29/07/2026
ਸਾਡੇ ਬਹੁਤ ਹੀ ਪਿਆਰੇ ਸ਼ਾਇਰ ਮਾਲਵਿੰਦਰ ਸ਼ਾਇਰ ਜੀ ਦੇ ਇਸ ਫ਼ਾਨੀ ਸੰਸਾਰ ਤੋਂ ਰੁਖ਼ਸਤ ਹੋ ਜਾਣ ਦੀ ਖ਼ਬਰ ਨੇ ਡਾਢੇ ਅਫ਼ਸੋਸ ਵਿੱਚ ਪਾ ਦਿੱਤਾ ਹੈ। ਉਹਨਾਂ ਦੇ ਅਚਾਨਕ ਇਸ ਦੁਨੀਆ ਤੋਂ ਚਲੇ ਜਾਣਾ ਪਰਿਵਾਰ ਦੇ ਨਾਲ-ਨਾਲ ਪੰਜਾਬੀ ਸਾਹਿਤ ਜਗਤ ਨੂੰ ਬਹੁਤ ਵੱਡਾ ਘਾਟਾ ਪਿਆ ਹੈ। ਉਹ ਚੰਗੇ ਗ਼ਜ਼ਲਗੋ ਹੋਣ ਦੇ ਨਾਲ ਚੰਗੇ ਤੇ ਪਿਆਰੇ ਇਨਸਾਨ ਵੀ ਸਨ। ਪ੍ਰਕਾਸ਼ਨ ਪਿਆਰੇ ਸ਼ਾਇਰ ਦੀ ਸਰੀਰਕ ਮੌਤ ‘ਤੇ ਦੁੱਖ ਪ੍ਰਗਟ ਕਰਦਾ ਹੈ। ਪਰਿਵਾਰ ਨੂੰ ਮਾਲਕ ਭਾਣਾ ਮੰਨਣ ਦਾ ਬਲ ਬਖਸ਼ੇ…Atma Ram Ranjan
ਅਲਵਿਦਾ ਸ਼ਾਇਰ...
ਜੇਕਰ ਮੇਰੇ ਨੈਣਾਂ ਦੇ ਵਿੱਚ ਤੈਨੂੰ ਦਿਸਦਾ ਪਾਣੀ ਨਹੀਓਂ।
ਇਉਂ ਨਾ ਸਮਝੀਂ ਮੇਰੇ ਦੋਸਤ! ਮੇਰੀ ਦਰਦ ਕਹਾਣੀ ਨਹੀਓਂ।
ਦਿਲ ਦੇ ਵਿੱਚ ਅਰਮਾਨ ਬੜੇ ਨੇ ਬੁੱਲ੍ਹਾਂ 'ਤੇ ਮੁਸਕਾਨ ਤਣੀ ਹੈ,
ਇਹ ਨਾ ਸੋਚੀਂ ਤੇਰੇ ਵਾਂਗੂੰ , ਮੇਰੀ ਉਲਝੀ ਤਾਣੀ ਨਹੀਓਂ।
ਘਰ ਦਾ ਬੂਹਾ ਖੁੱਲ੍ਹਾ ਫਬਦਾ, ਚੌਂਕਾ-ਚੁੱਲਾ ਬਲਦਾ ਜਚਦਾ,
'ਸ਼ਾਇਰ' ਜੀਣਾ ਕੀ ਹੈ ਜੇਕਰ ਘਰ ਦੇ ਵਿੱਚ ਸੁਆਣੀ ਨਹੀਓਂ।
ਮਾਲਵਿੰਦਰ ਸ਼ਾਇਰ
