Sahibdeep Publication

18/06/2025

ਭਾਰਤੀ ਸਾਹਿਤ ਅਕੈਡਮੀ ਵੱਲੋਂ 2025 ਦੇ ਬਾਲ ਸਾਹਿਤ ਪੁਰਸਕਾਰਾਂ ਦਾ ਐਲਾਨ ਕਰ ਦਿੱਤਾ ਗਿਆ, ਜਿਸ ਤਹਿਤ ਪੰਜਾਬੀ ਵਿੱਚ ਇਹ ਇਨਾਮ ਪਾਲੀ ਖ਼ਾਦਿਮ ਦੇ ਨਾਵਲ ‘ਜਾਦੂ-ਪੱਤਾ’ ਨੂੰ ਦੇਣ ਦਾ ਫ਼ੈਸਲਾ ਕੀਤਾ ਗਿਆ।
ਪਾਲੀ ਖ਼ਾਦਿਮ (ਅੰਮ੍ਰਿਤਪਾਲ ਸਿੰਘ) ਅਹਿਮਦਗੜ੍ਹ ਦੇ ਰਹਿਣ ਵਾਲੇ ਅਤੇ ਅਧਿਆਪਕ ਹਨ। ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਤੋਂ ਪੰਜਾਬੀ ਲੋਕ ਸਾਜ਼ਾਂ ਤੇ ਅਧਾਰਤ ਵੰਨਗੀ “ਫੋਕ ਆਰਕੈਸਟਰਾ” ਵਿਚ ਸਾਲ 2002 ਵਿੱਚ ਸੋਨ ਤਮਗਾ ਜੇਤੂ, ਪੰਜਾਬੀ ਸਾਹਿਤ ਦੀ ਸੇਵਾ ਵਿੱਚ ਪੰਜ ਕਿਤਾਬਾਂ – ‘ਸਵੈ ਦੀ ਤਸਦੀਕ’ ਗ਼ਜ਼ਲ ਸੰਗ੍ਰਹਿ, ‘ਜਾਦੂ ਪੱਤਾ’ ਬਾਲ ਨਾਵਲ, ‘ਸਾਡੀ ਕਿਤਾਬ’ ਬਾਲ ਕਵਿਤਾ, ‘ਵਾਇਰਸ’ ਬਾਲ ਨਾਵਲ ਅਤੇ ‘ਪੰਜਾਬੀ ਵਿਆਕਰਨ’ (ਕਵਿਤਾ ਰੂਪ ਵਿੱਚ) ਲਿਖ ਚੁੱਕੇ ਹਨ। ਪੰਜਾਬੀ ਰੰਗ-ਮੰਚ ਨਾਲ ਜੁੜੇ ਰਹੇ ਪਾਲੀ ਨੂੰ ਕੋਰੀਓਗ੍ਰਾਫੀ, ਹਿਸਟਾਨਿਕਸ, ਸਕਿੱਟ, ਮਮਿਕਰੀ ਅਤੇ ਮਾਈਮ ਆਦਿ ਦਾ ਵੀ ਗਿਆਨ ਹੈ। (ਮਨਧੀਰ ਦਿਓਲ)

08/06/2025

ਸਾਹਿਬਦੀਪ ਪਬਲੀਕੇਸ਼ਨ ਪੰਜਾਬ ਭਾਰਤ ਪੁਸਤਕ ਪ੍ਰਦਰਸ਼ਨੀ ਬਾਬਾ ਸਿੱਧ ਭੋਇ ਜੀ ਦੇ ਸਲਾਨਾ ਜੋੜ ਮੇਲੇ ਮੌਕੇ ਪਿੰਡ ਕੋਟ ਲੱਲੂ ਜ਼ਿਲ੍ਹਾ ਮਾਨਸਾ ਵਿਖੇ

20/05/2025

ਮਹਿਸੂਸ ਤਾਂ ਕਰ/ਕਾਵਿ ਸੰਗ੍ਰਹਿ/ਕਵਿਤਰੀ ਕੁਲਵਿੰਦਰ ਕੌਰ ਢਿੱਲੋਂ ਦੀ ਪੁਸਤਕ ਸਾਹਿਬਦੀਪ ਪਬਲੀਕੇਸ਼ਨ ਪੰਜਾਬ ਭਾਰਤ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ, ਸਾਹਿਤਕ ਦੁਨੀਆ

20/05/2025

ਪਰਦੇਸ ਰੁਦਨ/ਕਾਵਿ ਸੰਗ੍ਰਹਿ/ਕਵੀ ਮੁਖਤਿਆਰ ਸਿੰਘ ਸ਼ਿਵਾਨ/ਦੀ ਨਵੀਂ ਪੁਸਤਕ ਸਾਹਿਬਦੀਪ ਪਬਲੀਕੇਸ਼ਨ ਪੰਜਾਬ ਭਾਰਤ ਸਾਹਿਤਕ ਦੁਨੀਆBaba Jogi Peer Ji Chahal

19/04/2025

ਜੇ ਪਿਆਰ ਨਹੀਂ ਹੁੰਦਾ
ਤਾਂ ਅੰਤਰ ਧਿਆਨ ਹੋਵੋ

ਜੇ ਅੰਤਰ ਧਿਆਨ ਨਾ ਹੋਵੋ
ਤਾਂ ਕੋਈ ਕਿਤਾਬ ਪੜ੍ਹੋ

ਕਿਤਾਬ
ਕਿਸੇ ਪ੍ਰਾਚੀਨ ਮੰਦਿਰ ਦੇ
ਬੂਹੇ ਵਾਂਗ ਖੁੱਲੇਗੀ

ਤੁਸੀ ਇਸ ਦੇ ਅੰਦਰੋਂ
ਇਕ ਫ਼ੇਰੀ ਲਾ ਕੇ ਮੁੜੋਗੇ
ਤਾਂ ਤੁਹਾਡਾ ਚਿੱਤ
ਕਿਸੇ ਦੈਵੀ ਚਾਨਣ ਨਾਲ
ਭਰ ਜਾਵੇਗਾ

ਚਾਨਣ ਚਿੱਤ ਹੋਣ ਨਾਲ
ਤੁਸੀ ਅੰਤਰ ਧਿਆਨ ਹੋਵੋਗੇ
ਤਾਂ ਤੁਸੀ ਪਿਆਰ ਕਰੋਗੇ

ਕਿਤਾਬ ਉਹ ਬੇੜੀ ਹੈ
ਜੋ ਦੁਨੀਆ ਦੀ
ਸਭ ਤੋਂ ਸੋਹਣੀ ਝੀਲ ਦੇ
ਪਾਣੀਆਂ ਉੱਪਰ ਤਰਦੀ ਹੈ ......... *ਪਰਮਿੰਦਰ ਸੋਢੀ*

14/04/2025

ਪੁਸਤਕ ਪ੍ਰਦਰਸ਼ਨੀ ਬਾਬਾ ਸਾਹਿਬ ਡਾ ਭੀਮ ਰਾਓ ਅੰਬੇਡਕਰ ਜੀ ਦੇ ਜਨਮਦਿਨ ਮੌਕੇ ਸਮਾਗਮ ਸ਼ਾਂਤੀ ਹਾਲ ਮਾਨਸਾ ਵਿਖੇ

14/04/2025

07/04/2025

ਸਾਹਿਬਦੀਪ ਪਬਲੀਕੇਸ਼ਨ ਪੰਜਾਬ ਭਾਰਤ ਪੁਸਤਕ ਪ੍ਰਦਰਸ਼ਨੀ ਸੱਤਰੰਗ 2025 ਸੱਭਿਆਚਾਰਕ ਵਿਦਿਆਦਕ ਸਮਾਗਮ ਦੌਰਾਨ ਤੀਸਰੇ ਦਿਨ ਗੁਰੂ ਨਾਨਕ ਕਾਲਜ ਬੁਢਲਾਡਾ ਵਿਖੇ Bhupinder Fauji Karan Bhikhi ਨਕਸ਼ ਪੰਜਾਬੀ Mansa Khabarnama

06/04/2025

ਸੱਤਰੰਗ 2025 ਸਮਾਗਮ ਦੌਰਾਨ ਦੂਜੇ ਦਿਨ ਪੁਸਤਕ ਪ੍ਰਦਰਸ਼ਨੀ ਗੁਰੂ ਨਾਨਕ ਕਾਲਜ ਬੁਢਲਾਡਾ ਦੀਆਂ ਤਸਵੀਰਾਂ

