Jagannath Sanskruti

14/10/2025

14/10/2025

🙏 #କାର୍ତ୍ତିକ_ମାହାତ୍ମ୍ୟ
#ଅଷ୍ଟମ_ଅଧ୍ୟାୟ🙏

#ନାରଦ_ଉବାଚ
ଇତ୍ୟୁକ୍ତ୍ୱା ଶୁକ୍ରମାହୁୟ ରାଜ୍ୟେତଂ ଚାଭିଷେଚୟେତ୍
ଆମନ୍ତ୍ର୍ୟ ସରିତାଂ ନାଥଂ ବ୍ରହ୍ମାନ୍ତର୍ଦ୍ଧାନମାଗତଃ ।।

ଶୁଣ ରାଜନ ବ୍ରହ୍ମଜ୍ଞାନୀ।ବ୍ରହ୍ମ ବଚନେ ଶୁକ୍ରମୁନି।।
ଜଳନ୍ଧରକୁ କରି ପୂଜା ।ସିନ୍ଧୁ ଦେଶରେ କଲେ ରାଜା।।
ଅନେକ ସମ୍ପଦ ବେଭାରେ । ରହିଲେ ସିନ୍ଧୁଙ୍କ ନଗରେ।।
ସେ ରାଜା ଜାତ ରୁଦ୍ର ଅଂଶେ ।ବିଶେଷ ଇନ୍ଦ୍ର ଅପଯଶେ।।
ଅନଳୁ ଜଳୁ ଉପୁଜିଲା ।ତେଣୁ ଅସୁର ବୃଦ୍ଧି ହେଲା।।
ବିଧାତା ଗଲେ ବର ଦେଇ ।ଶୁକ୍ରଙ୍କ ତହୁଁ ଶିକ୍ଷା ପାଇ।।
ସାଗର ସୁତ ବଳେ ବଳୀ ।ନର ରାଜାଙ୍କ ଦର୍ପଦଳି।।
ସର୍ବ ସମ୍ପଦ କଲା ଠୁଳ।ସିନ୍ଧୁଙ୍କୁ ଦେଲେ ମହୀପାଳ।।
ଅସୁର ନାରାୟଣ ଡରେ ।ଲୁଚି ଯେ ଥିଲେ ତଳ ପୁରେ।।
ସେ ସର୍ବ ଶୁକ୍ରଙ୍କ ଆଦେଶେ ।ମିଳିଲେ ଜଳନ୍ଧର ପାଶେ।।
ଶୁମ୍ଭୁ ନିଶମ୍ଭୁ ବାଣାସୁର ।ଅଘା ଶକୁନି ଶଙ୍ଖାସୁର।।
ହେତି ପ୍ରହେତି ବିପ୍ରଚିତ୍ତି ।ଘସ୍ମର ଘସ୍ର ଅଶ୍ଵପତି।।
କାଳନେମିର ପୁତ୍ର କାଳ।ଗଜଶ୍ରବଣ ବଜ୍ରମାଳ ।।
ଶମ୍ବର ବୃଷପ୍ରଭା କାଶୀ ।କୁମ୍ଭ କର୍କଶ ବେନି ଆସି।।
ଅଇଲେ ବଳ ମହାବଳ ।ହରିତସୁତ ତା ସକଳ।।
ନିଶ୍ଚନ୍ଦ୍ର ଅଗ୍ନି କୀର୍ତ୍ତିମାଳେ। ମୟ ଦାନବ ଆସି ମିଳେ।।
ଯେ ଜ୍ୟୋତିଶ୍ଚନ୍ଦ୍ର ଭାସକର ।ଖଡ଼ଗ ରୋମା ମହାବୀର।।
ଅଶୀଳ ଶୀଳ ଅନୁଦୟେ ।ସୁରଭି ନିବାରନ୍ତି ଦୟେ।।
ଚଣ୍ଡ ପ୍ରଚଣ୍ଡ ମୁଣ୍ଡ ଆଦି ।ସୁର ଯେ ପିଶାଚ ବିବାଦି।।
ବଜ୍ରଦଂଷ୍ଟ୍ର ଯେ ଶୁଭ୍ରଭାନୁ ।ବୃଷଭପ୍ରଭା ବଜ୍ରତନୁ।।
ଏମନ୍ତେ ଦୈତ୍ୟବଳ ଯେତେ।ବଳିକି ଛାଡ଼ି ଯେଝାମତେ।।
ମନେ ଦୁର୍ଗତି ସୁମରିଲେ ।ଜଳନ୍ଧରକୁ ଆଶ୍ରେ କଲେ।।
ସାଗର ସୁତ ତାଙ୍କୁ ଦେଖି ।ବନ୍ଧୁ ସୋଦର ଭାବେ ଲେଖି।।
ସମ୍ପଦ ଦେଇ ରଖେ ପାଶେ ।ଶୁକ୍ରଙ୍କ ବାକ୍ୟ ଉପଦେଶେ।।
କାଳନଉମି ଦୈତ୍ୟ ଜେମା ।ରୂପେ ସୁନ୍ଦରୀ ଦ୍ବିତୀ ଉମା।।
ନାମ ତାହାର ବୃନ୍ଦାବତୀ ।ସର୍ବ ଲକ୍ଷଣା ସାଧ୍ୱୀ ସତୀ।।
ସେ କନ୍ୟା ଶୁକ୍ର ମନ୍ତ୍ରୀ ବୋଲେ ।ଜଳନ୍ଧରକୁ ବିଭା କଲେ।।
ସେ ସତୀ ପତିବ୍ରତା ପୁଣ୍ୟେ ।ଅସୁର ତେଜ ଦିନୁ ଦିନେ।।
ଦନୁଜ ବଳ ସଙ୍ଗେ ଘେନି ।ଜିଣିଲା ସକଳ ମେଦିନୀ।।
ସପତ ଦ୍ବୀପେ ଚକ୍ରବର୍ତ୍ତୀ ।ହୋଇଲା ସାଗର ସନ୍ତତି।।
ସାଗର ସୁତ ଏକ ଦିନେ ।ବିଜୟେ ସମ୍ଭବ ଆସନେ।।
ଶୁକ୍ର ସହିତ ଦୈତ୍ୟବଳ ।ସନ୍ନିଧେ ଅଛନ୍ତି ସକଳ ।।
ଏମନ୍ତ ରାହୁ ମହାଦୈତ୍ୟ।ପାତାଳ ପୁରୁ ଉପଗତ।।
ମିଳିଲା ଜଳନ୍ଧର ଆଗେ ।ନିଜ ଶରୀର ବେନି ଭାଗେ ।।
ତାହାକୁ ଦେଖି ସିନ୍ଧୁ ସୁତ ।ବୋଲଇ ଏ କି ବିପରୀତ।।
କେ ତୋତେ କଲା ବେନିଖଣ୍ଡ ।କାହିଁ ପାଇଲୁ ଏଡ଼େ ଦଣ୍ଡ ।।
ଏ କଥା ମୋର ଆଗେ କହ ।ଦେଖି ଆକୁଳ ମୋର ଦେହ।।
କେ ତୋତେ କଲା ଏତେ ସରି ।ଆଜ ସାରିବି ତାର ଶିରୀ।।
ଏମନ୍ତ ଜଳନ୍ଧର ବାକ୍ୟେ । ରାହୁ କହଇ ଅତି ଶୋକେ।।
ଭୋ ଦେବ ଏ କର୍ମ ମୋହର ।ଭୃଗୁ ନନ୍ଦନକୁ ପଚାର।।
ରାହୁ ବଚନେ ଦୈତ୍ୟ ନାହା ।ବୋଲଇ ଗୁରୁ କହ ଏହା।।
ରାଜା ବଚନେ ଶୁକ୍ର ମୁନି ।କହନ୍ତି ଶିଷ୍ୟ ସ୍ନେହ ଘେନି।।
ଶୁଣ ରାଜନ ଚୂଡ଼ାମଣି । ଏ ପରା ସତ୍ୟଯୁଗ ବାଣୀ।।
ଦୁର୍ବାସା ଶାପେ ହତଶିରୀ ।ତିନି ଭୁବନେ ଦୁଃଖ ପୂରି।।
ସମ୍ପଦ ଆଶେ ସୁରାସୁର।ମନ୍ଦରେ ମନ୍ଥିଲେ ସାଗର।।
ଯେ କ୍ଷୀର ସାଗର ମନ୍ଥନୁ ।ଲକ୍ଷ୍ମୀ ସହିତେ କାମଧେନୁ।।
ପୁଷ୍ପକ ଆଦି ରଥ ଯେତେ।ସୁରାଦି ଔଷଧ ସହିତେ।।
ହରି ଚନ୍ଦନ ପାରିଜାତ । ଉଚ୍ଚୈଶ୍ରବାଦି ଐରାବତ।।
କୌସ୍ତୁଭ ଆଦି ମଣିମାନେ।ଉପୁଜେ ସମୁଦ୍ର ମନ୍ଥନେ ।।
ଯେ ଅପସରା ଅଷ୍ଟନାରୀ । ଅମୃତ ଘେନି ଧନ୍ଵନ୍ତରି।।
ଏମନ୍ତ ଉପୁଜିଲେ ଯେତେ ।ବିଷ୍ଣୁ ତା ଦେବତାଙ୍କ ହିତେ।।
ଅମର ଭଣ୍ଡାରେ ରଖାଇ।ଆପେ ଲକ୍ଷ୍ମୀଙ୍କୁ ବିଭା ହୋଇ।।
ଭୋଜନେ ପରଷିଲେ ସୁଧା ।ଖାଇବେ ବୋଲି ସର୍ବେ ଶ୍ରଦ୍ଧା।।
ପତ୍ର ଆବୋରି ପନ୍ତି ମେଳେ ।ବସିଲେ ଦେବେ କୁତୂହଳେ।।
ମାୟା ମୋହିନୀ ରୂପ ଧରି ।ଅମୃତ ପରଷନ୍ତି ହରି ।।
ଏ ରାହୁ କଶ୍ୟପ ସନ୍ତତି । ସିଂହିକା ଗର୍ଭୁ ଉତପତି ।।
ଚତୁର ପଣେ ବୁଦ୍ଧିବଳେ ।ମିଳିଲେ ଦେବତାଙ୍କ ମେଳେ।।
ସୁଧା ଭକ୍ଷିଲା ଆଗକରି ।ଦେଖି କୋପିଲେ ନରହରି।।
ଚକ୍ରେ ଛେଦିଲେ ଏହା ପିଣ୍ଡ ।ହୃଦୟଭାଗୁ ବେନି ଖଣ୍ଡ।।
ଅମୃତ ପ୍ରସାଦୁଁ ନ ମଲା ।ଏକ ଉଭୟ ମୂର୍ତ୍ତି ହେଲା।।
ତା ’ ଦେଖି ବଳି ଆଦି ଦୈତ୍ୟେ।ଯୁଝିଲେ ଦେବଙ୍କ ସଙ୍ଗତେ।।
କାହୁଁ ଜିଣିବେ ଦୈତ୍ୟଗଣ। ଦେବଙ୍କ ପକ୍ଷ ନାରାୟଣ।।
ଆପେ ଗରୁଡ଼ କନ୍ଧେ ବସି ।ଅନେକ ନିଶାଚର ନାଶି ।।
ଭୟେ ଭାଜିଲେ ଦୈତ୍ୟବଳ।ଏମନ୍ତେ ଗଲା କେତେ କାଳ।।
ବଳି ଯେ ଗୋତ୍ର ଅଭିମାନେ ।ଶରଣ ଗଲେ ତ୍ରିଲୋଚନେ।।
ପ୍ରସନ୍ନେ ବର ଦେଲେ ହର।ବଳି ହୋଇଲା ବଳିଆର।।
ଯୁଦ୍ଧେ ଅମରଗଣ ଜିଣି ।ତ୍ରୈଲୋକ୍ୟ ହୋଇଲା କାରେଣି।।
ଦାନେ ହୋଇଲା ଅତି ଦାତା।ତା ଜାଣି ଜଗତକରତା।।
ମାୟା ବାମନ ରୂପେ ଆସି ।ବଳିକି ମୋହିଲେ ଆକର୍ଷି ।।
ଛଦ୍ମରେ ବିପ୍ର ରୂପ ଧରି ।ଦାନେ ହରିଲେ ତାର ଶିରୀ।।
ରଖିଲେ ନେଇ ତଳପୁରେ ।ଯେସନେ ରାଜ ଭୟେ ଚୋରେ।।
ଅସୁରେ ସେହି ମତି ହୋଇ ।ଲୁଚିଲେ ତଳପୁରେ ଯାଇ।।
ଏବେ ତୋ ଉଦ୍‌ଯୋଗ କାଳେ । ଆସି ଖଟିଲେ ପାଦତଳେ।।
ତୁମ୍ଭେ ଏହାଙ୍କୁ ଦୟା କର ।ଅତି ଦୁର୍ଗତିରୁ ଉଦ୍ଧାର ।।
ଏବେ ପୁଚ୍ଛିଲ ଯେଉଁ କଥା ।କହିଲି ଶୁଣ ମହାରଥା।।
ଏ ରାହୁ ଦଣ୍ଡ ଏ ପ୍ରକାରେ ।ଏବେ ଖଟିଲା ଆସି ତୋରେ।।
ଏ ବାକ୍ୟେ ମନ୍ତ୍ରୀ ମୁଖୁଁ ଶୁଣି ।କୋପେ କମ୍ପଇ ବୀରମଣି।।
ଘସ୍ମର ଦୈତ୍ୟ ଥିଲା ଆଗେ ।ତାକୁ ବୋଇଲା ଯାଅ ବେଗେ।।
କହିବୁ ବାସବ ଅଗ୍ରତେ ।ସିନ୍ଧୁ ମନ୍ଥିଲା କି ନିମନ୍ତେ।।
ତହୁଁ ଯେତେକ ଉପୁଜିଲା ।ସବୁ ତା କାହା ବୋଲେ ନେଲା।।
ଯହୁଁ ନ ଥିଲା ରକ୍ଷକାର ।ସେ ଘେନି ଏଡ଼େ ଗର୍ବ ତାର।।
ଅସୁରକୁଳ ଦୂର କରି ।ଦେବଙ୍କୁ ଘେନି ଭୁଞ୍ଜେ ଶିରୀ।।
ଏବେ ମୁଁ ଜାତ ମହାବୀର ।ସାଗର ସୁତ ଜଳନ୍ଧର।।
ମୋର ପିଅର ଦ୍ରବ୍ୟ ଯେତେ ।ଦେବେ ନେଇଛ ବଳକୃତ୍ୟେ।।
ସବୁ ତ ବାହୁଡ଼ାଇ ଦିଅ ।ନୋହିଲେ ପ୍ରାଣ ମୂର୍ଚ୍ଛିଥାାଅ ।।
ଏମନ୍ତ କହ ତାକୁ ଯାଇ ।ଶୁଣି କି ବୋଲେ ଶଚୀସାଇଁ।।
ବୁଝି କରିବା ସିନା ଦ୍ବନ୍ଦ୍ବ ।ପୂର୍ବେ ଯେ ରୋପିଛନ୍ତି ବାଦ।।
ଏମନ୍ତ କହି ଦଣ୍ଡଧାରୀ ।ରାହୁକୁ ଗଉରବ କରି ।।
ସନ୍ନିଧେ ରଖିଲା ବିଶ୍ୱାସେ ।ଘସ୍ମର ଗଲା ସ୍ଵର୍ଗଦେଶେ।।
ପ୍ରବେଶ ହେଲା ସୁର ଆଳେ ।ଦ୍ୱାରେ ଯେ ଥିଲେ ଦ୍ଵାରପାଳେ ।।
ତାହାଙ୍କୁ କହି ଦୂତ ବେଗେ ।ମିଳିଲା ସୁରପତି ଆଗେ।।
ଆସ୍ଥାନ ତଳେ ଉଭା ହୋଇ ।ବୋଲଇ ଶୁଣ ଶଚୀ ସାଇଁ ।।
ଘସ୍ମର ନାମ ମୋ ବିଦିତ।ମୁଁ ଜଳନ୍ଧର ରାଜା ଦୂତ।।
ସେ ରାଜା ସାଗର ନନ୍ଦନ।ଅଟଇ ବଇରୀ ଗଞ୍ଜନ ।।
ଅଶେଷ ଭୂମଣ୍ଡଳ ପତି ।ବ୍ରହ୍ମାବଚନେ ଚକ୍ରବର୍ତ୍ତୀ।।
