14/09/2024
ବ୍ୟକ୍ତିଗତ ଜଙ୍ଗଲ ଅଧିକାର ପାଇଁ ତହସିଲ ଘେରାଉ ।
ଢେଙ୍କାନାଳ/୧୪/୦୯/୨୦୨୪/ (ଆଧାର ମିଡ଼ିଆ//ରିପୋର୍ଟ-ପ୍ରଦ୍ୟୋତ ବିଶ୍ୱାଳ )-ପ୍ରତିଶୃତି ଦେଇ ପୁଣି ଭୁଲିଯିବା ରାଜନେତା ମାନଙ୍କର ଏକ ବଦଭ୍ୟାସ.ପ୍ରତିଶୃତି ଜରିଆରେ ଲୋକମାନଙ୍କ ଠାରୁ ଭୋଟ ପଇସାରିଲା ପରେ ସବୁକିଛି ଭୁଲି ନିଜ ନିଜର ପାୱାରକୁ ଅପବ୍ୟବହାର କରୁଥିବାର ଦେଖିବାକୁ ମିଳୁଛି.ଏଭଳି ଏକ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ଓଢ଼ଣାପଡା ଅଂଚଳରେ .ଢେଙ୍କାନାଳ ଜିଲ୍ଲା ଓଡାପଡା ତହସିଲ ଅଞ୍ଚଳର ବାଙ୍ଗୁରୁସିଂହ, ନୂଆବାଙ୍ଗୁରୁ ସିଂହ,ପନେଇଲ ଓ ବୁଢ଼ୀ ପାହାଡ଼ ଗ୍ରାମର ଶତାଧିକ ମହିଳା ଆଦିବାସୀ, ହରିଜନ ଓ ପାରମ୍ପରିକ ବନବାସୀ ନିଜର ନ୍ୟାର୍ଯ୍ୟ ଦାବିନେଇ ଓଡାପଡା ତହସିଲ ଅଫିସ ଘେରାଉ କରିଥିଲେ । ମିଳିଥିବା ସୂଚନା ଅନୁଯାଇ ୧୯୬୨ ମସିହାରେ ଜଳବନ୍ଦୀ ଗରିବ ହରିଜନ ଆଦିବାସୀମାନଙ୍କୁ ଜିଲ୍ଲା ପ୍ରଶାସନ ତଳିଆବୁଡି ଅଞ୍ଚଳରୁ ବୁଢୀପର୍ବତରେ ଥଇଥାନ କରିଥିଲେ । ସେଠାରେ ଗରିବ ପ୍ରଜାମାନେ ବସବାସ କରି ଜୀବନ ଯାପନ କରି ଆସୁଥିବାବେଳେ ବହୁବାର ପ୍ରଜାମାନେ ପଟ୍ଟାନିମନ୍ତେ ଦାବିକରୀ ଆସୁଥିଲେ ମଧ୍ୟ ପ୍ରଶାସନର ଅବହେଳା ଯୋଗୁଁ ନିରୀହ ଲୋକେ ବିଭିନ୍ନ ସରକାରୀ ସୁବିଧାରୁ ବଞ୍ଚିତ ହେଉଛନ୍ତି । ଏ ନେଇ ଜିଲ୍ଲପାଳଙ୍କ ଜନଶୁଣାଣୀରେ ଅଭିଯୋଗ କରି ନିରାଶ ହୋଇ ରହିଥିବା ପ୍ରଜାମାନେ ଢେଙ୍କାନାଳ ଜିଲ୍ଲାପାଳଙ୍କୁ ତା୦୨/୦୭/୨୦୨୪ ରିଖରେ ମିଳିତ ଅଭିଯୋଗ କରିଥିଲେ ! ଓଡାପଡା ତହସିଲଦାର ଘରବାରି ପଟ୍ଟା ଯୋଗାଇଦେଵାର ପ୍ରତିଶୃତି ଦେଇଥିଲେ । କିନ୍ତୁ କିଛି ମୁଷ୍ଟିମେୟ ବ୍ୟକ୍ତି ଓ ମିଥ୍ୟା ଖବର ପ୍ରସାରଣ ଭୟରେ ଦୀର୍ଘଦିନ ଧରି ପୁରୁଶାନୁ କ୍ରମେ ଜଙ୍ଗଲ ଜମିରେ ବାସକରି ଆସୁଥିଲେ ମଧ୍ୟ ଗରିବଙ୍କ ଗୁହାରି ଶୁଣିବାକୁ ଲୁଚକାଳି ଖେଳିଥିଲେ ଏହି ଚକ୍ରାନ୍ତ କାରୀ ମାନେ।
