ ਅੰਗਾਂ ਦਾ ਵਪਾਰ ਕਰਦਾ ਹੈ। ਅਜਿਹੇ ਕੁਕਰਮਾਂ ਦਾ ਸ਼ਿਕਾਰ ਬੱਚੇ ਆਮ ਤੌਰ ‘ਤੇ ਮਜ਼ਦੂਰ ਜਮਾਤ ਦੇ ਹੁੰਦੇ ਹਨ, ਜਿਹੜੇ ਪੂੰਜੀਵਾਦੀ ਤੰਤਰ ਦੀ ਸਮੁੱਚੀ ਮਸ਼ੀਨਰੀ ਲਈ ਕੀੜੇ-ਮਕੌੜਿਆਂ ਤੋਂ ਵੱਧ ਕੁੱਝ ਵੀ ਨਹੀਂ ਹੁੰਦੇ। ਹਰ ਜ਼ੁਲਮ ਦੀ ਇੱਕ ਇੰਤਹਾ ਹੁੰਦੀ ਹੈ। ਨਿਰਦੋਸ਼ ਬੱਚਿਆਂ ਦੀ ਇਹ ਬਰਬਰ ਕਹਾਣੀ ਇਤਿਹਾਸ ਦੇ ਪੰਨਿਆਂ ‘ਤੇ ਹਮੇਸ਼ਾ ਲਈ ਉੱਕਰੀ ਰਹੇਗੀ । ਆਖ਼ਰ ਮਜ਼ਦੂਰ ਜਮਾਤ ਦੀ ਸਚੇਤਨ ਜੰਗ ਪੂੰਜੀਵਾਦ ਨੂੰ ਇਤਿਹਾਸ ਦੇ ਕੂੜੇਦਾਨ 'ਚ ਲਾਜ਼ਮੀ ਸੁੱਟੇਗੀ। ਇਸ ਨਵੇਂ ਯੁੱਗ ਵਿੱਚ ਹੀ ਸਾਡੇ ਬੱਚੇ ਅਜ਼ਾਦ ਫਿਜ਼ਾ ‘ਚ ਸਾਹ ਲੈ ਸਕਣਗੇ ,ਜਿੱਥੇ ਇਹਨਾਂ ਕੋਮਲ ਫੁੱਲਾਂ ਨੂੰ ਖਿੜਨ ਲਈ ਢੁਕਵਾਂ ਮਾਹੌਲ ਮਿਲ਼ ਸਕੇਗਾ।

