Pasaltha Media

Pasaltha Media Mipui sipaite chanchin te, Burma ram leh a bik takin Tahan leh Kalaymyo biala thil thleng tarlan

Mandalay aṭanga Irrawaddy luipuia SAC sipai lawng 14 inzui chho chu mipui sipaiten an lo bei a. Lawng 1 a pil a. Lawng 3...
20/07/2025

Mandalay aṭanga Irrawaddy luipuia SAC sipai lawng 14 inzui chho chu mipui sipaiten an lo bei a. Lawng 1 a pil a. Lawng 3 a kang chhia niin Mdy PDF hruaitu Osmon chuan a sawi. Hei hi July 17 nia thil thleng a ni. Thlawhnain lawng vengin a zui a. Mipui chenna khua a kap zel bawk a ni.

20/07/2025

Naungkio chu SAC'n a la a. Kyaukme pawh lak tumin a inpuahchah mek niin an sawi a ni.

TNLA'n Naungkio a chan chungchangah thlir dan chi hrang hrang a chhuak a. Kachin ṭhenkhat chuan SAC leh TNLA inberemin Kachin ram nawr an tum tiin an sawi a. Mahse, Chin state-a inchirhthehna ang lek a nih hmel a ni.

Naungkio leh khawpui dang 12 chu operation 1027 ah TNLA leh mipui sipai pawl tam takte ṭangrualin an la a. Mdy PDF te, DPLA te, BPLA leh PLA te pawh an tel a. Hming lar lo Angiamye PDF an tel nual bawk a. TNLA a lo hlawhtlin a, China a inrawlh aṭangin operation 1027 thawh hnihna pawh chu chawlhsan a ni a. TNLA chu a ram lak chinah a inluling ṭan a. KIA leh SSPP/SSA nen pawh an innghirngho nghe nghe a ni. Mipui sipaite pawh mahni khaw lamah an haw hlawm a. Mdy PDF phei chu Sangaing biala battalion thar an din tih lohvah chuan reh tak an ni. Tun thlenga TNLA la thawhpui zel chu Danu mipui sipai DPLA te an ni.

Naungkio an chan chungchanga khawpui chhunga cheng mipuite sawi dan chuan engkim chan phah khawpin TNLA kan thlawp a. An ti ṭha duh leh si lo. Thlawp tlak an ni lo an ti hial a ni.

Naungkio chu military lama hmun pawimawh taka awm a ni a. Hmat lamah Moegok, chhim lamah Taungkham pelh chuan Yatsauh a awm a. Chhak lamah Kyakme, Lashio tiin kawng a awm phei zel a. Shan hmar khawpui a kal theih vek a. Thlang lamah Maymyo a awm bawk a. SAC'n Shan hmar nawr zel a duh hmel a. Shan hmara ralthuam keng pawl an inrem a, an ṭan rual loh chuan k*min chhungin SAC'n a lak fai vek an ring hial a ni. Sawi tawh angin Shan hmara ralthuam keng pawl awm chu TNLA'n a ngaithei lo a. DPLA nen chauh chuan eng khawpui mah a hum theih an ring lo a ni.

Operation 1027 lai a a thawhpui PDF te lah chu rallak ralthuam a sem ve lo a. Rate sang takin a leitir niin an sawi. Chu mai bakah chawimawi phute pawh chawimawina a hlan lo niin an fuihna thu sawiah an sawi tel a. TNLA a insiam ṭhat an phut a ni.

Naungkio channa chu TNLA tan chauhva pawi ni lovin revolution pum a nghawng dawn niin an sawi a. U Than Soe Naing phei chuan 1949 k*m angin SAC'n ram pumah hnehna a chang leh thei a ni tih vawi tam tak a sawi a. တပ်ပေါင်းစု dina theih tawp chhuah vat turin revolution-a tel zawng zawng te a fuih mawlh mawlh mai a ni.

