MOTOR

05/11/2025

ஹூண்டாய் வென்யூ N-line எஸ்யூவி விற்பனைக்கு வெளியானது

இந்திய சந்தையில் வெளியிடப்பட்டுள்ள புதிய தலைமுறை 2026 வென்யூ N-Line இந்திய காம்பேக்ட் எஸ்யூவி சந்தையில் சற்று ஸ்போர்ட்டிவான அனுபவத்தை வழங்கும் நோக்கில் ரூ.10.55 லட்சம் முதல் ரூ.15.48 லட்சம் வரை விலை நிர்ணயம் செய்யப்பட்டு, மேம்பட்ட பாதுகாப்பு, ஸ்டைலிஷ் டிசைன், ADAS Level 2 டெக் ஆகியவை போட்டியாளர்களிம் இருந்து தனித்துவமாக்குகின்றன.

Venue N-line சிறப்பம்சங்கள்

வழக்கமான வென்யூ மாடலை விட வேறுபட்டதாக அமைந்துள்ள வெனியூ என்-லைனில் வெளிப்புறத்தில் சிவப்பு நிறம் சேர்க்கப்பட்டுள்ளது. முன்புறத்தில் சிவப்பு நிறத்துடன் கூடிய ஸ்போர்ட் ஸ்கிட் பிளேட் அமைக்கப்பட்டுள்ளது. N Line பேட்ஜிங், R17 டைமண்ட் கட் அலாய் வீல்கள் மற்றும் ரெட் நிற பிரேக் காலிபர்கள் இதன் ஸ்போர்ட் தோற்றத்தை வலுப்படுத்துகின்றன.

இன்டீரியர் அமைப்பில் முழுமையான கருமை நிற கேபினை பெற்று ஹூண்டாயின் லோகோவிற்கு பதிலாக என்-லைன் தரப்பட்டு கருப்பு மற்றும் சிவப்பு கலவையுடன் கூடிய இன்டீரியர், N-லோகோ கொண்ட ஸ்போர்டிவான இருக்கைகள், லெதரெட்டை மேற்புறம் மற்றும் N-Line ஸ்டீயரிங் வீல் ஆகியவை வாகனத்தின் ஸ்போர்ட்டிவ் உணர்வை கூட்டுகின்றன.

12.3-இன்ச் முழுமையான டிஜிட்டல் இன்ஃபோடெயின்மென்ட் மற்றும் கிளஸ்ட்டர் திரைகள், வயர்லெஸ் ஆப்பிள் கார் பிளே மற்றும் ஆண்ட்ராய்டு ஆட்டோ இணைப்பு, Over-the-Air (OTA) அப்டேட், ஆம்பியன்ட் லைட்டிங் மற்றும் ஹூண்டாயின் ப்ளூலிங்க் கனெக்டிவிட்டி உள்ளிட்ட பல நவீன தொழில்நுட்ப அம்சங்களும் இணைக்கப்பட்டுள்ளன. SDV சார்ந்த மேம்பாடுகளை பெற்றதாக அமைந்துள்ள முதல் காம்பேக்ட் எஸ்யூவி ஆகும்.

கவர்ச்சிகரமான 8 நிறங்களிள் கிடைக்கிறது. அடிப்படையான பாதுகாப்பில் N Lineல் 6 ஏர்பேக்குகள், எலக்ட்ரானிக் ஸ்டேபிலிட்டி கன்ட்ரோல் (ESC), ஹில்-அசிஸ்ட் கன்ட்ரோல் மற்றும் டயர் பிரஷர் மானிட்டர் உள்ள நிலையில் மேம்பட்ட பாதுகாப்பில் Level 2 ADAS தொழில்நுட்பத்துடன் வருகிறது, இதில் முன்னோக்கி மோதல் தவிர்ப்பு, லேன் கீப் அசிஸ்ட், ஓட்டுநர் கவனம் திசை திரும்பினால் எச்சரிக்கை, தகவமைப்பு பயணக் கட்டுப்பாடு மற்றும் 360-டிகிரி கேமரா மானிட்டர் போன்ற கூடுதல் பாதுகாப்பு அம்சங்களும் வழங்கப்பட்டுள்ளன.

வழக்கமான மாடலை விட மிகவும் வேறுபட்ட சஸ்பென்ஷனை பெற்றுள்ள வென்யூ என்-லைன் சிறப்பான ரைடிங் அனுபவத்தை வழங்கும் வகையில் அமைந்துள்ளது.

புதிய Venue N Line எஸ்யூவி மாடலில் ஒற்றை 1.0 லிட்டர் டர்போ GDi பெட்ரோல் என்ஜின் வழங்கப்பட்டு 120 PS பவர் மற்றும் 172 Nm டார்க் வெளிப்படுத்தும் நிலையில் கியர்பாக்ஸ் ஆப்ஷனில் முறையே 6-ஸ்பீடு மேனுவல் மற்றும் 7-ஸ்பீடு DCT (Dual Clutch Transmission) இரண்டும் வழங்கப்படும் நிலையில் ஸ்போர்ட்டிவ் சஸ்பென்ஷன் மற்றும் இரட்டை எக்ஸாஸ்ட் ஆகியவை கொண்டுள்ளது.

டர்போ பெட்ரோல் மேனுவல் மைலேஜ் லிட்டருக்கு 18.74 கிமீ மற்றும் ஆட்டோமேட்டிக் 20 கிமீ வரை லிட்டருக்கு கிடைக்கும்.

05/11/2025

Happy Gurunanak Jayanti

02/11/2025

The much awaited *Sierra* - *Return of the Legend*...

01/11/2025

01/11/2025

சென்னை ஃபோர்டு ஆலையில் என்ஜின் உற்பத்திக்கு ரூ.3,250 கோடி முதலீடு

தமிழ்நாட்டில் அமைந்துள்ள ஃபோர்டு ஆலையை மீண்டும் உற்பத்திக்கு கொண்டு வரும் நடவடிக்கையில் முதற்கட்டமாக அடுத்த தலைமுறை என்ஜின் உற்பத்திக்கு சுமார் ரூபாய் 3,250 கோடி முதலீடு திட்டத்தை அதிகாரப்பூர்வமாக அறிவிக்கப்பட்டுள்ள நிலையில், நேரடியாக 600 நபர்களுக்கு வேலை கிடைக்கும் என உறுதிப்படுத்தப்பட்டுள்ளது. செப்டம்பர் 2024ல் கையெழுத்திடப்பட்ட விருப்பக் கடிதத்தின் அடிப்படையில், நிறுவனத்தின் பிரதிநிதிகள் மற்றும் தமிழ்நாடு அரசு ஃபோர்டு திட்டங்களுக்கு இந்தியாவின் "உற்பத்தித் திறனை" பயன்படுத்துவதற்கான முயற்சியாக புரிந்துணர்வு ஒப்பந்தத்தில் (MoU) கையெழுத்திட்டனர். மூத்த நிறுவன நிர்வாகிகள் நவம்பர் 31ம் தேதி முதல்வர் திரு. மு.க. ஸ்டாலினை சந்தித்தனர். இந்த ஆலை ஆண்டுக்கு 2,35,000 யூனிட் தயாரிப்பு திறனை கொண்டிருக்கும் என்றும் 2029-ல் உற்பத்தியைத் தொடங்கும் என எதிர்பார்க்கப்படுகிறது.

ஃபோர்டு இந்தியாவின் தற்போதைய உற்பத்தி உள்கட்டமைப்பை பயன்படுத்தி அடுத்த தலைமுறை என்ஜினை உற்பத்தி செய்து முதற்கட்டமாக ஏற்றுமதிக்கு திட்டமிடப்பட்டுள்ளது. "எங்கள் திட்டங்களை மேம்படுத்துவதற்கும், ஃபோர்டின் உற்பத்தி மையங்களில் சென்னை ஆலையின் முக்கிய பங்கை உறுதிப்படுத்துவதற்கும் நாங்கள் மகிழ்ச்சியடைகிறோம்," என்று ஃபோர்டு மோட்டார் நிறுவனத்தின் சர்வதேச சந்தைக் குழுவின் தலைவர் ஜெஃப் மாரென்டிக் கூறினார்.



"இந்தத் திட்டங்களை நாங்கள் முன்னெடுத்துச் செல்லும்போது தமிழ்நாடு அரசாங்கம் தொடர்ந்து அளித்து வரும் ஆதரவிற்கு நாங்கள் நன்றி கூறுகிறோம். இந்த முடிவு எதிர்கால தயாரிப்புகளுக்கு இந்தியாவின் உற்பத்தித் திறனை மேம்படுத்துவதற்கான எங்கள் உறுதிப்பாட்டை வலுப்படுத்துகிறது," என்று அவர் கூறினார்.