ਨਿਠਾਰੀ ਕਾਂਡ :ਹਾਈਕੋਰਟ ਦਾ ਸ਼ਰਮਨਾਕ ਫੈਸਲਾ; ਮਨਿੰਦਰ ਪੰਧੇਰ ਅਤੇ ਸੁਰਿੰਦਰ ਕੋਲੀ ਰਿਹਾਅ

ਪਿਛਲੇ ਦਿਨੀਂ ਇਲਾਹਾਬਾਦ ਹਾਈਕੋਰਟ ਨੇ 2006 ਵਿੱਚ ਵਾਪਰੇ ਬੱਚਿਆਂ ਦੇ ਲੜੀਵਾਰ ਕਤਲ-ਕਾਂਡ ਦੇ ਮੁੱਖ ਦੋਸ਼ੀ ਮਨਿੰਦਰ ਪੰਧੇਰ ਅਤੇ ਉਸ ਦੇ ਨੌਕਰ ਸੁਰਿੰਦਰ ਕੋਲੀ ਨੂੰ ਇਹ ਕਹਿ ਕੇ ਬਰੀ ਕਰ ਦਿੱਤਾ ਕਿ ਇਸਤਗਾਸਾ ਪੱਖ ਇਹਨਾਂ ਦੇ ਦੋਸ਼ ਸਾਬਿਤ ਕਰਨ ‘ਚ ਸਫ਼ਲ ਨਹੀਂ ਹੋ ਸਕਿਆ ਅਤੇ ਜਾਂਚ ਵਿੱਚ ਖ਼ਾਮੀਆਂ ਹਨ। ਅੱਜ 17 ਸਾਲਾਂ ਬਾਅਦ ਵੀ ਉਹਨਾਂ ਕਿਰਤੀ ਮਾਪਿਆਂ ਦੇ ਦਿਲੋ-ਦਿਮਾਗ਼ ‘ਤੇ ਕੀ ਬੀਤੀ ਹੋਵੇਗੀ, ਜਿਨ੍ਹਾਂ ਦੇ ਬੱਚਿਆਂ ਨੂੰ ਅਗਵਾ ਕਰਕੇ ਨੋਇਡਾ ਦੇ ਸੈਕਟਰ 31 ਦੀ ਕੋਠੀ ਨੰਬਰ 5 ਵਿੱਚ ਪਹਿਲਾਂ ਕੋਹ-ਕੋਹ ਕੇ ਮਾਰਿਆ ਜਾਂਦਾ ਰਿਹਾ, ਫਿਰ ਉਹਨਾਂ ਦੇ ਅੰਗ ਕੱਟ ਕੇ ਵੇਚੇ ਜਾਂਦੇ ਰਹੇ ਤੇ ਫੇਰ ਬਾਕੀ ਬਚੇ ਅੰਗਾਂ ਦੀ ਬਦਬੂ ਖ਼ਤਮ ਕਰਨ ਲਈ ਪਾਣੀ ਵਿੱਚ ਉਬਾਲੇ ਜਾਣ ਦਾ ਅਤਿ-ਘਿਨਾਉਣਾ, ਅਤਿ ਸ਼ਰਮਨਾਕ ਕਾਰਾ ਸ਼ਰੇਆਮ ਵਾਪਰਦਾ ਰਿਹਾ। ਅਜਿਹੇ ਪਤਿਤ ਅਪਰਾਧੀਆਂ ਨੂੰ ਬਰੀ ਕਰਕੇ ਪੂੰਜੀਵਾਦੀ ਨਿਆਂ-ਪ੍ਰਬੰਧ ਦੇ ਘਿਨਾਉਣੇ ਚਿਹਰੇ ਤੋਂ ਰਹਿੰਦਾ-ਖੂੰਹਦਾ ਪਰਦਾ ਵੀ ਲੱਥ ਗਿਆ ਹੈ। ਇਹ ਪੂੰਜੀਵਾਦੀ ਸੱਭਿਅਤਾ ਦੀ ਪਤਨਸ਼ੀਲਤਾ ਦਾ ਸਿਖ਼ਰ ਹੈ। ਦੇਸ਼ ਵਿੱਚੋਂ ਹਰ ਸਾਲ ਹਜ਼ਾਰਾਂ ਬੱਚੇ ਗੁੰਮ ਹੁੰਦੇ ਹਨ , ਜਿਨ੍ਹਾਂ ਦੀ ਕੋਈ ਉੱਘ-ਸੁੱਘ ਨਹੀਂ ਨਿਕਲਦੀ। ਦਰਅਸਲ ਇਹ ਗੁੰਡੇ ਅਪਰਾਧੀਆਂ, ਸਿਆਸਤਦਾਨਾਂ ਅਤੇ ਡਾਕਟਰੀ ਪੇਸ਼ੇ ਨਾਲ਼ ਜੁੜੇ ਪਤਿਤ ਅਨਸਰਾਂ ਦਾ ਅਜਿਹਾ ਗਠਜੋੜ ਹੈ ਜੋ ਬੱਚਿਆਂ ਨੂੰ ਅਗਵਾ ਕਰਕੇ ਉਹਨਾਂ ਨਾਲ਼ ਪਾਸ਼ਵਿਕ ਦੁਰਾਚਾਰ ਤੋਂ ਲੈ ਕੇ ਉਹਨਾਂ ਦੇ ਅੰਗਾਂ ਦਾ ਵਪਾਰ ਕਰਦਾ ਹੈ। ਅਜਿਹੇ ਕੁਕਰਮਾਂ ਦਾ ਸ਼ਿਕਾਰ ਬੱਚੇ ਆਮ ਤੌਰ ‘ਤੇ ਮਜ਼ਦੂਰ ਜਮਾਤ ਦੇ ਹੁੰਦੇ ਹਨ, ਜਿਹੜੇ ਪੂੰਜੀਵਾਦੀ ਤੰਤਰ ਦੀ ਸਮੁੱਚੀ ਮਸ਼ੀਨਰੀ ਲਈ ਕੀੜੇ-ਮਕੌੜਿਆਂ ਤੋਂ ਵੱਧ ਕੁੱਝ ਵੀ ਨਹੀਂ ਹੁੰਦੇ। ਹਰ ਜ਼ੁਲਮ ਦੀ ਇੱਕ ਇੰਤਹਾ ਹੁੰਦੀ ਹੈ। ਨਿਰਦੋਸ਼ ਬੱਚਿਆਂ ਦੀ ਇਹ ਬਰਬਰ ਕਹਾਣੀ ਇਤਿਹਾਸ ਦੇ ਪੰਨਿਆਂ ‘ਤੇ ਹਮੇਸ਼ਾ ਲਈ ਉੱਕਰੀ ਰਹੇਗੀ । ਆਖ਼ਰ ਮਜ਼ਦੂਰ ਜਮਾਤ ਦੀ ਸਚੇਤਨ ਜੰਗ ਪੂੰਜੀਵਾਦ ਨੂੰ ਇਤਿਹਾਸ ਦੇ ਕੂੜੇਦਾਨ 'ਚ ਲਾਜ਼ਮੀ ਸੁੱਟੇਗੀ। ਇਸ ਨਵੇਂ ਯੁੱਗ ਵਿੱਚ ਹੀ ਸਾਡੇ ਬੱਚੇ ਅਜ਼ਾਦ ਫਿਜ਼ਾ ‘ਚ ਸਾਹ ਲੈ ਸਕਣਗੇ ,ਜਿੱਥੇ ਇਹਨਾਂ ਕੋਮਲ ਫੁੱਲਾਂ ਨੂੰ ਖਿੜਨ ਲਈ ਢੁਕਵਾਂ ਮਾਹੌਲ ਮਿਲ਼ ਸਕੇਗਾ ।

