Belgaum Express Media

20/07/2025

एस के ई एम्पावरमेंट चॅरिटेबल फाऊंडेशनचा पारितोषिक वितरण सोहळा उत्साहात संपन्न...

बेळगाव:

सालाबादप्रमाणे यावर्षी ही बेळगाव शहर आणि एस के ई सोसाइटीच्या विद्यालयातून कला,वाणिज्य, विज्ञान शाखेच्या वर्षीक परिक्षेत उत्कृष्ट अंक प्राप्त विद्यार्थी वर्गाच्या सन्मान कार्यक्रमास प्रमुख पाहुणे एस के ई सोसाइईटेचे व्हाईस चेअरमन श्री एस वाय प्रभू ,प्रमुख पाहुण्या श्रीमती सौम्या इगूर,(एम एल आय आर सी बेळगाव)एस के ई सोसाइटीचे श्री मधूकर सामंत,श्री अशोक शानभाग मंचावर उपस्थित होते.

कार्यक्रमाची सुरुवात स्वागत गीताव्दारे करण्यात आली,उपस्थित मान्यवर,विशेष उन्नती प्राप्त विद्यार्थी, पालक,समाचार माध्यम, प्राध्यापक वर्ग यांचे स्वागत प्राचार्य एस एन देसाई यांनी केले.

प्रमुख पाहुण्या श्रीमती सौम्या इगूर,कार्यक्रमांचे अध्यक्ष, श्री एस वाय प्रभू यांचा परिचय प्रा डाॅ किर्ती फडके यांनी प्रस्तुत केला.
कार्यक्रमाचे अध्यक्ष श्री एस वाय प्रभू यांनी मंचावरून उपस्थितांचे स्वागत केले आणि विद्यार्थी वर्गाचे अभिनंदन करीत भाविभविष्य साठी शुभेच्छा दिल्या.
प्रमुख पाहुण्या श्रीमती सौम्या इगूर यांनी आपले विचार मांडतेवेळी,केवळ अभियांत्रिकी आणि वैद्यकीय क्षेत्रा व्यतिरिक्त अन्य क्षेत्रामध्ये भविष्य घडविण्यासाठी प्रयत्न करण्याचा सला दिला,जीवनात अनेक विरोधी संदर्भ येतील पण याचे बळी न जाता नवीन संधीचा उपयोग करून भविष्य निर्माण करण्याचा सल्ला दिला. तसेच आज अशा मोठ्या सोहळ्यास आमंत्रित केल्याबद्दल कृतज्ञता व्यक्त केली.

बेळगाव शहरातील कला ,वाणिज्य, विज्ञान शाखेच्या विविध महाविद्यालयातील विद्यार्थी वर्गाचे मानचिन्ह आणि रोख रक्कम देऊन प्रमुख पाहुण्यांच्या हस्ते गौरव करण्यात आला.कुमारी रेणुका दींडे, कुमारी महालक्ष्मी कुसगुर(आर पी डी काॅलेज )
कुमारी सृष्टी दीगाई (जी एस एस पी यु काॅलेज)कुमारी सानिया सनदी (आर एल एस काॅलेज )या विद्यार्थी वर्गाने आपले मनोगत व्यक्त केले

कार्यक्रमाचे सूत्रसंचालन प्रा डाॅ किर्ती फडके समुहाने केले ,
पारितोषिक वितरण सोहळ्याचे आयोजन आणि परितोषक वितरणाचा कार्यभाग प्रा नितीन भातखंडे समूहाने पाहिला,
आभार प्रदर्शन प्रा रेश्मा सपले यांनी केले ,
कार्यक्रमाची सांगता राष्ट्रगाण द्वारे करण्यात आली.

19/07/2025

19/07/2025

बेळगाव जिल्हाधिकाऱ्याची गाडी जप्त कोणी केलं आणि का....

बेळगाव :
30 वर्षांपूर्वीच्या एका कंत्राटदाराच्या थकित बिलाच्या प्रकरणाशी संबंधित न्यायालयाच्या आदेशानुसार बेळगाव जिल्हाधिकाऱ्याची गाडी जप्त करण्यात आली आहे.

वकील ओ पी जोशी यांनी दिलेल्या माहितीनुसार 1992-93 मध्ये चिक्कोडी येथील दूधगंगा नदीवर बंधारा बांधण्याच्या उद्देशाने लघु पाटबंधारे विभागांतर्गत नारायण कामत यांनी कंत्राट घेतले होते. कराराच्या अटींनुसार विभागाने निधी न दिल्याने 1995 मध्ये कंत्राटदाराने न्यायालयात धाव घेतली होती.

