News Corner

News Corner പ്രാദേശിക വാർത്തകൾ ഏറ്റവും വേഗത്തിൽ

09/09/2026

കാലടി പഞ്ചായത്ത് വെറുർ വാർഡ് എൻഡിഎ സ്ഥാനാർഥി
ടി പി ചിത്രൻ നാമനിർദേശ പത്രിക നൽകി

09/09/2026

കാലടി പഞ്ചായത്ത് പന്ത്രണ്ടാം വെറൂർ വാർഡിൽ യുഡിഎഫ് സ്ഥാനാർഥി വി പി ദൃശ്യ നാമനിർദേശ പത്രിക നൽകി

പെരുമ്പറമ്പ് മഹാദേവ ക്ഷേത്രത്തിൽ ശ്രീരുദ്ര ധാര, ശംഖാഭിഷേകം,എടപ്പാൾപെരുമ്പറമ്പ് മഹാദേവ ക്ഷേത്രത്തിൽ കാലത്ത് ശ്രീരുദ്ര ധാ...
09/09/2026

പെരുമ്പറമ്പ് മഹാദേവ ക്ഷേത്രത്തിൽ ശ്രീരുദ്ര ധാര, ശംഖാഭിഷേകം,

എടപ്പാൾ

പെരുമ്പറമ്പ് മഹാദേവ ക്ഷേത്രത്തിൽ കാലത്ത് ശ്രീരുദ്ര ധാര, ശംഖാഭിഷേകം, മഹാഗണപതി ഹോമം, ഉഷഃപൂജ, ഉച്ചപ്പൂജ എന്നിവയും വൈകീട്ട് ദീപാരാധന, പ്രദോഷപൂജ, പ്രദോഷ ശീവേലി, അത്താഴപൂജ എന്നിവയും ക്ഷേത്രം മേൽശാന്തി പി. എം. മനോജ്‌ എംബ്രാന്തിരി,പി.എം.ശ്രീരാജ് എമ്പ്രാന്തിരി എന്നിവരുടെ കാർമ്മികത്വത്തിൽ നടന്നു. ശുകപുരം രഞ്ജിത്തിൻ്റെ നേതൃത്വത്തിൽ വാദ്യമേളവും ഉണ്ടായി.

നീറ്റ് പരീക്ഷയിൽ ഉന്നത വിജയം നേടിയ വിശാഖിന് ആദരംഎടപ്പാൾനീറ്റ് പരീക്ഷയിൽ ഉന്നത വിജയം നേടി കോട്ടയം ഗവ. മെഡിക്കൽ കോളേജിൽ എം...
09/09/2026

നീറ്റ് പരീക്ഷയിൽ ഉന്നത വിജയം നേടിയ വിശാഖിന് ആദരം

എടപ്പാൾ

നീറ്റ് പരീക്ഷയിൽ ഉന്നത വിജയം നേടി കോട്ടയം ഗവ. മെഡിക്കൽ കോളേജിൽ എംബിബിഎസ് പ്രവേശനം നേടിയ വിശാഖിനെ പെരുമ്പറമ്പ് ശ്രീമഹാദേവ ക്ഷേത്രം ആദരിച്ചു .ക്ഷേത്രം മേൽശാന്തി പി. എം. മനോജ്‌ എംബ്രാന്തിരി ഭദ്രദീപം കൊളുത്തി ചടങ്ങ് ഉത്ഘാടനം ചെയ്തു.ചടങ്ങിൽ എക്സിക്യൂട്ടീവ് ഓഫീസർ ദിലീപ്, ഹരിഹരൻ, പരമേശ്വരൻ, ഇളയിടം കൃഷ്ണൻ നമ്പൂതിരി, ടി. പി. കുമാരൻ,ക്ഷേത്രം മാതൃ സമിതി അംഗങ്ങളും നാട്ടുകാരും ചടങ്ങിൽ പങ്കെടുത്തു.

