https://www.facebook.com/519094108178535/

Sony Thulewal, Chandigarh (2025)

18/07/2025

ਜਿਹੜੇ ਕੰਮ ਸਾਨੂੰ ਕਰਨੇ ਚਾਹੀਦੇ ਹਨ ਓਹ ਅਸੀਂ ਨਹੀਂ ਕਰਦੇ ਜੋ ਨ‌ਈ ਕਰਨੇ ਚਾਹੀਦੇ ਅਕਸਰ ਓਹੀ ਕਰਦੇ ਹਾਂ ਤੇ ਫਿਰ ਉਸਦਾ ਖਮਿਆਜ਼ਾ ਸਾਨੂੰ ਤੇ ਸਾਡੀਆਂ ਆਉਣ ਵਾਲੀਆਂ ਨਸਲਾਂ ਨੂੰ ਭੁਗਤਣਾ ਪੈਂਦਾ ਹੈ ਸੋ ਜਿੰਨਾ ਛੇਤੀ ਨਫ਼ਰਤਾਂ ਨੂੰ ਮੁਹੱਬਤਾਂ ਵਿੱਚ ਬਦਲਾਗੇ ਓਨੇ ਹੀ ਸੌਖੇ ਹੋ ਜਾਵਾਂਗੇ| ਅਸੀਂ ਇਸ ਗੀਤ ਦੇ ਬੋਲਾਂ ਤੇ ਵੀਡੀਓ ਜ਼ਰੀਏ ਇਹੀ ਸੁਨੇਹਾ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ ਉਮੀਦ ਹੈ ਤੁਸੀਂ ਇਸ ਗੀਤ ਨੂੰ ਆਪਣੇ ਤੇ ਅਪਲਾਈ ਕਰਨ ਦੀ ਕੋਸ਼ਿਸ ਕਰੋਂਗੇ

13/07/2025

ਨਿਸ਼ਾਨ ਭੁੱਲਰ ਗਾਉਂਦਾ ਤਾਂ ਹੈ ਹੀ ਕਮਾਲ ਓਹ ਲਿਖਦਾ ਵੀ ਕਮਾਲ ਆ ਹਾਜ਼ਰੀ ਲਾਉਣ ਲੱਗਿਆ ਬੇਸ਼ੱਕ ਲੇਟ ਹੋ ਜਾਂਦਾ ਪਰ ਜਦੋਂ ਵੀ ਓਹ ਕੋਈ ਗੀਤ ਜਾਂ ਐਲਬਮ ਲੈ ਕੇ ਆਉਂਦਾ ਓਹ ਸੁਣਨਯੋਗ ਤੇ ਸਾਂਭਣਯੋਗ ਹੁੰਦੀ ਐ ਅਜਿਹਾ ਬੜਾ ਕੁੱਝ ਆ ਜੋ ਓਹ ਆਪਣੇ ਅੰਦਰ ਸਮੋਈ ਬੈਠਾ ਇਸ ਐਲਬਮ ਜਰੀਏ ਓਹਨੇ ਬਹੁਤ ਕੁੱਝ ਕਹਿਣ ਦੀ ਕੋਸ਼ਿਸ਼ ਕੀਤੀ ਹੈ ਓਹਦੇ ਗੀਤਾਂ 'ਚ ਮੁਹੱਬਤ ਵੀ ਆ ਵਿਛੋੜਾ ਵੀ ਆ ਪੰਜਾਬ ਦੀ ਗੱਲ ਵੀ ਆ ਅਣਖ ਦੀ ਗੱਲ ਵੀ ਆ ਦਲੇਰੀ ਦੀ ਗੱਲ ਵੀ ਆ ਓਹਦੀ ਇਸ ਐਲਬਮ ਵਿੱਚ ਓਹ ਤੁਹਾਨੂੰ ਹਰ ਵਿਸੇ ਤੇ ਗੱਲਬਾਤ ਕਰਦਾ ਦਿਖੇਗਾ ਬਹੁਤ ਬਹੁਤ ਮੁਬਾਰਕ ਵੀਰੇ ਰੱਬ ਕਰੇ ਤੇਰਾ ਇਹ ਗੀਤਾਂ ਦਾ ਗੁਲਦਸਤਾ ਸੰਗੀਤ ਜਗਤ ਵਿੱਚ ਇੱਕ ਮੀਲ ਪੱਥਰ ਸਾਬਤ ਹੋਵੇ
"ਸੋਨੀ ਠੁੱਲ੍ਹੇਵਾਲ "

06/07/2025

"ਤੇਰੇ ਇਸ਼ਕ ਨੇ ਹਾਣਦਿਆ ਮੇਰੀ ਮੱਤ ਮਾਰੀ ਮੇਰੀ ਮੱਤ ਮਾਰੀ"
ਪਹਿਲਾ ਗੀਤ ਜੀਹਦੇ ਨਾਲ ਇੰਡਸਟਰੀ ਵਿੱਚ ਪੈਰ ਪਾਇਆ ਸੀ
ਤੇ ਤੁਸੀਂ ਇਸ ਗੀਤ ਨੂੰ ਬਹੁਤ ਪਸੰਦ ਕੀਤਾ ਸੀ
ਆਵਾਜ਼ ਪਿਆਰਾ ਵੀਰ :- Baljinder Babbal
ਸੰਗੀਤ:-
Video :- Sunny Mahal

03/07/2025

ਛੱਡਿਆ ਤੂੰ ਸੋਨੀ ਨੂੰ ਸ਼ਾਇਰ ਬਣਾਕੇ ਨੀ
ਮੁੱਕ ਗਈ ਓਹਦੀ ਖੋਜ ਤੇਰੇ ਤੇ ਆ ਕੇ ਨੀ
ਹੁਸਨ ਉਧਾਰਾ ਲੈਣ ਲਈ ਤੈਨੂੰ ਫਿਰਦੀਆਂ ਟੋਲ ਦੀਆਂ
ਓਹ ਲਫ਼ਜ਼ ਕਿਤਾਬਾਂ ਵਿੱਚ ਕਿੱਥੇ ਜੋ ਤੇਰੀਆਂ ਅੱਖਾਂ ਬੋਲਦੀਆਂ

