07/09/2021
ਪੂਰਨ ਬਚਨਾ ਸਿਨਮਾ (ਪੀ.ਬੀ.ਸਿਨਮਾ) ਪ੍ਰੋਡਕਸ਼ਨ ਹਾਊਸ, ਚੰਡੀਗੜ੍ਹ ਦੀ ਪਲੇਠੀ ਲਘੂ ਪੰਜਾਬੀ ਫ਼ਿਲਮ ‘ਬਸੇਰਾ” ਬਹੁਤ ਜਲਦੀ ਰਿਲੀਜ਼ ਹੋਵੇਗੀ।ਫ਼ਿਲਮ ਨੂੰ ਸੋਸ਼ਲ ਮੀਡੀਆ ਪਲੇਟ ਫਾਰਮਜ਼ ਜਿਵੇਂ ਯੂ ਟਿਊਬ, ਫੇਸ ਬੁੱਕ ਤੇ ਇਨਸਟਾਗਰਾਮ ਉੱਪਰ ਰਿਲੀਜ ਕੀਤਾ ਜਾਵੇਗਾ। ਫਿਲਮ ਦੀ ਕਹਾਣੀ ਤੇ ਸਕਰੀਨ ਪਲੇਅ ਲਿਖਿਆ ਹੈ ਪੰਜਾਬੀ ਦੇ ਪ੍ਰਸਿੱਧ ਸਾਹਿਤਕਾਰ ਗੋਵਰਧਨ ਗੱਬੀ ਨੇ। ਨਿਰਦੇਸ਼ਨ ਦਿੱਤਾ ਹੈ ਉਭਰਦੇ ਨੌਜਵਾਨ ਨਿਰਦੇਸ਼ਕ ਵਿਸ਼ਾਲ ਦੱਤ ਨੇ। ਫਿਲਮ ਦਾ ਪਲੇਠਾ ਪੋਸਟਰ ਰਿਲੀਜ ਕਰਨ ਮੌਕੇ ਗੋਵਰਧਨ ਗੱਬੀ ਨੇ ਦੱਸਿਆ ਕਿ ਸਮਾਜਿਕ ਸਰੋਕਾਰਾਂ ਨਾਲ ਜੁੜੇ ਅਹਿਮ ਪਹਿਲੂ ਨਾਲ ਸਬੰਧਿਤ ਇਹ ਫਿਲਮ ਸਮਾਜ ਨੂੰ ਇੱਕ ਨਵੀਂ ਸੇਧ ਦੇਣ ਵਿੱਚ ਸਹਾਇਕ ਹੋਵੇਗੀ। ਲਗਪਗ ਪੰਦਰਾਂ ਮਿੰਟ ਦੀ ਲੰਬਾਈ ਵਾਲੀ ਫ਼ਿਲਮ ਵਿੱਚ ਕਮਲੇਸ਼ ਸ਼ਰਮਾ, ਗੋਵਰਧਨ ਗੱਬੀ, ਰਾਜ ਕੌਸ਼ਲ, ਡਾ. ਸਰਵਣ , ਮਨੀਸ਼ਾ ਤੇ ਗੈਰੀ ਨੇ ਅਦਾਕਰੀ ਕੀਤੀ ਹੈ।