കളഞ്ഞു കിട്ടിയ പണം ഉടമക്ക് തിരിച്ചുനൽകി വിദ്യാർഥികൾ മാതൃകയായിഎടപ്പാൾറോഡിൽ നിന്നും കളഞ്ഞു കിട്ടിയ പണം അടങ്ങിയ പേഴ്സ് ഉടമയ...
09/09/2026

കളഞ്ഞു കിട്ടിയ പണം ഉടമക്ക് തിരിച്ചുനൽകി വിദ്യാർഥികൾ മാതൃകയായി

എടപ്പാൾ

റോഡിൽ നിന്നും കളഞ്ഞു കിട്ടിയ പണം അടങ്ങിയ പേഴ്സ് ഉടമയ്ക്ക് തിരിച്ചു നൽകി വിദ്യാർഥികൾ മാതൃകയായി. കോക്കൂർ എഎച്ച്എം ഗവ. ഗവ. ഹയർ സെക്കൻഡറി സ്കൂളിലെ ആറാം ക്ലാസ് വിദ്യാർഥികളായ കെ എ മുഹമ്മദ് ഫർഹാൻ, എ മുഹമ്മദ് ഹാദി എന്നിവർക്കാണ് സ്കൂളിലേക്ക് പോകുന്ന വഴിയിൽ അയ്യായിരം രൂപയും എടിഎം കാർഡ്, ഡ്രൈവിംഗ് ലൈസൻസ് എന്നിവ അടങ്ങിയ പേഴ്‌സ് ലഭിച്ചത്. കുട്ടികൾ അത് തൊട്ടടുത്ത കടയിൽ ഏൽപ്പിക്കുകയും പിന്നീട് സ്കൂളിൽ വെച്ച് കൊഴിക്കര സ്വദേശിയായ ഉടമസ്ഥന് കൈമാറുകയും ചെയ്തു. കുട്ടികളുടെ സത്യസന്ധമായ പ്രവർത്തിയെ സ്കൂൾ അസംബ്ലിയിൽ അഭിനന്ദിച്ചു. പ്രധാനധ്യാപകൻ എം അനിൽകുമാർ കുട്ടികൾക്ക് ഉപഹാരം നൽകി.

ഏഷ്യൻ ഗെയിംസിൽ മെഡൽ നേടുന്ന മലയാളി കായികതാരങ്ങൾക്കുള്ള പാരിതോഷികം പ്രഖ്യാപിച്ചുതിരുവനന്തപുരം ഏഷ്യൻ ഗെയിംസിൽ മെഡൽ നേടുന്ന...
09/09/2026

ഏഷ്യൻ ഗെയിംസിൽ മെഡൽ നേടുന്ന മലയാളി കായികതാരങ്ങൾക്കുള്ള പാരിതോഷികം പ്രഖ്യാപിച്ചു

തിരുവനന്തപുരം

ഏഷ്യൻ ഗെയിംസിൽ മെഡൽ നേടുന്ന മലയാളി കായികതാരങ്ങൾക്കുള്ള സംസ്ഥാന സർക്കാരിന്റെ പാരിതോഷികം പ്രഖ്യാപിച്ചു. ഏഷ്യൻ ഗെയിംസിൽ സ്വർണ്ണം നേടുന്ന മലയാളി കായികതാരങ്ങൾക്ക് 50 ലക്ഷം രൂപയാണ് പാരിതോഷികം. വെള്ളി നേടുന്നവർക്ക് 30 ലക്ഷം രൂപയും വെങ്കലം നേടുന്നവർക്ക് 20 ലക്ഷം രൂപയും നൽകും. കായികമന്ത്രി ഒ.ജെ. ജനീഷാണ് ഇക്കാര്യം അറിയിച്ചത്.

ഗെയിംസിൽ പങ്കെടുക്കുന്ന എല്ലാവർക്കും ഒരു ലക്ഷം രൂപ മുൻകൂറായി നൽകുമെന്നും മന്ത്രി പറഞ്ഞു. സ്വർണ്ണം നേടുന്ന താരങ്ങളുടെ പരിശീലകർക്ക് അഞ്ച് ലക്ഷം രൂപ നൽകും. വെള്ളി നേടുന്നവരുടെ പരിശീലകർക്ക് 3 ലക്ഷം രൂപയും വെങ്കലം നേടുന്നവരുടെ പരിശീലകർക്ക് 2 ലക്ഷം രൂപ വീതവും നൽകും.

ജപ്പാനിലെ അയ്ച്ചി-നഗോയയിൽ സെപ്റ്റംബർ 19 മുതൽ ഒക്‌ടോബർ നാലുവരെയാണ് ഇരുപതാമത് ഏഷ്യൻ ഗെയിംസ്. മൂന്നാം തവണയാണ് ജപ്പാൻ ഏഷ്യൻ ഗെയിംസിനു വേദിയാവുന്നത്.

