The Point News

05/10/2025

മരിച്ചത് ഹൈദരാബാദിൽ നിന്നുള്ള ദന്തൽ വിദ്യാർത്ഥി

ടെക്സാസിലെ ഡാലസിൽ ഹൈദരാബാദിൽ നിന്നുള്ള ഇന്ത്യൻ വിദ്യാർത്ഥി വെടിയേറ്റ് മരിച്ചു. ഡാലസിൽ ദന്ത ശാസ്ത്രത്തിൽ മാസ്റ്റേർസ് പൂർത്തിയാക്കിയ പോൾ ചന്ദ്രശേഖരാണ് മരിച്ചത്. എഫ് 1 വിസയിലാണ് പോൾ യുഎസിൽ എത്തിയത്. ആറ് മാസമായി ജോലി അന്വേഷിച്ചുകൊണ്ടിരുന്ന പോൾ ഒരു ഗാസ് സ്റ്റേഷനിൽ പാർട്ട് ടൈമായി ജോലി നോക്കിയിരുന്നു. അവിടെ വച്ചാണ് വെടിയേറ്റത്. ആരാണ് വെടിയുതിർത്തതെന്നോ എന്തിനാണെന്നോ ഇതുവരെ വിവരം ലഭിച്ചിട്ടില്ല. ഭൗതികശരീരം എത്രയും വേഗം ഇന്ത്യയിൽ എത്തിക്കാൻ സർക്കാരിനോട് ആവശ്യപ്പെട്ടതായി കുടുംബം അറിയിച്ചു.

05/10/2025

കെഎസ്ആർടിസി ബജറ്റ് ടൂറിസത്തിൻ്റെ ഭാഗമായി ഡബിൾ ഡെക്കർ ബസിൽ കൊച്ചി ചുറ്റി കാണാൻ ഇനി വെറും 200 രൂപ മാത്രം. ലോവർ ഡെക്കിൽ ആണെങ്കിൽ 100 രൂപ മാത്രം. ഒരു ദിവസ് 3 ട്രിപ്പ് ഉണ്ടാകും. വൈകിട്ട് 4 മണിക്ക്, 6:30 ന്, രാത്രി 9 മണിക്ക് എന്നിങ്ങനെയാണ് സമയക്രമം. എല്ലാ ദിവസവും ജെട്ടി സ്റ്റാൻഡിൽ നിന്ന് ആരംഭിച്ച് ഗോശ്രീ പാലം കടന്ന് കാളമുക്കിൽ എത്തി, തിരിച്ച് ഹൈകോർട്ട് വഴി എം ജി റോഡിലൂടെ ജോസ് ജംഗ്ഷൻ,തേവര വഴി കോപ്റ്റ് അവന്യു എത്തി ഷിപ്പ് യാർഡ്, മഹാരാജാസ് കോളേജ്,സുഭാഷ് പാർക്ക്‌ വഴി ജെട്ടിയിൽ തിരിച്ച് എത്തുന്ന രീതിയിൽ ആണ് ട്രിപ്പ് ക്രമീകരിച്ചിരിക്കുന്നത്. onlineksrtcswift.com എന്ന സൈറ്റ് വഴി ടിക്കറ്റ് ബുക്ക് ചെയ്യാം.

05/10/2025

*അജയ്‌ ദേവ്ഗണിനും കൂട്ടർക്കും ആശിർവാദിന്റെ വിലക്ക്*
ജീത്തു ജോസഫിന്റെ സംവിധാനത്തിൽ നിലവിൽ തൊടുപുഴയിൽ ചിത്രീകരണം പുരോഗമിക്കുന്ന ദൃശ്യം 3 യ്ക്ക് മുന്നേ അജയ് ദേവ്ഗണിന്റെ ഹിന്ദി റീമേക്ക് റിലീസ് ചെയ്യില്ല. ഒറിജിനൽ പതിപ്പിന്റെ ചിത്രീകരണവും റിലീസും കഴിയാതെ റീമേക്കുകളുമായി ബന്ധപ്പെട്ട യാതൊരു വിധത്തിലുള്ള പ്രമേയങ്ങളും റിലീസ് ചെയ്യാൻ പാടില്ലെന്ന നിബന്ധനയിൽ ആശിർവാദ് സിനിമാസും ജീത്തു ജോസഫും ഹിന്ദി നിർമ്മാതാക്കൾക്ക് വിലക്ക് നൽകിയെന്നാണ് ദി വീക്ക് റിപ്പോർട്ട് ചെയ്യുന്നത്.

05/10/2025

സന്ദർശനം ഒക്ടോബർ 8, 9 ന് അന്താരാഷ്ട്ര ഫിനാൻസ് കോൺഫറൻസിന്.

