Bengtol Anchalik Committee, ABSU

07/12/2025

बेंतल दख'रा गाहाय मावख' बेंतल सिरां।
अक्ट- 07 दिसेम्बर 2025इं।

बर' सानसुमै- मेलेमजिबि सुबुंफोरनि, दिनैनि मोन द' जौगाखां हारिखौ ST खालामनो नागिरनायनि सायाव सावरायमेल।

गासै बिथिङाव जौगासारनाय आरो बांसिन सुबुं अनजिमा थानाय मोनड' हारिनो एस. टि. थिसन्नायनि थाखाय Group of Minister नि Recommendation नि सायाव दिनै बर'नि माहारियारि आफाद, धोरोमारि गौथुमफोरजों लोगोसे बर'नि सानसुमै मेलेमजिबिफोरखौ लानानै जोबोत गोथौवै आरो गुवारै सावरायनाय जायो।

गासैनिबो मोनसेल' गारां- मोनड' हारिखौ एस टि खालामनायखौ खौसेयै हेंथा खालामनाय। हारिनि थामोनथा रैखाथिखौ लानानै इयुन जोलैनि रैखाथिखौ नोजोर बोनानै हाबा मावनो बयबो थांखि लायो। गामि गामि सांग्रांथि हाबाफारि लानायजों लोगोसे मेलेमजिबि सावरायमेल लानो थांखि आजावो। भारत सरकारजों सावरायनाय, आयेननि मदद लानाय लोगोसे सोमावसारनाय हाबाफारि लानाय बायदि थांखि आजावो।

बड'लैन्ड मुलुग सोलोंसालिनि जोहोलाव निलेश्वर ब्रह्म अडिटरियामाव दिनै गासै आसामनि 1200 निबो बारा सुबुंफोरनि बाहागो लानायजों खुंफुंनाय जायो।

हाबाफारियाव बेंतल दख'रा एबसुनिफ्राय गाहाय नेहाथारि देभिद बसुमतारी आरो लोगो सोलोंथाय नेहाथारि फोरदान बसुमतारी आरो बेंगल दख'रा एबसुनि सिंआव थानाय सानसुमै मेलेमजिबि बिथांमोनखौबो मैखोमै बाहागो लानायखौ नुनो मोननाय जादों।

एबसु जिउ लावथों।
जै बर' हारिनि जै।
बुहुमनि बर'फोर खौसे जा।

01/12/2025

बेंतल दख'रा गाहाय मावख' बेंतल, सिरां।
अक्ट- 01 दिसेम्बर 2025इं।

👉सोलोंथाइनि अनगा मुलुगआ खोमसि, बिनिखायनो बुङो सोलोंथाइआ सोरांनि लामा।

दिनै बेंतल दालायसा एबसुनि बानजायनायाव बेंतल गोजौसिन गेजेरारि फरायसालियाव, फैबायथानाय मेट्रिक आनजादखौ नोजोराव लाखिनानै थाखो "जि" नि फरायसा आरो फरायसुलिफोरजों मोनसे सोलोंथायारि थुलुंगाखां सांग्रांथि मेल लानाय जायो।
बेंतल दालायसा एबसुनि आफादगिरि सनेस्वर ब्रह्म दैदेननाय बे हाबाफारियाव गाहाय बुंथिगिरि आलासि महरै मिस मनालिसा नार्जारि (Chutiya Development Council Worker) बिथांजोआ बाहागो लादोंमोन लोगोसे बेंतल दख'रानि आफादगिरि सोमदोन औवारी बिथांआबो बुंथिगिरि महरै बाहागो लायो, हाबफारियावनो थुक्राजार दालायसा एबसुनि गाहाय नेहाथारि जोंसाद बसुमतारी बेंतल दालायसा एबसुनि सोलोंथाइ नेहाथारि दिदोम बसुमतारी बिथांमोनहाबो नुजाथिदोंमोन।

27/11/2025

आसामनि मोनद' जौगानाय हारिफोरनो ST होनो नागिरनायनि हेंथायै एबसु आरो गुबुन गुबुन ट्रायबेल आफादफोरनि जथाइयै आसाम सरकारनि सायाव गोख्रों सोमावसारनाय।

27/11/2025

बेंतल दख'रा गाहाय मावख' बेंतल सिरां।
अक्ट'-27 नबेम्बर, 2025इं।

आसामनि बांसिन सुबुं अनजिमा थानाय आरो जौगानाय मोन 6 हारिनो आसाम सरखारा ST मोनथाय होनो लानाय गिख्रंथाव थांखिनि हेंथायै दिनै मिरुनि बिथोन बादियै सिरां जिल्ला एबसुआबो जिल्लानि सिङाव थानाय माहारियारि आफादफोरजों लोगोसे गुबुन गुबुन ट्राइबेल हारिफोरनि आफादफोजों जथायै सरखारनि हेंथायै खुद्रिसारना बन्जार रेलि हाबाफारि लानाय जायो।
बे हाबाफारियावनो मिरु एबसुनि गाहाइ नेहाथारी मानाव गेदेद मुस्रि खनिन्द्र बसुमतारी बिथाङा बाहागो लानायजों लोगोसे गावनि बेसेनगोसा बिबुंथि लाखियो।
हाबाफारियावनो ट्राइबेल संघनि आफादगिरि मुस्रि स्कुमार बसुमतारी बिथाङाबो बाहागो लायो आरो जिल्लानि सिङाव थानाय गुबुन गुबुन आफादफोरनि गोबां दैदेनगिरि, सानसुमै रायजो राजा बाथांमोनहा मैखोम बिथाङाबो लानायजों हाबाफारिखौ जाफुंसार खालामो।
मख'नो गोनांदि बे हाबाफारियावनो बेंतल दख'रा एबसुनि आफादगिरि आरो गाहाय नेहाथारि दैदेननायाव गासै दख'रा आरो मोनब्रै दालायसा आफादनिफ्राय एबसुनि मावथि लोगोसे ओनसोलनि सानसुमै बिथांमोनहाबो बाहागो लायो।

27/11/2025

21/11/2025

बेंतल दख'रा गाहाय मावख' बेंतल।
अक्ट- 21 नबेम्बर, 2025इं

संबिजितनि 280 आर्टिकोल आरो 125थि सोदांनाय बिलखौ देग्लाइनि गोजां बोथोरनि पार्लियामेनट सेसन(Winter Season) आवनो बारहोनाय आरो आद्रा थाबावनाय BTR गोरोबथानि दफाफोरखौ थाबैनो आबुङै मावफुंनांगौनि थाखाय मोन 12 दाबिफोरखौ लानानै एबसु, बारग' एनडिएफबि वेलफार एसोसियेसन आरो इउ.बि.पि.अ. जथायै भारतनि राजथावनि गोदान दिल्लीनि जन्थर मन्टरआव 3 घन्टानि धर्णा हाबाफारि लायो।
हाबाफारियाव बेंतल एबसुनिफ्रायबो आफादगिरि सोमदोन औवरी, गाहाय नेहाथारि देभिद बसुमतारी आरो बेंतल दालायसा एबसुनि आफादगिरि सनेस्वर ब्रह्म बिथांमोनहा बाहागो लायो।

20/11/2025