28/06/2025

ਆ ਜਿਹੜੇ ਪਾਕਿਸਤਾਨੀ ਅਦਾਕਾਰਾਂ ਦਾ ਬਾਹਾਨਾ ਬਣਾਕੇ ਦਿਲਜੀਤ ਦੇ ਮਗਰ ਪਏ ਹੋਏ ਨੇ ਮੈਨੂੰ ਪੂਰਾ ਯਕੀਨ ਵੀ ਆ ਇੰਨ੍ਹਾਂ ਦੀ ਆਪਣੀ ਵਿਆਹ ਆਲੀ ਮੂਵੀ 'ਚ ਨੁਸਰਤ ਫਤਹਿ ਅਲੀ ਖਾਨ ਸਾਹਬ ਦਾ "ਦੁਲਹੇ ਕਾ ਸਿਹਰਾ ਸੁਹਾਨਾ ਲੱਗਤਾ ਹੈ ਦੁਲਹਨ ਕਾ ਭੀ ਦਿਲ ਦੀਵਾਨਾ ਲੱਗਤਾ" ਵਾਲਾ ਗੀਤ ਹੀ ਲੱਗਿਆ ਹੋਊ ਹੁਣ ਜੇ ਤੁਸੀਂ ਆਪਣੇ ਆਪ ਨੂੰ ਐਡੇ ਦੇਸ਼ ਭਗਤ ਮੰਨਦੇ ਹੋ ਫੇਰ ਆਪਣੀ ਵਿਆਹ ਵਾਲੀ ਮੂਵੀ ਵੀ ਦੁਬਾਰਾ ਐਡਿਟ ਕਰਵਾ ਕੇ ਸੋਸ਼ਲ ਮੀਡੀਆ ਤੇ ਸਪੱਸ਼ਟੀਕਰਣ ਦਿਓ ਜੱਧੇ ਦੇਸ਼ ਭਗਤੀ ਸਾਰੇ ਖਬਰਾਂ ਲ‌ਈ ਮਸਾਲਾ ਤਿਆਰ ਕਰਨ ਲੱਗੇ ਨੇ |
"ਸੋਨੀ ਠੁੱਲ੍ਹੇਵਾਲ "

26/06/2025

ਜਿਸ ਹਿਸਾਬ ਨਾਲ ਦਿਲਜੀਤ ਨੂੰ ਬੈਨ ਕਰਨ ਦਾ ਤੇ "ਬਾਰਡਰ 2" ਫ਼ਿਲਮ ਚੋਂ ਬਾਹਰ ਕਰਨ ਦਾ ਰੌਲਾ ਪੈ ਰਿਹੈ ਓਸ ਹਿਸਾਬ ਨਾਲ ਤਾਂ ਹਿੰਦੀ ਦੀਆਂ ਘੱਟੋ ਘੱਟ ਤੀਹ ਚਾਲੀ ਫਿਲਮਾਂ ਬੈਨ ਹੋਣੀਆਂ ਚਾਹੀਦੀਆਂ ਨੇ ਕਿਉਂਕਿ ਨੁਸਰਤ ਫਤਿਹ ਅਲੀ ਖਾਨ ਸਾਹਬ ਦਾ ਗੀਤ ਸੰਗੀਤ ਐਨੀਆਂ ਕੁ ਪੁਰਾਣੀਆਂ ਹਿੰਦੀ ਫ਼ਿਲਮਾਂ ਵਿੱਚ ਤਾਂ ਲਾਜ਼ਮੀ ਹੋਣਾ ਕ‌ਈ ਫਿਲਮਾਂ ਤਾਂ ਉੱਨ੍ਹਾਂ ਦੇ ਸੰਗੀਤ ਕਰਕੇ ਹੀ ਹਿੱਟ ਹੋ‌ਈਆ ਸੀ ਬਹੁਤ ਵੱਡੇ ਗਾਣੇ ਦਿੱਤੇ ਨੇ ਖਾਨ ਸਾਹਬ ਨੇ ਫ਼ਿਲਮ ਇੰਡਸਟਰੀ ਨੂੰ ਓਹ ਸਭ ਵੀ ਬੈਨ ਕਰੋ ਫੇਰ | ਕੱਲਾ ਦਿਲਜੀਤ ਹੀ ਕਿਉਂ ਦਿਖਦੈ ਜਾਂ ਜੇ ਕੋਈ ਹੋਰ ਗੱਲ ਹੈ ਓਹ ਸਿੱਧੀ ਤੇ ਸਪੱਸ਼ਟ ਕਰੋ ਐਵੇ ਬਹਾਨੇ ਜੇ ਬਣਾਕੇ ਲੱਤਾਂ ਨਾਂ ਖਿੱਚੋਂ ਘੱਟੋ ਘੱਟ ਆਪਣੇ ਤਾਂ ਨਾ| ਚਲੋ ਮੰਨ ਲੈਨੇ ਆ ਫ਼ਿਲਮ ਬੈਨ ਵੀ ਕਰਵਾ ਦਿਓਂਗੇ ਉਹਨੂੰ ਬਾਕੀ ਫ਼ਿਲਮਾਂ ਚੋਂ ਵੀ ਵੀ ਬਾਹਰ ਕਰਵਾ ਦਿਓਂਗੇ ਪਰ ਓਹ ਪਤੰਦਰ ਜਿਹੜੀ ਕਿਸਮਤ ਲਿਖਾ ਕੇ ਲਿਆਇਆ ਤੇ ਜਿੰਨੀਂ ਮਿਹਨਤ ਕਰ ਰਿਹੈ ਓਹਦਾ ਕੀ ਕਰੋਂਗੇ
"ਸੋਨੀ ਠੁੱਲ੍ਹੇਵਾਲ "

