PATHIAN THU

PATHIAN THU Contact information, map and directions, contact form, opening hours, services, ratings, photos, videos and announcements from PATHIAN THU, Digital creator, Chaltlang.

SAM 23:4

“A ni, thihna hlim kawr ruam zawh mah ila, Thil ṭha lo rêng rêng ka hlau lo vang; Nang ka hnênah i awm si a; I talhtum leh i tiangin mi thlamuan ṭhîn a ni.”
‭‭

13/10/2025

LALPA CHUAN....

Lalpa chuan a kotu zawng zawngte chu a hnaih ṭhin a,
Tih tak zeta amah kotu zawng zawngte chu,
Amah ṭihtute duh chu a hlawhtlintîr ang a;
An au thàwm a hria ang a, anni chu a chhandam ang.

Vâna Vân Lalram bâkah, leiah Pathian Lalram chu din a ni a,
Chumi atân chuan Lal Isua a rawn inpumpêk vek tawh a,
Lal Isua ringtute nunah chuan, 'Vâna miten' an tih ang tih ve duhna chu lo awmin;
Ringtute chu Krista sipai huaisen kan ni!

“Lalpa, mihring hi eng nge maw a nih a, i hriat reng ṭhin ni?" ka ti fo ṭhin! Aw Lal Isu, Nang chauh hi:

Misualte kan felna...
Damlote kan damna...
Bawrhsáwmte kan chakna...
Dáwihzepte kan huaisenna...
Retheite kan hausakna...
Bawlhhlawh berte pawh kan thianghlimna awmchhun i ni.
Pathian fa, Vân khua leh tui, Pathian roluah puitu, Vânram kái tûr kan nih theihna chu i ni si.

'Aw Isu, lo kal la, kan kawng hruaitu chu lo ni ang che!'

THILPÊK SAWI HLEIH THEIH LOH KHAWPA HLÛ LEH ROPUIPathianin kan chênna khawvêl hi a siam a, athlâwnin min pe a, chubâkah...
13/10/2025

THILPÊK SAWI HLEIH THEIH LOH KHAWPA HLÛ LEH ROPUI

Pathianin kan chênna khawvêl hi a siam a, athlâwnin min pe a, chubâkah, a Fapa mal neih chhun pawh athlâwnin min pe leh bawk a, chutiang zêlin Thlarau Thianghlim pawh athlâwn bawkin min pe leh bawk a, min pêkte hi an hlûin an ropui takzet a ni.

Pathian hnên ata athlâwna kan dawn thim leh êng te, lum leh vâwt te, tui leh boruak te leh thil tam takte an ni hlawm a, kan va vânnei tak êm. Keini pawh mahni inphatin thilpêk i uar deuh deuh ang u.

II Korinth 9:15 A thilpêk sawi hleih theih loh avângin Pathian hnênah lâwmthu awm rawh se.

13/10/2025

THU TÂWI TE...

"Ṭhian hi tam tak an awm a, ṭhian ṭha erawh chu tlêmte an ni" an tih hi a dikin 'Ṭhian ṭha' hlutna pawh hi ka hmu ve ṭhin a; a hlu tak zet zet. "Thlaraubo tâna rawngbâwl pawh hi tam tak an awm thei a, thlaraubote hmangaihna tak tak nêna rawngbâwl erawh an tam lo" an tih pawh hi chhût ngun a ngai hle. Pianthar tîr min tum aia lârna leh sumdâwnna atân maia min hmang hi an awm hlauh dah ang e, hnaih lo ila a him.

Paula'n thlarau thilpêk pawimawh tak a sawi lak lawh êm êm laia hmangaihna a rawn tlâk zeh tîr hi mak deuh mai a ni e. Mahsela, a pawimawh êm a, a hlu êm a ni. Hmangaihna nêna rawngbâwl hi kan peih loh chuan degree sâng, hmanrua leh member ngah viau pawh nise a thil neih a kim thei lo va. Mahsela degree nei sâng lo, rawngbâwlna b**grua pawh nei ṭha lo mahse, miin hmangaihna a neih tlat chuan a kim tlat si ṭhin. Hmangaihna hi nun tidanglam khawpa hna thawk chak a ni si a!