CNF/CNA leh SAC ten thuthlung an ziak tia online lama thuthang awm chu Salai Htet Ni chuan dawt thuthang a ni a ti. A he...
20/07/2025

CNF/CNA leh SAC ten thuthlung an ziak tia online lama thuthang awm chu Salai Htet Ni chuan dawt thuthang a ni a ti. A heading aṭang rengin a dik lo a ti a. SAC hman ṭhin dan chuan နိုင်ငံတော်စီမံ အုပ်ချုပ်ရေးကောင်စီ tih a ni a. Chu lehkhaah chuan နိုင်ငံတော်အုပ်ချုပ်ရေးကောင်စီ tih a ni a. Phuah chawp, dik bawk si lo a ni a ni.

SAC thlawhna thar Gyrocopter chu paramotor ai chuan a ri a zawiin a thlawk chak zawk a. July 18 ah Mdy regionah hman ṭan...
19/07/2025

SAC thlawhna thar Gyrocopter chu paramotor ai chuan a ri a zawiin a thlawk chak zawk a. July 18 ah Mdy regionah hman ṭan a ni. A tawrhhlelhawm viau mai thei a ni.

Senior Indian military delegate chuan ramri chungchangah Soe Win an kawm tih The Irrawadddy chuan a puang.
19/07/2025

Senior Indian military delegate chuan ramri chungchangah Soe Win an kawm tih The Irrawadddy chuan a puang.

Eng ram pawh mahni indo chu a ding khawchhuak ngai lo tih thu kan Lalpa Isua ngeiin a lo sawi a. Lal Isua chu polician ...
16/07/2025

Eng ram pawh mahni indo chu a ding khawchhuak ngai lo tih thu kan Lalpa Isua ngeiin a lo sawi a. Lal Isua chu polician a ni lo. Chu aia chungnung daih a ni.

Chhungkua pawh, kohhran leh khawtlang thlengin mahni indo chu a tawpa darhsarh vekna a ni. Khawvel map-a lo chuang tawh, tuna bo daih ram pawh an lo awm tawh ṭhin a. A ram leilung leh chuta cheng hnamte pawh la awm tho mah se, khawvel map-ah an ram hming thai bo a lo ni a.

Burma map pawh chutianga khawvel map aṭanga thai bo ni mai thei niin ram buaina kal zel dan tur thlirtu mi ṭhenkhat chuan an sawi ṭhin a. State leh region 14 awm pawh hi nakinah chuan a bo ṭhen ngei dawn a ni. Chu mi hunah Chin state tih tur la awm tak ang maw?

Upper Chindwin kan ram ti ṭhin te chu phai ram pawh thleng lo, a chhengchhe chin maha an buai si chuan, he Kalay-Kabaw leh Chindwin lui thlenga awp chu a hnai lo nasa mai a ni.

Eng tin nge ni ta ang le? Kan hmaah khian kawng hnih thlan tur a awm a. Mahni indo zela ral zelna kawng leh hnam khata insiam a, lungrual taka kal leh a chhengchhe chin chauh ni lo, phairam zawl nuam tak leh buh leh bal tamna mahni rama siam. Tuna thil thleng mek hi chuan hnam boralna min thlen mek a ni. Chuta a sul sutu chu ralthuam keng pawl te leh buaina tisosang zawnga tlangau ṭhin te an ni. Pastor pawh an au a. Mifing puipui pawh firfiak takin, thu huaiherh puipui an sawi a. K*m upa lam chauh ni lovin, ral pawh la kap thei, k*m 18 chin chung lamte pawh boralna poison-a hrai ruih mek an ni. Pathian hming chhalin huatna chi an tuh a. A rah chu rapthlak tak a ni.

