05/05/2025
ସମ୍ବଲପୁରରେ କଫ ସିରପ ଜବତ: ୧୦ ଜଣ ଗିରଫ
ସମ୍ବଲପୁର, ମଇ ୫: ସମ୍ବଲପୁର ଜିଲ୍ଲାର ଚେରୁଆପଡା ନିକଟସ୍ଥ କୃଷି କାର୍ଯ୍ୟାଳୟର ଏକ ପରିତ୍ୟକ୍ତ ଘରୁ ପୁଲିସ ୧,୫୦୧୧ ବୋତଲ ଓ୍ଵିନସିରେକ୍ସ କଫ ସିରପ, ୧୬,୩୫୦ ଟଙ୍କା ନଗଦ ଏବଂ ୪ଟି ମୋବାଇଲ ଫୋନ ଜବତ କରିଛି। ଏହି ଘଟଣାରେ ୧୦ ଜଣଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତମାନେ ହେଲେ ଆଶିଷ କୁମାର ପାଣିଗ୍ରାହୀ (୩୬), ଏକଲାଖ ଖାଁ (୨୬), ଜାବିର ହୁସେନ (୨୬), ମୋ. ଆବିଦ (୨୯), ସୁନୀଲ କୁମାର ନନ୍ଦ (୩୧), ରଞ୍ଜନ କୁମାର (୪୦), ରିଙ୍କୁ ରାଉତ (୩୨), ବିଶ୍ୱଜିତ ବାଗ (୧୯), ପ୍ରକାଶ ଛତାର (୨୬) ଏବଂ ଅନିତା ସିଂ (୩୬)। ସୂଚନା ଅନୁଯାୟୀ, ଅଭିଯୁକ୍ତମାନେ ହାଓରା, ପଶ୍ଚିମବଙ୍ଗ ଓ ବୁର୍ଲାରୁ ଏହି କଫ ସିରପ ଆଣି ସମ୍ବଲପୁର ଅଞ୍ଚଳରେ ବିକ୍ରି କରୁଥିଲେ। ପୁଲିସ ଏହି ଘଟଣାର ତଦନ୍ତ ଜାରି ରଖିଛି।