25/10/2023

ਸਵੈ-ਇੱਛਿਤ ਪੈਨਸ਼ਨ ਪ੍ਰਣਾਲੀ ਆਖਰ ਹੈ ਕੀ ?
ਕੀ ਹਨ ਇਸ ਦੇ ਨੁਕਸਾਨ ?
ਡਾ: ਅਜੀਤਪਾਲ ਸਿੰਘ ਐਮ ਡੀ,
ਨਿਊ ਪੈਨਸ਼ਨ ਸਕੀਮ ਜਾਂ ਨੈਸ਼ਨਲ ਪੈਨਸ਼ਨ ਸਿਸਟਮ ਜਿਸ ਨੂੰ ਸੰਖੇਪ ਵਿੱਚ ਐਨਪੀਐਸ ਕਿਹਾ ਜਾਂਦਾ ਹੈ, ਕੇਂਦਰ ਸਰਕਾਰ ਦੁਆਰਾ ਪ੍ਰਯੋਜਿਤ ਇਕ ਸਵੈ-ਇਛਤ ਪੈਨਸ਼ਨ ਪ੍ਰਣਾਲੀ ਹੈ। ਸੰਨ 2003 ਵਿੱਚ ਭਾਜਪਾ ਦੀ ਅਗਵਾਈ ਵਾਲੀ ਐਨਡੀਏ ਸਰਕਾਰ ਨੇ ਸਰਕਾਰੀ ਕਰਮਚਾਰੀਆਂ ਦੀ ਪੈਨਸ਼ਨ ਖਤਮ ਕਰਕੇ 2004 ਵਿੱਚ ਇਸ ਨਵੀਂ ਪੈਨਸ਼ਨ ਯੋਜਨਾ ਦੀ ਸ਼ੁਰੂਆਤ ਕੀਤੀ। ਪਹਿਲਾਂ ਇਹ ਸਿਰਫ ਸਰਕਾਰੀ ਕਰਮਚਾਰੀਆਂ ਲਈ ਹੀ ਲਾਗੂ ਕੀਤੀ ਗਈ ਸੀ, ਪਰ 2009 ਚ ਇਸ 'ਚ ਅਾਮ ਲੋਕਾਂ ਨੂੰ ਵੀ ਨਿਵੇਸ਼ ਦੀ ਇਜਾਜ਼ਤ ਦੇ ਦਿੱਤੀ ਗਈ ਅਤੇ 2011 ਚ ਇਸ ਨੂੰ ਕਾਰਪੋਰੇਟ ਸੈਕਟਰ ਦੇ ਕਰਮਚਾਰੀਆਂ ਲਈ ਵੀ ਖੋਲ੍ਹ ਦਿੱਤਾ ਗਿਆ। ਜਦ ਇੱਕ ਕਰਮਚਾਰੀ ਦਾ ਐੱਨਪੀਐੱਸ ਖਾਤਾ ਖੋਲਿਆ ਜਾਂਦਾ ਹੈ ਤਾਂ ਉਸ ਨੂੰ ਇੱਕ ਪਰਮਾਨੈਂਟ ਰਿਟਾਇਰਮੈਂਟ ਅਕਾਊਂਟ ਨੰਬਰ (ਪ੍ਰਾਣ) ਦਿੱਤਾ ਜਾਂਦਾ ਹੈ। ਨੌਕਰੀ ਬਦਲਦੇ ਸਮੇਂ ਕਰਮਚਾਰੀ ਨੂੰ ਨਵਾਂ ਖਾਤਾ ਖੋਲ੍ਹਣ ਦੀ ਲੋੜ ਨਹੀਂ ਪੈਂਦੀ। ਇਸ ਵਿੱਚ 18 ਤੋਂ 65 ਸਾਲ ਦੀ ਉਮਰ ਦਾ ਕੋਈ ਵੀ ਨਾਗਰਿਕ ਖਾਤਾ ਖੋਲ੍ਹ ਸਕਦਾ ਹੈ। ਇਸ ਯੋਜਨਾ ਦੇ ਤਹਿਤ ਜਮ੍ਹਾ ਧੰਨ ਰਾਸ਼ੀ ਦਾ ਸੰਚਾਲਨ ਫੰਡ ਮੈਨੇਜਰਾਂ ਦੁਅਾਰਾ ਕੀਤਾ ਜਾਂਦਾ ਹੈ, ਜੋ ਪੈਨਸ਼ਨ ਫੰਡ ਰੈਗੂਲੇਟਰ ਐਂਡ ਡਿਵੈਲਮੈਂਟ ਏਜੰਸੀ (ਪੀਐੱਫਆਰਡੀਏ) ਦੇ ਅਧੀਨ ਹੁੰਦੇ ਹਨ। ਇਸ ਯੋਜਨਾ ਵਿੱਚ ਕਰਮਚਾਰੀ ਆਪਣੇ ਤਨਖਾਹ ਦਾ ਦਸ ਫੀਸਦੀ ਹਿੱਸਾ ਹਰ ਮਹੀਨੇ ਜਮ੍ਹਾਂ ਕਰਦਾ ਹੈ।ਉਸ ਦਾ ਇੰਪਲਾਇਰ ਵੀ ਉਨੀ ਹੀ ਰਾਸ਼ੀ ਦਾ ਆਪਣਾ ਯੋਗਦਾਨ ਪਾਉਂਦਾ ਹੈ। ਐਨਪੀਐਸ ਦੇ ਤਹਿਤ ਜਮਾਂ ਰਾਸ਼ੀ ਦਾ ਨਿਵੇਸ਼ ਨਿਮਨਲਿਖਤ ਸੰਪਤੀਆਂ ਵਿੱਚ ਕੀਤਾ ਜਾਂਦਾ ਹੈ:-
1) ਇਕੁੱਟੀ ਅਰਥਾਤ ਸ਼ੇਅਰ,
(2) ਕਾਰਪੋਰੇਟ ਫੰਡ,
(3) ਸਰਕਾਰੀ ਜਾਇਦਾਦਾਂ,
(4) ਵਿਕਲਪਿਕ ਇਨਵੈਸਟਮੈਂਟ ਫੰਡ।
ਐੱਨਪੀਐੱਸ ਖਾਤਾ ਦੋ ਤਰ੍ਹਾਂ ਦਾ ਹੁੰਦਾ ਹੈ।
ਪਹਿਲਾਂ ਟਾਇਰ ਵੰਨ--ਇਹ ਪੈਨਸ਼ਨ ਅਕਾਊਂਟ ਹੈ।
ਦੂਸਰਾ ਹੈ ਟਾਇਰ 2--ਇਹ ਬਚਤ ਖਾਤਾ ਹੈ।