20/06/2025

ਕਿਸਮਤ
ਵਕਤ ਆਪਣੀ ਬੁੱਕਲ 'ਚ ਤੁਹਾਡੇ ਲਈ ਕੀ ਲ‌ਈ ਬੈਠਾ ਤੇ ਰੱਬ ਨੇ ਤੁਹਾਡੇ ਕੀ ਸੋਚਿਆ ਹੁੰਦੈ ਇਹ ਕਿਸੇ ਨੂੰ ਕੁੱਝ ਨਹੀਂ ਪਤਾ ਹੁੰਦਾ ਸ਼ਾਇਦ ਏਸੇ ਲਈ ਸਿਆਣੇ ਕਹਿੰਦੇ ਹੁੰਦੇ ਨੇ 'ਰੱਬ ਜੋ ਕਰਦਾ ਚੰਗਾ ਹੀ ਕਰਦਾ' ਇੱਕ ਸਕਿੰਟ ਵਿੱਚ ਤੁਹਾਡੀ ਜ਼ਿੰਦਗੀ ਕਿਵੇਂ ਬਦਲ ਜਾਂਦੀ ਹੈ ਏਸੇ ਸੰਬੰਧ 'ਚ ਮੈਂ ਤੁਹਾਡੇ ਨਾਲ ਅੱਜ ਆਪਣੀ ਹੱਡਬੀਤੀ ਸਾਂਝੀ ਕਰਨ ਲੱਗਿਆ| ਗੱਲ ਹੈ ਸੰਨ 1999 ਦੀ ਮੇਰੇ ਦੱਸਵੀਂ ਜਮਾਤ ਦੇ ਪੇਪਰ ਖਤਮ ਹੋਣ ਤੋਂ ਬਾਅਦ ਬੀਬੀ ਕਹਿਣ ਲੱਗੀ ਪੁੱਤ ਮੇਰੇ ਤੋਂ ਅੱਗੇ ਨ‌ਈ ਪੜਾਇਆ ਜਾਣਾ ਸੋ ਇਸ ਕਰਕੇ ਟਾਇਮ ਨਾ ਖਰਾਬ ਕਰ ਕੋਈ ਕੰਮ ਸਿੱਖ ਲੈ ਮੈਂ ਕਿਹਾ ਠੀਕ ਆ ਮਾਂ ਪਰ ਕੰਮ ਸਿੱਖਾਂ ਕਿਹੜਾ ਬੀਬੀ ਕਹਿੰਦੀ ਇਹ ਤਾਂ ਪੁੱਤ ਤੂੰ ਆਪ ਦੇਖਲੈ ਜਾਂ ਆਪਾਂ ਮਾਸਟਰ ਜੀ ਕੋਲ ਚੱਲਦੇ ਆ ਮਾਸਟਰ ਜੀ ਮਾਸਟਰ ਸੁਰਜੀਤ ਸਿੰਘ ਜਿੰਨ੍ਹਾਂ ਕੋਲੋਂ ਮੈਂ ਅੱਠਵੀਂ ਤੱਕ ਪੜਿਆ ਸੀ ਮਾਸਟਰ ਜੀ ਦਾ ਪਿੰਡ ਸ਼ੇਰਪੁਰ ਸੀ ਸਾਡੇ ਪਿੰਡ ਤੋਂ 6-7 ਕਿਲੋਮੀਟਰ ਦੂਰ ਤੇ ਪੜਾਉਂਦੇ ਓਹ ਸਾਡੇ ਪਿੰਡ ਸਰਕਾਰੀ ਮਿਡਲ ਸਕੂਲ ਵਿੱਚ ਸੀ ਬਹੁਤ ਹੀ ਨੇਕ ਰੂਹ ਤੇ ਕਮਾਲ ਦੇ ਇਨਸਾਨ ਸੀ ਮਾਸਟਰ ਜੀ ਹਰ ਇੱਕ ਵਿਦਿਆਰਥੀ ਨਾਲ ਉੱਨ੍ਹਾਂ ਦੀ ਦਿਲੋਂ ਸਾਂਝ ਸੀ ਹਰ ਬੱਚੇ ਨੂੰ ਓਹਦੀ ਯੋਗਤਾ ਮੁਤਾਬਿਕ ਬਹੁਤ ਸੋਹਣਾ ਗਾਈਡ ਕਰਦੇ ਸੀ ਓਸੇ ਹੀ ਦਿਨ ਮੈਂ ਤੇ ਬੀਬੀ ਸਕੂਲ ਵਿੱਚ ਮਾਸਟਰ ਜੀ ਕੋਲ ਸਲਾਹ ਲੈਣ ਚਲੇ ਗਏ ਸਾਰੀ ਗੱਲ ਸੁਣਕੇ ਸਾਨੂੰ ਚਾਹ ਪਾਣੀ ਪਿਆ ਕੇ ਮਾਸਟਰ ਜੀ ਬੀਬੀ ਨੂੰ ਕਹਿਣ ਲੱਗੇ ਮਿੰਦਰ ਜਿਸ ਤਰੀਕੇ ਦੇ ਤੁਹਾਡੇ ਹਾਲਾਤ ਮੈਨੂੰ ਲੱਗਦਾ ਆਪਾਂ ਇਹਨੂੰ ਬੈਟਰੀਆਂ ਰਿਪੇਅਰ ਕਰਨ ਦਾ ਕੰਮ ਸਿੱਖਣ ਲਾ ਦਿੰਨੇ ਆ ਇੱਕ ਤਾਂ ਸਿੱਖ ਛੇਤੀ ਜਾਉ ਤੇ ਜੇ ਇਹਨੇ ਕੱਲ੍ਹ ਨੂੰ ਆਪਣਾ ਕੰਮ ਵੀ ਕਰਨਾ ਹੋਇਆ ਵੀਹ ਪੱਚੀ ਹਜ਼ਾਰ ਇਹਦੀ ਆਪਦੀ ਦੁਕਾਨ ਹੋਜੂ ਸਾਰੀ ਉਮਰ ਮੌਜ ਕਰੂ ਨਾਲੇ ਆਪਾਂ ਨੂੰ ਯਾਦ ਰੱਖੂ | ਬੀਬੀ ਨੂੰ ਵੀ ਮਾਸਟਰ ਜੀ ਦੀ ਸਲਾਹ ਚੰਗੀ ਲੱਗੀ ਤੇ ਮੈਨੂੰ ਹੀ ਬੀਬੀ ਕਹਿੰਦੀ ਠੀਕ ਐ ਮਾਸਟਰ ਜਿਵੇਂ ਤੁਹਾਨੂੰ ਠੀਕ ਲੱਗੇ ਮਾਸਟਰ ਜੀ ਕਹਿੰਦੇ ਠੀਕ ਆ ਫੇਰ ਸਵੇਰੇ ਨੌਂ ਕੁ ਵਜੇ ਮੇਰੇ ਕੋਲ ਸ਼ੇਰਪੁਰ ਆ ਜਾਈਂ ਮੈਂ ਤੈਨੂੰ ਪੰਡੀ ਕੋਲ ਛੱਡ ਆਉ ਪੰਡੀ ਓਸ ਟਾਇਮ ਦਾ ਬਹੁਤ ਮਸ਼ਹੂਰ ਮਿਸਤਰੀ ਸੀ ਆਲੇ ਦੁਆਲੇ ਦੇ ਪਿੰਡਾਂ ਵਿੱਚ ਓਹਦਾ ਨਾਂ ਬੋਲਦਾ ਸੀ ਅਗਲੇ ਦਿਨ ਮੈਂ ਚੱਕਿਆ ਸਾਇਕਲ ਸਿੱਧਾ ਮਾਸਟਰ ਦੇ ਘਰ ਪਹੁੰਚ ਗਿਆ ਤੇ ਮਾਸਟਰ ਜੀ ਮੈਨੂੰ ਨਾਲ ਲੈ ਕੇ ਪੰਡੀ ਦੇ ਦੁਕਾਨ ਤੇ ਚਲੇ ਗਏ ਕੁਦਰਤੀ ਓਸ ਦਿਨ ਪੰਡੀ ਦੀ ਦੁਕਾਨ ਬੰਦ ਸੀ ਮੋਬਾਈਲ ਉਦੋਂ ਆਮ ਹੁੰਦੇ ਨਹੀਂ ਸੀ ਤੇ ਲੈਂਡ ਲਾਈਨ ਵੀ ਬਹੁਤ ਘੱਟ ਮਾਸਟਰ ਜੀ ਨਾਲ ਦੇ ਦੁਕਾਨਦਾਰ ਨੂੰ ਪੁੱਛਿਆ ਓਹ ਕਹਿੰਦਾ ਪੰਡੀ ਤਾਂ ਵਿਆਹ ਗਿਆ ਹੋਇਆ ਕੱਲ੍ਹ ਨੂੰ ਆਊ ਦੁਕਾਨ ਤੇ ਮਾਸਟਰ ਜੀ ਮੈਨੂੰ ਕਹਿੰਦੇ ਜੇ ਰੋਟੀ ਪਾਣੀ ਛੱਕਣਾ ਤਾਂ ਘਰ ਚੱਲ ਨਹੀਂ ਹੁਣ ਤੂੰ ਜਾਹ ਪਿੰਡ ਨੂੰ ਮੈਂ ਅੱਜ ਰਾਤ ਨੂੰ ਪੰਡੀ ਦੇ ਘਰੇ ਜਾ ਆਊ ਉਹਨੂੰ ਤੇਰੇ ਬਾਰੇ ਕਹਿ ਆਉ ਹੁਣ ਤੂੰ ਕੱਲ੍ਹ ਤੋਂ ਸਿੱਧਾ ਪੰਡੀ ਕੋਲ ਕੰਮ ਤੇ ਆਉਣਾ ਹੀ ਸ਼ੁਰੂ ਕਰ ਦ‌ਈ ਮੈਂ ਹਾਂ ਵਿੱਚ ਸਿਰ ਹਿਲਾ ਕੇ ਮਾਸਟਰ ਜੀ ਨੂੰ ਫਤਿਹ ਬੁਲਾ ਕੇ ਵਾਪਸ ਤੁਰ ਪਿਆ | ਸਾਡੀ ਉਦੋਂ ਜਿਹੜੀ ਦੱਸਵੀਂ ਜਮਾਤ ਦੀ ਜਿਹੜੀ ਗਰੁੱਪ ਫੋਟੋ ਹੋਈ ਸੀ ਓਹ ਫੋਟੋਗਰਾਫਰ " ਕਮਲ ਸਟੂਡੀਓ" ਓਹਦੀ ਦੁਕਾਨ ਵੀ ਸ਼ੇਰਪੁਰ ਹੀ ਸੀ ਮੈਂ ਸੋਚਿਆ ਯਾਰ ਆਏ ਤਾਂ ਹੋਏ ਆ ਫੋਟੋ ਹੀ ਦੇਖ ਚੱਲਦੇ ਮੈਂ ਸਾਇਕਲ ਓਹਦੀ ਦੁਕਾਨ ਵੱਲ ਨੂੰ ਮੋੜ ਲਿਆ ਕੁਦਰਤੀ
ਕਮਲ ਆਪ ਦੁਕਾਨ ਤੇ ਹੀ ਬੈਠਾ ਸੀ ਓਹ ਕਹਿੰਦਾ ਐਧਰ ਕਿਵੇਂ ਫਿਰਦੈ ਜਦੋਂ ਮੈਂ ਸਾਰੀ ਰਾਮ ਕਹਾਣੀ ਓਹਨੂੰ ਸੁਣਾਈ ਓਹ ਕਹਿੰਦਾ ਨਾ ਓਹ ਭਰਾਵਾਂ ਬੈਟਰੀਆਂ ਦਾ ਕੰਮ ਨਾ ਸਿੱਖੀ ਤੇਜ਼ਾਬ ਪੈ ਜਾਂਦਾ ਬਾਹਾਂ ਤੇ ਆਹ ਦੇਖ ( ਓਹ ਆਪਣੀ ਬਾਂਹ ਮੈਨੂੰ ਦਿਖਾਕੇ ਕਹਿੰਦਾ ) ਮੈਂ ਵੀ ਪਹਿਲਾਂ ਇਹੀ ਕੰਮ ਸਿੱਖਣ ਲੱਗਿਆ ਸੀ ਮੇਰੀ ਸਾਰੀ ਬਾਂਹ ਮੱਚ ਗਈ ਸੀ ਮੈਂ ਵੀ ਓਹਦੀ ਬਾਂਹ ਦੇਖਕੇ ਡਰ ਗਿਆ ਆਪਣੇ ਹਾਲਾਤਾਂ ਬਾਰੇ ਦੱਸ ਮੈਂ ਉਹਨੂੰ ਪੁੱਛਿਆ ਵੀ ਫੇਰ ਮੈਂ ਕੰਮ ਕਿਹੜਾ ਸਿੱਖਾਂ ਓਹ ਕਹਿੰਦਾ ਫੋਟੋਗ੍ਰਾਫੀ ਸਿੱਖ ਲੈ ਸ਼ਾਹੀ ਕੰਮ ਆ ਟੋਹਰ ਆਲਾ ਮੌਜ ਕਰੇਗਾ ਨਾਲੇ ਮੈਨੂੰ ਯਾਦ ਰੱਖੇਂਗਾ ਓਹਦੀ ਗੱਲ ਮੇਰੇ ਦਿਲ ਨੂੰ ਜੱਚ ਗ‌ਈ ਮੈਂ ਘਰੇ ਆ ਕੇ ਬੀਬੀ ਨੂੰ ਦੱਸਿਆ ਓਹ ਕਹਿੰਦੀ ਤੇਰੀ ਜ਼ਿੰਦਗੀ ਆ ਪੁੱਤ ਤੂੰ ਆਪੇ ਦੇਖਲੈ ਕੋਈ ਨਾ ਫੋਟੋਗ੍ਰਾਫੀ ਸਿੱਖ ਲੈ ਪਰ ਮਾਸਟਰ ਜੀ ਨੂੰ ਜਰੂਰ ਦੱਸ ਆ‌ਈ | ਮਾਸਟਰ ਕੋਲ ਤਾਂ ਮੈਂ ਬੀਬੀ ਨੂੰ ਹੀ ਭੇਜਿਆ ਪਰ ਆਪ ਅਗਲੇ ਦਿਨ ਸਾਇਕਲ ਤੇ ਡੰਡੇ ਨਾਲ ਸਟੀਲ ਆਲਾ ਟਿਫਨ ਬੰਨ੍ਹਕੇ ਬੜੇ ਚਾਅ ਤੇ ਨਵੀਂ ਉਮੀਦ ਨਾਲ ਕਮਲ ਸਟੂਡੀਓ ਦੀ ਦੁਕਾਨ ਤੇ ਪਹੁੰਚ ਗਿਆ ਸੀ ਉੱਥੇ ਕੰਮ ਦੇ ਨਾਲ ਨਾਲ ਕਮਲ ਬਾਈ ਨੇ ਮੈਨੂੰ ਜਿੰਦਾਦਿਲੀ ਨਾਲ ਜ਼ਿੰਦਗੀ ਜਿਉਣੀ ਵੀ ਸਿਖਾਈ ਜਿਸਦੀ ਬਦੌਲਤ ਅੱਜ ਇੱਥੇ ਤੱਕ ਪਹੁੰਚਿਆ ਹਾਂ ਨਹੀਂ ਤਾਂ ਜੇ ਕਿਤੇ ਓਸ ਦਿਨ ਪੰਡੀ ਦੀ ਦੁਕਾਨ ਨਾ ਬੰਦ ਹੁੰਦੀ ਤਾਂ ਮੇਰੀ ਵੀ ਸ਼ੇਰਪੁਰ "ਸੋਨੀ ਬੈਟਰੀ ਰਿਪੇਅਰ ਵਰਕਸ਼ਾਪ" ਹੋਣੀ ਸੀ |
"ਸੋਨੀ ਠੁੱਲ੍ਹੇਵਾਲ "