ସକଳ ଲୋକେ ପ୍ରଭୁ ସେହି ।ତାର ଉପରେ କେହି ନାହିଁ।।
ମୁଁ ତାର ଆଣିଛି ବାରତା ।ଶୁଣ ହୋ ସକଳ ଦେବତା ।।
ପୂର୍ବେ ଯେ ମନ୍ଥିଲା ସାଗର । ବିଷ୍ଣୁ ସହିତେ ସୁରାସୁର।।
ତହୁଁ ପାଇଲ ଯେତେ ଦ୍ରବ୍ୟ । ତୁମ୍ଭେ ଆଣିଛ ତାହା ସର୍ବ ।।
ନ ଦେଇ ଅସୁରଙ୍କୁ କିଛି । ସେ କଥା ଜାଣି ସିନ୍ଧୁ ବତ୍ସି।।
ବିଚାରେ ପିତା ଦ୍ରବ୍ୟ ତାର । ସାଗର ସୁତ ଜଳନ୍ଧର ।।
ତୁମ୍ଭଙ୍କୁ ଦେଇଛି ଉଦନ୍ତ । ସିନ୍ଧୁ ମନ୍ଥନେ ଯେତେ ବିତ୍ତ ।।
ମୋର ଗୋଚରେ ଦିଅ ବେଗେ । ଘେନାଇ ଆସ ସଙ୍ଗେ ସଙ୍ଗେ ।।
ପୁରାଣ ପୁରୁଷୋତ୍ତମ ଶ୍ରୀଜଗନ୍ନାଥ ଜୟ ଜଗନ୍ନାଥ।।
ରାଜାଙ୍କୁ କର ଦରଶନ ।କୁଶଳ ଯେବେ ମନେ ଘେନ।।
ଏମନ୍ତେ ଦୂତ ବାକ୍ୟ ଶୁଣି ।କୋପେ କହଇ ବଜ୍ରପାଣି।।
କିଙ୍କର ଗଣଙ୍କୁ ଅନାଇ ।ବୋଲଇ କି କହଇ ବାଇ।।
ଏଠାରୁ ନିଅ କେଶ ଧରି ।ଘଉଡ଼ ଜୀବନେ ନ ମାରି।।
ବାସବ ଆଜ୍ଞା ପରିମାଣେ ।ଧାଇଁଲେ ସେ କିଙ୍କର ଗଣେ।।
ଘସ୍ମର କେଶ ଧରି ନେଲେ ।ନଗ୍ର ଉପାନ୍ତେ ଛାଡ଼ି ଦେଲେ।।
ପ୍ରଭାବ ପାଇ ମହାବଳୀ ।ସିନ୍ଧୁଙ୍କ ଦେଶେ ଯାଇଁ ମିଳି।।
କହିଲା ଜଳନ୍ଧର ଆଗେ ।ଘସ୍ମର ବାକ୍ୟ ଶୁଣି ରାଗେ ।।
ସକ୍ରୋଧେ ସାଗର ନନ୍ଦନ ।ସାଜିଲା ଅସୁର ସଇନ୍ୟ।।
ଶୁକ୍ର ମନ୍ତ୍ରୀକି ବେଗେ ନେଇ ।ସ୍ଵର୍ଗକୁ କଲା କଟକାଇ ।।
ସହସ୍ରେ କ୍ଷଉଣୀ ତା ବଳ ଗମନ୍ତେ କମ୍ପେ ଭୂମଣ୍ଡଳ ।।
ରଥ ତୁରଙ୍କ ଯେ ପଦାତି ।ରଣେ ସାଜନ୍ତି ରଙ୍ଗେ ଅତି ।।
ବଜାଇ ଟମକ ନିଶାଣ ।ଚଳନ୍ତିି ନିଶାଚର ଗଣ ।।
ବିମଳ ଛତ୍ର ପନ୍ତି ପନ୍ତି । ନ ଦିଶେ ଦିବାକର ଜ୍ୟୋତି ।।
ଥାଟ ଚଳନ୍ତେ ଉଡ଼େ ରେଣୁ।ଗଗନ ଅନ୍ଧକାର ତେଣୁ ।।
ମେରୁ ପର୍ବତେ ଉଠି ବଳ ।ଲଙ୍ଘିଲେ ଦେବତାଙ୍କ ସ୍ଥଳ ।।
ଜାଣି ସକଳ ସୁରଗଣେ। ଇନ୍ଦ୍ର ସହିତେ ମିଳି ରଣେ ।।
ଦେବ ଦାନବେ ଭେଟ ପଡ଼ି ।ପ୍ରୀତି ଉପ୍ରୋଧ ଦୂରେ ଏଡ଼ି ।।
କରନ୍ତି ସେହି ଘୋର ରଣ। ବିନ୍ଧନ୍ତି କୋଟି କୋଟି ବାଣ ।।
ବଜ୍ର ସଦୃଶେ ବାଣ ପଡ଼ି ।ଶବଦ ଯେହ୍ନେ ଘଡ଼ ଘଡ଼ି ।।
ଦୁନ୍ଦୁଭି ନିଶାଚର ଧ୍ବନି । ଶବଦେ କମ୍ପେ ପୁର ତିନି ।।
ବିବିଧ ଅସ୍ତ୍ର ଆତଯାତ। ଶବଦ ଶର ନିରିଘାତ ।।
ଦୈତ୍ୟ ବିନ୍ଧନ୍ତି ତୀକ୍ଷ୍ଣ ଶର।ଯେହ୍ନେ ପର୍ବତେ ଜଳଧାର।।
ରଥ ମାତଙ୍ଗ ହସ୍ତୀ ଚଢ଼ି ।ଯୁଦ୍ଧ କରନ୍ତି ଆଗ ବଢ଼ି।।
ପଦାତି ବଳ ମିଶାମିଶି।ଯୁଝନ୍ତି ସେ ଶସ୍ତ୍ର ଉପେକ୍ଷି।।
କାଣ୍ଡ କୁଠାର ଚକ୍ରକାତି ।ପରିଘ ଭୂଷଣ୍ଡି ଶକତି ।।
ଗଦା ଗୁରୁଜ ଶୂଳଧରି ।ବିଚିତ୍ର ପାଦଗତି କରି।।
କେ ଅସିପତ୍ର କରେ ତୋଳି ।ପ୍ରହାର କରୁଛନ୍ତି ବଳୀ।।
ଆଡ଼ନ୍ତି ଛାଡ଼ନ୍ତି ସବୁରି ।କେ ମାଲ ଯୁଦ୍ଧେ ଧରାଧରି ।।
କେ ପଡ଼ି ଗଡ଼ି ରଡ଼ି ଛାଡ଼େ ।ଶବଦେ ଗିରିଶୃଙ୍ଗ ଝଡ଼େ।।
ଦେବ ଦୈତ୍ୟଙ୍କ ବୀରଡାକେ ।ମେରୁ କମ୍ପଇ ମହୀ ଶଙ୍କେ।।
ବେଳକୁ ବେଳ ଯୁଦ୍ଧ ଟାଣ ।ପଡ଼ଇ ଅପର୍ଯ୍ୟାପ୍ତ ବାଣ।।
ଶର ବିଘାତେ ଶିର ଛିଡ଼ି ।ମଢ଼ା ଉପରେ ମଡ଼ା ପଡ଼ି ।।
ଉଭୟ ଥାଟୁଁ ଶିର ତୁଟି। । କବନ୍ଧ ନାଚେ କୋଟି କୋଟି।।
ରକତ ନଦୀ ପ୍ରାୟ ହୋଇ।ସାଗର ମାର୍ଗେ ବହି ଯାଇ।।
ଏମନ୍ତେ ଦୁର୍ଲଭ ସମୟ।ବାସବ ସଙ୍ଗେ ଜଳନ୍ଧର।।
ଯେତେ ଯୁଝିଲା ଅଙ୍ଗଛଳେ।କହିଲେ ନ ସରିବ କାଳେ।।
ଏହି ପ୍ରକାରେ ଦେବ ଦୈତ୍ୟ ।ଯୁଦ୍ଧ କରନ୍ତି ନିତ୍ୟ ନିତ୍ୟ ।।
ଦିନ ଅନ୍ତରେ ବେନି ବଳେ ।ରହନ୍ତି ଗଙ୍ଗା ବେନି କୂଳେ।।
ନିଶା ଭାଗରେ ଶୁକ୍ର ଆସି ।ସଂଗ୍ରାମେ ଭୂମି ମଧ୍ୟେ ପଶି।।
ସୁମରି ମୃତ୍ୟୁ ସଞ୍ଜୀବନୀ । ଜୀଆନ୍ତି ଅସୁର ସଇନି।।
ରାଜା ଛାମୁଙ୍କୁ ଘେନିଯାନ୍ତି ।ତଦନନ୍ତରେ ବୃହସ୍ପତି ।।
ଦ୍ରୋଣାଦି ପର୍ବତରୁ ଆଣି ।ଯା ନାମ ବିଶଲ୍ୟ କରଣୀ।।
ସେ ବୃକ୍ଷ ପତ୍ର ରସ ନେଇ। ଦେବଙ୍କୁ ଜୀବଦାନ ଦେଇ।।
ଏମନ୍ତେ ବଢ଼େ ବେନିବଳ ।ରାତ୍ର ପାହିଲେ ରଣ ଗୋଳ।।
ଯୁଦ୍ଧ କରନ୍ତି ଅଙ୍ଗଛଳେ ।ବିଶୁଦ୍ଧ କ୍ଷତ୍ରୀ ବେନି ବଳେ।।
ରଣେ ପଡ଼ନ୍ତି ଯେତେ କ୍ଷତ୍ରୀ ।ରାତ୍ରେ ଜୀଅନ୍ତି ବେନି ମନ୍ତ୍ରୀ।।
ଏମନ୍ତ କେତେଦିନ ଅନ୍ତେ ।ସାଗର ସୁତ କୋପଚିତ୍ତେ।।
ଶୁକ୍ରଙ୍କୁ ପଚାରିଲା ଭାଇ । ବୋଇଲା ଶୁଣ ବାକ୍ୟସାଇଁ।।
ମୁହିଁ ସଂଗ୍ରାମେ ଯେତେ ଯେତେ ।ଦେବଙ୍କୁ ସଂହାରଇ ନିତ୍ୟେ।।
ସେ ପୁଣି ଆର ଦିନ ଆସି । ଯୁଦ୍ଧ କରନ୍ତି ରଣେ ପଶି।।
କେମନ୍ତେ ପାନ୍ତି ନିଜ ଦେହ ।ତୁମେ ତା କିମ୍ପାଇଁ ନ କହ।।
ନୃପତି ବଚନେ ସଂଶୟ ।ଶୁକ୍ର କହନ୍ତି ଶୁଣ ରାୟ।।
ଦେବଙ୍କ ଗୁରୁ ବୃହସ୍ପତି ।ଜାଣନ୍ତି ସର୍ବ କର୍ମ ରୀତି ।।
ସେ ଯେ ଦେବଙ୍କ ହିତ ପାଇଁ ।ଦ୍ରୋଣାଦି ପର୍ବତକୁ ଯାଇ।।
ଯେଉଁ ଔଷଧ ତହିଁ ଅଛି ।ତାହା ଆଣନ୍ତି ଗୁରୁ ବାଛି।।
ସେ ବୃକ୍ଷ ରସ ନାସେ ଦେଇ ।ମୃତ ଦେବତାଙ୍କୁ ଜୀଆଇଁ।।
ଏ କଥା ସତ୍ୟ ନୃପମଣି ।ଆମ୍ଭେ ନିଶ୍ଚୟ ଅଛୁ ଜାଣି।।
କହିଲୁ ତୁମ୍ଭର ଆଗର ।ମନ୍ତ୍ରୀର ଏମନ୍ତ ବିଚାର।।
ସକଳ କଥା ବୁଝୁଥିବ।ନୃପତି ପୁଚ୍ଛିଲେ କହିବ ।।
ତୁ ଏବେ ଜାଣିଲୁ ନିର୍ଣ୍ଣୟ ।ବିଚାରି କାର୍ଯ୍ୟକର ରାୟ।।
ପୁରାଣ ପୁରୁଷୋତ୍ତମ ଶ୍ରୀଜଗନ୍ନାଥ ଜୟ ଜଗନ୍ନାଥ।।
ମନ୍ତ୍ରୀ ବଦନୁଁ ଏହା ଶୁଣି ।ସାଗର ସୁତ ମନେ ଗୁଣି ।।
ଗମନ କଲା ନିଶାକାଳେ।ଦେବ ଶଇଳ ଭୁଜବଳେ।।
ଉପାଡ଼ି ଆଣିଲେ ତ୍ଵରିତେ ।ସମୁଦ୍ରେ ରଖିଲେ ଗୁପତେ।।
ଗିରି ନ ଦେଖି ବୃହସ୍ପତି । ବିସ୍ମୟ ମନେ ବିଚାରନ୍ତି ।।
ଦେବଙ୍କୁ ନାହିଁ ଆଉ ଗତି । ଯାହା ଅର୍ଜିଲା ସୁରପତି ।।
ଈଶ୍ବରେ କଲା ଦ୍ରୋହ କର୍ମ । ଏବେ ଛାଡ଼ିଲା ନିଶ୍ଚେ ଧର୍ମ ।।
ଏତେ ବିଚାରି ଗୁରୁ ଚିତ୍ତେ । କହିଲେ ଦେବଙ୍କ ଅଗ୍ରତେ ।।
ବିବୁଧଗଣ ତୁମ୍ଭେ ଶୁଣ । ଦ୍ରୋଣାଦି ଗିରି ଆମ୍ଭ ପ୍ରାଣ ।।
ନାନା ଔଷଧ କରି ଯେତେ । ଅମର ପୀୟୂଷ ସହିତେ।।
ଗୁପତେ ରଖିଥଲି ତହିଁ । ମୋ ବିନୁ ନ ଚିହ୍ନନ୍ତି କେହି ।।
ଏବେ ଅସୁରେ ନେଲେ ହରି । ନ ଚିହ୍ନି ଗିରି ଆଦି କରି ।।
ଏବେ ତ ବୁଦ୍ଧି ନାହିଁ ଆଉ । କାଲି ସମରେ କେବା ଜୀଉଁ ।।
ସାଗର ସୁତ ଜଳନ୍ଧର । ଛେଦିବ ସଭିଙ୍କର ଶିର।।
ଏଥକୁ ନାହିଁ ପରିତ୍ରାଣ । ମୋର ବଚନ ଏବେ ଶୁଣ।।
ଉପେକ୍ଷି ସ୍ଵର୍ଗପୁର ବାସ । ପଳାଇ ଯିବା ସର୍ବେ ଆସ।।
କନକ ଗିରି ଗୁହାଦିରେ।ଗୁପତେ ରହିବା ନିର୍ଭରେ ।।
ମନେ ସୁମରି ଶିରୀପତି ।ଖଣ୍ଡିବା ସକଳ ଦୁର୍ଗତି।।
ଏମନ୍ତେ ଗୁରୁ ଶିକ୍ଷା ପାଇ ।ସକଳ ଦେବ ଲୋକେ ଯାଇ।।
କାଞ୍ଚନ ଗିରି କ୍ରୋଟେ ପଶି ।ମନେ ସୁମରି ବ୍ରହ୍ମରାଶି।।
ଗୁପତେ ରହିଲେ ନିଶ୍ଚିନ୍ତେ ।ଦେବଙ୍କୁ ନ ଦେଖି ଦଇତ୍ୟେ।।
ଆନନ୍ଦେ ବିହରନ୍ତି ସ୍ଵର୍ଗେ ।ସାଗର ସୁତ କର୍ମ ଭାଗେ।।
ଦେବଙ୍କ ପଣ ଜଣେ ଜଣେ ।ଆବୋରି ନିଶାଚର ଗଣେ।।
କାରେଣି ହେଲେ ତିନିପୁରେ ।ଦେବେ ଲୁଚିଲେ ପ୍ରାଣ ଡରେ।।
ବିପତ୍ତି ଖଣ୍ଡିବା ନିମନ୍ତେ ।ମନ ନିବେଶି ଲକ୍ଷ୍ମୀକାନ୍ତେ।।
ଯେ ପ୍ରଭୁ ସର୍ବ ଅନ୍ତର୍ଯ୍ୟାମୀ । ଦେବଙ୍କ ଦେବ ଦେବ ସ୍ଵାମୀ।।
ସକଳ ଲୋକ ପରେ ବାସ । ନମଇଁ ମହାଦେବ ଦାସ।।