ਯੋਜਨਾ ਦੇ ਮੈਂਬਰ ਨੂੰ ਟਾਇਰ 2 ਤੋਂ ਪ੍ਰੀਮਿਚਉਰ ਭੁਗਤਾਨ ਹੋ ਸਕਦਾ ਹੈ, ਪਰ ਟਾਇਰ-ਵੰਨ ਤੋਂ ਨਹੀਂ। ਟਾਇਰ-2 ਮਿਉੂਚਲ ਫੰਡ ਦੀ ਤਰ੍ਹਾਂ ਹੈ, ਇਸ ਦੇ ਲਈ ਟਾਇਰ-ਇੱਕ ਖਾਤਾ ਹੋਣਾ ਜ਼ਰੂਰੀ ਹੈ। ਐੱਨਪੀਐੱਸ ਵਿੱਚ ਨਿਵੇਸ਼ ਦੇ ਆਮਦਨ ਟੈਕਸ ਦੀ ਛੋਟ ਹਾਸਲ ਹੈ। ਐਨਪੀਐਸ ਦੇ ਤਹਿਤ ਪੈਨਸ਼ਨ ਦੀ ਕੋਈ ਵਿਵਸਥਾ ਨਹੀਂ ਹੈ। ਜੇ ਆਪ ਪੈਨਸ਼ਨ ਲੈਣਾ ਚਾਹੁੰਦੇ ਹੋ ਤਾਂ ਉਸ ਰਾਸ਼ੀ ਚੋਂ ਕਿਸੇ ਜੀਵਨ ਬੀਮਾਂ ਕੰਪਨੀ ਦਾ ਇਕੁੱਟੀ ਪਲਾਨ ਲੈਣਾ ਪਵੇਗਾ। ਕੁੱਲ ਜਮਾਂ ਰਾਸ਼ੀ ਦਾ 40 ਫੀਸਦੀ ਇਕੁੱਟੀ ਪਲਾਨ ਲੈਣਾ ਜ਼ਰੂਰੀ ਹੈ। ਬਾਕੀ 60 ਫੀਸਦੀ ਆਪ ਵਾਪਸ ਲੈ ਸਕਦੇ ਹੋ। ਐੱਨਪੀਐੱਸ ਵਿੱਚ ਰਿਟਰਨ ਦੀ ਕੋਈ ਗਰੰਟੀ ਨਹੀਂ ਹੈ ਅਤੇ ਨਾ ਹੀ ਸਰਕਾਰ ਹਰ ਸਾਲ ਰਿਟਰਨ ਦਾ ਐਲਾਨ ਕਰਦੀ ਹੈ। ਅੱਜ ਪੂਰੇ ਦੇਸ਼ ਦੇ ਕੇਂਦਰ ਤੇ ਰਾਜ ਸਰਕਾਰਾਂ ਦੇ ਕਰਮਚਾਰੀ ਇਸ ਪੈਨਸ਼ਨ ਯੋਜਨਾ ਖਿਲਾਫ ਅੰਦੋਲਨ ਕਰ ਰਹੇ ਹਨ। ਉਹ ਐਨਪੀਐੱਸ ਨੂੰ ਹਟਾ ਕੇ ਪੁਰਾਣੀ ਪੈਨਸ਼ਨ ਯੋਜਨਾ ਦੀ ਬਹਾਲੀ ਦੀ ਮੰਗ ਕਰ ਰਹੇ ਹਨ। 16 ਨਵੰਬਰ 2018 ਨੂੰ ਲਖਨਉੂ ਵਿੱਚ ਰੇਲਵੇ ਕਰਮਚਾਰੀ ਨੇ ਰੇਲ ਮੰਤਰੀ ਪਿਊਸ਼ ਗੋਇਲ ਨੂੰ ਘੇਰ ਲਿਅਾ ਤੇ ਨਵੀਂ ਪੈਨਸ਼ਨ ਯੋਜਨਾ ਪ੍ਰਤੀ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ ਸੀ ਅਤੇ ਪੁਰਾਣੀ ਪੈਨਸ਼ਨ ਯੋਜਨਾ ਦੀ ਬਹਾਲੀ ਦੀ ਮੰਗ ਕੀਤੀ ਸੀ। ਰਾਂਚੀ ਵਿੱਚ 20 ਹਜ਼ਾਰ ਤੋਂ ਵੱਧ ਲੋਕਾਂ ਨੇ ਮੁਜ਼ਾਹਰਾ ਕਰਕੇ ਐਨਪੀਐਸ ਦਾ ਵਿਰੋਧ ਕੀਤਾ ਸੀ। ਇਸ ਵਿੱਚ ਕੇਂਦਰ ਅਤੇ ਰਾਜ ਸਰਕਾਰ ਦੇ ਕਰਮਚਾਰੀ ਸ਼ਾਮਿਲ ਹੋਏ ਸਨ, ਉਨ੍ਹਾਂ ਨੇ " ਨੈਸ਼ਨਲ ਮੂਵਮੈਂਟ ਫਾਰ ਓਲਡ ਪੈਨਸ਼ਨ ਸਿਸਟਮ " ਦੀ ਹਮਾਇਤ ਕਰਨ ਦਾ ਫੈਸਲਾ ਲਿਆ। ਇਸ ਮੁਜ਼ਾਹਰੇ ਵਿੱਚ ਸਕੱਤਰੇਤ ਦੇ ਕਰਮਚਾਰੀ, ਪੁਲਿਸ, ਅਧਿਆਪਕ ਤੇ ਪੈਰਾਮੈਡੀਕਲ ਅੈਸੋਸੀਏਸ਼ਨ ਦੇ ਨੁਮਾਇੰਦੇ ਵੀ ਸ਼ਾਮਲ ਸਨ। ਉਹਨਾਂ ਦਾ ਕਹਿਣਾ ਸੀ ਕਿ ਪੁਰਾਣੀ ਪੈਨਸ਼ਨ ਪ੍ਰਣਾਲੀ ਵਿੱਚ ਪੈਨਸ਼ਨ ਸਰਕਾਰ ਦਿੰਦੀ ਹੈ, ਜਦ ਕਿ ਨਵੀਂ ਪੈਨਸ਼ਨ ਬੀਮਾ ਕੰਪਨੀ ਦਿੰਦੀ ਹੈ। ਜੇ ਕੋਈ ਸਮਸਿਆ ਹੋਵੇ ਤਾਂ ਸਾਨੂੰ ਸਰਕਾਰ ਨਾਲ ਨਹੀਂ ਬੀਮਾ ਕੰਪਨੀ ਨਾਲ ਲੜਨਾ ਪਵੇਗਾ। ਪੁਰਾਣੀ ਪੈਨਸ਼ਨ ਹਾਸਲ ਕਰਨ ਵਾਲਿਆਂ ਨੂੰ ਰਿਟਾਇਰਮੈਂਟ 'ਤੇ ਗ੍ਰੈਚੁਟੀ (ਅਾਖਰੀ ਤਨਖਾਹ ਅਨੁਸਾਰ 16.5 ਮਹੀਨਿਆਂ ਦੀ ਤਨਖਾਹ) ਮਿਲਦੀ ਹੈ, ਜਦਕਿ ਨਵੀਂ ਪੈਨਸ਼ਨ ਯੋਜਨਾ ਤਹਿਤ ਗ੍ਰੈਚਟੀ ਦੀ ਕੋਈ ਵਿਵਸਥਾ ਹੈ ਹੀ ਨਹੀਂ। ਪੁਰਾਣੀ ਪੈਨਸ਼ਨ ਵਿੱਚ ਲੋਕਾਂ ਦੀ ਸੇਵਾ ਕਾਲ ਵਿੱਚ ਮੌਤ ਹੋਣ ਤੇ ਉਸ ਦੇ ਪੀ੍ਵਾਰ ਨੇ ਪਰਿਵਾਰਕ ਪੈਨਸ਼ਨ ਮਿਲਦੀ ਹੈ, ਜਦ ਕਿ ਨਵੀਂ ਪੈਨਸ਼ਨ ਯੋਜਨਾ ਵਿੱਚ ਐਸੀ ਕੋਈ ਵਿਵਸਥਾ ਨਹੀਂ ਹੈ। ਪੁਰਾਣੀ ਪੈਨਸ਼ਨ ਪਾਉਣ ਵਾਲਿਆਂ ਨੂੰ ਹਰ ਛੇ ਮਹੀਨੇ ਬਾਅਦ ਮਹਿੰਗਾਈ ਅਤੇ ਹਰ ਦਸ ਸਾਲ ਬਾਅਦ ਤਨਖਾਹ ਕਮਿਸ਼ਨ ਦਾ ਲਾਭ ਮਿਲਦਾ ਹੈ, ਜਦ ਕਿ ਨਵੀਂ ਪੈਨਸ਼ਨ ਯੋਜਨਾ ਵਿੱਚ ਬੱਝਵੀਂ ਪੈਨਸ਼ਨ ਹੀ ਮਿਲਦੀ ਰਹਿੰਦੀ ਹੈ। ਪੁਰਾਣੀ ਪੈਨਸ਼ਨ ਯੋਜਨਾ ਵਿੱਚ ਜੀਪੀਐੱਫ ਤੋਂ ਕਰਜ਼ਾ ਲੈਣ ਦੀ ਸਹੂਲਤ ਹੈ, ਜਦ ਕਿ ਨਵੀਂ ਪੈਨਸ਼ਨ ਯੋਜਨਾ ਵਿੱਚ ਕਰਜ਼ਾ ਲੈਣ ਦੀ ਕੋਈ ਸਹੂਲਤ ਨਹੀਂ ਹੈ। ਪੁਰਾਣੀ ਪੈਨਸ਼ਨ ਯੋਜਨਾ ਤਹਿਤ ਜੀਪੀਐੱਫ ਦੀ ਨਿਕਾਸੀ ਤੇ ਕੋਈ ਆਮਦਨ ਟੈਕਸ ਨਹੀਂ ਦੇਣਾ ਪੈਂਦਾ ਪਰ ਨਵੀਂ ਪੈਨਸ਼ਨ ਯੋਜਮਾ ਵਿਚ ਜਦ ਰਿਟਾਇਰਮੈਂਟ ਦੇ ਅੰਸ਼ਦਾਨ ਦਾ 60 ਫੀਸਦੀ ਵਾਪਸ ਮਿਲੇਗਾ ਤਾਂ ਉਸ ਤੇ ਅਾਮਦਨ ਟੈਕਸ ਲਗੇਗਾ। ਇਸ ਤਰ੍ਹਾਂ ਜੀਪੀਐੱਫ ਦੀ ਵਿਆਜ ਦਰ ਨਿਸ਼ਚਿਤ ਹੈ, ਜਦ ਕਿ ਐੱਨਪੀਐੱਸ ਪੂਰੀ ਤਰ੍ਹਾਂ ਸ਼ੇਅਰ ਬਾਜ਼ਾਰ ਤੇ ਅਧਾਰਤ ਹੈ। ਹਿਮਾਚਲ ਪ੍ਰਦੇਸ਼ ਦੇ ਕਰਮਚਾਰੀਆਂ ਨੇ ਭੁੱਖ ਹੜਤਾਲ ਕੀਤੀ ਅਤੇ ਐਨਪੀਐਸ ਨੂੰ ਮੁਲਾਜ਼ਮ ਵਿਰੋਧੀ ਦੱਸਿਆ। ਉਨ੍ਹਾਂ ਨੇ ਕਿਹਾ ਕਿ ਐੱਨ ਪੀ ਐੱਸ ਨੂੰ ਬਹੁਕੌਮੀ ਕੰਪਨੀਆਂ ਨੂੰ ਲਾਭ ਦੇਣ ਲਈ ਲਾਗੂ ਕੀਤਾ ਗਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਰਕਾਰ ਨੇ ਕਰਮਚਾਰੀਆਂ ਦੇ ਕਲਿਆਣ ਤੋਂ ਪੱਲਾ ਝਾੜਣ ਦੇ ਮਕਸਦ ਨਾਲ ਐਨਪੀਐਸ ਨੂੰ ਲਾਗੂ ਕੀਤਾ ਹੈ। ਕਰਮਚਾਰੀਆਂ ਦਾ ਕਹਿਣਾ ਹੈ ਕਿ ਜਦ ਵਿਧਾਨ ਸਭਾਵਾਂ ਅਤੇ ਸੰਸਦ ਦੇ ਮੈਂਬਰਾਂ ਨੂੰ ਪੁਰਾਣੀ ਪੈਨਸ਼ਨ ਨੀਤੀ ਤਹਿਤ ਪੈਨਸ਼ਨ ਦਿੱਤੀ ਜਾ ਰਹੀ ਹੈ, ਤਾਂ ਕਿਉਂ ਕਰਮਚਾਰੀਆਂ ਨੂੰ ਇਸ ਤੋਂ ਅਲੱਗ ਰੱਖਿਆ ਜਾ ਰਿਹਾ ਹੈ। ਮੰਗਲੁਰੂ ਵਿੱਚ ਐਨਪੀਐਸ ਦੇ ਖਿਲਾਫ ਅੰਦੋਲਨ ਵਿੱਚ ਸਰਕਾਰੀ ਕਰਮਚਾਰੀਆਂ ਨੇ ਬਲੱਡ ਡੋਨੇਸ਼ਨ ਕੈੰਪ ਲਾਇਆ ਅਤੇ ਪੁਰਾਣੀ ਪੈਨਸ਼ਨ ਯੋਜਨਾ ਦੀ ਬਹਾਲੀ ਦੀ ਮੰਗ ਕੀਤੀ। ਉਨ੍ਹਾਂ ਨੇ ਨਾਹਰਾ ਦਿੱਤਾ " ਅਸੀਂ ਖੂਨ ਬਹਾ ਦਿਅਾਂਗੇ ਪਰ ਪੈਨਸ਼ਨ ਨਹੀਂ ਛੱਡਾਂਗੇ।" ਦਿੱਲੀ ਅਤੇ ਮੁੰਬਈ ਵਿੱਚ ਵੀ ਕਰਮਚਾਰੀਆਂ ਨੇ ਵਿਸ਼ਾਲ ਮੁਜ਼ਾਹਰਾ ਕੀਤਾ। ਦਿੱਲੀ ਵਿੱਚ ਵਿਦਿਆਰਥੀਆਂ ਅਤੇ ਸਮਾਜ ਦੇ ਪੀ੍ਤੀਬੱਧ ਲੋਕਾਂ ਨੇ ਵੀ ਹਮਾਇਤ ਦਿੱਤੀ। ਉੱਤਰ ਪ੍ਰਦੇਸ਼ ਵਿੱਚ ਸਰਕਾਰੀ ਕਰਮਚਾਰੀਆਂ ਨੇ ਹੜਤਾਲ ਜਥੇਬੰਦ ਕੀਤੀ ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇ ਪੁਰਾਣੀ ਪੈਨਸ਼ਨ ਯੋਜਨਾ ਲਾਗੂ ਨਹੀਂ ਕੀਤੀ ਜਾਂਦੀ ਤਾਂ ਉਹ ਦੇਸ਼ ਵਿਆਪੀ ਅੰਦੋਲਨ ਛੇੜ ਦੇਣਗੇ। ਇਸ ਵਿੱਚ ਪੁਲਿਸ ਐਸੋਸੀਏਸ਼ਨ ਅਤੇ ਟੀਚਰਜ਼ ਅੈਸੋਸੀਏਸ਼ਨ ਨੇ ਵੀ ਭਾਗ ਲਿਆ। ਸਰਕਾਰ ਕਰਮਚਾਰੀਆਂ ਨੂੰ ਇਹ ਸਮਝਾਉਣ ਵਿੱਚ ਲੱਗੀ ਹੈ ਕਿ ਨਵੀਂ ਪੈਨਸ਼ਨ ਯੋਜਨਾ ਤੇ ਪੁਰਾਣੀ ਪੈਨਸ਼ਨ ਯੋਜਨਾ ਤੋਂ ਕਿਤੇ ਵੀ ਘੱਟ ਨਹੀਂ ਹੈ। ਇਹ ਬਰਾਬਰ ਦੀ ਲਾਭਕਾਰੀ ਹੈ। ਇਸ ਦੇ ਲਈ ਆਰਥਿਕ ਮਾਹਰਾਂ ਦੀਆਂ ਸੇਵਾਵਾਂ ਲਈਆਂ ਜਾ ਰਹੀਆਂ ਹਨ। ਇਸ ਦੌਰਾਨ ਅਲਾਹਾਬਾਦ ਹਾਈਕੋਰਟ ਨੇ ਪੁਰਾਣੀ ਪੈਨਸ਼ਨ ਯੋਜਨਾ ਦੀ ਬਹਾਲੀ ਦੀ ਮੰਗ ਨੂੰ ਲੈ ਕੇ ਦਾਇਰ ਇੱਕ ਯਾਚਿਕਾ ਤੇ ਸੁਣਵਾਈ ਕਰਦਿਆਂ ਸਰਕਾਰ ਤੋਂ ਪੁੱਛਿਆ ਕਿ ਬਿਨਾਂ ਕਰਮਚਾਰੀਆਂ ਦੀ ਸਹੀਮਤੀ ਦੇ ਉਨ੍ਹਾਂ ਦਾ ਅੰਸ਼ਦਾਨ ਸ਼ੇਅਰ ਵਿੱਚ ਕਿਵੇਂ ਲੱਗ ਸਕਦਾ ? ਅਦਾਲਤ ਨੇ ਸਵਾਲ ਕੀਤਾ ਕਿ ਜੇ ਨਵੀਂ ਪੈਂਨਸ਼ਨ ਅੱਛੀ ਹੈ ਤਾਂ ਇਸ ਨੂੰ ਸੰਸਦਾਂ ਅਤੇ ਵਿਧਾਇਕਾਂ ਦੀ ਪੈਨਸ਼ਨ ਤੇ ਕਿਉਂ ਲਾਗੂ ਨਹੀਂ ਕੀਤਾ ਜਾਂਦਾ ? ਕੋਰਟ ਨੇ ਕਿਹਾ ਕਿ ਸਰਕਾਰ ਲੁੱਟ ਖਸੁੱਟ ਵਾਲੀਆਂ ਕਰੋੜਾਂ ਦੀਆਂ ਯੋਜਨਾਵਾਂ ਲਾਗੂ ਕਰਨ ਵਿੱਚ ਨਹੀਂ ਹਿੱਚਕਚਾਉੰਦੀ ਅਤੇ ਉਨ੍ਹਾਂ ਨੂੰ 30-35 ਸਾਲ ਦੀ ਸੇਵਾ ਦੇ ਬਾਅਦ ਕਰਮਚਾਰੀਆਂ ਨੂੰ ਪੈਨਸ਼ਨ ਦੇਣ ਵਿੱਚ ਦਿੱਕਤ ਕਿਉਂ ਹੋ ਰਹੀ ਹੈ ? ਕੋਰਟ ਨੇ ਰਾਜ ਸਰਕਾਰ ਤੋਂ ਜਾਨਣਾ ਚਾਹਿਆ ਕਿ ਪੁਰਾਣੀ ਪੈਨਸ਼ਨ ਦੀ ਮੰਗ ਮੰਨਣ ਵਿੱਚ ਕੀ ਕਠਿਨਾਈ ਹੈ ? ਜੇ ਨਵੀਂ ਪੈਨਸ਼ਨ ਦੀ ਅੱਛੀ ਹੈ ਤਾਂ ਉਸ ਨੂੰ ਹੋਰਾਂ ਤੇ ਕਿਉਂ ਲਾਗੂ ਨਹੀਂ ਕਰਦੇ ? ਕੋਰਟ ਨੇ ਇਹ ਵੀ ਪੁੱਛਿਆ ਕਿ ਕੀ ਸਰਕਾਰ ਨੂੰ ਘੱਟੋ ਘੱਟੋ ਪੈਨਸ਼ਨ ਤਹਿ ਨਹੀਂ ਕਰਨੀ ਚਾਹੀਦੀ ? ਕੋਰਟ ਨੇ ਇਹ ਵੀ ਪੁਛਿਅਾ ਕਿ ਸ਼ੇਅਰ ਵਿੱਚ ਲਗਣ ਪਿੱਛੋਂ ਪੈਸਾ ਡੁੱਬ ਜਾਵੇ ਤਾਂ ਉਸ ਦਾ ਜ਼ਿੰਮੇਵਾਰ ਕੌਣ ਹੋਵੇਗਾ ? ਇਸ ਦੇ ਨਾਲ ਇਹ ਵੀ ਹੋਇਅਾ ਕਿ ਨਵੀਂ ਪੈਨਸ਼ਨ ਦੇ ਖਿਲਾਫ ਅਤੇ ਪੁਰਾਣੀ ਪੈਨਸ਼ਨ ਨੂੰ ਬਹਾਲ ਕਰਨ ਦੀ ਮੰਗ ਹੋ ਨੂੰ ਲੈ ਕੇ ਹੜਤਾਲ ਤੇ ਗਏ ਕਰਮਚਾਰੀਆਂ ਦੀ ਹੜਤਾਲ ਨੂੰ ਕੋਰਟ ਨੇ ਗੈਰ-ਕਾਨੂੰਨੀ ਦੱਸ ਕੇ ਖਤਮ ਕਰਵਾ ਦਿੱਤਾ। ਸੱਚ ਇਹ ਹੈ ਕਿ ਨਵੀਂ ਪੈਨਸ਼ਨ ਯੋਜਨਾ ਪੈਨਸ਼ਨ ਨੂੰ ਜੀ ਮੁੱਢ ਤੋਂ ਖ਼ਤਮ ਕਰਨ ਦਾ ਇੱਕ ਤਰੀਕਾ ਹੈ।

