10/03/2026
_Date: 10 March 2026_
“ട്വീറ്റിൽ തുടക്കമിട്ട യുദ്ധം! അവസാനിപ്പിക്കാൻ കഴിയാതെ ‘Undo’ ബട്ടൺ തിരയുന്ന ട്രംപ്!”
ഡോ.സി കെ ഷമീം
_ചീഫ് എഡിറ്റർ_
`PressLive News`
യുദ്ധത്തിന്റെ ആദ്യ ദിവസങ്ങളിൽ ജനങ്ങൾ കണ്ട ട്രംപും ഇന്നലെ കാണുന്ന ട്രംപും ഒരാളല്ലെന്ന തോന്നൽ സ്വാഭാവികമാണ്. ആത്മവിശ്വാസത്തോടെ പ്രസംഗിച്ച ആദ്യ ദിനങ്ങൾക്കു ശേഷമുള്ള നേതാവ്, ഇന്ന് ക്ഷീണവും ആശങ്കയും മുഖത്ത് പതിഞ്ഞ നിലയിലാണ്. സ്വന്തം സൈന്യത്തെ വാനോളം പുകഴ്ത്തുന്നുണ്ടെങ്കിലും, വാക്കുകളിൽ ആത്മവിശ്വാസത്തിന്റെ തളർച്ച സ്പഷ്ടമാണ്.
ട്രംപ് ഇസ്രായീലുമായുള്ള ചർച്ചകളിലൂടെ യുദ്ധം അവസാനിപ്പിക്കാമെന്ന സൂചന നൽകിയപ്പോൾ, മറുവശത്ത് ഇറാന്റെ മറുപടി കടുപ്പം നിറഞ്ഞതായിരുന്നു:
“യുദ്ധം തുടങ്ങിയത് നിങ്ങളാണ്; അവസാനിപ്പിക്കുന്നത് ഞങ്ങളും.”
ഇറാൻ ഇനി ചെറിയ കളികളിലോ തന്ത്രങ്ങളിലോ അല്ല ഊന്നൽ നൽകുന്നത് എന്നത്, അന്താരാഷ്ട്ര വാർത്താ മാധ്യമങ്ങളിൽ നിന്നുള്ള റിപ്പോർട്ടുകൾ കണ്ടാൽ വ്യക്തമാകും.
ഭീതിയുണ്ടാക്കുന്ന വമ്പൻ മിസൈലുകൾ ഇറാൻ പുറത്തെടുത്തു കഴിഞ്ഞു. യുഎസ് സൈന്യത്തിനോട് തിരിച്ചടിയുടെ ശക്തി വർദ്ധിപ്പികാണാന് ഇറാൻ പദ്ധതിയിടുന്നത്.
ഇങ്ങനെ ചെകുത്താനും കടലിനും ഇടയിൽ, രാഷ്ട്രീയവും വ്യവഹാരപരവുമായ സംഘർഷങ്ങളുടെ കവിളേറിയ നിലയിലാണ് ട്രംപ്. യുദ്ധം നിർത്തിയാൽ സയോണിസ്റ്റ് ലോബിയുടെ സമ്മർദ്ദം; തുടർന്നാൽ ഇറാന്റെ ശക്തമായ പ്രതികരണം! ഈ മനംമാറ്റത്തിനുള്ള പിന്നിലെ കാരണങ്ങൾ വളരെ സങ്കീർണ്ണമാണെന്നാണ് രാഷ്ട്രീയ നിരീക്ഷകർ പറയുന്നത്.
അറബ് ലോകത്തെ കണക്കുകൂട്ടൽ പാളി
യുദ്ധത്തിന്റെ തുടക്കത്തിൽ, അമേരിക്കയും ഇസ്രായേലും കരുതിയത്, അറബ് രാജ്യങ്ങൾ ഇറാനെതിരെ ഒരുമിച്ചുനിൽക്കും എന്നായിരുന്നു. എന്നാൽ പ്രതീക്ഷകൾ പിഴച്ചു. ഇറാൻ നേരത്തെ പലതവണ പറഞ്ഞ സന്ദേശം വീണ്ടും ആവർത്തിച്ചു:
“ഞങ്ങളെ ആക്രമിക്കാൻ നിങ്ങളുടെ ഭൂമി ഉപയോഗിക്കാത്തിടത്തോളം, ഞങ്ങൾ നിങ്ങളെ ആക്രമിക്കില്ല.”
ഇതിനാൽ അറബ് രാജ്യങ്ങൾ പിന്തുണക്കാതെ മെല്ലെ മൗനത്തിൽ തുടരുന്നു.
അമേരിക്കൻ താവളങ്ങളുടെ യാഥാർത്ഥ്യം
മധ്യപൂർവ മേഖലയിലെ സൈനിക താവളങ്ങൾ അറബ് രാജ്യങ്ങളുടെ സുരക്ഷയ്ക്കായിരുന്നുവെന്ന് അമേരിക്ക വാദിച്ചു. എന്നാൽ യുദ്ധം ആരംഭിച്ചപ്പോൾ പല പ്രതിരോധ സംവിധാനങ്ങളും ഇസ്രായേലിലേക്ക് മാറ്റിയതായി റിപ്പോർട്ടുകൾ പുറത്ത് വന്നു.