ଇତି ଶ୍ରୀ ପଦ୍ମପୁରାଣେ ଉତ୍ତରଖଣ୍ଡେ କାର୍ତ୍ତିକ ମାହାତ୍ମ୍ୟେ ଦେବଲୋକେ ଗୋପନଂ ନାମ ଅଷ୍ଟମୋଽଧ୍ୟାୟଃ ।
#ପୁରାଣ_ପୁରୁଷୋତ୍ତମ_ଶ୍ରୀଜଗନ୍ନାଥ 🌹

14/10/2025

#ଆଜିର_ପଞ୍ଜିକା_ଓ_ରାଶିଫଳ
#ସୁପ୍ରଭାତମ_ଜୟ_ଜଗନ୍ନାଥ 🚩🙌
#ଅଦ୍ୟ_୧୪_୧୦_୨୦୨୫_ମଙ୍ଗଳବାର

*ସମ୍ବତ୍ସର-ସିଦ୍ଧାର୍ଥ*
*କାର୍ତ୍ତିକମାସ- କୃଷ୍ଣ*
*ତିଥି- ଅଷ୍ଟମୀ ଦିବା ଘ୧୧/୪୭ ଗତେ ନବମୀ*
*ନକ୍ଷତ୍ର- ପୁନର୍ବସୁ ଦିବା ଘ୦୧/୧୦ ଗତେ ପୂଷ୍ୟା*
*ଚନ୍ଦ୍ର- ମିଥୁନ ଦିବା ଘ୦୭/୧୦ ଗତେ କର୍କଟ*
*ଯୋଗ- ଶିବ*
*କରଣ - କୌଳବ*
*ସୌରମାସ- କନ୍ୟା ୨୮ ଦିନ*
*✧═════•❁❀❁•════✧*
*ସୁର୍ୟୋଦୟ-ପ୍ରାତଃ ଘ୦୫/୪୫/୨୭*
*ସୂର୍ଯ୍ୟାସ୍ତ -ସନ୍ଧ୍ୟା ଘ୦୫/୨୧/୫୫*
*✧═════•❁❀
*ଯୋଗିନୀ ଐଶାନ୍ୟେ ଦିବା ଘ୧୧/୪୬ ଗତେ ପୂର୍ବେ*
*ମକର ରାଶିର ଘାତବାର*
*ଅଷ୍ଟମୀ ର ଏକୋଦିଷ୍ଟ ଓ ନବମୀ ର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ*
*✧═════•❁❀❁•═══*
*କାଳବେଳା -ଦିବା ଘ୦୧/୦୦ ଗତେ ଘ ୦୨/୩୦ ମଧ୍ୟେ*
*ବାରବେଳା- ଦିବା ଘ୦୭/୧୩ ଗତେ ଘ ୦୮/୪୨ମଧ୍ୟେ*
*══•❁❀❁•═
*ବିଶୁଦ୍ଧ ଅମୃତ ବେଳା- ଦିବା ଘ୦୬/୩୪ ମଧ୍ୟେ ଓ ଘ୦୮/୪୨ ଗତେ ଘ୧୧/୨୨ ମଧ୍ୟେ ରାତ୍ରି ଘ୦୭/୪୮ ଗତେ ଘ୦୮/୩୫ ମଧ୍ୟେ*
*ବିଶୁଦ୍ଧ ମାହେନ୍ଦ୍ର ବେଳ।- ରାତ୍ରି ଘ୦୬/୧୮ ଗତେ ଘ୦୭/୪୭ ମଧ୍ୟେ*
*═✧*══•❁❀❁•═*════✧
*ଅଦ୍ୟ ନଡ଼ିଆ ଦିବା ଘ୧୧/୪୭ ଗତେ ଲାଉ ଭକ୍ଷଣ ନିଷେଧ*
*═✧*══•❁❀❁•═════✧

*🌼🌹꧁ ଆଜିର ରାଶିଫଳ꧂🌹🌼*
*✧═════•❁❀❁•═════✧*
*🌷ମେଷ🌹👉:-ଆଜି ବନ୍ଧୁଙ୍କ ସହ ଯାତ୍ରା ଆରମ୍ଭ କରି ଖୁସି ମନେଇବେ। ବକେୟା ଅର୍ଥ ଲାଭ, ଶାରୀରିକ ସୁସ୍ଥତା, ବନ୍ଧୁଙ୍କ ପରାମର୍ଶ କାମକୁ ଆସିବ। ପ୍ରତିଦ୍ୱନ୍ଦ୍ୱିତା କିମ୍ବା ପ୍ରତିଯୋଗିତାରେ ସଫଳତା ମିଳିବ। ଅଫିସ୍‌ କାମରେ ଯୁକ୍ତିଯୁକ୍ତ କଥା କହି ବିବାଦ ଭିତରକୁ ପଶିଯାଇପାରନ୍ତି।*
*✧═════•❁❀❁•═════✧*

*🌷ବୃଷ🌹👉:-ଆଜି ସହକର୍ମୀ କିମ୍ବା ପଡ଼ୋଶୀଙ୍କ ସାହାଯ୍ୟ, ସମର୍ଥନ ଲାଭ କରାଇବ। ଆପଣ ଭଲ କଥା କହିଲେ ମଧ୍ୟ ଅନ୍ୟମାନେ ଭୁଲ୍‌ ବୁଝିବେ। ବାରମ୍ବାର ଚେଷ୍ଟା ବିଫଳତା ଜନିତ ମନରେ ସବୁବେଳେ ଟେନ୍‌ ସନ ଲାଗି ରହିବ। ଆକସ୍ମିକ ଆବଶ୍ୟକତା କାରଣରୁ ଖର୍ଚ୍ଚ ପରିମାଣ ବୃଦ୍ଧି ପାଇବ।*
*✧═════•❁❀❁•═════✧*

*🌷ମିଥୁନ🌹👉:-ଆଜି ଆପଣଙ୍କ କଥାବାର୍ତ୍ତା ଓ ବ୍ୟବହାର ଅନ୍ୟମାନଙ୍କ ପସନ୍ଦଯୋଗ୍ୟ ନ ହେବା କାରଣରୁ ସମସ୍ୟା ଉପୁଜିପାରେ। ବିଭିନ୍ନ ପ୍ରକାର ଧନ୍ଦା କରିବା ସକାଶେ ବନ୍ଧୁମାନେ ପ୍ରୋତ୍ସାହିତ କରିପାରନ୍ତି। ନି କଟସ୍ଥ ଜଣାଶୁଣା ବ୍ୟକ୍ତି ମାନଙ୍କ ଦ୍ୱାରା ପରିବହନ କ୍ଷେତ୍ରରେ ସମସ୍ୟା ସମାଧାନ ହେବ।*
*✧═════•❁❀❁•═════✧*

*🌷କର୍କଟ🌹👉:-ଆଜି ନିଜ ପରିସରରେ ସାଧାରଣ କଥାକୁ ବଡ଼ କରି ନିକଟସ୍ଥ ବ୍ୟକ୍ତି ଜଣେ କଳହର ମାତ୍ରାକୁ ବଢ଼ାଇବେ। ଅବଶ୍ୟ ପରକ୍ଷଣରେ ପରସ୍ପର ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ କରିବାରେ ସମର୍ଥ ହେବେ । ସରକାରୀ ସ୍ତରରୁ ହଠାତ୍‌ ଆଶା କରୁଥିବା ଶୁଭ ଖବର ଶୁଣି ଖୁସି ହେବେ।*

*✧═════•❁❀❁•═════✧*
*🌷ସିଂହ🌹👉:-ଆଜି ଯେତେ ପ୍ରକାର ସୁବିଧା ସୁଯୋଗ ସୃଷ୍ଟି ହେଲେ ମଧ୍ୟ ଅନ୍ୟମାନେ ସନ୍ତୁଷ୍ଟ ହେବେ ନାହିଁ ବରଂ ଓଲଟି ନିନ୍ଦାଗାନ କରିବେ। ଘରେ ବନ୍ଧୁମିଳନ ଓ ନୂତନ ଅତିଥିଙ୍କ ଆଗମନ ଯୋଗୁ ହସଖୁସିର ସୁଅ ଛୁଟିବ। ମାଲିମକଦ୍ଦମା,ଜମିଜମା ସମସ୍ୟା, ଚୁକ୍ତିପତ୍ର ପ୍ରଭୃତିରେ ସୁଫଳ ପାଇବେ।*

*✧═════•❁❀❁•═════✧*
*🌷କନ୍ୟା🌹👉:-ଆଜି ଅର୍ଥ, ସମ୍ମାନ ଓ ବିଳାସବ୍ୟସନ ଦିଗ ପାଇଁ ବହୁତ ଭଲ ହେବ। ବହୁ ଦିନରୁ ଟଙ୍କା ବାକି ରଖିଥବା ଲୋକଟି ଆପଣଙ୍କୁ ଖୋଜି ଖୋଜି ଶେଷରେ ଘରେ ଆସି ଟଙ୍କା ଦେଇଯାଇପାରେ। ଆଗାମୀ ମାଙ୍ଗଳିକ କାମ ସକାଶେ ଗୃହସଜ୍ଜା,ଗାଡ଼ି ମରାମତି, ପୁରୁଣା ଘରକୁ ସଜାଡ଼ିବାରେ ମନୋନିବେଶ କରିପାରନ୍ତି।*
*✧═════•❁❀❁•═════✧*

*🌷ତୁଳା🌹👉:-ଆଜି ଦିନଟି ଆପଣଙ୍କ ପାଇଁ ବହୁ ଶୁଭଦାୟକ ରହିବେ।କୌଣସି କାମ ସ୍ଥଗିତ ରହିବ ନାହିଁ କିନ୍ତୁ ହସ୍ତା ନକ୍ଷତ୍ର ସକାଶେ ମାନସିକ ଅଶାନ୍ତି ଲାଗି ରହିବା କାରଣରୁ କୌଣସି କାମ ଉତ୍ସାହପ୍ରଦ ହେବ ନାହିଁ। ଅବଶ୍ୟ ମାଲିମକଦ୍ଦମାରେ ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ ହୋଇଯିବ।*

*✧═════•❁❀❁•═════✧*
*🌷ବିଛା🌹👉:-ଆଜି ମନ ଖୁସି ରହିଲେ ମଧ୍ୟ କାର୍ଯ୍ୟବ୍ୟସ୍ତତା ଅନୁଭବ କରିବେ । ଜ୍ୟେଷ୍ଠା ନକ୍ଷତ୍ର ଅଭାବ ଦୂରେଇବାର ପ୍ରୟାସକଲେ ମଧ୍ୟ ଧାର କରଜ କରି ଆବଶ୍ୟକତା ଚଳାଇନେବେ। କ୍ରୀଡ଼ା, କଳା କ୍ଷେତ୍ରରେ ସମସ୍ୟାର ସରଳ ସମାଧାନ କରିପାରିବେ। ବିଭିନ୍ନ ପ୍ରକାର କୌଶଳ ଅବଲମ୍ବନକରି ଲକ୍ଷ୍ୟପୂରଣରେ ସମର୍ଥ ହୋଇପାରନ୍ତି।*

*✧═════•❁❀❁•═════✧*
*🌷ଧନୁ🌹👉:-ବନ୍ଧୁଙ୍କ ମନାନ୍ତର କାରଣରୁ ମନ ଭଲ ନ ଥିବା ହେତୁ କୌଣସି କାମରେ ମନଯୋଗୀ ରହିପାରିବେ ନାହିଁ। ତେଣୁ ମନ ଖୁସିରେ ରହିପାରିବେ ନାହିଁ। ଶିଳ୍ପ, ବାଣିଜ୍ୟକାରବାର କ୍ଷେତ୍ରରେ ବେଶ୍‌ ଖୁସୀ ରହିବେ। ରାଜନୀତିରେ ଓ ସାଙ୍ଗଠନିକ କ୍ଷେତ୍ରରେ ବହୁତ ଜନକଲ୍ୟାଣ କାମ ହାତକୁ ନେଇ ପ୍ରଶଂସିତ ହୋଇପାରନ୍ତି।*

*✧═════•❁❀❁•═════✧*
*🌷ମକର🌹👉:-ଆଜି ବନ୍ଧୁ ଓ ପାରିବାରିକ ସମର୍ଥନରେ ଅଗ୍ରଗାମୀ ହୋଇପାରନ୍ତି ।ସାଧାରଣ କଥାକୁ ନେଇ ସମ୍ପର୍କୀୟ ମାନଙ୍କ ଆକ୍ଷେପୋକ୍ତି ମନରେ ଭାବାନ୍ତର ସୃଷ୍ଟି କରିବ । ବିଳାସବ୍ୟସନ ଦ୍ରବ୍ୟକ୍ରୟ ପ୍ରତି ବିଶେଷ ଅନୁରକ୍ତି ଜାଗ୍ରତହେବା ସହ ଏହାକୁ ସଫଳକରିବାର ମଉକା ପାଇପାରିବେ।*