"Kei chuan ka hmangaih lo che u, Isuan a hmangaih avâng che u in ka ṭanpui che u" tih ai hian, "In hmangaih tawn rawh u, chumiah chuan miten ka zirtîrte in ni tih an hria ang" tih Bible thu nêna inrem zâwk a ni mah!

11/10/2025

KHB
292
Alfred Henry (A.H.) Ackley
(CHHANDAMTU NUNG RAWNG KA BAWL)

He Lives (A nung reng a ni) tih hla phuah chhuah dan
K*m 1932-ah California-a rawng a bawl laiin, Judai chhuankhawng pakhatin, "Judai mi thi tawh engvangin nge biak tur?" tia a zawh avangin "He Lives" tih hla hi a lo piang chhuak a. Ackley chuan, "I sawi sual a nih chu! Krista chu a nung reng a ni. Ka thinlungah a nung a, chu chu ka finfiah thei bawk," tiin a chhang.
Chumi hnu Easter zingah, radio-a thuhriltu pakhatin, "Krista tho leh nge tho lo tih a pawimawh lo. A thutak erawh a nung reng," a tih chu Ackley chuan a ngai thei hle a. A thinrimna chu, "a nung" tia a chhan dan leh radio-a thu hrilh chu a ngaihtuah let a. A nupui hnenah, "He Lives(a nung reng a ni) tih hla ka phuah chhuah ngei a ngai," tiin a sawi a. Chumi zan vekah chuan Marka b**g 16-na a chhiar a, piano bulah thuin he hla hi a phuah ta a ni.
A thih hun: A.H. Ackley hi k*m 1960, July ni 3-ah Los Angeles-ah a boral a ni.

MIKA-7:8 ...Thima ka thut pawhin LALPA chu ka tan eng a ni ang.
11/10/2025

MIKA-7:8

...Thima ka thut pawhin LALPA chu ka tan eng a ni ang.

11/10/2025

MI INANGLOTE INANNA.

Miin "Bible sawite hi chu a la hla lutuk, Isua hi a rawn kal mai hauh lo vang" tiin thiam takin Pathian thu an sawisa ṭhin a maw! Kan Bible hian a sawi dik zat zat a, Pathian thâwkkhuma pêk kan nih hi. Tûnlai khawvêl nun mil zêlin, 'tisa thila kan intlânsiakna' nasa tak avânga kan rinna nghîng nasa ta lutuk aṭanga kan harh theih a, 'Kristiante thurin vawnhimna' kan ngaih pawimawh thar a ngâi!

A nihna dik takah hi chuan, 'Kristiante Thurin' innghahna lungphûm chu Bible hi a ni. Chutah chuan kohhran pâwl hrang hrangte thurin zîngah tello, he khawvêla thil lo la thleng tûr nên lam min hrilh a, a thleng dik chho mêk zêl a, a lo la thleng zêl bawk ang.

Lady Diana thi khan khawvêl a dêng chhuak a, Luaii erawh vûitu kan tlêm! Rosie (Ros-i) zâi chuan khawvêla ṭhalaite a lâmtîr thei a, Bâwla zâi ve chuan lunglên a hnawt ṭiau vek! A inan loh theih hlê mai. Mahsela, Bible in a sawite leh, mihring hi thi thei, Lalpa rorêlna hmaah ding vek tûr kan nihna erawh chu, milian leh mite, mi mâwl leh mifing ber pawhin an pumpelh thei lo va, tlânchhiatna tûr a awm lo. Hmachhawn tûra inpeih a, hun ṭha kan neih hi inbuatsaih nân i hmang ang u.

Mihring zawng zawngte tân hian, Pathian hnên kan thlen theihna tûra kawng, thutak leh nunna awmchhun chu Lal Isua chauh hi a ni e.

