06/06/2026
বঙাইগাঁও জিলাৰ বইটামাৰীত লাম্পি আৰু ছক্কা সদৃশ ভাইৰাছৰ আতংক, শ শ গৰুৰ মৃত্যুৰ অভিযোগ।
বঙাইগাঁও জিলাৰ বইটামাৰী অঞ্চলত লাম্পি স্কিন ডিজিজ তথা পক্সজাতীয় ভাইৰাছৰ আতংকই ব্যাপক চিন্তাৰ সৃষ্টি কৰিছে।
স্থানীয় খেতিয়ক আৰু পশুপালকসকলৰ অভিযোগ অনুসৰি, বিগত কেইসপ্তাহমানত বহু গৰু এই ৰোগত আক্ৰান্ত হোৱাৰ লগতে ভালেসংখ্যক গৰু মৃত্যুমুখত পৰিছে বুলি জানিব পৰা গৈছে।
লাম্পি স্কিন ডিজিজ হৈছে গৰুৰ এক সংক্ৰামক ভাইৰাছজনিত ৰোগ। যি ৰোগৰ ফলত গৰুৰ শৰীৰত গুটিৰ দ্বৰে উঠে, জ্বৰ, দুৰ্বলতা আৰু গাখীৰ উৎপাদন হ্ৰাস পায়। কেতিয়াবা এই ৰোগে মৃত্যুৰো কাৰকো হ’য়।
ইতিমধ্যে পশুপালকসকলে চৰকাৰ আৰু পশু চিকিৎসা বিভাগক অঞ্চলটোত জৰুৰীভাৱে টিকাকৰণ, চিকিৎসা আৰু প্ৰতিৰোধমূলক ব্যৱস্থা গ্ৰহণৰ আহ্বান জনাইছে।