சென்னை ஆலை உற்பத்தி இயந்திரங்கள் மற்றும் ஏற்றுமதி சந்தைகள் பற்றிய விவரங்கள் உற்பத்திக்கு முன்பாக பகிரப்படும் என தெரிவிக்கப்பட்டுள்ளது.

28/10/2025

18% உயா்ந்த பயணிகள் வாகன ஏற்றுமதி

இந்தியாவிலிருந்து பயணிகள் வாகன ஏற்றுமதி கடந்த ஏப்ரல்-செப்டம்பா் காலகட்டத்தில் 18 சதவீதம் உயா்ந்துள்ளது. மாருதி சுஸுகி நிறுவனம் 2 லட்சத்திற்கும் மேற்பட்ட வாகனங்களை ஏற்றுமதி செய்து இந்தப் பிரிவில் முன்னிலை வகிக்கிறது.

இது குறித்து இந்திய ஆட்டோமொபைல் உற்பத்தியாளா்கள் சங்கம் (சியாம்) வெளியிட்டுள்ள அறிக்கையில் தெரிவிக்கப்பட்டுள்ளதாவது: நடப்பு 2025-26-ஆம் நிதியாண்டின் முதல் பாதியில் மொத்த பயணிகள் வாகன ஏற்றுமதி 4,45,884-ஆக உள்ளது. முந்தைய 2024-25-ஆம் நிதியாண்டின் இதே காலத்தில் இது 3,76,679-ஆக இருந்தது. அதனுடன் ஒப்பிடுகையில் தற்போது நாட்டின் பயணிகள் வாகன ஏற்றுமதி 18.4 சதவீதம் உயா்ந்துள்ளது.

மதிப்பீட்டு காலகட்டத்தில் பயணிகள் காா்களின் ஏற்றுமதி 2,05,091-லிருந்து 12 சதவீதம் உயா்ந்து 2,29,281-ஆக உள்ளது. பயன்பாட்டு வாகனங்களின் ஏற்றுமதி 26 சதவீதம் உயா்ந்து 2,11,373-ஆகவும் வேன்களின் ஏற்றுமதி 36.5 சதவீதம் உயா்ந்து 5,230-ஆகவும் உள்ளது.

கடந்த ஏப்ரல்-செப்டம்பா் காலகட்டத்தில் மாருதி சுஸுகியின் ஏற்றுமதி 1,47,063-லிருந்து 40 சதவீதம் உயா்ந்து 2,05,763-ஆக உள்ளது. கடந்த நிதியாண்டின் முதல் ஆறு மாதங்களில் 84,900-ஆக இருந்த ஹூண்டாய் மோட்டாா் இந்தியாவின் பயணிகள் வாகன ஏற்றுமதி 17 சதவீதம் உயா்ந்து 99,540-ஆக உள்ளது. அதே போல் 33,059-ஆக இருந்த நிஸான் மோட்டாா் இந்தியாவின் ஏற்றுமதி 37,605-ஆக அதிகரித்துள்ளது.

மதிப்பீட்டு காலகட்டத்தில் போக்ஸ்வேகன் இந்தியா 28,011 வாகனங்கள், டயோட்டா கிா்லோஸ்கா் மோட்டாா் 18,880 வாகனங்கள், கியா இந்தியா 13,666 வாகனங்கள், ஹோண்டா காா்ஸ் இந்தியா 13,243 வாகனங்களை ஏற்றுமதி செய்துள்ளன என்று அந்த அறிக்கையில் குறிப்பிடப்பட்டுள்ளது.

28/10/2025

சிஎன்ஜி ஆப்ஷனில் வெளியான கியா காரன்ஸ் எம்பிவி சிறப்புகள்

இந்தியாவில் மைலேஜ் சார்ந்த தேவைகளை பூர்த்தி செய்ய சிஎன்ஜி தேர்வு மிக சிறப்பானதாக உள்ள நிலையில், கியா நிறுவனமும் தனது காரன்ஸ் எம்பிவி காரில் டீலர்கள் மூலம் ஆப்ஷனலாக பொருத்தி தர உள்ளது.

பழைய கேரன்ஸில் மட்டுமே கிடைக்கின்ற நிலையில், புதிய கேரன்ஸ் கிளாவிஸில் வழங்கப்படவில்லை.