കഞ്ചാവ് കടത്താന്‍ ശ്രമിച്ച കാര്‍ തടയാന്‍ ശ്രമിക്കുന്നതിനിടെ പൊലിസുകാരെ കാറിടിപ്പിച്ച് കൊലപ്പെടുത്താന്‍ ശ്രമം; മൂന്ന് പേര...
09/09/2026

കഞ്ചാവ് കടത്താന്‍ ശ്രമിച്ച കാര്‍ തടയാന്‍ ശ്രമിക്കുന്നതിനിടെ പൊലിസുകാരെ കാറിടിപ്പിച്ച് കൊലപ്പെടുത്താന്‍ ശ്രമം; മൂന്ന് പേര്‍ അറസ്റ്റില്‍

കോട്ടയം

പാലായില്‍ വാഹന പരിശോധനയ്ക്ക് എത്തിയ പൊലിസുകാരെ കാര്‍ ഇടിപ്പിക്കാന്‍ ശ്രമം. പാലാ ആര്‍.വി ജങ്ഷനില്‍ ഉച്ചയ്ക്ക് 12 മണിയോടെയാണ് സംഭവം നടന്നത്. കഞ്ചാവ് കടത്താന്‍ ശ്രമിച്ച കാര്‍ തടയാന്‍ ശ്രമിക്കുന്നതിനിടെയാണ് സംഭവം. സ്‌പെഷല്‍ സ്‌ക്വാഡിലെ പൊലിസ് ഉദ്യോഗസ്ഥന്‍ എം.എസ് അഭിലാഷിന് നിസ്സാര പരുക്കേറ്റു.

400 ഗ്രാം കഞ്ചാവുമായി മൂന്ന് പേരെ പൊലിസ് അറസ്റ്റ് ചെയ്തു. നടക്കല്‍ കണിയാംകുന്നേല്‍ ഷാഹിദ്, നെട്ടൂര്‍ വെട്ടിക്കാട്ടുപറമ്പില്‍ മുഹമ്മദ് സഹല്‍, വെങ്ങല്ലൂര്‍ അജ്മല്‍, എന്നിവരാണ് പിടിയിലായത്. പരുക്കേറ്റ ഉദ്യോഗസ്ഥനെ പാലായിലെ സ്വകാര്യ ആശുപത്രിയില്‍ പ്രവേശിപ്പിച്ചു.

എറണാകുളത്ത് നിന്നും ഈരാറ്റുപേട്ടയിലേക്ക് കഞ്ചാവ് എത്തിച്ചു വില്‍പന നടത്തുന്ന സംഘത്തില്‍പ്പെട്ടവരാണ് പിടിയിലായത്. ഇവര്‍ക്കെതിരെ മുമ്പും സമാനമായ കേസുകളുണ്ടെന്നും പൊലിസ് വ്യക്തമാക്കി.

ഇഡിയെ തടഞ്ഞ സംഭവം കേസെടുത്തുകൊച്ചിപിണറായി വിജയന്റെ വസതിയില്‍ റെയ്ഡ് നടത്തിയ ഉദ്യോഗസ്ഥരെ ആക്രമിച്ച സംഭവത്തില്‍ പിഎംഎല്‍എ...
09/09/2026

ഇഡിയെ തടഞ്ഞ സംഭവം കേസെടുത്തു

കൊച്ചി

പിണറായി വിജയന്റെ വസതിയില്‍ റെയ്ഡ് നടത്തിയ ഉദ്യോഗസ്ഥരെ ആക്രമിച്ച സംഭവത്തില്‍ പിഎംഎല്‍എ നിയമപ്രകാരം കേസെടുത്ത് ഇഡി. വധശ്രമ കേസില്‍ പി എംഎല്‍എ ചുമത്തുന്നത് ഇതാദ്യമായിട്ടാണ്. പൊലീസ് അന്വേഷണത്തില്‍ ഇഡി നേരത്തെ അതൃപ്തി രേഖപ്പെടുത്തിയിരുന്നു. പൊലീസ് കേസിലെ മുഴുവന്‍ പ്രതികളെയും ഇഡി കേസിലും പ്രതികളാക്കി.