30/03/2025

ਪ੍ਰੇਮ ਪ੍ਰਕਾਸ਼ ਨੇ ਆਪਣੀਆਂ ਕਹਾਣੀਆਂ ਵਿਚ ਜਨਮ ਲੈ ਲਿਆ ਹੈ ~

ਅਨੇਕਾਂ ਯਾਦਾਂ ਨੇ। ਇਨ੍ਹਾਂ ‘ਚੋਂ ਇਕ ਸਾਂਝੀ ਕਰ ਰਿਹਾ ਹਾਂ।
🌿

ਰੇਡੀਓ ਸਟੇਸ਼ਨ, ਜਲੰਧਰ ਕਵੀ ਸਭਾ ਦੀ ਰਿਕਾਰਡਿੰਗ ਲਈ ਗਿਆ ਸੀ। ਜਲੰਧਰ ਬਹੁਤ ਦੂਰ ਹੈ। ਫਿਰ ਵੀ ਪ੍ਰੇਮ ਪ੍ਰਕਾਸ਼ ਤੇ ਕੁਝ ਹੋਰ ਦੋਸਤਾਂ ਕਰਕੇ ਓਪਰਾ ਨਹੀਂ ਲੱਗਦਾ। ਰਿਕਾਰਡਿੰਗ ਤੋਂ ਬਾਅਦ ਸਿੱਧਾ ਪ੍ਰੇਮ ਪ੍ਰਕਾਸ਼ ਹੁਰਾਂ ਕੋਲ਼ ਗਿਆ। ਇੱਥੇ ਜਸਵੰਤ ਦੀਦ ਦੀ ‘ਘੁੰਡੀ' ਦੇਖੀ। ਇਹ ਕਾਵਿ-ਕਿਤਾਬ ਅਜੇ ਰਿਲੀਜ਼ ਹੋਣੀ ਹੈ। ਇਸ ਦਾ ਟਾਈਟਲ ਮਲਕੀਤ ਸਿੰਘ ਨੇ ਬਣਾਇਆ ਹੈ। ਇਸ ਕਿਤਾਬ ਦਾ ਨਾਂ ਸਿੱਧੂ ਦਮਦਮੀ ਨੇ ਰੱਖਿਆ ਹੈ। ਦੀਦ ਦੀ ਫੋਟੋ ਸੁਭਾਸ਼ ਪਰਿਹਾਰ ਨੇ ਖਿੱਚੀ ਹੈ। ਸ਼ਬਦਾਂ ਦੀ ਜੜ੍ਹਤ ਪ੍ਰਮਿੰਦਰਜੀਤ ਨੇ ਕੀਤੀ ਹੈ। ਇੱਕ ਕਿਤਾਬ 'ਚ ਕਿੰਨੇ ਬੰਦਿਆਂ ਦਾ ਯੋਗਦਾਨ ਹੁੰਦਾ ਹੈ!

ਅਕਸਰ ਹੀ ਪ੍ਰੇਮ ਪ੍ਰਕਾਸ਼ ਹੁਰਾਂ ਕੋਲ਼ੋਂ ਕੁਝ ਕਿਤਾਬਾਂ ਖ਼ਰੀਦ ਲਿਆਉਂਦਾ ਹਾਂ। ਸੁਖਬੀਰ ਦਾ ਕਹਾਣੀ ਸੰਗ੍ਰਹਿ ‘ਰੁਕੀ ਹੋਈ ਰਾਤ’ ਅਤੇ ‘ਦੇਵ: ਕਲਾ ਤੇ ਕਾਵਿ’ (ਸੰਪਾਦਕ ਡਾ. ਨੂਰ ਤੇ ਰਘੁਬੀਰ ਸਿੰਘ) 130 ਰੁਪਏ ਵਿੱਚ ਅਤੇ ਭੁਪਿੰਦਰ ਪੁਰੇਵਾਲ ਦੀ ‘ਬੰਸਰੀ’ 10 ਰੁਪਏ ਵਿੱਚ ਲਿਆਂਦੀਆਂ। ਪ੍ਰੇਮ ਪ੍ਰਕਾਸ਼ ਕਵਿਤਾ ਦੀਆਂ ਕਿਤਾਬਾਂ 10 ਰੁਪਏ 'ਚ ਹੀ ਵੇਚਦਾ ਹੈ। ਇਸ ਤਰ੍ਹਾਂ ਉਹ ਕਿਉਂ ਕਰਦਾ ਹੈ? ਖ਼ੈਰ! ‘ਲਕੀਰ’ ਦਾ ਚੰਦਾ ਵੀ 60 ਰੁਪਏ ਦੇ ਆਇਆ ਹਾਂ।

