AP News

23/07/2026

ଅସୁରାଳିରେ ଭାରତୀ ଫ୍ଲାଏଆଶ୍ ବ୍ରିକ୍ କାରଖାନାର ଶୁଭ ଉଦ୍ଘାଟନ
ଅସୁରାଳି ଅଞ୍ଚଳର ବରୁଣେଇ ମନ୍ଦିର ନିକଟରେ ନୂତନ ଭାବେ ପ୍ରତିଷ୍ଠିତ “ଭାରତୀ ଫ୍ଲାଏଆଶ୍ ବ୍ରିକ୍” ନିର୍ମାଣ କାରଖାନାର ଆଜି ଶୁଭ ଉଦ୍ଘାଟନ ହୋଇଯାଇଛି।
ଏହି ଶୁଭ ଉଦ୍ଘାଟନ ସମାରୋହରେ ମାନ୍ୟବର ମନ୍ତ୍ରୀ ସୂର୍ଯ୍ୟବଂଶୀ ସୂରଜ, ସଂଗ୍ରାମ ଆଚାର୍ଯ୍ୟଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ନୂତନ କାରଖାନାର ଶୁଭାରମ୍ଭ କରିଥିଲେ। ଏହି ଅବସରରେ ଅଞ୍ଚଳବାସୀ, ଅତିଥି ଓ ଶୁଭେଚ୍ଛୁମାନଙ୍କ ଉପସ୍ଥିତିରେ ଉଦ୍ଘାଟନୀ କାର୍ଯ୍ୟକ୍ରମ ଉତ୍ସବମୁଖର ହୋଇଉଠିଥିଲା।
ଘର, ଦୋକାନ, ବ୍ୟବସାୟିକ ପ୍ରତିଷ୍ଠାନ ସମେତ ବିଭିନ୍ନ ନିର୍ମାଣ କାର୍ଯ୍ୟ ପାଇଁ ଉଚ୍ଚମାନର ଫ୍ଲାଏଆଶ୍ ସିମେଣ୍ଟ ଇଟା ଏଠାରେ ଉପଲବ୍ଧ ହେବ। ମଜବୁତ ଓ ଟିକାଉ ଗୁଣବତ୍ତା, ସଠିକ୍ ଆକାର, ଉତ୍କୃଷ୍ଟ ଫିନିଶିଂ ଏବଂ ସୁଲଭ ମୂଲ୍ୟରେ ଇଟା ଯୋଗାଇବା ଏହି କାରଖାନାର ମୁଖ୍ୟ ଲକ୍ଷ୍ୟ ବୋଲି ପ୍ରୋପ୍ରାଇଟର ଶ୍ରୀକାନ୍ତ ସାହୁ ପ୍ରକାଶ କରିଛନ୍ତି।
ଅସୁରାଳି ଅଞ୍ଚଳରେ ନିର୍ମାଣ ସାମଗ୍ରୀର ଚାହିଦା ପୂରଣ ସହିତ ଏହି ନୂତନ ଶିଳ୍ପ ପ୍ରତିଷ୍ଠାନ ସ୍ଥାନୀୟ ଅଞ୍ଚଳର ଆର୍ଥିକ ବିକାଶରେ ମଧ୍ୟ ସହାୟକ ହେବ ବୋଲି ଅଞ୍ଚଳବାସୀ ଆଶା ପ୍ରକାଶ କରିଛନ୍ତି।

