Malavana News

14/08/2025

ആദരാഞ്ജലികൾ

01/08/2025

14/07/2025

*ടെലിവിഷനെ കമ്പ്യൂട്ടര്‍ ആക്കാം!; പുതിയ തരംഗം നയിക്കാന്‍ അംബാനി; എന്താണ് ജിയോ പിസി?*

ആദ്യഘട്ടത്തില്‍ സൗജന്യമായാണ് സേവനം നല്‍കുന്നത്, പരീക്ഷണ ഘട്ടം കഴിയുന്നതോടെ നിരക്കുകള്‍ ബാധകമാക്കും.

വീട്ടിലോ ഓഫീസിലോ ഉള്ള ടെലിവിഷന്‍ സെറ്റിനെ ഇനി കമ്പ്യൂട്ടറാക്കി മാറ്റാം. ഡിജിറ്റല്‍ ടിവിയില്‍ സോഷ്യല്‍ മീഡിയ പ്ലാറ്റ്‌ഫോമുകള്‍ ഉപയോഗിക്കാമെന്ന മാറ്റത്തിന് പിന്നാലെയാണ് വെര്‍ച്വല്‍ കമ്പ്യൂട്ടര്‍ പദ്ധതിയുമായി മുകേഷ് അംബാനിയുടെ റിലയന്‍സ് ഇന്‍ഡസ്ട്രീസ് രംഗത്ത് വരുന്നത്. ജിയോയുടെ പുതിയ ഉല്‍പ്പന്നമായ ജിയോ പിസി വിപണിയില്‍ അവതരിപ്പിച്ചു. ആദ്യഘട്ടത്തില്‍ സൗജന്യമായാണ് സേവനം നല്‍കുന്നത്, പരീക്ഷണ ഘട്ടം കഴിയുന്നതോടെ നിരക്കുകള്‍ ബാധകമാക്കും. റിലയന്‍സ് ഇന്‍ഫോകോം ചെയര്‍മാന്‍ ആകാശ് അംബാനിയുടെ നേതൃത്വത്തിലാണ് പുതിയ ബിസിനസ് മോഡല്‍ വികസിപ്പിച്ചെടുത്തത്.

*എന്താണ് ജിയോ പിസി*

ഇന്റര്‍നെറ്റിന്റെ സഹായത്തോടെ ടെലിവിഷനുകള്‍ വെര്‍ച്വല്‍ കമ്പ്യൂട്ടറുകളാക്കി മാറ്റുന്നു. ജിയോ സെറ്റ് ടോപ് ബോക്‌സുകള്‍ വഴി ക്ലൗഡ് അധിഷ്ഠിത കമ്പ്യൂട്ടര്‍ ഇന്റര്‍ഫേസ് നിങ്ങളുടെ ടെലിവിഷനില്‍ പ്രവര്‍ത്തിപ്പിക്കാനാകും. കീബോര്‍ഡും മൗസും ബന്ധിപ്പിക്കാം. 5,499 രൂപയാണ് സെറ്റ്‌ടോപ് ബോക്‌സിന്റെ വില. ഓപ്പന്‍ സോഴ്‌സ് സോഫ്റ്റ് വെയറായ ലിബര്‍ഓഫീസാണ് ഇതില്‍ ഉപയോഗിച്ചിരിക്കുന്നത്. മൈക്രോസോഫ്റ്റ് ഉള്‍പ്പടെയുള്ള സോഫ്റ്റ് വെയര്‍ പ്രത്യേക ബ്രൗസറിലൂടെ ഉപയോഗിക്കാനാകും. ഓണ്‍ലൈന്‍ ക്ലാസുകള്‍ ഉള്‍പ്പടെയുള്ള സംവിധാനങ്ങള്‍ മികച്ച രീതിയില്‍ ലഭ്യമാകുമെന്നാണ് ജിയോ അവകാശപ്പെടുന്നത്. അതേസമയം, ഇന്റര്‍നെറ്റിന്റെ ലഭ്യത ഇത് പ്രവര്‍ത്തിക്കുന്നതിനുള്ള പ്രധാന ഘടകമാണ്.

