19/04/2026
کل کی شام ایک لائیبریری کے نام :
✍️از عادل عنایت
کل ایک مقامی لائبریری ظہیر لائبریری اینڈ گائیڈینس سینٹر میں “مہمان خصوصی” کے طور پر پہنچا۔ جہاں اِسلامک کوئیز کمپیٹیشن کے عنوان سے ایک تقریب تھی ۔
اور
یہ صرف ایک تقریب نہیں تھی، بلکہ علم کی ایک چھوٹی سی جنت تھی، جہاں کتابوں کی خاموشی، بچوں کے سوالات اور والدین کی آنکھوں میں امید مل کر ماحول کو روشن کرتے تھے۔ظہیر لائبریری ایک ایسا مرکز ہے جہاں غریب بچے بھی کتاب کے ساتھ ایک نیا سفر شروع کرتے ہیں۔ یہاں تعلیم صرف امتحانی نمبر کا نام نہیں، بلکہ انسان سازی کا نام ہے۔ گائیڈنس سینٹر کے ذریعے نوجوانوں کو کیریئر کی راہ دکھائی جاتی ہے، جیسے اندھیرے میں ایک چھوٹی سی ٹارچ ہو، جو ایک شخص کو اس کی منزل تک لے کر جائے۔میں نے اسٹیج پر کھڑے ہو کر کہا:“تعلیم کی کمی اندھیرا ہے، اور یہ لائبریری اس کے خلاف ایک چھوٹی سی شمع۔ اگر ہر گھر، ہر محلہ سے ایک فرداس کو دیں ، تو ایک دن ہم یہ کہہ سکیں گے: ‘ایک چھو ٹے چراغ نے پوری علاقے سے جہالت کے اندھیرے کو شکست دی۔’”ظہیر لائبریری اینڈ گائیڈنس سینٹر نے ہمیں یہ سبق دیتا ہےکہ چھوٹی چھوٹی محفلیں، چھوٹے چھوٹے ارادے اور چھوٹے چھوٹے اقدامات بھی اگر دل سے کیے جائیں، تو قوم کی تقدیر بدل سکتے ہیں۔
اللہ تعالیٰ اس ادارہ کو خوب ترقیات سے نوازے اور ذمداران کو اخلاص کے ساتھ کام کی توفیق عطا فرمائے ۔ آمین