23/07/2026

28/06/2026

ଭଦ୍ରକ,: ରାଜ୍ୟର ସର୍ବପୁରାତନ ସାମ୍ବାଦିକ ସଂଗଠନ ଉତ୍କଳ ସାମ୍ବାଦିକ ସଂଘ ପକ୍ଷରୁ ୩ ଦିନିଆ ରାଜ୍ୟ କାର୍ଯ୍ୟକାରିଣୀ ବୈଠକ ଭଦ୍ରକ ଟାଉନ୍ ହଲ୍‌ରେ ଆରମ୍ଭ ହୋଇଛି। ଏହି ବୈଠକରେ ରାଜ୍ୟର ବିଭିନ୍ନ ଜିଲ୍ଲାରୁ ବହୁ ସଂଖ୍ୟକ ସାମ୍ବାଦିକ ଯୋଗଦେଇ ସାମ୍ବାଦିକତାର ବିକାଶ, ସଂଗଠନର ସୁଦୃଢ଼ୀକରଣ ଏବଂ ସାମ୍ବାଦିକଙ୍କ ବିଭିନ୍ନ ସମସ୍ୟା ଓ ଅଧିକାର ସମ୍ପର୍କରେ ବିସ୍ତୃତ ଆଲୋଚନା କରୁଛନ୍ତି।
ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମନ୍ତ୍ରୀ ସୂର୍ଯ୍ୟବଂଶୀ ସୂରଜ, ବରିଷ୍ଠ ସାମ୍ବାଦିକ ତଥା ଦୈନିକ ଖବରକାଗଜ ସମ୍ବାଦର ପ୍ରତିଷ୍ଠାତା ସୌମ୍ୟରଞ୍ଜନ ପଟ୍ଟନାୟକ ଭଦ୍ରକ ବିଧାୟକ ସୀତାଂଶୁ ଶେଖର ମହାପାତ୍ର,, ଭଣ୍ଡାରିପୋଖରୀ ବିଧାୟକ ସଞ୍ଜୀବ ମଲ୍ଲିକ, ଉତ୍କଳ ସାମ୍ବାଦିକ ସଂଘର ରାଜ୍ୟ ସଭାପତି ବିଭୂତି କର ଓ ସମ୍ପାଦକ ବେଣୁଧର ପଣ୍ଡା ଉପସ୍ଥିତ ରହିଥିଲେ।
ବକ୍ତାମାନେ ସାମ୍ବାଦିକତାର ମୂଲ୍ୟବୋଧ, ଗଣତନ୍ତ୍ରରେ ଗଣମାଧ୍ୟମର ଭୂମିକା, ସତ୍ୟନିଷ୍ଠ ଖବର ପରିବେଷଣ ଏବଂ ସାମ୍ବାଦିକଙ୍କ ସୁରକ୍ଷା ଓ କଲ୍ୟାଣ ଉପରେ ଗୁରୁତ୍ୱାରୋପ କରିଥିଲେ। ଆଗାମୀ ଦିନରେ ସଂଗଠନକୁ ଆହୁରି ସଶକ୍ତ କରିବା ସହ ସାମ୍ବାଦିକଙ୍କ ସ୍ୱାର୍ଥ ସୁରକ୍ଷା ପାଇଁ ସମସ୍ତେ ଏକାଠି କାମ କରିବାକୁ ଆହ୍ୱାନ ଦେଇଥିଲେ।
ଏହି ୩ ଦିନିଆ ବୈଠକରେ ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ସାମ୍ବାଦିକମାନଙ୍କ ସକ୍ରିୟ ଅଂଶଗ୍ରହଣ ଭଦ୍ରକ ସହରକୁ ସାମ୍ବାଦିକତାର ଏକ ମିଳନ ପୀଠରେ ପରିଣତ କରିଛି।

DDA PRESS CLUB
District Administration,Bhadrak
Amautkal Barta
#ଉତ୍କଳ_ସାମ୍ବାଦିକ_ସଂଘ
#ଭଦ୍ରକ
#ରାଜ୍ୟ_କାର୍ଯ୍ୟକାରିଣୀ_ବୈଠକ
#ସାମ୍ବାଦିକ
#ଓଡ଼ିଶା

02/06/2026

ଆରଡ଼ି: ଭଦ୍ରକ ଜିଲ୍ଲାର ପ୍ରସିଦ୍ଧ ଶୈବ ପୀଠ ଆଖଣ୍ଡଳମଣି ମନ୍ଦିର ଠାରେ ଆଜି ପ୍ରଶାସନ ପକ୍ଷରୁ ବ୍ୟାପକ ଉଚ୍ଛେଦ ଅଭିଯାନ ଆରମ୍ଭ କରାଯାଇଛି। ମନ୍ଦିରର ବିକାଶ ଓ ଭକ୍ତମାନଙ୍କ ପାଇଁ ଉନ୍ନତ ସୁବିଧା ସୃଷ୍ଟି ଲକ୍ଷ୍ୟରେ ପ୍ରଥମ ପର୍ଯ୍ୟାୟରେ ମନ୍ଦିର ପରିସରରୁ ୬୫ ମିଟର ପର୍ଯ୍ୟନ୍ତ ଉଚ୍ଛେଦ କାର୍ଯ୍ୟ କରାଯାଉଛି। ଏହା ମାଧ୍ୟମରେ ମନ୍ଦିରର ପରିସରର ସାମଗ୍ରିକ ବିକାଶ କାର୍ଯ୍ୟକୁ ଆଗକୁ ବଢ଼ାଯିବ।
ଉଚ୍ଛେଦ ଅଭିଯାନକୁ ସୁଚାରୁ ଭାବେ ସମ୍ପନ୍ନ କରିବା ପାଇଁ ବ୍ୟାପକ ପୁଲିସ ବଳ ଓ ପ୍ରଶାସନିକ ଅଧିକାରୀ ମୁତୟନ କରାଯାଇଛନ୍ତି। ଚାନ୍ଦବାଲି ତହସିଲଦାର ଭାବଗ୍ରାହି ମଲ୍ଲିକ, ଅତିରିକ୍ତ ଏସପି ଅଂଶୁମାନ ଦ୍ୱିବେଦୀ ଏବଂ ଉପଜିଲ୍ଲାପାଳ ସୌରଭ ଚକ୍ରବର୍ତ୍ତୀଙ୍କ ସମେତ ବହୁ ବରିଷ୍ଠ ଅଧିକାରୀ ଘଟଣାସ୍ଥଳରେ ଉପସ୍ଥିତ ରହି ଅଭିଯାନର ତଦାରଖ କରୁଛନ୍ତି।