ਪ੍ਰੇਮ ਪ੍ਰਕਾਸ਼ ਨੂੰ ਮਿਲਣਾ ਇਸ ਤਰ੍ਹਾਂ ਲੱਗਦਾ ਹੈ ਜਿਵੇਂ ਅਸੀਂ ਇਕ-ਦੂਜੇ ਨੂੰ ਮੁਦਤਾਂ ਤੋਂ ਜਾਣਦੇ ਹੋਈਏ। ਨਿੱਕੀਆਂ-ਨਿੱਕੀਆਂ ਗੱਲਾਂ ਕਰਦਿਆਂ ਉਹਨਾਂ ਮੇਰੇ ਪੂਰੇ ਪਰਿਵਾਰ ਦੀ ਖ਼ੈਰ-ਸੁੱਖ ਪੁੱਛੀ।

ਅੱਜ ਦੁਪਹਿਰ ਦੀ ਰੋਟੀ ਉਹਨਾਂ ਦੇ ਘਰ ਹੀ ਖਾਧੀ। ਉਹਨਾਂ ਮੈਨੂੰ ਦੂਜੀ ਤੋਂ ਬਾਅਦ ਤੀਜੀ ਰੋਟੀ ਧੱਕੇ ਨਾਲ਼ ਰੱਖਦਿਆਂ ਕਿਹਾ, “ਮੈਨੂੰ ਪਤੈ ਤੁਸੀਂ ਮਾਲਵੇ ਵਾਲ਼ੇ ਖਾਣ-ਪੀਣ 'ਚ ਸੰਗਦੇ ਬਹੁਤ ਹੋ...” ਗੱਲ ਵਾਕਈ ਹੀ ਸਹੀ ਹੈ। ਅਸੀਂ ਮਾਲਵੇ ਵਾਲ਼ੇ ਸੱਚੀਂਓ ਸੰਗਦੇ ਹਾਂ। ਭਾਵੇਂ ਢਿੱਡ 'ਚ ਚੂਹੇ ਨੱਚਦੇ ਹੋਣ ਪਰ ਇੱਕ ਵਾਰ ਜ਼ਰੂਰ ਆਖਦੇ ਹਾਂ ਕਿ ਰੋਟੀ ਤਾਂ ਹੁਣੇ ਖਾ ਕੇ ਆਏ ਹਾਂ। ਪ੍ਰੇਮ ਹੁਰੀਂ ਨੈਚਰੋਪੈਥੀ ਦਾ ਕੋਈ ਨਵਾਂ ਸਬਕ ਪੜ੍ਹ ਕੇ ਹਟੇ ਹਨ। ਉਹਨਾਂ ਰੋਟੀ ਅਜੀਬ ਤਰੀਕੇ ਨਾਲ਼ ਖਾਧੀ। ਪਹਿਲਾਂ ਸਲਾਦ, ਫੇਰ 'ਕੱਲੀ ਦਹੀਂ, ਫੇਰ ’ਕੱਲੀ ਰੋਟੀ, ਫੇਰ ’ਕੱਲੀ ਸਬਜ਼ੀ ਵੱਡੇ ਬਾਬੇ ਨੇ, ਇਹਨਾਂ ਦੀਆਂ ਇਹੀ ਜਾਣਨ!

ਜਾਣ ਦਾ ਕਿਰਾਇਆ= 25 ਰੁਪਏ
ਆਉਣ ਦਾ ਕਿਰਾਇਆ= 26 ਰੁਪਏ
ਰਿਕਸ਼ਾ=10 ਰੁਪਏ
ਰਸਾਲਾ = 25 ਰੁਪਏ
ਅਖਬਾਰ = 2 ਰੁਪਏ
ਲਕੀਰ ਦਾ ਚੰਦਾ ਤੇ ਕਿਤਾਬਾਂ = 200
ਕੁੱਲ =345 ਰੁਪਏ

19 ਦਸੰਬਰ 2000
ਸਹਿਜ ਸੁਭਾਅ ( ਡਾਇਰੀ ) copy Gurpreet