Badhusha Kadalundi

06/09/2026

27/08/2026

🌹🌹🙏🇳🇱

27/08/2026

കണ്ണീരോടെ വിട... സഖാവ് താഹയ്ക്ക് ആദരാഞ്ജലികൾ…🌹🙏

വേർപാടിന്റെ വേദന ചിലപ്പോൾ താങ്ങാവുന്നതിനപ്പുറമാണ്. ജല ജിസാൻ പ്രതിനിധിയായി കേരള പ്രവാസി സംഘത്തിന്റെ സമ്മേളനത്തിൽ സജീവ സാന്നിധ്യമായിരുന്ന പ്രിയ സഖാവ് താഹ കൊല്ലേത്ത് നമ്മെ വിട്ടുപിരിഞ്ഞു എന്ന വാർത്ത വല്ലാത്തൊരു നടുക്കത്തോടെയും വേദനയോടെയുമാണ് നാം കേൾക്കുന്നത്.

സമ്മേളനത്തിന്റെ മുൻനിരയിലിരുന്ന് ചർച്ചകളും പ്രസംഗങ്ങളും സസൂഷ്മം നിരീക്ഷിച്ച്, ഒരു പത്രപ്രവർത്തകനെപ്പോലെ എല്ലാം കുറച്ചെടുക്കുന്ന അദ്ദേഹത്തിന്റെ മുഖം ഇന്നും മായാതെ മനസ്സിലുണ്ട്. ഏവർക്കും സ്നേഹത്തോടുകൂടി ഉപദേശങ്ങളും നിർദ്ദേശങ്ങളും നൽകി, ഒരു സഹോദരനെപ്പോലെ എപ്പോഴും ഒപ്പമുണ്ടായിരുന്ന ആ നല്ല മനുഷ്യന്റെ വേർപാട് പ്രവാസി സമൂഹത്തിന് വലിയൊരു നഷ്ടമാണ്.

സമ്മേളനത്തിന്റെ സുവനീറിനായി അദ്ദേഹം എഴുതിയ "പ്രവാസികളും ഇന്ത്യൻ സ്വാതന്ത്ര്യസമരവും" എന്ന ലേഖനം വലിയ ഉൾക്കാഴ്ച നൽകുന്ന ഒന്നായിരുന്നു. ഇന്ത്യൻ സ്വാതന്ത്ര്യസമരത്തിൽ പ്രവാസികൾ വഹിച്ച ബഹുമുഖ സംഭാവനകളിലേക്ക് വെളിച്ചം വീശുന്ന ആ ലേഖനം അതീവ പ്രസക്തമായിരുന്നു.

അവസാനമായി നടന്ന പ്രകടനത്തിൽ മുഴക്കാനുള്ള മുദ്രവാക്യങ്ങൾ തയ്യാറാക്കുന്നതിൽ പോലും സജീവമായി അദ്ദേഹം ഉണ്ടായിരുന്നു.

ഓർമ്മിക്കാൻ ഒരുപാട് നല്ല ഓർമ്മകൾ സമ്മാനിച്ച് പ്രിയ സഖാവ് നമ്മെ വിട്ടുപിരിയുമ്പോൾ, ആ വിയോഗത്തിന്റെ വേദനയിൽ പങ്കുചേരുന്നു.

മറക്കില്ലൊരിക്കലും... ആദരാഞ്ജലികൾ!🌹

ബാദുഷ കടലുണ്ടി
ജനറൽ സെക്രട്ടറി
കേരള പ്രവാസി സംഘം

26/08/2026

എല്ലാവർക്കും ഹൃദയം നിറഞ്ഞ ഓണാശംസകൾ

25/08/2026

എല്ലാവർക്കും ഓണാശംസകൾ!

നാടിന്റെ നന്മയും സമത്വസുന്ദരമായ മാവേലിക്കാലത്തിന്റെ ഓർമ്മകളും പുതുക്കി വീണ്ടുമൊരു തിരുവോണംകൂടി കടന്നുവരികയാണ്.

ജന്മനാടിന്റെ സ്പന്ദനങ്ങളറിഞ്ഞ്, പ്രതിസന്ധികളെ അതിജീവിച്ച് മുന്നോട്ടുപോകുന്ന എല്ലാ പ്രവാസീ സഹോദരങ്ങൾക്കും എന്റെ ഹൃദ്യമായ ഓണാശംസകൾ നേരുന്നു.

വിദേശനാടുകളിലെ കഠിനാധ്വാനത്തിലും പ്രവാസജീവിതത്തിന്റെ യാഥാർത്ഥ്യങ്ങളിലും കഴിയുമ്പോഴും, മലയാളിയുടെ മനസ്സ് എന്നും എവിടെയാണോ നമ്മുടെ വേരുകൾ ആ മണ്ണിൽ തന്നെയാണ്.

വിയർപ്പൊഴുക്കി നാടിന്റെ സാമ്പത്തിക അടിത്തറ പാകിയ പ്രവാസികളുടെ അവകാശങ്ങൾക്കും ക്ഷേമത്തിനുമായി ഒത്തൊരുമിച്ച് നിൽക്കേണ്ട സാഹചര്യത്തിലൂടെയാണു നാം കടന്ന് പോകുന്നത്.

നാട് തിരികെ വിളിക്കുമ്പോൾ, തിരിച്ചെത്തിയ പ്രവാസികളുടെ പുനരധിവാസവും സുരക്ഷിതത്വവും ഉറപ്പാക്കാൻ കേരള പ്രവാസി സംഘം എന്നും മുൻപന്തിയിലുണ്ടാകും.

ഈ ഓണം ഓരോ പ്രവാസിയുടെയും കുടുംബങ്ങളിൽ സമാധാനത്തിന്റെയും ഐശ്വര്യത്തിന്റെയും സന്തോഷത്തിന്റെയും പൊന്നോണമായി മാറട്ടെയെന്ന് ആശംസിക്കുന്നു.

ഏവർക്കും സ്നേഹം നിറഞ്ഞ തിരുവോണാശംസകൾ!
സ്നേഹത്തോടെ,