15/06/2025

"ਅੱਜ ਫਾਦਰ ਡੇਅ ਤੇ "
ਇੱਕ ਵਾਰ ਮੈਨੂੰ ਇੱਕ ਬੰਦਾ ਕਹਿੰਦਾ ਤੂੰ "ਸਕੌਡਲ" ਦਾ ਮੁੰਡੈ ਮੈਂ ਕਿਹਾ ਨਹੀਂ ਮੈਂ ਤਾਂ ਗੁਰਦੇਵ ਸਿੰਓ "ਦੇਵ ਮਹਿਰੇ" ਦਾ ਮੁੰਡਾ ਅੱਗੋਂ ਉਹ ਬੰਦਾ ਹੱਸਣ ਲੱਗ ਗਿਆ ਕਹਿੰਦਾ ਓਸੇ ਦਾ ਨਾਂ "ਸਕੌਡਲ" ਸੀ | ਤੂੰ ਤਾਂ ਉਦੋਂ ਬਹੁਤ ਛੋਟਾ ਸੀ ਤੇਰੇ ਤਾਂ ਕੁੱਝ ਯਾਦ ਨਹੀਂ ਹੋਣਾ
ਮੈਂ ਦੱਸਦਾ ਅੱਜ ਤੈਨੂੰ ਤੇਰੇ ਪਿਓ ਬਾਰੇ ਜੇ ਕਿੱਤੇ ਅੱਜ ਓਹ ਜਿਉਂਦਾ ਹੁੰਦਾ ਤਾਂ ਤੁਸੀਂ ਸੋਨੇ ਦੀਆਂ ਕੰਧਾਂ ਉਸਾਰ ਲੈਂਦੇ ਐਡਾ ਚੋਟੀ ਦਾ ਕਾਰੀਗਰ ਸੀ ਤੇਰਾ ਪਿਉ ਤਕੜਾ ਵੀ ਐਨਾ ਪੰਜ ਬੰਦਿਆਂ ਦੇ ਬਰਾਬਰ ਸੀ ਕੱਲਾ ਹੀ | ਓਹਦੇ ਲਾਏ ਬੋਰ ਸ਼ਾਇਦ ਅਜੇ ਵੀ ਕਿਤੇ ਨਾ ਕਿਤੇ ਚੱਲਦੇ ਹੋਣਗੇ ਖੁਆਜੇ ਦੇਵਤੇ ਨਾਲ ਓਹਦੀ ਸਿੱਧੀ ਗੱਲ ਸੀ ਆਮ ਲੋਕ ਖੁਆਜੇ ਦੇਵਤੇ ਨੂੰ ਮਿੱਠੇ ਚੌਲਾਂ ਦਾ ਪ੍ਰਸ਼ਾਦ ਕਰਦੇ ਨੇ ਪਰ ਤੇਰਾ ਪਿਉ ਖੁਆਜੇ ਦੇਵਤੇ ਨੂੰ ਵੀ ਦਾਰੂ ਦਾ ਭੋਗ ਹੀ ਲਵਾ ਦਿੰਦਾ ਸੀ ਤੇ ਆਪ ਵੀ ਸਵੇਰੇ ਸਵੇਰੇ ਹੀ ਘੁੱਟ ਲਾ ਲੈਂਦਾ ਸੀ ਤੇ ਖੂਹ ਵਿੱਚ ਰੋੜਾ ਸਿੱਟ ਕੇ ਉਹਦੀ ਆਵਾਜ਼ ਸੁਣਕੇ ਨੁਕਸ ਦੱਸ ਦਿੰਦਾ ਸੀ ਤੇ ਨੁਕਸ ਹੁੰਦਾ ਵੀ ਐਨ ਓਸੇ ਥਾਂ ਤੇ ਹੀ ਸੀ ਤੇ ਬੋਰ ਕਰਨ ਵੇਲੇ ਪਾਂਡੂ ਨਾਲ ਭਰੀ ਬੋਕੀ ਜਿਹੜੀ ਚਾਰ ਪੰਜ ਬੰਦਿਆਂ ਤੋਂ ਮਸਾਂ ਹੀ ਫੜ ਹੁੰਦੀ ਸੀ ਓਹ ਪਤੰਦਰ ਕੱਲਾ ਹੀ ਫੜ ਲੈਂਦਾ ਸੀ ਤੇ ਘਰਦੇ ਬਣੇ ਹੋਏ ਪਿਉਰ ਦੇਸੀ ਘਿਓ ਦਾ ਗਲਾਸ ਡੀਕ ਲਾ ਕੇ ਇੱਕੋ ਵਾਰ 'ਚ ਪੀ ਜਾਂਦਾ ਸੀ | ਇਮਾਨਦਾਰ ਐਨਾ ਵੀ ਬਾਣੀਏਂ ਤੋਂ ਕਮਿਸ਼ਨ ਕਦੇ ਲੁਕ ਕੇ ਨਹੀਂ ਫੜਦਾ ਸੀ ਜਿਹੜੇ ਜ਼ਿਮੀਂਦਾਰ ਦਾ ਸਮਾਨ ਹੁੰਦਾ ਸੀ ਓਸੇ ਨੂੰ ਕਹਿ ਦਿੰਦਾ ਸੀ ਵੀ ਬਾਣੀਏਂ ਤੋਂ ਪੈਸੇ ਫੜਕੇ ਬੋਤਲ ਲੈ ਲਿਓ ਖੇਤ ਚੱਲਕੇ ਪੀਵਾਂਗੇ ਦੂਰ ਦੂਰ ਦੇ ਪਿੰਡਾ 'ਚ ਓਹਦਾ ਨਾਂ ਬੋਲਦਾ ਸੀ ਤੇ ਲੋਕ ਓਹਦੇ ਤੋਂ ਬੋਰ ਕਰਾਉਣ ਲਈ ਕ‌ਈ ਕ‌ਈ ਮਹੀਨੇ ਇੰਤਜ਼ਾਰ ਕਰਦੇ ਸੀ | ਕਹਿੰਦੇ ਇੱਕ ਵਾਰੀ ਕਿਸੇ ਬਾਣੀਏਂ ਨੇ ਕਿਸੇ ਮਿਸਤਰੀ ਨਾਲ ਅੱਧ ਤੇ ਕੰਮ ਕਰ ਲਿਆ ਵੀ ਸਮਾਨ ਮੇਰਾ ਮਿਹਨਤ ਤੇਰੀ ਕਮਾਈ ਅੱਧੋ ਅੱਧ ਸਮਾਨ ਪਾਉਣ ਤੋਂ ਬਾਅਦ ਉੱਨ੍ਹਾਂ ਦਾ ਅਜੇ ਪਹਿਲਾਂ ਹੀ ਬੋਰ ਸੀ ਕਿ ਸੌ ਕੁ ਫੁੱਟ ਤੇ ਜਾ ਕੇ ਸਮਾਨ ਪਾਂਡੂ ਨੇ ਫੜ ਲਿਆ ਨਾ ਅੱਗੇ ਤੁਰੇ ਨਾ ਉਪਰ ਖਿੱਚ ਹੋਵੇ ਕੰਮ ਅੜ ਗਿਆ ਪੂਰਾ ਬਾਣੀਏਂ ਤੇ ਓਸ ਮਿਸਤਰੀ ਨੇ ਆਪਣੀ ਪੂਰੀ ਵਾਹ ਲਾ ਦਿੱਤੀ ਪਰ ਸਮਾਨ ਨਾ ਤੁਰਿਆ ਓਸ ਟਾਇਮ ਦੇ ਜਿੰਨੇ ਵੀ ਵੱਡੇ ਤੋਂ ਵੱਡੇ ਇੰਜਨੀਅਰ ਸੀ ਓਹ ਬੁਲਾਏ ਗਏ ਪਰ ਗੱਲ ਨਾ ਬਣੀ ਸਭ ਨੇ ਹੱਥ ਖੜ੍ਹੇ ਕਰ ਦਿੱਤੇ ਕਹਿੰਦੇ ਬਾਣੀਆਂ ਭੁੱਲ ਜਾ ਸਮਾਨ ਇਹ ਨਹੀਂ ਨਿੱਕਲਦਾ ਹੁਣ ਜਦੋਂ ਕਿਤੇ ਸਾਲ ਦੋ ਸਾਲ ਨੂੰ ਧਰਤੀ ਨੇ ਮਾੜੀ ਮੋਟੀ ਵੇਹਲ ਦਿੱਤੀ ਇਹ ਤਾਂ ਉਦੋਂ ਹੀ ਨਿੱਕਲੂ ਹੁਣ ਤਾਂ ਮੁਸ਼ਕਿਲ ਆ ਬਾਣੀਏਂ ਨੇ ਵੀ ਆਸ ਛੱਡ ਦਿੱਤੀ ਫੇਰ ਕਿਸੇ ਨੇ ਬਾਣੀਏਂ ਨੂੰ ਤੇਰੇ ਪਿਓ ਦੀ ਦੱਸ ਪਾਈ ਵੀ ਇੱਕ ਦੇਵ ਮਿਸਤਰੀ ਆ ਓਹਦੇ ਨਾਲ ਗੱਲ ਕਰਕੇ ਦੇਖ ਸ਼ਾਇਦ ਗੱਲ ਬਣ ਜਾਵੇ ਅੱਗੋਂ ਬਾਣੀਆਂ ਕਹਿੰਦਾ ਐਡੈ ਐਡੈ ਇੰਜਨੀਅਰ ਮੁੜ ਗਏ ਹੱਥ ਖੜ੍ਹੇ ਕਰਕੇ ਦੇਵ ਉੱਥੇ ਹੀ ਕਰਲੂ ਅੱਗੋਂ ਬੰਦਾ ਕਹਿੰਦਾ ਟਰਾਈ ਕਰਨ
ਕੀ ਹਰਜ਼ ਹੈ ਚਲੋ ਜੀ ਅਨ ਮੰਨੇ ਮਨ ਬਾਣੀਆਂ ਨੇ ਤੇਰੇ ਬਾਪੂ ਨੂੰ ਆ ਕੇ ਸਾਰੀ ਗੱਲ ਦੱਸੀ ਤੇਰਾ ਬਾਪੂ ਵੀ ਕੁਦਰਤੀ ਮੂਡ 'ਚ ਸੀ ਕਹਿੰਦਾ ਚਲੋ ਚੱਲ ਕੇ ਦੇਖਦੇ ਆ ਜਦੋਂ ਉੱਥੇ ਪਹੁੰਚ ਕੇ ਓਹਨੇ ਸਾਰਾ ਮਹੌਲ ਦੇਖਿਆ ਬੋਰ ਦੇ ਆਲੇ ਦੁਆਲੇ ਗੇੜਾ ਦੇ ਕੇ ਬਾਣੀਏਂ ਨੂੰ ਕਹਿੰਦਾ ਮੈਨੂੰ ਘਣ ( ਭਾਰੀ ਹਥੌੜਾ) ਲਿਆ ਕੇ ਦੇ ਬਾਣੀਏਂ ਨੇ ਘਣ ਲਿਆ ਕੇ ਦੇ ਦਿੱਤਾ ਤੇਰੇ ਪਿਓ ਨੇ ਪਾਇਪ ਉੱਪਰ ਘਣ ਮਾਰ ਮਾਰ ਓਹਨੂੰ ਦੋ ਤਿੰਨ ਫੁੱਟ ਥੱਲੇ ਧੱਕ ਦਿੱਤਾ ਕਹਿੰਦਾ ਲ‌ਓ ਖਿੱਚ ਲ‌ਓ ਸੇਠ ਸਾਹਬ ਆਪਦਾ ਸਮਾਨ ਘੰਟੇ 'ਚ ਸਾਰਾ ਸਮਾਨ ਬਾਹਰ ਬਾਣੀਆ ਬੜਾ ਹੈਰਾਨ ਵੀ ਜਿਹੜਾ ਕੰਮ ਇੰਜਨੀਅਰਾਂ ਤੋਂ ਨਹੀਂ ਹੋਇਆ ਓਹ ਇੱਕ ਦੇਸੀ ਜਿਹੇ ਮਿਸਤਰੀ ਨੇ ਕਰਤਾ ਬਾਣੀਆਂ ਤੇਰੇ ਪਿਓ ਦੇ ਅੱਗੇ ਪਿੱਛੇ ਕਹਿੰਦਾ ਕੰਮ ਸਾਂਝਾ ਕਰਦੇ ਆ ਤੇਰਾ ਪਿਉ ਕਹਿੰਦਾ ਸੇਠ ਸਾਹਬ ਕੰਮ ਪਹਿਲਾਂ ਹੀ ਨਹੀਂ ਮੁੱਕਦਾ ਨਵਾਂ ਕਰਕੇ ਕੀ ਕਰਨਾ ਤੁਸੀਂ ਮੋਟਾ ਸੰਤਰਾ ਫੜੋ ਤੇ ਮੈਨੂੰ ਪਿੰਡ ਛੱਡ ਕੇ ਆਓ | ਤੇਰੇ ਪਿਓ ਕੋਲੇ ਦੋ ਬਹੁਤ ਕੀਮਤੀ ਚੀਜ਼ਾਂ ਸੀ ਇੱਕ ਸੈਲਾਂ ਵਾਲੀ ਟੇਪ ਤੇ ਇੱਕ ਕਹਾੜੀ| ਟੇਪ ਵਿੱਚ ਹਰ ਵੇਲੇ ਇੱਕੋ ਹੀ ਗੀਤ ਵੱਜਦਾ ਹੁੰਦਾ ਸੀ "ਦਾਰੂ ਤਾਂ ਨਾਲ ਜੱਟ ਦੇ ਸਿਵਿਆ ਤੱਕ ਜਾਉਗੀ " ਤੇ ਕਹਾੜੀ ਓਹਦੀ ਐਨੀ ਜਿਆਦਾ ਬਹੁਮੁੱਲੀ ਸੀ ਕਿ ਪਿੰਡ ਦੇ ਕਿਸੇ ਵੀ ਬੰਦੇ ਨੂੰ ਆਪਦੀ ਕਹਾੜੀ ਦੇ ਕੇ ਠੇਕੇ ਭੇਜ ਦਿੰਦਾ ਸੀ ਤੇ ਠੇਕੇਦਾਰ ਕਹਾੜੀ ਦੇਖਕੇ ਬਿਨਾਂ ਪੈਸੇ ਲ‌ਏ ਬੋਲਤ ਦੇ ਦਿੰਦੇ ਸੀ ਵੀ ਦੇਵ ਦੀ ਕਹਾੜੀ ਆ | ਬੋਰਾਂ ਦੇ ਨੁਕਸ ਠੀਕ ਕਰਦੇ ਕਰਦੇ ਨੇ ਆਪਣੇ ਆਪ ਇੱਕ ਨੁਕਸ ਲਾ ਲਿਆ ਜਿਹੜਾ ਉਹਨੂੰ ਤੁਹਾਡੇ ਤੋਂ ਦੂਰ ਲੈ ਗਿਆ ਨਹੀਂ ਤਾਂ ਅੱਜ ਤੁਹਾਡੀ ਗੱਲਬਾਤ ਹੀ ਹੋਰ ਹੋਣੀ ਸੀ | ਜਦੋਂ ਬਾਪੂ ਤੁਰ ਗਿਆ ਸੀ ਮੈਂ ਉਦੋਂ ਤਿੰਨ ਸਾਲ ਦਾ ਸੀ ਤੇ ਬਾਪੂ ਦੀ ਸ਼ਕਲ ਸੂਰਤ ਮੇਰੇ ਚਿੱਤ ਚੇਤੇ ਵੀ ਨਹੀਂ ਤੇ ਬਦਕਿਸਮਤੀ ਨਾਲ ਬਾਪੂ ਦੀ ਕੋਈ ਤਸਵੀਰ ਵੀ ਹੈਨੀ ਬੀਬੀ ਦੱਸਦੀ ਹੁੰਦੀ ਆ ਵੀ ਉਹਨੂੰ ਫੋਟੋ ਖਿਚਵਾਉਣ ਦਾ ਸ਼ੌਕ ਨਹੀਂ ਸੀ| ਤੇਰੇ ਪਿਓ ਦਾ ਚੇਹਰਾ ਮੋਹਰਾ ਤੇਰੇ ਨਾਲ ਮਿਲਦਾ ਸੀ ਮੇਰੀ ਬਾਪੂ ਨਾਲ ਕੋਈ ਅਜਿਹੀ ਯਾਦ ਤਾਂ ਹੈਨੀ ਜੋ ਮੇਰੇ ਨਾਲ ਬੀਤੀ ਹੋਈ ਹੋਵੇ ਤੇ ਮੇਰੇ ਯਾਦ ਹੋਵੇ ਪਰ ਓਸ ਬੰਦੇ ਦੀਆਂ ਗੱਲਾਂ ਨੇ ਮੇਰੀ ਮੇਰੇ ਪਿਓ ਨਾਲ ਨਾ ਭੁੱਲਣਯੋਗ ਸਾਂਝ ਪਵਾ ਦਿੱਤੀ ਬਾਕੀ ਯਾਦਾਂ ਕਦੇ ਫੇਰ ਸਹੀ.......... "ਸੋਨੀ ਠੁੱਲ੍ਹੇਵਾਲ "