`യുദ്ധത്തിന്റെ സാമ്പത്തിക ഭാരം`
ഒരു ദിവസം ഏകദേശം ഒരു ബില്യൺ ഡോളർ ചെലവാകുന്ന യുദ്ധം ദീർഘകാലം നീണ്ടാൽ അമേരിക്കയ്ക്ക് വലിയ സാമ്പത്തിക ബാധ്യത ഉണ്ടാകും. എന്നാൽ ഏറ്റവും പ്രധാനപ്പെട്ടത്—ഈ യുദ്ധം അമേരിക്കയുടെ സ്വന്തം പോരാട്ടമല്ല; അത് ഇസ്രായേലിന് വേണ്ടി നടത്തപ്പെടുന്ന പോരാട്ടമാണെന്ന ധാരണ അമേരിക്കൻ ജനതയിൽ ശക്തമായി പിടിച്ചുകഴിഞ്ഞു.
`ഇറാനിലെ ഭരണ മാറ്റ പദ്ധതിയുടെ പരാജയം`
നിലവിലെ ഭരണകൂടത്തെ മാറ്റി അനുകൂല ഭരണകൂടം സ്ഥാപിക്കാമെന്ന അമേരിക്കൻ തന്ത്രം പരാജയപ്പെട്ടു. മറിച്ച്, രാജ്യത്തിനുള്ളിലെ ഐക്യം കൂടുതൽ ശക്തമായിട്ടുണ്ട്.
`റഹസ്യ വിവര ശേഖരണത്തിലെ പിഴവ്`
ഇറാന്റെ യുദ്ധസന്നാഹങ്ങളെക്കുറിച്ചുള്ള വിവര ശേഖരണത്തിൽ വലിയ തെറ്റുകൾ സംഭവിച്ചതായി നിരീക്ഷകർ വിലയിരുത്തുന്നു. ഇത് ഇന്റലിജൻസ് ഏജൻസികളുടെ പരാജയമാകാം, അല്ലെങ്കിൽ അമിത ആത്മവിശ്വാസത്തിന്റെ ഫലമായിരിക്കാം.
`ആയുധ നിർമ്മാണത്തിന്റെ വേഗത`
ദീർഘകാല യുദ്ധത്തിൽ ചെലവും വേഗവും നിർണായകമാണ്. കുറഞ്ഞ ചെലവിൽ ആയുധങ്ങൾ നിർമ്മിക്കുന്ന ഇറാന്റെ ശേഷി അമേരിക്കയെ ആശങ്കപ്പെടുത്തുന്ന ഘടകമാണ്.
`മിസൈൽ പ്രതിരോധ സംവിധാനങ്ങളുടെ പരീക്ഷണം`
വർഷങ്ങളായി ശക്തമായ പ്രചാരണവും പരിശീലനവും നേടിയ മിസൈൽ പ്രതിരോധ സംവിധാനങ്ങൾ യുദ്ധത്തിൽ കഠിന പരീക്ഷണത്തിന് വിധേയമാണ്. അവയുടെ കാര്യക്ഷമതയെക്കുറിച്ച് ചോദ്യങ്ങൾ ഉയരുകയാണ്.
`ഇനിയെന്ത്?`
ഈ സാഹചര്യത്തിൽ, യുദ്ധം അവസാനിപ്പിക്കാൻ ഇറാൻ ചില രാഷ്ട്രീയ ആവശ്യങ്ങൾ മുന്നോട്ട് വെക്കാൻ സാധ്യതയുള്ളതായി നിരീക്ഷകർ വിലയിരുത്തുന്നു:
1.പലസ്തീനിന് പൂർണ രാജ്യ പദവി നൽകുക
2.അറബ് രാജ്യങ്ങളിലെ വിദേശ സൈനിക താവളങ്ങളെ പിൻവലിക്കുക
3.മധ്യപൂർവ മേഖലയിലെ ആയുധവൽക്കരണം കുറയ്ക്കാൻ ശ്രമിക്കുക
ഇവയിൽ ചിലത് അംഗീകരിക്കപ്പെടും, ചിലത് നിരസിക്കപ്പെടും. എന്നാൽ ഒരു കാര്യം ഉറപ്പാണ്—മധ്യപൂർവദേശത്തെ രാഷ്ട്രീയ സവിശേഷതകൾ ഈ യുദ്ധത്തിന്റെ പശ്ചാത്തലത്തിൽ മാറ്റപ്പെടുകയാണ്.
യുദ്ധം വെറും തോക്കുകളും മിസൈലുകളും തമ്മിലുള്ള പോരാട്ടമല്ല; അത് രാഷ്ട്രീയ, സാമ്പത്തിക, മാനസിക ശക്തികളുടെ ഒരു കൂട്ട സംഘർഷമാണ്. 💥💥💥💥💥💥💥💥*https://chat.whatsapp.com/2OwoLVCwvjdApFw0jhY5U9*
🌟🌟🌟🌟🌟🌟🌟🌟
www.presslivetv.com