*✧═════•❁❀❁•═════✧*
*🌷କୁମ୍ଭ🌹👉:-ଆଜି ପରିବାରରେ ସନ୍ଦେହ ଓ ଭୁଲ୍‌ ବୁଝାମଣା ହେତୁ ସମସ୍ୟା ବଢ଼ିପାରେ। ଦୂରସ୍ଥାନକୁ ଯାତ୍ରା ନୂତନ କର୍ମନିଯୁକ୍ତି ପାଇଁ ଅନୁକୂଳ ବାତାବରଣ ସୃଷ୍ଟି ହୋଇପାରେ ବ୍ୟବସାୟରେ ବକେୟା ଅର୍ଥ ଆଦାୟ କରିବାରେ ସକ୍ଷମ ହେବେ। ଭୂସମ୍ପତ୍ତିକୁ କେନ୍ଦ୍ରକରି ପରିବାର ସଦସ୍ୟଙ୍କ ମଧ୍ୟରେ କଳହର ସୂଚନା ରହିଛି ।*

*✧═════•❁❀❁•═════✧*
*🌷ମୀନ🌹👉:-ଆଜିର ବାଣିଜ୍ୟ, ବ୍ୟବସାୟ, ମାଲି ମକଦ୍ଦମାରେ ସଫଳତା ପାଇବେ। କିନ୍ତୁ ସଙ୍ଗଠନ ଓ ନୂତନ ସମ୍ପର୍କ ସ୍ଥାପନ କ୍ଷେତ୍ରରେ କାରବାରରେ କିଛିଟା ସାମୟିକ ସମସ୍ୟା ଲାଗି ରହିବ। କଳା, ପ୍ରଶାସନ ଓ ରାଜନୈତିକ କ୍ଷେତ୍ରରେ ସ୍ଥିତିକୁ ସୁଦୃଢ଼ ରଖିବାରେ ସମର୍ଥ ହେବେ।*
*✧═════•❁❀❁•═════✧*

13/10/2025

#କାର୍ତ୍ତିକ_ମାହାତ୍ମ୍ୟ
( #ସପ୍ତମ_ଅଧ୍ୟାୟ)

#ପୃଥୁରୁବାଚ
ତ୍ୱୟା ଯତ୍ କଥିତଂ ବ୍ରହ୍ମନ୍ ବ୍ରତ୍ଽମୂର୍ଜସ୍ୟ ବିସ୍ତରାତ୍।
ଯଦତ୍ର ତୁଳସୀ ମୂଳେ ପୂଜାଦିଷ୍ଟା ତ୍ୱୟୋଂଦିତା।।
ତେନାହଂ ଜ୍ଞାତୁ ମିଚ୍ଛାମି ମାହାତ୍ମ୍ୟଂ ତୁଳସୀ ଭବଂ।
କଥଂ ସାତିପ୍ରିୟା ବିଷ୍ଣୋର୍ଦେବଦେବସ୍ୟ ଶାର୍ଙ୍ଗିଣଃ।।

ନାରଦ ବାକ୍ୟ କର୍ଣ୍ଣେ ଶୁଣି । କାର୍ତ୍ତିକ ଧର୍ମ ମନେ ଗୁଣି ।।
ଶ୍ରୀ ଏକାଦଶୀ ବ୍ରତ ରୀତି । ଜାଣିବେ ଯହୁଁ ଉତପତ୍ତି ।।
ତୁଳସୀ ମହିମା କଥନେ । ଶୁଣି ସଂଶୟ ଗୃକା ମନେ ।।
ନାରଦ ମୁଖ ଚାହିଁ ଭଣି । ଭୋ ମୁନ ଅସମ୍ଭବ ବାଣୀ I।
କିମ୍ପା କାର୍ତ୍ତିକ ଉଦ୍ୟାପନ । ଭୁଳସୀ ମୂଳେ ଦୀପଦାନ ।।
ବଶେଷେ ତୁଳସୀ ସେବନେ । ଅସଂଖ୍ୟ ଧର୍ମ ଦୀପ ଦାନେ।।
ଏଡ଼େ ପ୍ରସିଦ୍ଧ ବୃକ୍ଷ ଯେହୁ । ପୂର୍ବେ ସେ ଉପୁଜିଲ୍ଲା କାହୁଁ ।।
ସେକଥା କହ ମୁବବର । ଶୁଣି ସଂଶୟ ଯାଜ ଦୁର ।।
ପୃଥୁ ବଚନ ଦେବଋଷି । ବୋଲନ୍ତି ଶୁଣ ମନୁ ବଂଶୀ।।
ତୁଳସୀ ବୃକ୍ଷ ଯହୁଁ ଜାତ । କହିବା ତହିଁର ଚରିତ ।।
ଦେବେ ସେ ପୁରା ସତ୍ୟଯୁଗେ । ବିବିଧ ସମ୍ବତ୍ସର ଯୋଗେ ।।
ମଘବା ନାମେ ସୁରପତି । ସଙ୍ଗରେ ଘେନି ବୃହସ୍ପତି ।।
ବହୁତ ସମ୍ପଦ ବେଭାରେ । ଗଲେ ଯେ କପିଳାସ ପୁରେ।।
ଈଶ୍ବର ଦରଶନ ଆଶେ । ଇନ୍ଦ୍ର ପ୍ରବେଶ କପିଳାସେ ।।
ଦେଖିଲେ ଗିରିବର ଶୋଭା । ଧବଳ ଜ୍ୟୋତି ତାର ପ୍ରଭା ।।
ଶୁଦ୍ଧ ସ୍ଫଟିକ ଗିରିବର । ବିବିଧ ମଣି ରତ୍ନ ସାର ।।
କନକୁ ଆଦି ଅଷ୍ଟ ଧାତୁ । ବିରାଜେ ଜ୍ଞାନ ଗୁଣ ହେତୁ ।।
ପୁଷ୍ଫ ମଣ୍ଡିତ ତରୁବରେ । ଅମୃତ ତୁଲ୍ୟ ଫଳ ଧରେ ।।
ବୃକ୍ଷଙ୍କ ମଳେ ହେମ ବେଦୀ । ସୁନନ୍ଦା ନାମେ ବହେ ନଦୀ ।।
ଶୁଦ୍ଧ ଶୀତଳ ପରିମଳ । । ସର୍ବଦା ସ୍ରବେ ବହେ ଜଳ ।।
କମଳ କୁମ୍ବଦ ନୀଳେନ୍ଦି । ପୁଷ୍ଫେ ସୁନ୍ଦର ଦିଶେ ନଦୀ ।।
ସାରସଗଣ ଯୁଥେ ଯୁଥେ । ଯେହ୍ନେ ବିବୁଧେ ସ୍ୱର୍ଗପଥେ ।।
ତୀରେ ବସନ୍ତି ସିଦ୍ଧଗଣ ।ଧ୍ୟାନେ ଚିନ୍ତରୁ ନାରାୟଣ ।।
କେବଳ ଯୋଗୀ ଶିବ ପାଦେ । ମନ ନିବେଶି ଅପ୍ରମାଦେ ।।
ସହସ୍ର, ସହସ୍ର, ଅଛନ୍ତି । ଦେଖି ଆନନ୍ଦ ଶଚିପତି ।।
ସେ ବନେ ଯେତେ ପଶୁ ଜୀବେ । ନିର୍ଭୟେ ବିହରନ୍ତି ସର୍ବେ ।।
ରୂପେ ଦଣନ୍ତି ଦିବ୍ୟ ଶୋଭା । ସବୁରି ଦେହେ ଶିବପ୍ରଭା ।।
କରଣୀ ଯୁଥେ ମତ୍ତଗଜ । ହହନ୍ତି ଐରବତ ତେଜ ।।
ବନେ ଚଗନ୍ତି କାମଧେନ୍ତୁ । ଶରଦ ଶମି ପ୍ରାୟ ଢନ୍ତୁ ।।
ମୃଗ ଶାର୍ଦ୍ଦୁଳ ସିଂହ ଶଶା । କେହି କାହାକୁ ନାହିଁ ହିଂସା ।।
ସର୍ବେ ଭକ୍ଷନ୍ତି ପତ୍ର ଫଳ । ପିଇ ନର୍ମଦା ନଦୀ ଜଳ ।।
ସୁକୃତବନ୍ତ ସର୍ବଜୀବେ। ଜ୍ଞାନେ ନିର୍ଗୁଣ ମତି ସର୍ବେ।।
ଶିବ ଆଶ୍ରମେ ମହାତେଜ। ଦେଖି ବିଚାରେ ଦେବରାଜ।।
ଈଶ୍ୱର ସମ୍ପଦର ମୂଲ୍ୟ। ତିନି ଭୁବନେ ନାହିଁ ତୁଲ୍ୟ।।
ବନ ପର୍ବତ ଏଡ଼େ ଶୋଭା। କିବା ସୁନ୍ଦର ସୁରପ୍ରଭା।।
କେମନ୍ତେ ଦେଖିବା ଲୋଚନେ। ବୁଝିବା ଶଙ୍କର ଦର୍ଶନେ।।
ଏତେ ବିଚାରି ତହୁଁ ଚଳି। ଈଶ୍ବର ସିଂହଦ୍ୱାରେ ମିଳି।।
ବାସବ ଆଗମନ ଜାଣି। ଦ୍ୱାରେ ବସିଲେ ଶୂଳପାଣି।।
ବାସବ ଗର୍ବ ବିନାଶନେ । ଶିବ ବିଚାର କଲେ ମନେ।।
ନିଜ ସ୍ୱରୂପ ଗୋପ୍ୟକରି। ମାୟା ମନୁଷ୍ୟ ରୂପଧରି।।
ଜରା ଅବସ୍ଥା ତନୁ କ୍ଷୀଣ। ମଳିନ ବସ୍ତ୍ର ବେଶ ହୀନ।।
ଅଧୋ ବଦନେ ଦ୍ୱାରେ ବସି। ଇନ୍ଦ୍ର ତା ସନ୍ନିଧେ ପ୍ରବେଶି।।
ହେ ବୃଦ୍ଧ ନର ପୁଚ୍ଛୁଁ ତୋତେ। ଦ୍ୱାରେ ବସିଛ କି ନିମନ୍ତେ।।
ପୁରାଣ ପୁରୁଷୋତ୍ତମ ଶ୍ରୀଜଗନ୍ନାଥ ପୁରାଣ ପୁରୁଷୋତ୍ତମ।।
କାଳେ ତୋ ପ୍ରାୟ ତନୁ ଦେଖି। ତୁ କି ଭିକ୍ଷୁକ ନିରିମାଖି।।
ଯାଚକ ବୃତ୍ତେ ଅଛୁ ଆସି। କି ଅବା ଶିବ ପୁରବାସୀ।।
ଯେବେ ଶଙ୍କରଗଣ ତୁହି। କହ ଈଶ୍ୱର ଛନ୍ତି କାହିଁ।।
ଆମ୍ଭେ ଅମର ପୁର ରାଜା। ଦେଖିବୁ ଶଙ୍କର ଗିରିଜା।।
କେମନ୍ତେ ଶୋଭା ଶିବପୁର। ଈଶ୍ବର ସମ୍ପଦ ବେଭାର।।
ଦେଖି ତ କରିଅଛୁ ସାଧ। ଯାହା ପଚାରୁ କହ ବୃଦ୍ଧ।।
ବାସବ ଏମନ୍ତ ବଚନେ। ଶିବ ହରନ୍ତି ମନେ ମନେ।।
ଇନ୍ଦ୍ରଙ୍କୁ ନ ଦେଲେ ଉତ୍ତର। ପୁଣି ପୁଚ୍ଛଇ ସୁନାସୀର।।
କି ତୁ ବଧିର ଜଡ଼ ଜନ। ପୁଚ୍ଛିଲେ ନ କହୁ ବଚନ।।
ଆମ୍ଭେ ଅମରପୁର ରାଜା। ଦେଖିବୁ ଶଙ୍କର ଗିରିଜା।।
ତୁ କେଉଁ ଗର୍ବେ ବସିଅଛୁ। କଥା ନ କହୁଁ ଆମ୍ଭେ ପୁଛୁ।।
ଏମନ୍ତ ବାସବ ବଚନେ। ଶଙ୍କର କର୍କଶ ଲୋଚନେ।।
ଇନ୍ଦ୍ରଙ୍କୁ ଚାହିଁ ମନେ କୋପି। କିଞ୍ଚିତେ ଓଷ୍ଠେ ଦନ୍ତଚାପି।।
ଦେଖି ସକ୍ରୋଧେ ସୁରପତି। ଘେନିଲେ କୁଳିଶ ଶକତି।।
ରାଜସ ଗୁଣେ ଶଚୀ ନାହା। ରୁଦ୍ରଙ୍କୁ ପ୍ରହାରିଲେ ତାହା।।
ସେ ବଜ୍ର ରୁଦ୍ର କଣ୍ଠେ ପଡି। ଶୁଭିଲା ଯେହ୍ନେ ଘଡ଼ଘଡ଼ି।।
ଅଙ୍ଗେ ନ ଭେଦି ଦେବଶର। ଉପୁଡ଼ି ପଡ଼ିଲା ଭୂମିର।।
ଈଶ୍ୱର କଣ୍ଠେ ବଜ୍ରବାଜି। ଅନଳ ଜାତ ହେଲା ଗର୍ଜି।।
କଣ୍ଠ ଦିଶିଲା କୃଷ୍ଣବର୍ଣ୍ଣ। ନିଜ ସ୍ୱରୂପେ ତ୍ରିଲୋଚନ।।
ବାସବ ଆଗେ ହେଲେ ଉଭା। ବିରାଜେ ଅଙ୍ଗ ଜ୍ୟୋତି ପ୍ରଭା।।
ମଣି କୁଣ୍ଡଳ ଫଣିହାର। ଦେଖି କମ୍ପଇ ସୁନାସୀର।।
ଅନଳ ତେଜେ ଭୟ ପାଇ। ଲୁଚିଲା ଗୁରୁ ପଛେ ଯାଇ।।
ଇନ୍ଦ୍ର ରକ୍ଷଣେ ବୃହସ୍ପତି। ଶିବଙ୍କୁ ଚାହିଁ କଲେ ସ୍ତୁତି।।