Chutiang kara remna duha theih tawp chhuahte chu an fakawm em em a ni. A eng lama pawh an kal firfiak avangin an duh zawng sawi lo chu an ngaina lo ve ve tawh a. A sensitive em avangin, thudik sawi sawi chuan sih hlawk an tawk thei a ni. Mahse, buaina avangin dikna chu khuh bo rih a nih pawhin, hun lo la kal zelah thudik chu history ah a la rawn chuang dawn a ni. Dikna lalna ram din turin mipuite chuan dik lo apiang kan hnawl ngam a pawimawh a. Thudik chu a fan thei lo a. Ngaihdan mumal tak nei turin thudik hriat a pawimawh a. Ṭan ngam pawh a ṭul a ni.

Khawvel mapa thai bo ram ṭhenkhat hming photo-in tarlang ila.

15/07/2025

BBC puan danin Kyaukme chu SAC'n nasa lutukin a bomb a. Mipuite chu khawpui chhunga awm ngam lovin an tlan chhuak vek a. Khawpui chhungah TNLA pawh hmuh tur an awm tawh lo. Mipui raltlanna hmun lamah an tlan ve niin a sawi a ni.

Shan hmara SAC chet dan enin, EROs leh mipui sipaite an tlaw vang ni lo vin, SAC'n a level a san a. Mahni drone siam changkang tak tak an hmang a. SAC drone te chu ṭangrual lamin operation 1027 indo lai angin an dang hneh tawh lo a. SAC lah chuan ṭangrual lam drone a dang hneh si a. Tangrual pawl an che thei lo niin CDM captain Zin Yaw'n a sawi a ni.

15/07/2025

Naungkio 40% chu SAC'n an luah leh tawh niin an sawi.

Naungkio chu 2024 July 10 ah TNLA leh a thawhpuiten an la a. July 13 2025 ah SAC'n khawpui chhunga veng hnih an luah leh thei a ni.

Naungkio chanchin kan update tel hramna chhan chu spring revolution hnuk a nih vang a ni a. SAC'n Naungkio a lak let theih chuan Shan hmar kawngpui tluana revolutionary sipai tu tan pawh a him dawn lo a. Pyimah leh Shan hmar chu SAC'n a kar tawn leh thei bawk dawn a ni.

Zofate rilruah hetianga mahni hnam chenna ni lo chanchin update hi chhiar a peihawm lo tih chu a lang reng a. Mahse, kan hnam chenna ni lo, hnam dangte chennaa indonaah mipui lam an lo tlawm zel chuan kan hnam pawhin run kan tawk ve thuai dawn a ni. Khaikam aṭanga Chin hills pana SAC sipai 700 kalte chu thla khat chuangah an lo hnawt darh thei ang lek kha a ni lo. Naungkio an beih dan chu sipai 7000, drone changkang chi hlir leh jet fighter hmang beih a ni a. Jammer changkang tak tak an hmang bawk a. Moebye pawh chutianga an beih chuan Karenni sipaiten an dawl lo nasa a ni.

Chin state lama jet fighter a thlawh ve lohna chhan hriat a ni lo. Mahse, Chin an hlauh vang chu a ni lo phawt ang a. Chin leh Chin lo innuai chau phawt se an ti pawh a ni thei a ni.

SAC chuan sipai a la lui zel a. Mi 70000 zet chu a la tawh a. Chung zinga a then chu an tlan chhuak a. Indonaa thi pawh SAC sipai senior te aiin lut thar an thi tam a. Jet fighter pilot leh tank raldo khalhtu zinga Chunese leh Russian an hmu nual tawh bawk a. Mipui lam chan a chau leh thei a ni tih hi U Than Soe Naing leh CDM captain Naung Yu chuan an sawi ve ve a ni. Mipui sipai lam leh ERO ṭangrual deuh deuh turin an fuih nawn an fuih nawn tawh mai a ni.

15/07/2025

Naungkio chu SAC'n a la lek lek tawh a. TNLA control hnuaia awm Moegok pawh July thla ral hmaa SAC sipai lut tur nia thuthang a awm avangin lunghlu laihnaa China boss te chu an ram lama an tlan hawn thu page thenkhatah an post a ni.

