ChennaiVartha

03/11/2024

ചെന്നൈ: ഐ.ആർ.ഡബ്ല്യു ചെന്നൈ യൂണിറ്റിൻ്റെ നേതൃത്വത്തിൽ ഗൃഹ സുരക്ഷ ബോധവത്ക്കരണ ക്ലാസ്സ് സംഘടിപ്പിച്ചു. അഡയാർ കെ.പി.എം പ്രൈമറി സ്കൂളിൽ വെച്ച് നടന്ന പരിപാടിയിൽ സംസ്ഥാന ജനറൽ സെക്രട്ടറി നൗഫൽ എം.ഇ പരിശീലനങ്ങൾക്ക് നേതൃത്വം നൽകി. യൂണിറ്റ് ലീഡർ കെ.ഷജീർ സ്വാഗതവും സെക്രട്ടറി ശബീബ്.ടി നന്ദിയും പറഞ്ഞു

ചെന്നൈ: ഐ.ആർ.ഡബ്ല്യു ചെന്നൈ യൂണിറ്റിൻ്റെ നേതൃത്വത്തിൽ ഗൃഹ സുരക്ഷ ബോധവത്ക്കരണ ക്ലാസ്സ് സംഘടിപ്പിച്ചു. അഡയാർ കെ......

02/11/2024

ബെംഗളൂരു : കർണാടകയിലും ആന്ധ്രാപ്രദേശിലും തെലുങ്കാനയിലും ഇന്ന് ബലി പാട്യമി ആഘോഷിക്കുന്നു. ദീപങ്ങളുടെ ഉൽസവമായ ദീപാവലിക്ക് നാലാം ദിവസമാണ് ബലി പാട്യമി അല്ലെങ്കിൽ ബലി പ്രതിപദ ആഘോഷിക്കുന്നത്. ബലിപാഡ്വ (മഹാരാഷ്ട്ര),ബാർലജ് (ഹിമാചൽ പ്രദേശ് ),ബെസ്റ്റു വരാസ് ( ഗുജറാത്ത്), രാജാബലി (ജമ്മു) എന്നിങ്ങനെ യാണ് ഇന്ത്യയിലെ മറ്റ് സ്ഥലങ്ങളിൽ ഈ ആഘോഷം അറിയപ്പെടുന്നത്. കേരളത്തിലെ ഓണാഘോഷത്തിൻ്റെ അതേ ഐതീഹ്യം തന്നെയാണ് ഈ ആഘോഷത്തിന് പിന്നിലും. രാജ്യം ഭരിച്ചിരുന്ന അസുരരാജാവിനെ വിഷ്ണുവിൻ്റെ അവതാരമായ വാമനൻ പാതാളത്തിലേക്ക് ചവിട്ടിത്താഴ്ത്തുകയും തുടർന്ന് ഭൂമിയിലെ ജനങ്ങളെ കാണാൻ മഹാബലി തിരിച്ചെത്തുന്നതും തന്നെയാണ് ഈ ആഘോഷത്തിൻ്റെയും പിന്നിലുള്ള വിശ്വാസം.

02/11/2024

ചെന്നൈ : വീണു പരിക്കേറ്റതിനെത്തുടർന്ന് നടൻ ചാരുഹാസനെ ആശുപത്രിയിൽ പ്രവേശിപ്പിച്ചു. ചെന്നൈയിലെ സ്വകാര്യ ആശുപത്രിയിൽ ശസ്ത്രക്രിയയ്ക്കു വിധേയനായ അദ്ദേഹത്തിന്റെ ആരോഗ്യനില തൃപ്തികരമാണ്. ദീപാവലിത്തലേന്നത്തെ വീഴ്ചയെത്തുടർന്നാണ് ചാരുഹാസൻ ആശുപത്രിയിലായത്.

ചെന്നൈ : വീണു പരിക്കേറ്റതിനെത്തുടർന്ന് നടൻ ചാരുഹാസനെ ആശുപത്രിയിൽ പ്രവേശിപ്പിച്ചു. ചെന്നൈയിലെ സ്വകാര്യ ആശുപത്...

