05/06/2025
ജി എച്ച് എസ് എസ് വിജയരാഘവപുരത്തെ ഈ വർഷത്തെ പരിസ്ഥിതി ദിനാചരണം - കൽപ്പകം 2025 ജൂൺ 5 ന് സമുചിതമായി സംഘടിപ്പിച്ചു.
എൻഎസ്എസ് യൂണിറ്റിൽ നേതൃത്വത്തിലായിരുന്നു ദിനാചരണം സംഘടിപ്പിച്ചത്. ചാലക്കുടി ഉപജില്ല പരിസ്ഥിതി ദിന ഉദ്ഘാടന വേദി കൂടിയായിരുന്നു ജിഎച്ച്എസ്എസ് വിജയരാഘവപുരം. കൽപ്പകം 2025, ചാലക്കുടി എംഎൽഎ സനീഷ് കുമാർ ജോസഫ് തെങ്ങിൻ തൈ നട്ടുകൊണ്ട് ഉദ്ഘാടനം നിർവഹിച്ചു. അതോടൊപ്പം ലഹരി വിരുദ്ധ സന്ദേശം അടങ്ങിയ എൻഎസ്എസ് നോട്ടുബുക്കിന്റെ ആദ്യ വില്പനയും എം എൽ എ നിർവഹിക്കുകയുണ്ടായി. പ്ലാസ്റ്റിക് ഉപയോഗം കുറയ്ക്കുന്നതിന്റെ ഭാഗമായി എൻഎസ്എസ് യൂണിറ്റ് തയ്യാറാക്കിയ തുണി തുണിസഞ്ചിയുടെ ആദ്യ വില്പന ചാലക്കുടി നഗരസഭാ അധ്യക്ഷൻ ഷിബു വാലപ്പൻ നിർവഹിച്ചു. സ്കൂൾ പ്രിൻസിപ്പൽ ശ്രീമതി ഷീല പി ജി, കൗൺസിലർ ശ്രീമതി ആലിസ് ഷിബു, ചാലക്കുടി എ ഇ ഒ ശ്രീമതി നിഷ പി ബി, പിടിഎ പ്രസിഡന്റ് ജോഫിൻ ജോസ്, എസ് എം സി ചെയർമാൻ വേലായുധൻ, കൃഷി ഓഫീസർ ശ്രീ. തോമസ് എന്നിവർ ചടങ്ങിൽ സന്നിഹിതരായി. തുടർന്ന് വ്യക്തി ശുചിത്വവും പരിസര ശുചിത്വവും എന്ന വിഷയത്തിൽ നഗരസഭ ഹെൽത്ത് ഇൻസ്പെക്ടർ പ്രജീഷ മേഡത്തിന്റെ നേതൃത്വത്തിൽ ഒരു ബോധവൽക്കരണ ക്ലാസും കുട്ടികൾക്കായി സംഘടിപ്പിച്ചു. ക്ലാസ്സിന് മുൻപായി, വളന്റിയർമാർ ശുചിത്വ പ്രതിജ്ഞ എടുക്കുകയും ചെയ്തു.
ലഹരി വിരുദ്ധ സന്ദേശമടങ്ങിയ നോട്ടുബുക്ക്, എൻഎസ്എസ് ഭവന നിർമ്മാണ സഹായമായ കാരുണ്യ സോപ്പ്, പ്ലാസ്റ്റിക് ഉപയോഗം കുറയ്ക്കുക എന്ന സന്ദേശത്തിന് ഭാഗമായി NSS യൂണിറ്റ് തയ്യാറാക്കിയ തുണി സഞ്ചികൾ അടങ്ങിയ ഒരു സ്റ്റാളും ദിനാചരണത്തിന്റെ ഭാഗമായി സംഘടിപ്പിച്ചു.