Kia Carens CNG

அரசு அங்கீகரித்துள்ள Lovato நிறுவனத்திடம் இருந்து பெறப்பட்டு டீலர்கள் வாயிலாக பொருத்தி தரப்பட உள்ள சிஎன்ஜி கிட்டின் விலை 77,900 ரூபாய் ஆக நிர்ணயம் செய்யப்பட்டுள்ளது. இதற்கான வாரண்டி 3 வருடம் அல்லது 1,00,000 கிமீ வரை வழங்கப்படும் நிலையில், சிஎன்ஜி வேரியண்டின் மைலேஜ், பவர் மற்றும் டார்க் தொடர்பான விபரங்கள் வெளியிடப்படவில்லை.

பெட்ரோல் & டீசல் என இரு ஆப்ஷனிலும் கிடைக்கின்ற கேரன்ஸில் 6 ஏர்பேக்குகள், ABS உடன் EBD, அனைத்து வீல்களிலும் டிஸ்க் பிரேக், TPMS, ISOFIX இருக்கைகள் உள்ளன.

Kia Carens CNG price - ₹ 11.77 லட்சம்

26/10/2025

Glad to share our October, 2025 issue with you.

கீழே இருக்கும் லிங்க்கை கிளிக் செய்து இம்மாத மோட்டார் இதழை படிக்க வேண்டுகிறோம்

Please click on the link to browse our digital edition

https://motormagazine.in/wp-content/uploads/2025/10/Motor_October_2025.pdf

25/10/2025

Toyota Kirloskar Motor Launches the Urban Cruiser Hyryder Aero Edition with Exclusive Styling Package

Toyota Kirloskar Motor (TKM) today unveiled the Urban Cruiser Hyryder Aero Edition, a Limited-Edition styling package that brings an added dimension of prestige and premium appeal to Toyota’s popular SUV. Designed to elevate Hyryder’s on road presence, the Aero Edition blends bold aesthetics with refined detailing to meet the aspirations of customers who seek sophistication, individuality, and modern comfort.

Since its launch in 2022, the Urban Cruiser Hyryder has rapidly gained popularity among Indian SUV buyers, recently surpassing the 168,000-unit sales milestone. Building on Toyota’s renowned global SUV legacy, the Hyryder combines bold and sophisticated styling with advanced technology, making it a preferred choice for discerning customers. With the addition of the new thoughtfully crafted accessories, the exclusive edition further enhances the SUV’s signature elegance, making it truly distinctive on the road. The Aero Edition comes in four colour options – White, Silver, Black, and Red.

The Urban Cruiser Hyryder is attractively priced from Rs.10.94 lakh onwards (ex-showroom).

25/10/2025

22/10/2025

From cleaner drives to smarter energy choices, every innovation brings us closer to a sustainable future.

At Switch Mobility, we’re reimagining energy on wheels, one electric mile at a time. ⚡

22/10/2025

பண்டிகைக் காலம்: 1 லட்சத்தை கடந்த டாடா கார்கள் விற்பனை

நவராத்திரி முதல் தீபாவளி வரையிலான 30 நாட்களுக்குள் இந்த பண்டிகைக் காலத்தில் டாடா மோட்டார்ஸ் நிறுவனத்தின் பயணிகள் வாகன விற்பனை ஒரு லட்சத்தைக் கடந்துள்ளது.

இது கடந்த ஆண்டு இதே காலகட்டத்துடன் ஒப்பிடுகையில் 33 சதவீத வளர்ச்சியாகும்.

மதிப்பீட்டுக் காலகட்ட விற்பனையில் எஸ்யுவி வாகனங்கள் முன்னிலை வகித்தன. மின்சார வாகனங்களும் வலுவான வளர்ச்சியை பதிவு செய்தன. நெக்ஸான் 38,000-க்கும் மேற்பட்ட வாகனங்களை விற்பனை செய்து 73 சதவீத வளர்ச்சியையும், பஞ்ச் 32,000 வாகனங்களை விற்பனை செய்து 29 சதவீத வளர்ச்சியையும் பதிவு செய்தது.

இந்த காலகட்டத்தில் 10,000-க்கும் மேற்பட்ட மின்சார வாகனங்கள் விற்பனையாகி, 37 சதவீத வளர்ச்சியைக் கண்டன என்று அந்த அறிக்கையில் தெரிவிக்கப்பட்டுள்ளது.