31/10/2024

ചെന്നൈ : ദീപാവലി ആഘോഷിക്കാൻ ആളുകൾ നഗരത്തിൽനിന്ന് സ്വന്തം നാടുകളിലേക്ക് പുറപ്പെട്ടപ്പോൾ റെയിൽവേ സ്റ്റേഷനുകളിലും ബസ് സ്റ്റാൻഡുകളിലും വൻ തിരക്ക്. കഴിഞ്ഞദിവസംതന്നെ തിരക്ക് വർധിച്ചെങ്കിലും ബുധനാഴ്ച തിരക്ക് ഇരട്ടിച്ചു. സെൻട്രൽ, എഗ്മോർ റെയിൽവേ സ്റ്റേഷനുകൾ, കിളാമ്പാക്കം, കോയമ്പേട് ബസ് സ്റ്റാൻഡുകൾ എന്നിവിടങ്ങളിലാണ് കൂടുതൽ തിരക്ക് ദൃശ്യമായത്. തീവണ്ടികളിൽ റിസർവേഷൻ കിട്ടാതെ വന്നതോടെ ജനറൽ കംപാർട്ട്‌മെന്റുകളിൽ തിക്കുംതിരക്കുമായി. തുടർച്ചയായി നാല് ദിവസം അവധിയുള്ളതിനാൽ ഇത്തവണ ദീപവലിക്ക് മുൻ വർഷങ്ങളെക്കാൾ തിരക്കേറി. ഇത് മുന്നിൽ കണ്ട് തമിഴ്‌നാട് സ്റ്റേറ്റ് ട്രാൻസ്‌പോർട്ട് കോർപ്പറേഷൻ 14,000 പ്രത്യേക ബസ് സർവീസുകൾ പ്രഖ്യാപിച്ചിരുന്നു....

ചെന്നൈ : ദീപാവലി ആഘോഷിക്കാൻ ആളുകൾ നഗരത്തിൽനിന്ന് സ്വന്തം നാടുകളിലേക്ക് പുറപ്പെട്ടപ്പോൾ റെയിൽവേ സ്റ്റേഷനുകളി....

31/10/2024

ചെന്നൈ: തമിഴ് സൂപ്പർ താരം ദളപതി വിജയ്‌യുടെ രാഷ്ട്രീയ പ്രവേശനത്തിൽ ആശംസകളുമായി നടൻ സൂര്യ. താരത്തിന്റെ പുതിയ ചിത്രമായ കങ്കുവയുടെ ഓഡിയോ ലോഞ്ചിനോട് അനുബന്ധിച്ച് സംസാരിക്കുന്ന വേളയിലാണ് താരം ആശംസകൾ അറിയിച്ചത് . തന്റെ ഒരു സുഹൃത്ത് പുതിയ വഴിയിൽ പുതിയ യാത്ര ആരംഭിക്കുകയാണെന്നും അദ്ദേഹത്തിന്റെ വരവ് നന്നായി വരട്ടെയെന്നായിരുന്നു സൂര്യ പറഞ്ഞത്. ചടങ്ങിനിടയിൽ നടൻ ബോസ് വെങ്കട്ട് സൂര്യ രാഷ്ട്രീയത്തിലേക്ക് വരണമെന്ന് പറഞ്ഞിരുന്നു. ആരാധകരെ വിഡ്ഢികളാക്കുന്നവരാകരുത് തലൈവരാകാൻ എന്നും അത്തരത്തിൽ നോക്കുകയാണെങ്കിൽ സൂര്യ രാഷ്ട്രീയത്തിലേക്ക് പ്രവേശിക്കണമെന്നുമായിരുന്നു ബോസ് വെങ്കട്ട് പറഞ്ഞത്. എന്നാൽ ബോസ് വെങ്കട്ട് ഈ അവസരത്തെ മാറ്റിമറിച്ചെന്ന് പറഞ്ഞ സൂര്യ തന്റെ സുഹൃത്തുക്കളായ ഉദയനിധി സ്റ്റാലിനെയും ദളപതി വിജയ്‌യെ കുറിച്ചും സംസാരിച്ചു....

ചെന്നൈ: തമിഴ് സൂപ്പർ താരം ദളപതി വിജയ്‌യുടെ രാഷ്ട്രീയ പ്രവേശനത്തിൽ ആശംസകളുമായി നടൻ സൂര്യ. താരത്തിന്റെ പുതിയ ചിത...