25/10/2023

ਏਆਈ: ਸੰਸਾਰ ਭਰ 3 ਅਰਬ ਨੌਕਰੀਆਂ ਖ਼ਤਮ ਹੋਣ ਦਾ ਖ਼ਤਰਾ, ਭਾਰਤ ਵਿੱਚ ਕੀ ਪਵੇਗਾ ਅਸਰ
ਆਰਟੀਫੀਸ਼ੀਅਲ ਇੰਟੈਲੀਜੈਂਸ
ਦਿੱਲੀ ਵਿੱਚ ਇੱਕ ਕਾਨੂੰਨੀ ਫਰਮ ਵਿੱਚ ਬਤੌਰ ਕਾਨੂੰਨੀ ਸਹਿਯੋਗੀ ਕੰਮ ਕਰਦੇ 38 ਸਾਲਾ ਵਿਜੇ (ਬਦਲਿਆ ਹੋਇਆ ਨਾਮ) ਇਸ ਗੱਲ ਨਾਲ ਹੈਰਾਨ ਹਨ ਕਿ ਕਿਵੇਂ ਅਰਟੀਫਿਸ਼ਿਅਲ ਇੰਟੈਲੀਜੈਂਸ (ਏਆਈ) ਵਾਲੇ ਟੂਲ ਇੱਕ ਪਲ 'ਚ ਹੀ ਕਾਨੂੰਨੀ ਭਾਸ਼ਾ ਵਾਲਾ ਕੰਟੈਂਟ ਤਿਆਰ ਕਰ ਸਕਦਾ ਹੈ।

ਉਹ ਬੀਬੀਸੀ ਦੇ ਸਹਿਯੋਗੀ ਆਦਰਸ਼ ਰਾਠੌਰ ਨਾਲ ਗੱਲਬਾਤ ਦੌਰਾਨ ਦੱਸਦੇ ਹਨ, "ਜਦੋਂ ਮੈਂ ਚੈਟ ਜੀਪੀਟੀ ਬਾਰੇ ਸੁਣਿਆ, ਤਾਂ ਮੈਂ ਪਲੇਟਫ਼ਾਰਮ 'ਤੇ ਜਾ ਕੇ ਮੁੱਦਈ ਅਤੇ ਬਚਾਅ ਪੱਖ ਦੇ ਨਾਮ, ਕਾਨੂੰਨੀ ਧਾਰਾ, ਮਾਮਲੇ ਦਾ ਹਵਾਲਾ ਅਤੇ ਹਰਜਾਨੇ ਦੀ ਰਕਮ ਦਾ ਜ਼ਿਕਰ ਕਰਦੇ ਹੋਏ ਮਾਣਹਾਨੀ ਨੋਟਿਸ ਲਿਖਣ ਲਈ ਕਿਹਾ।"

“ਕੁਝ ਹੀ ਪਲਾਂ ਵਿੱਚ ਮੇਰੇ ਸਾਹਮਣੇ ਕਾਨੂੰਨੀ ਨੋਟਿਸ ਤਿਆਰ ਹੋ ਗਿਆ। ਸੱਚ ਕਹਾਂ ਤਾਂ ਉਸ ਦੀ ਭਾਸ਼ਾ ਅਤੇ ਸ਼ੈਲੀ ਮੇਰੇ ਨਾਲੋਂ ਵੀ ਵਧੀਆ ਸੀ। ਮੈਂ ਰੋਮਾਂਚ ਅਤੇ ਘਬਰਾਹਟ ਦੋਵੇਂ ਮਹਿਸੂਸ ਕੀਤੇ।''
ਆਰਟੀਫਿਸ਼ੀਅਲ ਇੰਟੈਲੀਜੈਂਸ ਟੂਲਜ਼ ਨੂੰ ਲੈ ਕੇ ਕੁਝ ਅਜਿਹਾ ਹੀ ਤਜਰਬਾ 34 ਸਾਲ ਦੀ ਕਲੇਅਰ ਦਾ ਵੀ ਰਿਹਾ ਹੈ। ਕਲੇਅਰ ਛੇ ਸਾਲਾਂ ਤੋਂ ਲੰਦਨ ਵਿੱਚ ਇੱਕ ਵੱਡੀ ਸਲਾਹਕਾਰ ਕੰਪਨੀ ਵਿੱਚ ਕੰਮ ਕਰ ਰਹੇ ਹਨ।

ਬੀਬੀਸੀ ਵਰਕਲਾਈਫ 'ਤੇ ਪ੍ਰਕਾਸ਼ਿਤ ਇਕ ਲੇਖ ਅਨੁਸਾਰ, 'ਕਲੇਅਰ ਨੂੰ ਆਪਣੀ ਨੌਕਰੀ ਪਸੰਦ ਹੈ ਅਤੇ ਉਨ੍ਹਾਂ ਨੂੰ ਚੰਗੀ ਤਨਖਾਹ ਮਿਲਦੀ ਹੈ, ਪਰ ਪਿਛਲੇ ਛੇ ਮਹੀਨਿਆਂ ਤੋਂ ਉਹ ਆਪਣੇ ਕਰੀਅਰ ਦੇ ਭਵਿੱਖ ਨੂੰ ਲੈ ਕੇ ਚਿੰਤਾ ਸਤਾਉਣ ਲੱਗੀ ਹੈ।