*ഇന്ത്യയില്‍ കമ്പ്യൂട്ടറുകള്‍ കുറവ്*

ഇന്ത്യയില്‍ ടെലിവിഷനുകളെ അപേക്ഷിച്ച് കമ്പ്യൂട്ടറുകളുടെ എണ്ണം കുറവാണെന്നാണ് പുതിയ ഉല്‍പ്പന്നം പുറത്തിറക്കുന്നതിന് മുമ്പ് ജിയോക്ക് വേണ്ടി നടന്ന മാര്‍ക്കറ്റ് പഠനം തെളിയിക്കുന്നത്. രാജ്യത്തെ ജനങ്ങളില്‍ 70 ശതമാനം പേര്‍ ടെലിവിഷന്‍ ഉപയോഗിക്കുന്നുണ്ട്. എന്നാല്‍ 16 ശതമാനം പേര്‍ക്ക് മാത്രമാണ് കമ്പ്യൂട്ടര്‍ ഉള്ളത്. ഈ പഠനം തന്നെയാണ് ടെലിവിഷന്‍ കേന്ദ്രീകൃത ബിസിനസിലേക്ക് ചുവട് വെക്കാന്‍ റിലയന്‍സിനെ പ്രേരിപ്പിച്ചത്. ഇന്ത്യയില്‍ കമ്പ്യൂട്ടര്‍ വിപണി വേഗത്തില്‍ അല്ല വളരുന്നത്. 2025 ആദ്യപാദത്തിലെ കണക്കുകള്‍ പ്രകാരം കമ്പ്യൂട്ടര്‍ വില്‍പ്പനയിലെ വാര്‍ഷിക വര്‍ധന എട്ടു ശതമാനമാണ്. സ്മാര്‍ട്ട് ഫോണുകളുടെ വില്‍പ്പനയിലുള്ള വര്‍ധനയാണ് കമ്പ്യൂട്ടറുകള്‍ക്ക് തിരിച്ചടിയാകുന്നത്.

*ഓപ്പണ്‍ എഐയുമായി സഹകരണം*

ജിയോ പിസിക്ക് വേണ്ടി റിലയന്‍സും ഓപ്പണ്‍ എഐയും പുതിയ സഹകരണത്തിന് ചര്‍ച്ച നടക്കുന്നുണ്ട്. ചാറ്റ്ജിപിടി ഉള്‍പ്പടെയുള്ള ടൂളുകളെ പുതിയ സംവിധാനത്തില്‍ ചേര്‍ത്ത് മെച്ചപ്പെടുത്താനാണ് ആലോചിക്കുന്നത്. അതേസമയം, പുതിയ സാങ്കേതിക വിദ്യ ജനങ്ങള്‍ക്ക് മനസിലാകേണ്ടത് പ്രധാനമാണെന്ന് സൈബര്‍ മീഡിയ റിസര്‍ച്ച് വൈസ് പ്രസിഡന്റ് പ്രഭു റാം ചൂണ്ടിക്കാട്ടുന്നു. മൊബൈല്‍ ഉപയോക്താക്കളെ ടെലിവിഷന് മുന്നില്‍ എത്തിക്കുന്നത് എളുപ്പമുള്ള ജോലിയല്ല. ഇന്റര്‍നെറ്റ് ലഭ്യതയും സാങ്കേതിക അവബോധവും ഇക്കാര്യത്തില്‍ പ്രധാനമാകുമെന്ന് പ്രഭു റാം പറയുന്നു.

26/06/2025

കണക്കൻകടവിൽ നിന്നും 5:00 pm

06/06/2025

ന്യൂഡൽഹി: ഇലോൺ മസ്കിന്റെ ഉടമസ്ഥതയിലുള്ള സ്റ്റാർലിങ്കിന് ഇന്ത്യയിൽ പ്രവർത്തനാനുമതി. ടെലികോം മന്ത്രാലയത്തിൽ നിന്ന് പ്രധാന ലൈസൻസ് ലഭിച്ചു. ഇതോടെ വാണിജ്യാടിസ്ഥാനത്തിൽ സേവനം തുടങ്ങുന്നതിനുള്ള കടമ്പകളെല്ലാം സ്റ്റാർലിങ്ക് മറികടന്നു. റോയിട്ടേഴ്സാണ് വാർത്ത റിപ്പോർട്ട് ചെയ്തത്.