#ବୃହସ୍ପତି_ଉବାଚ🌹

କପାଳେ ବେନି ଯୋଡିକର । ବୋଲଇ ଦୋଷ କ୍ଷମା କର ।।
ଭୋ ପ୍ରଭୁ ଜଗତ ଅଧିପ । ସୃଷ୍ଟି କାରଣେ ତୋର ରୂପ ।।
ତୁ ବ୍ରହ୍ମା ରୂପେ ସୃଷ୍ଟି କରୁ । ପାଳନେ ରୂପ ବିଷ୍ଣୁ ଧରୁ ।।
ପୁଣି ସଂହାରୁ ରୂଦ୍ର ରୂପେ । ଏ ତିନି ମୁର୍ତ୍ତି କଳ୍ପେ କଳ୍ପେ ।।
ଏଣୁ ଏ କାଳ ପରମାଣେ । ତୋର ମହିମା କେବା ଜାଣେ ।।
ଯେ ତୋର ଚରଣେ ଶରଣ । ସେ ଖଣ୍ତେ ଅକାଳ ମରଣ ।।
ଅଶେଷ ବିପତ୍ତିରୁ ତରେ । ଯେ ନିତ୍ୟେ ଶିବ ନାମ ଧରେ ।।
ତୁ ଦେବ ଦେବ ମହାଦେବ । ସର୍ବ ମଙ୍ଗଳ ସଦାଶିବ ।।
ପ୍ରାଣୀଙ୍କ ସୁଗତି ଦାୟକ । ନମୋ ନମୋସ୍ତେ ତ୍ରିୟମ୍ବକ ।।
ଅନ୍ଧକ ରିୟ ତ୍ରିପୁରାରୀ । ନମୋ ବିରୁପ ରୂପ ଧାରୀ ।।
ତୋର ମହିମା ଅଗୋଚର । କାହିଁ ଜାଣିବ ପୁରନ୍ଧର ।।
ନ ଜାଣି ଦ୍ରୋହ କଲା ତୋତେ । ଏବେ କମ୍ପଇ ଦେହେ ଚିତ୍ତେ ।।
ତୁ ଯେବେ ନ କରିବୁ ତ୍ରାହି । ଆଉ ରକ୍ଷକ ଅଛି କାହିଁ ।।
କରୁଣା କର ତୋ ମହିମା । ଇନ୍ଦ୍ର ଅପ୍ରାଧ କର କ୍ଷମା ।।
ସେବକ ହେଲେ ଅପରାଧି । ତୁ ପ୍ରଭୁ କରୁଣା ବାରିଧି ।।
ଆମ୍ଭେ ସକଳ ସୁରଗଣ । ତୋର ସେବକ ନିଶ୍ଚେ ଜାଣ ।।
ପ୍ରସନ୍ନ ହୋଇ ଦୟା କର । ଜୀବନେ ବର୍ତ୍ତୁ ସୁନାସୀର ।।
ଏମନ୍ତେ ବୋଲି ସ୍ତୁତି ଭଣି । ଶୁଣି ସନ୍ତୋଷ ଶୁଳପାଣି ।।
ଅଙ୍ଗରା ମୁଖ ଚାହିଁ ହର । ବୋଲନ୍ତି ଧନ୍ୟ ଜୀବ ତୋର ।।
ଇନ୍ଦ୍ରରେ ଦେଲୁ ଜୀବ ଦାନ । ଏଣୁ ତୁ ଜୀବ ନାମ ଘେନ ।।
ଏବେ ଅମର ପୁରେ ଚଳ । ସଙ୍ଗତେ ଘେନି ଅଖଣ୍ତଳ ।।
ରୁଦ୍ର ଶ୍ରୀମୁଖ ଆଜ୍ଞା ପାଇ । ଜୀବ ସଙ୍ଗତେ ଶଚୀସାଇଁ ।।
ଶିବ ଚରଣ ତଳେ ପଡି । ଉଠି କପାଳେ କର ଯୋଡି ।।
କରନ୍ତି ବିପରୀତ ଗତି । ଅଦୃଶ୍ୟ ହେଲେ ଉମାପତି ।।
ଇନ୍ଦ୍ର ମନରେ ଚିନ୍ତା କରି । ଗଲେ ଯେ ବାଚସ୍ପତି ପୁରୀ ।।
ଏଥୁ ଅନ୍ତରେ ଶୁଣ ନୃପ । ଇଶ୍ୱର ଦେହୁଁ ଯେଉଁ ତାପ ।।
ଅନଳ ରୂପେ ଉତ୍ତପତି । ଦହଇ ଆକାଶ ଧରିତ୍ରୀ ।।
ପୁରାଣ ପୁରୁଷୋତ୍ତମ ଶ୍ରୀଜଗନ୍ନାଥ ପୁରାଣ ପୁରୁଷୋତ୍ତମ।।
ତା ଦେଖୀ ଦେବ ବିଶ୍ୱନାଥେ । ଅଗ୍ନି କି ଘେନି ବାମ ହସ୍ତେ ।।
ଗଙ୍ଗା ସାଗର ଭେଟ ଯହିଁ । ସେ ଅଗ୍ନି ପକାଇଲେ ତହିଁ ।।
ବାହୁଡି ବିଜେ କପିଳାସେ । ଏଥୁ ଅନ୍ତରେ ବିହି ବଶେ ।।
ରୁଦ୍ର ଅନଳ ପଡି ଜଳେ । ଇନ୍ଦ୍ର ଅର୍ଜିଲା କର୍ମଫଳେ ।।
ଜାତ ବାଳକ ରୂପ ଧରି । କାନ୍ଦଇ ଘୋର ରାବ ହରି ।।
ଧ୍ୱନି ଶୁଭଇ ତିନି ପୁରେ । ଶୁଣି କମ୍ପଇ ସୁର ନରେ ।।
ତରସ୍ତ ହୋଇ ସର୍ବ ଜନ୍ତୁ। କେହି ନ ଜାଣେ କିସ ହେତୁ।।
ସ୍ତମ୍ଭିତ ବାରାନିଧି ପାଣି। ଜଳଧି ରାଜା ତାହା ଶୁଣି।।
ମିଳିଲେ ବାଳକର ପାଶେ। କୁମର ରୂପ ଦେଖି ତୋଷେ।।
ଦିବ୍ୟ ସୁନ୍ଦର ମହାତେଜ। ଯେସନେ ଜ୍ୟୋତି ଗ୍ରହରାଜ।।
ଉତ୍ତାନଶାୟୀ ହୋଇ ପଡ଼ି। କାନ୍ଦଇ କରି ଘୋର ରଡ଼ି।।
ସାଗର ସୁତ ପ୍ରାୟ ମଣି। କୋଳେ ଧଇଲା ତାହା ଆଣି।।
କ୍ରୋଧ ନିବାରିବାକୁ ମନ। ବାଳକ କରଇ ରୋଦନ।।
ବେଳହୁଁ ବେଳ ଦୀର୍ଘ ରଡ଼ି। ଯେହ୍ନେ ପ୍ରଳୟ ଘଡ଼ଘଡ଼ି।।
ଧ୍ୱନି ପୂରିତ ଦଶ ଦିଶେ। ଶୁଣି କମ୍ପନ୍ତି ଚତୁର୍ଦ୍ଦିଶେ।।
ଉଲୁକା ପାତେ ଯେହ୍ନେ ମହୀ। ଜଗତ ଜନ ଦେଖି ବିହି।।
ଆରୋହି ମରାଳ ବାହନେ। ପ୍ରବେଶ ସିନ୍ଧୁ ସନ୍ନିଧ୍ୟାନେ।।
ବ୍ରହ୍ମାଙ୍କୁ ଦେଖି ଜଳେଶ୍ୱର। ଚରଣେ କଲା ନମସ୍କାର।।
ପୁତ୍ରଙ୍କୁ ବ୍ରହ୍ମା କୋଳେ ଦେଇ। କହଇ ଭକ୍ତିଭାଵ ବହି।।
ଭୋ ପ୍ରଭୁ ଏ ମୋର ନନ୍ଦନ। ଜନ୍ମହୁଁ କରଇ ରୋଦନ।।
କେଭେ ନୋହିଲା ଶାନ୍ତ ଚିତ୍ତ। ତୁମ୍ଭେ ତ ଜଗତର ତାତ।।
ଏ ପୁତ୍ର କ୍ରୋଧ ଶାନ୍ତ କର। ପ୍ରସନ୍ନ ହୋଇ ଦିଅ ବର।।
ମୁଁ ତୁମ୍ଭ ଚରଣରେ ଦାସ। ପୁତ୍ରକୁ କର ମୋ ସନ୍ତୋଷ।।
ସାଗର ବାକ୍ୟେ ପଦ୍ମଯୋନି। ବାଳକ ପ୍ରତି ଦୟାଘେନି।।
ବୋଇଲେ କ୍ରୋଧ ଶାନ୍ତ କର। ଯୁବା ଅବସ୍ଥା ହେଉ ତୋର।।
ସଂସାରେ ହୁଅ ମହାରାଜା। ସକଳ ଲୋକେ ପାଅ ପୂଜା।।
ଇଚ୍ଛାରେ ଭୋଗକର ମହୀ। ତୋତେ ଜିଣନ୍ତା ନାହିଁ କେହି।।
ଜଳୁ ଯେ ହେଲୁ ଅବତାର। ନାମ ତୋ ହେଉ ଜଳନ୍ଧର।।
ଏମନ୍ତେ ବିହି ବାକ୍ୟେ ଵୋଧ। କୁମର ଶାନ୍ତି କଲା କ୍ରୋଧ।।
ଯୁବା ଶରୀର ତତକ୍ଷଣେ। ନମଇଁ ବିଧାତା ଚରଣେ।।
କପାଳେ ଯୋଡ଼ି ବେନି କର। ବୋଲଇ ଶୁଣ ବେଦବର।।
ତୁମ୍ଭ ମାନେ ସେ ଏକ ଜଣେ। ମୋତେ ସମର୍ପି ମନ୍ତ୍ରୀପଣେ।।
ସେ ମୋତେ କହୁ ରାଜନୀତି। ଯେବେ ପ୍ରସନ୍ନ ବେଦପତି।।
ସାଗର ସୁତ ବାକ୍ୟେ ବିହି। ଚିନ୍ତିଲେ ଶୁକ୍ର ମୁନି ତହିଁ।।
ତକ୍ଷଣେ ବ୍ରହ୍ମାଙ୍କ ଅଗ୍ରତ। ଆସି ମିଳିଲେ ଭୃଗୁସୁତ।।
ଚରଣେ କଲେ ନମସ୍କାର। କଲ୍ୟାଣ କରି ବେଦବର।।
ବୋଲନ୍ତି ଶୁଣ ଶୁକ୍ରଯତି। ତୁ ଯେ ସକଳ ଗୁଣେ ଖ୍ୟାତି।।
ସିନ୍ଧୁ ସୁତ ତୁ ଜଳନ୍ଧର। ମର୍ତ୍ତ୍ୟ ମଣ୍ଡଳେ ରାଜାକର।।
ମନ୍ତ୍ରୀ ତୁ ଥିବୁ ଏହା ତୁଲେ। ଏମନ୍ତ କହି ବିହି ଗଲେ।।
ବ୍ରହ୍ମାଲୋକରେ ପରବେଶ। ନମଇଁ ମହାଦେବ ଦାସ।।
ଏଣୁ ବ୍ରହ୍ମା ଉତ୍ପତ୍ତି ଯହୁଁ। ତାଙ୍କ ଚରଣେ ଚିତ୍ତ ରହୁ।।

ଇତି ଶ୍ରୀ ପଦ୍ମପୁରାଣେ ଉତ୍ତରଖଣ୍ଡେ କାର୍ତ୍ତିକ ମାହାତ୍ମ୍ୟେ
ଜଳନ୍ଧର ଉତ୍ପତ୍ତି କଥନେ ବ୍ରହ୍ମା ବରଦାନେ ନାମ ସପ୍ତମୋଽଧ୍ୟାୟଃ।।

13/10/2025

#ଆଜିର_ପଞ୍ଜିକା_ଓ_ରାଶିଫଳ
#ସୁପ୍ରଭାତମ_ଜୟ_ଜଗନ୍ନାଥ 🚩🙌
#ଅଦ୍ୟ_୧୩_୧୦_୨୦୨୫_ସୋମବାର

*ସମ୍ବତ୍ସର-ସିଦ୍ଧାର୍ଥ*
*କାର୍ତ୍ତିକମାସ- କୃଷ୍ଣ*
*ତିଥି- ସପ୍ତମୀ ଦିବା ଘ୦୧/୦୦ ଗତେ ଅଷ୍ଟମୀ*
*ନକ୍ଷତ୍ର- ଆଦ୍ରା ଦିବା ଘ୦୧/୪୧ ଗତେ ପୁନର୍ବସୁ*
*ଚନ୍ଦ୍ର- ମିଥୁନ*
*ଯୋଗ- ପରିଘ*
*କରଣ - ବବ*
*ସୌରମାସ- କନ୍ୟା ୨୭ ଦିନ*
*✧═════•❁❀❁•════✧*
*ସୁର୍ୟୋଦୟ-ପ୍ରାତଃ ଘ୦୫/୪୫/୦୭*
*ସୂର୍ଯ୍ୟାସ୍ତ -ସନ୍ଧ୍ୟା ଘ୦୫/୨୨/୪୫*
*✧═════•❁❀
*ଯୋଗିନୀ ବାୟବ୍ୟ ଦିବା ଘ୦୧/୦୦ ଗତେ ଐଶାନ୍ୟେ*
*କନ୍ୟା ରାଶିର ଘାତଚନ୍ଦ୍ର*
*ମିଥୁନ ରାଶିର ଘାତବାର*
*ସପ୍ତମୀ ର ଏକୋଦିଷ୍ଟ ଓ ଅଷ୍ଟମୀର ପାର୍ବଣ ଶ୍ରାଦ୍ଧ*
*✧═════•❁❀❁•═══*
*କାଳବେଳା -ଦିବା ଘ୦୭/୧୨ ଗତେ ଘ ୦୮/୪୦ ମଧ୍ୟେ*
*ବାରବେଳା- ଦିବା ଘ୦୨/୨୮ ଗତେ ଘ ୦୪/୦୭ ମଧ୍ୟେ*
*══•❁❀❁•═
*ବିଶୁଦ୍ଧ ଅମୃତ ବେଳା- ଦିବା ଘ୦୭/୧୧ମଧ୍ୟେ ଓ ଘ୦୮/୫୬ ଗତେ ଘ୧୧/୨୦ ମଧ୍ୟେ ରାତ୍ରି ଘ୦୭/୪୮ ଗତେ ଘ୧୧/୦୦ମଧ୍ୟେ*
*ବିଶୁଦ୍ଧ ମାହେନ୍ଦ୍ର ବେଳ।- ନାସ୍ତି*
*═✧*══•❁❀❁•═*════✧
*ଅଦ୍ୟ ତାଳ ଦିବା ଘ୦୧/୦୦ ଗତେ ନଡ଼ିଆ ଭକ୍ଷଣ ନିଷେଧ*
*═✧*══•❁❀❁•═════✧

