07/06/2026
വീണ്ടും ഇരുട്ടടി; ഗാര്ഹിക സിലിണ്ടറിന്റെ വില കൂട്ടി
എല്പിജി സിലിണ്ടര് വില വീണ്ടും കൂട്ടി. ഗാര്ഹിക സിലിണ്ടറിന് 29 രൂപയാണ് വര്ധിപ്പിച്ചത്. മൂന്നു മാസത്തിനിടെ ഇത് രണ്ടാം തവണയാണ് ഗാര്ഹിക സിലിണ്ടറിന് വില കൂട്ടുന്നത്.
പെട്രോളിന്റേയും ഡീസലിന്റേയും അടിക്കടിയുള്ള വാണിജ്യ സിലിണ്ടര് വില വര്ധനവിന്റേയും പിന്നാലെയാണ് സാധാരണക്കാര്ക്ക് ഇരുട്ടടിയായി ഗാര്ഹിക സിലിണ്ടര് വിലയും വര്ധിപ്പിച്ചിരിക്കുന്നത്. ഇന്നലെ അര്ധരാത്രിയോടെയാണ് വില വര്ധിപ്പിച്ചത്. വില വര്ധന ഇന്ന് മുതല് പ്രാബല്യത്തില് വരും. ഇതിന് മുന്പ് 60 രൂപയാണ് ഗാര്ഹിക സിലിണ്ടറിന് വര്ധിപ്പിച്ചിരുന്നത്.