05/10/2025

📍 വെസ്റ്റ് ബംഗാൾ

കനത്ത മഴ മൂലം ഡാർജിലിംഗിൽ വൻ നാശനഷ്ടം. മണ്ണിടിച്ചിലിൽ ഏഴ് പേർ മരണപ്പെട്ടെന്ന് റിപ്പോർട്ട്. സിലിഗുഡിയും മിരിക്കും ബന്ധിപ്പിക്കുന്ന ദുധിയ ഇരുമ്പുപാലം തകർന്നു. കലിംപോങ്, കൂച്ച് ബെഹാർ, ജൽപായ്ഗുരി, അലിപുർദുവാർ എന്നിവിടങ്ങളിൽ ഐഎംഡി റെഡ് അലേർട്ട് പ്രഖ്യാപിച്ചിട്ടുണ്ട്. ടൈഗർ ഹിൽ, റോക്ക് ഗാർഡൻ ഉൾപ്പെടെയുള്ള ഡാർജിലിംഗിലെ വിനോദസഞ്ചാര കേന്ദ്രങ്ങൾ അടച്ചിടാൻ തീരുമാനിച്ചു. ഈ ദുരന്തത്തെ തുടർന്ന് സിക്കിമിലേക്കുള്ള ഗതാഗത ബന്ധം പൂർണ്ണമായി വിച്ഛേദിക്കപ്പെട്ടതായി അധികൃതർ അറിയിച്ചു.

04/10/2025

04/10/2025

ഇന്ത്യയിൽ മൂന്നിൽ ഒരു മരണം ഹൃദയസംബന്ധമായ രോഗങ്ങൾ മൂലമെന്ന് പഠനം

ഇന്ത്യയിൽ മൂന്നിൽ ഒരാൾ വീതം ഹൃദയസംബന്ധമായ രോഗങ്ങൾ മൂലം മരണമടയുന്നു എന്ന് പഠനം. ആകെയുള്ള മരണങ്ങളിൽ 30 ശതമാനത്തോളമാണിത്. രജിസ്ട്രാർ ജനറൽ ഓഫ് ഇന്ത്യയുടെ കീഴിലുള്ള സാമ്പിൾ രജിസ്ട്രേഷൻ സർവേ അഥവാ എസ്ആർഎസ് തയാറാക്കിയ റിപ്പോർട്ടിൽ ആണ് രാജ്യത്ത് 56.7 ശതമാനം മരണങ്ങളും നോൺ കമ്മ്യൂണിക്കബിൾ രോഗങ്ങൾ മൂലം ആണെന്ന് കണ്ടത്. റിപ്പോർട്ട് അനുസരിച്ച് ഹൃദയാഘാതം, പക്ഷാഘാതം എന്നിവയുൾപ്പെട്ട ഹൃദ്രോഗം ആണ് മരണകാരണങ്ങളിൽ മുന്നിൽ ഉള്ളത്.

04/10/2025

*യുക്രെയ്നിൽ യാത്രാ ട്രെയിനിന് നേരെ റഷ്യൻ വ്യോമാക്രമണം; വടക്കൻ സുമി മേഖലയിൽ ആളപായം സംഭവിച്ചതായി റിപ്പോർട്ട്.*
യുക്രെയ്‌നിൻ്റെ വടക്കൻ സുമി മേഖലയിൽ ഒരു യാത്രാ ട്രെയിനിന് നേരെ റഷ്യൻ വ്യോമാക്രമണം ഉണ്ടായതായും യാത്രക്കാർക്ക് ആളപായമുണ്ടായതായും മേഖലാ ഗവർണർ ഒലെ ഹ്രിഹോറോവ് ശനിയാഴ്ച അറിയിച്ചു.

റഷ്യയുടെ ആക്രമണം ലക്ഷ്യമിട്ടത് ഒരു റെയിൽവേ സ്റ്റേഷനെയാണ്. കിവിലേക്ക് പോവുകയായിരുന്ന ട്രെയിനിനാണ് ആക്രമണത്തിൽ നാശനഷ്ടമുണ്ടായത്

04/10/2025

📍 കോഴിക്കോട്

ഉപഭോക്തൃ ബോധവത്കരണത്തിന്റെ ഭാഗമായി പൊതുവിതരണ-ഉപഭോക്തൃകാര്യ വകുപ്പ് സംഘടിപ്പിച്ച ജില്ലാതല വാഹന പര്യടനം എഡിഎം പി സുരേഷ് ഫ്‌ളാഗ് ഓഫ് ചെയ്തു. ഉപഭോക്തൃ ബോധവത്കരണ പ്രവര്‍ത്തനങ്ങള്‍ ശക്തമാക്കുക, ഉപഭോക്തൃ സംരക്ഷണ നിയമത്തെക്കുറിച്ച് വിദ്യാര്‍ഥികളെയും പൊതുജനങ്ങളെയും ബോധവത്കരിക്കുക തുടങ്ങിയ ലക്ഷ്യത്തോടെയാണ് വാഹന പര്യടനം നടത്തുന്നത്.