*🌼🌹꧁ ଆଜିର ରାଶିଫଳ꧂🌹🌼*
*✧═════•❁❀❁•═════✧*
*🌹ମେଷ🌷👉-ଏହି ରାଶିର ଲୋକମାନଙ୍କ ପାଇଁ ଆଜିିର ଦିନଟି ଶାରୀରିକ ଅସୁସ୍ଥତା ଦେହ ଓ ମନକୁ ଅବଶ କରିଦେବ । ଚିନ୍ତା ବୃଦ୍ଧି ପାଇବ । ବ୍ୟବସାୟରେ ଲାଭ କମ ହେବ । ମହିଳା ଓ ଛାତ୍ରଛାତ୍ରୀମାନେ ମାନସୀକ ଯନ୍ତ୍ରଣା ପାଇପାରନ୍ତି ।*
*✧═════•❁❀❁•═════✧*
*🌹ବୃଷ🌷👉–ଆଜି ଦିନଟି କର୍ମକ୍ଷେତ୍ରରେ ଅଧସ୍ତନ କର୍ମଚାରିଙ୍କର ସପୂର୍ଣ ସହଯୋଗ ମିଳିବ । ସାସଂରିକ ଜିବନ ଆନନ୍ଦଭରା ରହିବ । ସ୍ୱାସ୍ଥ୍ୟ ଜନିତ ସମସ୍ୟା ଓ ଅଯଥା ବ୍ୟୟ ଦୁର ହେବ । ମହିଳା ଓ ଛାତ୍ରଛାତ୍ରୀମାନେ ମାନସୀକ ସ୍ତରରେ ଖୁସିରେ କାଟିବେ ।*
*✧═════•❁❀❁•═════✧*
*🌹ମିଥୁନ🌷👉-ଏହି ରାଶିର ଲୋକମାନେ ପାଇଁ ଆଜିିି ବ୍ୟବସାୟରେ ଲାଭବାନ ହେବେ । ପାରିବାରିକ ଶାନ୍ତି ମିଳିବ । କର୍ମ କ୍ଷେତ୍ରରେ ନୂତନ ସୁଯୋଗ ସୃଷ୍ଟି ହୋଇପାରେ । ମହିଳା ଓ ଛାତ୍ରଛାତ୍ରୀମାନେ ଦିନଟି ଉତ୍ସାହରେ ଅତିବାହିତ କରିବେ ।*
*✧═════•❁❀❁•═════✧*
*🌹କର୍କଟ🌷👉–ଆଜିିର ଦିନଟି ସନ୍ତାନ ମାନଙ୍କୁ ନେଇ ଗର୍ବ ଅନୁଭବ କରିବେ, ନୂତନ ବସ୍ତ୍ର ଆଦି ଆଭୁଷଣ ପ୍ରାପ୍ତି ହେବ । ନୂତନ ଯୋଜନାରେ ସଫଳ ହେବେ । ଆର୍ଥିକ ଉନ୍ନତି ବହୁ ପରିମାଣରେ ବୃଦ୍ଧି ପାଇବ । ମହିଳା ଓ ଛାତ୍ରୀମାନେ କୌଣସି ଦିଗରୁ ପୁରଷ୍କୃତ ହେବେ ।*
*✧═════•❁❀❁•═════✧*
*🌹ସିଂହ🌷👉– ଆଜିିର ଦିନଟି ସମାଜିକ ସ୍ତରରେ ମାନ ସମ୍ମାନ ବୃଦ୍ଧି ହେବ । ଧନ ସଂଚୟ ପାଇଁ ଦିବସଟି ବେସ ଉତମ । ଚାକିରୀରେ ପଦ ମର୍ଯ୍ୟଦା ପ୍ରାପ୍ତି ହୋଇପାରେ । ମହିଳ ଓ ଛାତ୍ରମାନେ କର୍ମ ନିପୂଣ ହେବେ ।*
*✧═════•❁❀❁•═════✧*
*🌹କନ୍ୟା🌷👉– ଆଜି ମାନସିକ ଅବସାଦ ମନକୁ ଭାରାକ୍ରାନ୍ତ କରିବ, ଋଣକରିବାର ର୍ଦୁଯୋଗ ରହିବ, ସାଂସାରିକ ଜୀବନକୁ ନେଇ ଚିନ୍ତିତ ରହିବେ, ରାଜନୈତିକ କ୍ଷେତ୍ରରେ ବହୁ ସମସ୍ୟା ଦେଖାଦେବ, ମହିଳା ଓ ଛାତ୍ରଛାତ୍ରୀମାନେ ବିସାଦରେ ଦିନଟି ଅତିବାହିତ କରିବେ ।*
*✧═════•❁❀❁•═════✧*
*🌹ତୁଳା🌷👉–ଆଜି କର୍ମକ୍ଷେତ୍ରରେ ସତର୍କତା ଅବଲମ୍ବନ କରନ୍ତୁ ନହେଲେ କିଛି କ୍ଷତି ସହିବାକୁ ପଡିପାରେ ଏବଂ ବହୁଦିନରୁ ଲାଗିରହିଥିବା ମାଲିମକୋଦମାର ସମାଧାନ ହେବାର ସମ୍ଭାବନା ଷୃଷ୍ଟି ହେବ, ତଥାପି ରସାୟନ ସମ୍ବନ୍ଧିୟ ବ୍ୟବସାୟୀ ମାନେ ଶୁଭଫଳ ଅନୁଭବ କରିବେ ।*
*✧═════•❁❀❁•═════✧*
*🌹ବିଛା🌷👉–ଆଜି ଆଜିର ଦିନଟି ବିଳାସ ବେସନରେ ଅତିବାହିତ ହେବା ସଙ୍ଗେ ସଙ୍ଗେ ଆର୍ଥିକ ବୃଦ୍ଧି ହେବ । ପ୍ରସାଶନିକ ସେବା କ୍ଷେତ୍ରରେ କର୍ମରତ ମାନେ ଶୁଭଫଳ ଅଧିକ ପାଇବେ । ମହିଳାମାନେ ଓ ଛାତ୍ରଛାତ୍ରୀମାନେ ଅତ୍ୟନ୍ତ ସୁଖୀ ହେବେ ।*
*✧═════•❁❀❁•═════✧*
*🌹ଧନୁ🌷👉– ଏହି ରାଶିର ଲୋକମାନଙ୍କ ପାଇଁ ଆଜିର ଦିନଟି ସୁଖ ଓ ଶାନ୍ତିରେ ଅତିବାହିତ ହେବ । କର୍ମ କ୍ଷେତ୍ରରେ ସାହାଯ୍ୟ ସହଯୋଗ ମିଳିବ । ମହିଳା ଓ ଛାତ୍ରଛାତ୍ରୀମାନେ ଉତ୍ସାହରେ ଦିନଟି କାଟିବେ ।*
*✧═════•❁❀❁•═════✧*
*🌹ମକର🌷👉– ଏହି ରାଶିର ଲୋକମାନଙ୍କ ପାଇଁ ଆଜିିର ଦିନଟି ଶାରୀରିକ ଅସୁସ୍ଥତା ଦେହ ଓ ମନକୁ ଅବଶ କରିଦେବ । ଚିନ୍ତା ଯୋଗୁଁ ରକ୍ତଚାପ ବୃଦ୍ଧି ପାଇବ । ବ୍ୟବସାୟରେ ଲାଭ କମ ହେବ । ଅଯଥା ବ୍ଯୟ ଯୋଗ ରହିଛି।*
*✧═════•❁❀❁•═════✧*
*🌹କୁମ୍ଭ🌷👉–ଆଜି କର୍ମକ୍ଷେତ୍ରରେ ଲାଭ ବୃଦ୍ଧି ପରିଲିକ୍ଷିତ ହେବ । ବ୍ୟୟଠାରୁ ଆୟ ବଢିବ ତେଣୁ ମାନସିକ ତୃପ୍ତି ବଢିବ । ସନ୍ତାନ ମାନଙ୍କ ଶିକ୍ଷା ପାଇଁ ଖର୍ଚ୍ଚ ବୃଦ୍ଧି ପରିଲକ୍ଷିତ ହୋଇପାରେ । ମହିଳାମାନେ ପାରିବାରିକ ପରିବେଶରେ ନିଜକୁ ସ୍ଥିର କରିପାରିବେ ।*
*✧═════•❁❀❁•═════✧*
*🌹ମୀନ🌷👉–ଆଜି ଦେହ ମନ ଭଲ ରହିବ, ଉଚ୍ଚସ୍ତରୀୟ ବ୍ୟକ୍ତିଙ୍କ ସାନିଧ୍ୟ ଲାଭ କରିବେ । କର୍ମ କ୍ଷେତ୍ରରେ ସମସ୍ତ ଦିଗରୁ ସହଯୋଗର ହାତ ବଢିବ । ମହିଳାମାନେ ନିଜକୁ ଗୃହ କାର୍ଯ୍ୟରେ ନିମଗ୍ନ ରଖିବେ ଓ ଛାତ୍ରଛାତ୍ରୀମାନେ ବିଦ୍ୟାରେ ସଫଳତା ହାସଲ କରିବେ ।*
*✧═════•❁❀❁•═════✧*

12/10/2025

🙏 #କାର୍ତ୍ତିକ_ମାହାତ୍ମ୍ୟ 🌹 #ଷଷ୍ଠ_ଅଧ୍ୟାୟ 🙏

#ନାରଦ_ଉବାଚ
କାର୍ତ୍ତିକ ବ୍ରତିନାଂ ଧର୍ମାନ୍ ନିୟମା ଯେ ପ୍ରକୀର୍ତ୍ତିିତାଃ ।
ତାନ୍ ଶୃଣୁଷ୍ମ ମହାରାଜ କଥ୍ୟାମାନାନ୍ ସମାସତଃ ।।