Chuti taka SAC'n TNLA a nawr hnehna chhan nia an sawi chu China'n SAC lam inkah khap lovin TNLA erawh chu a vau niin an sawi a. Inkah an chawlh chhung chu remchanga lain SAC lam a inchhek muk a. Naungkio kah a ṭan hnuah pawh TNLA chu a la inthlahdah reng avangin an tlai phar niin khaw chhung mipuite chuan an sawi a ni. Chutia SAC'n beihpui thlak a tum thu U Than Soe Naing chuan a sawi lawk daih tawh a. TNLA pawh daithlanf lo turin a hrilh nghe nghe a. An lo thawh tak tak chuan awlsam taka dan theih an ni dawn lo, lo inpuahchah uluk hle rawh u...tiin a lo nawr nasa tawh a. A sawi angin thil a thleng ta a ni.

15/07/2025

Mipui kan tih chu tute nge ni?

SAC'n mipuia a ngaihte chu tute nge ni?

CC leh CB'n mipui an tih pawh chu tute nge ni?

Mipui hmangaia nun thapa ralthuam kenga insawiten inanna an nei em? SAC, CC, CB???

Khawvelin mipui tia a sawi, kawlin pyithu a tih zingah tel vein kan inhria em?

Chin state boruak sensitive lutukah hi chuan tarmit bun a zirin hmuh dan a dang zo ta. Hremhmun kawng pawh vanram kawng emaw an ti zo dawn emaw ni chu le!

14/07/2025

PDF pawl hrang hrang mi 11te chuan July 13 zanlaiah Watlet myone Hlaṭaw khua in pakhat an suam a. Chu ina cheng k*m 30 mi, chhungkaw pa ber chu chemin an vit hlum a. Chu chhungkua chu mi 6 an ni.

Chung suamhmangte chuan cheng nuai 600 vel an suam a. An insem hnuah man fai vek an ni tih Maylatt Athan chuan a puang a ni.

14/07/2025

CC leh CB inṭhen hma, mipui sipaite an dintirha an thil tawnte aṭang khan thil fuh lo a lo awm tawh a. Chu chu CC leh CB tia Chin rama inṭhenna lo pian chhan ṭobul pawh a ni kan ti thei ang.

A hmasa berin CNF chanchin tawi sawi ila. CNF chuan NCA a sign ve a ni. CNA paa ngaih theihin KIA nen an inṭhian ṭha bawk a. Spring revolution ṭantirh khan CNF chuan NCA a sign chu rinawm taka vawn a tum a ni ang. Mipui sipaite a lo hnar dan Mindat hruaitu Salai Yaw Mang chuan na ti tak chungin a sawi a. CNA hruaitu zinga Dr.Lianghmung Sakhong'n Min Aung Hlainga hming chhal meuha do an tum thu a puan hma zawng khan spring revolution ah CNF/CNA hming a la lang ngai lo a ni. Chutia CNF chu spring revolution-a a tel takah chuan NUG thawhpui a lo ni a. Dr.Lianhmung Sakhong pawh chu federal minister thawhtir a ni a.

Chin state-a hriamhrei keng hmasa ber chu. CNF/CNA a ni. A dintu tak pawh Falam lam unau an ni nghe nghe a. Mahse, an chhungah mi ṭha lo a lo awm avangin hnam zawnga buaina te, thuneihna inlaksak boruak te chu a lo thleng a. Chung thu chu Pu Mang Kham'n a lehkha buah a ziak thlap a. Chu boruak reh thei lo chuan tun ṭum boruakah hian hlet a chhuah pawh a nih hmel viau a ni. CNF/CNA chu Chin state ralthuam kengte pa ni tur ngawih ngawih a ni. A dinhmun anga ding pha Chin ramah an awm lo a ni.