വധശ്രമത്തിന് പിന്നിലെ ഗൂഢാലോചനയും, സാമ്പത്തിക ഇടപാടും ഇഡി അന്വേഷിക്കും. റെയ്ഡിനിടെയുണ്ടായ ആക്രമണം കള്ളപ്പണ കേസിന്റെ അന്വേഷണം തടസപ്പെടുത്താനെന്നാണ് ഇഡി വാദം. അന്വേഷണം നേരിടുന്നവരില്‍നിന്ന് പണമിടപാട് ഉണ്ടായിട്ടുണ്ടോ എന്നാണ് പരിശോധന.

സ്കൂളുകളിൽ ഇനി ബ്രേക്ക്‌ഫാസ്റ്റും:സ്കൂൾ ഉച്ചഭക്ഷണ പദ്ധതി പ്ലസ് ടു വരെയാക്കുമെന്നും മന്ത്രി എൻ.ഷംസുദ്ദീൻസംസ്ഥാനത്തെ സ്കൂള...
09/09/2026

സ്കൂളുകളിൽ ഇനി ബ്രേക്ക്‌ഫാസ്റ്റും:സ്കൂൾ ഉച്ചഭക്ഷണ പദ്ധതി പ്ലസ് ടു വരെയാക്കുമെന്നും മന്ത്രി എൻ.ഷംസുദ്ദീൻ

സംസ്ഥാനത്തെ സ്കൂളുകളിൽ നിലവിലുള്ള ഉച്ചഭക്ഷണ പദ്ധതി പ്ലസ് ടു വരെ നൽകാനും, ഉച്ചഭക്ഷണത്തോടൊപ്പം പ്രഭാതഭക്ഷണം കൂടി ഉൾപ്പെടുത്താനും നടപടികൾ സ്വീകരിക്കുമെന്ന് പൊതുവിദ്യാഭ്യാസ വകുപ്പ് മന്ത്രി എൻ ഷംസുദ്ദീൻ. വിഴിഞ്ഞം സ്പാർക്ക് പാസ്റ്ററൽ സെന്ററിൽ സമഗ്ര ശിക്ഷാ കേരളം സംഘടിപ്പിച്ച ജില്ലാ പ്രൊജക്ട് കോ ഓർഡിനേറ്റർമാരുടെയും പ്രോഗ്രാം ഓഫീസർമാരുടെയും സംസ്ഥാനതല ഓറിയന്റേഷൻ ശില്പശാല ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

നിലവിൽ എട്ടാം ക്ലാസ് വരെയുള്ള കുട്ടികൾക്കാണ് പി എം പോഷൺ പദ്ധതിയുടെ ആനുകൂല്യം ലഭിക്കുന്നത്. ഹയർസെക്കൻഡറി തലത്തിലേക്ക് കൂടി ഇത് വിപുലീകരിക്കുന്നതിലൂടെ മുഴുവൻ സ്കൂൾ കുട്ടികൾക്കും പോഷകാഹാരം ഉറപ്പാക്കാൻ സാധിക്കുമെന്നും മന്ത്രി പറഞ്ഞു.

അട്ടപ്പാടിയിൽ യുവതിയെയും കുഞ്ഞിനെയും കൊലപ്പെടുത്തി ചാക്കിൽ കെട്ടി ഉപേക്ഷിച്ച കേസ്; പ്രതി പിടിയിൽപാലക്കാട് അട്ടപ്പാടിയിൽ ...
09/09/2026

അട്ടപ്പാടിയിൽ യുവതിയെയും കുഞ്ഞിനെയും കൊലപ്പെടുത്തി ചാക്കിൽ കെട്ടി ഉപേക്ഷിച്ച കേസ്; പ്രതി പിടിയിൽ

പാലക്കാട്

അട്ടപ്പാടിയിൽ യുവതിയെയും കുഞ്ഞിനെയും കൊലപ്പെടുത്തി ചാക്കിൽ കെട്ടി ഉപേക്ഷിച്ച കേസിൽ പ്രതി പിടിയിലായി.

പശ്ചിമ ബംഗാൾ സ്വദേശിയായ പ്രോവത് ദാസാണ് പിടിയിലായത്. കൊലപാതകത്തിന് ശേഷം ഒളിവിൽ പോയ പ്രതിയെ ബംഗാളിൽ നിന്നാണ് പ്രത്യേക അന്വേഷണ സംഘം പിടികൂടിയത്

Address

Changaramkulam

Telephone

9895311103

Website

Alerts

Be the first to know and let us send you an email when News Corner posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News Corner:

Shortcuts

Share

Category