04/10/2025

📍തിരുവനന്തപുരം

സമൂഹത്തിന്റെ പണം സമൂഹത്തിലേക്കുതന്നെ പോകുന്നു എന്നതാണ്‌ കേരള ഭാഗ്യക്കുറിയുടെ പ്രത്യേകതയെന്ന്‌ ധനമന്ത്രി കെ എൻ ബാലഗോപാൽ പറഞ്ഞു. സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പർ നറുക്കെടുപ്പിന്റെ ഉദ്‌ഘാടനവും പൂജ ബമ്പർ ടിക്കറ്റിന്റെ പ്രകാശനവും നിർവഹിച്ച്‌ സംസാരിക്കുകയായിരുന്നു അദ്ദേഹം.

04/10/2025

*വർക്കലയിൽ വിനോദസഞ്ചാരിയെ ക്രൂരമായി മർദിച്ച് വാട്ടർ സ്പോർട്സ് ജീവനക്കാർ..*

ബീച്ചിൽ കുളിക്കാൻ ഇറങ്ങിയ വിനോദസഞ്ചാരിയെ വാട്ടർ സ്പോർട്സ് ജീവനക്കാർ മർദ്ദിച്ചെന്നാണ് പരാതി. ഗ്രീക്ക് പൗരൻ റോബർട്ടിനാണ് സാരമായി പരുക്കേറ്റത്.രാവിലെ ഒൻപത് മണിയോടെയാണ് സംഭവം. കഴിഞ്ഞ ദിവസം വിദേശിയുടെ മൊബൈൽ ഫോൺ ബീച്ചിൽ നഷ്ടപ്പെട്ടിരുന്നു. ഇത് അന്വേഷിച്ച് വിദേശി ബീച്ചിൽ എത്തുകയും പിന്നീട് കടലിൽ കുളിക്കാൻ ഇറങ്ങുകയും ചെയ്തു. എന്നാൽ ഇത് വാട്ടർ സ്പോർട്സ് നടത്തിപ്പുകാരായ തൊഴിലാളികൾ തടയുകയും ചെയ്തു. പിന്നീട് വാക്കേറ്റം ഉണ്ടാകുകയും വിദേശിയെ ക്രൂരമായി മർദ്ദിക്കുകയുമായിരുന്നു. കടലിലും മണലിലുമിട്ട് വിദേശിയെ മർദ്ദിച്ച് വലിച്ചിഴച്ചു. പാപനാശം പോലീസ് എയ്ഡ് പോസ്റ്റിന്റെ മുന്നിലിട്ടും മർദ്ദിച്ചു. നാട്ടുകാർ ഇടപെട്ടതോടെ സംഘം പിന്മാറുകയായിരുന്നു.

ടൂറിസം പൊലീസെത്തി വിദേശിയെ വർക്കല താലൂക്ക് ആശുപത്രിയിലേക്ക് മാറ്റി. വിദേശിയുടെ കണ്ണിന് ഗുരുതരമായ പരിക്കേറ്റിട്ടുണ്ട്. പൊലീസിൽ പരാതി നൽകുമെന്ന് റോബർട്ട് പ്രതികരിച്ചു.

04/10/2025

ഇസ്രയേൽ–ഗാസ യുദ്ധത്തിൽ അമേരിക്കൻ പ്രസിഡന്റ് ഡോണൾഡ് ട്രംപ് മുന്നോട്ടുവച്ച സമാധാന പദ്ധതിയിൽ ചില ഉപാധികൾ അംഗീകരിച്ച് ഹമാസ്. ഇസ്രയേലി ബന്ദികളെ വിട്ടയയ്ക്കാനും ഗാസയുടെ ഭരണം കൈമാറുന്നതിനുമാണ് ഹമാസ് സമ്മതം അറിയിച്ചത്. ബന്ദികളെ പൂർണ്ണമായി കൈമാറാൻ ഹമാസ് സന്നദ്ധത അറിയിച്ചു. മധ്യസ്ഥ ച‍ച്ചകൾക്ക് തയ്യാറാണെന്ന് വ്യക്തമാക്കിയ ഹമാസ് മറ്റ് ഉപാധികളിന്മേൽ കൂടുതൽ ചർച്ച വേണമെന്നും അറിയിച്ചു.