20/08/2015
മദ്യനയം ഫലപ്രദമല്ലെങ്കില് വീണ്ടും ലൈസന്സ് നല്കും
പ്രതീക്ഷ കൈ വിടണ്ട
ന്യൂഡല്ഹി : മദ്യനയം ഫലപ്രദമായില്ലെങ്കില് സംസ്ഥാനത്ത് വീണ്ടും ബാര് ലൈസന്സുകള് അനുവദിക്കുമെന്ന് സര്ക്കാര് സുപ്രീം കോടതിയെ അറിയിച്ചു. സംസ്ഥാനത്ത് മദ്യഉപഭോഗം കൂടുന്നതായി ശ്രദ്ധയില്പെട്ടാല് ഫൈവ് സ്റ്റാര് ബാറുകളും പൂട്ടും. ടൂറിസം വികസനമല്ല, ജനങ്ങളുടെ ആരോഗ്യമാണ് പ്രധാനം. മദ്യനിരോധനത്തിലൂടെ ടൂറിസം രംഗത്തുണ്ടാകുന്ന നഷ്ടം സര്ക്കാര് സഹിക്കും. മദ്യനിരോധനമാണ് സര്ക്കാരിന്റെ ലക്ഷ്യമെങ്കില് ഫൈവ് സ്റ്റാര് ബാറുകള്ക്ക് ലൈസന്സ് നല്കിയതെന്തിനെന്ന സുപ്രീം കോടതിയുടെ ചോദ്യത്തിന് നല്കിയ വിശദീകരണത്തിലാണ് സര്ക്കാര് ഇക്കാര്യം വ്യക്തമാക്കിയത്.
പഠനത്തിന്റെ അടിസ്ഥാനത്തിലാണോ നയമെന്ന് സര്ക്കാര് വിശദീകരിക്കണമെന്ന് കോടതി ആവശ്യപ്പെട്ടിരുന്നു. പരാജയപ്പെട്ട നയം വീണ്ടും വീണ്ടും നടപ്പിലാക്കുന്നത് എന്തിനാണ്. നയത്തിന്റെ കാരണം വിശദീകരിക്കാനുള്ള ബാധ്യത സര്ക്കാരിനുണ്ടെന്നും സുപ്രീം കോടതി ചോദിച്ചിരുന്നു.
കുടിക്കുന്ന മദ്യത്തിന്റെ വീര്യമല്ല, അളവാണ് പ്രശ്നമെന്നും ബാര് ലൈസന്സ് അനുവദിക്കണമെന്ന് ഉത്തരവിറക്കാനാവില്ലെന്നും സുപ്രീം കോടതി ഹര്ജി പരിഗണിക്കവെ പറഞ്ഞു.
സംസ്ഥാന സര്ക്കാരിന്റെ മദ്യനയത്തിന്റെ പ്രഖ്യാപിത ലക്ഷ്യം സമ്പൂര്ണ മദ്യനിരോധനമാണെന്നും സര്ക്കാരിനുവേണ്ടി ഹാജരായ മുതിര്ന്ന അഭിഭാഷകന് കപില് സിബല് സുപ്രീം കോടതിയില് വാദിച്ചു.
Malayalam News, Latest News,മദ്യനയം ഫലപ്രദമല്ലെങ്കില് വീണ്ടും ലൈസന്സ് നല്കും ലേറ്റസ്റ്റ് ന്യൂസ്,Kerala latest news,Mathrubhumi