28/10/2024

ബെംഗളൂരു: പ്രത്യകിച്ച് മലയാളികൾ കാത്തിരുന്ന ഒരു സൗകര്യം കർണാടക ഗതാഗത വകുപ്പ് ഇവിടെ ഏർപ്പെടുത്തിയിരിക്കുകയാണ്. സ്വകാര്യ ബസുകളുടെ കൊള്ള നിരക്കിനെതിരെ ഒരു പരാതിപ്പെടാൻ ഒരു ഹെൽപ്പ് ലൈൻ നമ്പറുകളോട് കൂടിയ ഒരു കണ്ട്രോൾ റും തുറന്നിരിക്കുകയാണ്. 9889863429 9449863426 വാരാന്ത്യങ്ങളിലും ഉൽസവ കാലങ്ങളിലും സ്വകാര്യ ബസുകൾ ഈടാക്കുന്നത് കഴുത്തറുപ്പൻ നിരക്കുകളാണ് എന്നാൽ ഇതിനെതിരെ പരാതിപ്പെടാൻ ഇതുവരെ പ്രത്യേകിച്ച് സംവിധാനങ്ങൾ ഒന്നും ഉണ്ടായിരുന്നില്ല. മുകളിൽ കൊടുത്ത നമ്പറുകളിൽ വിളിച്ച് പരാതിയറിയിച്ചാൽ ബസുകളുടെ പെർമിറ്റ് റദ്ദാക്കുന്നതടക്കമുള്ള നടപടികൾ എടുക്കുമെന്ന് വകുപ്പ് ഉറപ്പ് നൽകുന്നു.

28/10/2024

ചെന്നൈ : ശിവഗംഗയിൽ 13-കാരിയെ ബലാത്സംഗംചെയ്ത് കൊലപ്പെടുത്തി കിണറ്റിൽതള്ളിയ സംഭവത്തിൽ യുവാവിനെ അറസ്റ്റുചെയ്തു. ശിവഗംഗ കാട്ടാണിക്കുളം സ്വദേശി സതീഷ് കുമാറാണ് (32) പിടിയിലായത്. വ്യാഴാഴ്ച രാവിലെ ശിവഗംഗയ്ക്ക് സമീപം കൽക്കുളം ഗ്രാമത്തിലെ കിണറ്റിൽനിന്നാണ് മൃതദേഹം കണ്ടെടുത്തത്. ആരാണെന്നു വ്യക്തമല്ലാത്തതിനാൽ ദുരൂഹമരണത്തിനു കേസെടുത്തു. തുടർന്നു നടത്തിയ അന്വേഷണത്തിൽ പെൺകുട്ടിയെ കാണാനില്ലെന്ന് മധുര പോലീസ് സ്റ്റേഷനിൽ പരാതിലഭിച്ചതായി വിവരംലഭിച്ചു. അടുത്തിടെ മധുര രാജാജി ആശുപത്രിയിൽ പ്രവേശിപ്പിച്ച സ്ത്രീയുടെ മകളാണ് കൊല്ലപ്പെട്ടതെന്ന് വ്യക്തമായി. ഭാര്യയെ പ്രസവത്തിനായി ഇതേആശുപത്രിയിൽ പ്രവേശിപ്പിച്ചപ്പോഴാണ് സതീഷ് കുമാർ പെൺകുട്ടിയുമായി സൗഹൃദത്തിലായതെന്നും തുടർന്ന് വിജനമായസ്ഥലത്തു കൊണ്ടുപോയി ലൈംഗികമായി പീഡിപ്പിച്ചശേഷം കൊലപ്പെടുത്തി കിണറ്റിൽ തള്ളുകയായിരുന്നുവെന്നും പോലീസ് പറഞ്ഞു. 2014-ൽ തേനി സ്വദേശിനിയെ ലൈംഗികമായി പീഡിപ്പിച്ചതിന് പോക്സോ കേസിൽ സതീഷ്‌കുമാറിന് 11 വർഷത്തെ കഠിനതടവ് വിധിച്ചിരുന്നു. എട്ട് വർഷത്തിന് ശേഷം ജയിൽമോചിതനാവുകയായിരുന്നു.

ചെന്നൈ : ശിവഗംഗയിൽ 13-കാരിയെ ബലാത്സംഗംചെയ്ത് കൊലപ്പെടുത്തി കിണറ്റിൽതള്ളിയ സംഭവത്തിൽ യുവാവിനെ അറസ്റ്റുചെയ്തു. ശ...