മൂന്നാമത്തെ കമ്പനിക്കാണ് സാറ്റ്ലെറ്റ് ഇന്റർനെറ്റ് സേവനം നൽകാൻ ഇന്ത്യയിൽ അനുമതി ലഭിക്കുന്നത്. ഇതിന് മുമ്പ് വൺ വെബ്, റിലയൻസ് ജിയോ എന്നീ കമ്പനികൾക്കും സേവനം നൽകാനുള്ള അനുമതി ലഭിച്ചിരുന്നു. കഴിഞ്ഞ ദിവസം ടെലികോം മന്ത്രി ജ്യോതിരാദിത്യ സിന്ധ്യ സ്റ്റാർലിങ്കിന് അനുമതി ലഭിക്കുമെന്ന സൂചനകൾ നൽകിയിരുന്നു. ലൈസൻസ് ലഭിക്കുന്നമുറക്ക് സ്​പെക്ട്രം അനുവദിക്കുന്നത് ഉൾപ്പടെയുള്ള നടപടികളുമായി മുന്നോട്ട് പോകുമെന്നും അദ്ദേഹം അറിയിച്ചു.

കേബിളുകളൊന്നുമില്ലാതെ പൂർണമായും സാറ്റ്ലെറ്റ് അധിഷ്ഠിതമായി പ്രവർത്തിക്കുന്ന സ്റ്റാർലിങ്കിന്റെ പ്ലാനുകളെ കുറിച്ചുള്ള വിവരങ്ങൾ നേരത്തെ പുറത്ത് വന്നിരുന്നു. 10 ഡോളറിലാവും സ്റ്റാർലിങ്കിന്റെ പ്രതിമാസ അൺലിമിറ്റഡ് പ്ലാനുകൾ തുടങ്ങുകയെന്നാണ് റിപ്പോർട്ട്. റിലയൻസ് ജിയോക്ക് ശേഷം ഇന്ത്യയിൽ ഇന്റർനെറ്റ് വിപ്ലവത്തിന് സ്റ്റാർലിങ്ക് തുടക്കം കുറിക്കുമെന്നാണ് പ്രതീക്ഷിക്കുന്നത്.

നേരത്തെ സ്റ്റാർലിങ്കുകമായി റിലയൻസ് ജിയോയും എയർടെല്ലും കരാറിൽ എർപ്പെട്ടിരുന്നു. സ്റ്റാർലിങ്കിന്റെ ഇന്ത്യയിലേക്കുള്ള കടന്നുവരിൽ മുകേഷ് അംബാനിയുടെ നേതൃത്വത്തിലുള്ള റിലയൻസ് ജിയോ ആദ്യം ചില എതിർപ്പുകൾ പ്രകടിപ്പിച്ചിരുന്നുവെങ്കിലും കരാറിലെത്തുകയായിരുന്നു.

28/05/2025

എളന്തിക്കരയിൽ നിന്നും

25/05/2025

#840രൂപയ്ക്ക്_താഴെയുള്ള_സാറ്റലൈറ്റ്_ഡേറ്റ_പ്ലാനുകൾ_ഉടൻ_ഇന്ത്യയിൽ

സേവനമാരംഭിക്കാനൊരുങ്ങി സ്റ്റാര്‍ലിങ്ക് ഇലോൺ മസ്‌കിന്റെ സ്റ്റാർലിങ്ക് ഉൾപ്പെടെയുള്ള സാറ്റലൈറ്റ് കമ്മ്യൂണിക്കേഷൻ സ്ഥാപനങ്ങൾ ഉടൻ ഇന്ത്യയിൽ സേവനം തുടങ്ങും.