बेळगावच्या प्रथम जिल्हा आणि सत्र न्यायालयाने या प्रकरणाची सुनावणी करून कंत्राटदाराला 34 लाख रुपयांची नुकसानभरपाई देण्याचा आदेश दिला होता. या आदेशाविरोधात लघु पाटबंधारे विभागाने उच्च न्यायालयात अपील केले. मात्र, सुनावणीनंतर उच्च न्यायालयाने जून 2024 पर्यंत कंत्राटदाराला व्याजासह अर्धे थकित बिल देण्याचा आदेश दिला.

उच्च न्यायालयाच्या आदेशानंतरही लघु पाटबंधारे विभाग 1.34 कोटी रुपयांचे थकित बिल देण्यास अपयशी ठरल्याने न्यायालयाने वॉरंट जारी केले. त्यानुसार, बेळगाव जिल्हाधिकाऱ्याची गाडी जप्त करण्यात आली, अशी माहिती वकील ओ. बी. जोशी यांनी दिली.

जमीन प्रकरणात अनेकदा बेळगाव प्रांत अधिकारी कार्यालयातील सामान जप्त करण्यात आले होते हे ऐकीवात होते मात्र बेळगाव जिल्हाधिकारी यांची गाडी जप्त करण्याची पहिलीच वेळ आहे. जप्त केलेली जिल्हाधिकाऱ्यांची गाडी कोर्ट कंपाउंड मध्ये पार्क करून ठेवण्यात आली आहे.याच प्रकरणी काही वर्षांपूर्वी लघुपाटबंधारे खात्याच्या कार्यालयातील फर्निचर आणि साहित्य देखील जप्त करण्यात आले होते अशी ही माहिती उपलब्ध झाली.

19/07/2025

Bjp press conference....

19/07/2025

संतोष जगन्नाथ पवार यांचे अल्पशा आजाराने निधन
बेळगाव : बसवाण गल्ली येथील संतोष जगन्नाथ पवार (वय 47) यांचे आज अल्पशा आजाराने राहत्या घरी निधन झाले. अंत्ययात्रा आज शनिवार दि. 19 जुलै रोजी सकाळी 11 वाजता निघणार आहे. त्यांच्या पश्चात आई, वडील व बहिण आहे.

18/07/2025

वॉर्ड क्रमांक 29 लवकरच ब्लॅक्सपॉट मुक्त करणार :नितीन जाधव.

बेळगाव:
वार्ड क्रमांक 29 येथील गवळी गल्ली कॉर्नर येथे लोक कचरा आणून टाकत होते.या ब्लॅक्सपॉट बद्दल नगरसेवक नितीन जाधव यांनी मुकांबिका टॉवर शॉप्स ओनर बरोबर चर्चा करून त्यांच्या सहयोगाने आणि नगरसेवक नितीन ना जाधव यांच्या पुढाकाराने हटविण्यात आला.
मुकांबिका टॉवर शॉप्स ओनर यांच्या तर्फे बसण्यासाठी बेंचिस देण्यात आले, ज्या ठिकाणीं नागरीक कचरा टाकत होते तो परिसर स्वच्छ करून नागरिकांन साठी बेंचिस घालून बसण्याची सोय करण्यात आली.
तसेच जर कोणी परत त्या ठिकाणी कचरा टाकल्यास दंड आकारला जाईल असे नगरसेवक नितीन ना जाधव यांनी सांगितले. लवकरच वॉर्ड क्रमांक 29 हा ब्लॅक स्पॉट मुक्त करण्याचा निर्धार नगरसेवक नितीन जाधव यांनी केला आहे. त्या बद्दल नागरिकांनी समाधान व्यक्त केले.

या वेळी महावीर मेहता, सुरेश पोरवाल, बॉबी खुराणा, जागृती श्रेयकर, मुकुंद कांकणी, समीर गवळी, विजय नाईक, दीपक रोकडे, अमृता गवळी, अर्पणा गवळी, संगीता गवळी, स्वच्छता निरीक्षक उत्तम गणाचारी गजानन मुळीक...आणि इतर प्रतिष्ठित नागरिक उपस्थित होते.

18/07/2025

स्वीमर्स क्लबच्या जलतरणपटूंची राज्यस्तरावर उत्कृष्ट कामगिरी...