LALPA LÂWMZÂWNGEphesi 5:9 Lalpa lâwmzâwng engnge ni tih fiahin, êng fate angin awm rawh u.Lalpa lâwmzâwnga awm dân leh n...
11/10/2025

LALPA LÂWMZÂWNG

Ephesi 5:9 Lalpa lâwmzâwng engnge ni tih fiahin, êng fate angin awm rawh u.

Lalpa lâwmzâwnga awm dân leh nun dân chu engnge ni le? Lalpa lâwmzâwnga awmte chuan Amah chu an ṭihin an zah a, inngaitlâwm leh thuhnuairawlhin an awm a, Lalpa chauh ringin an hmachhuan a, an awm dân chu Lalpaah an nghat tlat a, a thupêk zawng zawng an ngaipawimawh a, an nunpui ṭhîn a, Thlarau hruaiin an an awm ṭhîn.

10/10/2025

LALPA ROPUINA.

Lalpa ropuizia chu ka hre tawh a, Kan Lalpa chu pathian dang zawng aia chungnung daih a ni.
Lalpa chuan a duh apiang a ti ṭhin, Vânah te, Leiah te, Tuifinriatah te.

Lalpa chu a ropui êm êm si a, Lalpa chu sâng takah awm mah sela,
Mi tlâwmte chu a ngaihsak ṭhin a; Mi chapote erawh chu hla tak aṭang pawhin a hai si lo!

Pathian chu kan himna kulhpui leh kan chakna, Mangan laia ṭanpui vartu hnài reng a ni.
Sipaihote Lalpa chu kan hnênah a awm a, Jakoba Pathian chu kan himna kulhpui a ni.
Lalpa Chungnungbera chu a ṭihbaiawm si a;
Lei pum puia Lal ropui ber a ni asin!

"I rin chuan Pathian ropuina i hmu ang!”

10/10/2025

RINNA NUNGIN HNA A THAWH DÂN

Chhandamna chungchângah chuan ramhuaite rinna ang ni lo, Thlarau Thianghlim zâra rinna nunga Isua kan rinna chuan chawlhna leh hahdamna te, thlamuanna leh lâwmnate min neihtîr a, Pathian nên inremin min awmtîr ṭhîn.

Thil ṭha tih kawngah erawh chuan chutianga rinna nunga Isua kan rinna chuan rim takin Lalpa hna min thawhtîr lawi si, Kan chhûnga awm Thlarau Thianghlim avângin kan awm mai mai thei tawh lo va, kan bei hrâm hrâm zâwk ṭhîn a ni

I Timothea 4:10 Chutichuan, Pathian nung chu kan rin avângin kan thawk rim a, kan bei hrâm hrâm a ni si a; ani chu mi zawng zawng Chhandamtu a ni a, a ringtute Chhandamtu a ni deuh ber mai.

10/10/2025

KAN TÊ LO, KAN ROPUI

Thiam loh chang, hrem hmuna kal tûr setana aiin kan ropui zâwk. Kan Lalpa Isua Krista zâra ropui taka ngamtu leh hnehtu kan ni, kan tê lo.*

He khawvêl leh a chhûnga thil awm zawng zawngte hi Lalpan kan kuta min pêk, kan thuhnuaia awm, kan ta liau liau a ni a, kan tê thei lo hrim hrim.

Kan Lalpa Isua Krista zârah lalte Lal, hotute Hotu, lalberte Lalber, Pa leh Fapa leh Thlarau Thianghim khawsakna leh a chênna In kan ni a, kan tê lo, Ropui taka Amah anga min siamtu leh min dintu Lalpa chu fakin awm rawh se.

Sam 115:16 Vânte khi LALPA vânte an ni a; Leilung erawh hi chu mihring fate a pe a ni.

Address

Chaltlang

Website

Alerts

Be the first to know and let us send you an email when PATHIAN THU posts news and promotions. Your email address will not be used for any other purpose, and you can unsubscribe at any time.

Shortcuts

Share

Category