କହନ୍ତି ବ୍ରହ୍ମାଙ୍କ କୁମର।ଶୁଣ ରାଜନ ଧର୍ମସାର
କାର୍ତ୍ତିକ ବ୍ରତେ ଯାହା ଅଛି ।ହବିଷ୍ୟ ଅର୍ଥେ ଯାହା ଇଛି
ତାହା କହିବା ବିଧିମତେ ।ସଂସାର ଜନଙ୍କର ହିତେ
ବ୍ରହ୍ମାଙ୍କ ବଚନେ ବିହିତ।ଯେ ବିଷ୍ଣୁ ପ୍ରିୟ ମହାବ୍ରତ
ଆତ୍ମାର କାରଣ ବିଚାରେ।ଯେ ଜନ ପାଳିବ ସଂସାରେ
ମଧୁମାଂସାଦି ଯେ ଆମିଷ ।କୋଳଥ ମସୁର ଯେ ମାଂସ
ବର୍ତ୍ତିକା ଆଦି କଣ୍ଟାଫଳ।କୁଷ୍ମାଣ୍ଡ ଆଦି ମଧୁରାଳ
ଅଗସ୍ତି ବିନୁ ଯେତେ ଶାକ ।କାର୍ତ୍ତିକେ ବର୍ଜିତ ତେତେକ
ଯେ କୃଷ୍ଣବର୍ଣ୍ଣ ରଙ୍ଗଜ୍ୟୋତି ।କାର୍ତ୍ତିକେ ନ ଭକ୍ଷଇ ବ୍ରତୀ
ଲେମ୍ବୁ ଜାମ୍ବିଳ ବହୁବୀଜୀ ମୂଳା କକଡ଼ା କର୍କ ଭେଜି ।।
ତିଳ ଏରଣ୍ଡ ରସ ବେନି । କାର୍ତ୍ତିକେ ଅଙ୍ଗରେ ନ ଘେନି ।।
ଅଜା ମଇଁଷି ବେନି କ୍ଷୀର ।କାର୍ତ୍ତିକେ ନ କର ଆହାର ।।
ତାମ୍ବୁଳ ଆଦି ମୁଖବାସ । ଭକ୍ଷଣେ ଅତି ବଡ଼ ଦୋଷ ।।
ନିନ୍ଦିତ ଦ୍ରବ୍ୟ ବା ଉଚ୍ଛିଷ୍ଟ । ଦଗ୍ଧ ପଦାର୍ଥ ପ୍ରତିଷ୍ଠିତ ।।
ବିଷ ପ୍ରୟୋଗ ଦ୍ରବ୍ୟ ଯେତେ । ସର୍ବ ବର୍ଜିତ ମହାହିତେ ।।
କୁସଙ୍ଗ ପରିହାସ ଖେଳ । କଳହ କ୍ରୋଧ ହିଂସା ବଳ ।।
ମିଥ୍ୟା ବଚନ ନିନ୍ଦା ଛଳ । କାର୍ତ୍ତିକେ ବର୍ଜିତ ସକଳ ।।
ଚଣ୍ଡାଳେ କଥା ନ କହିବ। ସ୍ତିରୀ ସଂସର୍ଗ ନ କରିବ ।।
ଶୟନେ ନ ଇଚ୍ଛିବ ସଙ୍ଗ । ନ ଦେଖି କୂଟ ନାଟ ରଙ୍ଗ ।।
ବୃକ୍ଷ ଆରୋହିଣ ନ କରି ।ଅଥଳ ଜଳେ ନ ପହଁରି ।।
ଭୁଜଙ୍ଗେ ନ କରିବ କ୍ରୀଡ଼ା।ଯେଣେ ଆତ୍ମାକୁ ଲାଗେ ପୀଡ଼ା ।।
ତେଣେ ନୋହିବ ପରବେଶ। ନ କରି ପରପାକେ ଗ୍ରାସ ।।
ଏତେ ବର୍ଜିତ କରି ନିତ୍ୟେ ।ପୁଣି କରିବ ଯେବା କୃତ୍ୟେ ।।
ହବିଷ୍ୟ ଅନ୍ନ ଅର୍ଥେ ଧାନ ।ବର୍ଜିତ ରଙ୍ଗ କୃଷ୍ଣ ବର୍ଣ୍ଣ ।।
ଶରଦ ଅନ୍ତେ ଯେହୁ ପାଚି ।ବହୁ ବିଧାନେ ତାହା ସଞ୍ଚି।।
ଏତେ ଉତ୍ତାରୁ ଧାନଫଳ ।ଯେ ଶୁଦ୍ଧ ସର୍ବାଙ୍ଗ ଶୁକଳ।।
ସେ ଧାନ ତଣ୍ଡୁଳ ବିଚାରି ।ଯେବା କଳଙ୍କ ଅପହରି ।।
ଅନ୍ନ ରାନ୍ଧିବ ଶୁଦ୍ଧ ପାତ୍ରେ ।ଯେବା ବର୍ଜିତ ପତ୍ରପାତ୍ରେ।।
ବ୍ୟଞ୍ଜନ ତୀର୍ଥ ଯାହା କଳ୍ପି ।ସେ କଥା କହିବା ସଂକ୍ଷେପି।।
ଅଗ୍ନି ଅପାକ ଯେଉଁ ଲୁଣ ।ହବିଷ୍ୟ ଯୋଗେ ତାକୁ ଆଣ।।
ଗୋକ୍ଷୀର ଘୃତାଦି ଲବଣି ।ବ୍ରାହ୍ମଣ ମନ୍ଦିରୁ ନ କିଣି ।।
ମଦ୍ୟପ ଜନ ନ ଛୁଇଁବ ।ଏମନ୍ତ ଗୋରସ ହୋଇବ।।
କାକୁଡ଼ି ବହୁବୀଜ ମଧ୍ୟେ ।ବନ୍ତଳ ଫଳ ଦେଖି ଶୁଦ୍ଧେ।।
ମୂଳକେ ଯୋଗ୍ୟ ସର୍ବ ସାରୁ ।କୃଷ୍ଣ ବର୍ଣ୍ଣରେ ମୁଗ କରୁ।।
ଶୁକଳ ଇକ୍ଷୁ ନାରିକେଳ ।ଅଗସ୍ତି ଶାଗ ଧାତ୍ରୀ ଫଳ।।
ଆର୍ଦ୍ରକ ମୂଳ ଅଗ୍ରଭାଗେ ।ସମ୍ପାଦି ଶୁଦ୍ଧ ପାତ୍ର ଯୋଗେ।।
ଯାହାକୁ ଯେ ଅବା ମିଳିବ ।ନ ପାଇ ବିମୁଖ ନୋହିବ।।
ଅନ୍ନ ସଂଯୋଗେ ପତ୍ର ସାର ।କହିବା ଶୁଣ ନୃପବର।।
ଶାଳ ପଣସ ରମ୍ଭାତରୁ ।ପଲାଶ ଏ ଘେନି ମଧ୍ୟରୁ।।
ଏ ଚାରି ବୃକ୍ଷ ଯେବା ମିଳେ ।ଅନ୍ନ ସଂଯୋଗିବ ସେ ବଳେ।।
ଦ୍ଵିତୀୟ ସ୍ନାହାନ ନିମନ୍ତେ ।ଚିକ୍କଣେ ବାଞ୍ଛା କଲେ ଚିତ୍ତେ।।
ସୋରିଷ ରସ ଅଙ୍ଗେ ଘେନି ।ଯେତେ ଦିବସେ ଧର୍ମ ହାନି ।।
ସେ କଥା ଶୁଣ ଏକ ଚିତ୍ତେ ।ବିଶେଷ ଏକାଦଶୀ ବ୍ରତେ।।
ପର୍ବ ପର୍ବାଣି ଚତୁର୍ଦ୍ଦଶୀ ।ଷଷ୍ଠ କାଳରେ ଯେବେ ଶଶୀ।।
ପିତୃ ଦିବସ ଯେବେ ହେବ ।ତୈଳ ଗ୍ରହଣ ନ କରିବ ।।
ଏଥୁ ଉତ୍ତାରେ କଥା ଶୁଣ ।କାର୍ତ୍ତିକ ହବିଷ୍ୟ ଲକ୍ଷଣ।।
ଆଦିତ୍ୟ ବାରୁଣୀ ପ୍ରବେଶ ।ସେ କାଳେ କଳ୍ପିବ ହବିଷ୍ୟ ।।
ଅନ୍ନ ସଂଯୋଗେ ପତ୍ର ସ୍ଥାନେ ।ବସିବ ଧରଣୀ ଆସନେ।।
ପୂର୍ବ ଦିଗକୁ ମୁଖକରି ।ହସ୍ତେ ତୁଳସୀ ଜଳଧରି।।
କୃଷ୍ଣ କରିବ ନିବେଦନ ।ତେଣୁ ସନ୍ତୋଷ ଜନାର୍ଦ୍ଦନ ।।
ବିଷ୍ଣୁଙ୍କୁ ଦେଇ ଅବଶେଷ।ଚିତ୍ତରେ କଳ୍ପିକରି ଗ୍ରାସ ।।
ଭୋଜନେ ନ କହି ବଚନ ।ମଉନେ କରି ଆଚମନ।।
ପୁଣି ଉତ୍ତମ ସ୍ଥାନେ ବସି ।ରାମ ଗୋବିନ୍ଦ ନାମ ଘୋଷି।।
ଜାଗର ଜାଳି ସନ୍ଧ୍ୟାକାଳେ ।ବସାଇ ଦେବତାଙ୍କ ଆଳେ।।
ନୋହିଲେ ତୁଳସୀ ଅଗ୍ରତେ ।ଦୀପ ବସାଇ ଶୁଦ୍ଧ ଚିତ୍ତେ।।
ପୁରାଣ ପୁରୁଷୋତ୍ତମ ଜୟ ଜଗନ୍ନାଥ ଜୟ ଜଗନ୍ନାଥ।।
ବିଷ୍ଣୁଙ୍କୁ ନମସ୍କାର କରି ।ଜନ୍ମାଦି ପାପ ଭାରା ହରି।।
ପୁଣି କାର୍ତ୍ତିକ ଦୀପ ଦାନେ ।ଧର୍ମ ବର୍ଦ୍ଧିତ ଦିନେ ଦିନେ।।
ଉଚ୍ଚେ ଯେ ସଂଯୋଗଇ ଦୀପ ।କିସ କହିବା ତାର ତାପ।।
ସପତ ଜନ୍ମ ପାପ ରାଶି ।ତୃତୀୟ ସମ୍ବତ୍ସରେ ନାଶି।।
ପାପ ନଥିଲେ ପୁଣ୍ୟ ବଢ଼େ ।ଅନ୍ତେ ଗରୁଡ଼ ଧ୍ଵଜେ ଚଢ଼େ।।
ଗୋବିନ୍ଦ ସଙ୍ଗେ ସଙ୍ଗ ହୋଇ।ବୈକୁଣ୍ଠ ଭୁବନକୁ ଯାଇ।।
ଏମନ୍ତ ଦୀପ ଦାନ ଫଳ ।କାର୍ତ୍ତିକେ ଶୁଣ ମହୀପାଳ ।।
ଯେବଣ ଜନ ବ୍ରତୀ ହୋଇ ।କାର୍ତ୍ତିକେ ତୃଣ ପାରି ଶୋଇ।।
ତାଙ୍କ ବଚନେ ପୁଣ ପୂଜା।ଅର୍ଚ୍ଚନା କରି ଦେବରାଜା।।
ମଣ୍ଡପ ଉପରେ କଳସ।ଚିରାଳ ବାନ୍ଧି ଝୀନବାସ।।
ଚାରି ଦ୍ଵାରୀଙ୍କି ପୂଜାବିଧି ।ବିପ୍ର ବଚନେ କରି ସିଦ୍ଧି।।
ପୂଜିବ ଜଗତ ଅଧୀପ ।ଗନ୍ଧ ଚନ୍ଦନ ଧୂପ ଦୀପ।।
ଶୁକଳ ପୁଷ୍ପ ଶିରେ ଦେଇ ।ବୋଲିବେ କୃଷ୍ଣ ତ୍ରାହି ତ୍ରାହି।।
ବିବିଧ ଉପହାର ଦ୍ରବ୍ୟ ।ମନ୍ତ୍ର ସୁମରି ଭୋଗ ଦେବ।।
ଗୋବିନ୍ଦ ନାମ ଧରି ନିତ୍ୟେ ।ଉତ୍ସବ ବାଦ୍ୟ ନୃତ୍ୟ ଗୀତେ।।
ଏମନ୍ତେ ବଞ୍ଚିବ ଶର୍ବରୀ ।ନିଶି ପ୍ରଭାତେ ସ୍ନାନ କରି।।
ପୂଜା ସ୍ଥାନରେ ଯେତେ ଦ୍ରବ୍ୟ ।ମନ୍ତ୍ର ସୁମରି ଭୋଗ ଦେବ ।।
ଗୋବିନ୍ଦ ନାମ ଧରି ନିତ୍ୟେ ।ଉତ୍ସବ ବାଦ୍ୟ ନୃତ୍ୟ ଗୀତେ।।
ଏମନ୍ତେ ବଞ୍ଚିବ ଶର୍ବରୀ ।ନିଶି ପ୍ରଭାତେ ସ୍ନାନ କରି।।
ପୂଜା ସ୍ଥାନରେ ଯେତେ ଦ୍ରବ୍ୟ ।ମନ୍ତ୍ର ସୁମରି ପୂଜା ଦେବ ।।
ତିଳ କାଞ୍ଚନ ଗୋରୁଦାନ ।ବିପ୍ରଙ୍କୁ କରି ନିବେଦନ।।
ତାଙ୍କ ପତ୍ନୀଙ୍କି ତିନି ଶାଢି । ଦେଇ କହିବ କରଯୋଡ଼ି।।
ହେ ବିପ୍ଳବର ତୁମ୍ଭେ ହରି ।ମୋତେ ସଂସାରୁ କର ପାରି।।
ଏମନ୍ତ କହିବ ବଚନ।ଗୁରୁଙ୍କୁ ଦେବ ରତ୍ନଦାନ।।
ତିଳ ପାୟସ ଦଧି ରସେ ।ଅନଳ ପୂଜିବ ସନ୍ତୋଷେ।।
ବ୍ରତ ଦକ୍ଷିଣା ବିପ୍ରେ ଦେବ ।ମେଲାଣି ମାଗି ଗୃହେ ଯିବ।।
ଯାହା କାର୍ତ୍ତିକେ ଥିବ ଛାଡ଼ି ।ଯତନ ପ୍ରକାରେ ତା ଲୋଡ଼ି।।
ଭିଆଇ ଅନୁକ୍ରମେ ଦ୍ରବ୍ୟ।ବିପ୍ର ଭୋଜନେ ସମର୍ପିବ।।
ଆରେକ ଦିନ ଆଦିମାସେ।କାର୍ତ୍ତିକ ବ୍ରତ ଅବଶେଷେ।।
ପ୍ରତିପଦିନ ନିଜ ଗୃହେ ।ବନ୍ଧୁ କୁଟୁମ୍ବ ଘେନି ସ୍ନେହେ।।
ପାକ ସମ୍ପାଦି ଷଡ଼ରସେ।ଭୋଜନ କରିବ ସନ୍ତୋଷେ।।
ଏମନ୍ତେ କାର୍ତ୍ତିକ ବିଧାନେ ।ବ୍ରତ ପାଳନ୍ତି ଯେଉଁ ଜନେ।।
ତାଙ୍କର ଧର୍ମଫଳ ଯାହା ।କହିବା ଶୁଣ ନରନାହା।।
ସଂସାରେ ଯେତେ ଧର୍ମମାନ।ତୁଳା ପୁରୁଷ ଆଦି ଦାନ ।।
ଗଙ୍ଗା ଯମୁନା ସରସ୍ଵତୀ ।ମଣି କର୍ଣ୍ଣିକା ପୁଣ୍ୟବତୀ ।।
ନର୍ମଦା ପ୍ରାଚୀ ଗୋଦାବରୀ ।ସିନ୍ଧୁ ସଙ୍ଗମେ ସୁରାସୁରୀ।।
ପ୍ରଭାସ ପ୍ରାଚୀ ବୈତରଣୀ ।ଗୋମତୀ ରେବା କୃଷ୍ଣାବେଣୀ।।
ଯେ ଚନ୍ଦ୍ରଭାଗା ଚିତ୍ରୋତ୍ପଳା । ଯେଉଁ ଜନମ ବିଷ୍ଣୁଶିଳା ।।
ବ୍ରାହ୍ମୀ ଯେ ମାନସରୋବର।ତହିଁ ବିଜୟ ଗଦାଧର ।।
ସୁବର୍ଣ୍ଣରେଖା ମଧୁମତୀ। ଯେ ହ୍ରଦ ସିଦ୍ଧ ବନେ ସ୍ଥିତି ।।
ପାପନାଶିନୀ ପୁଣ୍ୟତୋୟା।ଇନ୍ଦ୍ରଦ୍ୟୁମନ ବିଷ୍ଣୁ କାୟା ।।
ଋସରଯୂ ଶିବ ଗଙ୍ଗାନଦୀ। ଋଷିକୁଲ୍ୟାଦି ମହାନଦୀ ।।
ଏ ଆଦି ପୁଣ୍ୟ ତୀର୍ଥଜଳ। ସ୍ନାନ କଲେକ ଯେତେ ଫଳ ।।
ରାଜାସୂୟାଦି ଯେତେ କୃତ୍ୟ। ବେଦ ବିଦିତ ଯେତେ ବ୍ରତ ।।
ଯୋଗ ସମାଧି ଦାନ ଧ୍ୟାନ। ପ୍ରସାଦ ଆଦି କୀର୍ତ୍ତିମାନ ।।
ବଞ୍ଚିବ ବର୍ଣ୍ଣାଶ୍ରମେ ରହି ।ତପେ ଦଗଧ କରି ଦେହୀ।।
ଏ ସର୍ବ ଧର୍ମ ଠୁଳ କରି ।କାର୍ତ୍ତିକ ବ୍ରତେ ନୁହେଁ ସରି।।
ଯାବତ ପୁଣ୍ୟକରି ଏକ।ସହସ୍ର ଗୁଣରେ କାର୍ତ୍ତିକ।।
ବିଷ୍ଣୁର ଅତି ପ୍ରିୟ ଯେଣୁ । କାର୍ତ୍ତିକ ମହାପୁଣ୍ୟ ତେଣୁ।।
ଅଙ୍ଗେ ଯେ ପାପ ବିଘ୍ନ ଥାନ୍ତି । କାର୍ତ୍ତିକ ସଂକଳ୍ପରେ ଯାନ୍ତି।।
ପୁରାଣ ପୁରୁଷୋତ୍ତମ ଶ୍ରୀଜଗନ୍ନାଥ ଜୟ ଜଗନ୍ନାଥ।।
କେଶରୀ ଆଗମନ ପଥେ। ଯେହ୍ନେ ପଳାନ୍ତି ଗଜଯୂଥେ ।।
ଏମନ୍ତେ କାର୍ତ୍ତିକ ମହିମା । ବଚନେ କି ଦେବା ଉପମା ।।
କାର୍ତ୍ତିକେ ଛାଡ଼ ଯେତେ କରି । ଦଶ ସାଗର ଫଳ ସରି ।।
ହବିଷ୍ୟ ଶତ ଗୁଣ ଜାଣ। ଉଦ୍‌ଯାପନରେ ଲକ୍ଷେଗୁଣ ।।
ଯାଗ ଯୋଗରେ ସ୍ଵର୍ଗ ଭୋଗ । କାର୍ତ୍ତିକେ ବୈକୁଣ୍ଠରେ ଯୋଗ ।।
ବିଧି ସଂକଳ୍ପେ ବ୍ରତ କଲେ। ଅକ୍ଷୟ ମୁକ୍ତି ପାଇ ଭଲେ ।।
ଯାବତ ଧର୍ମ କରି ନରେ। କାର୍ତ୍ତିକ ବ୍ରତ ଯେ ନ କରେ ।।
ତାର ସକଳ ଧର୍ମନାଶେ। ଯୁବତୀ ଯେହ୍ନେ ପରବାସେ ।।
ସ୍ଵଧର୍ମ ପଣ ଯାଇ ତାର ।କାର୍ତ୍ତିକ ହୀନ ତେହ୍ନେ ନର ।।
କିଞ୍ଚିତେ ହେବେ ପ୍ରତିପାଳି । ଅନ୍ୟ କର୍ମକୁ ଧର୍ମବଳି ।।
କାର୍ତ୍ତିକ ପାଳି ଅନ୍ୟ ଧର୍ମ । କଲେ ସଫଳ ସବୁ କର୍ମ ।।
ଏହି ପ୍ରକାରେ ଏକାଦଶୀ। ଆବର ପାଳନ ତୁଳସୀ ।।
ଏ ତିନି ମହିମା ସମାନ। ବିଶେଷ କାର୍ତ୍ତିକ ପ୍ରଧାନ ।।
ଶୁଣ ରାଜନ ଧର୍ମ ସାର। ଏ ପଦ୍ମ ପୁରାଣ କେଶର ।।
ଉତ୍ତର ଖଣ୍ଡେ ପରସିଦ୍ଧି । କାର୍ତ୍ତିକ ଧର୍ମ ଯଥାବିଧି ।।
ଯେ ଏହା ଶୁଣେ ଦିବ୍ୟଜ୍ଞାନେ। ସଂଶୟ ଦୂରକରି ମନେ ।।
ସେହି କାର୍ତ୍ତିକ ଧର୍ମ ପାଇଁ ।ସର୍ବ ଦୂରିତ କ୍ଷୟ ଯାଇ ।।
ବ୍ରାହ୍ମଣ ଆଦି ଚାରିବର୍ଣ୍ଣ । ସ୍ତି୍ରୀ ପୁରୁଷ ଯେବା ଜନ ।।
ବିନା କାର୍ତ୍ତିକେ ଶୁଦ୍ଧ ନୋହି। ବିଷ୍ଣୁ ଶ୍ରୀମୁଖେ ଛନ୍ତି କହି ।।
ସେ ପ୍ରଭୁ ବାକ୍ୟ ଉପଦେଶ। ଭଣଇ ମହାଦେବ ଦାସ।।