31/05/2026

ଭଦ୍ରକ। କାଳ ବୈଶାଖୀ ପ୍ରଭାବ ଯୋଗୁ ବଜ୍ରାଘାତରେ ଜଳିଗଲା ତିନି ବଖରା ଘର । ଭଦ୍ରକ ଜିଲ୍ଲା ତିହିଡି ବ୍ଲକ ଅଧୀନସ୍ଥ ଦହପାଣିଆ ଗାଁର ବିଷ୍ଣୁ ମୋହନ ମହାଳିକଙ୍କ ତିନି ବଖରା ଘର ଆଜି ବଜ୍ରାଘାତ ଯୋଗୁଁ ଜଳି ଯାଇଥିବା ଦେଖିବାକୁ ମିଳିଛି । ଗାଁ ଲୋକ ଓ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲାବେଳେ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଂଚି ଥିଲେ ।ତେବେ ସେତେବେଳକୁ ଘରଟି ସମ୍ପୂର୍ଣ୍ଣ ଜଳି ଯିବା ସହ ଘରର ଆବଶ୍ୟକ ଜିନିଷ ପତ୍ର ଜଳି ପୋଡ଼ି ନଷ୍ଟ ହୋଇ ଯାଇଛି । ଫଳରେ ପରିବାର ଲୋକେ ନାହିଁ ନଥିବା ଅବସ୍ଥାରେ ଖୋଲା ଆକାଶ ତଳେ ପଡିରହିଥିବା ଦେଖିବା ପାଇଁ ମିଳିଛି । ପ୍ରଶାସନ ତରଫରୁ ତୁରନ୍ତ ସହାୟତା ଯୋଗାଇବା ପାଇଁ ଅନୁରୋଧ କରିଛନ୍ତି ପରିବାର ଲୋକେ।

31/05/2026

ଓଡ଼ିଶା ପ୍ରଶାସନିକ ସେବା (ଓଏଏସ୍)ରେ ସଫଳତା ପରେ ବରେନ୍ଦ୍ର କୁମାର ଜେନାଙ୍କୁ ଜନ୍ମ ମାଟି କଲେଇ ଗ୍ରାମପଞ୍ଚାୟତ ରେ ଭବ୍ୟ ସମ୍ବର୍ଦ୍ଧନା।

29/05/2026

ତିହିଡ଼ି ବ୍ଲକ ଅଧୀନସ୍ଥ ବୋଡକ ପଞ୍ଚାୟତର ରେବ କପାଳୀ ନଦୀ ମୁହାଣରୁ ଆଜି ସକାଳେ ଜଣେ ଅଜଣା ମହିଳାଙ୍କ ମୃତଦେହ ଉଦ୍ଧାର ହୋଇଥିବା ସୂଚନା ମିଳିଛି। ସ୍ଥାନୀୟ ଲୋକେ ନଦୀ କୂଳରେ ମୃତଦେହଟି ଭାସୁଥିବା ଦେଖି ପୋଲିସକୁ ଖବର ଦେଇଥିଲେ।
ଖବର ପାଇ ତିହିଡ଼ି ଥାନା ଅଧିକାରିଣୀ Lopamudra Nayak ତିହିଡ଼ି ତହସିଲଦାର ସନ୍ଧାନୀ କୁକୁର ଘଟଣାସ୍ଥଳରେ ପହଞ୍ଚି ସମଗ୍ର ଘଟଣାର ତଦନ୍ତ ଆରମ୍ଭ କରିଛନ୍ତି। ପୋଲିସ ମୃତଦେହକୁ ଜବତ କରି ପରିଚୟ ଖୋଜିବା ସହ ମୃତ୍ୟୁର କାରଣ ନେଇ ତଦନ୍ତ ଚଳାଇଛି।
ଘଟଣାକୁ ନେଇ ସମଗ୍ର ଅଞ୍ଚଳରେ ଚର୍ଚ୍ଚାର ପରିବେଶ ସୃଷ୍ଟି ହୋଇଥିବା ବେଳେ, ମହିଳା ଜଣଙ୍କ କିଏ ଏବଂ କେମିତି ନଦୀରେ ପହଞ୍ଚିଲେ ସେନେଇ ପୋଲିସ ଖୋଳତାଡ଼ ଜାରି ରଖିଛି।