27/10/2024

ചെന്നൈ: നടന്‍ വിജയ്‌യുടെ രാഷ്ട്രീയ പാർട്ടി തമിഴക വെട്രി കഴകത്തിന്റെ ആദ്യ സമ്മേളനം ഇന്ന്. വിഴുപ്പുറത്തെ വിക്രവണ്ടിയില്‍ വൈകിട്ട് നാല് മണിക്ക് സമ്മേളനം ആരംഭിക്കും. സമ്മേളനത്തില്‍ അധ്യക്ഷന്‍ വിജയ് തമിഴക വെട്രി കഴകത്തിന്റെ നയവും ലക്ഷ്യവും പ്രഖ്യാപിക്കും. സമ്മേളനത്തിനായി വിക്രവണ്ടിയില്‍ 85 ഏക്കര്‍ മൈതാനത്ത് വിശാലമായ വേദിയും പ്രവര്‍ത്തകര്‍ക്കിരിക്കാനുള്ള സൗകര്യവും ഒരുക്കിയിട്ടുണ്ട്. 110 അടി ഉയരത്തിലുള്ള കൊടിമരത്തിൽ റിമോട്ട് ഉപയോഗിച്ചാണ് വിജയ് പാ‍ർട്ടി പതാക ഉയർത്തുക. 600 മീറ്റർ റാംപിലൂടെ നടന്ന് പ്രവർത്തകരെ അഭിവാദ്യം ചെയ്ത ശേഷം വേദിയിലെത്തും. പെരിയാറിന്റെയും അംബേദ്കറിന്റെയും ഉള്‍പ്പടെയുള്ള കട്ടൗട്ടുകള്‍ കൊണ്ട് അലങ്കരിച്ച സമ്മേളന നഗരിയില്‍ സ്റ്റേജ് രൂപകല്‍പന ചെയ്തിരിക്കുന്നത് തമിഴ്‌നാട് സെക്രട്ടേറിയേറ്റിന്റെ മാതൃകയിലാണ്....

ചെന്നൈ: നടന്‍ വിജയ്‌യുടെ രാഷ്ട്രീയ പാർട്ടി തമിഴക വെട്രി കഴകത്തിന്റെ ആദ്യ സമ്മേളനം ഇന്ന്. വിഴുപ്പുറത്തെ വിക്രവ....

27/10/2024

ചെന്നൈ : തിരുനെൽവേലിയിൽ മലയാളിയുടെ കോച്ചിങ് സെന്ററിൽ വിദ്യാർഥികൾക്ക് മർദനമേറ്റ സംഭവത്തിൽ സംസ്ഥാന മനുഷ്യാവകാശ കമ്മിഷൻ അന്വേഷണംതുടങ്ങി. അതിനിടെ, സെന്റർ തുറന്നു പ്രവർത്തിക്കാൻ നടപടിയെടുക്കണമെന്നഭ്യർഥിച്ച് ഒരുസംഘം രക്ഷിതാക്കൾ ജില്ലാ കളക്ടർക്കു നിവേദനംനൽകി. മർദനത്തിൽ തങ്ങൾക്കു പരാതിയില്ലെന്നാണ് അവർ പറയുന്നത്. തിരുനെൽവേലിയിൽ ജൽ നീറ്റ് അക്കാദമി എന്ന പേരിൽ കോച്ചിങ് സെന്റർ നടത്തുന്ന ജലാലുദ്ദീൻ അഹമ്മദ് വെട്ടിയാടനെതിരേ വിദ്യാർഥികളെ മർദിച്ചതിനും അനുമതിയില്ലാതെ വനിതാഹോസ്റ്റൽ നടത്തിയതിനും പോലീസ് കേസെടുത്തിട്ടുണ്ട്. സംസ്ഥാന മനുഷ്യാവകാശ കമ്മിഷൻ അംഗം വി. കണ്ണദാസനാണ് സംഭവത്തെക്കുറിച്ച് അന്വേഷിക്കുന്നത്. ഒളിവിൽപോയ ജലാലുദ്ദീനായി തമിഴ്‌നാട് പോലീസ് കേരളത്തിലും തിരച്ചിൽ നടത്തുന്നുണ്ട്....

ചെന്നൈ : തിരുനെൽവേലിയിൽ മലയാളിയുടെ കോച്ചിങ് സെന്ററിൽ വിദ്യാർഥികൾക്ക് മർദനമേറ്റ സംഭവത്തിൽ സംസ്ഥാന മനുഷ്യാവകാ....