ଇତି ଶ୍ରୀ ପଦ୍ମପୁରାଣେ ଉତ୍ତର ଖଣ୍ଡେ କାର୍ତ୍ତିକ ମାହାତ୍ମ୍ୟେ ପୃଥ୍ବୀ ନାରଦ ସମ୍ବାଦେ କାର୍ତ୍ତିକ ଉଦ୍‌ଯାପନ କର୍ମ କଥନେ ନାମ ଷଷ୍ଠୋଽଧ୍ୟାୟଃ ।

12/10/2025

#ଆଜିର_ପଞ୍ଜିକା_ଓ_ରାଶିଫଳ
#ସୁପ୍ରଭାତମ_ଜୟ_ଜଗନ୍ନାଥ 🚩🙌
#ଅଦ୍ୟ_୧୨_୧୦_୨୦୨୫_ରବିବାର

*ସମ୍ବତ୍ସର-ସିଦ୍ଧାର୍ଥ*
*କାର୍ତ୍ତିକମାସ- କୃଷ୍ଣ*
*ତିଥି- ଷଷ୍ଠୀ ଦିବା ଘ୦୫/୫୬ ଗତେ ସପ୍ତମୀ*
*ନକ୍ଷତ୍ର- ମୃଗଶିରା ଦିବା ଘ୦୨/୪୪ ଗତେ ଆଦ୍ରା*
*ଚନ୍ଦ୍ର- ମିଥୁନ*
*ଯୋଗ- ବାରୀୟାନ୍*
*କରଣ - ବାଣିଜ୍ୟ*
*ସୌରମାସ- କନ୍ୟା ୨୬ ଦିନ*
*✧═════•❁❀❁•════✧*
*ସୁର୍ୟୋଦୟ-ପ୍ରାତଃ ଘ୦୫/୪୪/୪୭*
*ସୂର୍ଯ୍ୟାସ୍ତ -ସନ୍ଧ୍ୟା ଘ୦୫/୨୩/୨୨*
*✧═════•❁❀
*ଯୋଗିନୀ ପଶ୍ଚିମେ ଦିବା ଘ୦୨/୪୬ ଗତେ ବାୟବ୍ୟ*
*କନ୍ୟା ରାଶିର ଘାତଚନ୍ଦ୍ର*
*ମେଷ ରାଶିର ଘାତବାର*
*ଷଷ୍ଠୀ ର ଏକୋଦିଷ୍ଟ ଓ ପାର୍ବଣ ଶ୍ରାଦ୍ଧ ଓ ସପ୍ତମୀ ର ପାର୍ବଣ ଶ୍ରାଦ୍ଧ*
*✧═════•❁❀❁•═══*
*କାଳବେଳା ଓ ବାରବେଳା- ଦିବା ଘ୧୦/୦୭ ଗତେ ଘ ୦୧/୦୪ ମଧ୍ୟେ*
*══•❁❀❁•═
*ବିଶୁଦ୍ଧ ଅମୃତ ବେଳା- ଦିବା ଘ୦୬/୩୧ ଗତେ ଘ୦୮/୫୬ ମଧ୍ୟେ ଓ ଘ୦୧/୦୫ ଗତେ ଘ୦୩/୨୦ ମଧ୍ୟେ ରାତ୍ରି ଘ୦୭/୪୭ ଗତେ ଘ୦୯/୨୫ ମଧ୍ୟେ*
*ବିଶୁଦ୍ଧ ମାହେନ୍ଦ୍ର ବେଳ।- ଦିବା ଘ୦୪/୦୮ ଗତେ ଘ୦୪/୫୬ ମଧ୍ୟେ*
*═✧*══•❁❀❁•═*════✧
*ଅଦ୍ୟ ନିମ୍ବ ଦିବା ଘ୦୨/୪୬ ଗତେ ତାଳ ଭକ୍ଷଣ ନିଷେଧ*
*═✧*══•❁❀❁•═════✧

*🌼🌹꧁ ଆଜିର ରାଶିଫଳ꧂🌹🌼*
*✧═════•❁❀❁•═════✧*
*🌹ମେଷ🌹👉 ଆଜି ପାରିବାରିକ ଜୀବନରେ ଛୋଟ ବଡ଼ କେତୋଟି ଘଟଣାକୁ ବାଦ୍‌ ଦେଲେ ପ୍ରାୟତଃ ବିଶେଷ ଅସୁବିଧା ରହିବ ନାହିଁ । କର୍ମକ୍ଷେତ୍ରରେ ଅବହେଳିତ କାର୍ଯ୍ୟ ସକାଶେ ଅନୁତାପ କରିବେ । ପ୍ରତ୍ୟେକ କ୍ଷେତ୍ରରେ ଧୈର୍ଯ୍ୟହରା ନ ହୋଇ କାର୍ଯ୍ୟ କଲେ ଉପକୃତ ହେବେ।*
*✧═════•❁❀❁•═════✧*
*🌹ବୃଷ🌹👉-ଆଜି ପ୍ରାତଃକାଳର ଆପଣଙ୍କ ଯାତ୍ରା ଓ ଭ୍ରମଣ ପ୍ରୀତିପ୍ରଦ ହେବ । ସାମାଜିକ ସ୍ତରରେ ପ୍ରତିଷ୍ଠା ଲାଭ ପାଇପାରନ୍ତି। ବାଣିଜ୍ୟ, ବ୍ୟବସାୟ ଓ ପରିବହନରେ ବିବାଦ ବୃଦ୍ଧିର ସମ୍ଭାବନା ରହିଛି। କଠୋର ପରିଶ୍ରମଜନିତ କାରଣରୁ ଶାରୀରିକ ଅସୁସ୍ଥତା ହୋଇପାରେ।*
*✧═════•❁❀❁•═════✧*

*🌹 ମିଥୁନ🌹👉-ଆଜି ପାରିବାରିକ କ୍ଷେତ୍ରରେ ବ୍ୟତିକ୍ରମ ଲାଗି ରହିଥିଲେ ମଧ୍ୟ ମନକଥା ମନରେ ମାରି ଚଳିବାକୁ ବାଧ୍ୟ ହେବେ । ଆର୍ଥିକ ସମସ୍ୟାର ସମାଧାନ କରିବା ସମ୍ଭାବନା ରହିଛି । ବ୍ୟବସାୟ କ୍ଷେତ୍ରରେ ଯେତେଟା ପରିସ୍ଥିତିକୁ ଜଟିଳ ମନେକରୁଛନ୍ତି, ବାସ୍ତବରେ ସେପରି କିଛି ହେବନି ।*
*✧═════•❁❀❁•═════✧*

*🌹କର୍କଟ🌹👉-ଆଜି ଅର୍ଥ ସମ୍ପର୍କିତ ସମସ୍ୟା ସୃଷ୍ଟି ହେବ। ନିଜ ନିଜର ଫାଇଦା ହାସଲ ପାଇଁ ବନ୍ଧୁମାନେ ମନଲୋଭା କଥା କହି ପାରନ୍ତି । ସ୍ବାସ୍ଥ୍ୟ ସମସ୍ୟା ଅପରିବର୍ତ୍ତିତ ରହିବା ଉଦ୍‌ବେଗର କାରଣ ହେବ। କର୍ମକ୍ଷେତ୍ରରେ ବ୍ୟସ୍ତବହୁଳତା ଲାଗି ରହିପାରେ।*
*✧═════•❁❀❁•═════✧*

*🌹ସିଂହ🌹👉-ଯାନବାହନ ଚାଳନାରେ ସତର୍କତା ଅବଲମ୍ବନ କରିବା ଭଲ ହେବ ଅବଶ୍ୟ ଆତ୍ମୀୟସ୍ବଜନମାନଙ୍କ ସାହାଯ୍ୟର ପ୍ରତିଶ୍ରୁତି ଆପଣଙ୍କୁ ନୂତନ କର୍ମାରମ୍ଭ ପାଇଁ ପ୍ରେରଣା ପ୍ରଦାନ କରିବ। ପ୍ରତ୍ୟେକ କ୍ଷେତ୍ରରେ ଅଜଣା ଅଶୁଣା ବ୍ୟକ୍ତିଙ୍କଠାରୁ ଦୂରେଇ ରହିବା ଭଲ।*
*✧═════•❁❀❁•═════✧*
*🌹କନ୍ୟା🌹👉-ଆଜି ବାଣିଜ୍ୟ, ବ୍ୟବସାୟ, ଚେଷ୍ଟା କରୁଥିବା କାମରେ ଶୁଭଫଳ ପାଇବେ । କାର୍ଯ୍ୟବ୍ୟସ୍ତ ଯୋଗୁ ମିଶିବାକୁ ଆସିଥିବା ବନ୍ଧୁଙ୍କ ସହ ଆଲୋଚନା କରିବାକୁ ସମୟ ପାଇବେ ନାହିଁ । ବ୍ୟବସାୟିକ କ୍ଷେତ୍ରରେ ସମ୍ପର୍କୀୟ ଜଣେ ବନ୍ଧୁ ସାହାଯ୍ୟର ପ୍ରତିଶ୍ରୁତି ଦେଇପାରନ୍ତି।*

*✧═════•❁❀❁•═════✧*
*🌹ତୁଳା🌹👉-ଆଜି ଶିକ୍ଷା, ସମ୍ପର୍କ ଓ ଆଲୋଚନା କ୍ଷେତ୍ରରେ କେତେକ ବ୍ୟତିକ୍ରମର ସୂଚନା ରହିଛି। ଆନୁଷ୍ଠାନିକ କ୍ଷେତ୍ରରେ ପଦମର୍ଯ୍ୟାଦା ବୃଦ୍ଧି ଘଟିବ। କଳା,ସାହିତ୍ୟ, ସାମ୍ବାଦିକତା ତଥା ସାହିତ୍ୟ ଓ ଆଧ୍ୟାତ୍ମିକତା କ୍ଷେତ୍ରରେ ବେଶ୍‌ ଆଦୃତ ହେବେ।*
*✧═════•❁❀❁•═════✧*

*🌹ବିଛା🌹👉-ପାରିବାରିକ ସମସ୍ୟା ମାନସିକ ସ୍ଥିତିକୁ କଳୁଷିତ କରିପାରେ । କୌଣସି କାର୍ଯ୍ୟ ସମ୍ପନ୍ନ କରିବା କ୍ଷେତ୍ରରେ ବନ୍ଧୁମାନେ ଅସହଯୋଗ କରିବେ। କର୍ମକ୍ଷେତ୍ରରେ ଶତ୍ରୁ ଉପଦ୍ରବ କ୍ରମଶଃ ହ୍ରାସ ପାଇବାର ଅନୁଭବ କରିବେ। ଅନ୍ୟକୁ ସାହାଯ୍ୟ କରିବାକୁ ଯାଇ ନିଜେ ହଇରାଣରେ ପଡ଼ିପାରନ୍ତି।*

*✧═════•❁❀❁•═════✧*
*🌹ଧନୁ🌹👉-ଆଜି ମାନସିକ ଅସ୍ଥିରତା ଲାଗି ରହିବ। ପ୍ରତିଯୋଗିତା କିମ୍ବା ପ୍ରତିଦ୍ୱନ୍ଦ୍ୱିତା ବୃଦ୍ଧି ପାଇବା କାରଣରୁ ବ୍ୟବସାୟରେ ମନାନ୍ତର ଦେଖାଦେଇପାରେ। ଆପଣଙ୍କ ଉଚ୍ଚସ୍ତରରେ ସମ୍ପର୍କ ବୃଦ୍ଧି ପାଇବ। ଜମିଜମା କାରଣକୁ ନେଇ କୌଣସି ନିକଟ ସମ୍ପର୍କୀୟଙ୍କ ସହ ଯୁକ୍ତିତର୍କ ଲାଗିପାରେ।*
*✧═════•❁❀❁•═════✧*

*🌹ମକର🌹👉-ଆଜି ଆପଣଙ୍କ କଥା ଓ କାମରେ ତାଳମେଳ ରହିବ ନାହିଁ। ସ୍ବାସ୍ଥ୍ୟ ଓ ପାରିବାରିକ ସମସ୍ୟା ପୂର୍ବ ପରି ରହିବା ହେତୁ ସାମୟିକ ଚିନ୍ତା କରିବେ। ହାତକୁ ନେଇଥିବା ନୂତନ ଯୋଜନାଟିକୁ କାର୍ଯ୍ୟକାରୀ କରିବା ପାଇଁ ପରିବାରରୁ ପୂର୍ଣ୍ଣ ସହଯୋଗ ପାଇପାରନ୍ତି।*
*✧═════•❁❀❁•═════✧*

*🌹କୁମ୍ଭ🌹👉-ଆଜି ଆପଣ ଯେଉଁ କାମରେ ହାତ ଦେବେ ସେଥିରେ ନିଶ୍ଚିତ ସଫଳତା ପାଇବେ । କର୍ମକ୍ଷେତ୍ରରେ ହାତ ପାହାନ୍ତାକୁ ସୁଯୋଗ ଆସିଯିବା ହେତୁ ଅଟକି ରହିଥିବା କାମଗୁଡ଼ିକ ତ୍ୱରାନ୍ବିତ ହେବ। ଯାନ୍ତ୍ରିକ ତ୍ରୁଟି ସମସ୍ୟାକୁ ଦ୍ୱିଗୁଣିତ କରିପାରେ ଏବଂ ଯାତ୍ରାରେ ଜିନିଷପତ୍ର ପ୍ରତି ସତର୍କ ରୁହନ୍ତୁ।*

*✧═════•❁❀❁•═════✧*
*🌹 ମୀନ🌹👉-ଆଜି ଶିଳ୍ପ, ବାଣିଜ୍ୟ ଓ ବ୍ୟବସାୟ, ପରିବହନ କ୍ଷେତ୍ରରେ ସମସ୍ୟା ଦୂରହେବ। ସ୍ବାସ୍ଥ୍ୟରେ ଉନ୍ନତି ପରିଲକ୍ଷିତ ହେବାରୁ ସାମୟିକ ଆଶ୍ୱସ୍ତି ଲାଭ କରିବେ। ଆଜି ସଭାସମିତି, ସତ୍‌ସଙ୍ଗ, ଆଧ୍ୟାତ୍ମିକତା, ରାଜନୀତି, ପ୍ରଶାସନ ପାଇଁ ଭଲ।*
*✧═════•❁❀❁•═════✧*