02/07/2025
Berhampur Municipal Corporation (BMC) ର ନୂଆଁ କମିଶନର ଙ୍କୁ ଓଡ଼ିଶା ଡେଭଲପମେଣ୍ଟ ଫୋରମ୍ ର ସ୍ବାଗତ; ବ୍ରହ୍ମପୁର ସହରର ବିକାଶ ପାଇଁ କାମ କରିବାକୁ ଦେଲେ ପ୍ରତିଶୃତି
ନୂଆଁ BMC କମିଶନର ଶ୍ରୀ ପ୍ରଥମେଶ ରାଜସିର୍କେ ଙ୍କୁ ମିଶି ଓଡ଼ିଶା ଡେଭଲପମେଣ୍ଟ ଫୋରମ୍ କାର୍ଯ୍ୟକର୍ତ୍ତା ସ୍ବାଗତ କରିବା ସହ ବ୍ରହ୍ମପୁର ସହରର ସର୍ବାଙ୍ଗୀନ ବିକାଶ ପାଇଁ ଏକ ଦାବିପତ୍ର ପ୍ରଦାନ କରିଥିଲେ।
ବ୍ରହ୍ମପୁର ସହର ତଳି ଅଞ୍ଚଳ କୁ ମହାନଗର (BMC) ସହ ଶୀଘ୍ର ମିଶାଇବା, ବିପର୍ଯ୍ୟସ୍ତ ରାସ୍ତାଘାଟ ର ଅବସ୍ଥା ସୁଧାରିବା, ଗେଟ ବଜାର, ଫାଷ୍ଟ ଗେଟ, ଖଲ୍ଲିକୋଟ କଲେଜ - ବିଜିପୁର ଓ କମାପଲ୍ଲୀ ଠାରେ ଫ୍ଲାଇଓଭର ନିର୍ମାଣ କରିବା, ରାସ୍ତା କଡର ଉଠା ଦୋକାନୀଙ୍କୁ ଭେଣ୍ଡିଂ ଜୋନ୍ ନିର୍ମାଣ କରି ସ୍ଥାନାନ୍ତର କରିବା, ସହର ବାହାରକୁ ବସଷ୍ଟାଣ୍ଡ ସ୍ଥାନାନ୍ତର କରି ଅବ୍ୟବସ୍ଥିତ ଟ୍ରାଫିକ ର ସୁପରିଚାଳନା ପାଇଁ ଚେଷ୍ଟା କରିବା ପାଇଁ ଅନୁରୋଧ କରାଯାଇଥିଲା। ଏହା ଛଡ଼ା ପାଦଚଲା ରାସ୍ତା, ଫୁଟ ଓଭର ବ୍ରିଜ୍ ଓ ସହରର ବିଭିନ୍ନ ଅଞ୍ଚଳରେ ଖୋଲା ସ୍ଥାନ, ପାର୍କ, ଖେଳ ପଡିଆ ଓ ପ୍ରଦର୍ଶନୀ ପଡ଼ିଆ ଚିହ୍ନିତ କରିବା ନିମନ୍ତେ ଦାବୀପତ୍ର ରେ ଦାବି କରାଯାଇଛି।
ସୂଚନା ଅନୁସାରେ ୨୦୦୮ ଡିସେମ୍ବର ୨୯ ତାରିଖର State Gazette Notification ରେ ସହର ତଳି ଅଞ୍ଚଳର ୧୮ ଟି ପଞ୍ଚାୟତ କୁ ବ୍ରହ୍ମପୁର ମହାନଗର ସହ ମିଶାଇବା ପାଇଁ ନିର୍ଦ୍ଦେଶ ଥିଲା କିନ୍ତୁ ଗତ ସରକାର ଓ ସ୍ଥାନୀୟ ଜନପ୍ରତିନିଧି ଏବଂ ପ୍ରଶାସନିକ ସ୍ତରର ଉଦାସୀନତା ଓ ଗଞ୍ଜାମ ଜିଲ୍ଲା ପ୍ରତି ବୈମାତୃକ ମନୋଭାବ ଯୋଗୁଁ ସହର ତଳି ଅଞ୍ଚଳ ବର୍ତ୍ତମାନ ପର୍ଯ୍ୟନ୍ତ ବ୍ରହ୍ମପୁରରେ ମିଶି ପାରିଲା ନାହିଁ। ମାନନୀୟ ଓଡ଼ିଶା ଉଚ୍ଚନ୍ୟାୟାଳୟର ନିର୍ଦ୍ଦେଶକୁ ମଧ୍ୟ ଗତ ଓଡ଼ିଶା ସରକାର ଭୂକ୍ଷେପ କରୁନଥିବା ଦେଖାଯାଇ ଥିଲା। ଏହା ଦ୍ବାରା ସହର ତଳି ଅଞ୍ଚଳ ରେ ରହୁଥିବା ଲୋକ ସାଧାରଣ ସୁବିଧା ପାଇବାରୁ ବଞ୍ଚିତ ହେଉଥିବା ବେଳେ, ପ୍ରାୟ ୩ ଲକ୍ଷ ଲୋକଙ୍କ ପାଇଁ ଭିତ୍ତିଭୂମି ଥିବା
ବ୍ରହ୍ମପୁର ସହର ଉପରେ ପ୍ରାୟ ୮ ରୁ ୧୦ ଲୋକ ନିର୍ଭର କରୁଥିବା ଯୋଗୁଁ ଏହାର ଅଵସ୍ଥା ଅତ୍ୟଧିକ ଖରାପ ହେବାରେ ଲାଗିଛି ଓ କେନ୍ଦ୍ରୀୟ ଅନୁଦାନ ରୁ ବଞ୍ଚିତ ହେଉଛି।
୧୮ ପଞ୍ଚାୟତ ସହ ଅନ୍ୟ ଦାବୀ ଗୁଡ଼ିକ ଶିଘ୍ର ପୂରଣ କରିବା ପାଇଁ ଚେଷ୍ଟା କରିବି ବୋଲି ଶ୍ରୀ ପ୍ରଥମେଶ ରାଜସିର୍କେ ଓଡ଼ିଶା ଡେଭଲପମେଣ୍ଟ ଫୋରମ୍ କାର୍ଯ୍ୟକର୍ତ୍ତା ଙ୍କୁ ପ୍ରତିଶୃତି ଦେଇଥିଲେ।
ଏହି କାର୍ଯ୍ୟକ୍ରମରେ ଓଡ଼ିଶା ଡେଭଲପମେଣ୍ଟ ଫୋରମ୍ ସଚିବ V.ସୋମେଶ୍ୱର ରାଓ, ପ୍ରିତିଶ ପାଣିଗ୍ରାହୀ, ଦକ୍ଷିଣ ଓଡ଼ିଶା ମିଳିତ କ୍ରିୟାନୁଷ୍ଠାନ କମିଟିର ଆବାହକ ସରୋଜ ପଟ୍ଟନାୟକ, ଫୋରମ୍ ସହ-ସଚିବ ମାନସ ରଞ୍ଜନ ପାତ୍ର, କିରଣ କୁମାର ପଣ୍ଡା, ସନ୍ତୋଷ କୁମାର ସାହୁ, ରମେଶ ଚନ୍ଦ୍ର ସାହୁ, କେଦାର ନାଥ ପଣ୍ଡା, ସୁରେଶ କୁମାର ଙ୍କ ସମେତ ବହୁ ସଂଖ୍ୟାରେ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
Odisha Development Forum
Mail: [email protected]