ସୂଚନା ଥାଉକି ସେହି ଜଙ୍ଗଲ ଅଞ୍ଚଳରେ କେତେକ ମୁଷ୍ଟିମେୟ ଲୋକଙ୍କୁ ଘରଡ଼ିହ ପଟ୍ଟା ଯୋଗାଇଦିଆଯାଇଥିବାର ନଜିର ରହିଛି। ତାହାର ତଦନ୍ତ କରାଯାଉ ଓ ବୁଢୀପର୍ବତରେ ଦୀର୍ଘ ଦିନଧରି ବସବାସ କରୁଥିବା ନିରୀହ ଗରିବ ବନବାସୀଙ୍କୁ ପଟ୍ଟା ଯୋଗାଇ ଦେବା ନିମନ୍ତେ ମାନ୍ୟବର ମୁଖ୍ୟମନ୍ତ୍ରୀ ଓଡିଶା, ମାନ୍ୟବର ଆଦିବାସୀ ହରିଜନ କଲ୍ୟାଣ ମନ୍ତ୍ରୀ ଓଡିଶା,ରାଷ୍ଟ୍ରପତି, ସଚିବ ଆଦିବାସୀ ଓ ହରିଜନ କଲ୍ୟାଣ ଓଡିଶା, ଜିଲ୍ଲାପାଳ ଢେଙ୍କାନାଳ, ଜିଲ୍ଲା ବନବିଭାଗ, ଜିଲ୍ଲା ଜନମଙ୍ଗଳ ଅଧିକାରୀ, ଉପଜିଲ୍ଲାପାଳ ଢେଙ୍କାନାଳ,ଓଡାପଡା ଗୋଷ୍ଠୀ ଉନ୍ନୟନ ଅଧିକାରୀ, ତହସିଲଦାର ଓଡାପଡା, ଗୋଷ୍ଠୀ ଜନମଙ୍ଗଳ ଅଧିକାରୀଙ୍କ ଅଵଗତି ନିମନ୍ତେ ଗଣମାଧ୍ୟମ ଜରିଆରେ ଅନୁରୋଧ କରାଗଲା । ଯଦିଓ ଏଭଳି ଦୁଖଃଦ ସମସ୍ୟାର ସମାଧାନ କରାନଯାଏ ଜିଲ୍ଲା ପ୍ରଶାସନକୁ ଦାୟୀରଖି ଅଞ୍ଚଳର ବନବାସୀ ମାନେ ରାଜରାସ୍ତାକୁ ଓଲ୍ହାଇ ବାକୁ ଚେତାବନୀ ଦେବାସହ ମିଥ୍ୟା ଖବରପ୍ରସାରଣ କାରୀଙ୍କୁ ଦଣ୍ଡବିଧାନ ନିମନ୍ତେ ଦାବିକରିଛନ୍ତି । ଆଜିର ଏହି ତହସିଲ ଘେରାଉରେ ହିନ୍ଦୋଳ ଅଞ୍ଚଳର ଜଣାଶୁଣା ସମାଜ ସେବୀ ସତମନ୍ୟୁ ନାଏକ (ସଞ୍ଜୟ) ମଞ୍ଜୁ ଲତା ସାହୁ,ଦୁଷ୍ମନ୍ତ ବେହେରା, ସତ୍ୟ ରଞ୍ଜନ ସାହୁ,ସରୋଜ କୁମାର କରଣ ପ୍ରମୁଖ ସାମିଲ ରହିଥିଲେ ।ଖବର ପ୍ରସାରଣ ପରେ ବନବାସୀମାନ କ'ଣ ନ୍ୟାୟ ପାଉଛନ୍ତି ଓ ଦୋଷୀକୁ କେତେ ଦଣ୍ଡବିଧାନ ହେଉଛି ତାହା ଦେଖିବାକୁ ବାକି ରହିଲା ।