बेळगाव :

कर्नाटक जलतरण संघटनेच्यावतीने नुकत्याच आयोजित केलेल्या एनआरजे राज्य उपकनिष्ठ आणि कनिष्ठ जलतरण अजिंक्यपद स्पर्धा 2025 -26 मध्ये स्विमर्स क्लब बेळगावच्या जलतरणपटूंनी उल्लेखनीय यश मिळवताना 3 सुवर्ण, 3 रौप्य आणि 4 कांस्य पदके जिंकली आहेत.

कॉर्पोरेशन स्विमिंग पूल (बीएसी) बसवनगुडी, बेंगलोर येथे गेल्या 9 ते 13 जुलै 2025 या कालावधीत उपरोक्त स्पर्धा आयोजित करण्यात आली होती. स्पर्धेत कर्नाटकातील 1000 हून अधिक जलतरणपटूंनी भाग घेतला होता. त्यामध्ये स्वीमर्स क्लब बेळगावच्या वेदांत मिसाळे निधी कुलकर्णी आणि अभिनव देसाई यांनी 3 सुवर्ण पदकांसह एकूण 10 पदकांची कमाई करत उल्लेखनीय यश मिळविले आहे. यापैकी चमकदार कामगिरीबद्दल वेदांत मिसाळे आणि निधी कुलकर्णी या दोघांची येत्या 3 ते 7 ऑगस्ट 2025 या कालावधीत अहमदाबाद, गुजरात येथे होणाऱ्या उपनिष्ठ आणि कनिष्ठ राष्ट्रीय जलतरण अजिंक्यपद 2025 या राष्ट्रीय स्तरावरील स्पर्धेमध्ये कर्नाटक संघाचे प्रतिनिधित्व करण्यासाठी निवड झाली आहे.

वरील जलतरणपटू बेळगाव येथील केएलईच्या ऑलिंपिक आकाराच्या सुविधेने सुसज्ज सुवर्ण जेएनएमसी जलतरण तलावात येथे प्रशिक्षण घेऊन पोहण्याचा सराव करतात. त्याला जलतरण प्रशिक्षक उमेश कलघटगी, अक्षय शेरेगर, अजिंक्य मेंडके, नितीश कुडुचकर, गोवर्धन काकतकर, इम्रान उचगावकर आणि विनायक आंबेवाडीकर यांचे मार्गदर्शन, तसेच डॉ. प्रभाकर कोरे (अध्यक्ष, केएलई सोसायटी), जयंत हुंबरवाडी (अध्यक्ष, जयभारत फाउंडेशन), रो. अविनाश पोतदार, श्रीमती मानेक कपाडिया, श्रीमती लता कित्तूर, सुधीर कुसाणे, प्रसाद तेंडोलकर आणि इतरांचे प्रोत्साहन लाभत आहे.

18/07/2025

श्रीमती अनुसया प्रकाश हलगेकर यांचे निधन
बेळगाव : खासबाग उपार गल्ली येथील रहिवासी हलगेकर मळा येथे वास्तव्यास असलेल्या श्रीमती अनुसया प्रकाश हलगेकर वय वर्षे 64 यांचे अल्पशा आजाराने दुःखद निधन झाले.
त्यांच्या पश्चात एक मुलगा, सून, एक विवाहित मुलगी, जावई, नातवंडे असा परिवार आहे. अंत्ययात्रा दुपारी 12 वाजता राहत्या घरापासून खासबाग स्मशानभूमी येथे निघणार आहे. रक्षाविसर्जन सोमवारी सकाळी 8 वाजता होणार आहे.

17/07/2025

नगरसेवक गिरीश धोंगडी यांनी सोडविली हट्टीहोळी गल्लीतील समस्या...

बेळगाव:

हट्टीहोळी गल्लीतील रहिवाशांकडून पाणी दूषित होत असल्याची तक्रार आली होती. त्यावर नगरसेवक गिरीश धोंगडी यांनी आमदार अभय पाटील यांच्या मार्गदर्शनाखाली तात्काळ कारवाई केली. त्यांनी अधिकाऱ्यांना बोलावून कॅमेऱ्याच्या मदतीने लाइन तपासली आणि समस्या सोडवली. हट्टीहोळी गल्लीतील रहिवाशांनी गिरीश धोंगडी यांच्या या कामामुळे समाधान व्यक्त केले आणि आमदार अभय पाटील आणि नगरसेवक गिरीश धोंगडी यांचे आभार मानले आहेत.