പ്രതിമാസം കുറഞ്ഞ നിരക്കിലുള്ള അൺലിമിറ്റഡ് ഡേറ്റ പ്ലാനുകൾ ഇന്ത്യയിൽ അവതരിപ്പിക്കാനൊരുങ്ങി ഇലോൺ മസ്‌കിന്റെ സ്റ്റാർലിങ്ക് ഉൾപ്പെടെയുള്ള സാറ്റലൈറ്റ് കമ്മ്യൂണിക്കേഷൻ സ്ഥാപനങ്ങൾ. ഇതിലൂടെ പത്ത് ഡോളറിന് താഴെ, ഏകദേശം 840 രൂപയ്ക്ക് കീഴിൽ അതിവേഗതയിലുള്ള അൺലിമിറ്റഡ് ഡേറ്റ പ്ലാനുകൾ ഇന്ത്യയിൽ ലഭ്യമാകുമെന്ന് ദി ഇക്കണോമിക് ടൈംസ് റിപ്പോർട്ട് ചെയ്തു.

ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) ഇന്ത്യയിൽ ഈ സേവനം തുടങ്ങുന്നതിനായി വലിയ ഫീസ് സാറ്റലൈറ്റ് കമ്മ്യൂണിക്കേഷൻ സ്ഥാപനങ്ങളിൽ നിന്ന് ഈടാക്കാൻ നീക്കമുണ്ടെങ്കിലും വിപണിയുടെ വലിപ്പം മുന്നിൽ കണ്ട് കമ്പനികൾ പിന്മാറില്ലെന്നാണ് സൂചന.

മൊത്തവരുമാനത്തിൽ നിന്ന് നാല് ശതമാനം ലെവിയും, ഒരു മെഗാഹെട്സ് സ്പെക്ട്രത്തിന് കുറഞ്ഞത് 3,500 രൂപ വാർഷിക ഫീസും ട്രായ് കമ്പനികൾക്ക് വെച്ച മാനദണ്ഡങ്ങളിലുണ്ട്. കൂടാതെ വാണിജ്യ സേവനങ്ങൾ വാഗ്ദാനം ചെയ്യുന്നതിന് ഉപഗ്രഹ ആശയവിനിമയ ദാതാക്കൾ 8 ശതമാനം ലൈസൻസ് ഫീസും ട്രായിക്ക്‌ നൽകേണ്ടതുണ്ട്. പദ്ധതി നടപ്പിലാക്കുന്നതിന് മുമ്പ് ഈ നിർദ്ദേശങ്ങൾ സർക്കാരിന്റെ അന്തിമ അംഗീകാരത്തിനായി കാത്തിരിക്കുകയാണ്.

അതേസമയം വിലക്കുറവ് ഉണ്ടെങ്കിലും പരിമിതമായ ഉപഗ്രഹ ശേഷി സ്റ്റാർലിങ്കിന്റെ വേഗത്തിലുള്ള വളർച്ച തടയുമെന്ന് വിദഗ്ധർ പറയുന്നു. ഐഐഎഫ്എൽ റിസർച്ചിന്റെ കണക്കനുസരിച്ച് സ്റ്റാർലിങ്കിന്റെ നിലവിലെ 7,000 ഉപഗ്രഹങ്ങൾക്ക് ആഗോളതലത്തിൽ ഏകദേശം 4 ദശലക്ഷം ഉപയോക്താക്കൾക്ക് സേവനം നൽകാനുള്ള ശേഷിയാണ് ഉള്ളത്. 8,000 ഉപഗ്രഹങ്ങളിലേക്ക് ഇവ വികസിപ്പിച്ചാലും, 2030 സാമ്പത്തിക വർഷത്തോടെ ഏകദേശം 1.5 ദശലക്ഷം ഇന്ത്യൻ ഉപഭോക്താക്കൾക്ക് മാത്രമേ സേവനം നൽകാൻ കഴിയൂ എന്നും റിപ്പോർട്ട് പറയുന്നു.

25/05/2025

എറണാകുളം ജില്ലയിൽ
വിദ്യാഭ്യാസ
സ്ഥാപനങ്ങൾക്ക്
തിങ്കൾ (26) അവധി

ശക്തമായ മഴ കണക്കിലെടുത്ത് എറണാകുളം ജില്ലയിൽ റെഡ് അലെർട് പ്രഖ്യാപിച്ച സാഹചര്യത്തിൽ അങ്കണവാടികളും പ്രഫഷണൽ കോളേജുകളും ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും തിങ്കളാഴ്ച (26) അവധി പ്രഖ്യാപിക്കുന്നു. ട്യൂഷൻ സെന്ററുകൾക്കും അവധി ബാധകമാണ്.