24/10/2024

ചെന്നൈ : മൂന്നുകോച്ചുകളടങ്ങിയ ഡ്രൈവറില്ലാ മെട്രോ തീവണ്ടിയുടെ പരീക്ഷണയോട്ടം ഒക്ടോബർ 26-ന് നടത്തിയേക്കും. പൂനമല്ലി ഡിപ്പോയിലെ 820 മീറ്റർ ട്രാക്കിലാണ് പരീക്ഷണം. ആന്ധ്രാപ്രദേശിലെ ശ്രീ സിറ്റിയിൽനിന്നെത്തിച്ച മെട്രോ കോച്ചുകൾ മെട്രോ വണ്ടിയുടെ ഡിപ്പോയിൽ പരിശോധിച്ചു. ബ്രേക്കുകളുടെ പ്രവർത്തനം, വെന്റിലേഷൻ, എയർകണ്ടീഷനിങ് ഉൾപ്പെടെയുള്ള മറ്റുസംവിധാനങ്ങളും പരിശോധിച്ചു.

ചെന്നൈ : മൂന്നുകോച്ചുകളടങ്ങിയ ഡ്രൈവറില്ലാ മെട്രോ തീവണ്ടിയുടെ പരീക്ഷണയോട്ടം ഒക്ടോബർ 26-ന് നടത്തിയേക്കും. പൂനമല്...

23/10/2024

ചെന്നൈ : മധ്യ ബംഗാൾഉൾക്കടലിൽ രൂപംകൊണ്ട ന്യൂനമർദം ബുധനാഴ്ച ചുഴലിക്കാറ്റായി മാറാൻ സാധ്യതയുള്ളതിനാൽ ദക്ഷിണറെയിൽവേ ഒഡിഷ, പശ്ചിമ ബംഗാൾ, ബിഹാർ, അസം തുടങ്ങിയ സംസ്ഥാനങ്ങളിലേക്ക് ബുധൻ, വ്യാഴം, ശനി എന്നീ ദിവസങ്ങളിൽ പുറപ്പെടുന്ന 28 തീവണ്ടികൾ റദ്ദാക്കി. തമിഴ്‌നാട്, പുതുച്ചേരി, കർണാടക, കേരളം എന്നിവിടങ്ങളിൽനിന്ന് ഹൗറ, സാന്ദ്രഗച്ചി, ദർഭംഗ, പട്ന, ഖരഗ്പുർ, ഗുവാഹാട്ടി തുടങ്ങിയ സ്ഥലങ്ങളിലേക്കുള്ള വണ്ടികളാണ് മുൻകരുതലെന്ന നിലയിൽ റദ്ദാക്കിയത്.

ചെന്നൈ : മധ്യ ബംഗാൾഉൾക്കടലിൽ രൂപംകൊണ്ട ന്യൂനമർദം ബുധനാഴ്ച ചുഴലിക്കാറ്റായി മാറാൻ സാധ്യതയുള്ളതിനാൽ ദക്ഷിണറെയി....

23/10/2024

ചെന്നൈ : ചെന്നൈ കോർപ്പറേഷന്റെ വിവിധയിടങ്ങളിൽ ബുധനാഴ്ച കുടിവെള്ളവിതരണം മുടങ്ങുമെന്ന് ജലവിതരണ അതോറിറ്റി അധികൃതർ അറിയിച്ചു. മെട്രോ റെയിൽവേയുടെ ഭൂഗർഭപാത നിർമിക്കാനായി പൈപ്പ് ലൈനിൽ അറ്റകുറ്റപ്പണി നടക്കുന്നതിനാലാണിത്. പുരസൈവാക്കം ഹൈവേയിൽ മെട്രോ വാട്ടർ പൈപ്പ് ലൈൻ വിച്ഛേദിക്കുന്നതിനാൽ തണ്ടയാർപ്പേട്ട, പുരസവാക്കം, പെരിയമേട്, എഗ്‌മോർ, ചിന്താദിരിപ്പേട്ട, ഒട്ടേരി, സെബിയം, കീൽപ്പാക്കം, വില്ലിവാക്കം, ട്രിപ്ലിക്കേൻ തുടങ്ങിയ സ്ഥലങ്ങളിൽ ബുധനാഴ്ച രാവിലെ എട്ട് മുതൽ രാത്രി എട്ട് വരെ കുടിവെള്ള വിതരണം മുടങ്ങുമെന്നും ജലവിതരണ അതോറിറ്റി അറിയിച്ചു.

ചെന്നൈ : ചെന്നൈ കോർപ്പറേഷന്റെ വിവിധയിടങ്ങളിൽ ബുധനാഴ്ച കുടിവെള്ളവിതരണം മുടങ്ങുമെന്ന് ജലവിതരണ അതോറിറ്റി അധികൃ....