Mindat spring revolution lamah peng ila. Mindat chu Kalay-Tahan ruala ralthuam nena SAC dova theih tawp chhuah a ni a. Chung laia Burma ram pumina kan thlir ber chu Mindat a ni. An ralthuam neihte chu ram vahna silai leh thal a ni mai a. SAC truck an lo dan ṭumah phei chuan tlangpanga lungtum lum thlak chu an ralthuam neih ropui ber a ni hial a. An ṭhalai rual tam zawk ral do hmam lovin an training mek a. SAC'n thlur thumin a luhchilh ta si a. Mipa tawh phawt chu raldo turin an chhuak a. Mindat an hum a ni. Chutiang dinhmun atangin Salai Yaw Mang-a te chuan CNF/CNA an bel ta a. Mahse, CNF/CNA chuan NCA bawhchhiat loh a la tum si a. A lo hnar a ni tih Salai Yaw Mang chuan a sawi ṭhin a ni. Mindat chauh ni lovin, Chin rama ralthuam keng pawl ni mai tur te chuan NF/CNA chu an bel ta ṭheuh a. Mindat angin CNF chuan a lo hnar vek a. Hui khawmtu nei lovin an vakvai chu a ni der mai a ni.

Salai Yaw Mang sawi dan chuan CNF/CNA hnena an hlawhchham hnuah KIA leh NUG an bel leh a. Mahse, CNF thu lo chuan an lo pawm duh lo a. An lo hnar fithla leh ta a ni. He mi chungchanga CNF te, KIA te, NUG te chhan letnaah chuan Burma ram pum huap rilru pu lova chibil, township bil rilru pua min dawr avangin intanpui a rem lo a lawm an ti ve thung a ni.

Heng chungchangah pawh hian fuh lo a awm a ni. KIA chuan Kachin rama PDF a hrana an din chu rem a ti lo a. Chuvang chuan a k*t hnuaia awma, a command turin ralthuam a pe a. Tla hrang lovin mipui sipaite chu a lo huikhawm a ni. Chu pawl chu KPDF tiin tun thleng hian KIA zingah raldovin an tla hrang ngai lo a. An thawk ho zel zawk a ni. CNF chungchangah chuan KIA angin mipui sipaite ralthuam pek tur a neig a rinawm lo a. KIA chuan NCA a sign ve lo va. Chu chu KIA leh CNF inan lohna a ni.

Chin state boruakah let leh ila. Chin state-a ralthuam keng pawl te chu CNF nen CJDC tiin pawl pakhatah an dingho zet a. A hmaa ser lo insiam tawh, Hakha leh Falam boruak te, NCA tih ang vel boruak nghawnf sawhkhawk avang pawh a ni tel anf. CJDC chu a kal chak thei lo a. A tawpah CNF a chhuak a. CJDC chu a lo ral leh ta a ni.

Chutiang bawkin Chin state MP, MLA leh ralthuam keng pawlte chuan ICNCC an din bawk a. Mahse, a dam chak chuang lo. CJDC atanga CNF a chhuah rualin ICNCC atangin a chhuak a. Chinland Council, C tia hriat lar chu a din a. Mahse, ICNCC chhuahsan duh lo ralthuam kenf pawl chuan tun thlengin ICNCC chu an la vuan tlat a. An sipai insuihkhawm chu Chin Brotherhood (CB) hming an vuah a ni.

Chutia Chin hnam pa ber maiin CJDC leh ICNCC a chhuahsanna chhan chu kan sawi zui tawh lo ang. Ngaihdan a phir tanna a ni a. Tan lam inang lova inhnial buaina tobul pawh a ni. Tu nge thiam zawk tih sawi tur chuan inhnial buai kan cho dawn a. Duh tawk phawt mai anf.

Address

Champhai

Website

Alerts

Be the first to know and let us send you an email when Pasaltha Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category