ਕਲੇਅਰ ਕਹਿੰਦੇ ਹਨ, “ਗੁਣਵੱਤਾ ਦੇ ਮਾਮਲੇ 'ਚ ਅਜੇ ਤੱਕ ਤਾਂ ਕੋਈ ਵੀ ਏਆਈ ਟੂਲ ਮੇਰੇ ਕੰਮ ਦੀ ਬਰਾਬਰੀ ਨਹੀਂ ਕਰ ਸਕਦਾ, ਪਰ ਜਿੰਨੀ ਤੇਜ਼ੀ ਨਾਲ ਚੈਟ ਜੀਪੀਟੀ ਬਿਹਤਰ ਹੋ ਰਿਹਾ ਹੈ, ਉਸ ਨਾਲ ਹੈਰਾਨੀ ਹੁੰਦੀ ਹੈ।''

''ਕੁਝ ਹੀ ਸਾਲਾਂ ਵਿੱਚ ਅਜਿਹੇ ਚੈਟ ਬੋਟ ਮੇਰੇ ਵਾਂਗ ਕੰਮ ਕਰਨਾ ਸ਼ੁਰੂ ਕਰ ਦੇਣਗੇ। ਮੈਨੂੰ ਇਹ ਸੋਚ ਕੇ ਵੀ ਡਰ ਲੱਗਦਾ ਹੈ ਕਿ ਫਿਰ ਮੇਰੀ ਨੌਕਰੀ ਦਾ ਕੀ ਹੋਵੇਗਾ।''

ਲਗਾਤਾਰ ਵਧਦੀ ਚਿੰਤਾ
ਹਾਲ ਹੀ ਦੇ ਸਾਲਾਂ ਵਿੱਚ, ਰੋਬੋਟ ਅਤੇ ਏਆਈ ਵੱਲੋਂ ਮਨੁੱਖਾਂ ਦੀਆਂ ਨੌਕਰੀਆਂ ਖੋਹਣ ਦੀਆਂ ਖ਼ਬਰਾਂ ਆਉਣ ਲੱਗੀਆਂ ਹਨ।

ਇਸੇ ਸਾਲ ਜੁਲਾਈ ਵਿੱਚ, ਇੱਕ ਖ਼ਬਰ ਆਈ ਸੀ ਕਿ ਬੈਂਗਲੁਰੂ ਦੇ ਇੱਕ ਸਟਾਰਟਅਪ ਨੇ ਆਪਣੇ 90 ਫੀਸਦੀ ਸਟਾਫ ਨੂੰ ਏਆਈ ਚੈਟ ਬੋਟ ਨਾਲ ਬਦਲ ਦਿੱਤਾ ਹੈ।

ਇਸ ਕੰਪਨੀ ਦੇ ਸੰਸਥਾਪਕ ਸੁਮਿਤ ਸ਼ਾਹ ਨੇ ਟਵੀਟ ਕਰਕੇ ਦੱਸਿਆ ਸੀ ਕਿ ਇਸ ਨਾਲ ਜਿੱਥੇ ਗਾਹਕਾਂ ਦਾ ਰਿਸਪਾਂਸ ਵਧ ਗਿਆ, ਉੱਥੇ ਹੀ ਲਾਗਤ 'ਚ 85 ਫੀਸਦੀ ਕਮੀ ਆਈ ਹੈ।

ਪਹਿਲੇ ਓਪਨ ਏਆਈ ਟੂਲ 'ਚੈਟ ਜੀਪੀਟੀ' ਨੇ ਰਾਤੋ-ਰਾਤ ਸੁਰਖੀਆਂ ਬਟੋਰੀਆਂ ਅਤੇ ਹੁਣ ਕਈ ਕੰਪਨੀਆਂ ਵੱਖ-ਵੱਖ ਖੇਤਰਾਂ ਲਈ ਵਿਸ਼ੇਸ਼ ਏਆਈ ਟੂਲ ਵਿਕਸਿਤ ਕਰ ਰਹੀਆਂ ਹਨ। ਇਸ ਨਾਲ ਮੁਲਾਜ਼ਮਾਂ ਵਿੱਚ ਬੇਭਰੋਸਗੀ ਦਾ ਮਾਹੌਲ ਬਣ ਰਿਹਾ ਹੈ।

ਆਰਟੀਫੀਸ਼ੀਅਲ ਇੰਟੈਲੀਜੈਂਸ
ਜਿਸ ਆਸਾਨੀ ਨਾਲ ਚੈਟ ਜੀਪੀਟੀ ਵਰਗੇ ਏਆਈ ਟੂਲ ਉਪਲੱਬਧ ਹੋਣ ਲੱਗੇ ਹਨ, ਉਸ ਨਾਲ ਬਹੁਤ ਸਾਰੇ ਲੋਕ ਸੋਚ 'ਚ ਪੈ ਗਏ ਹਨ ਕਿ ਭਵਿੱਖ ਵਿੱਚ ਉਨ੍ਹਾਂ ਵਰਗੀਆਂ ਯੋਗਤਾਵਾਂ ਵਾਲੇ ਲੋਕਾਂ ਲਈ ਨੌਕਰੀਆਂ ਬਚਣਗੀਆਂ ਜਾਂ ਨਹੀਂ?

ਬੀਬੀਸੀ ਵਰਕਲਾਈਫ ਦੀ ਲੇਖਿਕਾ ਜੋਸੀ ਕੌਕਸ ਨੂੰ ਐਲਿਸ ਮਾਰਸ਼ਲ ਨੇ ਦੱਸਿਆ, “ਮੈਨੂੰ ਲੱਗਦਾ ਹੈ ਕਿ ਬਹੁਤ ਸਾਰੇ ਰਚਨਾਤਮਕ ਲੋਕ ਚਿੰਤਤ ਹਨ। ਅਸੀਂ ਸਿਰਫ ਇਹੀ ਉਮੀਦ ਕਰ ਸਕਦੇ ਹਾਂ ਕਿ ਗਾਹਕ ਸਾਡੀ ਅਹਿਮੀਅਤ ਨੂੰ ਸਮਝਣ ਅਤੇ ਏਆਈ ਟੂਲਜ਼ ਦੀ ਬਜਾਏ ਮਨੁੱਖਾਂ ਨੂੰ ਤਰਜੀਹ ਦੇਣ।''

29 ਸਾਲਾ ਐਲਿਸ ਮਾਰਸ਼ਲ ਬ੍ਰਿਸਟਲ, ਯੂਕੇ ਵਿੱਚ ਕਾਪੀਰਾਈਟਰ ਵਜੋਂ ਕੰਮ ਕਰਦੇ ਹਨ।