28/05/2026

ହେ ଓଡ଼ିଶା ସରକାର ମୋ ପୁତୁରା କୁ ସାହାଯ୍ୟ କର

ଧାମନଗର ବିଜ୍ଞାପିତ ଅଞ୍ଚଳ ଏକ ନମ୍ବର ୱାର୍ଡ ଭଣ୍ଡାରିପଦି ଗ୍ରାମର ଶୁକଦେବ ପ୍ରଧାନ ଙ୍କର ପୁଅ ଜୟନ୍ତ ପ୍ରଧାନ (ବୟସ ୩୨)। ଦୁଇଟି ପିଲାର ବାପ ଗୋଟେ ଝିଅ (ବୟସ 13), ଆଉ ପୁଅର (ବୟସ ୧୦) ନିଜର ପରିବାର କୁ ମୁଠାଏ ଦାନା ଦେବାପାଇଁ ତାଳଚେର ଯାଉଥିଲେ। କାମାକ୍ଷା ଥାନା ଅଞ୍ଚଳରେ ହେଲା ସଡ଼କ ଦୃଘଟଣା ବାଲି ବୋଝେଇ ହାୱା ପଛକୁ ପିଟିଲା ବୋଲେରୋ ପିକଅପ , ପିକଅପ ରେ ଥିବା ତିନିଜଣଙ୍କୁ ଗ୍ରାମବାସୀ ମାନେ କାମାକ୍ଷା ନଗର ଡାକ୍ତର ଖାନାରେ ଭର୍ତି କରାଯାଇଥିଲା ପରେ ତାଙ୍କୁ ଭଦ୍ରକ ଅଣାଯାଇଥିଲା ଅତିଗୁରୁତର ହେବାରୁ କଟକ ବଡ ଡାକ୍ତରଖାନାକୁ ନିଆଯାଇଥିଲା ସେଠାରେ ଡାକ୍ତର ଜୟନ୍ତ ପ୍ରଧାନଙ୍କର ସ୍ପାଇନାଲ କଡ ରେ ଗଭୀର ଆଘାତ ଲାଗିଛି ବୋଲି କହିଥିଲେ ।ପରେ ଅପରେସନ ମଧ୍ୟ ହୋଇ ଥିଲା କିନ୍ତୁ କିଛି ସଫଳ ମିଳି ନଥିଲା ଜୟନ୍ତ ପ୍ରଧାନଙ୍କର ଅଣ୍ଟା ତଳକୁ ସବୁ କିଛି ଅଚଳ ହୋଇପଡିଛି।ଗୋଟେ ଜାଗାରେ ଶୋଇ ରହିବା ଛଡ଼ା କିଛି ବି କରି ପାରୁନାହାନ୍ତି ।ପରିବାର ର ବୋଝ କୁ କିପରି ଆଗକୁ ନେବେ ସାଧାରଣ ଲୋକଙ୍କୁ ଏବଂ ସରକାରଙ୍କୁ ଗୁହାରି କରିଛନ୍ତି ପରିବାର ଲୋକେ

27/05/2026

ଭଦ୍ରକ ଆରଡ଼ି ମୁଖ୍ୟ ରାସ୍ତା କୋଠାର ନସଲାପୁର ବାଇପାସ୍ ରାସ୍ତାର ସ୍ଥିତି ଅନୁଧ୍ୟାନ କଲେ ମନ୍ତ୍ରୀ ସୂର୍ଯ୍ୟବଂଶୀ ସୁରଜ