15/06/2025

ਯਾਦਾਂ ਦੇ ਝਰੋਖੇ ਵਿੱਚੋਂ
ਸਾਲ 2008 ਵਿੱਚ ਮੇਰਾ ਲਿਖਿਆ ਪਹਿਲਾ ਗੀਤ ਰਿਕਾਰਡ ਹੋਇਆ ਸੀ | ਮੇਰੀ ਖੁਸ਼ਕਿਸਮਤੀ ਇਹ ਸੀ ਕਿ ਪਹਿਲੀ ਹੀ ਟੇਪ ਵਿੱਚ ਮੇਰੇ ਟਾਈਟਲ ਸਮੇਤ ਤਿੰਨ ਗੀਤ ਰਿਕਾਰਡ ਹੋਏ ਜਿਨ੍ਹਾਂ ਨੂੰ ਆਵਾਜ਼ ਮੇਰੇ ਕਰੀਬੀ ਮਿੱਤਰ ਬਲਜਿੰਦਰ ਬੱਬਲ ਦੀ ਸੀ ਤੇ ਸੰਗੀਤ ਓਸ ਵੇਲੇ ਦੇ ਬਹੁਤ ਵੱਡੇ ਹਿੱਟ ਸੰਗੀਤਕਾਰ "ਸੁੱਖਪਾਲ ਸੁੱਖ" ਤੇ ਜੱਸੀ ਬ੍ਰਦਰਜ਼ ਦਾ ਸੀ ਤੇ ਇਸਨੂੰ ਜਲੰਧਰ ਦੀ "ਟਾਇਗਰ ਟੱਚ" ਕੰਪਨੀ ਨੇ ਰੀਲੀਜ਼ ਕੀਤਾ ਸੀ ਸਬੱਬ ਇਹ ਵੀ ਸੀ ਕਿ ਇਹ ਮੇਰੀ ਤੇ ਬੱਬਲ ਦੀ ਪਹਿਲੀ ਟੇਪ ਸੀ ਜੀਹਦਾ ਸਾਨੂੰ ਬਹੁਤ ਚਾਅ ਸੀ ਉਦੋਂ ਕੈਸਿਟ ਤੇ ਸੀ ਡੀ ਦਾ ਦੌਰ ਸੀ ਜੀਹਦੀ ਟੇਪ ਨੂੰ ਡੀਲਰ ਰੀਪੀਟ ਤੇ ਮੰਗਵਾਉਣ ਲੱਗ ਪੈਂਦੇ ਸੀ ਓਹ ਹਿੱਟ ਹੁੰਦੀ ਸੀ ਤੇ
ਰੱਬ ਦੀ ਮੇਹਰ ਨਾਲ ਸਾਡੀ ਪਹਿਲੀ ਟੇਪ ਹੀ ਹਿੱਟ ਹੋ ਗਈ ਸੀ ਟਾਈਟਲ ਗੀਤ "ਤੇਰੇ ਇਸਕ ਨੇ" ਤੇ ਸੁਖਪਾਲ ਔਜਲੇ ਬਾਈ ਦੇ ਲਿਖੇ ਗੀਤ"ਯਾਦ" ਦਾ ਵੀਡੀਓ ਸਨੀ ਮਾਹਲ ਨੇ ਕੀਤੇ ਸੀ ਇੱਕ ਗੀਤ ਦਾ ਵੀਡੀਓ ਪ੍ਰਮੋਦ ਰਾਣੇ ਵੀਰ ਨੇ ਬਣਾਇਆ ਸੀ ਸੁੱਖਪਾਲ ਸੁੱਖ ਬਾਈ ਦੀ ਉਦੋਂ ਸੰਗੀਤਕ ਖੇਤਰ ਵਿੱਚ ਤੂਤੀ ਬੋਲਦੀ ਸੀ ਹਰ ਵੱਡੇ ਛੋਟੇ ਕਲਾਕਾਰ ਦੀ ਇੱਛਾ ਹੁੰਦੀ ਸੀ ਕਿ ਮੇਰੀ ਟੇਪ ਦਾ ਸੰਗੀਤ ਸੁੱਖਪਾਲ ਸੁੱਖ ਦਾ ਹੋਵੇ| ਬਾਈ ਨੇ ਬਹੁਤ ਵੱਡੇ ਹਿੱਟ ਗੀਤ ਦਿੱਤੇ ਨੇ ਇੰਡਸਟਰੀ ਨੂੰ ਤੇ ਮੇਰੀ ਸ਼ੁਰੂਆਤ ਉੱਨ੍ਹਾਂ ਨਾਲ ਹੀ ਹੋਈ ਸੀ ਉਦੋਂ ਦਾ ਸ਼ੁਰੂ ਹੋਇਆ ਸਫਰ ਰੱਬ ਦੀ ਮੇਹਰ ਨਾਲ ਅੱਜ ਤੱਕ ਨਿਰੰਤਰ ਜਾਰੀ ਹੈ
"ਸੋਨੀ ਠੁੱਲ੍ਹੇਵਾਲ "

06/06/2025

CGC Jhanjeri, Mohali ਵੱਲੋਂ ਬੀਤੇ ਕੱਲ੍ਹ ਸ਼ਹੀਦੀ ਸਮਾਰਕ ਫਤਿਹ ਬੁਰਜ ਚੱਪੜ ਚਿੜੀ ਵਿਖੇ ਮਨਾਏ ਗਏ ਵਾਤਾਵਰਨ ਦਿਵਸ ਵਿੱਚ ਮੈਂ ਤੇ ਵੱਡੇ ਭਰਾ ਬਨਿੰਦਰ ਬਨੀ ਨੇ ਮਹਿਮਾਨ ਦੇ ਵਜੋਂ ਸਿਰਕਤ ਕੀਤੀ ਕੁੱਝ ਬੂਟੇ ਲਾਏ ਤੇ ਉੱਨਾਂ ਦੀ ਸਾਂਭ ਸੰਭਾਲ ਲਈ ਵੀ ਗੱਲ ਕੀਤੀ ਧੰਨਵਾਦ ਇੰਨੇਂ ਸੋਹਣੇ ਕਾਰਜ ਦਾ ਹਿੱਸਾ ਬਣਾਉਣ ਲਈ
Baninderjit Singh

02/06/2025

ਜੂਨ ਚੁਰਾਸੀ

27/05/2025

ਬਾਕਮਾਲ ਅਦਾਕਾਰਾ ਗੁਰਵਿੰਦਰ ਗੌਰੀ ਜੀ ਆਪਣੀ ਕਿਤਾਬ "ਹੁਣ ਤੂੰ ਮੈਨੂੰ ਮਿਲੀਂ ਨਾ! " ਬੜੇ ਅਦਬ ਸਤਿਕਾਰ ਸਹਿਤ ਭੇਂਟ

Sony Thulewal

18/07/2025

13/07/2025

06/07/2025

03/07/2025

28/06/2025

26/06/2025

20/06/2025

15/06/2025

15/06/2025

06/06/2025

02/06/2025

27/05/2025

Address

Telephone

Website

Alerts

Contact The Business

Shortcuts

Share

Category