01/04/2020
Kan hma ah hian thil engkim a rawn thleng a, a rawn inlan thin. A then chu kan mawmawh em em an awm laiin thenkhat erawh mi tichhe tu mai anni si a.kan chunga thleng tur ah duhthlanna kan neilo a, kan tih tur ah erawh duhthlanna kan nei.
Mihhring han nih tak ah chuan mitin hnena Pathian in hmangaihna a dah chu .....pangpar a puitlin huna tuma hrilhhriat leh zirtir ngailo a a rawn par chhuak mai thin ang hian......chu hmangaihna chuan par a rawn chhuang ta vuu mai.
Mahse zirthiam har tak he khawvel hian kan pianpui nia a hriat chu theihnghilh zai reng reng a rel duhlo, theihnghilh turin theihtawp kan chhuah a, mahse thisen a fan tawh sia, tlansan lova hmachhawn a ngai zawk tih kan hre ta a.
Chu chuan he khawvel ina tlem chauh a hmelhriat, khawvel dang danglam tak, thinlunga fiah tak si ah chuan a hmuhin min hnuklut ta a. Mi thenkhat sawi loh mi pakhat chauh hnen ah pawha sawi chhuan ngam loh thuruk chu tute pawhin kannei vek reng ang chu.
Vawk pawh a vah a vah chuan a puarna khawp chu a tawng leh nge nge thin tih ang deuhin, awm mai mai lova he kawng han zawh reng tak ah chuan tawn a mual mual chu neih loh theih ani talo.
A tir ah chuan ka thinlung chuan he hmunah hian hmangaihna a awm i ring emni, miten an ten leh an thinhrik na hmun tawp leh ralti, tlanchhiat leh hmaihup reng ngaihna hmun ah hian hmangaihna hian par a chhuang theilo vang....tiin min zawta
Mahse mihring awm tawh phawtna ah chuan riltamna emaw puarna emaw a awm ngei ngei thin. Khawvel pangngai a tanga thuk tak leh hla taka dahin kan awma, mahse khawvel pangngai ah erawh kan cheng lawi si.
Min Hliahkhuh thei tur zawng reng chungin chaw zawn a ngai a, hmai hup veka puar khawp chawei a theih loh ang hian kan inhnawhpuar chhung chuan hmaikawr hlip ngei ngei a ngai thin, chutah chuan khawvel pahnih chu Chiang takin Kan hmu thei thin.