25/05/2025

#ഡിഷ് ടിവി, ആൻഡ്രോയ്ഡ് ടിവികൾക്കായി ഡിഷ് സ്മാർട്ട് പ്ലസ് അവതരിപ്പിച്ചു

കൊച്ചി: മികച്ച എന്റർടെയിൻമെൻറ് അനുഭവം ഉപഭോക്താക്കൾക്കായി ഒരുക്കാൻ ഡിഷ് ടിവിയുടെ ഡിഷ് സ്മാർട്ട് പ്ലസ് എന്ന പുതിയ സേവനം ആൻഡ്രോയ്ഡ് ടിവികൾക്കായി അവതരിപ്പിച്ചു. കഴിഞ്ഞ വർഷം പുറത്തിറങ്ങിയ ഫ്ലാഗ്ഷിപ്പ് ഉൽപ്പന്നത്തിന്റെ മികച്ച പ്രതികരണത്തിന് പിന്നാലെയാണ്, ഡിഷ് സ്മാർട്ട് പ്ലസ് എന്ന സേവനം അവതരിപ്പിച്ചത്.

ഈ പുതിയ സേവനം, ലൈവ് ടിവി ചാനലുകളും ജനപ്രിയ ഒ.ടി.ടി ആപ്പുകളും ഒരേ സ്ക്രീനിൽ സംയോജിപ്പിച്ച് പ്രവർത്തിക്കുന്ന ഒരു സ്മാർട്ട് ഡിവൈസിന്റെ ശേഷിയിലാണ് പ്രവർത്തിക്കുന്നത്. ആൻഡ്രോയ്ഡ് ഗൂഗിൾ ടിവി എന്നിവയുമായി സുഖകരമായി പ്രവർത്തിക്കാൻ രൂപകൽപ്പന ചെയ്തിരിക്കുന്ന ഈ ഉപകരണം, നിങ്ങളുടെ സാധാരണ ടിവിയെ ഒരു സ്മാർട്ട് എന്റർടെയിൻമെൻറ് ഹബ്ബായി മാറ്റുന്നു. ഈ പുതിയ സേവനം ലൈവ് ടിവിയും ഓൺലൈൻ വീഡിയോ ആപ്പുകളും ഒരേ സ്ക്രീനിൽ കാണാൻ സഹായിച്ച്, നിങ്ങളുടെ സാധാരണ ടിവിയെ സ്മാർട്ട് എന്റർടെയിൻമെൻറ് ഹബ്ബായി മാറ്റുന്നു.

ഡിഷ് സ്മാർട്ട് പ്ലസ് ഉപയോഗിച്ചാൽ ഇനി വ്യത്യസ്ത റിമോട്ടുകൾക്കായി തിരച്ചിൽ വേണ്ട. ഒരു ടി.വി റിമോട്ടിൽ നിന്ന് ചാനലുകളും ഒ.ടി.ടി ആപ്പുകളും എളുപ്പത്തിൽ സ്വിച്ച് ചെയ്ത് ഉപയോഗിക്കാം. ഈ ഡിവൈസ് ഫേവറിറ്റ് ചാനലുകളുടെ ലിസ്റ്റ് തയ്യാറാക്കുവാനും, ഷോകൾക്കായി റിമൈൻഡർ സെറ്റ് ചെയ്യുവാനും, പാരന്റൽ കൺട്രോൾ പോലുള്ള ഉപകാരപ്രദമായ ഫീച്ചറുകൾ നൽകുന്നു. എളുപ്പത്തിൽ ഉപയോഗിക്കാവുന്ന ഇന്റർഫേസ് ഉള്ളടക്കം വേഗത്തിൽ ചാനലുകളും പരിപാടികളും കണ്ടെത്താൻ സഹായിക്കുന്നു ചാനൽ നമ്പറുകൾ ഓർത്ത് നിൽക്കേണ്ടതില്ല. കൂടാതെ, തംബ്‌നെയിലുകളും ബാനറുകളും ഉപയോഗിച്ച് വരാനിരിക്കുന്ന പരിപാടികളുടെ പ്രിവ്യൂ കാഴ്‌ചയും ലഭ്യമാക്കുന്നു.